قصيدة للإمام علي ( عليه السلام )
طور ( الما يلطم على حسين مو شيعي يسمونة )


ياشيعة ولينة أنصاب أبسيف المرادي

●¤●¤●¤●¤●¤●¤●¤●

صوت ويعتلي علي
أنصاب الولي علي
حيدر ياعلي علي
ظلمك ياعلي الكرار لا صاير ولا سادي

أنطبرت هامته علي
تفجع ونته علي
آخر صيحته علي
ورب الكعبة أنة فايز صاح أبصوت وأينادي

أيتامة تصيح علي
والينة جريح علي
ياوسفة يطيح علي
ويلي حال أبو الأيتام وسفة اليوم مترادي

محرابة يون علي
وأيتامة تحن علي
وزينب بالحزن علي
الكرار أبو الأيتام غدروه گوم الأعادي

زينب تنتحب علي
والمدمع يصب علي
واسي يالمحب علي
زينب تنتحب وأتصيح وينك جدي الهادي

ناحت السمة علي
لراعي الموزمة علي
حماي الحمة علي
يخسر كلمن أيعاديه وظلمة وتايه أبوادي


●¤●¤●¤●¤●¤●¤●¤●

الحاجة أم محمد الكناني
أنين الزهراء عليها السلام الجزء السادس

https://www.tg-me.com/ALHUSSEN_M

قصيدة مع هوسات للإمام علي ( عليه السلام )

أموقعينة من حيدر صكنة

●¤●¤●¤●¤●¤●¤●¤●

صك الفوز تم من حيدر توقيعة
عهد وياه لا والله منبيعة
من رب الجلالة صار ترفيعة
( أموصينة والهادي أبحبه )

من يوم الغدير الهادي وصانة
حب كرار ضل أيعيش ويانة
وضل بگلوبنة محفور عنوانة
( بدمانة حب حيدر يسري )

أحنة بكل شدايد نندبة ويحضر
وأبكل معضلة الكرار ميقصر
من عطفه وحنانه للمحب ينشر
( يندب بيه الحي والميت )

بس أبكربلة شو ما حضر زينب
نسأل هالسؤال لحيدر ونعتب
عذرا سيدي زينب دمعهة يصب
( أبلا والي من ضلت حرمة )

غريبة أبكربلة وأفگدت ولياهة
كلهة أمذبحة جدام عيناهة
وبالسوط الشمر ياحيف ضرباهة
( العطشانة وأتلم بأيتام )

مهضومة وتون تنعى مصيبتهة
وتنظر لليتامة أتسيل دمعتهة
أطفال وحرم هية كفيلتهة
( يسبوهة للشام أعداكم )

●¤●¤●¤●¤●¤●¤●¤●
الحاجة أم محمد الكناني
أنين الزهراء عليها السلام الجزء السادس

https://www.tg-me.com/ALHUSSEN_M

.

🛑🛑🛑 اعلااان 🛑🛑🛑
اللهم صـڵ عـۧلـﮱ םבםב وآڵ םבםב 🤲



صدر حديثاًاً
ديوان الحزن السرمدي
الجزء الحادي عشر 1️⃣1️⃣


خاص ..
بلأمام علي (الامير ؏)


يتوفر في ڪـل ما يحتاجه المجلس ...


قصايد ثـگــيـلـه + خـفـيـفـه +
مربوعه + حــربـي(جنوبي)
+ فــزآعـي + ختامية مَـجـلْـس
+ قصائد حماسيه نزله +
+ نــعــي + ابـوذيــه + هـوسـآت





لخادمة أهل البيت
{{ الشاعره سهيله حسين }}
https://www.tg-me.com/moohamd1963

رابط قناة الشاعره
صاحبة الديوان 👆👆



___
___
رقم المطبعه للطلب 👇👇
٠٧٨٠١٣١٠٨٩٠
https://www.tg-me.com/daralzhraaً
رابط المطبعه للطلب 👆👆

.

