فزاعية للعليلة عليها السلام

بالدار وحدي وأنتظر ما عودو ولياني

●☆●☆●☆●☆●☆●

آنة العليلة فاطمة
لفراك أهلي أمألمة
أدموع عيني ساجمة
راح الأبو وخلاني

ودعت أهلي بالحزن
لكربلة سار الضعن
ضليت وحدي بالمحن
وأمغيرة ألواني

بالباب ملهوفة أنتظر
لا طارش اليحمل خبر
أسأل الرايح واليمر
ماكو خبر ما جاني

ما أجة طارش من هلي
ولا واحد اليرجع ألي
وأهموم گلبي تنجلي
أفراگهم أذاني

وين اليحن وأيجيني
وأبعلتي أيواسيني
وأيشوف دمعة عيني
أمكدرة بأحزاني

الدار توحش بالأهل
أخلافهم مدمع يهل
خافن يوافيني الأجل
وما واحد الينعاني

●☆●☆●☆●☆●☆●

الحاجة أم محمد الكناني
أنين الزهراء عليها السلام الجزء السادس

https://www.tg-me.com/ALHUSSEN_M

سريعة ختامية مجلس

يحسين العمامة هوسو بيهة

■♤■♤■♤■♤■♤■

مسلوبة يخوية وسفة تاليهة

الجثة أمگطعة وهامته أمطبريهة

أنوح حسين خوية الصرخة أعليهة

راسك عالرمح وأعيوني أعميهة

رقية أتريد أبوهة وين أوديهة

زينبكم مشة للشام حاديهة

ما ضل والي عدهة ومن يحاميهة

يضربهة الشمر بالسوط تاليهة

هاي أمهة الزچية ومنهو ناسيهة

ياويلي يزينب شال واليهة

■♤■♤■♤■♤■♤■

الحاجة أم محمد الكناني
أنين الزهراء عليها السلام الجزء الخامس

https://www.tg-me.com/ALHUSSEN_M

قصيدة للحسين عليه السلام

زينب أتنادي حسين ياأبن أمي گوم ألي
آنة ياخوية وحيدة أبكربلة

□●□●□●□●□●□

گوم لية حسين خوية وحدي آنة وبالغرب
أمحيرة وما عندي والي والدمع عالخد يصب
وآنة زينب ياأبن أمي وخدري ياخوية أنسلب
آنة أختك وأعتنيت حايرة وما ضل ولي
وكربلة شدة يخوية ومعضلة
وآنة ياخوية وحيدة أبكربلة


تصرخ الأيتام خوية أتريد من عندي الأمان
وآنة ياخوية شبدية بهالوضع وبهالمكان
أمطرحين أعلة الوطية كل هلي وكل الأخوان
وخدري خوية سلبوه زينب آنة بت علي
أمنين أجتني هالمصايب والبلة
آنة ياخوية وحيدة أبكربلة


أخيامنة خوية أحرگوهة العدة وهجمو علينة
بس حرم وأيتام أحنة ياخوية تدري بينة
كربلة نوح وبواچي أنهض ألنة يوالينة
كل أخوتي عالثرى وماكو واحد من هلي
أبزود أخوتي چنت آنة أمدللة
آنة ياخوية وحيدة أبكربلة


يالسگيتك دمع عيني ياخوية يالذبيح
بالشمس فوك الوطية مرمي عالغبرة جريح
وآنة أشوفن هذا حالك بالهضم أبچي وأصيح
للسبي خوية مشيت شمر يبرة محملي
دمعتي خوية لوداعك هاملة
آنة ياخوية وحيدة أبكربلة

