🗓 #محرم_1447هـ
🗓#بحر_طويل
#بين_العليلة_وزينب_ع

ياعمه رقية وين وعبد الله الطفل وينه
يمكن ماعُرَفت اوجوه خواتي ومنهن اسكينه

ردّت زينب ابآهات يامعظم مصيبتنه
رقية اهناك برض الشام مدفونه زغيرتنه
منها خمدت الأنفاس من الخوف طفلتنه
شافت بالطشت راسه  والدم تارس اجبينه

عبد الله بسهم  ملعون  اويلي وگطعوا اوريده
اعان الله گلب احسين ابحضنه ذبحوا اوليده
انحنى ظهره ودعى ربه وأخذ دم الطفل بيده
رمى دم الرضيع الفوگ ولا قطرة انزلت لينه

زينب الخفاجي
https://www.tg-me.com/AL_Nay_and_Alrthaa

نعي لمولاتي أم البنين روحي فداها 👇

#نعي مولاتي السيدة
ام البنين عليها السلام

يا عباس ما وصيك بيها
زينب بالدرب عينك عليها
يا عباس خلي ايدك بديها
لا تحرمها منك يا وليها

ربيت الولد خاطر يضحون
وابني حسين بس سالم يرد كون
باجر كل بنيني اهناك يوفون
وي حسين اخوهم ما يقصرون

ييمه ينولي الما عنده خوان
لذالك كبرتلك خوش شبان
تره اخوانك ييمه كلهم احنان
لو عندي بعد وديتلك جان

تكله يا بشر انه ام البنين
اترك ولدي واخبرني عن حسين
گلها انگطعن العباس جفين
تگله تروح فدوه الگرت العين

الحمدلله تگله امهم وفوها
وبالطف روسهم ما نزلوها
زينب بت علي ما فاركوها
رفعو راسي والخيمه احرسوها

**
الشاعر
تحسين الخفاجي

#اللهم_عجل_لوليك_الفرج

#أبوذيات

تنام المِسعده يمها .......... وِلِدها
وانه المتوذر اعله الشط .. وَلدها
اويلي او أشد من هاذه .... والادهى
راسه اعله الرمح جابوه اليه ......

چاره اعله الصبر مامش ...  ولا حل
او بعد لا عافيه عندي ...... ولا حيل
الخيل اترافس ابصدرك .... ولاح ال
حافر بالگلب سوده عليه .......

العمر وياه لو بيدي ............ لجسمه
و أكعّ الخيل ما توصل  ...... لجسمه
جسمي خل يوذرنه     ..... لا جسمه
اشحلات الموت دون ابن الزچيه  ....

ابو فاطمة الطائي

#اللهم_عجل_لوليك_الفرج

#نعي

لمولاتي ام البنين صلوات الله عليها

لما دخل بشر بن حذلم الى المدينة منادياً يا اهل يثرب لا مقام لكم بها .قتل الحسين فأدمعي مدرارُ ، تجمعت عليه اهل المدينه مالخبر ايها الناعي قال الخبر عند قبر رسول الله ص .وبعدما ارتفع صوت الناعي إذا وصل الئ مسامع السيده ام البنين ع ولما سمعت قول الناعي قُتل الحسين ..قامت ووقعت على وجهها ثلاثاً وصارت تتبع صوت الناعي وهي تحمل على منكبها الفضل بن العباس ع ..وكأني بلسان حالها..



مـحــد گــــال للناعـي أيـتــوانــه
مـــر بــديــارنـه ابسـاع وجزانــه
والــخــوف مــن صوتـه خـذانــه
بخبر ميشوم أظن عنده أمنجانه

بعد شتكول :

وينـــه الــيـعـطـل الناعــي وينـه
گبــل لايطــلـع ويــجـزي المدينه
وبلكي اخـبـار سامــع عـن ولينـه
أفــرجــوله الدرب خلـــوا يجينـه

وحين الــوصـل يم الباب ناعيها
والتمت علــيه يثــرب بأهــاليها
سولف يهل ناعــي كربله اشبيها
گاللهم مـــره توصــل امـتــانيها

