قصيدة للزهراء ( ع )

شالت أمي ريت شالت روحي
أشلون أبطل أعليهة وني ونوحي

*****
شلتي يمة وآنة دوم أبعازتچ
أشلون گلبي من تصد لغرفتچ
أحن لمچانچ وأحن لگعدتچ
( أشمحلاهة / والگعدة أوياچ )

أشلون عفتيني ييمة للهضم
نار فگدچ صوباني وبالعظم
گلبي بفگدچ ييمة ينلچم
( مهضومة / وآنة أعلة أفراگچ )

أون لفراگچ ييمة وحيلي ذاب
كسر ضلعچ ما نسيتة والمصاب
طالت الفرگة وصعب حيل الغياب
( ياذيني / وأغيابچ يمة )

أمصابچ ييمة حيل ياذيني
ما أحمل غيابچ يمة تدريني
على أفراگچ أون ودم تهل عيني
( أشلون أنساه / أمصابچ يمة )

ضل خالي مكانچ موحش أعلية
من عگبچ يتيمة وحيل ما بية
أضل طول العمر أشبع مهضمية
( أتعوفيني / للهم والنوح )

*****

تمت ومن الله القبول🖋️بقلم

✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

نعي وقصيدة للزهراء ( ع ) لقضاء الحوائج

أريد أطلب طلب يالزاچية الليلة
وأحلفهة بأبوهة وكافل العيلة
أم حسين أدري همي أتشيلة
والعالو علية يم حسين أريدن حگي الليلة


طالبة منچ يمولاتي طلب
جيتلچ وأدموعي عالوجنة تصب

*****
طالبة منچ وأجيت أبشكوتي
گعدي يم حسين شوفي حالتي
حايرة وضليت تهمل دمعتي
وآني أدري أعليج طلبي مو صعب

دوم أحضر مجلسچ وأجري الدمع
وأبچي لمصاب الذبيح المنصرع
وأبقى أون لمصابچ وكسر الضلع
ونار بين أضلوعي يازهرة تشب

رايدة هاليوم من بنت النبي
أتحلي الصعبات يسهل مطلبي
اليوم أحلفچ بالمشت درب السبي
الصاحت أعلة الكافل الخدر أنهب

يم حسن دارن علية النايبات
آه من صدن علية الشامتات
أرد أحلفچ بالوگع يم الفرات
صاح ياهيهات والمي ما شرب

جيت أشكيلچ أنة جور الزمن
وأنتي أدرة أبحالي ها يم الحسن
أعيوني لجل أمصيبتچ ياما جرن
اليوم حقي يم حسن آنة أنسلب

*****

تمت ومن الله القبول🖋️بقلم

✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة للزهراء ( ع ) لقضاء الحوائج

أريد أمراد يم حسين هاليوم
أجيتچ حايرة والگلب مهموم

*****
أجيتچ حايرة وأصفك بدية
الدنية والوكت دارن علية
ما عندي بعد غيرچ تچية
( تنطينة / أمراد العاجل )

تنطينة الحوائج والنعم منهة
هاي أم الحسن گومن وعازنهة
هاي الزاچية گومن وأندبنهة
( شچاية / يالحرة أبابچ )

شچاية وأجيت اليوم أريد أمراد
أحلفچ بالعقيلة وجملة الويلاد
والمذبوح والعطشان أبو السجاد
( أتحضرينة / بالشدة الصعبة )

كل شدة يمولاتي ندك بابچ
ما تنساچ لا هيهات أحبابچ
نضل نحضر عزاچ ونذكر أمصابچ
( المظلومة / وأنون لمصاب )

نحضر مجلسچ وأنسوي الأقراية
نون لمصيبتچ من تنعى نعاية
ونذكر زينب وكافلهة أبو الراية
( ما ناسينة / وأمصاب الطف )

*****

تمت ومن الله القبول🖋️بقلم

✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

نعي مع ردادية نهاية مجلس

على كيفك على هونك يدفان
على أمي الغالية لا تذب تربان
تراهة گاضية والعظم نحلان


ماهي لايگة نومت الطينية

********
شالت والدتنة وأگطعت بية
عليچ الروح ضلت بالمهضمية
من گد البواچي عيني معمية
أزغيرة والگبر يتلف معانية
وجهچ وين أشوفة ينگطع بية
سفرتج وين يمة طارشة النية
خلونة نتوادع بالله أشوية

