💔💔💔💔💔

قــفْ يــا جَــوادُ عــنِ المسيرِ مُخبِّراً
بِمُصابِ سِبْطِ المُصطفى خيرِ الوَرى
ســقطَ  الــحُسينُ مُــضرَّجاً بِــدمائهِ
فــي  كَربَلاءَ، وكمْ جَرى ما قد جَرى
سَــهمٌ  أصــابَ  الــقَلبَ يــا لِــبَشاعةٍ
حَتّى  هَوى مِن ذا الجَوادِ إلى الثَّرى
والــشِّــمْرُ  يَــقــبِضُ  شَــيْبَهُ بِــيَمِينِهِ
مُــتَــرَبِّعًا  عَــالــصَّدْرِ يَــنْحَرُ مَــنْحَرا
والــمُصْطَفى  والمُرْتَضى والمُجْتَبى
يَــبْــكُونَ  دَمْــعًــا بَــلْ دِمــاءً أَحْــمَرا
وَعَــلَــيهِ  تَــنْدُبُ فــاطِمٍ فــي مَــأْتَمٍ
وَعَــلَيهِ  يَــبْكي الــبَيْتُ مَعَ أُمِّ القُرى

خادم العترة الطاهرة

نعي  للامام الحسين ( ع)

صلّى اللهُ عليكَ يا سيدي يارسَـــولَ الله
صلّى اللُه عليكَ وعلـى أهل بيتكِ المعصوّميـن
صلّى الله عليكَ ياسيدي يامولاي يا أباعبدالله
ماخابَ مَن تَمسَكَ بِكُم وأمِنَ مَن لجأ اليكم سادتي
ياليتنـا كُنـا معكُـم فَنَفُوزَ والله فوزاً عَظيـمـا

( نعي قريض) 

يبن النبيّ المصطفى ووصيِّهِ
             وأخا الزكيِّ ابنَ البتولِ الزاكية
تـبـكيكَ عيني لا لأجلِ مثوبة ٍ
                 لـكـنّـمـا عيني لأجلِكَ باكية
تـبـتـلُّ مـنكم كربلا بدمٍ ولا
               تـبـتـلُّ منِّي بالدّموعِ الجاري

(نعي بطور  الحدي )

من هـجمت خيول العده 
                   ولحـدود المخـيم دنـت
طلعت مـن الخيمة تعدي
                   زينـــب عـالتـل اوچبـت
شبجت العشرة من الخطر 
                 ولصوب أخـوها اتوجـهت
صـاحـت  يابو اليمة عدل
                 يـاروحك الطيبـة اظهرت

صعدت مولاتنا  السيدة زينب على التل
فصرخت  ونادت بأعلى صوتها ياحسين إن كنت حياً فأدركنا، وإن كنت ميتاً فأمرنا وأمرك إلى الله

[نعي مجرد ]

فوگ التل انادي گوم ليه
ماضل بعد كل حيـل بـيه
يحسين يـاروح الزچـيـه

انـه بطيحتك گلبي تمرمـر
حرمه وعـليه الگـوم  تفتـر
يصيحون وينج بيت حيدر

اصعدت حافيه يحسين عالتل
ضيعت الطريق   منيـن منديـل
شنهـو البصـر ياخويـه والحل

خليــتني وحـدي وغريبـه
اوني اعليك مابطله نحيبه
انه الجابته امي منين اجيبه


حار الرمل غير  ارســومك
يالماصاير وماسادي يومك
مذبوح  ومسلبه  اهدومك

صار العصر ياخويه وينك
يحسين اسمع بس ونينك
ابـياكتر  ويــلي ذابحينـك


اتـعثـر  وادور  بــالمطاعيـن
مبحوح صوتي وتدمع العين
تفتـــر عليه الگوم  صـوبيـن

اشكيلك يماي العيـن حالي
بس النوح من بعدك صفالي
علي ضيم لو تدري يــوالي

عليه ضيم ماخاطر على البال
والحمل خويه يريد شيال
حمـل العليه ايهـد الجـبال

ياريحت امي والحبايـب
عيونك الحلوة عالترايب
تحملت لوعات ومصـايب
لاحوله ولاقوة الابالله العلي العظيم

