#من_ديوان_قربان_الطف_ج٣
قصيدة رداديه للحسين (ع)
❥━──➸➽❥❂❥━──➸➽❥❂
بس حسين ضل مطروح بالحومه
عاري اعله الرمل و مغيره رسومه
مرمي اعله الثره ومسلبه هدومه
وعالغبره بگت تتسافح دمومه
احا يمصيبته واحاه يا يومه
نايم بعد ما يگعد امن النومه
بأرض الغاضريه شاعت اعلومه
گالو منگطع راسه الجيدومه
وزينب نادته مفجوعه مالومه
لمصابه نعت والروح مهدومه
تكله شلون تترك كلبي بهمومه
ومن شخصك اضلن انه محرومه
عليك انحب و اون وحيل مندومه
ياروحي عكب عيناك مهظومه
(احا يالفگدك هد حيلي)
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

*جراحات/ الامام الحسين ع في ساحة المصرع*
جراحات وطعن وسيوف والمظلوم بالمصرع
مشهد شافته الأملاك
حسين وجسمهِ مبضّع
جروحه الف وتسعميه
وما منّا سلم موضع
ضجت بالسما تنحب
وصيحتها آيا مظلوم~
〰️〰️〰️〰️〰️
دارت عالجسد السيوف
وضوءه صارت بدمه
هذا يگطع بسيفه
وهذا بالطعن يمه
ظامي وعالترب مطروح
واويلي على ابو اليمه
من نحره يسيل دموم
خادمة آل محمد ✍🏻

الخيول تجول على صدر الحسين ع/ بعد المصرع
قال السيد ابن طاووس : ( قال الراوي : ثم نادى عمرُ بنُ سعد في أصحابه : مَنْ ينتدب للحسين فيوطئ الخيلَ ظهرَه وصدره ؟

فانتدبَ منهم عشرةٌ وهم : إسحاقُ بن حوبةَ الذي سَلَبَ الحسين عليه السلام قميصَه, وأخنسُ بن مرثد ، وحكيمُ بن طُفيل السبيعي ، وعمرُ بن صبيح الصيداوي ، ورجاءُ بن منقذ العبدي ، وسالمُ بن خيثمة الجعفي ، وصالحُ بن وهب الجعفي ، وواحظ بن غانم ، وهاني بن ثبيث الحضرمي ، وأسيد بن مالك (لعنهم الله) . فداسُوا الحسينَ عليه السلام بحوافرِ خيلِهِم حتى رضُّوا ظهرَه وصدره.مثير الاحزان ٥٩
وكل هذا بمرآى من عيني مولاتنا ام المصائب زينب ع آه يا زينب ~ لسان حالها فوق التل الزينبي~

زينب راحت بهمها ومن فوق التل تْنِظْره~
شافت مشهد يألّم فوق مدللّ الزهره~
حوافر خيل داسنّه وطحنت للولي صدره~
صاحت آه يابن امي عساني لا شفت هالحال
〰️〰️〰️〰️〰️
صاحت والگلب مكسور انا لي شفت ضلعين~
ضلع امي بـ ردّ الباب وبالحومه ضلوع حسين~
غُسله من دمه المنحر ونحره منذبح الوتين
تظل جنازته عالگاع
وراسه عالرماح انشال
〰️〰️〰️〰️〰️
لحن اسمع عتابي~
محنّه بدمّه ~ وخيل على جسمه
داست ضلوعه ~ وينچ يا يُمه
تعمى النواظر ~ شافت حوافر
داست عا صدره ~ حافر بحافر
الجثه سليبه~ الشيبه خضيبه
راسه عالرماح ~ يا للمصيبه
خادمة آل محمد ✍🏻