قصيدة للحسين عليه السلام

تبقى هاي الصرخة تدوي للأبد
على طول الدهر أبد ما الهة حد
للحسين أبن علي للحسين أبن علي

■♤■♤■♤■♤■♤■♤■

حسين ضحة من أجل دين الثبات
حتى أحنة نعرف بمعنى الحياة
نبقى أحنة نعاهده لحد الممات
ياسفينة ونهتدي بيه للنجاة
أنعاهده طول السنين لا نكون أمقصرين
أشما بچينالة بحنين أبد ما نوفيلة دين
للحسين أبن علي للحسين أبن علي


قدم أكبر تضحية بطف كربلة
أنطة لجل الدين كل ناسه وهلة
وبقى ضامي ومنفرد محد الة
وجاهد بدمه الشهيد وبيه علة
عبرة من عنده ودروس ما نخلي أحد يدوس
لا نوافق بالجلوس ننطي كل هاي النفوس
للحسين أبن علي للحسين أبن علي


دمه العطشان أنطه أكبر دليل
وگال أخضع للظلم شي مستحيل
خل يروح المعتدي وعني يميل
مو أنة اللي التوي وأبقى ذليل
هو علمنة الجهاد بوجه ذول أهل العناد
نلبس لأجله السواد ونبقى نعلن الحداد
للحسين أبن علي للحسين أبن علي


■♤■♤■♤■♤■♤■♤■

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

قصيدة ليوم العاشر
طور ( هالله هالله حسين وينة بالسيوف أمگطعينة )

زينب الحرة تنادي ذبحو أبن النبي الهادي

■♤■♤■♤■♤■♤■♤■

گوم ياحيدر ولينة شوف أبن النبي الهادي
ذبحو أبنك بالسيوف وهو عطشان وينادي
لجل دينك يامحمد حققت هذا جهادي
جالت الخيل أعلة صدره والنحر حزوه الأعادي
ومن أشوف حسين ضامي تلتهب جمرة أفادي
والكفيل أمصوبينه وگطعو منه الأيادي
عگب عينك يبو فاضل منهو اليردني لبلادي
وكل أخوتي عالوطية أمطرحة بكربلة الوادي
للسبي وية العدة نمشي والضعن حمله الحادي
هالظلم بالكون كله ما جرى ولا ضنة سادي
وخل ينادي كل مناضل للحسين أعلن حدادي
وكل موالي أيگول لجلك أحزن والبس سوادي

■♤■♤■♤■♤■♤■♤■

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

‏فيديو من ....

قصيدة ليلة العاشر

ليلة أوداع الأخيرة الليلة
حسين والفرگة چبيرة الليلة
صاح زينب والخوات والعيال وية البنات
والأصحاب وية العشيرة الليلة
●¤●¤●¤●¤●¤●¤●¤●

الحسين أيوصي زينب گال يختي وكل هلي
أنتي بعدي للعيال الما يضل الهم ولي
أنتي بت فاطمة الزهرة وأنتي يامهجة علي
أنتي ثورة هالنضال اللي أبد ما تنجلي
يختي باريلي العيال العاشت بعز ودلال


باچر العدوان تهجم يبدي بينة أول بلة
والأصحاب أرواح تفدي فوك أرضچ كربلة
والشجاعة من شيمهم وأهل غيرة ومرجلة
تطرد الكفار عنة حتى تحمي العايلة
أمطرحين أعلة التراب كفو يانعم الصحاب


وعلي الأكبر ياحلاته من يطب للحومة
شبه جده النبي الهادي لو وصفنة أرسومة
يفدي روحه لجل دينه وينطي عمره ويومة
وجاسم العريس بعده حنته أمن أدمومة
آه ياريع الشباب آه ياعظم المصاب


أبزوده العباس يمشي ومن يشيل الراية
يعتني للمشرعة وللفرات وماية
بيده جاب الماي لكن وسفة صارت هاية
أتلگتة العدوان هجمت يم المسناية
حارب سهام وسيوف وفده لحسين الچفوف


آه من يوم الحسين وآه من يوم الغريب
ينذبح يمه رضيعه وبدماه يصبح خضيب
والخيول أتدوس صدره والجسم يصبح سليب
والعيال أخلافه تبقى بالصراخ وبالنحيب
يامصاب الما جرة يوم گصو منحرة

●¤●¤●¤●¤●¤●¤●¤●

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

قصيدة للحسين عليه السلام

هاي زينب صارخة بطف كربلة
أتنادي ياكرار شوف المعضلة
واويلاه على حسين واويلاه على حسين
■♤■♤■♤■♤■♤■♤■

أتنادي ياكرار شوف اللي جرة
أبيا ذنب حسين گصو منحرة
أشلون تقبل هذا وأنت حيدرة
وأنت سيف الله ضد أهل البلة
واويلاه على حسين واويلاه على حسين


ليش هذا الصار كله أعلة الغريب
الخيل داست جثته ودمه خضيب
يبقى ضامي بكربلة وجسمه سليب
وعينه مشبوحة لعياله وهاملة
واويلاه على حسين واويلاه على حسين


