#أبوذية

يمن حافرهم اعله الخيم ياراك
بگه بحيلك اوشالت حيل ياراك
يمن گبل النده يلگاك ياراك
حيهم خذو نسوانك سبيه

#اللهم_عجل_لوليك_الفرج

#نعي

مرينه اعلى جسمك لحظة وداع
بس مرة سبايه ومستعجلين..
الله وياك كتلك خويه عباس
طلع موكب خواتك ماكلت وين
اشو ماناشدتني اعللهزل ليش
ولاگتلي يزينب وين تردين
ومالحكنه نوكف نلطم عليك
وسلمنه اعلى جسمك واحنه ماشين..
نخيتك ماكمت مستحيه رديت
واكل للروح ميت لاتعتبين..
على كلن طلعنه بدك الطبول
ومشه موكب الروس وقائده حسين
وطلع موكب عزانه ومشه استعراض
موكب بس منصاته الدواوين..
وجمهور اليعاين موش جمهور
شماته تكول حسبالك مجانين..
نلطم يالطم زنجيلنه السوط
واللطامه زينب والنساوين..
الفشل كل الفشل من طبت السوك
شكثر صعبه اعلى بنت الهاشميين..
شفت نسوانهم تضحك يعباس..
كلها تكول حامي ضعونجن وين..
صدگ عافج يزينب ستر الخدور
وينه الگالج بحماي تمشين
صرت مجبورة ادنگ من ينشدون
افزعه شلون زحمة لماله جفين
وخلصنه العزه وانتهه الزنجيل
بس بظهورنه ظلت نياشين..
ونصبنالك عزه بنص الخرابات..
بس شلون تعزيت مساجين..
ونعيتلكم نواعي تشيب الراس
لما ماتت رقيه بكثر الونين..
ولمن حسيت راسك صاح كافيج..
عميتيها يزينب هيه بس عين..

رائد الناشي

#اللهم_عجل_لوليك_الفرج

#نعي

العلويات ينظرن للقوم يتقاسمون
رؤوس سادة خلق الله صلوات الله عليهم
وكأني بلسان الحال :

يتـجــــاسـمــون بــروس اهـلـنـه
اگـبــال عـيـونـه والـــهــــم كتلنه
وهــوســوا يـــــم راس الـكــفـلنه
خاطــــر بـعـد نـگــطـــــع الـظـنه

اول راس جـابــوا راس الحســين
وصاحوا هذا وكته وساعته الدين
وگاموا يطگونه اگــبـال كــل عين
وعلي زينب تحــشـم فزعتك وين



اومنها النـوب جابـوا راس ملـفــوف
والعكـــسـر يهوس وايــدگ ادفــوف
صاحوا وين زينب خل تجي اتشوف
اشسوت آل امـيه ابـسـبـع الاطفوف


وجابوا راس فـــوگ السمهري ازهر
والـعـســكــر غـــده كـلـه ايـتـفـكـر
صـاحــت  يزيـنـب هــــــذا الأكـبر
ليلى وغــدت تـبـچـي اوتحــــسـر



وجابوا راس فوگــه اعمامته وطاسه
اوبهيده تــسـير اوتـمـشـــي حـراسـه
العمود ابن الحسن ماخله شي براسه
خالــــــط هـامـتـه اوطاســه ســـويه



بعـيـنـي شفـتـهـم شــــوف العيون
بــراس الرمــح راســـه يشـــــدون
عـبــد الله يــمــه شــيلته اشــلـون
فـــوگ الرمــح راســك ازغـيـــرون


نسالكم الدعاء

السيد حسين الياسري

#اللهم_عجل_لوليك_الفرج

السيده رقيه ع


يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
يمشي ويايه / ما يرضه نفترگ
عينه مفتوحه / يرفضها تنطبگ
ازغيره بالناگه / كل خوفه انسحگ

اشما عثر جدمي / يتفايض الدمع
ينحني رمحه / والشهگه تنسمع
مرت اعليه / من انكسر ضلع

حاولت كل شوك اسحگه ما اطيحن
الآه اضمها بصدري وآلامي يصيحن
التقي وي طشته واشكيله قريباً

يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
دم تصب إذني / واخفيها حاولت
امگيّده واركض / يم عمّتي البدت
لاچن عيونه / لجروحي تلتفت

ما يتيهني/ امراقبني بالسبي
عطري يشتمه / ما عنه يختبي
ارماد المخيم / لساته بالعبي

امتربات وهاي الاحبال ابادينه
حتى لو عن ناظره كلنه اختفينه
يشتم العطاب والدنه ابعبينه

يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
اسمي بالسانه/ يتلفظه ابجرح
اشما اصد راسه / يتحرك الرمح
وينجرح اكثر / نحره اللي منذبح

ابطفه يم جسمه / ياريت انه متت
بسهم المثلث / امنيّتي انصبت
چا متت مره / ولا هيچ اتعذبت

حروفي چنها مكسره كل ما لفظهن
الحافر اعظام الوجه يمكن كسرهن
ابخده آثار السحگ وانه احسبتهن

يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
مسرع الحادي / وتگرب الاجل
الشام اجيناها / وتشتت الامل
ادخلنه للخربه / واتناثر الزعل

روس اهالينه / دخلوها للقصر
واحنه ظلينه / ما نمتلك ستر
سگف ما عدنه / وشمس الله تستعر

حط يزيد اعلينه حراسه وعبيده
وين ابويه صحت انه يا ناس اريده
ارد اصبن آخر ادموعي ابوريده

يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
هاجت اجروحي / ادركني يا علي
من كثر نوحي / جابو طشت الي
اختم اسنيني / عالمنحر الجلي

ابلايه محبوبي / اشيسوالي هالدهر
صح أنه طفله / بس اكره القهر
خاطري وگلبي / بالمذبح انكسر

شاهدت ذبح العمام وذبح اخوتي
فوگ راس الوالد اشمحلاته موتي
يا حسين اصرخ اريد ويخفه صوتي

يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****

الشاعر اياد الديراوي

يا اهل العالم  ينادي انا المهدي وعدي حان
انا الموعود لاخذ الثار بيدي راية الرحمان
انا يا ناس جدي حسين بالطف منذبح عطشان
ثلاث تيام على الرمضا عاري بلا دفن خلوه

•••••••••••••••••••••••••

حزن گلبي بهمومه يروي قصة المذبوح
وجفني يسيل بدمومه كل عمري دمع مسفوح
جدي حسين  عالرمضا ثلث تيام  ظل مطروح
لا تغسل ولا تكفين بحوافر خيلهم داسوه~~
••••••••••••••••••••••••••

