.
           (مـوال حـب الحسيـن)


عـطــر ورد الـربـيـع حسيـن ظـل فــواح
نسيمـك من يمـرنـي بلـهفـه شـميتـه

لـلـريــه نـفـس يحـيـيـنـي حـبــك صــار
يل عطـرك عـذب بنـفـاسي شهگيتـه

احـبـك حـب نـقـي طاهـر ومـامغشوش
بعدني بصلـب أبـوي وصحت حبيتـه

مـعـروف اليحـبـلـه انـسـان يكشـخ بـي
ونه اعگال اعله راسي حسين خليتـه

كشختي وهيبتـي ودوم آنه ازامط بيـه
بحـب حـسين هـذا الـكـون بـاهـيتـه

يكـفينـي فخــر أسمــي تعـرفـه الـنـاس
خــادم واليـخـدمـك يـرتـفـع صيـتـه

بـاچـر بالـحـساب اهـواي نــاس اطيـح
ويفـوز الذي تقـره حسيـن جنسيتـه

فـرض حـب ابـواليمـه اواجـب اتصليـه
بصافـي النـيه فرض العشگ صليتـه

جبـت گلبـي وفـرحـتـي بلـيـلـة الميـلاد
وكل خـادم حسينـي بـعـيده هـنيتـه
ــــــــــــــــــــــــــــــــ

اويه أهـل البـيـت مـانگطـع    وصلـنــه
مـنـهــم بـالـحـشــر نــاخـــذ    وصلـنــه
الـلـيـلـه بـلـهـفـه لـلـمـحـفـل    وصلـنــه
نــفــــرح ويـــه خـــــــدام الــزچــيـــــة


                كلمـات الشـاعـر
          علـي ابـوسمـا الـديـوانـي
.

الـليـلــه حـجــه ومـانــنــــام
شـــرف الــدنـيـــا الامــــــام
مـهـديـنـه انـولــد يشـيعـه
ـــــــــــــــــــــــــــــ

الليلـه فرحانه الهواشم واشرقت دنيانه
ابوصالح هـل علينـه واليحب هنـانـه
شيعـه نـادت من فرحها هلا يامولانه
فـرحــوا ياشيـعــه الــكــرام
شـــرف الــدنـيـــا الامــــــام
مـهـديـنـه انـولــد يشـيعـه
ـــــــــــــــــــــــــــــ
گمر ضوه الدنيا نوره ياجمال اعيونه
صفن ابنوره وحلاته الناس اليشوفونه
المهدي سر الله العجيب ودرته المكنونه
يـاهــــلا بــراعـــي الـســـلام
شـــرف الــدنـيـــا الامــــــام
مـهـديـنـه انـولــد يشـيعـه
ـــــــــــــــــــــــــــــ
خبر عاجل وابحفلنه هسه راح انذيعه
المهدي شرف بالولاده وحبه لامنبيعه
حجه وافراح وهلاهل للصبح يايشيعه
هــذا أبــن خـيـــر الأنـــــــام
شـــرف الــدنـيـــا الامــــــام
مـهـديـنـه انـولــد يشـيعـه
ـــــــــــــــــــــــــــــ
الليله فرحه جعفريه ومايهمنه اللايم
بالأهازيج وهلاهل خل نصحي النايم
العسكري انشارك فرحته ابمولد أبنه القائم
ونهـدي إلـه شــوگ وغـــرام
شـــرف الــدنـيـــا الامــــــام
مـهـديـنـه انـولــد يشـيعـه
ـــــــــــــــــــــــــــــ
بالمهد نايم وإجاله العسكري وناغاله
گمر ضاوي أبنه يشوفه دنگاله وشاله
ياهلا بحامي الشريعه وآيه ظل يقراله
طــــه يـهـــديـــك الـســـلام
شـــرف الــدنـيـــا الامــــــام
مـهـديـنـه انـولــد يشـيعـه



كلمات الشاعر
علي ابوسما الديواني

.
              بـقـلـم الشـاعـر
        علــي ابوسـمـا الـديوانـي

                    (هوسات)
 
يبوصالح عراق حسين عندك علم بوضاعه
عَجل مو ولانه الظيم يمته الفرج ياساعة
چيفن نهوه حامي الجار شفنه الموت بأنواعه
       (عَـجل وانصارك حـاميهـا)
              ـــــــــــــــــــــــــــــ
 
