#نعي

امشنـــه للــــــغالي نــودعه
يمكن بـــعد مابيــــه رجعــه
يگطعون راسه وحته اصبعه
وباچر تسمعن كســــر ضلعه

سكــــنه رقيــه رملـــه ليلـه
باچر حسين يـــــروح حيله
يوگع وما واحــــــد يشيلـه
وفوگه العدو يلكـــد بخيله

باچر معاني حسيــــن تنداس
وفوگ الصدر مگعاد الارجاس
لو دارته مـــــن كل كتــر ناس
عينه تصــــــــد لصوب عباس

ونن وركضن شبگن حســين
گالن نجيب يشــبهك منيــن
وين اليحامي اخدوركم وين
لو حـــرگت النــار الصواوين


حيدر ابو كيان الفاطمي

#اللهم_عجل_لوليك_الفرج

#نعي

يزينب جَمّعي بنياتي كلهن
بالخيمه ارد اوصيهن واگلهن

التمن يلي محد شافج ضلجن
واندارن عليّ ياحنان كلچـــــن
يعلويات اوصيجن وگلجـــــــن
شما بيچن بعد حفظن خدرچن

يحتارن المامش والي عدهن

باجر من صباح الله يهــــدون
عليه وما إلي ناصر ولا عـــون
وانتن سوطهم يوصل للمتون
عگب خوانكم من ما يضلـون

محد يوصل الخوان عدهــــن

هذه اوداع واخر ليله هايـــــه
وتغبش من صباح الله المنايه
وانتن باجر تصبحن سبايــــــه
عبايه شدن بطارف عبايـــــــه

وعگد مالت سبايه كون شدهـــــن

يعلويات ياربات النبــــــــــوه
يمـــــن لخيالجن يرحو فدوه
باجر ع الهزل ترحون گـــــــوه
وظعن بس النسا من غير خوه

ولا موجود عباس الكفلهـــــن

يزينب ارد اكلفج ولو انتـــي
شفتي الظيم بالطف وتعبتي
اريدج باليسر عينج البتــــي
بحظنج گعديها لو گعدتــــي

ترى بنيتي السياط تخاف منهـن

وبعد بالشام وبذيج الخرابــه
تگعدن لا سگف بيها وترابـــه
الهظيمه لا اهلجن لا گرابــــه
واشد موقف تشوفن والغرابه

الگبل مايعرف يسولف يسبهـن

علاء شهــيد الحچامــي

#اللهم_عجل_لوليك_الفرج

السلام على قلب زينب الصبور ولسانها الشكور

اللهم صل على محمد وال محمد الطيبين الطاهرين الذين قرنت ذكرهم بذكرك وجعلتهم وصية نبيك وحبيبك محمد صلى الله عليه واله هم السادة والقادة اللهم لا تفرق بيننا وبينهم طرفة عين ابدا بحقك عندهم وبحقهم عندك يارب العالمين
‏كل الدموع مؤذية إلا دموعك على
الحُسَيْن تبعث فيك الطمأنينية.

إذا كانَ في العُمرِ بقيَّة فـ اجعله ياربَّ مشغولًا بخدمة الإمام الحُسَين (عليهِ السّلامُ) واختمهُ لي بالبكاء والجزع على الحُسَين (عَليهِ السَّلام).

#نعي

لمولاي قمر بني هاشم روحي فداه

من المهر فوگ الترب طاح
ورماح تتكسر عالرماح
يحسين ليك العذر من صاح
صاح ونداه اتنگله الرياح
وحسين يصفگ راحن براح
وصوب النهر مثل الصگر راح
لاچن صگر مكسور الجناح

#اللهم_عجل_لوليك_الفرج

هيهات من الذله

اَللَّـهُمَّ ارْزُقْنِي شَفَاعَةَ الْحُسَيْنِ يَوْمَ الْوُرُودِ ، وَثَبِّتْ لِي قَدَمَ صِدْقٍ عِنْدَكَ مَعَ الْحُسَيْنِ وَأَصْحَابِ الْحُسَيْنِ اَلَّذِينَ بَذَلُوا مُهَجَهُمْ دُونَ الْحُسَيْنِ عَلَيْهِ السَّلامُ .