انا الگضيت عمري بنوح ابكي لگطعة المنحر
انا لنحب على المذبوح جدي حسين ابو لاكبر
من اذكر چبده الظامي انوحن لاجله واتحسر
الا يا اهل العالم من عذب الروا منعوه

•••••••••••••••••••••••••••

يشيعة گوموا واسوني بالاحزان والعبره
وابكوا وياي جدي حسين هالمذبوح عالغبره
گوموا لكربله نمشي ونشهر رايه يم گبره
الا يا اهل العالم راسه اعلى الرمح رفعوه

••••••••••••••••••••••••

يشيعه لكربله وياي نروح ونطلب الثارات
عبدالله الرضيع هناك يون من السهم ونات
ونحر حسين يناغيله باسمي وينشد اﻵهات
الا يا اهل هالعالم ما ذنب الطفل ذبحوه

•••••••••••••••••••••••••••

الشاعرة الحسينية 
✍🏻خادمة آل محمد

#تراث

يبو زينب تعال وشوف حالت زينب الليله
وشوف حسين يا بوحسين يتوادع وي العيله
ــــــــــــــــــــــــــــــــــــــ
يبو زينب تعالى وشوف زينب مثل هذا الليل
تكاثر يا علي همها ودمعها من الدليل يسيل
لیل موادع الخوان زينب هدم منها الحيل

مو بس حيلها مهدوم
ولا مر بجفنها النوم
تصوت والگلب مالوم

وتريدك لهذا الصوت يا بو حسين تصغيله
ــــــــــــــــــــــــــــــــــــــ
هذا الصوت تصغيله وزينب شوفها شعدها
خافن صارت بشدة يا حاظر شدایدها
تصعب ليلة التوديع على زينب يوالدها

آيا ليلة التـوديع
تگطع بالجبد تگطيع
باچر واليتامه تضيع

علي لحگ على زينب وهمها من الگلب زيله
ــــــــــــــــــــــــــــــــــــــ
علي لحگ على زينب علي وبكربلا تحظر
تسمع ويد المـوادع وتسمع ضجة الخدر
حريم تودع الخوان وعليها داير العسكر

هــم عيــونهــا تغمض
المض بيها الموادع مض
يساعدها البخت والحض

ويضل حسينها سالم وين الله ويشد حيله
ــــــــــــــــــــــــــــــــــــــ
علي يا بوي هذا الليل بحسره وحزن خلاني
سهرانه وأون وجري الدمع بفراگ خواني
ومجموعه إِخوِتي بهالليل كلها بوسط صيواني

يبويه والمـوادع صار
الليله والدموع اعبار
شسولفلك يحامي الجار

هذا اليل انت اعرف بتحليله وتفاصيله
ــــــــــــــــــــــــــــــــــــــ
هدم چم حيل هذا الليل وتفجر بي أشچم مدمع
ليل موادع الوليان يلذع بالچبد يلذع
اخاف من الفجر لو طر وأخاف من الشمس تطلع

يبويه الصبح لو صبح
والــوليــان تتــذبح
تصير خيامنا مسرح

العدو لخيامنا يوصل بنار الحقد وبخيله
ــــــــــــــــــــــــــــــــــــــ
شسولفلك أشراح يصير وأنت اعرف يبو زينب
باچر ما يضل صيوان الا النار بي تلهب
وبناتك يا علي باجر تتيسر وتتسلب

تتراكض بوادي الطف
ومن الخوف تتراجف
ودمع عيونها ماجف

او ذاك الخدر ذاك العز بالذل صار تبديله
ــــــــــــــــــــــــــــــــــــــ
العز راح خدري إنباح وانه بين خيل ونار
وصد الخيمتي تلهب ومنا عيلتي طشار
عتبي على خوتي يولا عليك اعتب يحامي الجار

يبويه والعتب شيفيد
وبناتك هاجه بالبيد
طريج النجف موش بعيد

أبوي اشعطله عني اوشنهو سبب تعطيله
ــــــــــــــــــــــــــــــــــــــ
ابوي شعطله والخيل وصلتنه وتشتتنه
وشنعتب على خوتنه كلها مذبحه أخوتنه 😭
ردنه حاظر الشدات ابونه ايحظر شدتنه

ما بين خبر منه
أبونه ولا نشد عنه
وبگيت بدمع وبونه

وآنه بين خيل ونار يبويه وگلت الحيله
ــــــــــــــــــــــــــــــــــــــ
هذا الي جره بالطف وهذا الصار يا حيدر
وهذا الي حجيته وياك والي ما حجيته أكثر
علي يا بوي بين الگوم اشلون أتيه الخدر

وغده ذاك النهار أضلم
مــن دخــان المخيم
والعــدوان ما ترحم

يا ويله اليباريله عدوه الف يا ويله


الشاعر المرحوم
الحاج مُعين السباك

#اللهم_عجل_لوليك_الفرج

#تراث

[موشح ]