رواديـد الـمـنـابـر بسـمـك ايهـتـفـون
شعـر واحله القصايد بالـفرح يقرون
إلك يالمهدي هَوسات العشگ يهدون
         (والنـاس اوياهـم فرحـانه)
                ـــــــــــــــــــــــــــــ
 
انـاشـيـد الـعشگ تـهـتـف حَنـاجرنـه
لـهل بـيت النـبـي حـبـنـه ومشاعرنـه
بشـعبـان الـفــرح تـحـلـه قَـصايـدنـه
           (يافـرحتنـه بهـاي الـليلـه)
 

(هوسات للحسن عليه السلام )


يشيعي ابشر اگلـك واني هـم ويـاك
الحسن بيده يعبـرك عالسراط اهناك
حـاشـه ابن البتـولـه بالحشـر ينساك

       (والجنـه انطبهـا بتوقيعه)
             ـــــــــــــــــــــــــــــ

الـعـاشگ للحـسن خل يرفـع اعگـالـه
يـهـوس بـالـولاده وصـوتــه يتـعـالـه
يهـنيـالـه اليـحــب الحـسـن هـنيـالـه

(يوم المحشر يشفع لينـه)

 
كلمات الشاعر
علي ابوسما الديواني

مولاي مولاي حسن يالمجتبى
ـــــــــــــــــــــــــــــ
حبك سكن دلالي
يامنيتي وآمالي
ليك ابعثت مرسالي
يابلسم اجروحي    غنت إلك روحي
مولاي مولاي حسن يالمجتبى
ـــــــــــــــــــــــــــــ
يهلال ضوه الديره
الشافك يظل ابحيره
ياسر صعب تفسيره
بيك ابتهج طه   وبيك احنه نتباهه
مولاي مولاي حسن يالمجتبى
ـــــــــــــــــــــــــــــ

لوحه وترافه ارسومك
حـيـدر فــرح بقدومـك
عـيـد الهواشـم يومـك
أول ولـيـد انته   كل شيعي هيمته
مولاي مولاي حسن يالمجتبى
ـــــــــــــــــــــــــــــ

كل شيعي بسمك ناده
يـاهـلا بلـيـث الـسـاده
عـيــد وفــرح ميـلاده
يالذاعت اخبارك     ساحرنه بنوارك
مولاي مولاي حسن يالمجتبى
ـــــــــــــــــــــــــــــ
بحضانه حيدر شالـه
بحنـوة أبــو نـاغـالـه
بيـده الگـمـر يتـلالــه
وهاشم يهنونه.     والكل ينادونه
مولاي مولاي حسن يالمجتبى
ـــــــــــــــــــــــــــــ

الليله الفرح دگ بابه
نتنسم احنه اطيابـه
نثـرت ورود احبابـه
اشموع بصوانينه    وچكليت طشينه
مولاي مولاي حسن يالمجتبى


كلمات الشاعر
علي ابوسما الديواني

يافرحة الساده.    هالليله ميلاده
ياهلا ياهلا يالحسن
…………………… ..

فرحانه كل الساده هاي الليلـه
والحيـدر افــراح اورد تهديلـه
بحضانك اوليدك علي اتناغيله
طفلـك يتمتم والحمـد ترتيـلـه

واحضانك اوساده    هالليله ميلاده
ياهلا ياهلا يالحسن
…………………………

شبلك علي يامحله لون اعيونه
أهل الوصف ماگدروا ايوصفونه
تقره الحمد لو رادوا ايناغونه
صلوا على أحمد خافن اتحسدونه

وحرز أسمك اگلاده   هالليله ميلاده
ياهلا ياهلا يالحسن
…………………………

يـافـرحـة الـزهـــره ابـشبــلهـا الأول
أسمه الحسن وامن الله أسمه امنزل
من الله هـالـمـولـود حسنـه امكـمـل
بـدر التمـام الشـافـه صـلــى وهـلــل

وانغيض حساده   هالليله ميلاده
ياهلا ياهلا يالحسن
…………………………

سر الله الأعظم والله حفـه أنـواره
آيه الحسن وأشگد عظيمـه أسراره
هـذا الـكـريـم الـمــايـــرد خـطــاره
حضنـه چبيـر ابيوم صرنه أنصـاره

