قصيدة للحسين ( عليه السلام )
لسان مولاتي سكينة توصف حال عمتها زينب (ع) بعد أستشهاد أبيها الحسين (ع)
طور ملا باسم ( أشبيهة أمي وليش متغير وضعهة)
▁ ▁ ▁ ▁ ▁ ▁ ▁

أشبيهة عمتي وليش متدهور أمرهة
المرض هد أعظامهة وزايد قهرهة
¤¤¤¤¤¤¤¤¤¤¤¤¤¤¤¤¤¤


چانت أمخيمة علينة وشايلة هم أونين
چنهة ونت الموت گربت من بعد هم السنين
ضمت أهموم بگلبهة والوجه ذابل حزين
بلوة باليهة زماني والدمع تارس العين
جانت تضويلنة كل مغربية
وشايلة محنة مثل أمهة الزجية
آه من ضيم الليالي وياسهرهة


حالهة صارت حزينة وحيل ما تگدر تگوم
أمن القهر محني ظهرهة وتذكر أخوتهة وتلوم
أتگول من ميتة عساني ولا شفت ذاك اليوم
سابح بفيضان دمه والشمر يمة يحوم
صعب ياذاك الزمان الهضماني
فوك عيني حيل هل طگني وعماني
ريت كون أبكربلة حيدر حضرهة


كربلة وياكربلة وأشچم فجيعة وبيهة شافت
جثث كلهة أمطرحة وبالشمس عالغبرة عافت
وبالبراري أيتام تصرخ عمة زينب كلهة تاهت
ونادت أحضر يبو فاضل ياكفيلي أعليه ناحت
حايرة وتلم يويلي باليتامة
والمتن بالسوط طابع بيه علامة
أتحملت ياما رزايا من زغرهة


أتحملت ياما رزايا وشافت أنواع العذاب
من كسر ضلع الزچية ومن أثر ذاك المصاب
وچملاهة جرح أبوهة حيدرة داحي الباب
ومن وگع محسن أخوهة وطيحتة بعتبت الباب
أگبالهة دار الزچية أحرگوهة
وأخيامهة بطف كربلة هم أشعلوهة
آل أمية الشكوى لله من غدرهة


أيعينهة الله أم الصبر من الزغر أشگد شافت أحزان
جبل صار الصبر عدهة وصار ثابت الهة عنوان
بت علي وأمهة الزچية فاطمة خيرة النسوان
الربت في حضن النبي وأهل الوحي ومنزل القرآن
يامصيبة كربلة أكبر فجيعة
راحو الهة حسين وي حامي الشريعة
بالحزن والنوح خلص كل عمرهة

&&&&&&&&&&&&،&&&&&&&&

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة للعباس (ع)

ياشاطي النهر يمك وگع ضخري
ضليت أنتحب وحايرة بأمري

ياشاطي النهر اليوم أجيت أعتب
عن حك الضيافة أوين المعزب
شريد أحچي يماي ومنك آنة أطلب
ما أعتب عليك أعتب على دهري

أعتب عالدهر ضيعلي أخواني
ولك ياماي منك ما شربت آني
عگب عباس والله زادت أحزاني
وسفة راح مني هيبني وفخري

أريد أگعد على جرفك وأزيد أعتاب
ولك ياماي منك ما أشربت الأحباب
عبدالله رضيع ومنه چبده ذاب
وأگليبة أنفطر من العطش تدري

شريد أذكر سباية ولوعة الأيتام
لو هضم وسبي وشامت حرك الخيام
لو شبان طاحت وي علي وجسام
بقيت أمدوهنة بالصار واليجري

بقيت أمدوهنة ومحترك جدمي أبنار
وگلبي للمصيبة يانهر محتار
كف عذرك يماي وماردت أعذار
أدفنك كون مايك ما يضل يجري

أدفنك كون بيدي ومايضل ذكرة
مات أمن العطش أمدلل الزهرة
مايك ما فزع وطفة الجمرة
وأمي أتگول مايك يانهر مهري


¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة للعليلة ( ع )

طور ( گلي يالميمون ) لحمزة الصغير

گلي يالمرسال أشلونة والينة
أيرد أبو السجاد لو غفت عينة

أمشي يالمرسال...شوف أبوي حسين...شنهي أخباره
روحي ملهوفة... وأهمل العينين...أمن أنضر الداره
خبره عن حالي...گلة أنة بكل حين...دمعي يتجاره
آنة مشتاگة
وهم يرد لينة
لو غفت عينة

آنة يالمرسال ....روحي مالومة.... وأنتضر جيتة
ماضن يرد دوم.... وطول النومة... بوية أعلة بختة
بوية أضل برجاه.. ضاعت أعلومه... بوية آنة بتة
وين أبوي حسين
هم يحاچينة
لو غفت عينة

ما وصل مرسال... ولا جت أخباره... وأيست روحي
وحدي أنة بالبيت... بوية محتاره... وزادن أجروحي
ونّتي سكتة......ودمعي يتجاره .....زيدلي نوحي
أنتضر جيتة
يمتة يجينة
لو غفت عينة

وحدي بهمومي ....لا خبر جاني ....فگده هد حيلي
ضعنه راح أبعيد .... وآني خلاني ....ما نمت ليلي
آنة العليلة....ضليت أعاني....الفرگة ياويلي
الأبو خيمة
أشلون ناسينة
لو غفت عينة

وي ابوي حسين....حلوة الليالي....ولمة شملنة
هم ترد أردود....أبشوفة الوالي....أبحضنة ويلمنة
أبقى منتضرة.... والدي الغالي....لو سأل عنة
يهضم أغيابة
هم يعتنينة
لو غفت عينة

&&&&&&&&&&&&&&&&&&&&

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة للعباس (ع)

اليوم روحي هايمة أتريد الولي
من عگب عباس ياحيف أنولي

من عگب عباس أبقى أمعلعلة
لچن راح الزود وأهل المرجلة
ماتت الخوان وبطف كربلة
صحت دگعد بعد بالدنيا شلي

أوصلت يم گبورهم صحت أبعتب
ليش ياعباس أمشي ويالغرب
حگي لو عاتبت معروف السبب
أمن المدينة أطلعت گتلي أدللي

أمن المدينة أطلعت أبعز وفخر
وأنت ياعباس يافارس مضر
گتلي خوية أفديچ ياخيتي العمر
والنعم ياخوي ياعزي وهلي

أطلعت وياك بالعز والدلال
أشلون ترضى أمشي أبغربة ويالرجال
أمچتفة عالنوك وخشنة الحبال
گوم ياعباس ردني المنزلي

يالجبتني أمن المدينه أمدللة
وحافتني أسباع والله أبزهللة
بقيت مهضومة يراعي المرجلة
وآنة لبوة فاطمة وحيدر علي


¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع
https://www.tg-me.com/ALHUSSEN_M

قصيدة للعباس ( عليه السلام )

وگع ياحيف هذا الحير الكون
لعب جولة أبو فاضل يوگع أشلون

وگع ياحيف وأبعينة السهم طاح
حماي الخدر يسكينة هل راح
بخيم الفواطم كبر أصياح
أيتام وحرم ضلو يلطمون

أيتام وحرم صاحو يعباس
ياكافل أخيته ورفعة الراس
ضلن عالشريعة الدرع والطاس
أصيح بصوت رد النة اليعيلون

أدور عالشريعة وين الأزنود
هيهات ويرد الكافل أردود
ياحيف الولي بهاليوم مريود
على أمصابه نون ونعمي العيون

ما يرجع بعد عمچن للأخيام
وين أنطي الوجه بأطفال وأيتام
باچر والعدة يسبونة للشام
وزلمي أعلة الرمل صرعى ويونون

على نوك الهزل يسرة خذونة
ويشتمون الولي وشتمو أبونة
وأحنة أهل الخدر وما رعونة
وأسياط العدة طبعت بالأمتون