تمـت بـعـون الله تعالـى
بـ✍️خادمـة الحسين "عليه السلام"
الملـه أم مـجتبـى 
نسالكـم الدعـاء بتعجيل الفـرج لصاحـب الزمـان

نعي مفجع
مولاتي زينب ع



على التل اوكفت ياحيف وطولي شافته الغـربـه

اكـابـر گـوه بـيـن الـخـيـل وادري بوكفتي صعبه

اشـوف ابـن امـي گـدامـي الـمـثـلـث مـرد گـلـبـه

هذا ايـروك روك اعـلـيـه وذاك ايـجـره ويـگـلـبـه

درت صـوب النهر بالعين ودمعتي بخدي منصبه

شلون اوصل گمر عباس ومكضوض بـزلـم دربـه

صحتله اگـعـد يـبـو فـاضل حلتلك نـومـة التربه

شوف الگوم شوف الخيل خدري اتزاحمت گـربه

سكته وْ لا سمعت اجواب ولا طلاب اجه لـ طلبه

هيچي الـدهـر جـار ويـاي ومعلن يـا خلگ حربـه

                              *---------------*---------------*

✍خادم الحسين ع
الشاعر رعد الجريخي

#نعي

جبت القميص الگاضي بالخيل
ومنين اجيب ويَ الهِدم حيل
گضيتها بنوح بضحه وليل
ورديت انشره اعله السماوات

هذا القميص اليگطر دموم
شابع دليلي جراح وهموم
طبع الحوافر فوگه مرسوم
وراعي القميص انترس طعنات

ابني ايعگب صيت العشاير
يا حيف وحده ويضل حاير
وبهدمه متوليه الخناير . خناجر
الهالسبب شابع ابني طيحات

فاطمه وگلبي اعله ابني ماطاب
بحضني ربه وتالي اعله التراب
نوحو محبسه بصبع سلاب
و عد راسه گام تجول شمات

ياناس ابني . والضنه عيون
وحسين غالي هواي تدرون
بس راس ضلو بي يهوسون
وتخضبن بالدمه الشيبات

يهل البچي سمعو المحاچي
ولوليدي كثروها البواچي
من الخيم باگوها الخواچي
وطلعن بنياتي العزيزات

يوميه اشوف حسين مذبوح
وزينب تونله بصوت مبحوح
وتگله باچر غصباً نروح
من الخيم فوگ الهزّل نبات

يهل العزه خلصو ولدي
وببناتي وسفه الشمر يحدي
وياكم أنه اتنطر المهدي
وان شاء الله أيامه مگربات

ملا كرار الخفاجي الكربلائي

#اللهم_عجل_لوليك_الفرج

#نعي

مرت عالنهر والدمع عامي العين
نايم شافته لاراس لاچفين
صاحت على الناگه بهون لاتجزين
هذا الكلف يومه وكسر ظهر حسين
خليني ارد اخبره اوي الغرب ماشين
عنكم رايحه والفرگه فرگة بين

خويه الدهر يم عون ميال
يمرج عليه وبيدج حبال
وتشوفيني نايم على رمال
وتودعيني وانا اعلى هالحال


مابي مروه الدهر لوخان
وتشبع هظيمه المالها اخوان
بياوكت زينب تطب ديوان
وتگطع دروب بغير وليان



مشت بيها الهزل وادير بالعين
وماتدري بدربهم وين ناوين
الدمع خله بوجه زينب نياشين
حدت بيها الغرب ومفارگه حسين