□■□■□■□■□■□

الحاجة أم محمد الكناني
أنين الزهراء عليها السلام الجزء الخامس

https://www.tg-me.com/ALHUSSEN_M

سريعة ختامية مجلس

گوم أنهض ياعلي

■¤■¤■¤■¤■¤■¤■

أنت عون المبتلي

أهموم عندك تنجلي

ترضى زينب تنولي

ما بقى عدهة ولي

أتصيح غايب كافلي

الگال يختي أدللي

ومن يعدل محملي

■¤■¤■¤■¤■¤■¤■

الحاجة أم محمد الكناني
أنين الزهراء عليها السلام الجزء الخامس

https://www.tg-me.com/ALHUSSEN_M

هوسة للإمام العباس (عليه السلام) للأخت حنين العوادي عن أثر رؤيا وكأنها أمام مرقد أبي الفضل العباس (عليه السلام) وكتبت هذا البيت المبارك لقضاء الحاجة وطلبت مني أن أكمل الباقي


چفينة المناير خوذته الگبة
يتعلى أبو فاضل شانه من ربه
يالعندك معضلة أگصد وطبة
وحق زينب يحلهة وما تضل صعبة
( تسهل بچفوفة الصعبة العندك )

حنين العوادي

*************

تسهل ما تضل والحاجة بچفوفة
بس حلفه بزينب وأنت أتشوفة
أبن أم البنين بالكرم معروفة
( أمرادة العاجل أبن البدوية )

هذا أبن المراجل بالكرم تلگاه
بس تنخاه وتطلب روح وأتعناه
من أچفوفة السخية يسرته ويمناه
( لأبن الزهرة قدم چفينة )

هذا أبن الكرم وأربات بدوية
ينزاح الألم لو جبت طارية
أبو فاضل شجاع وزلم حربية
( وافة الخوة لحسين أعضيدة )

الحاجة أم محمد الكناني

*************

تمت ومن الله القبول🖋️بقلم

✍️الحاجة أم محمد الكناني
✍️حنين العوادي
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

الصلوات الثلاثون
لجعل ماقدّر يهون

بسم الله الرحمن الرحيم

اللهم صل على محمد وآل محمد الطيبين الطاهرين
اللهم صل على محمد وآل محمد
صلاة تنور بها وجوهنا
اللهم صل على محمد وآل محمد
صلاة تشرح بها صدورنا
اللهم صل على محمد وآل محمد
صلاة تطهر بها قلوبنا
اللهم صل على محمد وآل محمد
صلاة تروح بها أرواحنا
اللهم صل على محمد وآل محمد
صلاة تزكي بها نفوسنا
اللهم صل على محمد وآل محمد
صلاة تغفر بها ذنوبنا
اللهم صل على محمد وآل محمد
صلاة تستر بها عيوبنا
اللهم صل على محمد وآل محمد
صلاة تضع بها أوزارنا
اللهم صل على محمد وآل محمد
صلاة تثقل بها ميزاننا
اللهم صل على محمد وآل محمد
صلاة تقضي بها حاجاتنا
اللهم صل على محمد وآل محمد
صلاة تشفي بها مريضنا
اللهم صل على محمد وآل محمد
صلاة تسعد بها شقينا
اللهم صل على محمد وآل محمد
صلاة توسع بها أرزاقنا
اللهم صل على محمد وآل محمد
صلاة تيسر بها أمورنا
اللهم صل على محمد وآل محمد
صلاة ترفع بها ذكرنا
اللهم صل على محمد وآل محمد
صلاة تؤيد بها أمرنا
اللهم صل على محمد وآل محمد
صلاة تعظم بها أجرنا
اللهم صل على محمد وآل محمد
صلاة تمد بها أعمارنا
اللهم صل على محمد وآل محمد
صلاة تقبل بها أعمالنا
اللهم صل على محمد وآل محمد
صلاة تحفظ بها أسرارنا
اللهم صل على محمد وآل محمد
صلاة تنزه بها أفكارنا
اللهم صل على محمد وآل محمد
صلاة تصفي بها أكدارنا
اللهم صل على محمد وآل محمد
صلاة تنور بها أبصارنا
اللهم صل على محمد وآل محمد
صلاة تفتح بها بصائرنا
اللهم صل على محمد وآل محمد
صلاة تقوي بها عزائمنا
اللهم صل على محمد وآل محمد
صلاة تهون بها مصائبنا
اللهم صل على محمد وآل محمد
صلاة نجتاز بها صراطنا
اللهم صل على محمد وآل محمد
صلاة تهزم بها عدونا
اللهم صل على محمد وآل محمد
صلاة تختم بها حياتنا
اللهم صل على محمد وآل محمد
صلاة تطيب بها قبورنا.
.
أنشر ولا تبخل على اخوانك المؤمنين بعد قراءة الصلوات و دعواتكم