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع


https://www.tg-me.com/ALHUSSEN_M

فزاعية للعباس (ع)

عباس خوية أتحيرت والنسوان بالهيمة


چا وين أروحن يالولي من عندي ضاع أمدللي
فريت أدور ياهلي ولاضل ولي ولا خيمة

لا ضل ولي أيحامينة عباس ياوالينة
عگبك ترة أنذلينة يانار گلبي وضيمة

خوية خواتك هل مشن مهضومات يمك بچن
بعدك يبو الغيرة أنولن ياخوي يابو الشيمة

دگعد يعزي وهيبتي ما تسمع أنت نخوتي
النار شب أبخيمتي أيتيمة تجر بأيتيمة

خوية أفزعت خيل وزلم من غير والي أنهضم
أگعد يشيال العلم منك يوسفة أحريمة

يهضم كتلني أغيابك ويلي يسهم الصابك
مسبية وأنعى أمصابك والعزة وين أنقيمة

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة لزينب (ع)

زينب هاي هية الذلت أرجاس
تحچي أبزودهة وما تطخ راس

بت حيدر علي أخت الشياهين
أخت عباس هاية وأخت الحسين
أخوتهة المراجل كفو ونعمين
هاي أم الخدر للعفة مقياس

مشت للشام وأتباري الضعينة
حضنهة الدافي أم روح الحنينة
وعلي السجاد ساندته وتعينة
أخذتهة الكفالة أمن أبو النوماس

هاي الذلت أيزيد أبحچيهة
تدنك هام أمن أتأشر بديهة
منهو اليگدر أيعاين عليهة
من غيرة علي ومنبع العباس

من غيرة علي وعفة الزهرة
متحير يزيد أحتار بأمرة
من طبت لمجلسهم الحرة
خطبت بت علي وبالخطبة أحساس

خطبت بت علي وگالت أسمعوني
ذبحتو أخوتي وآنة سبيتوني
وجبتوني أسيرة وهزل أضعوني
بچتهم وضلت حايرة الناس

&&&&&&&&&&&&&&&&&&&&

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة للعباس (ع)

الخوة أتلوك للعباس وأم عون
محلاه الوصف وأشما يگولون
******

عباس وية زينب من توصف
خوتهم نهر هيهات ينشف
عنوان الوفاء ويشهد الطف
( طاريهة خوة ويعجب )

خوّة وبالوصف لو نحچي بيهة
زينب والنعم لايك عليهة
وي عباس أبو فاضل وليهة
( أشمحلاهة لو صاحت خوية )

لو صاحت يخوية ها يعباس
يگللهة يروحي وتاج عالراس
خوة وتبقى بيهة أتسولف الناس
( أتزامط بيه الكافل أخته )

أتزامط بيه وحگهة تفتخر بيه
أبو مريوش هو ولايگة أعليه
أعيونه تبتسم زينب تحاچيه
( تلگيني عد عينچ خوية )

عد عيناچ يازينب تأمرين
يمن تفداچ يختي الروح والعين
بت الزاچية وست النساوين
( أيوصيني وحيدر بيهة )


¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة للعباس ( ع )
طور ( عباس بعد أعيوني باچر زلم يسبوني ) ملا حيدر الجابري

عباس نور أعيوني تدري العدة هضموني
ياخوية وأيشتموني ها يعباس ها يعباس
وأدري ما ترضاهة زينب تهل عيناهة
اليوم الشمر ضرباهة ها يعباس ها يعباس
¤¤¤¤¤¤¤¤¤¤¤¤¤¤¤¤¤¤

ياسند زينب كل وكت ياهيبة
يالشارب أمن أم البنين الطيبة
ماي الفرات أيگول لأخته أيجيبة
معروف أخوية وأصل زلم النيبة
أيفر العدة بأيمينة أيخافون خزرة عينة
مهيوب عم أسكينة ها يعباس ها يعباس
منهو اليگف جدامة حامي الخدر وأخيامة
مرفوعة بيه الهامة ها يعباس ها يعباس


