﴾﷽﴿

🌹 #تجمع_أحباب_الزهراء🌹

#قصائد_محرم 1447 هـ

ــــــــــــــــ❀○•○•○☆○•○•○❀ــــــــــــــــ


واويلاه ماتت رقيه بالغرب
واويلاه مهظومه مكسورة گلب
طفله ماتت عالنحر
مارحم بيها الدهر
.........
يالعفتني بدار غربه
والغرب ماينحمل
وامنت عندي يتامه
من گبل لا تنچتل
خويه مالي لسان احچي
حايره ودمعي يهل
حرگو خيامك وماتت
تدري چم طفله وطفل
واويلاه شفت المخيم يحترگ
واويلاه شفت اليتامه تنسحگ
عيلتك شافت قهر
ما رحم بيها الدهر
...........
لوعن گلبي بناتك
ياهي منهن ابتدي
وحده نص الليل ضاعت
وآنه حرمه الوحدي
وحده نص الدرب طاحت
والشمر بينه ايحدي
وحده صاحت بالخرابه
هسه اريدن والدي
واويلا بعالم الرؤيا شافتك
واويلا بالدم خضيبه شيبتك
هاك اخذ مني الخبر
مارحم بيها الدهر
...........
فزت وگامت تنادي
هنا يزينب عمتي
وين راح حسين ابويه
هسه شفتي بنومتي
چان يمسح بيد راسي
وبيد يمسح دمعتي
يا رقيه اشلونچ يگلي
وينوح الحالتي
وايلا لحالة رقيه اتألمت
واويلاه والطم على وجهي گمت
جرحي للطفله كبر
مارحم بيها الدهر
.........
من سمع طاغي زمانه
للعبيد انطه الامر
ودو الها راس ابوها
خل تشوفه وتستقر
شاهدت بالطشت راسك
صاحت بصوت الصبر
ليش گطعو راس ابويه
ويتموني من الزغر
واويلاه طفله وتحاچيك بعتب
واويلاه ما تسأل اعليه شعجب
لاحت اشباح القدر
مارحم بيها الدهر
......
طفله مشتاگه لبوها
بذاكه حالك شافتك
من كثر شوگ الگلب
بثنين اديها شبگتك
اتقبل جبينك يخويه
وبوريدك شمتك
حركت طفلتك بيدي
لنها ميته طفلتك
واويلاه يبن البتول الزاكيه
واويلاه ماتت رقيه الغاليه
ياگلبها شگد صبر
مارحم بيها الدهر
.......
صحت يا هالناس غسلو
الطفله من گبل الدفن
ولن المغسله تنادي
يختي يا ام الحزن
من مرض ماتت وخوفي
بمرض هالطفله امتحن
شوفي اثار البديها
وشوفي اثار المتن
واويلاه هالطفله وياي انسبت
ويويلاه بضرب السياط اتعذبت
وفوگ المتون الاثر
مارحم بيها الدهر

الشاعر كرار حسين الكربلائي

🌹تجمع أحباب الزهراء عليها السلام🌹

نتشرف بنضمامكم إلى مجموعاتنا على حب الشفيعة فاطمة الزهراء «؏» ✋🏻
◀️ القناة الخاصة لنشر القصائد الحسينية مع الألحان
⤵️⤵️⤵️
https://www.tg-me.com/AADOHBYKLP
◀️ قناة: النعى والأبوذيات الحسينية مع الألحان
⤵️⤵️⤵️
https://www.tg-me.com/AAADOHYKLP
◀️ قناة مجالس:🌹تجمع أحباب الزهراء🌹
⤵️⤵️⤵️
https://www.tg-me.com/AADOHBYKLPP
◀️ قناة مواليد وأفراح أهل البيت ( ؏ ) مع الألحان
⤵️⤵️⤵️
https://www.tg-me.com/AADOHHYKLP
قناة المنشورات الخاصة بالتجمع
⤵️⤵️⤵️
محزن قصائد 🌹تجمع أحباب الزهراء🌹