قصيدة لرقية عليها السلام

يمصابچ رقية أيهدم الحيل
ننعاچ ونوّن والمدمع أيسيل

■□■□■□■□■□■

عطشانة رقية وتطلب الماي
طفلة ويتموهة وماكو حمّاي
بالسوط أضربوهة ما جرت هاي
جسمهة أمن الألم ذبلان وأنحيل

مسبية خذوهة وياهضمهة
يضربهة الشمر وما رحمهة
أتصيح أبصوت تصرخ من ألمهة
من جور آل أمية شافت الويل

تاهت بالبراري هاليتيمة
عطشانة وحزينة ياهضيمة
فگدت كل أهلهة ياحريمة
أخلاف الولي گام العدو أيعيل

باتت بالخرابة الطفلة بالشام
حسّت بالرعب ما تگدر أتنام
يتيمة أملوعيهة وين الأسلام
طفلة أبلا ذنب والمدمع أيسيل

طفلة الله أكبر لوعوهة
مشتاگة وتناشد عن أبوهة
محتاجة لحنانه ما دروهة
محزونة وتوّن وسهرت الليل

فزت من حلمهة أبصوت صاحت
أريد اليوم أبوية أبهضم ناحت
جابو راس أبوهة أعليه طاحت
ماتت عالطشت رقية ياويل

■□■□■□■□■□■

الحاجة أم محمد الكناني
أنين الزهراء عليها السلام الجزء الرابع

https://www.tg-me.com/ALHUSSEN_M

قصيدة للحسين عليه السلام
طور ملا باسم ( دنيا ما بيهة بس هم وقهر )

خوية يحسين يالعطشان ياخوية
يحسين يالمذبوح ياخوية
يحسين يالمظلوم ياخوية

●□●□●□●○●○●

آه منچ كربلة ومن المصايب
وأشجرة أعليچ ياظليمة
أشگد شفت لوعات منچ
المتني ومرمرتني ياهضيمة

ويلاه آهات وهموم وحزن ويلاه
أطفال بالحسرة تون ويلاه
تبچي وتنادي أعليك ياخوية


أنذبحو أهلي وكل أخوتي عالوطية
أگبال عيني هالفجيعة
شفت عبدالله ذبيح بيد أخوية
والدمة سال من رضيعة

وأتنوح أمه الرباب أشحالهة أتنوح
عبدالله ليش أبيا ذنب مذبوح
والنار تسعر بالگلب خوية


خوية حرگوهة خيمنة واليتامة
أتنوح تبچي أبغير والي
وبالسياط العدة خوية عذبونة
وأضربونة ودمع هالي

أيتام أتنوح ضلت صايحة أيتام
سهرانة طول الليل أبد متنام
كلهة عطاشة وتنتحب خوية


للسبي أحنة مشينة حرم وأطفال
وروس أخوتي أگبال عيني
عفت أخوتي عالوطية أبغير تغسيل
والصخر ذاب من ونيني

وينة عباس لأخته خل يجي وينة
السهم گالو نابت أبعينة
وأچفوفه ويلي أمگطعة خوية

●□●□●□●□●□●

الحاجة أم محمد الكناني
أنين الزهراء عليها الجزء الثالث

https://www.tg-me.com/ALHUSSEN_M

قصيدة لزينب عليها السلام
طور ملا باسم( آنة أم الأماجد گلبي فاجد أربع أقمار )