( ياذيني أحاه يالفگدچ )

*****

تمت ومن الله القبول🖋️بقلم

✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة للأم

يادفان أبهيدة وية أم الأحزان

*****
صاحبة الگبر أم العزوبية
تتفگد الخوة والله ليلية
تحس بالضيم لو ساعة جرى أعلية
من أذكر أسمهة أتهيج الأحزان

ياجناز ريض خل أگللهة
أحبيبتچ بقت منهو اللي ضل الهة
وعلى همهة بعد منهو اليسألهة
بقت تبچي وحيدة أبين الأوطان

يادفان ثاري الدنيا ما تسوة
وي هدمت البيت أنهدمت الخوة
صگعات الزمن يابلوة البلوة
ضلت بس سوالف كان ما كان

خل ناخذ عبر عالراح من عدنة
الموت اللي خذاه النوب ياخذنة
خلي أنخلي طيبة الناس تذكرنة
غير العمل ما ياخذ الأنسان

فگد الزين يحرك چنة جمرية
تسعر ما طفت والله ليلية
حرگت گلبي ما خلت ترة أعلية
أون الليل كله أبگلبي نيران

*****

تمت ومن الله القبول🖋️بقلم

✍️الحاجة أم محمد الكناني
✍️ أم هيثم الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة للأم

صعب ياناس أفراك الحنينات
بقينة أخلافهن بس نجر ونات

*****
ما عاشرنة أحد مثل عشرتهن
أتطيب أجروحنة ياناس شوفتهن
ما يحمل گلبنة هاي فرگتهن
الدمع بعيونة أخلافهن بات

غمة البين بس عالطيب أيدوّر
وعلى فرگة الحبيبة ياگلب يصبر
أشلون أصبر على شوفتچ ما أگدر
يتيمة وأبد ما أحمل الهضمات

يفراك الحنينة العين يعميهة
لو تشترة الطيبة أبروحي أشريهة
أگل للموت أخذني وهية خليهة
أحبيبتج بقت بس تجر حسرات

عليلة والمرض ياناس دولبني
وأذاني الزمان أوحيدي هل ذبني
وأفراك الأهل النوب عذبني
گضت أيامنة الحلوة حرامات

يفراك العزيزة الروح يگضيهة
عليلة وحايرة روحي أمخليهة
ما أدري الوكت هيچي يسويهة
غريبة لوحّدي ما عندي أخيات

*****

تمت ومن الله القبول🖋️بقلم

✍️الحاجة أم محمد الكناني
✍️ أم هيثم الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

نعي للزهراء (ع)


أرد أسولف حال طفلة چبير همهة
من الصغر جاهة الحزن وبقى يمهة
هاي طفلة من صغرهة فقدت أمهة
وصارت أبدنيا وحيدة ولا حبيبة بقت يمهة
تلتفت لأمهة أبحزن وأتحاچي أمهة

أتگلهة يمة يالحنينة اذا لازم ترحلين
وتتركيني للحزن وللضيم الجايني أبهاي السنين
بس أريدچ يمي والله في طف كربلاء تحضرين
لا تخليني وحيدة وية فاجعة الحسين
آني أريدچ لمّي وياي الأطفال التايهين
وطلعي وياي العليل ولمي كل الحايرين

وركبي وياي اليتيمات الزغار
وطفي هاي أهدومهة اللاحتهة نار

*****

تمت ومن الله القبول🖋️بقلم

✍️الحاجة أم محمد الكناني
✍️ أم هيثم الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

‏فيديو من خادمة الزهراء

‏صورة من خادمة الزهراء

قصيدة لأم البنين (عليها السلام )

أنة الربيتهم تالي صفو وين
حسرتي وذيچ كل حرگات الأسنين

*****

آنة الوالدة الفگدت زلم خيرين
وأعلة أفراگهم والله عميت العين
وأفدي الروح والدنيا الك يحسين
من بعدك أضل أبحسرة وأونين