*من ديوان 📚 عبرات وأنين في رثاء الطاهرين الجزء٣*
*فزاعيه للأمام الحسين (ع)*
❥━──➸➽❥❂❥━──➸➽❥❂
وين الساعدت زينب ...على حسين
تون وتسچب العبره ...على حسين
وبالخيل انسحگ صدره ...على حسين
تصيح بصوت يا زهرة ...على حسين
مهظومه العقيله تدير بالعين
وين الساعدت زينب ...على حسين
❥━──➸➽❥❂❥━──➸➽❥❂
مهظومه وتجر ونه ...على حسين
تگول الوالي اريدنه ...على حسين
وبالعباس احلفنه ...على حسين
واجيت اليوم اندهنه ...على حسين
گوم النه يخويه ما النه معين
وين الساعدت زينب ...على حسين
❥━──➸➽❥❂❥━──➸➽❥❂
تون وتصيح يالوالي ...على حسين
وبعدك بالهظم حالي ...على حسين
ميته وياك اشوالي ...على حسين
ردت للظعن تبرالي ...على حسين
والعباس گطعوله الزندين
وين الساعدت زينب ...على حسين
❥━──➸➽❥❂❥━──➸➽❥❂
وين التلطم وياها ...على حسين
وعلى العباس مبچاها ...على حسين
ونحر حسين حاچاها ...على حسين
وظل ينوح وياها ...على حسين
يگلها خلي بالچ عالنساوين
وين الساعدت زينب على حسين
❥━──➸➽❥❂❥━──➸➽❥❂
نلطم والدمع يجره ...على حسين
على الي طاح بالغبره ... على حسين
نعازي فاطمه الزهرة ...على حسين
وأخته المشته متيسره ...على حسين
لأرض الشام ودوها الملاعين
وين الساعدت زينب ...على حسين
❥━──➸➽❥❂❥━──➸➽❥❂
لأرض الشام ودوها ...على حسين
ولابن زياد دخلوها ...على حسين
وبالهظمات خلوها ...على حسين
ورقيه الگوم لوعوها ...على حسين
تصيح بصوت عمه أبوي چا وين
وين الساعدت زينب ...على حسين
❥━──➸➽❥❂❥━──➸➽❥❂
*بقلم ✍🏻 خادمة اهل البيت ع*
*الشاعرة العلوية مريم النور نسألكم الدعاء الفاتحة الى روح اختي ولأمواتكم

#نعي

يا من ولا ناصر بقاله
يا من يبچي الصخر حاله
وبيده اذبحوا أغلى أطفاله
وگليبه كلساعه يتفطر

يا من كسر گلب الزچية
يا منكسر ظهره عله خيه
يا من صبر حد المنية
يا حاير وأملاك حيّر

يا من ثلث ايام عاري
وعالوجه نايم بالصحاري
وغسله الدم والچفن ذاري
وجسمه بالسهام ايتشجر

يا من لضيمه لطمت الحور
و لمصايبه يتصدع الطور
الجن اجته وگلها مشكور
أرد التقي بربي (بجدي) مُعفر

يا من الحَر فطر أشفافه
وجروحه كلفه والحسافة
بيناتهن ماكو مسافة
طعنة على طعنة، الله اكبر

يا من لطف وي اللي عاداه
والطف وسف ما لطف وياه
يا من يدور رضا مولاه
ورضو اعظامه العبدو الشر

يا من يلم شوك الوطية
خايف على بنته رقيه
ويحسب لكل من سبيه
يا من نسائه طرن  البر

يا من يُراق بظلم دمه
واندفن راسه عگب جسمه
والبايعو نكثوله ذمة
يا وتر يل جدامه عسكر

علي العابدي النجفي

#اللهم_عجل_لوليك_الفرج

#قصيده_للوحشه_من_ديوان_مسير_الفواطم_ج٣
❥━──➸➽❥❂❥━──➸➽❥❂
وحشه هالليله علينه         حسين خويه شلون بينه
لاخيام ولا حنين                     بالبراري ضايعين
انسبينه وانولينه               حسين خويه اشلون بينه
❥━──➸➽❥❂❥━──➸➽❥❂
انسبينه وانولينه                 حرگت اعداكم خيمنه
وين نشكي وين نمشي        عالرمل نامت زلمنه
حسين خويه مادريتو          انهضمنه وانظلمنه
الدمع بالعين هالي     ...       بين غربه وماكو والي
وصلت النار العبينه              حسين خويه اشلون بينه
❥━──➸➽❥❂❥━──➸➽❥❂
وصلت النار لعبينه           وين هالليله نروح
اعتنيت الگمر نايم           ويمه ضليت انه انوح
نومه كل اهلي واخوتي        ومابگت بيه ابد روح
مالي حيل نكسر ظهري   ...     بحالتي بس الله يدري
الكفلني انطفت عينه            حسين خويه اشلون بينه
❥━──➸➽❥❂❥━──➸➽❥❂
الكفلني انطفت عينه       نام مرمي اعله الشريعه
العمد صوب جبينه          وضاگت اعلينه الوسيعه
وين اروح بهالفواطم       والحرم عندي وديعه
كلفيتوني بحرمكم     ...    خويه بس الليله يمكم
صحنه اگعدو وحشمينه        حسين خويه اشلون بينه
❥━──➸➽❥❂❥━──➸➽❥❂
صحنه اگعدو وما گعدتو        وما سمعتوه العتاب
يمكم گعدنه وبچينه            وما سمعناه الجواب
صعبه حيل علينه كلش        آه يا فرگه الاحباب
صعب ما يراد الفراگ      ...    روحي الكم حيل تشتاگ
گومو يالخوان لينه               حسين خويه اشلون بينه
❥━──➸➽❥❂❥━──➸➽❥❂
گومو يالخوان لينه         ننخه ماواحد يگوم
هاي ساعات الكلافه        وهاي ساعات اللزوم
ماسمعتونه نعاتب          نبچي وانوح ونلوم
نصرخ ومحد سمعنه   ...    العتب بيمن نفعنه
امن السياط امورمه ادينه         حسين خويه اشلون بينه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