آنة أم المصايب گلبي ذايب يبو الأطهار
أشگد لوعات خوية أتحملتهن ليل وأنهار
تالي أمشي سبية ما عندي حمية
ودمعي طشار

●¤●¤●¤●¤●¤●¤●

مشينة للسبي وية الضعينة حرم وأطفال
حملنة أهموم خوية ولفگدكم الدمع سال
أنة وحدي غريبة أبغير والي يصعب الحال
عمري عگب أخوتي ومن بعدهم ريت لا طال

آهات وحزن مرن علية أبغربتي هاي
ظلمة أبعيني صارت ياهضيمة والله دنياي
وحدي أصفك بدية ما عندي حمية
ودمعي طشار


عفتكم عالوطية أهنا يخوتي غصب عني
لو بيدي أگابلكم وأنوحن كثر وني
أنة زينب غريبة والمصايب لوعنّي
دهري وي زماني خذه كل أحبابي مني

ريحانة مُحمّد عالوطية دمّة مسفوح
عطشان أنذبح وأگبال عيني جسمه مطروح
بأرض الغاضرية ما عندي حمية
ودمعي طشار


تصرخ هاليتامة أبدمع جاري عمّة عمّة
يبچون أعلة أهلهم وآنة گلبي زاد همة
سكنة أتصيح أبوية عالوطية سال دمّة
وحميدة أتريد أبوهة أتگول ريت أعيوني تعمة

يتامة أتكفلتهم والله خوية حيروني
أحضنهم وأنوحن دمعي يجري من عيوني
الكل ينظر علية ما عندي حمية
ودمعي طشار


ضعنة سار ياخوية ومشينة ورحنة للشام
وراسك عالرمح يمشي ويانة خوية جدام
يبارينة شمر وأبسوطه يضرب هاي الأيتام
ماعدهم رحم ويانة طحنة بيد ظلّام

وبمجلس يزيد أمن أدخلتلة أحمل أحزان
صعبة وآنة زينب ياخوية أطب ديوان
تمنيت المنية ما عندي حمية
ودمعي طشار


●¤●¤●¤●¤●¤●¤●

الحاجة أم محمد الكناني
أنين الزهراء عليها السلام الجزء الثالث

https://www.tg-me.com/ALHUSSEN_M

قصيدة للعباس عليه السلام
طور ملا باسم ( ليش ما شافت عيوني الفرح )


گوم وين الوعد يابو الفضل
أم الحزن مدمع يهل

■♤■♤■♤■♤■♤■

عباس آنة زينب وأجيتك يابو فاضل
عباس جبتني لكربلة وبحماك كافل
عباس عاين هالرزايا ودمعي هامل
عباس سبية عالهزل وحملي مايل

گوم أنت الرجة وأنت الأمل
أم الحزن مدمع يهل


خوية أجيت أبعازتك ألحك علية
خوية أسولف عالجرة من آل أمية
خوية بقينة أبلا ولي وأبلا حمية
خوية أحسب چم جرح وچم رزية

گوم أمطرحة كل الأهل
أم الحزن مدمع يهل


تدري يخوية والعدة حرگو خيمنة
تدري أطفال وحرم خوية أنهضمنة
تدري حملنة أسياطهم محد رحمنة
تدري نصرخ وين أهلنة من ألمنة

گوم شوف أنذبح حتى الطفل
أم الحزن مدمع يهل


أگعد يبو فاضل عطاشة ونطلب الماي
أگعد ترة زينب سبية تقبل أبهاي
أگعد أنشدك يابو فاضل شنهو الراي
أگعد يخوية وشوف حالي وجور دنياي

گوم وية أختك ولم الشمل
أم الحزن مدمع يهل


أختك يعباس المصايب لوعنهة
أختك سود أمن الضرب عاين متنهة
أختك مسبية وشمر يحدي بضعنهة
أختك بالمجلس يزيد وسأل عنهة