عمري لخدمتك فدوة ألك تعبي
خدامة ألك وأطلب رضى ربي
تضل أعيوني يايمة الك تربي
راح الولد راح الخير الزين


ألم فرگاك يايمة ولا ينقاس
هد الحيل يمة وشيبت بالراس
أون لحسين مرة ومرة للعباس
يحن الكم أگليبي آه يطيبين


الدهر وياي يمة كشر أنيابة
أمن الحرگة أصيحن حيل يايابة
الموت أريح على اللي فارك أحبابة
أنة الربيتكم تالي الربة وين


آنة الوالدة والحزن يبرالي
وفرگتكم أبد ما چانت أبالي
دولبني الزمان وغيّر احوالي
بعد چا وين أشوفك يالولد وين

*****

تمت ومن الله القبول🖋️بقلم

✍️الحاجة أم محمد الكناني
✍️ أم هيثم الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة لأم البنين (عليها السلام )

دگي أعلة الولد دگة مهضمية

*****

هاي الوالدة من الولد شتريد
أتريدة للوكت لمن الحيل أيبيد
أتشوفة من يجيهة چنة يوم العيد
تطلب شوفتة كل صبح وأمسية


واحد من يموت أمه عليه تنهار
أشلون الأربعة لو تركو الهة الدار
أشحال أم البنين الفگدت الأقمار
وعلى حسين الذبيح العين معمية


يانار الولد ما تطفى لهابة
تسعر بالگلب أهواي بغيابة
من نارة صحت أحاه يايابة
يانارة أحرگت ما خلت أعلية


من شفت الولد علّاتي كلهة أتطيب
من أيروح مني الأمل بيه أيخيب
عزيز وفرگته أصواب گلبي أتصيب
أموت وأنتضر منك بعد جية


ياليل الحزن عالولد يا ثگلة
ياطارش على أبني وياك بس گلة
حمل أمك يغالي منهو اليحملة
أريدك ذخر يبني وأنت التچية


أنحلفچ يالوفية أبولدچ الطيبين
الضحو بالأرواح لخاطر أم حسين
وأهنا يالكريمة النة تلتفتين
أتعينينة على أهموم اللي بالدنيا

*****

تمت ومن الله القبول🖋️بقلم

✍️الحاجة أم محمد الكناني
✍أم هيثم الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

فزاعية لوفاة أم البنين ( عليها السلام )


أمشنة أنعازي أم حسين چي شالت البدوية

&&&&&&&&&&&&&&&&&

أنعازي اليوم أم حسين نلطم عالوجه والعين
هاي الضحت الهة أبنين عمت عيني يحورية


ننصبهة عراضة اليوم وي زينب وأم چلثوم
يايوم الحنينة اليوم يايوم الوداعية


ماتت منهو شيعهة ولا والي بقى عدهة
دگعد يالولد زتهة وأنصب الهة تعزية


هاي الضحت بعباس نلطم عالوجه والراس
حد ما نگطع الأنفاس لطمتنة حماسية


هاي التنطي دوم أمراد هاي الضحت الويلاد
اليوم الولي ينراد للهم والمهضمية


ما ننسى مصيبتهة ولجل حسين دمعتهة
متفشل الندبتهة دوم أبخالص النية

&&&&&&&&&&&&&&&&&

تمت ومن الله القبول🖋️بقلم

✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة لأم البنين ( عليها السلام ) لقضاء الحوائج
طور ملا باسم ( آه واويلاه يا أم البنين )

أعتنيت لمجلسچ يم البنين
وأنتي باب أمراد وأبجاه الحسين

&&&&&&&&&&&&&&&&&

أنتي باب الله يامولاتي
جيت أصب أبمجلسچ دمعاتي
وأدري يمچ تنگضي حاجاتي
حاشى للينخاچ أبد متقصرين
وأنتي باب أمراد وأبجاه الحسين