-من دعاء المؤمنين يوميا 🦋

يا فاطمة العليلة 💔😭

أَفاطِمُ لَوْ خِلْتِ الْحُسَيْنَ مُجَدَّلا
وَقَدْ ماتَ عَطْشاناً بِشَطِّ فُراتِ

إِذاً لَلَطَمْتِ الْخَدَّ فاطِمُ عِنْدَهُ
وَأَجْرَيْتِ دَمْعَ الْعَيْنِ فِي الْوَجَناتِ

أَفاطِمُ قُوْمي يا ابْنَةَ الْخَيْرِ وَانْدُبي
نُجُومَ سَماوات بِأَرْضِ فَلاةِ

قُبُورٌ بِکُوفان وَاُخْرى بِطيبَة
وَاُخْرى بِفَخٍّ نالَها صَلَواتي

قُبُورٌ بِبِطْنِ النَّهْرِ مِنْ جَنْبِ کَرْبَلا
مُعَرَّسُهُمْ فيها بِشَطِّ فُراتِ

تُوُفُّوا عَطاشاً بِالْعَراءِ فَلَيْتَني
تُوُفِّيتُ فيهِم قَبْلَ حينِ وَفاتي

إلَى اللهِ أَشْکُو لَوْعَةً عِنْدَ ذِکْرِهِمْ
سَقَتْني بِکَأْسِ الثَّکْلِ وَالْفَضَعاتِ

إذا فَخَروا يَوْماً أَتَوْا بِمُحَمَّد
وَجِبْريلَ وَالْقُرْآنَ وَالسُّوَراتِ

وَعَدُّوا عَلِيّاً ذَا الْمَناقِبِ وَالْعُلا
وَفاطِمَةَ الزَّهْراء خَيْرَ بَناتِ

وَحَمْزَةَ وَالْعَبّاسَ ذَا الدِّينِ وَالتُّقى
وَجَعْفَرَهَا الطَيّارَ في الْحَجَباتِ

اُولئِکَ مَشْؤومُونَ هِنْداً وَحَرْبَها
سُمَيَّةَ مِنْ نُوکي وَمِنْ قَذَراتِ

هُمُ مَنَعُوا الآباءَ مِن أَخْذِ حَقِّهِمْ
وَهُمْ تَرَکُوا الاَْبْناءَ رَهْنَ شَتاتِ

سَأَبْکيهِمُ ما حَجَّ للهِ راکِبٌ
وَما ناحَ قُمْريٌ عَلَى الشَّجَراتِ

فَياعَيْنُ بَکِّيهِم وَجُودي بِعَبْرَة
فَقَدْ آنَ لِلتَّسْکابِ وَالهَمَلاتِ

بَناتُ زِياد في الْقُصُورِ مَصُونَةٌ
وَآلُ رَسُولِ اللهِ مُنْهَتِکاتِ

وَآلُ زِياد فِي الْحُصونِ مَنيعَةٌ
وَآلُ رَسُولِ اللهِ في الْفَلَواتِ

دِيارُ رَسُولِ اللهِ أَصْبَحْنَ بَلْقَعاً
وَآلُ زِياد تَسْکُنُ الْحُجُراتِ

وَآلُ رَسُولِ اللهِ نُحفٌ جُسُومُهُمْ
وَآلُ زِياد غُلَّظُ الْقَصَراتِ

وَآلُ رَسُولِ اللهِ تُدْمى نُحُورُهُمْ
وَآلُ زِياد رَبَّةُ الْحَجَلاتِ

وَآلُ رَسُولِ اللهِ تُسْبى حَريمُهُمْ
وَآلُ زِياد آمَنُوا السَّرَباتِ

إذا وَتَرُوا مَدُّوا إلى واتِريهِمُ
أَکُفّاً مِنَ الاَْوْتارِ مُنْقَبِضاتِ

سَأَبْکيهِمُ ما ذَرَّ في الاْرْضِ شارِقٌ
وَنادى مُنادِي الْخَيْرِ لِلصَّلواتِ

وَما طَلَعَتْ شَمْسٌ وَحانَ غُرُوبُها
وَبِاللَّيلِ أَبْکيهِمْ وَبِالْغَدَواتِ..