منقول

#اللهم_عجل_لوليك_الفرج

#نعي..
مولاتي العقيلة زينب تخاطب
مولاي الحسين صلوات ربي عليهما


عالتل واگفــــه وكضيـت الصفاح
وعاينلك يمــــن للگلب ســـــباح
حسين اليوجعك عباس من طاح ؟
لوحافــر فرس لوطعــــنت ارماح

شفت اجســــادكم ضلن بالشموس
وشفت فوگ الرماح امعلگه الروس
وشفت خيل اعوجيه بصدرك ادوس
اونيني ابصدري ضل يحسين محبوس

يا مـــــــن رحتو عني افـــرد ليله
بسفرة لبعيد والســــفره طويله
تراني افراكم مابيــــــــــــه حيله
وعلي ليلة اموادعــــــــكم ثجيله

يريت المـــوت وياكم خذاني
ولا بيكم يعــــــــــذبني زماني
الدهر بسهام فرگتكم رماني
ومــــــــن كثر اعليكم عماني

✍الخادم
كامل السعيدي

#اللهم_عجل_لوليك_الفرج

قصة يوم المباهلة

فد يوم من الايام اجوا للنبي ( عليه وآله الصلاة والسلام ) بعض من رؤساء النصارى ( نصارى نجران ) 

طبعا هاي ورى ما انتشر الإسلام بذاك الوقت !
وكل الناس گامت تدخل لهذا الدين 

فچان صعب على النصارى يتقبّلون الوضعية  بإعتبارهم نصارى شجابهم على الإسلام ؟

ف دخلوا على النبي يحاججوه بحجة ان دينهم هو الأصح
گالوا للنبي : إحنا جايين نسألك على  عيسى ( عليه السلام )

_ أنت شايف مولود ينولد بدون أب ؟؟؟

النبي گال لهم : لا والعادة ان اي مولود ينولد بأبوين ..

فهذولا گالوا له : مادام الأمر صار مو طبيعي وي عيسى معناها عيسى هو الإله أو ابن الله !

ف رب العالمين أنزل على النبي هذه الآية 👇

قال تعالى ( إِنَّ مَثَلَ عِيسَى عِنْدَ اللَّهِ كَمَثَلِ آدَمَ خَلَقَهُ مِنْ تُرَابٍ ثُمَّ قَالَ لَهُ كُنْ فَيَكُونُ )

ف جاوبوه گالوا له : هذا الكلام ما يصرفلنا لان المسيح هو ابن الله
گال لهم : زين شنو الي يرضيكم ؟
ف گالوا له : احسن شي نتباهل

نطلع احنا وياك للصحراء وندعو رب العالمين ان يهلك المبطل والكذاب بينا وينصر المحق

ف وافق النبي وعينوا يوم حتى يطلعون الي هو يوم  ( ٢٤ ) من شهر ذي الحجة

ف اكو واحد بيهم عاقل ويفتهم گال لهم اريد احجي وياكم قبل ما ترحون تباهلون النبي

گالوا له : شنو ؟
گال : انتم تعرفون ان محمد هو نبي وكتبكم بشرت بيه وانتم حاليا جايين بعناد وتعصّب اذا رحتوا للمباهلة فلازم تنتبهون لمسألة !
إذا محمد طلع وي اهل بيته لا تباهلوه
لان هاي كارثة ومعناه ان هو واثق من نفسه من جابهم وياه
وما معقولة يجيبهم وياه حتى يعرضّهم للإبادة والفناء !!
واذا جاب وياه غرباء فلا تهتمون معناها رح يوگع هالعذاب على الغرباء

فاستغربوا من الأمر وخلوا على بالهم أن يراقبون الوضع  وراها طلعوا ....