حيدر علي رادة الهاي الشدة
يدريه من يغضب أعداه أيمردة
معروف أبو فاضل الغيرة العندة
ما واحد اليدناه ويوصل حدة
وأم البنين أتوصيه حسين روحك تفديه
أبن الزجية تدريه ها يعباس ها يعباس
عينك وأديك أنطيهن عالمشرعة خليهن
لحسين يمة أهديهن ها يعباس ها يعباس


هاي الوصية وما أضن تنساهة
لأم الخدر وأتكون عد عيناهة
لو مرهة عايل أدري ما ترضاهة
فدوة الهة عينك لو سهم طفاهة
زينب وصية حيدر دومك وياهة تحضر
والطف ييمة أمقدر ها يعباس ها يعباس
أدريك يبني الوفاي توعدني أتقر عيناي
الكافل أنت الرواي ها يعباس ها يعباس


ما قصر ونعم الأخو بوگفاته
طيبة ومحنة ومرجلة صفاته
شمرة علي بطف كربلة هداته
أمخوف العدة عباس من نظراته
لو سمع زينب تنخاه وأتصيح واعباساه
بالشدة حاضر تلگاه ها يعباس ها يعباس
للموت يوفي بوعده غيرة وحمية عنده
ضرغام وكت الشدة ها يعباس ها يعباس

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة للعباس ( عليه السلام )


يحلة النوح والميدان بس لبنچ يبدوية
طبي لمجلسة والطمي بحماسية
¥¥¥¥¥¥¥¥¥¥¥¥¥¥¥¥¥¥¥¥¥¥¥¥

مجلس حار سويـلة
شدي حزام هوسيلة
أبد ما نام عالعيلــــة
يخوف أعداء من ينجاب طاريـــة


يحلالة العزة أمگابل
وي زينب على الكافل
يستاهل أبو فاضل
هذا الكافل لزينب العلوية


طبي للعزة أبفزعة
ثواب أدموعنة أنوزعة
ولطمة حارة ودمعة
أنگابل بت علي لطمة أبعدالية


أبو فاضل نعم منـة
عالكلفات أحشمنة
سبع ياراعي المحنة
أربات أم البنين أمه النشمــــية


أحشمة اليوم أريد أمراد
مريضة آنة وگطعت الزاد
وگفتك يالبطل تنراد
أطلبي أمراد منه أبخالص النية


أطلبي من أبو الغيرة
ولتضلين بالحيرة
الوادم تاكل بخيرة
سفرة مجلسة الحاجات مگضية

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة للقاسم عليه ( السلام )

أوحيد وأنتضر عرسك يالأوليد
أجاك الموت گلي يبني شيريد
¥¥¥¥¥¥¥¥¥¥¥¥¥¥¥¥¥¥¥¥¥¥¥¥

وحيد وأنتضر عرسك وأحنيك
يازين الشباب وجيت أحاچيك
بتراب المگابر خاف ياذيك
عليك النوح يبني دوم وأيزيد

عليك النوح يحلة ولطم الأصدور
عريس الولد ذبحوه أبعاشور
گلبي أعليه ضل للدوم مقهور
أجانة العيد شلي أبجيت العيد

أجاني العيد ريت العيد لا جاني
وحيدة ياخلك عگب أبني خلاني
أونن والمصايب زادن أحزاني
أشما زاد الحزن ياناس شيفيد

شيفيد الحزن للما حويته
شباب وراح مني وضيعيته
أبيوم العرس صارت منيته
مو عالبال چانت هالمواعيد

مهضومة وحزينة أمك يجسام
من بعدك يغالي سود الأيام
مصايب كربلة وأمصيبة الشام
تون وين الأهل وين الصناديد

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة لشباب الأكبر والقاسم (ع)

تهد الحيل ونتكم يشبان
أشلون أوجوه غطاهة التربان
¥¥¥¥¥¥¥¥¥¥¥¥¥¥¥¥¥¥¥¥¥¥¥¥

أشلون وجوهكم بالگاع مدفونة
اليوم السمة لأجلك حيل مرجونة
يامن رحت فدة لطوله وأعيونة
ترة أعلة أفراگكم أسكن الوديان