مــن مـر بالمدينه اطـلـعـت كلها
وگام يصيح زيـنـــب وين أهلها
زيـنـب تــــــــرى مــــات الكفلها
وشافـــوا طـولـهـا الماطلع ظلها

صدگ من گالي الناعي او خـبرني
أبچتل عباس فت گلبي أوضهدني
لــچـن روحـــي يم زينب خــذتني
ونسيت الطفل شايلته اعلى متني

رســالـه للسـمـــع بــــيّه ارد أودي
واريد الماعرف يفتـهــم گــصـدي
ترى الزينب دمعــتـي مــو الولدي
وهــــــذا الـيــوصـل وينفهم ودي

نسألكم الدعاء

السيد حسين الياسري

#اللهم_عجل_لوليك_الفرج

أبه ياحُسين
أتترك خلفك عليلة
‏يڪسرها الشوق وتبقَى من الحنين نحيلة ؟!

#نعي #تراث

آنه أُم البنين إلفارگوني
لدرب حسين تتربه إعيوني
يـوم المشو عني إو ودعوني
خمس إسهام چتاله رموني
ما خالفو رايي إو جفوني
وإبنصرة عزيزي أمِّلوني
إو وصّيتهم ما ظن نسوني
بيّضو وجهي إو نومسوني
إنچانهم حيين إجوني
إو لو بيهم الگوم أفجعوني
وفّيت للزهره إديوني
مصيوب گلبي إو ضمّدوني


أنه أُم البنين إلبيهم الزود
صوارمهم تعفر بيض الخدود
ولو هزت سمرها إتفصم الجعود
الواحد بألف بالميدان معدود
ترابع سور خدري من أربـع حدود
طلاسم بيهم الناموس مرصود
لچن دهري رماني إبسهم محدود
وعبدألله إلعليه الگلب ميهود
والخله دليلي إبنار موگود
فگد عباس راعي العلم والجـود
ثكله وبالنحب ما علي منگود
فگدت ألأربعه والعگل مفگود


بالأربعه يحسين ضحيت
ظنيت سالم ترد ظنيت
وإبنصرتك يحسين وصيت
عينت بنيني إو زهوة البيت
عباس وإبدمه تحنيت
وديت والكربله إشوديت
إو ينگلب مسره الفلك مدريت
وإجروح خمسه إبگلبي خليت
جرحك ضهدني إو ثكله ظليت
إو عن البنين ألأربعه إرضيت
إو برضاك أنه للزهره وافيت
حگ العليه إو ذخر خليت

الشاعر المرحوم الشيخ
كاظم منظور الكربلائي


#اللهم_عجل_لوليك_الفرج
https://www.tg-me.com/AL_Nay_and_Alrthaa

{﷽} 💙

📌 يبدأ الـآن دعـم صَبراً وَ نَصراً تثبيت اللستة نصف ساعة بدون نشر لطفاً.

#لستة_ودعم_صبراً_ونصراً
للقنوات الدينية فقط__صباحاً 4


🤍 @UM_hussam7☞︎︎︎ المله ام قيصر السيلاوي
🤍 @qdthcxvg ☞︎︎︎ العلـم وراثــة كريـمة
🤍 @fatim_s1 ☞︎︎︎كل يوم عاشوراء
🤍 @ME_EM_313 ☞︎︎︎ حفيد فاطم
🤍 @maslm_29as ☞︎︎︎ قناة حسينيون
🤍 @saradkmak ☞︎︎︎ زوايا الحُبّ
🤍 @ik84un ☞︎︎︎ قناة نورالاسرة التربويه


💛 @dkvaertunxxdd ☞︎︎︎الشاعر الحسيني حسن جاسم الطائي
💛@AL_Nay_and_Alrthaa☞︎︎︎النعي والرثاء لمجالس سيد الشهداء
💛 @basicallkarbalae ☞︎︎︎ جُندية المُّقاومة
💛 @RR775 ☞︎︎︎ قناه الشاعرة ام سيف الزبيدية
💛 @T_VvF ☞︎︎︎ التقرب من ﷲ
💛 @noor_alzahra313 ☞︎︎︎ نور الزهراء


