"الهوى مثل الوطن و القبيلة و النصيب
‏ حاجةٍ تختار الانسان . . ما يختارها "

تساقيتك ظما لو كنت غيم وطارفك شعّاق
‏ولقيتك في فرح قلبي وفي حزنه وفي خوفه .

مالقيت لوجهك اشباهٍ على مر الليالي
‏حطه الله نسخةٍ وحدة ولا حط اربعينه .

‏لا طرا طاريه سجّيت والناس يحكون
‏وعشت في ذكراه كنّ العيون تخايله .

لا تجردّ من ثياب الحيا لأجل الحياة
‏كافح وخل لك مبدأ وفي وجهك حيَا.

على غفله وانا سالي مع العالم تمرّ البال
‏حلو طاريك ياخذني من العالم على غفله.

وماتبينه من عيوني بس قولي وش تبين
‏كل غالي تطلبينه .. في موازيني يهون !

خذني من الوقت واشياء البشر والحياة
‏أنت الامان الجميل الطيّب المستحب .

ياوجُودي ليت مالِي قلبّ واشواقٍ قديمه
‏كان ماا جَابت طواريها الهَبايب واشتحنّاا.

لمحّتك وكن الله فتح من جنابه بابّ
‏لك العين لدّت وأسرع القلبّ دقااته.

‏أنا بين التجاهل والضجيج و دوشة الإدراك
‏ أفتّش عن مفاتيح الطريق وألقاك قدامي .

على صوتك تمر . . . احلام وآمال وليالي
‏كنّ ما فـ البال من ايام عمري غير صوتك.

يذمك اللي عاجزٍ عن دروبك
‏لا فاعلٍ فعلك ولا هو مجنبك .

كأن الله أمر عيني تشوفك في وجيه الكل
وكأن الله مسخرني لدربك ياشبيه الخير