قصيدة للحسين ع

ونت فاطمة الزهرة على حسين

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تون وتلطم الهامة
آه يحسين وأيتامة
كلهة أمذبحة أزلامة
وزينب بالمناحة وتهمل العين


أتصيح أمذبحة أزلامي
وروس أخوتي جدامي
صارت سودة أيامي
وتالي أيزيد طررني الدواوين


ضل حسين عالغبرة
يون ويجذب العبرة
صحت أبصوت يازهرة
دلوني الدرب يهل الرحم وين


دلوني الدرب وينة
أنريد أنشوف والينة
گومي عمة يسكينة
شنهي ضلتي بس النساوين


أخيامي أنوب حرگوهة
وأيتامي تولوهة
وبنات النبي سلبوهة
سباية وية العدة ياحيف ماشين


صحت دكعد يوالينة
شوف أشلون ذلينة
نايم ما تحاچينة
أجيب المرتضى گلولي أمنين


أحضر ياعلي لية
مشيت اليوم مسبية
وي زمرت بني مية
هزلة ناگتي دگعدلي يحسين


هزلة ناگتي وعرجة
للكافر صرت فرجة
شفت بس خيلهم عجة
ضربني أعلة المتن ياخوية مرتين

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

فزاعية للحسين (ع)

يم الحزن ماجورة على حسين وأمصابة
¥¥¥¥¥¥¥¥¥¥¥¥¥¥¥¥¥¥¥¥¥¥¥¥

كلنة نعاون بت علي لمصاب أخوهة والولي
من بعد عينه تنولي يهدم الحيل أصوابة


أنعاون المهضومة على الحسين ويومة
مذبوح ضل بالحومة من دم لحيته أخضابة


أمصاب ما مثله جرة حسين حزو منحرة
وأعياله كلهة أمكدرة نار الگلب لهابة


هلو لدمع لمصيبته كلهة تون ياشيعته
على الذبيح وغربته وأدموعنة سچابة


ماجور يالتبچي وتون وأتعازي بيهة أم الحسن
توگفلك أبشدة ومحن هيهات تنسى أحبابة


ما تنسى اليدك عالصدر وأدموعة صبت كالجمر
ويلاه يمحزوز النحر ويل العدة الما هابة

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

فزاعية للحسين (ع)

أتنوح زينب بت علي للمنذبح واليهـة
¥¥¥¥¥¥¥¥¥¥¥¥¥¥¥¥¥¥¥¥¥¥¥¥

ضلت تون بت حيدرة چانت أبعز وأمخدرة
تالي خذوهة أميسرة ياشيعة خن نعازيهة


حگنة نون وياهة ونبجي سوة المبچاهة
راح الولي وما جاهة من اليسر ما بيهة


بحبال مچتوفة وتون وتصيح وين أم الحسن
يايمة سارو بالضعن خولي وشمر يحديهة


محد فزعلي أمن أخوتي ياريت صارت موتتي
بالشام حيرة حيرتي وتالي الشمر يوليهة


فوك الهزل صعدونة ظلام ما رحمونـة
بالجامعة شدونــة دروب اليسر نمشيهة


ليزيد نمشي وية الشمر ويلاه من ضيم اليسر
أحزان وأهموم وغدر أم الخدر سابيهة

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

فزاعية للحسين ( عليه السلام )

وي زينب على المذبوح شدي أحزام وياهة
¥¥¥¥¥¥¥¥¥¥¥¥¥¥¥¥¥¥¥¥¥¥¥¥

شدي أحزام عينيهة عازيهة أعلة واليهة
نوح وهضم غاطيهة راح حسين خلاهة


عيني أم الحزن هاليوم واسيهة على المظلوم
دمعتهة تسيل أدموم ماجور اللي عازاهة


صيحي بصوت أحنة وياچ يازينب على بلواچ
أجيت لمجلس أتعناج مجالسنة عقدناهة


أجينة ننعى ونلطم أنصيح بصوت بالمأتم
وعلى العباس الملثم أبيوم الخوة شالاهة


الف ياحيف عالخوان عشيرة من بني عدنان
مذبوحة وعلى التربان جثثهم منهو غسلاهة


مطروحة ثلث تيام وزينب غربت للشام
وياهة حرم وأيتام وية الشمر يبراهة

¥¥¥¥¥¥₩¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

فزاعية للحسين ( عليه السلام )