🕊 @alzahraa56852 ☞︎︎︎خادمة الحسين_ام نور الباقر المالكي
🕊 @al_hussin_ammami ☞︎︎︎عاشوراء الحُسين
🕊 @Martyrdom_monks ☞︎︎︎ رُهبانُّ الشهادة
🕊 @kream_4 ☞︎︎︎ الشهيد الشيخ كريم
🕊 @fe36t ☞︎︎︎ اشرقت شمس آل محمد


🌼 @Fatiiimafll ☞︎︎︎الشاعرة فاطمة البصراوية
🌼 @sa_j314 ☞︎︎︎ سجايا الشهداء
🌼 @rufasal2 ☞︎︎︎ اللهم عجل لوليك الفرج
🌼 @ouf_2002 ☞︎︎︎ أنصار الحجة
🌼 @AlHosaene ☞︎︎︎ المأتم الخالده


💐 @vpuxiop ☞︎ دعم القنوات الحسينية
💐 @dsjjdgsb ☞︎︎︎ أدعية أيام الأسبوع
💐 @hussen2222 ☞︎︎︎ جمالاً يوسفيا
💐 @ruh9_9 ☞︎︎︎ رُوِّح
💐 @alkaotar ☞︎︎︎ أّلَقــأّئمً
💐 @hihgfdv ☞︎︎︎ الشاعرة هدى المرزوق


❍ للاشتراك باللستة والدعم مراسلة المعرّف ☜︎︎︎ @sabeb_w (ملاحظة فقط للقنوات الدّينية)

❍ فريق صبرًا ونصرا. @sabran_w_nasra

❍ قناة التّجمع @canter_chanel

⧫ نشر اللستة يكون ⊰ الساعة 00: 10إلى السّاعة 12:00_صباحاً⊱
• و التثبيت نصف ساعة بعد النشر
• والمخالف يستبعد من الدعم

#نعي

گصد بشر ابـن حـذلم للمدينه
گام ايصيح ويهـل دمـع عـينه
يهل يثرب غـدت مـنكم العـينه
عليكم وطـن يثرب بعد يحـرم
ــــــــــــــــــــــــــــــــــــــ
طلعت كل أهل يثرب امن الدور
تصیح ابهون يالراجب على الكور
صوتک صار يشبه نفخة الصـور
اخذ منه الگلوب او لا عگـل تم
ــــــــــــــــــــــــــــــــــــــ
لفتله أم البنين اتـصيـح بـالهون
يبن حذلم رجنت ابصوتک الکون
الي غياب عدهم حـرم و ضعون
اومن صوتک رجف گلبي او تشئم
ــــــــــــــــــــــــــــــــــــــ
دگلي امنين اجيت اونیتک وین
واشعندک خبر گلي امن الحسين
نشد یا ناس هاي التنشد امـنين
أم عبـاس صـاحوا يـبـن حـذلم
ــــــــــــــــــــــــــــــــــــــ
یگـلها عـظم الله اجرج ابجـعفر
وعبدالله و عثمان المشكـر
وبوفاضل گـمـر هـاشم تگنطر
ابشاطي العلكمي اوجسمه تخذم
ــــــــــــــــــــــــــــــــــــــ
تگـله و الجـفـن تـيـار دمـعه
كـل الـكـون و الساجن الوسـعه
يبن حـذلم او ويـلادي الاربعه
فدوه اتروح بس احسين يسـلم
ــــــــــــــــــــــــــــــــــــــ
یگلها عـظم الله اجـرج بلحسين
بگه ابوادي الطفوف ابغير تچفين
او لفه السجاد بضعون النساوين
او نصب بـره المدينه الهـم الخـيم
ــــــــــــــــــــــــــــــــــــــ
سمعت ابهـذا الخـبر مـنه
كثر ويد البچه او صار الهـا حنه
طـلعت تجذب الوادم الونـه
تدگ عالروس و على الوجه تلطم