أريد أسكن الوادي وأمشي أبهيمة
من بعد الشباب وحرگتة وضيمة
وأزيد النوح لأجله والله وأنجيمة
عمت عين الوكت ماخذ الأحنان

ماخذ شمعتي وياضوة بيتي
أسكن بالمگابر عگبه تاليتي
عسن كون النفس ينگطع من ريتي
شلي بعمري أخلصه دوم بأحزان

خلص عمري بغيابك بالمهضمية
على أفراگك ييمة حيل ما بية
عفت أمك تون من غير وعدية
أون لعازتك والحيل نحلان

تون الروح والله أشلون أصبرهة
تضل الوالدة مكسور خاطرهة
لمنيتهة تريدة كون حاضرهة
يشيع الوالدة وأيصير دفان

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة للرضيع

يعبدالله يايمة لا تون حيل ترة ذايب دليلي
يعبدالله يايمة أدموعي أتسيل وساهرت آنة ليلي
يعبدالله يايمة يعبدالله يايمة
¥¥¥¥¥¥¥¥¥¥¥¥¥¥¥¥¥¥¥¥¥¥¥¥


حزينة أمگابلة مهدك وأتاني حسبت ترد الية
ما ضنيت يبني روحتك هاي بيهة المنية
چم دوب الصبر يالولد مليت ما ترجع علية
وينك يالولد وين
جابك للصواوين
وسابح أبدمه يعبدالله يايمة


يافجعة فجعهة البين وياي خلاني غريبة
أخذ مني العزيز ونور عيناي وبقيت آنة أبريبة
گابلت المهد وأعليك حنيت أشلون أنسى عجيبة
أبني ومهجت أحشاي
عگبة تايه الـراي
بهدمك آنة أشمة يعبدالله يايمة


أشم بريحتك وأدموعي أتسيل وأحس جتني المنية
أضل أنضر لطولك وأحسب أيام متت بالغاضرية
مهدك يالولد ياما آنة هزيت ترة بأثنين أدية
چن ماي وتبـدة
وصبري وصل حدة
طاح أشلون المة يعبدالله يايمة


على مهدك يالولد ياما هزيت يابو عيون الوساع
حسافات الربة وتعب الليالي مني يالولد ضاع
أيدر لبن صدري وأذكرك آه وأگولن الولد جاع
دگعد شيبتنـي
والفرگة عذبتني
ما ضل بية همـة يعبدالله يايمــة


چبيرة أمك ييمة وركد حيلي وهمة ما بقتلي
فوك النوك لمن ركبوني أعيونك أعرضتلي
صحت ياحادي بالله أعليك وني هذا الطفل أبني
خليني أشيلـة
أفراگة مالي حيلة
يناغيلي بچلمـة يعبدالله يايمــة

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة ليلة العاشر
على طور ( يزينب وين سويتي عزة حسين )

آخر ليلة زينب وية الحسين
*****

الليلة أوداع وية الهاشمية
زينب والسبط روح الزچية
العين أتسولف ودمعة جرية
وباچر يانوية وصوب ماشين


زينب والدمع يجري بالعيون
أتگلة حسين خوية باچر أشلون
أعيالك واليتامة لو ينشدون
وآنة أبحيرة خوية أنطي الوجه وين


خوية أشلون لو حرگو خيمنة
وأطفال وحرم منهو اليلمنة
بس نسوان مذبوحة زلمنة
وعالغبرة يخوية أنتم أمنومين


آه يم عون ونتچ تهدم أجبال
وباچر الصبح مشدودة بحبال
ولك يابين طگتك موش عالبال
أشلون أيزيد طررهة الدواوين


ولك ياليل طول خل أودعة
وراسه ينگطع ظالم يرفعة
تضل عيني تسيل وتبچي دمعة
وأضلن حايرة أبين الصواوين