گلب المحب ناده    هالليله ميلاده
ياهلا ياهلا يالحسن
…………………………

گرگـع يخـادم يلـلا طلـع افـلوسـك
خلـي الكـرم هاي المسيـه ايبوسـك
افرح يشيعي وخل تبين اضروسك
بهالفرحـه وزع عالحظـر مچبـوسك

واتغنه بوداده    هالليله ميلاده
ياهلا ياهلا يالحسن



كلمات الشاعر الميرزا
علي ابوسما الديواني

.
كـلـمــات الـشـاعــر المـيـرزا
عـلــي ابـو سـمـا الـديـوانــي
     

إلك هذا احتفـالـي    يبومحمـد يغـالـي
       ســـلام الله    ســـلام الله  
          على الضوه اللـيالـي
………………………………

يمن حبك تارس گلبي 
                وبأسمـك تنبـض دگـاتـه

ليل انهار ابحبك هايم   
              واتسولف شوگ احچاياته

گلبي الهايم بيك اتغنه 
               بـلـيـلـة ميـلادك اتـمـنـه

لمسه امن اچفوفك تكفيني  
                 حتى بلمساتـك اتهـنـه

          يـمـن عـشـگـك حـلالـــي   
          يـبـومـحــمــد يـغـــالـــي
           ســـلام الله   ســـلام الله  
               على الضوه اللـيالـي
………………………………

فاتح ذرعاني بهالليله   
         ردت احظن يالغالي احساسك

مر بيه وخليني اتهنه  
          واتنسـم من طيـب انفـاسـك

مرني ولو حتى ابأحلامي 
           وخل اتسولف بيك أيـامـي

ياعيد ولو شفت اعيونك 
           حتماً يروي گليبي الضامي

            هـويـت وهـذا حــالـــي
            يـبـومـحــمــد يـغــالــي
            ســـلام الله   ســـلام الله  
               على الـضوه الـلـيالـي
……………………………

لـيـلـة ميـلادك نحييهـا  
         انطش اورود انعلگ الزينه

حبك جامعـنه ابهالليله  
          نظره امن اعيونك تكفـينه

مولد الله الصـاغ أنـواره  
          أهلال وشعضَوَه المعموره

حسنك يوسف لا بل أجمل
          مـالــوم النـاس المبـهـوره

             ﮔـمـر وجـهــك يـلالـــي
              يـبـومـحـمــد يـغــالــي
             ســـلام الله   ســـلام الله  
               على الـضـوه اللـيـالـي
………………………………

بحروف أسمك گلـبي اتغنـه  
                وابليلــة ميـلادك هايـم

انشودة حب ابميلادك  
             صرت اقره وهنيت الوادم

شـبــر يــاشـبــر رددنـــــه 
             وبشـراقـة نـورك عيـدنــه

يافرحه ومن شفنه اهلالك  
            ساعـة ميـلادك مـولـدنـــه

             يـمـحـبـوبــي ودلالــــي
             يـبـومـحـمــد يـغــالـــي
             ســـلام الله   ســـلام الله  
               علـى الـضوه الليـالـي



        كـلـمــات الـشـاعــر المـيـرزا
        عـلــي ابـو سـمــا الـديـوانـي
.

طبيبـي اشگد عجـز علـتـي يداويهـه
أيـس مـاتـطــيـب ايگـلــي تــالـيـهـه
نخيـت الحسـن أبشـر گال اشافيهـه
(مد چفـه العلتـي وشافاهه)
ـــــــــــــــــــــــــــــ

مستشفى العلـل هذا ابن حيدر صار
فـاتـح للخـلـگ ديـوانـه لـيــل انـهـار
ابلاش الوصفه تگصد حضرته الزوار
(شفـاي العلـه ايسمونـه)
ـــــــــــــــــــــــــــــ

مثل بنـتـك شريفـة الـمـاتــرد عـنـاي
صرت يالحسن رحمه وللخلگ شفاي
المريض البي علل يمك يصيح ادواي
(واتطيبه وتنطيه امراده)



كلمات الشاعر
علي ابوسما الديواني

.
                    ( مـــوال )