إلى أن وصلوا للموقع ظلوا يراقبون شلون رح يطلع النبي ( عليه وآله الصلاة والسلام ) ؟
فطلع الرسول وبصفه أمير المؤمنين وبين إيده الحسن والحسين ووراهم فاطمة الزهراء( عليهم جميعا صلوات الله وسلامه )

ف أحد الرؤساء انصدم ف سألهم منو هذولا ؟
جاوبوه : هذا علي ابن عمه ( قالع باب خيبر ) وهذان الحسن والحسين اولاده من بنته وهذه الي وراهم  بنته سيدة نساء العالمين ( عليهم السلام )

ف هذا ظل بصدمته !

ودار وجهه گال لجماعته : دير بالكم تباهلون النبي !!
فگال هذا الشخص العاقل : ترى هذه الوجوه الي دتشوفوها گدامكم إذا النبي أقسم على الله بيهم أن يزيل جبل من مكانه لفعل !

فلا تباهلوهم لأن هلاكنا رح يكون على إيدهم !!!
من الرعب والخوف گالوا له : زين شنسوي ؟
گال : صالحوا النبي واعقدوا وياه صلح
ف راحوا عرضوا  الصلح على النبي
بعدها النبي وافق على مصالحتهم والجزية
ورجع وي أهل بيته ( عليهم جميعا صلوات الله وسلامه )
ولهذا السبب نصوم هذا اليوم شكرا لله ودليل على عظمته هو ويوم الغدير .

والحمد لله على نعمة الولاية وحب أهل البيت ( عليهم السلام ) اللهم صل على محمد وآل محمد وعجّل فرجهم.

وَ يُؤْتُونَ الزَّكاةَ وَ هُمْ راكِعُونَ

وقد باهل رسول الله (صلى الله عليه واله) نصارى نجران بأهل بيته بعدما نزل القرآن يدعوه إلى ذلك بقوله تعالى: {فمن حاجك فيه من بعد ما جاءك من العلم فقل تعالوا ندع أبناءنا وأبناءكم ونساءنا ونساءكم وأنفسنا وأنفسكم ثم نبتهل فنجعل لعنة الله على الكاذبين}

فدعا رسول الله (صلى الله عليه وآله وسلم) الحسن والحسين (عليهما السلام) فكانا ابنيه ودعا فاطمة (عليها السلام) فكانت في هذا الموضع نساءه ودعا أمير المؤمنين (عليه السلام) فكان نفسه.


وروي ان الأسقف قال لأصحابه: إنّي لأرى وجوهاً لو سألوا الله أن يزيل جبلاً من مكانه لأزاله فلا تبتهلوا فتهلكوا ولا يبقى على وجه الأرض نصراني إلى يوم القيامة .

وفي رواية ان النبي (صلى الله عليه وآله وسلم) قال: والذي نفسي بيده لو لاعنوني لمسخوا قردة وخنازير و لاضطرم الوادي عليهم ناراً ولما حال الحول على النصارى حتى هلكوا كلهم

بسم الله الرحمن الرحيم
(فَمَنْ حَاجَّكَ فِيهِ مِن بَعْدِ مَا جَاءَكَ مِنَ الْعِلْمِ فَقُلْ تَعَالَوْا نَدْعُ أَبْنَاءَنَا وَأَبْنَاءَكُمْ وَنِسَاءَنَا وَنِسَاءَكُمْ وَأَنفُسَنَا وَأَنفُسَكُمْ ثُمَّ نَبْتَهِلْ فَنَجْعَل لَّعْنَتَ اللَّهِ عَلَى الْكَاذِبِينَ)
-
اسعد الله ايامكم بذكرى خروج رسول الله محمد (ص) بأهل بيته (عليهم أجمعين) للمباهلة مع نصارى نجران (في 24 ذو الحجة سنة 10 هـ).
وتصدق امير المؤمنين (عليه السلام) بالخاتم وهو راكع في الصلاة، اعادهُ الله علينا وعليكم باليمنِ والخيرِ والبركات وكل عام وانتم بخير ❤️
ــــــــــــــــــــــــ
#متباركين
#يوم_المباهلة

" يوم المباهلة " يومٌ مشهودٌ حقّت فيه كلمةُ الله العُليا .