أشلون ما ننصب عزية الفاطمة الزهرة الزچية

¤¤¤¤¤¤¤¤¤¤¤¤¤¤¤¤¤

گومو نلطم عالصدور عالشباب وعالبدور
وعالسباية وعالخدور وزينب الحرة الأبية


زينب أخذوهة أسيرة بت علي الحرة الأميرة
ما درة گمر العشيرة أمچتفة بحبال أدية


نلطم أنجدد عهدنة لجل أبو الأكبر ضمدنة
كرونا والله ما تهمنة خلهة تلفاني المنية


يبو اليمة الكم هوينة الغير خدمة ما نوينة
فدوة لك عمري وسنينة أعاهدك بأثنين أدية


دوم تبقى هالمجالس ننتضر بجنون عابس
علم هية ومدارس كربلة والغاضرية


ياحسين أنت إمامي دوم ألك أبعث سلامي
أنت عشقي وهيامي لمصيبتك دمعة جرية


أمن الزغر حبه رضعته وعمري للخدمة نذرته
وية العطش دوما ذكرته وأبقى العن آل أمية


الغريب الما نساني واگف أبابه وأجاني
بابه للجنة وخذاني أبن علي حامي الحمية

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة لزينب (ع)

ثلث ونات زينب ونت اليوم
من هم اليسر ما تگدر أتگوم

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

ثلث ونات زينب ونت الليلة
لأبو السجاد ونت ولمداليلة
ونت بت علي الكافل العيلة
ونت والأهل ما سمعو اليوم


ما سمعو هلچ أيسي يمهضومة
وأبو السجاد تنزف ضلت أدمومة
وعباس الكفل مصيوب بالحومة
من سوط الشمر الگلب ملچوم


يضربني الشمر وأصرخ يبو الغيرة
أختك عالهزل ضلت ترة بحيرة
ياخذهة الشمر من ديرة الديرة
جفنهة أمن السهر ما ضايك النوم


محتارة بيتامة وعيني أعليهم
أطفال وحرم غياب أهاليهم
تاليهة الشمر للشام يحديهم
وأختك يابو فاضل حملت أهموم


شحچيلك على الشام وبلاوية
گعدونة أبخرابة أعلة الترابية
من سوط الزجر الرگبة ملوية
متني ألماني ينزف أدموم


سموم الحار يلهب وجهي يالوالي
فوك النوك بت خير النسة تالي
وراسك عالرمح يبرالي يالغالي
بعد شيفيد خوية العتب واللوم

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة لزينب (ع) تنتخي بأخوانها (ع)


أرجالنة هل صبحت مفگودة
عباس شيال العلم وأزنودة

********

أرجالنة أهل الشيم ما جونة
بديار غربة يا أسف خلونة
أمدللات حسين مو يدرونة
وگفاتهم أهل الشيم مريودة


أمخليني بدار الغرب حيرانة
حچي الشماتة ياهلي أذانة
أيتام تصرخ عالهزل وجعانة
وجامعة برگبة علي مشدودة


چا وين أهل الشيمة وأرجال الفخر
عيني تصد أعلة الدرب وتنتضر
چا كون يلفي هسة يافارس مضر
ريت الزمان أيردة الي وأيعودة


ياريت كون أيرد الي حامي الخدر
عباس يهلال العشيرة والگمر
أبكربلة من غار چن حيدر ظهر
حملاتة أبن حيدر علي مشهودة


محتاجة أنة وليان تسمع هالحچي
تهدم الشام اليوم وتنشف البچي
نامت ترة الخوان عدمن أشتچي
وبحريمهم هل صبحت فرهودة


صعبة بديار الغرب لا من هلي
بس حرم وأيتام وأبعازة ولي
بالشدايد كلهة تندب ياعلي
أبعازة الكرار وأنخة أبزودة

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة للحسين (ع)

ثلث تيام جسم حسين مطروح
وراسه عالرمح وأيعذب الروح

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

ثلث تيام مطروح الجسد ياناس
ومتوذر يويلي وصدره حيل أنداس
مصيبة أمصيبته شيبت حتى الراس
جبرائيل لجله بالسمة أينوح


تنوح أعليه ضلت أخته وتنحب
ويتامة أعلة الهزل وحالهم يصعب
مصايب كربلة منهة الطفل شيب
وأبن الزاچية عطشان مذبوح