يشهر الـطاعه يل سـموك رمـضان
          رحـمـه أيامـك وخيـر ومسـرات

كـثر مـابيك رحمـه وأجـر وأيمـان
          البـاري خصـك ابـأجمل تـلاوات

أيـامـك فـضيلـه وكـلـهـا بـرهــان
        اهلالك ضاوي وايناغي السمـوات

يرحمـة الله موعد روحتك حـان
يـشهـر الـخـيــر يمـقــرب الـمـسـافــات

اهواي اذنوب عدنه وبيك غفران
الـتـهـينــه بـالـمـعــاصـي والـمـلـــذات

الله انطه اليصومك أجر وأحسان
الدعـاء مـقـبـول وي ذكـــر الـصـلــوات


كلمات الشاعر الميرزا
علي ابوسما الديواني

.
   (فزاعيه استشهاد السيد الصدر)

  يـصـدر الـديــن يمحـمـد يـوالـيـنــه
  كون اتعود واتشوف اشجره اعلينه
             ـــــــــــــــــــــــــــــ
   خلصنـه عمـرنـه اعليـك بالـدمـعـه
   صلاة الجمعة تنعى سيـد الجمعـة
   محرابـك حـزيـن الفگـدك وينـعــه
       يگول الراح مايرجع بعد لينه
              ـــــــــــــــــــــــــــــ
     شيـرد ايـامـك الحلـوه يبو امأمل
     الصدري بخيمتك وبجالك امدلل
      هسـه ابهالوكت نـاصركـم امعلعل
      مچانـه المعتقل والقيد بيمينه
              ـــــــــــــــــــــــــــــ
    يسيـد چــي نحــبـك مـايحـبـونـه
   اليتبـع منهـجـك مولـى يكـرهـونـه
   التهمـه ارهابي وي ربعـه يسجنونه
   بالتعذيب شخصك يسمع اونينه
          ـــــــــــــــــــــــــــــ
   مضـرب للعـشـگ صـاروا الصـدريـه
   نحـب كلشي بصدرنـه وكل معانيـه
   بسمـك لـو حچـوا ويمـرنـه طـاريـه
   يحركنه العشگ چيفن مجانينه
ـــــــــــــــــــــــــــــ
   جيشك ينتظر ظل يحسب الساعة
   ويـــلادك نـشـامــه ودوم فـزاعـــه
   أهـل ديـن وعقيده التزموا الطاعه
   جيش ايعد العده اليوم مهدينه


كلمات الشاعر
علي ابوسما الديواني

 .

    (نـعـي للسـيـد الـشهـيد الـصـدر)
 
 
   شسـولـف يـاصـدر وامـنـيـن ابـديـك
      تـاريخـك بـحــر من الـكـرامـات
 
    أبـيـض كـلــك ولايـگــلـك الشـيـب
      چـنك ملـك نـازل من سمـاوات
 
   بـعـوچيـه وچفــن لـلـكوفـه طـبـيـت
      ماهمـتـك سلطـه ولا حكومات
 
   اجـيـت ابـوكـت چان الديـن ممنـوع
     اليزور حسين نقره اعليه سلامات
 
   حـصـار وعــوز والـيحكمـنـه سـفـاح
      اليصلي ينحبس مو مـره مـرات
 
   الــوادم عـافــت الاســلام والــديــن
      وصـارت لاهـيـه بدنيـه الملذات
 
   إجيـت انته وخطبتك وعـت النـاس
      صحيت الضماير باحلى چلمات
 
   صـلاة الـجمعـة للـحـبـوك چن عـيـد
      الشافك يعلى صوته بالصلوات
 
   الـمـاچـان بحياتـه امصلـي فـد يـوم
      گام أيصلي يقضي ابذمته مافات
 
   چـنـت خيمـه التلمنـه بـذيچ الأوضاع
      رغم قسوة حكم ولـد الرفـيقات
 
   عـراق حسين حـب شخصك يمولاي
     يبوچلمة حبيبي ونده الطيبات
 
   قـلـق چـان ابـوجـودك حـيـل هــدام
      امـر حاشيته ينهيك برصاصات
 
   تـاريـخ اربـعـه بـذو القـعـدة مـولاي
      نزف دمك فخر ياطيب الذات

   مـايـدري الصدر عـايـش بـالأگـلـوب
     الصدر حي يُرزق ولليوم مامات
 
بصلاة الجمـعة نشعـر روحك اطــوف
   وتــأم اتـبـاعـك بكـل الـعـبـادات

  الجمعـة انقيمهـا وهـاك الـعـهـد هـاك
      اتباعـك نظل نـنـساك هـيـهات
      ـــــــــــــــــــــــــــــــــــــــــ
 
     عـايــش دوم مــامـيـــت   صدرنــه
     اوسام أسمه وتوشح بي   صدرنــه
     مرسوم العشـگ والـحـب   صدرنــه
     اتـبــاعـــك نـظـل حـــد الــمــنـيـــه
 
 
              كـلـمـات الشـاعـر
        عـلــي ابـوسـمـا الـديـوانـي
 .