على التل وگفت اوشبحت عينها
زينب وكامت تحشم احسينها
ــــــــــــــــــــــــــــــــــــــ
نادته وعيونها من دم تكت
وين ياريحانة الهادي صرت
عدل بعدك يو يبن حيدر متت
او صرختك بالخيل ياحر وينها
ــــــــــــــــــــــــــــــــــــــ
انچانّك حي يسلون الطهر
بادر ادرچنه امن ايادي اهل الغدر
وانه ياخويه اسلمت لله الأمر
جرت بعيالك على تهوينها
ــــــــــــــــــــــــــــــــــــــ
نوت للميدان بت حامي الدخيل
اوشگت اصفوف العده او طرت الخيل
لگت واليها على الرمضه جديل
حايطه اعليه العده صوبينها
ــــــــــــــــــــــــــــــــــــــ
ما الجسمه شافت اعله الگاع أثر
غير زور ارماح شابح چالشجر
اونبت نشاب وجبل فوگه صخر
والسيوف ابچثته جافينها
ــــــــــــــــــــــــــــــــــــــ
گامت تميل أمن اكتاره السلاح
او تشلع النشاب منه والرماح
حين وجهه العينها من الدفن لاح
آه يامن للطلايع عينها
ــــــــــــــــــــــــــــــــــــــ
وگفت اعليه ما وگفها كل أحد
غير ابو الزهره عله الحمزه الأسد
او شافته بناظر يصب مثل البرد
دمع محمر يسفح بخدينها
ــــــــــــــــــــــــــــــــــــــ
نادته يحسين حاچيني گبل
ما تروح الروح مني والعگل 😭
سكت عنها بكثر ما بحشا ثگل
هَم على أعياله او على صواوينها
ــــــــــــــــــــــــــــــــــــــ
نادته النوبه يعزنا ياالأبي
عاد جاوبني ابحگ جدنه النبي
سكت ما جاوبها الليث الطالبي
يدري چن أهل الرده والينها
ــــــــــــــــــــــــــــــــــــــ
نادته النوبه ودمعها الچالسيول
عاد حاجيني ابحگ جدنه الرسول
يسمع أخته لچن ما يكدر يگول
او حال مابينه الضمه او ما بينها
ــــــــــــــــــــــــــــــــــــــ
نادته النوبه ابمدامعها الحمر
عاد كلمني بحگ امنه الطهر
فتح عينه او خاطره اعليها انكسر
والها ون واهي عليه اونينها
ــــــــــــــــــــــــــــــــــــــ
يختي يازينب شعبتيلي الگلب
او زدتي كربي فوگ مابيه كرب
حاجيتج شخصي او ولاچن الحرب
حاجتچ ضاعت ولاني حينها
ــــــــــــــــــــــــــــــــــــــ
ردي يازينب يبيت فحل الرجال
للمباني وعاد حفظيلي العيال
نادته هيهات يحسين ومحال
ارد ياخير الوره ويازينها
ــــــــــــــــــــــــــــــــــــــ
اشلون ارد عنك يسلوان الطهر
او ما النه غيرك ذخير اولا ذخر
بين ما تنخاه اولن سوط الشمر
طگ ظهرها ولوح ابمتنينها
ــــــــــــــــــــــــــــــــــــــ
او صرخ بيها الظالم الجلف الردي
عني اتنحي يزينب وابعدي
لا أذبحچ أبحد امهندي
والمنيه براحتي اتشوفينها
ــــــــــــــــــــــــــــــــــــــ
وعت بت الفحل من غشية البين
والهه والتفتت ايسار ويمين
لگت خيها احسين ويلا ياحسين
رگبته الما تنلوي لاوينها
ــــــــــــــــــــــــــــــــــــــ
صفگت امن النايبه يد اعله يد
نادته ابحرگه واغدت تلطم الخد
يارسول الله يبو الزهره يجد
اميه من عندك استافت دينها

الشاعر المرحوم الشيـخ عبود غفله

#اللهم_عجل_لوليك_الفرج

#تراث ليلة الوداع 💔😭

زينب الليله تغير لونها
والهواشم گامو يودعونها
ــــــــــــــــــــــــــــــــــــــ
زينب الليله تهل دمعة العين
والعقل مذهول بوداع الحسين
تصيح عكب اخوتي وجوه الحرم وين
مادريت وعدمن ايخلونها
ــــــــــــــــــــــــــــــــــــــ
مثـل هـذا الليل زينب مسهره
بعد والعبره بصدرها أمكسره
زينب ويدرون بيها أمخدره
باجر إبـين العده أيعوفونها
ــــــــــــــــــــــــــــــــــــــ
تصـيح زينـب والدمع عالخد يسيل
پاشبول المرتضى حامي الدخيل
الليل هذا ويخوتي لو كضه الليل
خافكم هاي الحرم تنسونها
ــــــــــــــــــــــــــــــــــــــ
مثل هذا الليل زينب بالخيم
تنحب وتتوادع ويه أهل الشيم
هله هله يخوتي بهاي الحرم
الكوم عگب أعيونكم يسبونها
ــــــــــــــــــــــــــــــــــــــ
صاح أبو السجاد زينب وينها
وزينب اعله حسين دارت عينها
هالوصيه بعيلتي اتحفظينها
والخيم خاف العده أيحركونها
ــــــــــــــــــــــــــــــــــــــ
سعت حسين وهمل منهـا الدمع
زينب وگامت ومحنيه الضلع
حست أخت حسـين باچر تنفجع
بـبو اليمـه وسال دمـع عيونهـا
ــــــــــــــــــــــــــــــــــــــ
رَدت وكصدت لحماي الضعن
بدر هـاشم والمدامع دم جرن
نادته خويه الحرم وياك اجن
خويه وانت اتكلفت بضعونها
ــــــــــــــــــــــــــــــــــــــ
يعباس انت الكفلت العايله
والحرم وياك اجت ومدالله
من نصبت أخيامنه بطف كربله
يعباس وگلت اموتن دونها
ــــــــــــــــــــــــــــــــــــــ
يعباس وجيت بأمرك ياشهم
والخدر بحماك ياموت الحتم
عگب عينك خاف اضل بين الزلم
وهاي يهل الشيم ما ترضونها
ــــــــــــــــــــــــــــــــــــــ
صاح ابو فاضل يزينب هودي
وانتخه وهز صارمه وگام يحدي
ها يزينب يا وديعة والدي
الگوم فنها الخيمتج يصلونها
ــــــــــــــــــــــــــــــــــــــ
لا يزينب ينخطف منج اللون
دون خدرج يختي لجلبلج الكون
انه حي والگوم يولونچ اشلون
إلا عيني بالسهم يطفونها

الشاعر المرحوم الحاج مُعين السباك

#اللهم_عجل_لوليك_الفرج

#تراث اهوازي

عـسن فجرج يا هالليله اليوم الحشر لا ينطر
أشبع  شوف من حسين ومن عباس المشكر
ــــــــــــــــــــــــــــــــــــــ
عسن  يا ليلة العاشر فجرج دوم لا يطلع
بلجن من وجه عباس اوجه حسين شوف اشبع
خلوني يا هالوادم ليهم دوم اتلوع
مو هو بفراگهم گلبي حدثني وحس بالشر
ــــــــــــــــــــــــــــــــــــــ
علم بفراگهم گلبي عليَّ إفراگهم يصعب
كلف ما تحمله الأطواد عالأطواد لو ينصب
لحد يا إله الكون منك رايده مطلب
تمد من عمري الليله ليله بالعمر تذكر
ــــــــــــــــــــــــــــــــــــــ
بقت مرتاحه الحره نوبه إتشم إخوها حسين
ونوبه تشم ابو فاضل و يهمل فرح دمع العين
و لنها تسمع السجاد ينشد ثاني السبطين
بويه اشلون فكرك صار ابهاالجيمان والعسكر
ــــــــــــــــــــــــــــــــــــــ
ايگله الگوم يوليدي عليها إستحوذ الشيطان
وباجر بالحرب و الكون لازم يعمر الميدان
ايگله  هالأرض متلوگ الطرد الخيل والفرسان
أشوفنها أرض وعره ميشومه و بر افقر
ــــــــــــــــــــــــــــــــــــــ
ايگله عمه العباس يا تالي هلي الامجاد
كل إحنه الليله إضيوف عندك ياعلي السجاد
باجر عنك إنسافر إيصير الأمر بيدك عاد
إتريد  إتشيل  و الله إتظل إنته ابهذي امخير
ــــــــــــــــــــــــــــــــــــــ
لمن سمعت الحره اشصار إبحالها ياناس
نشدها حسين من گامت مدلوله مهبطه الراس
إتگله چوت لب إحشاي خويه جلمة العباس
لَروح الـخيمتي و أبجي عند الله ابدمع محمر
ــــــــــــــــــــــــــــــــــــــ
أثاري حسين و الشبان من گامو بني عدنان
هالليله  إهم ضيفان عدنه و باجر الوليان
إتروح ابـحومة الميدان بين إسيوفها والزان
و تبگه الحرم و الرضعان لبن ازياد تتيسر