گوم أنهض لثارك يابطل
أم الحزن مدمع يهل

■♤■♤■♤■♤■♤■

الحاجة أم محمد الكناني
أنين الزهراء عليها السلام الجزء الرابع

https://www.tg-me.com/ALHUSSEN_M

قصيدة سريعة للعباس عليه السلام

ياظليمة الله أكبر يبو فاضل وينك أحضر

☆▪︎☆▪︎☆▪︎☆▪︎☆▪︎☆

زينب أتنادي حزينة
گوم أظهر ياولينة
عالو أعداكم علينة
بالشدايد دوم تظهر

أبكربلة حسين دامي
أنذبح عطشان دامي
عن حرمكم گوم حامي
أنت للحق دوم تنصر

حسين مرمي على الغبرة
ريتك أتشوفة وتنضرة
داست الخيل أعلة صدرة
أنهشم صدرة وتكسّر

عالوطية حسين مطروح
عالرمل والدمة مسفوح
الطفل عبدالله مذبوح
بالسهم صابو المنحر

هاي الأخيام أحرگوهة
هاي الأيتام أضربوهة
زينب الحرة سبوهة
أنذبح جاسم والأكبر

گوم خوية وشوف حالي
بالغرب ما عندي والي
أمن المصايب دمعي هالي
يالكفيل لزينب أحضر

☆▪︎☆▪︎☆▪︎☆▪︎☆▪︎☆

الحاجة أم محمد الكناني
أنين الزهراء عليها السلام الجزء الرابع

https://www.tg-me.com/ALHUSSEN_M

تمت بعون الله بتايخ 11/ 9 / 2020 الساعة الرابعة صباحا

مستهل هذه القصيدة للأخت حنين العوادي وطلبت مني أن أكمل باقي القصيدة


كرب وبلا ياكربلا ضيم وقهر بعلومچ
ما تنسي ولا تنحصي ياكربلاء أهمومچ
■□■□■□■□■□■

كرب وبلاء ياكربلاء يافاجعة دنيانة
بيچ المصايب والمحن بالعترة أسف خوانة
عفتي اليتيمة تنتحب ضلت تون حيرانة
وما نامت الفگدت ولي أتون للصبح سهرانة

ضيم وقهر وأشگد صبر تاريخ ضل أيلومچ
ما تنسي ولا تنحصي ياكربلاء أهمومچ


ما تنحسب بأرضج جرت چم فاجعة ورزية
بيچ أنذبح أبن البتول وحامي الحمية
وأم الحزن زينب مشت وية العدة سبية
عافت حسين المنذبح ضل عالثرة رمية

أم الحزن ضلت تون ما يوم يشبه يومچ
ما تنسي ولا تنحصي ياكربلاء أهمومچ


عباس ضل أعلة النهر بالسهم صابو عينة
لحسين فداه العمر ويسرتة وي أيمينة
وجاسم والأكبر عالثرة وزينب تون حزينة
وعبدالله ضامي الطفل ما ينحمل ونينة

نحر الطفل حزة النبل أم المصايب دومچ
ما تنسي ولا تنحصي ياكربلاء أهمومچ


الله ياليل أهدعش زينب بقت غريبة
محتارة المن تلتفت يامعظم المصيبة
يبچي اليتيم أبلا ولي وسهم الغدر يصيبة
أمساهر وينحب للصبح كلمن فگد حبيبة

ليل أهدعش نوح وعطش هذا الجرة أبمفهومچ
ما تنسي ولا تنحصي ياكربلاء أهمومچ

■□■□■□■□■□■

تمت ومن الله القبول🖋️بقلم
✍️الحاجة أم محمد الكناني
✍️حنين العوادي
❌ لا يجوز حذف أسم الشاعرة ونسب الكلام❌ له
محاسب أمام الزهراء عليها السلام
وخصمه🚩 أبا الفضل العباس عليه السلام

https://www.tg-me.com/ALHUSSEN_M

قصيدة لرقية عليها السلام

دمعتنة على أمصابچ رقية
من نذكر ذبيح الغاضرية

¥¥¥¥¥¥¥¥¥¥¥¥¥¥¥¥¥¥¥¥

الطفلة الزغيرة أتريد أبوهة
ما تحمل أفراك الدللوهة
تسأل ياوكت يمتة يجوهة
مهضومة وتون هاي البنية