ليلة الوحشه

نومه علتربان عفت اخـــواني
بليلة الوحـشه ثگيله احـزاني

الليله ماكو حسيني   والگمــر جـافـيـنـي
بليلة الوحشه ثگيله احزاني

===========================

الليله ليلتها المصايب والحــــــزن والنايبات
الليله علغبره ابن امي حسين بالحومه يبات
منذبح وعظام صدره بالسحگ مترضرضات

سابـــح بدمه الـعـزيــز الغالـي
حسين بعدك عمري مايحلالي

وحّـــدي تخلـيـنـي   الليله ماكو حسيني
بليلة الوحشه ثگيله احزاني
===========================

علشريعه چفـوفــه طاحــــت زيدن بيه الألم
ريت يلعباس عايش وصايب اعيوني السهم
تدري يلعباس اخــيتـك حـرگو اعليها الخيم

وصلوا اخيامي ودوو بيها النار
بس حرم ضلينه واطفال ازغار

ظلمه بعده اسنيني   الليله ماكو حسيني
بليلة الوحشه ثگيله احزاني
===========================

ليله ياخواني تكتل صنطه من بعد الصياح
والهوه يـمـر بجثثكم تـنـقـل اخـــبار الرياح
تگول عباسچ صريـع وعلوجه حسين طاح

تگول صدر احسين داسـه الحافر
وطاحت اچفوفه ابو فاضل حاير

والحزن گاضـيـنـي   الليله ماكو حسيني
بليلة الوحشه ثگيله احزاني
===========================

حرمه يخواني وچبيره وحايره بهاي العيال
هاي طاحت هاي عثرت من بعد ذاك الدلال
هس زينبك وحيده ومال من عدها الخيال

ياتـعــب ياضــيـم هــــاي الليله
عيوني بس كت الدمع وتسيله

بالمدامــع عـينـي    الليله ماكو حسيني
بليلة الوحشه ثگيله احزاني
===========================

خويه يحسين انت كتلي وامنتني اعله الحريم
خويه بعيوني الامانه وللصـبـر ربك كــــــريــــم
بس اجيب امنين فيّك لـــو صرخ بويــه اليتيم
منين اجيبك لــــو بناتك رادن
وين ابونه حــسيــن عمه گالن

فرگـتـك تاذيـنــي   الليله ماكو حسيني
بليلة الوحشه ثگيله احزاني
===========================

أه يجرح الفارگـــــوني يلچم بگلبي وصــعـب
وين چــان حسين يمي وهــس نايـم علــترب
خويه دولبني زمـــاني وباچـــر ابسبي الدرب

باچر بحبل العــده يگـيـدونه
باچر بدرب السبي يـمـشـونه

والغرب تـسبـيـني    الليله ماكو حسيني
بليلة الوحشه ثگيله احزاني

.......................................................

✍️عباس مالك العفريت

نسألكم الدعاء
اللحن👇

*خطاب العقيلة لجسد الغريب السليب في ليلة الوحشة*

نشر مؤثر جديد مع طور مُفجع جديد

*انته لِحسين.. ما اصدگ وين صدرك ياضِيَه العين*
*انته لحسين.. چفوف ماعندك دگلي وينِ لِيدين*
*انته لحسين.. شلون اعُرفك وين راسك گِلّي في وين*

(انه جيتك عله ريحة الخُوّه..)

