زيارة علي الاكبر (عليه السلام)
اَلسَّلامُ عَلَيْكَ يَا بْنَ رَسُولِ اللهِ ، اَلسَّلامُ عَلَيْكَ يَا بْنَ نَبِيِّ اللهِ ، اَلسَّلامُ عَلَيْكَ يَا بْنَ أَميرِ الْمُؤْمِنينَ ، اَلسَّلامُ عَلَيْكَ يَا بْنَ الْحُسَيْنِ الشَّهيدِ ، اَلسَّلامُ عَلَيْكَ أَيُّهَا الشَّهيدُ ، اَلسَّلامُ عَلَيْكَ أَيُّهَا الْمَظْلُومُ وَابْنُ الْمَظْلُومِ ، لَعَنَ اللهُ اُمَّةً قَتَلَتْكَ ، وَلَعَنَ اللهُ اُمَّةً ظَلَمَتْكَ ، وَلَعَنَ اللهُ اُمَّةً سَمِعَتْ بِذلِكَ فَرَضَيِتْ بِهِ ، اَلسَّلامُ عَلَيْكَ يا وَلِيَّ اللهِ وَابْنَ وَلِيِّهِ ، لَقَدْ عَظُمَتِ الْمُصيبَةُ وَجَلَّتِ الرَّزِيَّةُ بِكَ عَلَيْنا وَعَلى جَميعِ الْمُسْلِمينَ ، فَلَعَنَ اللهُ اُمَّةً قَتَلَتْكَ ، وَاَبْرَأُ إِلَى اللهِ وَإلَيْكَ مِنْهُمْ.

#نعي

فز من نومتك يوليدي ناغيني 
وفتحهن عيونك باوع بعـــيني 
صدك خلصت عشرتك راح تجفيني
ماشبعانه منك شوف تدريني 

عشرتي وياك ست اشـــهر يـغالي
وعفت امك وحيده بحضن خالي
انه تمنيت لو تحجي اليــــــالي 
عله ذاك السهر وضيم حــــالي 

اعد وحساب ايام انتـــظر تكبـــر 
وشوفك هيج شاب بطول الاكبر
لنوح اعليك نـــوح واســكن البر 
لحد ما بالكبر يــــــوليدي اعثـر 

صدك فوك الرمح يايمه شالوك
ما كفاهم من العطش ذبــحوك 
من ابجاي ضل يبجي الكاروك
جا شيصر كـــون اميه انطوك 

مصطفى الحسيني

#اللهم_عجل_لوليك_الفرج

#نعي

ذبحو  ابوهن  يم بناته
وسمعن الخيل الساحگاته
ماظل ظلع ما كاسراته
ركظن بناته وي خواته
صاحن ابصوت الفاگداته
وعدن اجروح الصايباته
والتمن ابسدة امدللاته
ما ينشبگ بس شابگاته
وبالدم وجهن صابغاته

علي الحميداوي الكربلائي

#اللهم_عجل_لوليك_الفرج

ويلي وويلاه ويلي وويلاه
======================
آه يـا عـاشــر مـــحــرم.. ويلي وويلاه
حسين من الماي يُحرم.. ويلي وويلاه
والسفـيه بمايـه يـنـعـم.. ويلي وويلاه
لسه دمع الحره من دم.. ويلي وويلاه

ويه ام عون انحب لا توگف
======================
عـاش هـذا الألـم بيـنه.. ويلي وويلاه
شلون حالچ يا سكينه.. ويلي وويلاه
حسيـنكم غـالي علينه.. ويلي وويلاه
وبالسيـوف امگطعينه.. ويلي وويلاه

ما ننسى حسين اويالدم
======================
چم جـرح هـالليله نازف.. ويلي وويلاه
اليوم ملچ الموت طايف.. ويلي وويلاه
طـاح سـيـدها الطوايف.. ويلي وويلاه
والدمع ما لحظه ناشف.. ويلي وويلاه

هذا اليوم الطم لا تبرد
======================
يـا شـبـول الـغـاضـريـه.. ويلي وويلاه
زيـنـب الـلـيـلـه سـبـيـه.. ويلي وويلاه
شافت اخيول اعوجيه.. ويلي وويلاه
دمـعـه مـنعـدهـا جـريه.. ويلي وويلاه

يا خدام الحره اتحشم
======================
مــا نـغـر فـــزاع لــيـهــا.. ويلي وويلاه
وحيده يا ناس شبديـها.. ويلي وويلاه
والشـهم طـايـح ولـيـهـا.. ويلي وويلاه
والـعـمـامـه امـسلـبيـهـا.. ويلي وويلاه