(لاحد خدام الامام الحسين)

#اللهم_عجل_لوليك_الفرج

#تراث

زيـنـب  يـا غـريـبة الله اشــمـصـيـبـه
وجـهـك  يا زينب وين مـذبـوح  اخوك احسين
و  الـجـثـة سـلـيبة الله اشــمـصـيـبـة
ــــــــــــــــــــــــــــــــــــــ
آه  يا زينب اشصار ابحالك  امن الغاضريه
اشلون  ليلة أمس مرت والنهار و هالمسيه
أمس گضيتي الليل اوداع وي أهل الحميه
ابـسهر عين ابظمه ابخوف ابشبح من وجه المنيه

للعايلة الـمتألمه
الأطفال  تصرخ بالظمه
لـبـن  أمـچ او لمخيمه
ابـيـن تـوديع او وصيه

جـفـن عـايـف منامه لوداع  الـنـشـامـه
و تـسـكـتـين أطفال و تـودعـيـن أبـطال
بـهـا  الـلـيلة الرهيبه الله اشــمـصـيـبـه
ــــــــــــــــــــــــــــــــــــــ
خـلص يازينب الليل البيه توديع الأطايب
والصبح بيّن عليچ او  بـينّت بيه المصايب
ابتدل نور الصبح نار النار صارت بالحرايب
او  غاب  عنچ گمر هاشم وين فوگ النهر غايب

دارت الـحـومه بالخبر
ابـچـف  المنيه  او القدر
او لن الأهل سبعة او عشر
انجوم  عالغبره او كواكب

و تـغـيـب ضـواهـا الـبـدور  ابـدمـاهـا
و بـهـاي الـمـيـادين بـعـيـونـك تشوفين
أبـدان الـشـبـيـبـه الله اشــمـصـيـبـه
ــــــــــــــــــــــــــــــــــــــ
اخوتج نزلت الحومه والـقدر ما گال تسلم
اربعة من ام الـبنين بـها الحرب سبّحهم الدم
قـمـر هاشم اخذ جوده اوگال أرجع للخيم
والقدر گلچ اجفوفه اتـگطعن  اوراسه متهشم

و الـسـهم يا زينب وگع
ابـعينه و أبو اليمه انصدع
ابـرايته  او جوده ما رجع
عـالـنـهر  جسمه تخذم

مـا  ظـلـت الـرايـه طـاحـت بالرمايه
لـمـن راح بـالـجـود قـال  الـقـدر مـيعود
مـا  ظلت كـتـيبه الله اشــمـصـيـبـه
ــــــــــــــــــــــــــــــــــــــ
شفتي من ودّع احسين الاكبر ويذهل المنضر
اوداع ابو الأبنه اوراح الابن للحومه وشمر
او  شفتي من احسين جابه للخيم جسمه موذر
هذا أول جرح صار ابكلبج المفجوع يعسر

و اجـروح عگبه اتكاثرت
من ابدان طيبه توذرت
مـثـل  النجوم اتكورت
عالوطيه شبول حيدر

اوشفتي جسام الشباب تحنه يازينب بدمه
وشفتي عبد الله الرضيع شلون اجه مذبوح لمه
شلون يازينب سكينه تلگته من ايد ابو اليمه
شنو ذنبه جا هذا الطفل والنبله تفطمه

شفتي مثل هذا الطفل
يمج نكتلو بالنبل
اطفال ابن امج جتل
كضو من حركو خيمه

وشفتي المهر بدم من رد للمخيم
لفاچ السرج مگلوب كلتي حسين مصيوب
او  لـن جـثـته خضيبه الله شمصيبه
ــــــــــــــــــــــــــــــــــــــ
ونگضه عليچ النهار اعلى هالحاله يبنت حيدر
لا رجال و لا خيام او  لا خدر بي تظل خّدر
هذا يازينب الليل اوعايله امطشره ابها البر
وانتي مهضومه اوغريبه والتعب عالحال أثّر

او تـرديـن لـم الـعايله
ضـاعـت ابوادي كربله
ويـن الابـو عـقد الوله
ابـمثل  هاي الشده يحضر

صـيـحـي شوف حالي مـا  ظـل  عـندي والي
حـيـدر حـشـمي بيه صـوتـچ  خل يصل ليه
هـالـصـوت الـيجيبه الله اشــمـصـيـبـه
ــــــــــــــــــــــــــــــــــــــ
روحي يا زينب افگدي العايله واطفال لمي
صيحي وين الگه الاطفال طشروها  يا بن امي
يا هو خليتوا لختكم هذا بس وجعان يمي

اشـتلگين  يا  زينب بعد
لا طفل ضل ولا مهد
ابـين  القضه او بين الشرد

ويـن  جـا ام الـرضيع الليلة  قومي دوريها
بـالـمـعـارة يم طفلها رايـده اترضعه بثديها
روحي يا زينب او شوفي الها او سـمعي حجيها

ضـمـت  طفلها للصدر
اتـحاجي  او تبديله العذر
هـسـا  غـده ثدي يدر

هـاي ام الـطفل تحجي اوي الرضيع اعلى هالجمرة
شفتي يا زينب يتيمه اتحاجي ابوها فوگ صدره
گوم  يابوية تگله والأبـو مـقطوع نحره

بويه تگله اتسلبت
جاوين عن عيني غبت
بـويـه اتـگـله اتيتمت
سمعي يازينب وشوفي ولمي اطفال وغرايب

المرحوم الشاعر
عبد الحسين ابو شبع

#اللهم_عجل_لوليك_الفرج

ايام ايام هاي الدنيا ايام
يوم الاهل يحمونه
يوم العده يسلبونه
هاي الدنيا ايام
ــــــــــــــــــــــــــــــــــــــ
گوم ياحيدر بناتك شوفهه بالطف يحيدر
چانت ابمنظر خدرهه ليوم اصبح غير منضر
جانت باوطان صارت بالخيام وتسكن البر
حته الخيام باهلها محصنه وميمسهه كل شر