https://www.tg-me.com/AADOOHBYKLP
#ڪروب: 🌹تجمع أحباب الزهراء🌹
⤵️⤵️⤵️

اهلا بكم في مجموعة أحباب الزهراء؏
قوانين المجموعه⬇️
1-المجموعه تختص بالشعائر الحسينيه وتلحين القصائد والاهتمام  بالمنشورات الدينيه والأخلاقيه
2-ممنوع الدردشه داخل المجموعه
3-ممنوع الدخول على الأخوات
4-ممنوع نشر الروابط✋🏻

https://www.tg-me.com/+3bRSSS7SLd42Mjcy

بصوت. مسلم المطيري

واويلاه. ماتت رقيه بالغرب


كلمات الشاعر
كرار حسين الكربلائي

﴾﷽﴿

🌹 #تجمع_أحباب_الزهراء🌹

#قصائد_محرم 1447 هـ

ــــــــــــــــ❀○•○•○☆○•○•○❀ــــــــــــــــ


استشهاد الزهراء عليها السلام

چف الظِــــلاّم ……… سل الصمصام
……… اكثـر من نــار الطبره ………
……… بسمار او نار وسطره ………
هـــــاي الآلام ……… هــــــاي الآلام

إلك يا السامع ارويلك خبـر يِحــــزِن
اخبرك يالمحب عن فاجعة محســن
فِجَع هذا الأمر كـــل الانس والجــن
يِهِل لجله الدمع لو يِسْمَعَه المؤمـــن

گوم الاشرار ……… هجموا عالدار
……… زمره وراووها الزهره ………
……… بسمار ونـار وسطــره ………
هـــاي الآلام ……… هـــــاي الآلام

جريمه والمنفـــذ مـــو خفـــي معلـوم
بيــــن الاول وثانــــي الأدلـــه تحــوم
جِمَع وين النذل والناصبــي ومسمـوم
على باب الوصي خله حطب مضروم

شبوها النـــــار ……… زمرة فجــــار
……… ناتج هالهجمه القذره ………
……… بسمار ونار وسطـــره ………
هـــــاي الآلام ……… هــــــاي الآلام

بعد يا السامع أكـــثر إسمــع وأنظــــر
شاهــد هــــذا واقعهـم اساس الشـــر
امس گالوا محمـــد بالحچـي يهجـــر
نفسهم چَتِفــَـوا إيـــد الوصي حيــدر

وصّى المختــار ……… بعده الكـــرار
……… والهادي وصّى وأدرى ………
……… بسمار ونار وسطـره ………
هـــــاي الآلام ……… هــــــاي الآلام

الضّحيه من أذى الغـــاره أعـز اثنيـن
محسن والزچيه ام الحسـن وحسين
حليف الشــر ضِرَم بالفاجعــه ناريــن
نــــار الباب ونـــار ابطيحت النورين

صاب البسمـار ……… أم الاطهـــــار
……… نحسب يا محنه المُرَّه ………
……… بسمار ونـــار وسطـره ………
هـــــاي الآلام ……… هـــــــاي الآلام

أشد يوم اعله حيدر شاهَدَه بعمــره
فلا ينســـى مصيبــة فاطمه الزهره
يشوف النـــار تلهـب داره مستعــره
لچـن أمـر الوصيـــه هـذا لمصبـــره

حيـدر مالــوم ……… أمر ومحتــوم
……… أمر القيوم او گدره ………
……… بسمار ونار وسطره ………
هـــــاي الآلام ……… هــــــاي الآلام

محسن للحشر ثـــاره يظل موجود
وثار الزهره يطلب بيهـــن الموعود
يِسِل بَتـّــاره ولهــذا الوكت مريـود
يبدي من الضلع لفعال آل سعــود

من يوم الباب …… يحسب لحساب
……… ياخذ ثار ام العتـره ………
……… بسمار ونار وسطره ………
هـــــاي الآلام ……… هـــــاي الآلام