ضل أعلة الثرة عطشان وأشحالة
مذبوح ويون داستة الخيالة
وصوت أمن المخيم تنحب أعيالة
وزينب بالهضم والگلب مجروح


تمشي أميسرة زينب وية أعداهة
من غصبن عليهة عگب ولياهة
هاي أمخدرة وحسين ما جاهة
ذبيج أعلة الثرة وأدماه مسفوح


ننعاه ونون يحسين وأمصابة
جمرة أمصيبته وبالگلب لهابة
ما تنساه تون أعليه أحبابة
يضل دايم عزاه واللطم والنوح

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

ختامية سريعة للحسين (ع)

اللطمي أوياي عينيهة الزجية

¥¥¥¥¥¥¥¥¥¥¥¥¥¥¥¥¥¥¥¥¥¥¥

على الضلو ضحاية عالوطية
وعالمذبوح ما شارب أمية
وعلى العباس لطمة حيدرية
خذو زينب أسيرة آل أمية
ولطمة حارة لسكنة ورقية
ولجسام والأكبر هل عزية
وللأنصار ذول أهل الحمية
فدو برواحهم للهاشمية
و يلاه من مشت زينب سبية
على ظهور الهزل سودة علية
أتصيح أحاه بوية أشلون بية
بت الزاچية وخير البرية
يلطمچ حاد كون بحدادية
وأذكريهة أم أچفوف السخية
ضحت بأربعة بالغاضرية
تستاهل لطم أم الشفية
( أنعازيهة الزهرة اليوم )

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

ندبة للحسبن (ع )

لو دخلت لحفرتي حسين ما ينساني

*****

شيعوهة أجنازتي
عفت أهلي ودنيتي
ما بقت بس دمعتي
فارگت خلاني


يوم عافوني الأهل
وأبد ما عندي عمل
بس دمع عيني يهل
أبغربتي وأحزاني


وحدي ظلمة بالگبر
الحساب وية الحشر
تايهة وين المفر
بس عمل ميزاني


والذنوب أهواية
وحايرة بممشاية
مولاي عندي حچاية
خرسة وأنت لساني


دوم أصرخ وآنة أگول
ياأبن فحل الفحول
بضلع أمه البتول
بگبري يتلگاني


بحيدرة حامي الحمة
والزچية فاطمة
عنده أضلن خادمة
بالسجل عنواني

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة للسجاد (ع)

علي السجاد ونته أتهدم الحيل
يگول أشلون أبوي أتدوسه الخيل

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

يگول الخيل داست فوك صدرة
عطشان ويون محزوز نحرة
وراسه عالرمح قرآن يقرة
وأيتامه تون والمدمع أيسيل


وسفة أيگول غدروه آل امية
مات وأبد ما ضايك أمية
سمعته أيصيح والونة خفية
باچر ياعلي تتچتف أبليل


باچر ياعلي عالهزل مچتوف
وأهلك عالثرة وأعيونك أتشوف
وعاري عالرمل أتخليني وأتعوف
وراسي عالرمح كل لحضة أيميل


بوية ياعلي خليني أحاچيك
لو صاحت رقية حيل تاذيك
بالك عاليتامة الله يخليك
أبيوم أهدعش القافلة أتشيل


أبيوم أهدعش تمشي وتخليني
فرگاكم يبوية حيل ياذيني
وحاديكم زجر يرفض تحاجيني
وأتمر ياعلي من المچاتيل

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

فزاعية للسجاد (ع)

السجاد ون أمن الحبل يوجعنة أمتونـة

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

صعبة يخوية حالته صديت عيني وشافته
أمن الخوف ذبلت وجنته ظلام ما هابونة


برگبته حطو جامعة وأعيونة ضلت دامعة
وگلوبنة أمروعة يحسين هل هضمونة


يحسين خوية فاجعة عگب الولي متلوعة
بدروب وعرة وضايعة وبسياطهم أذونة


أطفال ضربوهة وحرم وهجينة كلنة أمن الخيم
وسجادكم هم ما سلم دم الدمع بچونة


للشام راح أويانة والينة وبحمانة
أبسوطه الشمر أذانة من نصرخ أيشتمونة


وحده يبارينة وعليل وأيتام مدمعهة يسيل
سبايا عالنوك الهزيل عدوان ما رحمونة

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة لرقية (ع )