*مْحسِّبة تگوم.. تِلِمّ وَيّايِ اليتامه الْضاعتِ اليوم*
*محسبة تگوم.. مَعْرَفِتْ تحتاج المّنّك يمظلوم*
*محسبة تگوم.. ماتتركني وحيدة بْوِلْيَةِ الگُوم*

(انه بگيت محيّرة واصفگ بليدين.. لاعباس يبرالي ولا حسين)


*وحدي ظلّيت.. أجمع اضلاعك أُو تتنفّس تمنّيت*
*وحدي ظليت.. حايرة بنحرك أشمّه وْنُوبْ غطيت*
*وحدي ظليت.. چفوفيِ انخضْبَنِ بْدمّك مَيْتة ياريت*


تمت عصر تاسوعاء 1447 هـ
الله عجل لوليك الفرج واحفظه

⬛️◾️القصيدة-1-◾️⬛️

وما هَجَعت بعدَ المُصابِ عيُونُها
          مُقَّرَحَةٌ بل    دامياتٌ   جُفونُها
لقد هالَها ذبحُ الحسينِ وصحبِه ِ
           وفي ليلةِ الأحزانِ هاجَ شُجُونُها
بِخوفٍ ورُعبٍ والأيامىٰ تُحّيطُها
         وكيفَ  بتلكَ  الثاكلاتِ   تصونُها
فكم كابدَت صُبحَ البلياتِ لوعَةً!
       وكم ألِفَت ضَربَ السياطِ مُتونُها !
وكم هتَفَت باسمِ الحسينِ بكربلا
        وكم سُرَّ من ذاكَ الهتافِ خَؤونُها
وكم صَرَخَت أينَ الكفيلُ بِحُرقَة ٍ!
         وكم   نَدَبت  زايَ  الزكيةِ   نونُها !
بليلٍ بهيمٍ والعباءاتُ أحرِقَت
           تَمنَّت  لَيأتي الروحَ مِنها مَنونُها
مخدرةً قد فارقَ الخدرُ شخصَها
          فأينَ  مضىٰ الكرارُ ذاكَ  حَنونُها!
وأينَ عليُ الغوثُ ليلةَ أوحِشَت!
          وزينبُ  أمسَت ذابلاتٍ غُصونُها
تَـئِنُ وتبكي واليتيماتُ حولَها
         إلى م َ وبعدَ  الطيبينَ  رُكونُها !

#سمير_الصالحي
#النجف_الأشرف

————————————-
كسف نور الشمس واظلُمت دنيانه
عله مصاب الحسين الروح حزنانه
ا@@@@@@@@@@@@@
حزنانه النفس من طاح  ابوالأكبر
يانار     البگلبي   هايجه    وتسعر
صورة   ذبحتك   أنساها  ما اگدر
متفارگ  عيوني    وبيها   حيرانه
ا##################
حيرانه من اجيتك واعثر بجدمي          
أشوفك ياولينه وهذا  كل  همي               
من شفتك طريح مگطع  ومدمي          
ناديتك  يخويه  حسين  هاي  آنه           
ا##################           
زينب   هاي   آنه    ويابعد   زينب      
ليش  تلوج  خويه  وساعه  تتگلب       
أثاري جروحه كثره وبس جرح يصعب     
يوميلي   عليه   وروحه   خلصانه       
ا##################       
گلي    هلجرح     يختي    اليألمني       
گلبي  من  السهم   تدرينه باهضني        
لاچن  مو  مهم  حالچ   الي  يهمني        
سبيه  شلون  عگبي  بولية  اعدانه         
ا##################         
يازينب   يخيتي  اوصيج   بعيالي        
لو سار  الظعن عينچ  عله  اطفالي        
تدريهم     ترافه     تربو     بجالي       
واخاف   الشمر  مايرحم   يتامانه        
ا##################      
ياروح   الزچيه   راسك  المگطوع         
فوگ  الرمح  يزهر بالسمه مرفوع        
أصد الشيبتك  وتسيل مني دموع         
ياوسفه   العده  عگبك   الترعانه         
ا##################        
ما  حَسّبت  يوم  اتفارگ  آنه  وياك         
ولا  اگضي  العمر   ياهيبتي   بلياك         
شلون  انساك وآنه  عايشه  بذكراك          
أظل  سنين  دهري  عليك  ولهانه          
ا@@@@@@@@@@@@@        

