ባለስልጣኑ ከከተማ አስተዳደሩ በተዋቀሩ የሱፐርቪዥን ቡድን አባላት በበጀት አመቱ ባከናወናቸው ተግባራት ላይ ድጋፍና ክትትል ተደረገለት።

(ሰኔ 21 ቀን 2017 ዓ.ም)በአዲስ አበባ ከተማ አስተዳደር የትምህርትና ስልጠና ጥራት ቁጥጥር ባለስልጣን ከከተማ አስተዳደሩ በተዋቀሩ የሱፐርቪዥን ቡድን አባላት በበጀት አመቱ ባከናወናቸው ተግባራት ላይ ድጋፍና ክትትል ተደረገለት። የሱፐርቪዥን ቡድን አባላቱ ባለስልጣኑ በ2017 ዓ.ም መሪ እቅድ፣በመልካም አስተዳደር፣ በአገልግሎት አሰጣጥና በቅንጅታዊ አሰራር እንዲሁም በፓርቲ ስራዎች ላይ የተከናወኑ ተግባራት ሪፖርት ቀርቦ ተመልክቷል፡፡

የሱፐርቪዥን ቡድን አባላት ባለስልጣኑ ያከናወናቸውን ተግባራት በመንግስትም ሆነ በፓርቲ ስራ ቀረበውን ሪፖርት መሰረት በማድረግ ሰነዶችን በጥልቀት የተመለከቱ ሲሆን ማብራሪያና ግልጽነት በሚያስፈልጋቸው ሀሳቦች ላይ ከባለስልጣኑ ከፍተኛ አመራሮች እንዲሁም ከሚመለከታቸው ዳይሬክተሮች ማብራሪያ ተሰጥቶበታል፡፡ የሱፐርቪዥን ቡድኑ አባላት የሰነዶችን መረጃ በጠልቀት ከተመለከቱ በኋላ አስተያየቶችን ሰጥተዋል፡፡በዚህም ባለስልጣኑ እያከናወነ ያለውን መልካም ተግባራት አጠናክሮ መሄድ እንዳለበት የጠቆሙ ሲሆን በክፍተት የታዩትን ማረም እንደሚገባ ጠቁመዋል፡፡ አያይዘውም የሱፐርቪዥኑ አላማ አቅም ለመገንባትና ችግሮችን ለመፍታት መሆኑን ገልጸዋል፡፡

ባለስልጣኑ የወርቃማ ሰኞ ማለዳ የማነቃቂያና የእውቀት ሽግግር መርሃ-ግብር አካሄደ፡፡
(ሰኔ 23 ቀን 2017 ዓ.ም)በአዲስ አበባ ከተማ አስተዳደር የትምህርት ስልጠና ጥራት ቁጥጥር ባለስልጣን የወርቃማ ሰኞ መርሃ-ግብር ተካሄደ፡፡
የትምህርት ስልጠና ጥራት ቁጥጥር ባለስልጣን የእውቅና ፍቃድ እድሳት ባለሙያ የሆኑት አቶ ግዛት መኮንን የአየር ንብረት ለውጥ በአዲስ አበባ ያመጣቸው ተዕፅኖ በሚል ርዕስ ጉዳይ የመማማሪያ ሰነድ አቅርበዋል፡፡
አቶ ግዛት እንደገለጹት በአዲስ አበባ ያለውን የተፈጥሮ ሃብት በአግባቡ በመጠቀም የአየር ንብረት ለውጥን መከላከል እንደሚቻል የገለጹ ሲሆን በከተማ ያለው የአየር ንብረት ለውጥ ለማስተካከል በአሁኑ ወቅት የሚሰሩት የአረንጓዴ ልማት ስራዎች እና የኮሪደር ልማት ስራዎች አበረታች ለውጥ በቀጣይ እንደሚያመጡ ተናግረዋል፡፡
የአየር ንብረት ለውጥ ለመከላከል አካባቢን መንከባከብ እንደሚገባ የተናገሩ ሲሆን በሰነዳቸው ላይም የተለያዩ አካባቢዎችን በምስል አሳይተው ለአየር ንብረት ያለውን ተፅዕኖ ማብራሪያ ሰጥተውበታል፡፡
አቶ ኢዘዲን ሙስባህ የትምህርትና ስልጠና ጥራት ቁጥጥር ባለስልጣን ዋና ስራ አስኪያጅ በመርሃ-ግብሩ ላይ ባስተላለፉት መልዕክት እንደገለጹት የተመረጠው የመወያያ ርዕስ ወቅታዊ መሆኑ ጥሩ ሲሆን በማብራሪያው ላይ እንደተገለጸው ችግኝ መትከል የአየር ንብረት ለውጥ ለማስተካከል እና ለልማት ስራዎች ከፍተኛ አስተዋጽኦ እንዳለው ገልጸዋል፡፡