لن الاهل فوك الثره
كلهه جثث متوذره
ولن الاخيام اموجره
ولنهه متسلبهه الخدر

بخيام بخيام يوم الحرم بخيام
يوم اخيامهه اعليها
تتلاهب مسلبيها
هاي الدنيا ايام
ــــــــــــــــــــــــــــــــــــــ
زينب تحاجيك من الطف وانت ياكرار تسمع
تصيح يابويه الزمان شلون بينا گام يصنع
بويه تذكر من اروح لگبر جدي شلون اطلع
اطلع بوكت الضلام ولمن الاصوات تهجع


انته يبويه بصحبتي
والي تباريني اخوتي
واركض ليوم بغربتي
صرت من مصرع لمصرع

أجسام أجسام عيني تشاهد الاجسام
جانو امس كدامي
ليوم النار بخيامي
هاي الدنيا ايام
ــــــــــــــــــــــــــــــــــــــ
امس يابويه اخوتي كبال عيني وصد ليهه
خيمتي من اربع جوانب اخوتي حاطت عليهه
يروح اخو عنهه يحامي الجار اخو ثاني يجيهه
وابنك العباس يمهه بالحراسه التزم بيهه

وناشر عليهه رايته
وبخميتي ايوصي اخوته
بخوته الخيمه وهيبته
حارسيهه محصنيهه

ضلام ضلام لن ليوم ضلام
للخيمه يحرگوها
ولزينب يسلبوها
هاي الدنيا ايام
ــــــــــــــــــــــــــــــــــــــ
امس يابويه اخوتي بخيميتي يتفكدوني
شاريده كولي يزينب كل الاخوه يسالوني
ليوم لن شفت السياط يكسروها عله متوني
ليوم لن من خدري اطلع خايفه ويسلبوني

هم هاي جانت تنحسب
متون العقيله تنضرب
بعزت خدرهه تنسلب
وين الاخوه فاركون

اكرام اكرام يوم ابين ل اكرام
ويوم ابين سلابه
وخدر الحرم متهابه
هاي الدنيا ايام
ــــــــــــــــــــــــــــــــــــــ
امس عالعايله بين الاهل همه اليحرسوهه
وحده تلكاهه وي ابنهه وحده تلكاهه واخوهه
وحده تلكاهه وي عمهه وحده تلكاهه وي ابوهه
العايله الشافت اليوم تشوف ناس يلسبوها

تشوف الاهل متطشره
تشوف الضلوع مكسره
عالنهر سبع الگنطره
حسين جثته يسحگوهه

جسام جسام ثوب العرس جسام
جفوفه بدمه حنوهه
شموع العرس طفوهه
هاي الدنيا ايام
ــــــــــــــــــــــــــــــــــــــ
امس يابويه اشوف كبال عيني علي الاكبر
شوكت ما اندهه باسمه بخيمتي بالحال يحضر
ليوم لنه كبال عيني جسمه ياحيدر موذر
ذاك وجهه ليذكرني بالرسول اصبح امعفر

كل اخوتي بهذا الوضع
كل جسم راسه منگطع
بصدر الاخو لا ضل ضلع
سحكته الخيل وتكسر

مانام مانام جفن احسين مانام
يرعه جان امس حالي
ليوم اموذر اكبالي
هاي الدنيا ايام
ــــــــــــــــــــــــــــــــــــــ
وين ايامي يبويه ابين ولياني عشتهه
راحت الوليان عني فارگتني وفاركتهه
الخدر راح الاهل راحت شفت ناس الماشفتهه
اصبحت حرمه وغريبه وهيبتي ذيج افگدتهه

هاي الاطفال الي ربت
ابعزت اهلها اتسيبت
مثل يبويه اتسلبت
السلبتني سلبتها

ايتام ايتام لنهه ليوم ايتام
امس والدهه يشبگهه
اليوم الخيل تسحگهه
هاي الدنيا ايام
ــــــــــــــــــــــــــــــــــــــ
امس غير النسم ميمر ابد يابويه عليه
ليوم لن اركض ابين الخيل وآلآم بيه
والسياط اتربعتني وانه اشگفهه بديه
لا هذاك العز اشوفه ولا الذل بالغاضريه

يابويه اصير بيا فكر
اذكر اخوتي والخدر
ابن امي حز راسه الشمر
واجه براس احسين ليه

آلآم آلآم شتريد احچي آلام
بن امي الماكو امثاله
صار الشمر چتاله
هاي الدنيا ايام
ــــــــــــــــــــــــــــــــــــــ
ما اجاك الخبر عني صرت يابويه بهضيمه
الخيم وجوها علينا ولا بگت للحرم خيمه
وانه ساعه اركض واجيب ايتيم والحگلي يتيمه

ساعه العليل ابخيمته
اسمع يبويه صيحته
مهدد بگطعت رگبته
كضيت يابويه النهار عله هل حاله بهذا همي


الشاعر المرحوم
عبد الحسين ابو شبع

#اللهم_عجل_لوليك_الفرج

#تراث

گلـي يالميمـون ... وين والينه
راح أبو السجاد ... لو يرد لينه
ـــــــــــــــــــــــــــــ
آنه يالميمون بيـــدي جـــدمتك وإنخمـــش گلبي
ومن رحت بحسين بألله ودعتك والباري حسبي
وبگت روحي إتلوج وأنتظر جيتك وإعيوني تربي

جيتني خـالـي ... حسين چا وينه
راح إمن إدينه
ـــــــــــــــــــــــــــــ
بالله يالميمون رد عليـه إجـواب وإخفي ونيني
سرجك المگلوب صاب گلبي إصواب وأثگل حنيني
هـــذا دم حسين لـــو حَمـــار إخضاب ما تدليني

همهم الميمون ... وأهملت عينه
راح إمن إدينه
ـــــــــــــــــــــــــــــ
دم يهالميمون وجهك إخضـــابه والگلــب عطّب
من وريد حسين لو من إصوابه وجهك إتخضب
گلها سهم البين بالگلــب صـــابه إشمالچ يزينب

دم أخـوچ حسين ...ما تعرفينه
راح إمن إدينه
ـــــــــــــــــــــــــــــ
ليش يالميمون مندهش حالك مجبل عليه
تجر بلجامك وتصهـل إشمالك ونتك خفيه
جيتني خالـــي ويــن خيّـــالك عفته رميه