بصدره وشافت حافر بي
======================
هـاي أيـام الــمـــصــيــبـه.. ويلي وويلاه
وســفـه زيــنـبـه غــريـبـه.. ويلي وويلاه
اتنادي اخوي منين اجيبه.. ويلي وويلاه
وجـثـتـه عـالـغـبره سليبه.. ويلي وويلاه

هذا الصار اشمت يا شامت
======================
7/5/2025 يوم الاربعاء
9/شهر ذو القعده 1446 هـ
خويدم آل محمد
الشاعر الميرزا محمد الساعدي

شور أو فتحة عزاء

حسين حسين حسين حسين
======================
أتـمنـه الـعـمــر اگـضـيه
خـادم ســيـدي ابـابــك
ويوم الي يحين الموت
يـمـروني عـلى اعـتابك
سجـلني مـن اليبـچـون
مـن الـحـزنـوا اغـيـابـك
هــنــيــالـي إذا ونــيـت
واسچب دمعي لمصابك

خادمك.. عينك اعله الخِدَم
يالـولي.. هاا يراعي الشيم
مـا ألي.. بس فقط خدمتك
عالـمك.. أبـد مـا بـي نَـدم

حسين حسين حسين حسين
=====================
يابو خدمتي متانيك
بـاچـر بـالـگـبر راعـي
من نشـدوني گلتـلهم
لحسيني چـنـت ناعي
لتـفــشـلني يـا مـولاي
بس ثوبك تره امتاعي
غيرك ما ألي يحـسين
بيدك رابـطـه اشراعي

بالحشر.. أشــفـع الخادمـك
دمـعـته.. انـذرفـت بمأتمـك
يا أخـو.. زينب ارجو العذر
لو چنت.. مـذنــب بـعـالمـك

حسين حسين حسين حسين
======================
خـلـيـنـي عــــبـد مـولاي
وارزقــنــي الـك جـمــره
كـلـشي ما اريـدن غــيـر
تـرضـا عــنـي والــزهــره
مـن تـرضـا أصـير بـخـير
نـضـره برحمـتـك نـضـره
من الخدمه صرت اچبير
أكـتــب والــطــم وأقــره

مــنـبـري.. قدوتي ومصدري
دفــتـري.. أبيـض وجـوهري
يل صرت.. بس الك ياشـهم
خاطـري.. لا تـهـد خـاطـري

حسين حسين حسين حسين
======================
عاشگ دربك امن ازمان
وادعـي بـربـي يــومـيـه
إلــهي لـو گـربلي الـموت
أخـذ روحـي بـحسـينـيه
لو يـم بـاب ابـو السـجاد
يـخـلـص هـالـعـمـر بـيـه
لو تشييعي يصـبح كون
يــــوم الأربــعـــيـنـــيــه

رايــدك.. تحضر بساعتي
بنضرتك.. أنـزل بحـفرتي
من تجي.. تنگلب يالولي
من عسر.. لليـسر دفنتي

حسين حسين حسين حسين
======================
19/1/2025 يوم الأحد
18/ رجب الأصب 1446 هـ
خويدم آل محمد
الشاعر الميرزا محمد الساعدي

حلوه النومه صارت يالولد يبني
حلوه النومه صارت لاتتعبني
نام والله يحلهه باجر
نام يالكاسر خواطر
يالولد يبني..يالولد يبني
...
عبدالله يانبض الكلب
ادري الدمع ماينشرب
واعصرلك اعيوني
يبني دلول الولد
تعبانه من هز المهد
وانهدلت امتوني
ابوجهك برائة فاطمه
باجر يصبغونه بدمه
ومنك يحرموني
ازغير انته مو مالت عطش
وكون آنه باجر بالنعش
كبلك يودوني

ربيتك ييمه والربه غالي
باجر من اشوفن مهدك الخالي
خوف يسكن بالمشاعر
نام يالكاسر خواطر
...
كل ام اذا تفكد ضنه
تبقه بحزن طول السنه
وتكثر نعاويهه
يحتل بواجيهه الحزن
واتكابل اهدومه وتون
والدمعه تجويهه
عبدالله جا وانه اشبدي
هيمه ورمل مابيهه في
وانكطع جاريهه
ايدي اعله كلبك مايدگ
وعينك ابد ماتنطبگ
جاشنهي تاليهه

