فَاحفَظُوا ألسِنَتَكُم وَاشغَلُوهَا بِذِكرِ اللهِ عَزّوجَلّ.

عظم الله الأجر لصاحب زماننا (عجل الله فرجه الشريف) و أجوركم يا موالين الآل الطاهرين.

بقلوبٍ يعتصرها الألم، ونفوسٍ مكلومة بالحزن، نستقبل شهر الأحزان، شهر الحسين (عليه السَّلام)، الذي تجدد فيه جراح الطف، وتنبعث فيه لوعة آل محمد (صلوات الله عليهم)

يا شيعة أمير المؤمنين علي (عليه السَّلام)، أقبل شهر محرم، شهر الدمعة والنوح، شهر السواد والولاء، فاجعلوه موسمَ تجديد العهد والبيعة، بالحزن على الحسين، وذكر مناقب أمير المؤمنين (عليهم السَّلام).

#نعي مولاتي العليله عليها السلام اليوم الثالث
*
وطوح ضعنكم مشيتو يا هلي وطوح ضعنكم
اتخلون بتكم. اشلون محيره اتخلون بتكم

يهل المحنة خالي امجانكم يهل المحنة
بالدار جنه ملتمين امس بالدار جنه
طشر شملنه جا ليش الوكت طشر شملنه
ونه اعله ونه كضيت الكمر ونه اعله ونه

ليش دياركم ضلت خليه
ويالغياب ما مريتو بيه

جبت هدومي بيدي وماخذوني
ولحكت ضعونهم وتعذروني
كل حيلي انهدم من ودعوني
واحبابي بعد ما ضن يجوني

وامكابله الباب اتانيكم كمت وامكابله الباب
والدمع سجاب اعاين للضعن والدمع سجاب

ما بيها حيله تدرون الهجر مابيه حيله
وانه عليله تعبني الوكت وانه عليله


جا وين الوعد يالكلتو يومين
اعاين عالدرب ودموعي بالعين
وحشه دياركم يابويه يحسين
اصيح بصوت ارجعو يالبعيدين

**
الشاعر
تحسين الخفاجي


#اللهم_عجل_لوليك_الفرج
https://www.tg-me.com/AL_Nay_and_Alrthaa

#أبوذيات
لمولاتي العليلة روحي فداها

يبويه اوجوهكم  لو طيف .. ماتن
اتاني لو أئيس بعد ........... ماتان
يطارش گل لبوي اعضاي .... ماتن
نحل عظمي او شحيح الشوف بيه ...

عفتني او جمرة افراگك ..... تصلّي
ابگلبي  . او لا طوارشكم ... تصلي
ابنيتك من جلوس امست .. تصلي
يبويه امروّتك لحگ عليه ....

الدهر وشّر سچاچينه  ..... وحدها
ابدليلي . يل عفت بنتك ... وحدها
اون مثل الخذو منها ...... واحدها
او سابع جار هل دمعه عليه ..

ابو فاطمة الطائي

#اللهم_عجل_لوليك_الفرجز

#نعي
عليلة الحسين روحي فداهما

اهز كاروك عبدالله ولولي
دللو يالولد يمتة تجولي
الشجر والطير عالونة بچولي
محنيت ظهر مو ذاك طولي
نشدت اطروش عنكم ما حچولي

رائد الأسدي

#اللهم_عجل_لوليك_الفرج

‏وَبِدأتَ حُكايِة العقَيلة
زَيّنَب فيْ أرِض كربَلاءْ ..

"هَلْ أَتىٰ عَلَىٰ الْإِنْسانِ" مَثلَمَا مرَّ عَلَىٰ زِينَب؟

نحنُ
ننتظر على أحر من الجمر بقلوب" مكسورة ليلة العباس عليه السلام المعروفة بالمعجزات

هَكَذَا يَجِبُ أَنْ يَكُونَ حَالُنَا فِي أَيَّامِ العَزَاءِ!

عَنْ الرِّضَا عَلَيْهِ السَّلَامُ: فَعَلَىٰ مِثْلِ الحُسَيْنِ فَلْيَبْكِ البَاكُونَ، فَإِنَّ البُكَاءَ عَلَيْهِ يَحُطُّ الذُّنُوبَ العِظَامَ.
ثُمَّ قَالَ: كَانَ أَبِي الكَاظِمُ عَلَيْهِ السَّلَامُ إِذَا دَخَلَ شَهْرُ مُحَرَّمٍ لَا يُرَىٰ ضَاحِكًا، وَكَانَتِ الكَآبَةُ تُغْلِبُ عَلَيْهِ حَتَّىٰ تَمْضِيَ عَشَرَةُ أَيَّامٍ، فَإِذَا كَانَ يَوْمُ العَاشِرِ، كَانَ ذٰلِكَ اليَوْمُ يَوْمَ مُصِيبَتِهِ وَحُزْنِهِ وَبُكَائِهِ، وَيَقُولُ: هُوَ اليَوْمُ الَّذِي قُتِلَ فِيهِ الحُسَيْنُ عَلَيْهِ السَّلَامُ.

• وَسَائِلُ الشِّيعَةِ، ج١٠، ص٣٩٤.
لَا تَتْرُكُوا مَجَالِسَ الحُسَيْن .