وين أخويه حسين ... عن صواوينه
راح إمن إدينه
ـــــــــــــــــــــــــــــ
بالله يالميمون لهفتي ردهـــا وهـــوّد عويلي
إگلـــوب هالأيتام لا تمـــردها هــدمت حيلي
هاي سكنه إتريد مني والدها وفجعت دليلي

چن أخويه حسين ... يتـّم إسكينه
راح إمن إدينه
ـــــــــــــــــــــــــــــ
ليش يالميمون إسبيتلي حـالــي وهدمّت داري
وإگطعت بيّه إبطيحـت الـــوالي آ ينكــســـاري
وإگطعت گلبي إبسرجك الخالي وهيّجت ناري

حــرم ظلينه ... ومن يحامينه
راح إمن إدينه



للشاعر المرحوم
كاظم المنظور الكربلائي

#اللهم_عجل_لوليك_الفرج

#تراث

لوبيدي يحسين چنت أظل يمك
واتوسد وياك واسبح بدمك
يابن أمـي يالحال الأجل بينك وبيني
بصوت الـمصـيبه .... تنـادي الـغـريـبه
ــــــــــــــــــــــــــــــــــــــ
يالچنت عايش بگربي ويالچنت عايشه بگربك
هاك إخذ يحسين گلبي خويه يالمصيوب گلبك
هاك إخذ يحسين عيني يابن ابويه وشوف دربك

گوم إنـهـض إنـظـر حـالـتي
ياضوه عيوني وسلوتي
يـابـن أمـي حـرگوا خـيمتي
من الخطر فريت يمك

خويه إگعد وشوف ..... حال الـفـواطـم
مــتـحـيـره تـصـيـح ..... ويـن الـهـواشـم
مـتصل ونها بـونـتي .... دسـمـع ونـيـني
بــصـوت الـمـصـيـبـه تـنـادي الـغـريـبـه
ــــــــــــــــــــــــــــــــــــــ
من مشيت اودعـتني ومن بعد دمع الموادع
ظلت عيوني على دربك وچنت أظن يحسين ترجع
وساعه لن مـهرك يخويه يصهل وگلبي تگطع

فـريـت إلـه بـالـعـاطـفه
وروحي لصبرها موالفه
وبـهـالـهـمـوم مـكـلـفـه
وسباح دلالي تگطع

هـاك إخـذ گلـبـي .....وانطـيني گلـبك
وانه ابگه بعــداك .... يــرعــانـي ربـك
وياريت يابن أمي الحجر .... صكني بجبيني
بــصـوت الـمـصـيـبـه تـنـادي الـغـريـبـه
ــــــــــــــــــــــــــــــــــــــ
فر دليلي على المعاره والجدم يسبگ خيالي
وگبل گلبي الروح فرت هـايـمـه تدور الوالي
وسمعت صوت المصيبه من النحر يصرخ تعالي

شـوفـي يـزيـنـب حـالتي
راسي إنفصل عن جثتي
وتـكـفـلـي إنـتـي بعيلتي
وصارعي جور الليالي

خل دهـري وعداي ... وجور الـلـيالـي
ومن عگب عيـنـاي ... بـاري اطـفـالـي
أصـبر يخويه والصبر.... حـسـبي ومعيني
بــصـوت الـمـصـيـبـه تـنـادي الـغـريـبـه
ــــــــــــــــــــــــــــــــــــــ
تكفلت يحسين مـنك والمصيبه تكفلتني
صوبك سهم الـمـنيه والـشـمـاته صوبتني
ريت تنظر يابن ابويه للمصيبه الدوهنتني

وتـشـوف بـعـيـون الأثـر
مالومه من جور الدهر
مـابـيـن عـدوان وخـطـر
والـمـصـايب المتني

من طحت يحسين .... سـلـبـنـي دهري
وبـس دمع عـيـناي .... من عيني يجري
يابن أمـي اتـستر دمي ... بچفـوف إديـنـي
بــصـوت الـمـصـيـبـه تـنـادي الـغـريـبـه
ــــــــــــــــــــــــــــــــــــــ
بـعيني أباريلك عيالك يابن أبويه وعنها ادافع
بـين فگدك والمصيبه يـا عـزيز الروح انازغ
بـالـصـبـر طـفـيـت الـبـلگلـب مـو بالمدامع

وسـلـيـت حـزنـي بـدمعتي
وداويت علتي بغربتي
واسـرار سـبـيـي بـمـهـجتني
وبهضيمتهن اطالع

صــوبــك يـحـسـيـن ....سهم الـمـنـيه
ومـاظـل ولـي وياي .... بـالـغـاضـريـه
سـهـم الشماتـه بالگلـب....... هـيج حنيني
بـصـوت الـمـصـيـبـه.... تـنـادي الـغـريـبه
ــــــــــــــــــــــــــــــــــــــ
راح ارد يحسين عـنك للشماته بدمع عيني
مسيت من بعدك غريبه بلا خدر ومسلبيني
باليمين الزم دلـيلي وباليسار أستر جبيني

مـابـيـن عـيـلـه مـسـلبه
واطفال تبچي معذبه
وبـيـن الـخيام الـلاهـبـه
زاد يابن أمي ونيني

مــاظـلت خـيـام .. من عگب عـينك
حرگوها يـحسين .. وفـرت بـنـيـنـك
حاربـت صبري وبـالصـبر .... ثـابت يقيني
بـصـوت الـمـصـيـبـه .... تـنـادي الـغـريـبه
ــــــــــــــــــــــــــــــــــــــ
نـام وتـهـنـى بمـنامك وانـه الـعـيال إكفلتها
وانـه بچفـوف الـمصيبه بـالـمـحامل ركبتها
بالعمى ياريت عيني وريت جثتك ما شفتها

بـجـمـر الـمـصـيبه ترعرعت
چم نايمه بالطف شفت
چم نـار آنـه شـاهـدت
دمـعـة عـيوني طفتها

مـن دمعـي ارويـك ... وأخضب بدمك
واتسلى يـحـسين ... مـن احـن يـمـك
وعلى الـيتامه الـسـاهـره.... خل تظل عيني
بـصـوت الـمـصـيـبـه..... تـنـادي الـغـريـبه