🌑 الأبوذية

شاحسب چم جرح  گلي واعدلك      
ومالي   حيل    أگلبنك    واعدلك       
كل      مرة    أذَكرَنك     واعدلك        
دَلَحگ    حرگوا   خيامي    عليه        

#سمير_الصالحي
#النجف_الأشرف

⬛️أبوذيات⬛️

لچمت الگلب ياعاشور  مَرات
مصايب كلفه صارت بيك مُرات
شلون انسه العقيله يوم مرات
على العباس  والدمعه   جريه

الشمر طگني عله  عيني  ومَرد
صحت وينه الكفل  زينب  ومرد
يخويه اهنا  اظل  يمكم     ومرد 
تخلوهم         يودوني      سبيه

متوني من  سياط  السبي  خوان
وطبع    الوكت يا  هناس   خوان
ما ظل  عگب يوم حسين  خوان
والخوان   نومه    اعله   الوطيه

#سمير_الصالحي
#البصرة_الموالية

فزاعية ليلة الوحشه الامام الحسين ع

الليله ام الحزن زينب
بالأيتام حيرانه
…………………..
نايم مافز واليهه
حراس العده ليهه
دنيه مظلم اعليهه

واتنادي الحزنانه
………….::………
تنادي يلولي وينك
عايفني وغفت عينك
عمت عيني ونينك


دمعه العين غدرانه
……………………
دمعه تجري عيني
خويه ماتحاچيني
يلوحدي امخليني

طول الليل سهرانه
…………………..
بيه اشعمل چتالك
عذبني وعذب حالك
يبچون خويه اطفالك

خويه انه عطشانه
…………………….
اگعد شوف حالتنه
سبايه عگب خوتنه
بلبر عگب ظلتنه


بس العدو يبرانه
…………………….
گليبي زاد أعتابه
روحي نار الهابه
خويه طول غيابه

بس رأسك ويانه
…………………..
بس راسك امگلني
لو شفته يعذبني
شگولن يخال ابني

ذبحتك ذبحانه
……………………
تمــت الحمــدلله

بقلم اخادمة اهل البيت عليهم السلام
✍🏻📜 [الشاعرة بـتـول الـكـربـلائـيـة📓]
غير مبرى ذمة أمام الله والزهراء ع
تأخذ كلمات وينسب لـه❌

لِيلَةِ الْوِحْشَه  شْنِوَصِّفْهَه  شْنِگُولْ
وِالْغَرِيبَه  بْلَا  أَهَلْ   بِنْتِ   الْبَتُولْ
نَامَتَ اصْوَاتِ الْمَوَاضِي وِالْخُيُولْ
وْفَزَّتِ جْرُوحِ  الْعَقِيلَه  مْنِ  الْقَهَرْ
----------------------------------
هَايْ    لِيلَه    شَبَّتِ    بْنَارِ    الْخِيمَ
لَا   حُسِينِ   الْبِيهَه   لَا   رَفَّةْ   عَلَمْ
هَاذِي يَا حَسْرَه وْچِوَتْ گَلْبِ الْحَرَمْ
سَاعَدَ   الله   زِينَبِ   تْدِيرِ    النَّظَرْ
----------------------------------
حْسِينَ اخُوهَه عَالْوِطِيَّه نُومِتَه
عَالرَّمُلْ  مَگْلُوبَه  وَسْفَه   جِثِّتَه
عَارِي  مَا  تِگْدَرْ  تِگُومِ   لْدَفْنِتَه
وْعَالشِّرِيعَه  نَايِمِ  اللِّيلَه  الْگُمَرْ
----------------------------------
شْلُونْ   لِيلَه   مِرْتِفِعْ   بِيهَه   الْوِنِينْ
وِحْدَه تَصْرَخْ يَبْنِي وِحْدَه يَا حُسِينْ
وِالرَّبَابِ  تْنَاغِي  عَبْدَ   الله   بْحَنِينْ
تْگِلَّه  وِينَكْ  گَلْبِي  يَا   يُمَّه   انْفُطَرْ
----------------------------------
عِيلَةِ  الظَّامِي   بُقَتْ   وِبْلَا   سِتِرْ
سِلْبَوَ ارْبَابِ الشَّرَفْ وَاهْلِ  الْخِدِرْ
مِنْ  بَعَدْ  عِينِ  الْكِفَلْهِنْ  لَنْ   شِمِرْ
عْلِيهِنَ اصْبَحْ وَالِي يَا هَضْمِ الدَّهَرْ
----------------------------------