من هسه وجوتني بالكلب جمره
من هسه واشوفن ركبتك حمره
وين جا نيتك تسافر
نام يالكاسر خواطر
يالولد يبني
....
ضليت افرك عالخيم
وديتك الراعي العلم
طوفتك الرايه
انطيتك الزينب عمتك
بلكت تبرد لهفتك
يوليدي بحجايه
طلعتك اتشم الهوه
وبنص صحاري نينوه
سمعتك اقرايه
وانته ولا جفنك غمض
چا شنهي رايك يالنبض
من كعدتك هايه

نومت النجوم وانته ما غافي
ترفس بالمهد وامتعب اجتافي
ليش ريجك خشبه صاير
نام يالكاسر خواطر
يالولد يبني
....
اتخايلك من تنذبح
راسك ازغير والرمح
يافوخك ايشلعه
كون الله لاينطي النهر
امعاند كضاهه اوي النحر
وبعينك الدمعه
وحفره تصير بركبتك
وتخرب ملامح ضحكتك
والذبح شيجرعه
وشيالك انظر مشيته
عد الله أشكل ذمته
لو راسك ايوكعه

ممكن كلشي ممكن باجر اتوقع
جسمك بالحوافر يبني يتكطع
ذول ماعدهم ضماير
نام يالكاسر خواطر
يالولد يبني
...
طلعت يعبدالله الشمس
ومانايم أنته من أمس
يالحيرت بالي
امك واخاف أمن الفكد
ياقل اعوذو أمن البعد
لاتمشي يالغالي
لبستك اهدوم الخضر
كمطتك ابرشة عطر
بس كون تصفالي
ساعة رحيلك قاتله
ولمن يذبحك حرمله
يبقه المهد خالي

وانه اوي السبايه ابنص خرابتنه
نلطم عالغوالي ونجري دمعتنه
روح يبني للمكابر
نام يالكاسر خواطر
يالولد يبني

محمد الجماسي

#اللهم_عجل_لوليك_الفرج

منهاج محرم الحرام 1447 هـ

لسان حال السيده زينب (عليها السلام)
تخاطب والدها الإمام علي بن ابي طالب (عليه السلام)
عندما بدأ الشمر اللعين بذبح سيد الشهداء (عليه السلام)
تقرأ على طريقة ما يسمى عند أهل الجنوب
بطيحة الحسين (عليه السلام)


لاح سيف الشمر منَّه المنحر
لا يذبحه مروتك افزع حيدر

صار يطبر يا علينه بمنحره
جيب حمزه وللشمر خل يسطره

يا علي ذبحو حسينك يا علي
عيون من اللطم ما ظلن إلي

خيل جابو يا علي وتسحگ عليه
وسوطهم يمنعني ما يرضه ادنه ليه

الطاهر ابن الطاهر ابن الطاهر
صار يا حيدر يگَلبَّه الحافر

اخيمنه صارت يا علي متروسه دم
دَمَه ويه الحافر وطب للخيم

راسه رفعوه عالرمح ويهوسون
راوو لأهله الراس خل يتعذبون

بلايه راس وبالحوافر وذروه
انوب رَدوّ من ثيابه وسلبوه
................................................
تقرأ هذه بنفس الطريقة ومنها ليلة العاشر

الليله نلطم للصبح ما مش منام
شلون نغفه وباچر يطيح الامام

شلون نغفه شلون ليل العاشر
وباچر حسين ويدوسه الحافر

طاح سيد الكون لتلوموني
ضلوعي اريد اكسرها واعمي عيوني

ـــــــــــــــــــــــــــ٥ـــــــــــــــــــــــــــ

أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء

#نعي

ذبحو  ابوهن  يم بناته
وسمعن الخيل الساحگاته
ماظل ظلع ما كاسراته
ركظن بناته وي خواته
صاحن ابصوت الفاگداته
وعدن اجروح الصايباته
والتمن ابسدة امدللاته
ما ينشبگ بس شابگاته
وبالدم وجهن صابغاته