ما تحمل هضم لفراك الأحباب
عنهة أبعيد أبوهة وطال الغياب
خلاهة أبمناحة أتوجه أعتاب
سود أمتونهة من آل أمية

مسبية مشت هالطفلة للشام
ما تدري الدهر شمغطي وأشظام
ملهوفة أعلة أبوهة بس بالأحلام
تون لفرگته ونة خفية

گعدت هاليتيمة بهل خرابة
وذبت روحهة فوك الترابة
مهضومة وتون وأتصيح يابة
بوية اليا وكت أحمل أذية

تسأل وين أبوهة گعدت أبليل
ضلت تنتحب والمدمع أيسيل
وأعلة أصراخهة يتهدم الحيل
صاحت والدي جيبو الية

سمعهة أيزيد صاح أبصوت مغموم
ودو الراس خل ترتاح هاليوم
جابو راس أبوهة أمخصب أدموم
لن فوك الطشت جتهة المنية

¥¥¥¥¥¥¥¥¥¥¥¥¥¥¥¥¥¥¥¥

الحاجة أم محمد الكناني
أنين الزهراء عليها السلام الجزء السادس

https://www.tg-me.com/ALHUSSEN_M

قصيدة للحسين عليه السلام

أندبك صبح ومسية ياحسين
ولعزائك أبچي دم طول السنين
ياغريب ياسليب
ياشهيد أبكربلة
■■■■■■■■■■■

ياأبن حامي الحمة وفحل الفحول
وأمك الزهراء وجدك الرسول
تنذبح عطشان للباري أشنگول
ياإلهي ثارك أمن الظالمين
ياغريب ياسليب
ياشهيد أبكربلة

بالشدايد عون النة من نطيح
سيدي أنواليك وبأسمك نصيح
وأبد ما ننساه ثارك ياذبيح
دوم نبقى أوياك للحق ثائرين
ياغريب ياسليب
ياشهيد أبكربلة

أنت نور النهتدي بيه ونسير
وأنت صوت الحق يصرخ بالضمير
اليسير أبمنهجك لا ما يحير
يادليل التايه أنت والمعين
ياغريب ياسليب
ياشهيد أبكربلة

سيدي لبيت لله النداء
وقدمت للدين أرواح ودماء
وبچت لجل أمصيبتك أرض وسماء
وكل محب ينعاك مهضوم وحزين
ياغريب ياسليب
ياشهيد أبكربلة

كربلة يحسين ما ننساهة
بالمواقف أحنة عشنة أوياهة
أمصيبتك طول العمر ننعاهة
والعمر نگضيه حسرات وأنين
ياغريب ياسليب
ياشهيد أبكربلة

■■■■■■■■■■■

الحاجة أم محمد الكناني
أنين الزهراء عليها السلام الجزءالسادس


https://www.tg-me.com/ALHUSSEN_M

قصيدة مع هوسات للحسين عليه السلام

وين الگابلت زينب عالوالي تعازيهة

&&&&&&&&&&&&&&&&&

يوم الفاجعة هاليوم
زينب بالحزن وأهموم
الوالي أمخضب وبدموم
أمصوبينة وحسين الوالي

الوالي أنذبح عطشان
جسمه أمسلب وعريان
عالغبرة وعلى التربان
مهضومة ضلت بت حيدر

الله أيعين بت حيدر
مدري أشلون تتصبر
ما عدهة ولي اليحضر
محتارة بأيتام الضلت

خل نلطم على المذبوح
وي زينب نون وأنّوح
من بعده سبية أتروح
واليهة وأتحشم زينب

تبچي ما يخلوهة
لو صاحت يضربوهة
والعدوان يسبوهة
يسبوهة يحسين أعداكم

زينب ياكثر همهة
ذبح حسين ألمهة
ياويلاه على أبن أمهة
أنعازيهة زينب بحسين

&&&&&&&&&&&&&&&&&

الحاجة أم محمد الكناني
أنين الزهراء عليها السلام الجزء السادس

https://www.tg-me.com/ALHUSSEN_M

قصيدة للسبي
طور ( دهري ذبني ) ملا حمزة الزغير

سار الضعن وية العدة خوية يا عباس
وآنة غريبة لوحّدي وي زمرة أرجاس
خدري خوية زينب تنادي كافلي وينك