يارقية وين عزچ والدلال
يارقية أرد أنشدچ هل سؤال
يارقية يارقية يارقية

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

وين أبو السجاد عنچ شو بعيد
والشمر والشام منچ أشيريد
كافلچ عالنهر مگطوع الوريد
شفتي لوعات العيال وين عزچ والدلال
يارقية يارقية يارقية


شفتي لوعات وهضم والله ومصيبة
وشفتي حسين الولي أمخضب بشيبة
صار هالمنضر الچ قصة غريبة
صحتي أگعد يالولي
من بعد عينك شلي
بوية مچتوفة بحبال وين عزچ والدلال
يارقية يارقية يارقية


تالي مچتوفة أبحبل وأنتي زغيرة
وعينچ أتعاين على گمر العشيرة
أتگول دگعد ياكفل عمتي أسيرة
عمي شوف اللي جرة
بقت زينب حايرة
أبغربة تمشي وية الرجال وين عزچ والدلال
يارقية يارقية يارقية


گاعدة ومهضومة طفلة بالخرابة
بحسرة أتونين وأبذيچ الترابة
الونة عالمذبوح يحسين ومصابة
صحتي وينك يالأبو
رايدة الحضن الحلو
بوية مشتاگة تعال وين عزچ والدلال


من حلم فزيتي والصرخة علت
طفلة گالو رايدة حسين وبچت
يم يزيد الطاغي الونة أوصلت
جابلچ راس الولي
صحتي أحضر ياعلي
صرخة وأتهد الجبال وين عزچ والدلال

¥¥¥¥¥¥¥¥¥¥¥¥¥¥¥¥¥¥¥¥¥¥¥¥

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة لرقية ( ع )
طور ( طيحة أيدك مو وكتهة ) لملا باسم

يارقية غالية أنتي علية
يارقية يامظلومة وسبية
يارقية أتگربت ليچ المنية

******

أبنيتي بوية يالعزيزة ياحياتي
أنتي روحي وسلوتي وزينة بناتي
أغلى أعز أمن الهوة أمن أمدللاتي
ردت تبقى أيامنة وياچ أمنياتي
ياهضيمة اليوم نوحچ بالخرابة
ياهضيمة وصوتچ أيناديني بابا
ياهضيمة ودمعتچ عالخد جرية


بالخرابة الليلة نوحچ ياهضيمة
طفلة وبعمر الورد هاي الظليمة
يسجل التاريخ قصتچ والجريمة
أزغيرة تصرخ وين أبوية ياحريمة
طفلة وأنتي آه يالوعة وحزن
طفلة وأنتي آه ياغدر الزمن
طفلة وأنتي ما تحملين الرزية


أشصاير أبحالچ يبوية يازغيرة
ياحنينة بكل صفاتچ يا أميرة
فرو البلدان بيچ وديرة ديرة
عالهزيلة أبغير والي والله حيرة
أعذريني ليش مكسورة الخاطر
أعذريني وعينچ الدربي تناطر
أعذريني شبه من أمي الزچية


ياشبيهة فاطمة من زغرچ أنتي
ليش أذوج الكفر شنهو الجنيتي
أمشددة أحبال المنية ياأبنيتي
چني أسمع صرختچ لمن بچيتي
بوية بوية ليش فوك الترب وجهچ
بوية بوية وين خدچ خل أشمچ
بوية بوية أتگربي شوية علية


فزت أمن النوم صرخت آه يليل
ورادت تسگتهة زينب والعليل
وهية تصرخ والدي وينة چتيل
واليتامة أتصيح بالهم والعويل
بالخرابة تنحب وضلت تنوح
بالخرابة ليلة أوداع وجروح
بالخرابة طفلة وافتهة المنية

******

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة ثگيلة لرقية عليها السلام


صوت أسمع صاح من صوب الخرابة
يارقية أتصيح وينك بابا   بابا
بهدوة الليل     بهدوة الليل

**

طفلة فزت من حلمهة بصوت صاحت
گامت أتصيح وتون وعالگاع طاحت
ليل هذا وبيه رقية ما أسنراحت
اتصيح  وينك بوية بوية أبحرگة ناحت
مدمع أيسيل    مدمع أيسيل
بهدوة الليل   بهدوة الليل


