روى عن الإمام الحسين عليه السلام أنه مِن شِدّةِ حُزنِ الحُسَيّنِ عَلَى أبنِهِ الأكبر، لَمْ يترّجلْ مِنْ عَلَى جوادِهِ، بَلْ رَمَى بِنفسِه وهُو يصيحُ وَيُنادِي: وَلَدِي عَلِيِّ عَلَىٰ الدُّنيا بَعدكَ العَفا
😭😭🖤

حديث ظهيرة يوم عاشوراء

قريض بداية المجلس

أفاطـم لو خلت الحسين مجدلا

وقـد مات عطشانا بشـط فرات

إذا للطمت الخد فاطم عنـده

وأجريت دمع العين في الـوجنات

أفـاطم قومي ياابنة الخـير
واندبي

نجوم سماوات بأرض فلاة
.............
ابوذيه

زينب والركض يبس شفتها
الطم والنوح روحي ما شفتها
خيول السحكت بن امي شفتها
عفاني شلون ضلت روح بيه


لما قتل الحسين ع وزينب ع لم يبقى لها ناصرا ولامعينا الا عليل انحل جسمه المرض
وعظم المصاب رجعت من الحسين واذا بنار قد احرقت خيامها وتنظر إلى بنات ابي عبدالله صارخات بالويل والثبور اي واه وحسينا اي واه ضيعتا اي واه عباسا لما نضرت إلى عيال الحسين ع

صاحت زينب ع

رديت الم عيال اخيي
لكيت الخيم بنار تدوي
مامر عله المخلوك ضهري
..............
ياضهر عاشر من لفاني
وعالثره نامو اخواني
وصيح وكتي حيراني
..............
ركضن وركضتهن عمتني
وشلون المهن حيرني
ذني مدللات حسين ذني
.............
اسوه النذل يحسين بيهن
مرعوبات والنار بعبيهن
مايكدر عله كومه وليهن
............

السجاد كام وطاح شفته
شاف النذل من هام بخته
عفيه وبيها روح عمته
............
لميتهن واصرخ وياهن
ودخان المخيم عماهن
مامن ولي اليفزع وراهن
..............
كومن مشنه هنا يعمه
ناخذ علي ونروح يمه
رحنه ولكينه الخيل لمه
...............
صحنه عليمن هاي الاجموع
ركضنه عليه وتهل الادموع
نسمع صهيل وكسرة ضلوع
................

رديت ليه بهظم حالي
وبنات الولي لزمن اذيالي
نريد انروح يم جثة الوالي
..............
من طشت الخيل اوصلناه
مطشر جسم ابوسكينه لكيناه
التمينه فرد لمه وندبناه
..............
وحده تشم نحره بهيده
اوحده تدور خنصر ايده
وزينب كعدت وشدت وريده
...............
لطمت راسها وكعدت بسده
ياجرح الاضمدنه واشده
موذر اخيي شلون اجعده
..............
أوصال اخيي من شفتهن
كمت بعباتي ولملمتهن
اصحين يبوسكينه واشمهن
..............
انده يزهره ماحضرتي
عليه ييمه مانشدتي
بضهر عاشر وين رحتي
..............
صار الضهر الشمس حدت
وجثة الولي عالكاع ضلت
زينب لخوها بيش فييت

اتكابلت انه وخواتي
وفييت لبن امي بعباتي
وكتله يبعد انه وبناتي

.✍ام زينب كربلاء غير مبري الذمه من ياخذ الكلام وينسبه له او يحذف الاسم القصيده من الجزء السادس والعشرين المآسي الفاطميه

#نعي

امشنـــه للــــــغالي نــودعه
يمكن بـــعد مابيــــه رجعــه
يگطعون راسه وحته اصبعه
وباچر تسمعن كســــر ضلعه

سكــــنه رقيــه رملـــه ليلـه
باچر حسين يـــــروح حيله
يوگع وما واحــــــد يشيلـه
وفوگه العدو يلكـــد بخيله

باچر معاني حسيــــن تنداس
وفوگ الصدر مگعاد الارجاس
لو دارته مـــــن كل كتــر ناس
عينه تصــــــــد لصوب عباس

ونن وركضن شبگن حســين
گالن نجيب يشــبهك منيــن
وين اليحامي اخدوركم وين
لو حـــرگت النــار الصواوين

حيدر ابو كيان الفاطمي

#نعي مفجع 😭

جيتك يبعد الما مغمضات
فوگ الرمل چن رايد تبات
أگعد يخويه العندي صعبات
كلفات كلهن والله كلفات

منين ابدي لمن طحت علگاع
بلخيمه واسمع كسر الاضلاع
لمن تصيح وماكو فزاع
تفرهدت مني حسين شبساع


راس برمح يا خويه شفناك
واطفال تصرخ ها رجع ذاك
مذبوح يحسين وندبناك
بحماك كلهه تصيح بحماك