#ليلة_الوحشة
#محرم_١٤٤٧هج
الشاعر حسن خنافر العاملي

نعي
على لسان السيده زينب// ع//


غـابـت شمسنه وصـار الـغـروب
وحسين فوگ الـتـرب مـگـلـوب
ما ادري اروحن ومشي ياصوب
ولـلـخـيـل عـيّــه بـكـل الـدروب

ضـلـيـت انـاطـر والـدمـع سال
وبلحظه أفگدت سبعين خيال
زحمه وچبيره شـلـون تـنـگـال
أنـه الـعـقـيـلـه أبـيـن الارجـال

عـاتـبـت الذي يـسـوّن العتاب
يـوم الـعـلـيـه نـظـرت اجـناب
صـار الـحـزن والـنـوح جلباب
بليله وضحاهه والخـدر غـاب

عيـونـي للگمر ضـلـن مشبحـات
ما احمل حچي وجروح شـمـات
التـمَـن عـلــي ويــن الثـكـيــلات
هـيـهـات الـخـدر ينـعــاد هيهات

                *-------------------*----------------*

✍ خادم الحسين 
الشاعر رعد الجريخي

أمسى المسا والنّار ما خلّت لنا خيام
صيوان ماظل تلتجي بظلّه هالايتام

أگبل عليّ الليل وازدادت الوحشه
ما شوف غير ايتام تتصارخ بْدَهشه
وشيخ العشيره حسين ماحد شال نعشه
مطروح وبْجَنْبه علي الأكبر وجسّام

عبّاس عندي البارحه ايحوط الصّواوين
يامر وينهى واخوته كلهم مسلحين
والخيل مسروجه واهلها مستعدّين
مصغين للصايح ولا منهم جفن نام

وحسين من يسمع بچا بخيمه دخلها
ايسلّي الحرمه وياخذ بصدره طفلها
وباتت خيمنا مطنّبه وتزهر بهلها
وصيوان اخوي حسين حوله ترفرف اعلام

واصبحت وشْبول الهواشم حولي اوگوف
وامسيت مالي اگناع واتْستَّر بلچفوف
ويّا يتامى اگلوبها طارت من الخوف
وين المعزّه اُووين زهوة ذيچ ليّام

أصبحت حولي سْباع وامسيت اصفج الچف
وانظر جنايزهم عرايا بعرصة الطّف
باچر يركبونا الاعادي اجمال عجّف
دربٍ طويل ونبتلي بعدوان ظلاّم

گلها علي السجّاد يا عمّه شجاني
حالچ وانا مگدر اتحرّك من مكاني
صاحت يَنور العين عتبي اعله زماني
اللي علي الكرّار ابوها اشلون تنضام

والاّ المصيبه ضجّة الايتام حولي
الوعد الصّبح چان العدا شدّوا ذلولي
واعظم مصيبه چان گاد الجمل خولي
وساعة الگشره چان راح الظّعن للشّام



ملا عطية الجمري

⬛️🔳القصيدة-2-🔳⬛️

وفارَقَها بعدَ الحسينِ منامُها
              ووَحشَتهُا  منها يزيدُ  ظلامُها
ولم يبقَ في ليلِ الدُجىٰ غيرُ خَيمةٍ
          فقد أُحرِقَت حينَ الهجومِ خيامُها
عقيلة ُبيتِ الوحيِّ ِمكسورةً  غدَت
              وبين العدا أنىٰ يكونُ  مُقامُها !
فأينَ مضىٰ الفتيانُ من قومِها تُرىٰ!
             وأينَ  تَوارىٰ من لؤيٍ حُسامُها !
لقد شاهدَت فوقَ الصعيدِ جُسومَهُم
                 مُطرَّحة ً أخنَت عليها  لئامُها
وأما أخُوها خيلُهُم فوقَ صَدرِهِ
                تجولُ  عَوادٍ  لم يُشدَّ زِمامُها
ولمّا أتَت نحوَ الشهيدِ بِوَجدِها ..
     وقد فاضَ من إثرِ المصابِ هيامُها ..
نَعتهُ بحُزن ٍ والسمٰواتُ أُطبقَت
       ومِن قلبِها المفجوعِ شبَّ ضِرامُها
تُخاطبُـهُ يابنَ البتولِ رَزيتي
           بفقدِكَ ياعيني دَهتني  جِسامُها
ورُوحي غَزتها النآئباتُ وبعدَكُم
             عيونُ الأعادي آلمَتني سِهامُها 
وألقَت عتابَ الأختِ لكنْ تصَبَرَت
         برَغمِ الأسىٰ أنّـَت  و فيه ِختامُها