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة ليوم العاشر

على طور ( مو سهل جرح الأحساس ) ملا باسم

ياعلي بكربلة شصار
بالخيم شبت النار
وتصرخ أيتام الأزغار
ياعلي بكربلة أشصار
¥¥¥¥¥¥¥¥¥¥¥¥¥¥¥¥¥¥¥¥¥¥¥¥


أمنين أبديلك وأسولف هالبلية
وزينب أم الخدر هالتمشي سبية
وأتصيح هاي الناس هاي الخارجية
ياعلي صعبة تنقاس
مصيبة أتشيب الراس
من أسولفلك الصار
ياعلي بكربلة شصار


ياعلي بنتك بلا والي سبوهة
والعدو ياسيدي حيل أهضموهة
شتموهة وبالحبل وسفة خذوهة
نادت أبعالي الصوت
أتمنت أبحرگة الموت
الزمن بالعترة غدار
ياعلي بكربلة أشصار


ياعلي وجهي أنصبغ أمن أرماد الأخيام
وسوط أشگف بالمتن أخاف أعلة الأيتام
أبد ما عدهم رحم يابوية ظلام
عاتبت وينك يوالي
أنهض وعاين الحالي
الفلك ياكون يندار
ياعلي بكربلة شصار


بوية ذبحوه السبط والراس مرفوع
ينضر الحال الحرم ويصبن أدموع
روحي ذابت ياهلي چن ذوب الشموع
الشمر هل حز نــحرة
عيني ما تگدر تنضرة
گمت أفييلة أمن الغبار
ياعلي بكربلة شصار


ياعلي الزهرة أجت بالطف تنضرة
أتشوف أبنهة أبيا كتر واگع تحضرة
تبچي وأتدور العدو گطعو خنصرة
أبيا ذنب يابوبة ذبحوه
يابس اللسانه حرموه
أمن العطش ملتهب نار
ياعلي بكربلة شصار


حضري يمة للطفوف وشوفي حالي
يمة يازهرة أريدچ شو تعالي
كربلة أشسوت يويلي بالغوالي
أنطي وجهي يمة لاوين
باچر أنطر الدواوين
حيف بينة الضعن سار
ياعلي بكربلة شصار

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم هيثم الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

نخوة للحسين (ع)

اليوم أريد أمراد يامولانة
أبجاه زينب والگطع ذرعانة
¥¥¥¥¥¥¥¥¥¥¥¥¥¥¥¥¥¥¥¥¥¥¥¥

طالبة منك وأريدن حاجتي
جاية ومتعنية سهل طلبتي
واگفة أبابك وأهلن دمعتي
اليوم أجيتك هايمة وحيرانة


اليوم أجيت أبابك ودمعي يصب
وآني أدري أعليك طلبي مو صعب
شيلتي أبابك يمولانة أذب
من هضم دنياي هل عجزانة


من هضم دنياي روحي أمحيرة
گالو أگصد روح لأبن الطاهرة
نار وأبنص الدليل أموجرة
أعليك بالعباس وي خوانة


أعليك بالعباس وأمه أم البنين
روحي خلصت من هضم حزن السنين
گلت اگصد ليك يبن الطاهرين
وين أبو الغيرة المرض أذانة


المرض أذاني وبعد ما بية أگوم
دمعي بالمجلس أريد أيصب دموم
أدري متقصر وأريدنك اليوم
حاجتي تگضي وأرد فرحانة

¥¥¥¥¥¥¥¥¥¥¥¥¥¥¥¥¥¥¥¥¥¥¥¥
تمت ومن الله القبول🖋️بقلم
✍️الحاجة أم محمد الكناني
✍️ أم هيثم الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة للحسين ع

ونت فاطمة الزهرة على حسين

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تون وتلطم الهامة
آه يحسين وأيتامة
كلهة أمذبحة أزلامة
وزينب بالمناحة وتهمل العين