علي الحميداوي الكربلائي

#اللهم_عجل_لوليك_الفرج

#جديد
من مصائب يوم العاشر
#الوداع .. وانكسار وتنكّس الخيام حين خروج الحسين ( عليه السلام ) منها .
.
.
● قال الراوي : فلما خرج الحسين عليه السلام من الخيمة انكسرت و تنكّست الخيم حزناً على مفارقته وتقطعت أوتادها أسفاً على مصابه وخرجت قلوب أهل العباء وحلت الظليمة على أهل الخيم وثار الغبار واليتم في وجهه وفي وجه تلك الأيتام تبكي على وحدته ونادت الملائكة بأعلى صوتها وقالت : يا عدل يا حكيم أنت تنظر وترى ، هذا الحسين ابن بنت نبيك يبكي بين الأعداء وحيداً فريداً ، لا ناصر له ولا معين ، قد قتلت أنصاره وقل نصيره ، فأذن لنا يا ربنا في نصرته كما اذنت لنا في نصرة جده وأبيه ، لعلنا نفوز بالرحمة و الشهادة بين يديه ، فأتاهم الإذن من الله تعالى ونزلت ملائكة السماء افواجاً افواجاً حتى ملئوا الأرض ونادوا يا حسين لقد أرسلنا الله تعالى لنصرتك ، وإنّا لما رأيناك وحيداً فريداً بين هؤلاء الطائفة الملاعين ، استأذنّا واشغلنا الوجد عليك عن العبادة فأذن لنا يامولاي لعلنا نفوز بالشهادة بين يديك فبكى الحسين عليه السلام وقال : يا ملائكة ربي اذا انتم قتلتم أعدائي فمن  يكون ساكن أرض كربلاء وقد اختارها الله تعالى لي معقلاً و قد جعلها لشيعتي وأنصاري وزوّاري ، فنصرتكم الإستغفار لزوّاري ووفّاد قبورنا والمقيمين عزائنا والباكين على مصابنا والباذلين أموالهم في محبتنا قال : فصعدت الملائكة إلى السماء وهم يبكون عليه ويدعون على قاتله ويستغفرون لشيعته ومحبيه (١) .

▪︎ طور : جاوبني يا علي

ظل حاير ووحيــد  .. وعن الوطن بعيــد
وذبحه العدو يريد  .. يا غربــة الحسين

ايـودِّع هله بألم  .. ما يرجع الخيـم
واعيونه عالحرم  .. يا غربــة الحسين

گلبه اعله طفلته  .. عينه اعله عيلته
لو شافوا ذبحته  .. يا غربــة الحسين

ساعه وخير الورى .. ايشوفونه عالثرى
ينزف دم منحره  .. يا غربــة الحسين

أقـول : وكأني بالحسين عليه السلام يخاطب الملائكة ولا ينسى شيعته ومحبيه حتى في هذا الحال :

▪︎ مجــاريـــد :

أنا كل غايتي بهالبقعة تبگون
اتسجلون كل اللي يـزورون
مــن كـل بلد ليّـه ايتعنــون
واللي على حبـي يِسهْـرون
وغايتهم الكبرى يخدمون
واللي عليّـه الدمع يجـرون
اعليــه ينـوحون ويـونــون
ولا تنســون وياهم تِكِتْبون
المِنْ ماتــم لماتـم يروحون
وغــايتهــم الأمي يواسون
وويـــاها مـــدمعهــم يهلون

▪︎ فــائــزي :

يـا شيعه يالطول العمر تبچون ليه
مـا يوم أنساكم وحَگ أمي الزچيه

مـا يوم أنسـاكـم يَمـن لَيَّـه تِنـوحـون
وطول العمـر لمصيبتي هالدمعه تجرون
وصبـح ومسـه لَيَّه العزا والله تنصبون
مَنْساكم وأحضركـم ابـوگـت المنيـه
____
#فاطمة_كريم 
٢٠٢٥ م

📚 المصادر :
(١) مستدرك أبدع المقاتل ، لليزدي  ص ٢١١

#جديد
من المصائب العظيمة التي جرت على مولانا الحسين عليه السلام
.
.
( تخضّب شيبته الشريفة بالدم من كثرة الجراحات .  )

ورد في كتاب المعدن ، عن حميد بن مسلم‌ قال : لقد رأيت شيبته مخضوبة بالدم و درعه بان عليه بنيانا وليس يُرى للناظرين وهو إذا شَدَّ عليهم انكشفوا اي تفرّقوا من  بين يديه انكشاف الغنم اذا شدّ عليها الذئب (١) .