كلمات عمار الراشدي

🌹تجمع أحباب الزهراء عليها السلام🌹

نتشرف بنضمامكم إلى مجموعاتنا على حب الشفيعة فاطمة الزهراء «؏» ✋🏻
◀️ القناة الخاصة لنشر القصائد الحسينية مع الألحان
⤵️⤵️⤵️
https://www.tg-me.com/AADOHBYKLP
◀️ قناة: النعى والأبوذيات الحسينية مع الألحان
⤵️⤵️⤵️
https://www.tg-me.com/AAADOHYKLP
◀️ قناة مجالس:🌹تجمع أحباب الزهراء🌹
⤵️⤵️⤵️
https://www.tg-me.com/AADOHBYKLPP
◀️ قناة مواليد وأفراح أهل البيت ( ؏ ) مع الألحان
⤵️⤵️⤵️
https://www.tg-me.com/AADOHHYKLP
قناة المنشورات الخاصة بالتجمع
⤵️⤵️⤵️
محزن قصائد 🌹تجمع أحباب الزهراء🌹

https://www.tg-me.com/AADOOHBYKLP
#ڪروب: 🌹تجمع أحباب الزهراء🌹
⤵️⤵️⤵️

اهلا بكم في مجموعة أحباب الزهراء؏
قوانين المجموعه⬇️
1-المجموعه تختص بالشعائر الحسينيه وتلحين القصائد والاهتمام  بالمنشورات الدينيه والأخلاقيه
2-ممنوع الدردشه داخل المجموعه
3-ممنوع الدخول على الأخوات
4-ممنوع نشر الروابط✋🏻

https://www.tg-me.com/+3bRSSS7SLd42Mjcy

بصوت. مسلم المطيري

چف الظلام. سل الصمصام


كلمات الشاعر
عمار الراشدي

﴾﷽﴿

🌹 #تجمع_أحباب_الزهراء🌹

#قصائد_محرم 1447 هـ

ــــــــــــــــ❀○•○•○☆○•○•○❀ــــــــــــــــ



فاطم •• مولاتي و نعم
فاطم •• يا محله الاسم
فاطم •• صدري اعاللطم
يا زهراء •• يا زهراء

……………………………………………………………


يا هو مثلي وانا خادم • لم حسن مولاتي
وبأسمها اكتاب عـمري • الـراح ويه الآتي
امي ربتني اعل حبها • و مخلص الترباتي
وقتي اذا مابيه ذكرها • تبجي دم ساعاتي

يومي •• المابيه ام حسن
يومي •• موش امن الزمن
يومي •• اهتف و بغدن
يا زهراء •• يا زهراء

……………………………………………………………


مثل حب الحنطه باجر • كلنه يم بارينه
وتجي فاطم تلتقطها • الحبه بـس الزينه
و اكو ناس اتكله ربي • ذوله شين اعلينه
هذا ما لاطم ابصدره • ولا بچالي ابعينه

يارب •• وياها انحسب
يارب •• و لجنتها اطب
يارب •• واصرخ وانتحب
يا زهراء •• يا زهراء

……………………………………………………………


لا لطم يوفيها حقها • و لا توافـي ادمـوعي
لو ردت فعلا اواسي • كـون اكسـر اضـلوعي
اثمنطعش شمعه فدتها • حتى تضوي شموعي
اتحملت جوع وقساوه • حتـى تشـبع جـوعي

لازم •• افديلج عمر
لازم •• احييلج ذكر
لازم •• لعدائج نحر
يا زهراء •• يا زهراء

……………………………………………………………


ادري يا زهراء و اجزم • جدن اتحبّيني
لان لقراية عزيزج • يم حسن جـبتيني
انا ميت بالمعاصي • وانتي الاحييتيني
انتي امي المانستي • وخيرج امغطيني

عمري •• سوويتيه مجد
عمري •• بستان و ورد
عمري •• بحـروفج ارد
يا زهراء •• يا زهراء

……………………………………………………………


وعد وبدمي يفاطم • اكتب انا احروفه
للقيامه حسين ابنج • ابد لا مـا اعـوفه
خادم البتج الراحت • عل هزل مجتوفه
وللبگن نيشان خوه • على الشاطي اجفوفه