جيت للمجلس أنة وهمي ثگيل
وأدري عندچ ما يضل شي مستحيل
يعتني المهموم الچ وية العليل
قاضية حاجات كل الطالبين
وأنتي باب أمراد وأبجاه الحسين


آنة أقرة الفاتحة وبسّمچ أصيح
تنگضي حاجاتي وأبجاه الذبيح
كون يسهل مطلبي وكون أستريح
بالنوايب أگّصدچ وأنتي المعين
وأنتي باب أمراد وأبجاه الحسين


أنتي ياخير الوسيلة ونعتنيچ
ياوفية وياكريمة من نجيچ
طيبة أنتي وعالي شانچ ندري بيچ
والله يم عباس يم گلب الحنين
وأنتي باب أمراد وأبجاه الحسين


عالي شانچ وأنتي أول خادمة
للذبيح حسين وأمه فاطمة
أنطاچ ربچ ياوفية مكرمة
باب للحاجات ضل للسائلين
وأنتي باب أمراد وأبجاه الحسين

&&&&&&&&&&&&&&&&&

تمت ومن الله القبول🖋️بقلم

✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

جديد وأسألكم الدعاء

☝☝☝☝

يالله

مستهل هذه القصيدة لأحدى الأخوات وطلبت مني أن أكمل باقي القصيدة


كرب وبلا ياكربلا ضيم وقهر بعلومچ
ما تنسي ولا تنحصي ياكربلاء أهمومچ
¤¤¤¤¤¤¤¤¤¤¤¤¤¤¤¤¤¤

كرب وبلاء ياكربلاء يافاجعة دنيانة
بيچ المصايب والمحن بالعترة أسف خوانة
عفتي اليتيمة تنتحب ضلت تون حيرانة
وما نامت الفگدت ولي أتون للصبح سهرانة

ضيم وقهر وأشگد صبر تاريخ ضل أيلومچ
ما تنسي ولا تنحصي ياكربلاء أهمومچ


ما تنحسب بأرضج جرت چم فاجعة ورزية
بيچ أنذبح أبن البتول وحامي الحمية
وأم الحزن زينب مشت وية العدة سبية
عافت حسين المنذبح ضل عالثرة رمية

أم الحزن ضلت تون ما يوم يشبه يومچ
ما تنسي ولا تنحصي ياكربلاء أهمومچ


عباس ضل أعلة النهر بالسهم صابو عينة
لحسين فداه العمر ويسرتة وي أيمينة
وجاسم والأكبر عالثرة وزينب تون حزينة
وعبدالله ضامي الطفل ما ينحمل ونينة

نحر الطفل حزة النبل أم المصايب دومچ
ما تنسي ولا تنحصي ياكربلاء أهمومچ


الله ياليل أهدعش زينب بقت غريبة
محتارة المن تلتفت يامعظم المصيبة
يبچي اليتيم أبلا ولي وسهم الغدر يصيبة
أمساهر وينحب للصبح كلمن فگد حبيبة

ليل أهدعش نوح وعطش هذا الجرة أبمفهومچ
ما تنسي ولا تنحصي ياكربلاء أهمومچ

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

هوسة للإمام العباس (عليه السلام) لأحدى الأخوات عن أثر رؤيا وكأنها أمام مرقد أبي الفضل العباس (عليه السلام) وكتبت هذا البيت لقضاء الحاجة وطلبت مني أن أكمل الباقي
¤¤¤¤¤¤¤¤¤¤¤¤¤¤¤¤¤¤

چفينة المناير خوذته الگبة
يتعلى أبو فاضل شانه من ربه
يالعندك معضلة أگصد وطبة
وحق زينب يحلهة وما تضل صعبة
( تسهل بچفوفة الصعبة العندك )

******
تسهل ما تضل والحاجة بچفوفة
بس حلفه بزينب وأنت أتشوفة
أبن أم البنين بالكرم معروفة
( أمرادة العاجل أبن البدوية )

هذا أبن المراجل بالكرم تلگاه
بس تنخاه وتطلب روح وأتعناه
من أچفوفة السخية يسرته ويمناه
( لأبن الزهرة قدم چفينة )