.
كـلـمــات الـشـاعــر عـلــــي ابـوسـمـــا الـديـوانــــي


چـلـمــة حـبـيـبــي أشگـــد عـشـگـنـاهــه
چــي مـن صــدرنـــه مـحـلــه طــرواهـــه
الـحـنــانـه صـاحــت ويـنــه
مـرجـعــنـــه مــانــاسـيـنـــه
الـجـمـعـــة بـعــــدك مـــاتــركــنـــاهـــه
يــاصــدرنـــه     يــافــخــرنـــه
ـــــــــــــــــــــــــــــــــــــــ

يـامـن عـشـﮔــنـــه أمـحــبــتـــك واتـمـلـكــتــنــه
يـاخـيـمــه الأتـلـمـنـه ﭽـنــت لـيـش وعـفـتــنـــه
شـو غـفــلــه يـمـحـمــد رحــــت مــاودعــتــنــه
جـمـعـتـنــه وحــشــه ابـغـيـبـتــك يـالـيـتـمـتـنــه

من گــالــوا الـمرجــع غـــدر صــابــــه
ويــانــه يـبـچـــي وصـــاح مـحـرابـــــه
طــايــح غــــدر والـيـنــه
مـرجـعــنــه مـانـاسـيـنــه
لـيــلــة وداعـــك حـســره عـشـنـاهــه
الـجـمـعـــة بـعــــدك مـــاتــركــنــاهـــه
يــاصــدرنـــه     يــافــخــرنـــه
ـــــــــــــــــــــــــــــــــــــ

يـمـحـمـد الـجـمـعــة تــــون واتـريـــدك أتـعــــود
وأيــامــك الـحـلــوه الـمـضـن هــم تـرجــع أردود
بـعــوچـيـتــك ولـيـنــه تـطــب يـالـيــث الأحـيـــود
عـطـــرك نـشـمـه يـالـنـمــت بـحـضـــان الـــورود

رد يـالـمـشــيـــت وعـفـــــت أنـصــــارك
أرحــــم يـتــــامـــه الــونــــت أبــــــدارك
يــالـفـگـــدك امـبـچــيـنـه
مـرجـعــنــه مـانـاسـيـنــه
أرواحــنــــا أبــســــدك لـگــيـنــاهــــه
الـجـمـعـــة بـعــــدك مـــاتــركــنــاهـــه
يــاصــدرنـــه    يــافــخــرنـــه
ـــــــــــــــــــــــــــــــــــــــــ

الحـنـانـه عـگـبـك مـوحـشـه ومـحـرابـك أيـنـوح
مو هـيـنــه يمـحـمـد غـفــل عـن عـيـنـه اتــروح
أتـبـاعــك الـشـافــوا هـظـــم سـلـوتـهــم الـنــوح
ذيــچ الرصـاصـات الـمـضـن لـچـمـن بالأجـروح

يـالـصـــدر دمـــك خـضـــب الـشـيــبــه
ومـحـمـــد الــودعـــنــــه شـيـجــيـبـــه
ذرة صـبــــر مــابـيــنــــه
مـرجـعــنــه مـانـاسـيـنــه
يــاخـيـمــه چـنــه انـلــوذ بـحـمــاهـــه
الـجـمـعـــة بـعــــدك مـــاتــركــنــاهـــه
يــاصــدرنـــه     يــافــخــرنـــه
ــــــــــــــــــــــــــــــــــــــــــــ

يـالـﭽـنـــه ويــــاك وﭽـنـــت تـﮔــطـــر مـحــنــــه
والــــــد حــنــــون وكــل وكـــــت تـتــفـكــرنــــه
وأحـضـانــك الـكـلـهــا دفـــوا ﭽــانــت تــلـمـنـــه
ﭽـنــه ابــأمـــان ومـن رحـــت مـحــد رحــمــنــه