خادم •• اتنومس اضل
خادم •• من فضه المثل
خادم •• وشمهما حصل
يا زهراء •• يا زهراء

……………………………………………………………


وبحديث الباب ابدن • ما هبت عدواني
و بلعنهم كل فريضه • عـوّديت السـاني
ابهل قضيه صرت اقيسن • واختبر صحباني
الصحبة صحبة دين ثابت • مو ضحك صبياني

رافض •• كل صاحب رضه
رافض •• ناس الغامضه
رافض •• تحيا الرافضه
يا زهراء •• يا زهراء

✍️ ( سيد خضر الزاملي )

🌹تجمع أحباب الزهراء عليها السلام🌹

نتشرف بنضمامكم إلى مجموعاتنا على حب الشفيعة فاطمة الزهراء «؏» ✋🏻

◀️ القناة الخاصة لنشر القصائد الحسينية مع الألحان
⤵️⤵️⤵️
https://www.tg-me.com/AADOHBYKLP

◀️ قناة: النعى والأبوذيات الحسينية مع الألحان
⤵️⤵️⤵️
https://www.tg-me.com/AAADOHYKLP

◀️ قناة مجالس:🌹تجمع أحباب الزهراء🌹
⤵️⤵️⤵️

https://www.tg-me.com/AADOHBYKLPP

◀️ قناة مواليد وأفراح أهل البيت ( ؏ ) مع الألحان
⤵️⤵️⤵️

https://www.tg-me.com/AADOHHYKLP

#ڪروب: 🌹تجمع أحباب الزهراء🌹
⤵️⤵️⤵️

اهلا بكم في مجموعة أحباب الزهراء؏
قوانين المجموعه⬇️
1-المجموعه تختص بالشعائر الحسينيه وتلحين القصائد والاهتمام  بالمنشورات الدينيه والأخلاقيه
2-ممنوع الدردشه داخل المجموعه
3-ممنوع الدخول على الأخوات
4-ممنوع نشر الروابط✋🏻

https://www.tg-me.com/+3bRSSS7SLd42Mjcy

﴾﷽﴿

🌹 #تجمع_أحباب_الزهراء🌹

#قصائد_محرم 1447 هـ

ــــــــــــــــ❀○•○•○☆○•○•○❀ــــــــــــــــ

لاستشهاد فاطمة الزهراء عليها السلام (ملمع )

للوعة الزَّهْرَاءِ          لاينتهي بُكَائِيَّ
لِصَدعِها.   لضِلعِها   لِمَنْعِهَا.     لاينتهي بكائي

***
ياحسرتي يم الحسن    بياحال. ايامچ گضن
وسنين من عمرچ مضن عشرين اسف ماكملن    
بين الشدايد والمحن     اثمنطعش شمعه انطفن 

ياضيعة الايامِ.    بالدمع والآلامِ

لدَمِعَةٍ    لِلَوْعَةٍ     لِصَفْعَةٍ       لاينتهي بكائي

* 
ياهو المثلها منفجع         لامن اهل لامن جمع
ماضل گلب يحمل صدع   ذاب العمر حال الشمع
لادين عدهم لاشرع        ياذنب مكسورة ضلع

ذَابِلَةً  الاجفانِ       من شدة الاحزانِ
لنوحها.   لجنحِها     لجرحها.     لاينتهي بكائي

** 
يابدر ماهل واكتمل   شاف الشدايد واحتمل
عشرين مامر اووصل   عمر الورد لمن ذبل
يوم الابو عنها رحل    وسفه تولتها العلل

فكيف لاتبالي.       لفقد كل غالي
حزني لها. . لأجلها.     لقتلها      لاينتهي بكائي 

*** 
ابيت الحبيب المصطفى   سنة اهدعش نورانطفه
شذبل عطرها العاطفه    وليل الحزن مظلم لفه
يادهر    يلمالك  وفه     بأهل الرحم كلك  جفه

عمر مضى.  تعاني.      تودع الاماني
ياللاسى   دَهْرُّ قسى    طول المدى.   لاينتهي بكائي
***  
حتمأ يضل حيدر  يون    وأمسهد ابليل الحزن
بسيل المدامع من يحن  اغياب الحلم عن الجفن
وبليل موحش تندفن     إباله ماچان. ويظن