دخيلك ياعلي

اَلْحُبّ اَلَّذِي أَنَارَ ، حَيَاتِي اَلْمُظْلِمَةَ :
حُبَّ اَلْحسين عَلَيْهِ اَلسَّلَامُ .
الإمام الحُسَيٓن الضِّياءُ الوَحيدُ
في ظلامِ ليالينا و وَحْشَتِها♥️

#نعي #تراث

يا راكب الصّعبه الشّديده     
تگطع  فيافي و تسچ بيده
أوصل للحصون المشيده      
ولامن وصلت النّوح زيده
و عمّك محمَّد قبّل إيده      
وگلّه ابهالكلمه الشديده
في مهجته شفرة حديده      
زينب ترى ظلّت وحيده
وبكربلا ذبحوا عضيده      
وسجّادهم يرفل ابگيده

الشاعر المرحوم ملا عطية الجمري


#اللهم_عجل_لوليك_الفرج

#أبوذيات
لمولاي صاحب العصر والزمان
روحي فداه


يـمـهــدي الـلـيـلـه اذكــرَنّــك.. وَعينـك
ونـــوح ٱويـــاك بـمـصــابــك.. وعينـك
مـــحــــرم بـــيّــن اهـــلالـــه.. وعينـك

تـشــوفــه وتــذكــر الــراحــت سـبـيـه

                                    *---------------*---------------*

جــره دمـعـك يـبـو صـالـح.. وَهـل لك
وهــلال الــحـزن شــفــتــه.. وَهـل لك
انـشـدك يـا وگــت تـظـهـر .. وَهـل لك

طـلـعـه وتــنــصــب لـ جــدك عَــزيــــه

                                    *---------------*---------------*

هـلـك شــدوا يـبـو صــالــح.. رحـلـهـم
وبـحـمـول الـحــزن تــفـتـر .. رحـلـهـم
شـبـاب وچــن ورد بـالـطـف.. رحـلـهـم

وصــبــغ دمـهـم تـــراب الــغــاضــريــه                    *---------------*---------------*
عَــفــه گـلـبـي الـمـصــايـب.. ماتـسـلـه
وتـــرانــي بــغــيــر ذچـــرك.. ماتـسـلـه
يــراعــي الـثـــار ســيــفــك.. ماتِـسـلـه

وتــطــفّــي الـنـار الـبـگـلـبـك ســريـــه
                                    *---------------*---------------*
يَـمـن دمـعـك طـريـج الـصـبـر .. يـداك
ومــتــانــي تــســـل الــســيــف.. يـداك
يمهـدي بخيل صدره انـسـحـگ.. يـداك

وتــوزّع جــســمــه بـٱكــتــار الـوطـيـه
                
الشاعر رعد الجريخي

#اللهم_عجل_لوليك_الفرج          

السَّلامُ عَلى صَاحِبِ القُبَّة السَّامِيَةِ
نَحْنُ فِي ظُلُماتٍ وتَعَبٌ
فمُدَّ لَنا يَدُ النَجاة ياحُسَيْن .

شِهر العُزاءَ يَقتربّ و الراية الحُمِراء تلتقِط أنِفاسّهُا الأخِيرة وصُدورنِا تتهُيأ والقِلبَّ يضِطربَّ.
اَلْحُبّ اَلَّذِي أَنَارَ ، حَيَاتِي اَلْمُظْلِمَةَ :
حُبَّ اَلْحسين عَلَيْهِ اَلسَّلَامُ .
الإمام الحُسَيٓن الضِّياءُ الوَحيدُ
في ظلامِ ليالينا و وَحْشَتِها♥️
"واقتربت ليالي العطش ، الـيتـم ، الـفِـراق سلب الـرداء وحـرق الخِيـام!".💔

‏كل الدموع مؤذية إلا دموعك على
الحُسَيْن تبعث فيك الطمأنينية.