ياخذنه ضرب السوط للماي
ها هذا چف الراح ما جاي
ما باقي من الكافل شواي
ويه الركض گمت الطم اچلاي


ياهو اليرد الحافر الهاد
صار السحگ بالطايح عناد
حشمنه بيكم ها يلولاد
ردو الخيمكم صارن رماد


كلمات الخادم/ رعد الفريجي
ثوابها الى روح والدتي

#اللهم_عجل_لوليك_الفرج

#نعي

عسه لا شوفچن حفاي وترگضن
تطفن بالخيم والخيم ما يطفن

يزينب واختنگ ما حاضر العباس
بيمن من تصول الزلم تتنخن

انا راضي انذبح بس لا يمرني الصوت
يحسين خويه اخيامنه احترگن

تره الما كحلن عين الشمس بخيال
ثگيله گبال عين الزلم يفترن

#اللهم_عجل_لوليك_الفرج

#نعي

مولاتي العقيلة روحي فداها

اعثــر بالجــثث يحــسين
واتعنــيت يم جسمك
يخويه اكعد ولــتنه الكوم
أمشي عليك ظلع امك
اجيتك واني كلي اجروح
طفي اخيامي من دمك
يخنكني هوه العدوان
كلبي بلهفته ايشمك
يالريحت محمد بيك
هذا الرسم مورسمك
من أثر طعناتهم يحسين
تصعب عالذي ايلمك


يخويه انهض لفانه الليل
شنهي الراي كلي اشلون
ولاوالي الـــبقه عــــدنه
علينه اندار خويه الكون

وجوه اعيالي من الخوف
كل ساعة ولفاهن لون

حركوها الخيــم يحـسين
الـحگ سكت اليبجون
بحيرة أختك يبوالســجاد
حشم انصارك ايفزعون
زحــمـه الناس تــــتفرج
علينه والعده يضـربون


ماتقبل أعرفك حيد
گوم وشيل بتارك
يبن حيدر علي الكرار
گوم وعيد تذكارك
زحمه أنظرب خويه حسين
واحنه أنلوذ بكـتارك
شـــــبت بالكـــلب نيران
ماتبرد تشـب نـارك
اعاتب والدمــــوع اتسيل
هذا عتابي من دارك
صحت ارجــع يماي العين
لوتبقه انته ونصارك

ــــ الشاعر خالد جودي العارضي

#اللهم_عجل_لوليك_الفرج

#أبوذية

أحبابي الچنت أصابحهم ومسهم
راحوا راح باچرهم ومسهم
تراب اللحد غطاهم ومسهم
مشوا وديارهم ضلت خليه

#اللهم_عجل_لوليك_الفرج

#أبوذية

مصايب كربلا كلفه عمتكم
وعله الهزل مشت غصبن عمتكم
من الهامات ذبوهن عمتكم

حسين ابلا عمامه اعله الوطيه

ملا عاشور الصيداوي

#اللهم_عجل_لوليك_الفرج

كان العلامة الاميني (قدس سره)
من عادته أن في ليلتي التاسع والعاشر من شهر محرم الحرام يخرج صدقة باسم صاحب الزمان (عجل الله فرجه) وكان يقول :

أن في هذه الليالي يكون قلب الحجة معتصرا بالألم والحزن

#تراث نعي

مولاي الحسين يرد على خطاب مولاتي زينب روحي فداهما


ناداها ابضعيف الصوت يختي
مهو حچيچ شعب گلبي دسكتي
ينور العين خليني ابمهجتي
اعالجها ترى گلبي تمرمر

بچت عنده او گالت له يعگلي
يروحي او نور وجهي او باجي أهلي
يخويه احسين شتهيس دگلي
يخويه يا صواب اليوجع أكثر

يگلها اصواب الي ابوجهي بهضني
و لبراسي حمس چبدي وفتني
و لبضلعي بهض حيلي و ضهدني
و لبگلبي يخويه يوجع أكثر

يخويه يابس امن العطش چبدي
يخويه و الترابه احرگت زندي
يخويه و الشمس ذوبت خدي
دفييلي ابردن ثوبچ امن الحر

يخويه ما أحب سكنه تجيني
تشوف اجروحي أو تسمع ونيني
مالي گلب أشوفنها ابعيني
ذليله او ما لها والي الينغر

يخويا لا تلوعي الگلب بالله
و ببني علي هلةٍ هالله
يخويه بعد عيني إلكم الله
او ذكريني و كل امصاب يزغر

يحاچيها او تصب عينه ادموعه
لن گلبه انخفى و احنت اضلوعه
غمض عينه او صارت بيه موعه
هوت فوگه او دمعها اعليه ينثر

تشم احسين و تجلب ابجرحه
او لن الشمر يدفعها ابرمحه
گومي لو أدبحچ فوگ ذبحه
واخليها ابطول الدهر تذكر  

المرحوم الشيخ
محمد بن نصار النجفي

#اللهم_عجل_لوليك_الفرج

#ابوذيات الليلة العاشرة

الليله للوداع التم .... شملهم
ابعباته احسين كل اهله .. شملهم
واحد واحد اعياله ..... شملهم
وشبگ ابنه الطفل . ويحب رقيه

زينب يا گلبها الصبر ... گل بي
تگله احسين مو گطّعت .. گلبي
يگلها جسمي خويه الظهر .. گلبيه
واذا سالم كتر عتبي عليه ..

