🌟🌟🌟🌟🌟🌟🌟

“Dolzarb 90 kunlik”: Yoshlarning bo‘sh vaqti mazmunli tashkil qilinmoqda

Andijon davlat universitetining O'zbekiston tarixi, Iqtisodiyot, O'zbek tilshunosligi hamda Geografiya kafedralari professor-o‘qituvchilari “Dolzarb 90 kunlik” loyihasi asosida yozgi ta’til davrida o‘quvchi va uyushmagan yoshlarning bo‘sh vaqtini mazmunli tashkil etish, ularning ijtimoiy faolligini oshirish maqsadida faol ish olib bormoqda. Tashabbus doirasida reja-jadvalga muvofiq viloyatning turli hududlarida uchrashuvlar tashkil etildi.

Xususan, kun davomida Xonobod shahri, Qo‘rg‘ontepa va Jalaquduq tumanlarida bo‘lib o‘tgan ochiq muloqotlarda o‘quvchilar bilan mazmunli suhbatlar o‘tkazildi. Professor-o‘qituvchilar yoshlarga kasb tanlash, oliy ta’lim imkoniyatlari, ilm-fanga qiziqishni oshirish va shaxsiy rivojlanish bo‘yicha qimmatli maslahatlar berishdi.

Bundan tashqari, tashabbus doirasida yoshlarning bo‘sh vaqtini samarali tashkil etish, sog‘lom turmush tarzini targ‘ib qilish va ijtimoiy mas’uliyatni kuchaytirishga qaratilgan targ‘ibot ishlari faol yo‘lga qo‘yildi. Sport to‘garaklari tashkil etilib, yoshlar o‘rtasida sog‘lom turmush tarzi targ‘ib qilindi. Shuningdek, O‘zbekiston Respublikasi Davlat gerbi qabul qilingan kun munosabati bilan bir qator musobaqalar o‘tkazildi.

#Dolzarb_90_kunlik #Yoshlar_oyligi

✴️ Andijon davlat universitetining rasmiy sahifalari👇
Veb-sayt 🌐 Telegram 🌐 Facebook 🌐 Instagram 🌐YouTube