بظلمة الليل وتون يابابا وينك
بوية روحي هايمة أبعازة حنينك
عودتني أوياك متفارگني عينك
تعال يابوية أعلة راسي حط أدينك
أهمومي تشيل      أهمومي أتشيل
بهدوة الليل       بهدوة الليل


أبونين الصوت صاحت عمة زينب
وين أبوي حسين عمة أفراگة يصعب 
وعلى صرختهة رقية أيتام تنحب
والعليل أيعاين أخته ومدمع أيصب
الويل ياويل    الويل ياويل
بهدوة الليل     بهدوة الليل


بالطشت جابولهة راس الولي
شافتة وصاحت أدخيلك ياعلي
حاضر الشدات جدي أحضر الي
راس أبوي أگبالي وآنة أنولي
أتهدم الحيل     أتهدم الحيل
بهدوة الليل     بهدوة الليل

**

تمت ومن الله القبول🖋️بقلم
✍️الحاجة أم محمد الكناني
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة لرجوع زينب (ع) لدار الحسين(ع)

حك يادار وي أهلچ ترحلين
هذولة الچان بفيايچ مسطرين

&&&&&&&&&&&&&&&&&&&&

جيت أنشد على الحلوة محاچيهم
هذيچ أنزولهم ذيچة محاريهم
راس أزماط أهلنة وينحلف بيهم
( أمن أگفينة يادار أشگلتي )


أهنا يادار أهلنة ما تشهدين
وين أهلي مشو يادار لا وين
حس هاون يدك وأهله مغيبين
(سد بابه شال الوالي )


سد بابه الولي وبعيد عن عيني
ضل خالي مكانه وحيل ياذيني
على درب المشو منهو اليدليني
( ماريدة والبيت أخلافة )


ضل البيت خالي أخلاف راعية
راح الچان هيبة ونگعد أبفية
على أفراك الولي أشبع مهضمية
( أيهد حيلي أفراك الوالي )


هد الحيل والله أفراك ولياني
من بعد الأهل ضليت بأحزاني
زينب بت علي والصبر عنواني
( خلوني ولياني وشالو )

&&&&&&&&&&&&&&&&&&&&

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

نعي لقسم السيدة زينب (ع)

🤲🤲🤲🤲🤲🤲🤲
جيتچ يزينب أقسم آنة
من المرض روحي تعبانة
هذا الوكت بلوة بلانة
ولخت البطل كل مشتكانة

🤲🤲🤲🤲🤲🤲
أنتي سبيل الكل مريضات
وبگلوبنة باتت الونات
يخت البطل يم المروات
سدرنة يم بابچ الحاجات

🤲🤲🤲🤲🤲🤲
الحاجة يمچ وهاي علتي
وبدموع عيني وأبعبرتي
مكسورة من أيدچ جبرتي
بدنياچ ضيم وهضم شفتي

🤲🤲🤲🤲🤲🤲
أنتي سبيل الكل الهموم
نحلفچ بجاه الله القيوم
بسمچ قسمنة اليوم مختوم
والعافية من أيدچ أتدوم

🤲🤲🤲🤲🤲🤲
يم المكارم والبراهين
جنياچ ها ياأخت الحسين
بينة مريضات ومريضين
ومن حضرتج ندري تشافين

🤲🤲🤲🤲🤲🤲
أحلفچ ودمعاتي جرية
باللي أنذبح بالغاضرية
تحضريني يوم المنية
مولاتي خل عينچ علية

🤲🤲🤲🤲🤲🤲
يم الحزن وأم المصايب
جيناچ وأهواي الطلايب
لا نضل يم بابچ غرايب
وتدرينة أحنة حبايب

🤲🤲🤲🤲🤲🤲
نگابلچ دمع يتجارة
ويادمعتچ فوك المعارة
تصيحين أخيي ياغيارة
وحدچ والأيتام وحيارة

🤲🤲🤲🤲🤲🤲🤲🤲🤲🤲

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

فزاعية لقسم السيدة زينب (ع )

نقسم عليچ بفاطمة يم الخدر ضيفينة

🤲🤲🤲🤲🤲🤲🤲🤲🤲
نقسم عليچ بحيدرة
وأم الأضلوع أمكسرة
وبالباب نار أموجرة
بكل شدة تحضرينة

🤲🤲🤲🤲🤲🤲
أمراد تنطينة أبعجل
أگلــوبنة أبهم أوجل
أتشافين من عدنة العلل
ومن كل ألم تشفينة