لِمَا دَهَى مَوْلاتِي   ابكي مدى حياتي
قلبي غدا.  رهن الاسى.      لما جرى.  لاينتهي بكائي

الشاعر حسن لعيبي الحريشاوي

🌹تجمع أحباب الزهراء عليها السلام🌹

نتشرف بنضمامكم إلى مجموعاتنا على حب الشفيعة فاطمة الزهراء «؏» ✋🏻

◀️ القناة الخاصة لنشر القصائد الحسينية مع الألحان
⤵️⤵️⤵️
https://www.tg-me.com/AADOHBYKLP

◀️ قناة: النعى والأبوذيات الحسينية مع الألحان
⤵️⤵️⤵️
https://www.tg-me.com/AAADOHYKLP

◀️ قناة مجالس:🌹تجمع أحباب الزهراء🌹
⤵️⤵️⤵️

https://www.tg-me.com/AADOHBYKLPP

◀️ قناة مواليد وأفراح أهل البيت ( ؏ ) مع الألحان
⤵️⤵️⤵️

https://www.tg-me.com/AADOHHYKLP

#ڪروب: 🌹تجمع أحباب الزهراء🌹
⤵️⤵️⤵️

اهلا بكم في مجموعة أحباب الزهراء؏
قوانين المجموعه⬇️
1-المجموعه تختص بالشعائر الحسينيه وتلحين القصائد والاهتمام  بالمنشورات الدينيه والأخلاقيه
2-ممنوع الدردشه داخل المجموعه
3-ممنوع الدخول على الأخوات
4-ممنوع نشر الروابط✋🏻

https://www.tg-me.com/+3bRSSS7SLd42Mjcy

﴾﷽﴿

🌹 #تجمع_أحباب_الزهراء🌹

#قصائد_محرم 1447 هـ

ــــــــــــــــ❀○•○•○☆○•○•○❀ــــــــــــــــ


#تراث

هاي دار النوايب عتبوها
وعلى حال العقيلة ناشدوها
لا خيم وتلوذ بيه .. .. .. لا زلم وتحن عليها
شلون بأمر اليتامه حيروها
هـاي دار النــوايب عتبـوها

ــــــــــــــــــــــــــــــــــــــ

صيحــو بالله وياي صيحــو يهلـدار الله أكبر
شصار بأهــلــچ خبرينه ويا فلـك وضعه تغير
ويا مصيبة امردت گلبچ وأثرت حسرات أكثر

بالدمـع خطتلي صــور
وتصورت كــل ما سدر
وشاهدت محنية حظر ... ... وبمصايبها أتعثر

والهضمها الدهر شيطح بديها
غيــر نخــوة گــرايبها و وليها
يالعلي والله ثجيله .. .. .. وگفت التل عالعقيلة
تصيح وين اخوتي وميجاوبها
هــــاي درا النـــوايب عتبــوها

ـــــــــــــــــــــــــــــــــــــ

شلون نزلة أنزلت زينب من عله التل مستحيره
لا گـــلــب لا روح عـــدهــا والتساندها البصيره
تصيح وين أهــل المحنه جيت ليكم مستجيره

وعلوم عندي مكدره
نار بخيمنه مــوجـره
فريت ليكم حــايــره ... ... والغرب باجر مسيره

يالمجاتيل وياهــو منكم حسين
ارد أبخ گلب اخويه بدمعة العين
بلچي دمعي يطفي ناره .. .. .. وينهض ايسويلي چاره
شلون بالي اهلها ضيعوها
هــاي دار النوايب عتبوها

ــــــــــــــــــــــــــــــــــــــ

گظت يم حسين شــوط من البچي وحـــالة ذهلها
انچان هذا حسين اخويه چثته عن راسه شفصلها
وعــگــب ما أيست منه همت الجـــســـم الكفــلهـا

چلچل الليل وحسبت
بالعـــــايلـه وما أمنت
وسترجعت وتراجعت ... ... تحرس عيالات أهلها