أتصيح أمذبحة أزلامي
وروس أخوتي جدامي
صارت سودة أيامي
وتالي أيزيد طررني الدواوين


ضل حسين عالغبرة
يون ويجذب العبرة
صحت أبصوت يازهرة
دلوني الدرب يهل الرحم وين


دلوني الدرب وينة
أنريد أنشوف والينة
گومي عمة يسكينة
شنهي ضلتي بس النساوين


أخيامي أنوب حرگوهة
وأيتامي تولوهة
وبنات النبي سلبوهة
سباية وية العدة ياحيف ماشين


صحت دكعد يوالينة
شوف أشلون ذلينة
نايم ما تحاچينة
أجيب المرتضى گلولي أمنين


أحضر ياعلي لية
مشيت اليوم مسبية
وي زمرت بني مية
هزلة ناگتي دگعدلي يحسين


هزلة ناگتي وعرجة
للكافر صرت فرجة
شفت بس خيلهم عجة
ضربني أعلة المتن ياخوية مرتين

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

فزاعية للحسين (ع)

يم الحزن ماجورة على حسين وأمصابة
¥¥¥¥¥¥¥¥¥¥¥¥¥¥¥¥¥¥¥¥¥¥¥¥

كلنة نعاون بت علي لمصاب أخوهة والولي
من بعد عينه تنولي يهدم الحيل أصوابة


أنعاون المهضومة على الحسين ويومة
مذبوح ضل بالحومة من دم لحيته أخضابة


أمصاب ما مثله جرة حسين حزو منحرة
وأعياله كلهة أمكدرة نار الگلب لهابة


هلو لدمع لمصيبته كلهة تون ياشيعته
على الذبيح وغربته وأدموعنة سچابة


ماجور يالتبچي وتون وأتعازي بيهة أم الحسن
توگفلك أبشدة ومحن هيهات تنسى أحبابة


ما تنسى اليدك عالصدر وأدموعة صبت كالجمر
ويلاه يمحزوز النحر ويل العدة الما هابة

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

فزاعية للحسين (ع)

أتنوح زينب بت علي للمنذبح واليهـة
¥¥¥¥¥¥¥¥¥¥¥¥¥¥¥¥¥¥¥¥¥¥¥¥

ضلت تون بت حيدرة چانت أبعز وأمخدرة
تالي خذوهة أميسرة ياشيعة خن نعازيهة


حگنة نون وياهة ونبجي سوة المبچاهة
راح الولي وما جاهة من اليسر ما بيهة


بحبال مچتوفة وتون وتصيح وين أم الحسن
يايمة سارو بالضعن خولي وشمر يحديهة


محد فزعلي أمن أخوتي ياريت صارت موتتي
بالشام حيرة حيرتي وتالي الشمر يوليهة


فوك الهزل صعدونة ظلام ما رحمونـة
بالجامعة شدونــة دروب اليسر نمشيهة


ليزيد نمشي وية الشمر ويلاه من ضيم اليسر
أحزان وأهموم وغدر أم الخدر سابيهة

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

فزاعية للحسين ( عليه السلام )

وي زينب على المذبوح شدي أحزام وياهة
¥¥¥¥¥¥¥¥¥¥¥¥¥¥¥¥¥¥¥¥¥¥¥¥

شدي أحزام عينيهة عازيهة أعلة واليهة
نوح وهضم غاطيهة راح حسين خلاهة


عيني أم الحزن هاليوم واسيهة على المظلوم
دمعتهة تسيل أدموم ماجور اللي عازاهة


صيحي بصوت أحنة وياچ يازينب على بلواچ
أجيت لمجلس أتعناج مجالسنة عقدناهة


أجينة ننعى ونلطم أنصيح بصوت بالمأتم
وعلى العباس الملثم أبيوم الخوة شالاهة


الف ياحيف عالخوان عشيرة من بني عدنان
مذبوحة وعلى التربان جثثهم منهو غسلاهة


مطروحة ثلث تيام وزينب غربت للشام
وياهة حرم وأيتام وية الشمر يبراهة

¥¥¥¥¥¥₩¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M