لاشك أن هذه المصيبة العظيمة من أعظم المصائب على قلب مولانا صاحب الزمان ( عليه السلام ) ، وكأني به حين يذكر هذه المصيبة :

▪︎ طور مستهل : مشتاق أزورك

يذبح دليلي .. امن الدم يجدي ينحجب بالطف جمالك
دايم عويلي .. لشيبك يجدي المنخضب واعله عِيالك

يبچي دم الگلب .. لشيبك المنخضب
يا جدي يَحسين .. يا جدي يَحسين

أحسب جُروحك .. وما تنحصي اشگد ما أعددها يجدي
آه اعله روحك .. كل لحظه أبچي ولو ألِف عين آنه عندي  

ما يِكَفِّي الدمع .. اعليك أظل منفجع
يا جدي يَحسين .. يا جدي يَحسين


▪︎ طور : لحظة يخويه ( الجفيري )  + يم الولد

لثارك يَجـدِّي أنتظر .. وگلبي على امصابك جمر
أبچي إلك طول العمـر .. وما يكفي لجلك يا حُسين

للثار أرقَب طلعتي .. ووياي تنهض شيعتي
أظهر وأنادي بصرختي .. ( مذبوح عطشان الحُسين )*

يالدمّـك ايساوي الفرض .. الحافر عجب صدرك يرض
* لو تنقتل أهل الأرض .. ( بثارك قليله يا حُسين )

وياك صار الما جرى .. جسمك ثلاثه اعله الثرى
وإختك خذوها اميسره .. ( ويمك گلبها يا حُسين )

*في الموائد : إذا ظهر القائم (عجل الله تعالى فرجه الشريف) قام بين الركن والمقام وينادي بنداءات خمسة: الأول: ألا يا أهل العالم أنا الإمام القائم، الثاني: ألا يا أهل العالم أنا الصمصام المنتقم، الثالث: ألا يا أهل العالم أن جدي الحسين قتلوه عطشان، الرابع: ألا يا أهل العالم إن جدي الحسين (عليه السلام) طرحوه عريانا، الخامس: ألا يا أهل العالم إن جدي الحسين (عليه السلام) سحقوه عدوانا (٢)  .

*عن محمد بن الحسن الصفار، عن العباس بن معروف، عن محمد بن سنان، عن رجل، قال : سألت عن أبي عبد الله (عليه السلام) في قوله تعالى: (ومن قتل مظلوما فقد جعلنا لوليه سلطانا فلا يسرف في القتل انه كان منصوراً) 

قال: ذلك قائم آل محمد ، يخرج فيقتل بدم الحسين (عليه السلام)، فلو قتل أهل الأرض لم يكن مسرفاً، وقوله: (فلا يسرف في القتل) لم يكن ليصنع شيئاً يكون سرفاً (٣) .
_
#فاطمة_كريم
٢٠٢٥ م

📚 المصادر :
(١) مستدرك أبدع المقاتل ص ٦
(٢) إلزام الناصب في إثبات الحجة الغائب للحائري ج ٢ ص ٢٤٣  
(٣) كامل الزيارات ، جعفر بن محمد بن قولويه ص ١٣٥

#نعي
كأني بأبو الفضل العباس
ينعى ابن أخيه علي الأكبر
عليهم السلام


كسرت گلوبنة يا بعد عمك
متگطع وذر مدري شيلمك
ابوك حسين هذا وانة يمك
راح ايموت اخيي فوكَ جسمك

طول بطول دومك انت وياي
نتشارك يعمي حتى بالماي
اجيتك يبن اخوي متيه الراي
ما تطري اعله بالي عملتك هاي

يعمي يا عزيز الروح ياكبر
عمت عيني شفت جسمك تطبر
بعد عمك متت عطشان بالحر
وجمسك يا عزيزي تارس البر

محتار بمصابك عمي بأمرين
مدري عليك اونن مدري لحسين
كسر گلبي اشوفه يديرلي العين
يبو فاضل يگلي راح الحنين


كأني بالامام الحسين يكلم ابا الفضل عليهما السلام
يگلة


يبو فاضل عزيزك راح عنك
شيل ابني يخويه ابين حضنك
لليسوه النياحه زيد ونك
ودم العين خلها اتسيل منك

يبو فاضل علي راح من ادينه
شال بعيد ابو روح الحنينيه
يخويه الگوم ابد ما راحمينه
وذر خوية الاعادي مگطعينه

على الدنيا العفا من رحت يكبر
جرح گلبي بغيابك گام يكبر
انكسرت ولكن الدلال يكبر
ما اريد انكسر جدام امية

اسالكم الدعاء رائد الاسدي

#اللهم_عجل_لوليك_الفرج


#قناة_خاصة_للنعي

#تراث #نعي

لمولاي الأكبر روحي فداه

خمد نور العيون او ما بعد ظنه
او دربي يالمدلل بيش اوجدنه

أوجد الدرب بيمن واعمت اعيوني
او من اوليدي المدلل خابت اظنوني
تغير لون وجهك يا بعد لوني
مو يومك نريد الساعه نتهنه