- لدعبل الخزاعي في محضر مولانا علي الرضا صلوات الله عليه💔

#نعي الليلة الأولى
الى الهلال من شهر محرم الحرام

المن جاي يا شهر النوايب
باجر تبتدي كل المصايب
رايح تنجتل كل الحبايب
واخوي حسين يبقه اعله الترايب

يهلال الحزن هيجت الآلام
باجر كل خوتي اعله الثره تنام
بشهرك رايح يحركون الخيام
وبوسط الصحاري تفر الأيتام

باجر عالنهر عباس اشوفه
ويم المشرعه امكطعه اجفوفه
ما ينطيني كلبي امشي وعوفه
وبدمع الحزن باجر اطوفه

باجر بالصحاري حسين انضره
اهدومه امسلبه ومكطوع نحره
الخيل تروح وترد فوك صدره
المه وخيلهم ترجع تطشره

اشعندك من وكت هليت يهلال
انه حرمه وغريبه ودمعي همال
اشلون اصعد هزل وبجفي الحبال
وجلمت خارجيه اعليه تنكال

باجر ينحني امن الضيم ضهري
ومن بعد اخوتي ايسلبون خدري
بالصوط انضرب ودموعي تجري
ولرض الشام اطب مسبيه تدري

*
الشاعر
تحسين الخفاجي

#اللهم_عجل_لوليك_الفرج

#نعي

زيــنـب يـاخـلــگ زيــنــب
                گــرّب لـيـهـه عـاشــرهـه

محـرم من يـجـي اهلالـه
                يـلـچـم كـسـر خـاطـرهـه

صـوّر لـلـنــار تــتـجـدد
                 وعـيـلـه الوكـت طشـرّهـه

هـاي الـشـافت الـخـوان
                   دم تــنــزف مـنـاحـرهــه

وهـاي الرچبوهه ابـلـيـل
                    فـــوگ الازم اعــبـرهــه

الـلـه ايـساعـد الـحـوراء
                   وعِشره الحزن عَاشرهه

هيچي لـو گرب عـاشـور
                   بـكـل الــجـره ايـذكرّهـه

قليلـه ادمـوعـنه الـزينـب
                كـون اضـلـوع نـكـسـرهـه

حگـه الـيـحـتـرك ويـنـوح
                ألليلـه وحسـرتـه ايجرهـه

لـلـضـلـت بـلايــه اخـوان
               وهظـم الـدهـر كـاسـرهـه


✍خادم زينب ع
الشاعر رعد الجريخي

#اللهم_عجل_لوليك_الفرج

#نعي للهلال

هل اهلال حزني وزاد وني
اعيش بكربله لليـــــــوم چني
خذاك البين خوية بساع مني
عليكم ماكَطع نوحي اونيني


على الزينين ماتبطل دمعتي
شد وياي شنهي يريد وكتي
ترة فراكَ الاهل فتت مهجتي
ليل انهار بس اتسيل عيني

نتكَابل على هدومك نــــشمها
ورسومك حسافة تراب طمها
ودارك تنتحب ماهم زلــــــمها
تكَول الراح مني هم يجيــني


دلالي انعصر والروح حنت
لخواني ولا مر يوم چنت
ليل نهار للطيبين ونت
اشوفن بيين هلال الرزية

بفراكَ الاخو خلة شيسدها
وفراكَ الولد روحي مردها
عدلة خلافكم روحي شجلدها
اموتن من تهل وكت المسية

يهلال الحزن ما كف ونيني
عمية ولاتشوفك ريت عيني
راح الزين مني وما يجيني
وينة اوينة راحوا من ادية

رائد الأسدي

#اللهم_عجل_لوليك_الفرج

https://www.tg-me.com/AL_Nay_and_Alrthaa

(نعي مفجع)

يحادي الـهـزل باللـه الـهـزل ونـهـن
عليهـن حـرم بـلـكـي اتـرد اهـلـهـن

يحادي الـهـزل ويـن الـوجـه نـاوي
ألـلـيـل اتـخـاف مـن يَـمـه العلاوي

يحادي الـهـزل بالك تگطـع الـبِـيـد
خـل الـحـرم مـن الـبـچـي اتـهـيـد

يحادي الهزل مَشّي الهـزل بـهـداي
اعلـيهـن خـوات الـمـا شـرب مـاي

يحادي الهزل تدري الـهـزل هـايـه
عليهه اربات وحيي الـلـه سـبـايـه

                     *-----------------*---------------*

✍خادم الحسين ع
الشاعر رعد الجريخي
https://www.tg-me.com/AL_Nay_and_Alrthaa

انه الوالدة ودمعاتي تجري
على اللي بكربله وتصرخ يخدري
وصاحت إخذي ها يسيوف نحري
بدل نحر السبط ابن الزجية

زينب الخفاجي