دارت الكفار حرگوهة الخيام
هجمت أعلينة العدة بضرب السهام
والأطفال أمروعة ودنيا ظلام
وهاي زينب حايرة وية العايلة
واويلاه على حسين واويلاه على حسين


سكنة تبچي وصارخة أعلة المصاب
أتنادي أبوهة حسين ضل أعلة التراب
وفوك همهة گابلتهة الرباب
صوبت عبدالله نبلة حرملة
واويلاه على حسين واويلاه على حسين


آه يازينب وآه يحزانهة
يوم عاشر ذبحو وليانهة
وبصبرهة عجبت عدوانهة
هاي أخت عباس راعي المرجلة
واويلاه على حسين واويلاه على حسين

■♤■♤■♤■♤■♤■♤■

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

نعي للحسين ( عليه السلام )

******

آنة أبعازتك خوية وأجيتك
وحيدة أبغربتي وأطلب حميتك
لكن ياوضع وسفة لگيتك

أجروحك يخوية أشلون أشدهن
لا واحد ولا عشرة وأعدهن
ونيران العطش تسعر بعدهن

سهم المثلث ناره تلهب
ونار العطش ياخوية تصعب
والماي حسرة أمنين تشرب

بأيتامك يخوية كلفتني
بالغربة أنة وحدي عفتني
فارگتك يخوية وفارگتني

زينب أنة وأمخدرتكم
غصبن علي خوية عفتكم
واليوم أنة أبعازة وردتكم

أمورمة وسود الأمتون
ومن دم تهل عميانة العيون
هم وقهر الگلب محزون

يحسين خوية تدري بية
عدوانكم عالو علية
للشام ودوني سبية

طبع الولي يحضر أبشده
لو عال العدو بيده يرده
ومنهو يشيل الحمل بعده

*********

الحاجة أم محمد الكناني
أنين الزهراء عليها السلام الجزء الرابع

https://www.tg-me.com/ALHUSSEN_M

قصيدة للحسين ( عليه السلام )

من شال الولي ضليت مهضومة
وأنحب يالذبيح الما مثل يومة
●¤● ¤●¤●¤●¤●¤●¤●

نايم عالرمل متوسد التربان
راد الماي حسرة يلهب وعطشان
مذبوح الولي ومنه الجسم نحلان
الهامة أمخضبة وأمسلبة أهدومة

ويلي أبن الزچية رضرضو صدرة
ضامي أمن العطش مطروح عالغبرة
أيتامة تون وأمكسرة العبرة
وزينب عالولي أتنوح مالومة

وحدي بالغرب ما ضل الي والي
بالهم والقهر والضيم يبرالي
بفراك الأخو ما ينوصف حالي
ما شفت الفرح من جابوا أعلومة

فارگت الولي من غصبن أعلية
شال وراح عني الكله حنية
مگطوع الأمل ماكو بعد جية
فارگنة القدر والقسمة محتومة

يادار الولي وحشة وتبچيني
ضلت خالية ويهمل دمع عيني
وين الغاب عنهة يسمع أونيني
وين الگاه الراح وغابت أرسومة

●¤●¤●¤●¤●¤●¤●¤●

الحاجة أم محمد الكناني
أنين الزهراء عليها السلام الجزء الرابع

https://www.tg-me.com/ALHUSSEN_M

فزاعية للحسين ( عليه السلام )

الزهراء ( عليها السلام ) تخاطب ولدها الحسين ( عليه السلام )

ويلاه يبني المذبوح يوليدي

*********

ويلاه يبني المذبوح
الف وتسعمية أجروح
عالغبرة نايم مطروح

يافجيعة كربلة
صار بيهة أكبر بلة
صابك بسهمه حرملة

أمسلبة العمامة
يتصارخون أيتامة
يحرملة وأسهامة

ذبحوك يبني عطشان
تنحب عليك النسوان
والخيم تسعر نيران

أتناديك بوية أسكينة
أگعد يبوية أحمينة
سوط العدة ياذينة

زينب سبوهة للشام
راسك وياهة جدام
وكل الحرم والأيتام

******

الحاجة أم محمد الكناني
أنين الزهراء عليها السلام الجزء الرابع

https://www.tg-me.com/ALHUSSEN_M

قصيدة حماسية للأربعين

يحسين  يحسين  زينب أجت أتزورك

■♤■♤■♤■♤■♤■

هاي زينب جاية لطف كربلة
أتزور گبر حسين وية العايلة
تسچب الدمعات عالخد هاملة
أتگلة خوية حسين جيت أمحملة
أهموم أهموم لمن فگدت أحضورك