طــاغــي الـعـصــر والـلـي يــوالــونـــه
الــيــتــبـــع الــسـيـــــد يــذبـحـــونـــــه
والطاغـي حــد سـﭽـيـنـه
مـرجـعــنــه مـانـاسـيـنــه
أتـبــاعـــك ابـكـــل ديـــــره خــلاهـــــه
الـجـمـعـــة بـعــــدك مـــاتــركــنــاهـــه
يــاصــدرنـــه     يــافــخــرنـــه
ـــــــــــــــــــــــــــــــــــــــــــــ

لـلـيـــوم يـمـحــمـــد تـــــره كــل الــمــوالــيــــن
مــابـيــن تـهـجـيـــر وقـمـــع بـيــن الـزنــازيـــن
خـطـت ضـمـايـرهـم عـهـد واعـلـى الحـيــاطـيـن
ذولـه أحـنـه أتـبـاع الـصـدر وفـايـــه كـل حـيــن

نـــــوم الـعــوافـــــي نــــــام يـمـحـمـــد
ولــــد الــصـــدر غـيـرتـنـــه مــاتـبـــرد
وأعـلـه الـعـهــد ظـلـيـنـه
مـرجـعــنــه مـانـاسـيـنــه
والـصـعـبــه يـمـحــمــد عـبـــرنــاهـــه
الـجـمـعـــة بـعــــدك مـــاتــركــنــاهـــه
يــاصــدرنـــه     يــافــخــرنـــه
ـــــــــــــــــــــــــــــــــــــــ

بيـن الزنـازن سيـدي نــاس اليتبعـوك
تبغضهم اشـرار البشـر چيفـن يحبـوك
كل ليله بسمك يالصدر صاروا ينادوك
يـالصـدر لو ونــوا إلـك حتمـاً يبچـوك

       شتـاگـوا إلك يامرجـع الفقـره
       مثل الصحاري التنتظر مطره

              والفارگ الله ايعينه
              مرجعنـه مانـاسينـه
       شيبـة الحـلـوه مـاحـوينـاهـه
       والجمعـة بعـدك مـاتـركنـاهـه
      ياصدرنه       يافخرنه
ــــــــــــــــــــــــــــــــــــــ

صح ياصدرنه صابتك ذيچ الرصاصات
لا زال شخصك يالصـدر ليهسه مامـات
ساكـن اگلـوب الحبتـك ياطيـب الـذات
هيهـات نتـرك جمعتـك يالصدر هيهـات

       خـيمـه محنـه اتلمـنـه حنيتك
      واشگد بخيت الباس عوچيتك

             والشـوفتـك حنـيـنـه
             مـرجعنـه مـانـاسينـه
        عجـل فرجهـم دوم گـلنـاهـه
        والجمعـة بعـدك مـاتـركنـاهـه


                 كلمات الشاعر
             علي ابوسما الديواني
.

 .
                 هـوسـات ولادة
          الإمام الرضا عليه السلام)
 
                 بـقـلـم الشاعـر
         علـي ابـوسـمـا الـديـوانـي

 
يالگاصد اتزور الرضا اوياك اخذ مكتوبي
وصل سلامي الحضرته واتعرف مطلوبي
هاك اخذ ويـاك الگلـب وأهـدي المحبوبي
       (شد گلبي وعلگه بشباچه)
          ــــــــــــــــــــــــــــــــــ
 
   بشبـاچـه شـد الـگـلـب يازايـر وﮔـلـه
   خادمَك من ديرة علي بدموعه يتسله
   مشتاﮒ يشتم تربتَك يارحمة المولى
       (والحاجه العنده اتگظيها)
           ــــــــــــــــــــــــــــــــــ

   يل امأمـن الغـزالـه امـأمـن البحمـاك
   گبـل لاتطلـب الـطلـبـه يگلـك هـــاك
   يزايــر يـاهــلا بجـيـتــك وياحـيــاك
       (وگفـاته بمشهد معروفه )
          ــــــــــــــــــــــــــــــــــ

   لعـد صـوب الرضـا أگصد يزايـر  هــا
   تشـم ريح الجـنـان ابحضـرتـه والله
   يمد اچفوفـه إلك بالزهره من تنخـاه
       (والحاجه بچفك ينطيها)
.

قصيدة يبني التزم دينك

كلمات الشاعر
علي ابوسما الديواني
اداء الملا هادي المويل
والملا الشاب حسين هادي المويل
ومجموعة من الاشبال من دولة الكويت الشقيقة