‏اللهم ان أبي في ذمتك وكفالتك وضيافتك وما جزاء الضيف الا الكرم والإحسان وانت اهل الجود والكرم، اللهم اغفر له وارحمه وعافه واعف عنه ووسع مرقده وادخله فسيح جنتك، ربي أرحم فقيدي والدي و أبعثه مبتسم كما كان دائماً، اللهم أرحم من كان في الأرض طيب الذكر طاهر القلب وهب له بقدر دعاء الصالحين للأموات نعيماً و رضواناً و سروراً ولجميع موتى المسلمين يارب.

انا النفس متاعي طويل هلبا وصبري اطول منه، وقت نكون ماشي بجديات مع اي مخلوق مهما كان معبي سلبيات ديما عندي مرونة إني نتحملهم كلهم لن يصلح من نفسه،
في المقابل مافيش ولا مرة حد عطاني فرصة إني نصلح من نفسي معاه، وديما تكمل القصة بإني انا الشخص الاخخي، مع إني كنت نقدر نخليها تكمل قبل ويكونوا هما الشخص الاخخي في نهايتها مش انا، لكن ديما سابقيني

ما نقدرش نقول لانهم مش كويسين، حتى انا مش شخص كويس
لكن لان صبرهم ونفسهم مش طويل زيني، الحاجة هاذي تخليني نعرف إن في هلبا ناس في حياتي كانت تحبني بجديات، لكن ما كانش عندهم معاي الصبر

انا شخص باش تقعد معاه لازم تكون تعرف تصبرله، اكتر من إنك تحبه.

تبي معرفتي باش تهدرز بيها، مع إني قاعد ما وصلتش لهذاكا المكان، قاعد في البداية اللي لكن حتى هي بعيدة عليك، فا ما تنلامش.

هلبا وديما ما نبدلش في الgroup هكي ولا هكي مش اولوياتي، لكن ديما وهلبا ننظف في الzone باش تقعد الحدود واضحة.

من لما بدت الناس تحلل في تصرفات وكلام بعض، وانحطت معايير لكل شي حتى لجوك كيف مفروض يكون وشن مفروض تكون تعرف ومواكب

والحياة بدت مملة والناس كلهم نسخ من بعض، ومافيش حد حقيقي غير شوية الناس اللي تشوف فيهم قدم ومش جوك.

مهما كانت علاقتك بيا ومهما كنت مسكر معاك الدورة وواصل معاك لحاجات عالية هلبا، ديما عندي مكان نطلع منه ونخليك بروحك فيها، اول ما نحس إن بتجي عليا حتى بواحد في المية ضغط نفسي

أنا ديما ومية في المية حنرخي والرخية هاذي حتوجعك لأني نعرف نختار وقتها كويس.

في الدنيا هاذي ديما كان عندي أمل في شخص جديد فيا قاعد ما جاش وقته، مستني مني ثوبة حقيقية باش يطلع ويكمل اللي فاضلي منها.

⁣الصارحني
شوية ونسكروا

ربي أسألك نجاحًا عظيمًا في الدين والدنيا .

ديما في اسباب لتراجعك للمرتبة التانية عند حد، وكلهم يتفوتوا عادي، لانك حتى انت ماشي بظروف ومزاج وردود افعال على مواقف

لكن لما تعرف أو حتى تشك واحد في المية إن السبب بديل وبنادم تاني زيك زيه، خليك أصعب وحاجة ابعد من هكي عليه وعلى اي حد يديرلك هكي.

كنت وقاعد شخص ما يكرهش، لكن ديما عندي black list ما تفضاش
مش عداوات وبطبعي ما نشخصنش في المواضيع، لكن اغلب اللي فيها ناس ما ارتحتش لوجوههم.

„مافيش نوم تشوف العيون كيف فاقت“.

when mayan said:

„لو وصلت حنرجعلك
ولو قعدت تايهة مش حنرجع ونفسدلك حياتك“.

مافيش حد ما يحاربش على خاطر أحلامه
لكن لو قاعد تحارب في أشخاص على خاطرهم، فا راجع نفسك، وراجع الحدود اللي حطيتها قبل ما تبدأ، لأن مافيش أحلام تتحقق عن طريق حد ولا حد يقدر يأثر عليها، باش حتى تحاربه
ولو قدر فا أنت اللي خليته يقدر، فا راجع نفسك.

في هلبا أشخاص ما نسيتهمش مش لأهميتهم ومش لأني حد ضعيف، مش مضطر نفقد الذاكرة باش نثبتلك إنك مش مهم وإني قوي، فكرة إني متفكرك ومش فارق معاي هي اللي فيها الجو كله.

لازم نرضوا بفكرة إن الحاجة المملة في كل شي، هي اللي حتفيدنا، مش كلنا مكتوبلنا تجتمع فايدتنا ومتعتنا في حاجة واحدة.

there is lie in believe.

افضل شخص في حياتي
كل عيد نفس الشخص اللي نستاحش فيه اضعاف ما نستاحش فيه في الايام العادية، نفس الفراغ ونفس الاحتياج، الشخص اللي كان يقدر يخليلي أيامي كلها عيد، واللي وجوده كان حيخليني شخص افضل من هكي، اللي يعطي حب الدنيا كلها ومش مشروط، 15 العيد وكل سنة وخير حياتي كلها تحت التراب
عيدك في الجنة يارب.