والحراسه الزلم تصعب عليها
وزينب بهالمسية شلــون بيها
حرمه مسبيه وغريبة .. .. .. وتحرس بالليلة رهيبة
وين حراس خدرها الدللوها
هـــاي دار النوايب عتبــوها

ــــــــــــــــــــــــــــــــــــــ

هــذا حــال الحــره زينب بالتزامــات الكفـــاله
وعالحرم وحدت الوحده لو اريد اشرح الحـاله
خــــاف گـــلــبــك ميتحمل ويتفـجــر بانفعاله

عگب الشهيد ومصرعه
ومن نايبات الفـــاجـعه
چم طفلة ظلت ضايعه ... ... من سبب سبية عياله

واليطيح بهضم يصعب منامه
ونامت من التعب بعض اليتامه
وسكنة من شدت وجدها .. .. ..  أتحسب بفاطمة وجدها
ليش ماحظروا لدفنت ابوها
هـــاي دار النــوايب عتبوها

ــــــــــــــــــــــــــــــــــــــ

بعالم الرؤية الطفلة ولن گمر من نــور تشهد
منحني ظهره ويلوح عله الگمر جدها محمد
فـــرت وفـــرفـر گبلها وجمر غربتها ايتواگد

شاطت لجدها وشبگته
وناشـدها عن ريحانته
صدت بعبـره ونادته ... ...من الگفه مذبوح ياجد

يجد ريتك لبويه تحــظــر امــره
يجد من جالت الخيل عله صدره
والمثلث مرد گلبه .. .. .. والرضيع بنحره حربه
يجد حتى الاطفال اذبحوها
هـــاي دار النــوايب عتبوها

ــــــــــــــــــــــــــــــــــــــ

مـــن الــســمـــاء الانبياء نـــزلـــت تواســـي نبينا
انفجعت بعظم المصيبة وصرخت بصرخه حزينه
گـــلـــب سيـــدنا ايتگــطـع كفي دمعـچ ياسكينه

وشلون اكف دمعي اليصب
وحسين مكـــسـور الگلب
ويشوف الأكبر عالترب ... ... بالسيوف مگطعينه

شلــــون شالوه عمامه بالميادين
شلون صارت نياحه بالصواوين
وليله من شافت ولدها .. .. ..  امگطع اتگطع چبدها
ومهجتي مثل الأكبر گطعوها
هـــاي دار النوايب عتــبــوها

الشاعر المرحوم
الحاج مهدي الأموي الكربلائي

#اللهم_عجل_لوليك_الفرج

🌹تجمع أحباب الزهراء عليها السلام🌹

نتشرف بنضمامكم إلى مجموعاتنا على حب الشفيعة فاطمة الزهراء «؏» ✋🏻
◀️ القناة الخاصة لنشر القصائد الحسينية مع الألحان
⤵️⤵️⤵️
https://www.tg-me.com/AADOHBYKLP
◀️ قناة: النعى والأبوذيات الحسينية مع الألحان
⤵️⤵️⤵️
https://www.tg-me.com/AAADOHYKLP
◀️ قناة مجالس:🌹تجمع أحباب الزهراء🌹
⤵️⤵️⤵️
https://www.tg-me.com/AADOHBYKLPP
◀️ قناة مواليد وأفراح أهل البيت ( ؏ ) مع الألحان
⤵️⤵️⤵️
https://www.tg-me.com/AADOHHYKLP
قناة المنشورات الخاصة بالتجمع
⤵️⤵️⤵️
محزن قصائد 🌹تجمع أحباب الزهراء🌹

https://www.tg-me.com/AADOOHBYKLP
#ڪروب: 🌹تجمع أحباب الزهراء🌹
⤵️⤵️⤵️

اهلا بكم في مجموعة أحباب الزهراء؏
قوانين المجموعه⬇️
1-المجموعه تختص بالشعائر الحسينيه وتلحين القصائد والاهتمام  بالمنشورات الدينيه والأخلاقيه
2-ممنوع الدردشه داخل المجموعه
3-ممنوع الدخول على الأخوات
4-ممنوع نشر الروابط✋🏻

https://www.tg-me.com/+3bRSSS7SLd42Mjcy

هاي دار النوايب عتبوها