●□●□●□●□●□●

عباس خوية ياشهم ردتك تجيني
وحدي غريبة بكربلة يانور عيني
أحضرني آنة أبغربتي وأسمع ونيني
أمتوني من سوط العدة خوية تاذيني
خدري خوية زينب تنادي كافلي وينك

أشلون أمشي وية العدة من غير والي
وحسين وصاني وندب باري أعيالي
أبرة اليتامة وية الحرم بالهضم حالي
صارن علية أبغربتي سود الليالي
خدري خوية زينب تنادي كافلي وينك

من ديرة لديرة يسارى أتعاين الناس
أطفال تصرخ تنتحب من سوط الأرجاس
ضليت أون وأنتحب وينك ياعباس
وينك ياراعي المرجلة يارفعة الراس
خدري خوية زينب تنادي كافلي وينك

من المصايب والجرة أتهدم الحيل
وأعيوني من كثر السهر ما نامت الليل
أبقى أون وأنتحب والمدمع أيسيل
خدري خوية زينب تنادي كافلي وينك

●□●□●□●□●□●

الحاجة أم محمد الكناني
أنين الزهراء عليها السلام الجزء الثالث

https://www.tg-me.com/ALHUSSEN_M

قصيدة حماسية لدخول الشام
طور ( خدام )

للشام للشام زينب خذوهة أميسرة

●¤●¤●¤●¤●¤●¤●

گوم ياعباس الحك بت علي
أمحيرة أوليانهة ما من ولي
أشلون بيد الشمر ترضى تنولي
والدموع أتسيل تصرخ ياهلي
وأتصيح وأتصيح حسين گصو منحرة

ويلي زينب من مشت مهضومة
توّن يحسين الذبيح ويومة
وعافته مطروح ضل بالحومة
أتغسل المظلوم من أدمومة
بالكون بالكون الظلم هذا ما جرة

من مشت للشام زينب والعليل
ربطّوهم بالحبل والدم يسيل
والأيتام أتنوح والمدمع يهيل
وين غاب المرتضى حامي الدخيل
زينب زينب وية العيال أمساهرة

أبمجلس أبن أزياد زينب من أجت
شافت المذبوح راسه بالطشت
وسمعت بأمهة الزچية أتشتمت
نادت العباس وينك وأندبت
ياحيف ياحيف عباس بية ما درة

●¤●¤●¤●¤●¤●¤●

الحاجة أم محمد الكناني
أنين الزهراء عليها السلام الجزء الثالث

https://www.tg-me.com/ALHUSSEN_M

قصيدة حماسية للحسن الزكي عليه السلام يعاتب بها شيعته

المظلوم المسموم
ياشيعتي أنة الحسن

●☆●☆●☆●☆●☆●

أنة سبط النبي الهادي وأبن فاطمة الزچية
قدمت روحي وحياتي خدمة للدين وهدية
نوحو ياشيعة لمصابي لا تگطعون العزية
آنة مثل حسين مظلوم حاربوني آل أمية

جور ومحن من الزمن
ياشيعتي آنة الحسن


أمگطعة بالسم چبدتي جعدة سمتني اللعينة
وأشربت كاس المنية گلبي ضل يجهر ونينة
ودعت أحباب گلبي والعمر خلصن أسنينة
زينب الطاهرة الحرة تنحب وضلت حزينة