🤲🤲🤲🤲🤲🤲
أنتي السبيل الكل علل
وأقسم عليچ آنة أضل
بچفوف عباس الكفل
حاشاچ ماتردينة

🤲🤲🤲🤲🤲🤲
يم المكارم والوفة
كلچ محبة وعاطفة
من بابچ أنربد الشفة
أمن المرض أتاذينة

🤲🤲🤲🤲🤲
بابچ يضل باب الكرم
بمحبتچ گلبي ختـــم
أقسم عليچ بهل قسم
بابت علي نادينة

🤲🤲🤲🤲🤲🤲
ما خاب طلابچ أبد
أنت الدوة وأنتي الضمد
تبقين لأحبابچ سند
هيهات ما تنسينة

🤲🤲🤲🤲🤲🤲🤲🤲🤲

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

قصيدة لقسم السيدة زينب (ع)


بدينة بالقسم ودموعنة عبرة
ومهضومين جينة والدمع يجرة
نقسم بالوگع ضامي
صعبة حيـل أيامي
مريضة والگلب نيرانة متوجرة

🤲🤲🤲🤲🤲🤲

أريد أقسم عليچ اليوم مولاتي
أبدمعة رقية قدري دمعاتي
أجيت أبحسرتي وألم لوعاتي
أدك بابچ وأصيح آه
وأصرخ واحسيناه
وأحلفچ بالتون بالعين والسطرة

🤲🤲🤲🤲🤲🤲

دنيا والوكت هل جارت أعلينة
ومن عدهة يأخت حسين ونينة
مهضومين آه يم عون تدرينة
يمچ حاجتي ضلت
روحي أمن المرض سلت
أجيت أقسم عليچ بداعت الزهرة

🤲🤲🤲🤲🤲🤲

أجيتچ حايرة وهمومي أچبيرة
من هذا الوكت ياحيرتي حيرة
نفذ صبري يحرة وخلص تدبيرة
وين أنطي الوجه وين
أحلفچ بأم الحسين
أنطيني مراد بحق حسين والعترة

🤲🤲🤲🤲🤲🤲🤲

أجيت أقسم عليچ اليوم شكاية
أحلفچ بالكفيل الشايل الراية
المضروب بعمد يم المسناية
يوم الرحتي مسبية
وعينچ دمعة مجرية
ودعتي الكفيل الضل على الغبرة

🤲🤲🤲🤲🤲🤲🤲

آه يم الخدر ياهضم جرعيتي
ما ننسى مصابچ يوم ونيتي
يم راس الولي بالظهر گعديتي
دمعچ يجرة نهرين
ويم حسين تشكين
گعدتي بشوك يم المنگطع نحرة

🤲🤲🤲🤲🤲🤲🤲

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M

هوسات خاصة بقسم السيدة زينب (ع)

&&&&&&&&&&&&&&&&&&&&


يم المصايب جيت آنة أعليج مهمومة وأون ونة أعلة ونة
أحلفچ بالحسين المات عطشان خلص صبري گرب الموت چنة
وأجيتچ للضريح أبروحي الهموم أشفي المرض يخت المچنة

(( أتشافيهة أمراض الصعبة ))

🤲🤲🤲🤲🤲🤲

أجيت أقسم عليچ وروحي نحلانة
بعباس الفدة لحسين ذرعانة
وأنطة أعيونة ألة وصاح هذا آنة
(( بكافل خدرچ يامولاتي تحضرينة ))

🤲🤲🤲🤲🤲🤲

نضل وكت الشدد مولاتي نتعناچ
ونضل نصرخ يزينب ما نمل طرواچ
تاج أسمچ يهيبة زينب الخلاچ
(( أمرادچ عاجل تنطين الحاجة ))

🤲🤲🤲🤲🤲🤲 🤲🤲🤲🤲

تمت ومن الله القبول🖋️بقلم
✍️الحاجة أم محمد الكناني
✍️ أم روكان الشمرية
❌ لا يجوز حذف أسم الشاعرة ونسب الكلام❌ له
محاسب أمام الزهراء ع
وخصمه🚩 أبا الفضل العباس ع

https://www.tg-me.com/ALHUSSEN_M