أتگلة هذا اليوم يوم الأربعين
وگلبي نار أعليك موجوع وحزين
خوية بالشام أحنة چنة أميسرين
وجارت أعلينة الليالي والسنين
ياحيف  ياحيف  غايب علينة نورك


ودارت الحرة على گبر الكفيل
جرت الونات والمدمع يسيل
أتگلة جبت الحرم آنة والعليل
عباس  عباس  ياما أحتميت أبسورك


وهاي رملة تنتحب وية الرباب
مرة عالمذبوح مرة عالشباب
أيصيحن الله أيعينّة بعد الغياب
من دفنّة أجسادكم تحت التراب
يحسين  يحسين  نرجع نوّن أبدورك

■♤■♤■♤■♤■♤■

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

قصيدة للأربعين

زينب نادت العباس     گوم أگعد تلگاني

●□●□●□●□●□●

أتگلة گوم يالوالي
شوف أشصاير أبحالي
ياعباس يالغالي
أخلافك زادت أحزاني

خوية أمن اليسر رديت
گابلت الگبر وأبچيت
گوم أنهض الي ياريت
زماني أهواي عاداني

جيتك ألطم أعلة الراس
ياخوية يبو النوماس
يالكلك وفة عباس
يل ما يوم تنساني

شو نايم على الغبرة
گوم لزينب الحرة
عندي أجروح ما تبرة
يالفرگاك أذاني

آنة أمدللة حيدر
يامهيوب بيك أفخر
بالعازات لية أحضر
بالنخوات عنواني

خذوني الگوم مسبية
ومحد ينغر أعلية
أون ونات مخفية
وأصيحن وين ولياني

تدري العدة ضربوني
سود أمورمة أمتوني
خوية وما يرحموني
آني أم الحزن آني

ياعباس حاچيني
خوية يانظر عيني
أنت اللي تباريني
گوم وردني لأوطاني

●□●□●□●□●□●

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

فزاعية للأربعين

ردت بت علي هاليوم     جابت روس أهاليهة

■□■□■□■□■□■

اليوم أبكربلة زينب
تنعى الفاگدة وتنحب
وتصرخ والدموع أتصب
على حسين واليهة

ذبت روحهة أمن النوك
أتنادي والگلب محروك
دم حسين ضل مسفوك
   أبكربلة أواديهة

هاي الروس جابتهن
وية الأجساد دفنتهن
وگعدت تنتحب يمهن
وين اللي تعازيهة

أتگلة حسين يبن أمي
عالغبرة تضل مرمي
عدمن أشتكي همي
أمن الدنيا وبلاويهة

خوية حسين يامظلوم
ياعطشان يامحروم
مسبية خذوني الگوم
زينب هاية تاليهة

وگعدت يم گبر عباس
وگامت تلطم أعلة الراس
أتگلة زمرة الأرجاس
ريت الله يجازيهة

ياعباس حاچيني
خوية وياضوة عيني
عگبك من يباريني
وروحي بيش أسليهة

ظلمة دنيتي أبلياك
والعشرة أنگضت وياك
ياعباس وين الگاك
عيني أعليك لعميهة

■□■□■□■□■□■

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

فزاعية للأربعين

زينب أجت لكربلة    والعيال وياهة

○¤○¤○¤○¤○¤○¤○

أتزور گبر الوالي
أتگلة يخوية أشحالي
چان الشمر يبرالي
وهاي الأيتام أذاهة

صدت لعد واليهة
نوح وهضم غاطيهة
وأدموعهة تجريهة
ويلي على بلواهة

تنعى وتون مهضومة
كلكم يخوتي نومة
منكم أنة محرومة
والحرم من يبراهة

يحسين أنة أتعنيتك
يوم أربعينك جيتك
تنهض ألي ياريتك
خوّتك أشمحلاهة

ياخوي شوف العايلة
دمعتهة عالخد سايلة
والعدة أيدة طايلة
وأعيالكم عاداهة

ردت تنادي أبو الفضل
أفراگكم ما ينحمل
هيهات يلتم الشمل
وأيامك أشينساهة

أشلون خوية أبرجعتي
وية العيال لديرتي
زادت علية حيرتي
بالأيتام وأبچاهة

گومو يخوتي ويانة
خل نرجع لأوطانة
زينب ترة حيرانة