#سمير_الصالحي
#البصرة_الموالية

————————————-
⬛️🔳القصيدة-3-🔳⬛️
ليلة الحادي عشر
   ليلة المأساة والألم  ....

ياليلةَ الحادي عشَر
          فيكِ تبايَنَت الصِوَر
قتلٌ وحرقٌ للخِبا
      والرعبُ خَيَّمَ والخَطر
هذا الحسينٌ مُقطعُ
         في كربلا دمُهُ انتَثر
وبنوُهُ  معَ أصحابِهِ
       مثلَ النُجومِ أو الدُرَر
أشلاؤهُم  مرميةٌ
     من حالِها الطاغي يُسَر
ياليلةَ الحادي عشَر
هذي فِعالُ الادعياء ِ
         وفِعلُهُم   لن  يُغتَفَر
جَسدٌ  يُداسُ بِخيلهِم
         مِن رَضِِّهِ   بانَ الأثَر
والرأسُ يُرفعُ بالقنا
  يعني الحسينُ قد انتَصَر
ماذنبُ نسوتِهِ غَدت
         مسبيةً بئسَ  الخَبر
ولزينبٍ نوحٌ فقَد
     أبكى النياقَ معَ الحَجر
مِن حولِها أيتامُها
       والخوفُ  بادٍ والحَذر
عطَشٌ وجوعٌ والسَما
         تبكي دماءً  كالمَطر
أينَ الكفيلُ مَضى تُرى!
      أينَ الشبيبةُ من مُضَر
في وَحشَتي وبِغُربتي
       سأظّل ُ أندُب  ياقَمر
ياابنَ الغضنفرِ والدي
     فيكَ الأميرُ قد افتَخر
عباسُ عجّل إنني
    قلبي من الحزنِ انفَطر
إذ ناظرايَ توَرَما
    من أدمُعي ومِن السَهَر
أولستُ كنتُ بظِلِكُم
    مثلَ الزهورِ معَ الشَجر
عجباً لكُم هذا الجَفا
     عَتبي عليكَ قد انهَمر 

#سمير_الصالحي
#البصرة_الموالية
—————————————

🏴 مقطوعة نعي
🏴رقية .. ليلة الوحشة 11
يتيمة والده وعگبك سبيه
                  وتالي  تيتِمَت   بتك  رقيه
زغيره شلون تحمل هضم وسياط
             وترافتها گضت من جور أميه
ذبلت مثل ورده وفگدت الماي
                  وحر  وخوف يا عالم  بنيه
من شافت حسين مگطع اوصال
                 محزوز النحر فوگ الوطيه
رادت تعتنيله بوحشة الليل
            وتسگي شفايفه بگطرة اميه
تركض والدموع تسيل نهران
           وتصرخ حيل من سوده  عليه
وزينب من وراها تصيح ويلاه
          تخاف تضيع بارض الغاضريه
درجعيلي يعمه حسين مذبوح
            ومايچ  ما يريده  وهاي  هيه

#سمير_الصالحي
#بغداد_المدائن_النهروان

#نعي

العقيلة زينب روحي فداها
آخر الليل

بال وي اليتامه وبال يمك
عطشان گلبي يريد شمك
يالريحتك چن ريحة أمك
ياعريان يالمسلوب هدمك
موش اهموم خويه الي تلچمك
واعيننك واشيل وياك همك
انت مگطع وسابح ابدمك
امطشر وشوفي ما يلمك
يريت الخيل داستني وي جسمك

#اللهم_عجل_لوليك_الفرج

اه ياحيرت زينب 💔😞
.