تگلها حچيك الروحي ... يلمها
باچر زينبك منهو ....... يلمها
روحي لو گضت محد .. يلمها
اذا باچر شمر حارس عليه ...

واتگول

العمر گضيته بس ابهم .. بعد هم
اخوتي اشلون ياروحي .. بعدهم
الشمر والموت لو عني ...بعدهم
اروح الوين . من ينغر عليه ...

يزينب بالچ اتموتين ........... لو عاتّ
الشمر . نحري اويلوعچ راد ... لوعات
وصيتي: ارويحتچ لو عَلَي .... لا عات
اغلجي العين لتصدين اليه ....

واخبرچ باچر اعليه ........ تره اداچ
الخيول . اومن تگصديني .... تردچ
بالچ تسحگ اضلوعچ ..... تره الدچ
كلف . وازيد كلافه امن المنيه ...

كلف باچر يزينب صبر ....... ولماي
تراهو اشما بچيتي ايزود . . ولماي
بين التلّه تحتارين ........... والماي
لا للشط وصلتي او لا اليه ....

ابو فاطمة الطائي

#اللهم_عجل_لوليك_الفرج

ليلة الوداع


شفتها بليلة العاشر
حزينه وتكسر الخاطر.       اويلاه
تودع اخوتها مهضومه
تصيح وتبچي مالومه.      اويلاه
٠٠٠٠٠٠٠٠٠٠٠٠٠٠٠٠٠٠٠٠٠
رجع بية الزمن للطف.    حلم بس شفته بالعين
وداع ام الخدر زينب.    شفتها تودع حسين
حزينه امگبّعه بهمها.   تون من لوعة البين
طبت خيمة ابن امها.  تودعه وبيها نارين
نار اوداعه وغيابه
ونار جروحه ومصابه      اذا راح
اخوها وكعدت تنشده
غريبه وتنسبي بعده.    اذا راح   متنساه    اويلاه
٠٠٠٠٠٠٠٠٠٠٠٠٠٠٠٠٠٠٠٠٠
سمعتها تگلّه يبن امي  اريدن منك جواب
صدك باجر يذبحونك.  صدك يسلبني سلّاب
اشوف بسهم المثلّث  يخويه گبالي تنصاب
بحوافر خيلهم خويه   يطشرونك بلتراب
عسن لا طر صبح باجر
ولاشوفن اثر حافر.          بلظلوع
مثل ما كسروا الزهره
اشوف بعيني چم كسره.    بلظلوع    اثر آه    اويلاه
٠٠٠٠٠٠٠٠٠٠٠٠٠٠٠٠٠٠٠٠٠٠
صدك ياخويه اسمعها.   فقط هالليله ويّاك
صعب يحسين توديعك. صعب يالغالي فرگاك
توصيني وتودّعني.  أنه وكل اهلي بحماك
بعد وضحت غداً زينب.  سبية بولية اعداك
أنه الماشافوا خيالي
سبية عله الهزل تالي.      الى الشام
وحگك يا ضوه عيوني
اموت ولا يودّوني.        الى الشام.   بلاياه.     اويلاه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اخوها حسين جاوبها.  اسمعه ودمعي سچاب
يگلها يختي يازينب.   اقاتل دون الاحجاب
اذا ما ينسفك دمي.  وذا ما راسي ينصاب
يرد دين الشرك والذل  يموت الحق ولكتاب
ابد ما بايع الظالم
ابد للذلّه ما ساوم.      أنه حسين
عزيز لآخر انفاسي
اخوج ومااطخ راسي.   أنه حسين     سمعناه.   اويلاه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
گبل فجر الحزن طلعت.   شفتها تريد عباس
تلگّاها بهلا يختي.     هلا يارفعة الراس
عظيمه وكعدت كباله.  بأبوها الوالي تنقاس
صدك رايد تودّعني. وظل بلايه حـرّاس
جبتني امن الوطن آيه
كفيلي وبيدك الرايه.      يعباس
اذكرك بالعهد جيتك
يمن صيت الوصي صيتك.   يعباس    نخيناه.    اويلاه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اسمعه يگلها يازينب.   بچيتي وآنه موجود
قسم باجر اراويهم.  سقر وعيونج شهود
امية وكل عساكرها.  وعددها شما بقى يزود
اگص رگابها بسيفي   و رد اسحگهم اردود
يويله اليوصل خيامج. 
اذبحه بسيفي كدامج.    تأمرين
يزينب آنه كفّالچ
احامي خيامي وطفالچ    تأمرين.    بعد لا      اويلاه