هذا أبن الكرم وأربات بدوية
ينزاح الألم لو جبت طارية
أبو فاضل شجاع وزلم حربية
( وافة الخوة لحسين أعضيدة )

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة للحسين ( عليه السلام )
لسان مولاتي سكينة توصف حال عمتها زينب (ع) بعد أستشهاد أبيها الحسين (ع)
طور ملا باسم ( أشبيهة أمي وليش متغير وضعهة)
▁ ▁ ▁ ▁ ▁ ▁ ▁

أشبيهة عمتي وليش متدهور أمرهة
المرض هد أعظامهة وزايد قهرهة
¤¤¤¤¤¤¤¤¤¤¤¤¤¤¤¤¤¤


چانت أمخيمة علينة وشايلة هم أونين
چنهة ونت الموت گربت من بعد هم السنين
ضمت أهموم بگلبهة والوجه ذابل حزين
بلوة باليهة زماني والدمع تارس العين
جانت تضويلنة كل مغربية
وشايلة محنة مثل أمهة الزجية
آه من ضيم الليالي وياسهرهة


حالهة صارت حزينة وحيل ما تگدر تگوم
أمن القهر محني ظهرهة وتذكر أخوتهة وتلوم
أتگول من ميتة عساني ولا شفت ذاك اليوم
سابح بفيضان دمه والشمر يمة يحوم
صعب ياذاك الزمان الهضماني
فوك عيني حيل هل طگني وعماني
ريت كون أبكربلة حيدر حضرهة


كربلة وياكربلة وأشچم فجيعة وبيهة شافت
جثث كلهة أمطرحة وبالشمس عالغبرة عافت
وبالبراري أيتام تصرخ عمة زينب كلهة تاهت
ونادت أحضر يبو فاضل ياكفيلي أعليه ناحت
حايرة وتلم يويلي باليتامة
والمتن بالسوط طابع بيه علامة
أتحملت ياما رزايا من زغرهة


أتحملت ياما رزايا وشافت أنواع العذاب
من كسر ضلع الزچية ومن أثر ذاك المصاب
وچملاهة جرح أبوهة حيدرة داحي الباب
ومن وگع محسن أخوهة وطيحتة بعتبت الباب
أگبالهة دار الزچية أحرگوهة
وأخيامهة بطف كربلة هم أشعلوهة
آل أمية الشكوى لله من غدرهة


أيعينهة الله أم الصبر من الزغر أشگد شافت أحزان
جبل صار الصبر عدهة وصار ثابت الهة عنوان
بت علي وأمهة الزچية فاطمة خيرة النسوان
الربت في حضن النبي وأهل الوحي ومنزل القرآن
يامصيبة كربلة أكبر فجيعة
راحو الهة حسين وي حامي الشريعة
بالحزن والنوح خلص كل عمرهة

&&&&&&&&&&&&،&&&&&&&&

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة للعباس (ع)

ياشاطي النهر يمك وگع ضخري
ضليت أنتحب وحايرة بأمري

ياشاطي النهر اليوم أجيت أعتب
عن حك الضيافة أوين المعزب
شريد أحچي يماي ومنك آنة أطلب
ما أعتب عليك أعتب على دهري

أعتب عالدهر ضيعلي أخواني
ولك ياماي منك ما شربت آني
عگب عباس والله زادت أحزاني
وسفة راح مني هيبني وفخري

أريد أگعد على جرفك وأزيد أعتاب
ولك ياماي منك ما أشربت الأحباب
عبدالله رضيع ومنه چبده ذاب
وأگليبة أنفطر من العطش تدري

شريد أذكر سباية ولوعة الأيتام
لو هضم وسبي وشامت حرك الخيام
لو شبان طاحت وي علي وجسام
بقيت أمدوهنة بالصار واليجري

بقيت أمدوهنة ومحترك جدمي أبنار
وگلبي للمصيبة يانهر محتار
كف عذرك يماي وماردت أعذار
أدفنك كون مايك ما يضل يجري

أدفنك كون بيدي ومايضل ذكرة
مات أمن العطش أمدلل الزهرة
مايك ما فزع وطفة الجمرة
وأمي أتگول مايك يانهر مهري


¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M