نتهنّه ابعرسك و العمام اتشوف
شي تبني المنصه او شي تعدل الحوف
اشبيب زفته ارماح او نبل و سيوف
من دمه الترف صارتله الحنه

دروحيله يعمته للترف جعديه
شو ظنة نفس بعد لج بيه
ابهيده اصواب قلبه بالج اتلجميه
بعد ما بيه ظنه اتودعي منه

راحت ليه عمته او جعدته اتشوفه
لگت حلو الجهامه ارسومه مخطوفه
صدت ليه او شافت حنة اجفوفه
من دمه او يلوج او يجذب الونه

يعمه لا تون ونتك تفت الروح
خليت الدموع اعلى الخدود اتفوح
اسم الله اعليك عمه اعلى الثره مطروح
ابوك احسين ظل بعدك يجر ونّه

الشاعر المرحوم
الشيخ عبد الامير الفتلاوي

اللهم_عجل_لوليك_الفرج

#تراث

يا محله الوداع إبهالمسيه وإعلـوم المنيه
بين الفاطمي والفاطميه
ــــــــــــــــــــــــــــــــــــــ
طب خيمة الحره حسين واليها
إو ناده إهنا يزينب
گعد عدها يودعها إو يسليها
إو نار الحزن تلهب
يوصيها إو يسلم أطفاله بديها
والخدر الــــمرتب

ألله إشمصيبه محبوب إو حبيبه
من تتحمس إبنار الرزيه
ــــــــــــــــــــــــــــــــــــــ
حـن گلب العقيله إو دوت بيه النار
من جور المصيبه
نادت يبن أبويه ما تگلي إشصار
گلب إختك إبريبه
چن الفلك طرنه إو بالعكس يندار
إو چن إختك غريبه

يبن أمي إشدهـانه من دهر الجفانه
شتت هالشمل بالغاضريه
ــــــــــــــــــــــــــــــــــــــ
صد حسين لخته والگلوب إتلوب
وإتغيرت الحاله
إو ناداها الشهاده فصّلتلي ثوب
من نسج الجلاله
إلچ ثـوب اليسر من العهد مكتوب
والخدرچ حلاله

خلينه إنتشارك إبهالثوب المبارك
حِلَه الخدرچ وأنه إمفصل عليه
ــــــــــــــــــــــــــــــــــــــ
نادت يبن أبويه بالعهد راضين
بالحگ إو رضينه
لا عزت عليك إرگابنه يحسين
وإنته تعز علينه
تهيأ للشهاده وإحنه متهيئين
نتنطر سبينه

إنتو إعلـه الشهاه وإحنه إعله السعاده
نيتنه إو عسن راشده النيه
ــــــــــــــــــــــــــــــــــــــ
لاچن عگب عينك يا ضـــوه عيني
خدر إختك حياته
إو خوفـي إمن الشماته إبسهم ترميني
إو تدري إبماضياته
خليني أرد أموت إوياك خلينــــي
إو لا شوف الشماته

والشـامات إله إسهام تمضي إبگلب ألأكرام
أمضه إو أشد من سهم المنيه
ــــــــــــــــــــــــــــــــــــــ
إلك عندي أمانه من أمك الزهره
هاك إسمع المضمون
لخوچ إبكربله إتحبينه إبصدره
إو تسجي ماي العيون
إومن تجدم منيته جدمي مهره
إو خل يجبل عله الكون

هذي كـربله هاي چيف البصر والراي
هاك إخذ ألأمانه إمن الزچيه
ــــــــــــــــــــــــــــــــــــــ
وصلتني ألأمـانه يا عقيــــلتنه
إو چنـي إتسلمتها
وإحگوگ الوفه وإشروط خوتنه
بوجودك شفتها
هذي كربله إو هذي شهــادتنه
تشهد وإسمعتها

تثبتلچ إراده إو تشهدلچ شهاده
صبرچ نصر دين ألله إو نبينه
ــــــــــــــــــــــــــــــــــــــ
تدنه حسين لخته إو شبگته وإتنوح
والونه ثجيلـه
گبل جرح السهم خلت إبگلبه إجروح
وإتگطع دليلـه
يخويه خل أبّدل إوياك روح إبروح
إو صد إعله العقيله

نـاداها ألأمر صار إو لو عمت ألأخطار
عگب أهلچ تلزميلي الثنيه

للشاعر المرحوم
كاظم منظور الكربلائي

#اللهم_عجل_لوليك_الفرج