المرحوم الشاعر
عبد علي الخاچي الكربلائي

#اللهم_عجل_لوليك_الفرج

#تراث

يبن أمي عالتربـان عفتك رميه
عين العمه إو لا شوف ذيچ المسيه
* * *
يا خويه خليناك عالغبره عاري
إمغسل إبفيض إدماك والچفن ذاري
روحي بگت وياك والجدم ساري
أمشي وأدير العين للغاضريه
* * *
أدري إبسهم مسموم چبدك تگطع
وإصوابه مگبل صار والمگفه مطلع
إبذاك السهم يحسين گلبي تلوّع
سمه إبضمير إحشاي ناره سريه
* * *
يبن أمي أدري الخيل هشّمت صدرك
إو بيدي عله التربان وسدت نحرك
يا خويه وإبممشاي حيرني أمرك
لاچن إفراگك صار غصبٌ عليه
* * *
غصباٌ علي يحسين عالغبره عفتك
والحجر لو ما چان يفضخ جبهتك
ما چانت إمن السوط تتلوع إختك
نوب أنطي متني ونوب أشگف بديه
* * *
إبحالة غصب يحسين عنك مشينه
يبن أمي منهوبين وإمگيدينه
إتجدد عهدها إوياك رادت إسكينه
مانعها ضرب السوط من آل أميه
* * *
يبن أمي من إعداك أرد إشتچيلك
مثل السهم يحسين أمرد دليلك
وإنجرحت إمن الطوگ رگبة عليلك
گلبي إحترگ من نار ونته الخفيه
* * *
لو طفل من الجور تغمض إعيونه
من عله الناگه إيطيح لمّن يجونه
من عوض ميسلوه ويرچبونه
بالخيزرانه إيگوم من عالوطيه
* * *
يبن أمي يا هي إتهون وأصبر عليها
إشحال الحرم لو راح منها وليها
إو طبت الكوفه إشلون يبن أمي بيها
إصواب الشماته إصواب علته خفيه
* * *

وإلما عليها العين تغمض جفنها
والنايبات إبنار روحي سلنها
يبن أمي طبت الشام ما أشد منها
وافتني گبل الشام ريت المنيه
* * *
يبن أمي سوط البيه متني تألم
يبن أمي ذاك إيهون لاچن ألأعظم
سوط إبن هنده إلبيه ثغرك توسم
(ثغر اليقبله چان سيد البريه)
* * *
وإصواب فوگ إصواب ماضي إبگلبي
إبقسمة الباري إرضيت والباري حسبي
وإگضيت وعد إلبيه واعدني ربي
وإمن اليسر رديت وإصوابي بيّه
* * *


للشاعر المرحوم
كاظم المنظور الكربلائي


#اللهم_عجل_لوليك_الفرج

#تراث

صاحت يوادي كربله عنك مشينا
بلايه غسل واكفان خلينا ولينا

غصبن عليه سافرت يامهجت حشاي😭
يحسين يالما ضاگ من گبل الذبح ماي
فارگت جسمك ع ثره والراس وياي
فوگ الرمح مشهور يبرده للضعينه

لو خيروني ياخليصي ابگيت وياك
اجلس على گبرك ينور العين وانعاك
لكني لو ضليت من يبره اليتاماك 😭
لو طوح الحادي وحده بهذا الضعينه

وصدت الى المسنات والعبره جريه
وصاحت يراعي المشرعه زينب سبيه
عگب الخدر للشام يردون هديه
يالي جبتني گوم ردني للمدينة


#اللهم_عجل_لوليك_الفرج

#تراث

يا ليلة الحادي عشر ..آه شعظم هالليله
من جابوا الماي وغدت..ضجه بحريم العيله
ــــــــــــــــــــــــــــــــــــــ
ركضت رقيه عله السگا..نادت اگف ياسگاي
لو تاخذ الماي وترد..لو للرمح تمشي وياي
هاليوم ثالث والدي..عطشان ما شارب الماي

اغرفله بجفوفي العذب..بلكن اروي غليله
يا ليلة الحادي عشر..آه شعظم هالليله
ــــــــــــــــــــــــــــــــــــــ
تغرف الماي ولو مشت..من جفوفها يتبده
وما بين ابوها والسگا...تجيب الدرب وترده
طفله وغصنها من العطش..ذبﻻن مثل الورده

ومن وصلت لذاك الرمح..گلة عليها الحيله
يا ليلة الحادي عشر..آه شعظم هالليله
ــــــــــــــــــــــــــــــــــــــ
ما وصلت لربع الرمح...كل ما تمد ايديها
بالخيزرانه تعلگت...تحني الرمح ما بيها
حاولت يا ما حاولت...رفعت كعب رجليها

والراس يتمايل غدى...يبجيلها وتبجيله
ياليلة الحادي عشر...آه شعظم هالليله
ــــــــــــــــــــــــــــــــــــــ
يبچي عله بجاها الرمح...ظل ينحني ويتطوى
من شافها هدهه العنه...گامت تگوم وتهوى
حتى بعدوها توسلت...بلجن بگايا مروه

ينزل الراس من الرمح...تشربه العذب ويشيله
ياليلة الحادي عشر..آه شعظم هالليله
ــــــــــــــــــــــــــــــــــــــ
وكعت على راگي الرمح...وتريد تسهر يمه
لن من ظلام المعركه...تسمع نوايح حرمه
يحبيبه آنه عمتك...ردي عليه يا عمه

ركضت رقيه عله الندا...ومن المصيبه نحيله
ياليلة الحادي عشر ...آه شعظم هالليله


الشاعر عزیز الفیصلي

#اللهم_عجل_لوليك_الفرج

#تراث

هاي دار النوايب عتبوها
وعلى حال العقيلة ناشدوها
لا خيم وتلوذ بيه .. .. .. لا زلم وتحن عليها
شلون بأمر اليتامه حيروها
هـاي دار النــوايب عتبـوها

ــــــــــــــــــــــــــــــــــــــ

صيحــو بالله وياي صيحــو يهلـدار الله أكبر
شصار بأهــلــچ خبرينه ويا فلـك وضعه تغير
ويا مصيبة امردت گلبچ وأثرت حسرات أكثر

بالدمـع خطتلي صــور
وتصورت كــل ما سدر
وشاهدت محنية حظر ... ... وبمصايبها أتعثر

والهضمها الدهر شيطح بديها
غيــر نخــوة گــرايبها و وليها
يالعلي والله ثجيله .. .. .. وگفت التل عالعقيلة
تصيح وين اخوتي وميجاوبها
هــــاي درا النـــوايب عتبــوها

ـــــــــــــــــــــــــــــــــــــ

شلون نزلة أنزلت زينب من عله التل مستحيره
لا گـــلــب لا روح عـــدهــا والتساندها البصيره
تصيح وين أهــل المحنه جيت ليكم مستجيره

وعلوم عندي مكدره
نار بخيمنه مــوجـره
فريت ليكم حــايــره ... ... والغرب باجر مسيره

