#Yozgi_talabalar_festivali

Xonobodda yozgi talabalar festivali qizg‘in start oldi: yorqin lahzalar, yangi imkoniyatlar

Bugundan Andijon davlat chet tillari institutining Xonobod shahrida joylashgan "Turizm laboratoriyasi" hududida viloyatimizdagi oliy ta’lim muassasalarining faol va tashabbuskor talabalari ishtirokida “Yozgi talabalar festivali”ga start berildi.

Mazkur festival yoshlarning bo‘sh vaqtlarini mazmunli tashkil etish, ularning ijtimoiy faolligini oshirish, turli sohalarda salohiyatini namoyon qilish, shuningdek, talaba-yoshlar o‘rtasida do‘stlik va hamkorlikni mustahkamlashga xizmat qilmoqda.

Festival doirasida turli tanlovlar, sport musobaqalari, ijodiy chiqishlar, intellektual o‘yinlar, mahorat darslari va madaniy-ma’rifiy tadbirlar tashkil etilishi rejalashtirilgan. Talabalar o‘zlarining bilim va iste’dodlarini namoyon qilish bilan birga, yangi do‘stlar orttirish, tajriba almashish hamda faol hayot tarzini targ‘ib qilish imkoniyatiga ega bo‘ladilar.

#Dolzarb_90_kunlik #Yoshlar_oyligi

✴️ Andijon davlat universitetining rasmiy sahifalari👇
Veb-sayt 🌐 Telegram 🌐 Facebook 🌐 Instagram 🌐YouTube

🌟🌟🌟🌟🌟🌟🌟

“Dolzarb 90 kunlik”: talabalar o’rtasida kibersport chempionati o’tkazildi

Andijon viloyati oliy ta’lim muassasalari talabalari o‘rtasida o‘tkazilayotgan navbatdagi qiziqarli va dolzarb loyiha — “Talabalar Kibersport o‘yinlari” chempionati bo‘lib o‘tdi.

Mazkur kibersport turniri zamonaviy axborot texnologiyalari va raqamli savodxonlik bo‘yicha yoshlarning bilim va ko‘nikmalarini mustahkamlash, sog‘lom raqobat muhiti yaratish hamda kibersport madaniyatini ommalashtirishda muhim ahamiyat kasb etmoqda.

Turnirda Andijon davlat universiteti jamoasi ham faol ishtirok etib, o‘zlarining texnik salohiyati, tezkor fikrlashi va jamoaviy ruhda harakat qilish ko‘nikmalarini namoyon qilmoqda.

Musobaqada viloyatdagi turli oliy ta’lim muassasalaridan kelgan iqtidorli talabalar jamoalari qatnashib, mantiqiy tafakkur, strategik yondashuv va axborot texnologiyalaridan samarali foydalanish qobiliyatlarini sinovdan o‘tkazishmoqda.

#Dolzarb90kunlik #Yoshlaroyligi

✴️ Andijon davlat universitetining rasmiy sahifalari👇
Veb-sayt 🌐 Telegram 🌐 Facebook 🌐 Instagram 🌐YouTube