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

نزلة/ ليلة الوداع

اعظم جروح الگلب.    جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠
كل جرح لابد اله فتره ويطيب
إلا جرح الرايد يودع حبيب
واني هاي الليله بجروحي اشيب
راح اودع حسين بدموع ونجيب

يهضم وكلش صعب.    جرح الوداع
اعظم جروح الگلب.     جرح الوداع

٠٠٠٠٠٠٠٠٠٠٠٠٠٠٠٠٠٠٠٠٠٠
شلون اودع حسين يا عالم شگول
ودري باجر تسحك بصدره الخيول
ريت ليل العاشر اعلينه يطول
ولا يروح حسين والهيبه تزول

اول جروح الحرب.     جرح الوداع
اعظم جروح الگلب.    جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
شلون اودع الكافل وحامي الظعن
چفوفه يم شاطي النهر يتكطعن
كبل ابوالغيره يذبحوني عسن
ولا اشوف چفوفه دم يتسايلن

خَلّه دمعي دم يصب.       جرح الوداع
اعظم جروح الگلب.        جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
ليلة اوداع اخوتي ليلة جرح
راح أظل سهرانه وبچي للصبح
باجر ابن امي وحبيبي ينذبح
وراس اخويه حسين ينشال برمح

بسمه بعيون الغرب      جرح الوداع
اعظم جروح الگلب.    جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
آنه مو أي مره زينب بت علي
من يعوفوني خوتي منهو الألي
جابني العباس گلّي ادلّلي
لا تعوفيني غريبه يا هلي

يعصر دموعي غصب.       جرح الوداع
اعظم جروح الگلب.        جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
هذه آخر ليله ملتم الشمل
كلها باجر تنذبح حتى الطفل
والمصيبه الكبره والماتنعقل
انسلب ياوسفه ونجر بحبل

علّتي بطول الدرب.       جرح الوداع
اعظم جروح الگلب.      جرح الوداع

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

أُبِيحَ الماءُ ياوَيلي
وظمآناً قضى طِفلي
أأشرَبُ أمْ
أموتُ بهَمْ
وظمآناً قضى طِفلي
***

أنا أمٌّ لطفلٍ ما
تعدّى عُمرهُ الأشهُر
أمانُ الكونِ في عَينَيهْ
أرى لمّا بها أنظُر
سهرتُ الليلَ أرعاهُ .. كبدرٍ حينَ ألقاهُ
تذوبُ العَين
لطفلٍ حُسين
نهارٌ قربَهُ ليلي
أُبِيحَ الماءُ ياوَيلي
**

لقلبِ الأمِّ رَجوَاهُ
ترى زَرعاً لها أزهَر
وُروداً عطّرَت دُنيا
وغُصناً يانِعاً أخضَر 
فكيفَ الحالُ إن أذوَى .. وسارَت عكسَ ماتهوَى
رياحُ الفَـقد
وجاءَ البُعد
ليقتلَها بلا مَهلِ
أُبِيحَ الماءُ ياوَيلي
**

بحَثتُ بظُلمةِ الليلِ
ووحشةِ هذهِ الصَحرا
عن الوجهِ الذي دَوماً
ينافِسُ حُسنهُ البَدرا
وقلتُ سألتَقي إبني .. ليَسكُنَ مأمنَ الحِضنِ
شعَرتُ الآن
مُحالٌ كـان
يجودُ الدهرُ بالوصلِ
أُبِيحَ الماءُ ياوَيلي
**

بقلبي جمرةٌ حَرّى
كمثلِ حَشاهُ إذ عَانا
ومازادَ الضَنا فيهِ
حبيبي ماتَ عطشَانا
بسِنِّ النَبلةِ القاسي .. سَقتهُ شَقاوةُ الناسِ
وكانَ المـاءْ
مَسيلَ دماءْ
وكانَ الرِيُّ بالنَبلِ
أُبِيحَ الماءُ ياوَيلي
**

أتاني الماءُ محمُولاً
بكفِّ الشَانئِ الأبتَر
رأيتُ المهدَ والسَهما
بكأسِ الماءِ والمنحَر
دفعتُ الكأسَ يالَهفي .. رَواءي كانَ أم حَتفي
وفاضَ الدمعْ
كجَاري النَـبعْ
فمَن ذا قد رأى مِثلي
أُبِيحَ الماءُ ياوَيلي

           ============

لقمان لعيبي البدران
https://www.tg-me.com/AL_Nay_and_Alrthaa