يالمجاتيل وياهــو منكم حسين
ارد أبخ گلب اخويه بدمعة العين
بلچي دمعي يطفي ناره .. .. .. وينهض ايسويلي چاره
شلون بالي اهلها ضيعوها
هــاي دار النوايب عتبوها

ــــــــــــــــــــــــــــــــــــــ

گظت يم حسين شــوط من البچي وحـــالة ذهلها
انچان هذا حسين اخويه چثته عن راسه شفصلها
وعــگــب ما أيست منه همت الجـــســـم الكفــلهـا

چلچل الليل وحسبت
بالعـــــايلـه وما أمنت
وسترجعت وتراجعت ... ... تحرس عيالات أهلها

والحراسه الزلم تصعب عليها
وزينب بهالمسية شلــون بيها
حرمه مسبيه وغريبة .. .. .. وتحرس بالليلة رهيبة
وين حراس خدرها الدللوها
هـــاي دار النوايب عتبــوها

ــــــــــــــــــــــــــــــــــــــ

هــذا حــال الحــره زينب بالتزامــات الكفـــاله
وعالحرم وحدت الوحده لو اريد اشرح الحـاله
خــــاف گـــلــبــك ميتحمل ويتفـجــر بانفعاله

عگب الشهيد ومصرعه
ومن نايبات الفـــاجـعه
چم طفلة ظلت ضايعه ... ... من سبب سبية عياله

واليطيح بهضم يصعب منامه
ونامت من التعب بعض اليتامه
وسكنة من شدت وجدها .. .. .. أتحسب بفاطمة وجدها
ليش ماحظروا لدفنت ابوها
هـــاي دار النــوايب عتبوها

ــــــــــــــــــــــــــــــــــــــ

بعالم الرؤية الطفلة ولن گمر من نــور تشهد
منحني ظهره ويلوح عله الگمر جدها محمد
فـــرت وفـــرفـر گبلها وجمر غربتها ايتواگد

شاطت لجدها وشبگته
وناشـدها عن ريحانته
صدت بعبـره ونادته ... ...من الگفه مذبوح ياجد

يجد ريتك لبويه تحــظــر امــره
يجد من جالت الخيل عله صدره
والمثلث مرد گلبه .. .. .. والرضيع بنحره حربه
يجد حتى الاطفال اذبحوها
هـــاي دار النــوايب عتبوها

ــــــــــــــــــــــــــــــــــــــ

مـــن الــســمـــاء الانبياء نـــزلـــت تواســـي نبينا
انفجعت بعظم المصيبة وصرخت بصرخه حزينه
گـــلـــب سيـــدنا ايتگــطـع كفي دمعـچ ياسكينه

وشلون اكف دمعي اليصب
وحسين مكـــسـور الگلب
ويشوف الأكبر عالترب ... ... بالسيوف مگطعينه

شلــــون شالوه عمامه بالميادين
شلون صارت نياحه بالصواوين
وليله من شافت ولدها .. .. .. امگطع اتگطع چبدها
ومهجتي مثل الأكبر گطعوها
هـــاي دار النوايب عتــبــوها

الشاعر المرحوم
الحاج مهدي الأموي الكربلائي

#اللهم_عجل_لوليك_الفرج

#تراث

صاحت يوادي كربله عنك مشينا
بلايه غسل واكفان خلينا ولينا

غصبن عليه سافرت يامهجت حشاي😭
يحسين يالما ضاگ من گبل الذبح ماي
فارگت جسمك ع ثره والراس وياي
فوگ الرمح مشهور يبرده للضعينه

لو خيروني ياخليصي ابگيت وياك
اجلس على گبرك ينور العين وانعاك
لكني لو ضليت من يبره اليتاماك 😭
لو طوح الحادي وحده بهذا الضعينه

وصدت الى المسنات والعبره جريه
وصاحت يراعي المشرعه زينب سبيه
عگب الخدر للشام يردون هديه
يالي جبتني گوم ردني للمدينة


#اللهم_عجل_لوليك_الفرج

#تراث #نعي #مفجع

لذبيح الله الأعظم سيد الشهداء
صلوات الله وسلامه عليه


اوبر من النبل ونصول النبع
ولبس ثوب من الدمه فوگ الدرع
وگع وام الفخر سچبتله الدمع
وادمت الحره عليه اخدودها
ــــــــــــــــــــــــــــــــــــــ
اختلفت الصوبين حين الي وگع
عن ضهر غوجه وعله الگاع انصرع
البعض گالو ميت واهواه انگطع
وبعض گالو مكر لا ييهودها
ــــــــــــــــــــــــــــــــــــــ
البعض گالو ضعف من فيض الدمه
وبعض گالو طاح من حر الضمه
كثر بيه الگول واعليه انغمه
حيث كل همته بذل مجهودها
ــــــــــــــــــــــــــــــــــــــ
صاح ريسهم الطاغوت النذل
ما تعرفوه مَيت بالضن لو عدل
خل كتيبت خيل تلكد وتحمل
عالحرم وتروع منها اچبودها
ــــــــــــــــــــــــــــــــــــــ
انچانه بيه نفس لو نگدت نبض
تاخذه الغيره وحميته وينتفض
هجمت اعله الطنب لچن عالارض
طاح حاميها او وگع عامودها
ــــــــــــــــــــــــــــــــــــــ
هجت النسوان من شافت الخيل 😭
هجمت اعليهن الف اه او يويل
من سمعهن گام ابن حامي الدخيل
لاچن الگومه ضعيفه اسندوها
ــــــــــــــــــــــــــــــــــــــ
صاح لاچنه الحتف منه گرب
كفر لچن مابكم شيمت عرب
الزلم تچتل وتستافي الطلب
من جبيلتها وتگطع ابنودها
ــــــــــــــــــــــــــــــــــــــ
العرض ينذآل عند ارده الزلم
ينحفظ ينهاب ينعز ينحشم 😭
دونكم شخصي وعوفو من الحرم
هدر دمي اسيوفكم مگصودها
ــــــــــــــــــــــــــــــــــــــ
انه گبلتكم ومن شان الرجال
تحرب اعله امثالها لا عله اطفال
گالو الحگ ينحچه خلو لعيال
نذبح احسين ونجي الفرهودها
ــــــــــــــــــــــــــــــــــــــ
دارو اعله حسين وهوه اعله التراب
نايم وكل مفصل ابجسمه اصواب 😭
اتشجرت بيه الطواغيت الحراب
وحطمت فوگ الرماح اعجودها

الشاعر المرحوم عبود غفله

#اللهم_عجل_لوليك_الفرج