بهالحرم وممشاهة

أعيونة تجري وتصب
تنعى الأعزاز وية المحب
الدار ضلت تنتحب
عاللي مشة وخلاهة

ما ضنتي الگاهم
أخوتي ما أنساهم
ياريت أموت أوياهم
والروح هاي أنعاهة

○¤○¤○¤○¤○¤○¤○

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

قصيدة للأربعين
طور ( آني رايح للبقيع أشعل شمع ) ملا أياد النصراوي


آني جيتك      يبو فاضل يالولي
وأعتنيتك      خوية گوم أنهض الي
خوية چنة أميسرين    گوم لية يالحنين

●¤●¤●¤●¤●¤● 

جيت خوية زينب آنة الهاشمية
جيت من رحلة عذاب الغاضرية
يبو فاضل تدري چنت آنة سبية
أتحملت خوية المصايب والأذية
أمن المصايب     حيلي ياخوية أنهدم
گلبي ذايب       ودمعتي من عيني دم
حسرتي نوح وأنين   گوم لية يالحنين

تدري خوية وياك محلاته العمر
وتدري خوية أبشوفتك يحلة النظر
شوف تالي أشسوة وياي القدر
أخلاف عينك خوية يسبيني الشمر
ظلمة صارت      عگب عينك دنيتي
دنيا جارت        وحدي آنة أبغربتي
گلبي مهموم وحزين     گوم لية يالحنين

ريت خوية وياك أرجع من جديد
وهذا گلبي أمن الألم بلكت يهيد
وأنسى لوعة كربلة ولوعة يزيد
وأنسى گيدي بالسلاسل والحديد
أگعد وياك       حلم هذا مستحيل
نار فرگاك         تسعر ودمي يسيل
ياكفيلي والمعين      گوم لية يالحنين

گوم خوية وياي ردني للوطن
تدري بية هدمت حيلي المحن
يبو فاضل گوم باريلي الضعن
ونرجع آنة وياك وأنعيد الزمن
ياكفيلي      مني أبد لا تعتذر
يادليلي       أتحملت ياما صبر
گوم وأنطيني الأدين     گوم لية يالحنين

●¤●¤●¤●¤●¤●¤●

الحاجة أم محمد الكناني
أنين الزهراء عليها السلام الجزءالسادس


https://www.tg-me.com/ALHUSSEN_M

فزاعية للأربعين


زينب جاية أمن الشام          يوم الأربعينية

■♤■♤■♤■♤■♤■♤■

أجت أتزور ولياهة
وهاي الروس وياهة
منهو اللي تلگاهة
من الضيم محنية

جابت روس أهاليهة
أجت الضيم غاطيهة
گوم أگعد يواليهة
لزينبكم  المسبية

أتصيح حسين يبن أمي
ياشيال كل همي 
أجيتك والدمع يدمي
عيني صفت معمية

أتگلة حسين حاچيني
ياروحي ونضر عيني
أنة بلياك تدريني
على فرگاك ما بية

أرجع للمدينة وياي
ساعدني على بلواي
ياخوية وبعد عيناي
كلك وفة وحنية

■♤■♤■♤■♤■♤■♤■

الحاجة أم محمد الكناني
أنين الزهراء عليها السلام الجزء الرابع

https://www.tg-me.com/ALHUSSEN_M

فزاعية للأربعين

أيعينهة الله بت علي     من ردت لولياهة

●¤●¤●¤●¤●¤●¤●¤●

من ردت أبيا حالة
العين دم همالة
جابت لأخوهة أعيالة
وجابت الروس وياهة

نادت حسين الوالي
زينب أنة وأشحالي
ضيم وقهر يبرالي
أختك شمر أذاهة

صاحت يخوية يالحنين
اليوم يوم الأربعين
جبت اليتامة أملوعين
أعداكم أتولاهة

أتصيح زينب بت علي
عباس جيتك يالولي
ياخوي گوم أگعد الي
ولزينب أتلگاهة

عباس خوية يالكفيل
أعداك ضل بية يعيل
والحمل كل ساعة يميل
زينب شمر يبراهة

گعدت تون مالومة
من السبي مهضومة
يزينب المظلومة
نوح وهضم غطاهة

●¤●¤●¤●¤●¤●¤●¤●

الحاجة أم محمد الكناني
أنين الزهراء عليها السلام الجزء الرابع

https://www.tg-me.com/ALHUSSEN_M