عبرة وتون نوح وحزن
ياشيعتي أنة الحسن


آنة ياشيعة أبظليمة ليش هذا الجفة عني
ما تذكروني أبمجالس بالگبر وأيزيد وني
أرد أناشدكم وأعاتب وأشيكون العذر مني
أتحملت ياما رزايا والمصايب مرمرني

أدموعي جرن زاد الشجن
ياشيعتي أنة الحسن


آه چم لوعة وهضيمة آه يا هم البصدري
ماكو زوار التجيني هدمو ياحيف گبري
بالبقيع وحاربوني فوضت لله أمري
أستعين الله وأصبر والله أيجازيني صبري

أنة الحسن أبن المؤتمن
ياشيعتي أنة الحسن

●☆●☆●☆●☆●☆●

الحاجة أم محمد الكناني
أنين الزهراء عليها السلام الجزء الخامس

https://www.tg-me.com/ALHUSSEN_M

قصيدة حماسية للعباس عليه السلام

ضربوني ضربوني يعباس ضربوني
أمتوني أمتوني أمورمات أمتوني
عباس نور أعيوني
ترضى العدة أيضربوني

■♤■♤■♤■♤■♤■

يعباس يبو الفضل زينب عليك أتنادي
ذبحو حسين أبكربلة مطروح فوك الوادي
أشلون هذا اللي جرة لحسين أبن الهادي
أسمع يخوية نخوتي
حيرانة خوية أبغربتي
يولوني يولوني الكفار يولوني


عالو علينة العدوان يخوية حرگوهة الخيم
گامت تصيح الأيتام أنهض يشيال العلم
الحرم ضلن وأطفال ياخوي ما ضلت زلم
وأتصيح ياوالينة
أنهض يخوي أحمينة
ذلوني ذلوني خوية أعداك ذلوني


سكنة يخوية تنتحب دمعتهة عالخد سايلة
عطشان عبدالله الطفل صابته نبلة حرملة
والأيتام تبچي وتون وينك يراعي المرجلة
عباس يابو الغيرة
ضلينة خوية أبحيرة
أعيوني أعيوني أبچي وعميت أعيوني

■♤■♤■♤■♤■♤■

الحاجة أم محمد الكناني
أنين الزهراء عليها السلام الجزء الأول

https://www.tg-me.com/ALHUSSEN_M

نعي لزينب عليها السلام مع الحسين عليه السلام يوم الأربعين

&&&&&&&&&&&&&&&&&

ياخوية زينب جتك اليوم
جابت الروس وتحمل أهموم
أنهض يخوية يالولي وگوم

جيتك وجبت الروس وياي
أنهض يخوية وشوف بلواي
حيلي أنهدم من ضيم دنياي

الروس يبن أمي جبتهن
وية أجسادكم خوية أدفنتهن
وگعدت أنتحب وگابلتهن

الروس يبن أمي عمني
زادن أحزاني وكثر وني
وأفراگكم خوية كتلني

من اليسر هاليوم أجينة
أنزور گبرك ياولينة
ويمك أجت تنحب أسكينة

أبدمع عيني گلت أنة أرويك
وأدري العطش ياخوية ماذيك
فك الگبر خوية أرد أحاچيك

أگعد وشوف أمدللتكم
وضيم الجرة خوية أعلة أختكم
ما تنعرف لمن أجتكم

أمصابك يخوية أيهدم الحيل
والحزن صاير سلوة بالليل
وأذكر الخوة ومدمعي أيسيل

يحسين ياعزي ودلالي
عگبك أنة مهضوم حالي
حرمة وغريبة أبغير والي

راحت أيام الچانت أوياك
چنت أگعد وأسمع حچاياك
يحلة الحچي خوية أبطرواك

أشمحلاهة من تگبل علية
كلك وفة يبن الزچية
هيهات هم ترجع الية

يروحي أشصبرچ بحسين من مات
وني أبصوت الة وجري الحسرات
واللي راح وين الگاه وهيهات

&&&&&&&&&&&&&&&&&

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M