السيد عبد الحسين الشرع

#اللهم_عجل_لوليك_الفرج
https://www.tg-me.com/AL_Nay_and_Alrthaa

#نعي

لمولاتي أم البنين روحي فداها

يرحولك فدوة اربعتهم
ولدي وعلي وما فاگدتهم
كونك عدل جاي ويالضعون
جا هلهليت بفاتحتهم
،،
يبني ويبعد الولد يحسين
خدام الك ربيتهم زين
جا عاتبيته عتاب جتال
عباس لو ما ذابلك عين
،،،
يمه انعم الله عليك من كون
خليتهم وياك يرحون
كونك خذت وياك عباس
جا شنهي اسوي بجعفر وعون
،،
يابعد طولي المحني بجفاك
ويابعد ذني عيوني الركاك
لو عندي عشرة بلون عباس
يحسين جا گتلك بعد هاك
،،
الولد عند الوالدة اعزاز
وتريد ابنها يروح جناز
وآنه اعلى شانك زلم ربيت
خافن تگول الناس محتاز
،،
مو زيجي گلبي عليك مشگوگ
واعليك لطم الفاجده يلوگ
ما هاضمتني چفوف عباس
الهاضمني زينب طبت السوگ
،،
ياريت يمه حسين ياريت
خوان عشرة بعد ربيت
وانه اعلى هزلة بذيج الدروب
مسبيه وي زينب تمنيت

رائد الناشي

#اللهم_عجل_لوليك_الفرج
https://www.tg-me.com/AL_Nay_and_Alrthaa

#نعي
عزاء الفواطم ومولاتي أم البنين
صلوات الله عليهن

ياهي الجايه ومنتظره عالباب
اظن هاي الوفيه وام الاطياب
تعالي ياشـريجـتـنه بالامصاب
الج حگ البجي ولازم تنـوحين


تعالي وجابـليـني وخـل نـون حيل
انمـنعـت امن البواجي اهناك بالليل
وشيسكت لاخـوها داسـته الــخـيل
گلبي امن الهظم مجسوم نصين


و اجت ام البنين وحــسها مبحــوح
و خدها امن اللطم عالوالي مـجروح
صاحـت صـدگ عود احسين مذبوح
وضل مطروح جسمه بالميادين


ولـدي اهناك خوما قـصرو اوياج
انه مــربـيـتهـم يـمـوتون جــواج
من رحتي اعله هزله ياهو ماشاج
ومحد صاح زينب وين ماوين

زينـب گالت الها . اهناك عــبــاس
وگف وگفه لخواته تــرفع الـراس
بس من طاح هدت عالخيم ناس
واخيالي انلمح يايمه بالعين

اجروح اتگابلن يبجن عله الصار
ثكله بثكله لطــمن واللـطم حـار
مــافـتّــر لطـمــهن بــالــگلب نار
لطم الفاجدات الفگدن ابنين

وام عــباس شـگهت رادت اتمـــوت
ولاجـت من وجعها وصاحت بصوت
صدگ جسمه بحصيره وماكو تابوت
صدگ مسلوب ضل بالهيمه لحسين

ابو حميدة الشويلي

#اللهم_عجل_لوليك_الفرج
https://www.tg-me.com/AL_Nay_and_Alrthaa

#نعي

دخول ام البنين على السيدة زينب(عليهما السلام)
بعد رجوعها الى المدينه

كلولهه ام عباس عالباب
التنحب شما طاريج ينجاب
ثكل الوجع يرادله احباب
لمتنه ذيجه منين تنجاب

احچيلي يمه شصار ماصار
مبين بوجهج ضيم الغيار
شصاير بذيح الروس الكبار
طالو عليج الجانو اكصار

يمه الحسين انسلب هدمه
وضل عاري فوك الرمل جسمه
ضل الهوى لو مره يلجمه
وانه انثلم كلساع ثلمه

التمينه كلنه بخيمه وحده
وضكنه ذبحهم شده شده
ذباحهم يدنه عمده
حتى اسمع وحيلي يرگده

كمنه نون ون المجاريح
وضل ينكل بحسراتنه الريح
من ننضرب بالسوط ونصيح
يضل الحسين يكوم ويطيح


مصطفى حرب
يقرأ بثواب والدي

#اللهم_عجل_لوليك_الفرج
https://www.tg-me.com/AL_Nay_and_Alrthaa