ياحسين 💔

أسعد الله صباحكم احبتي خدام الحسين ع

عهد عالروح ماخذ ياحسين وياك ••
كلبي لغير شخصك ما أضن يهوه ••

من صغري عشكتك يا أبو ألسجاد ••
ألعمر من دون حبك كلشي ما يسوه ••

حتى جفوف ألكافل ما سلمت من دوس ألخيل 💔

ألبرعم الحسيني حسن الحمداني..
https://youtu.be/6nVhAlOnzKs

طول غيابك يمهدي علينه
يمته هلالك يهل وتجينه

ما نتحمل غياب ~ صعبه فراك الاحباب

يمته هلالك يهل وتجينه
يمته هلالك يهل وتجينه
____

لوحدك عايش يمهدي
أرجوك دليني بمكانك

يمته أشوفك وأروي عيني
وتمتلي ألروح بحنانك

تصلي بينه بقبر ألحسين
تكبر ونسمع أذانك

كون من الله أعيشن
حتى لو لحظه بزمانك

عمري لشخصك أفدي ~ لو أن تظهر يمهدي

يمته هلالك يهل وتجينه
يمته هلالك يهل وتجينه
____

أنتظرتك لحظه لحظه
والدمع من عيني يجري

يابو صالح يمته تظهر
والله أحسن نفذ صبري

شوفتك كل أمنياتي
وأدعي ربي يطول عمري

ربي عجل ألنه بظهورك
هذي دعواتي أنته تدري

أضل كل عمري أتانيك ~ آنه بروحي شاريك

يمته هلالك يهل وتجينه
يمته هلالك يهل وتجينه
_

فدوه أروح لطولك انه
وين تكضي ألليل وحدك

تذكر حسين وعياله
وبألمدامع تنعه جدك

تبجي وتنوح على فكده
ومثل جبده نمرد جبدك

خلني خادم كون اصيرن
وأنعه أبو ألسجاد عندك

أون وأبجي على فركاك ~ وأدور وين الكاك

يمته هلالك يهل وتجينه
يمته هلالك يهل وتجينه
_

نحسب أيام وليالي
وننتظر لحظه ظهورك

أحنه على ألفطره عشكنه
وبينه دوم يعيش نورك

بعيد ما نكدر نشوفك
ونعتني ليك ونزورك

بلهفه يا مولاي عنك
بكل كتر ضليت أدورك

أدورنك يألحنين ~ ودمعي تارس العين

يمته هلالك يهل وتجينه
يمته هلالك يهل وتجينه

_

تعرض أعمالي وذنوبي
بين أيديك وتنظرها

شلون أصد آنه بأمامي
ويشكي من روحي وعملها

روحي يا مولاي بيدك
يابو صالح أغفرلها

مناطره عيوني أللقائك
هذي رجواها وأملها

سامحني يمولاي ~ منك هذا رجواي

يمته هلالك يهل وتجينه
يمته هلالك يهل وتجينه


أدركنه يألمهدي بظهروك
ما ترد يابعد أهلنه

بظلم عشنه ألعمر بعدك
يا أبا الغوث أغثنا

بغيبتك شفنه المصايب
والفرح بعدك هجرنه

بيك نتنخى وننادي
يابو صالح أرجع ألنه
_

لديارك ترد كون ~~~ يألرسمك بألعيون

يمتى هلالك يهل وتجينه
يمته هلالك يهل وتجينه


مناجاة ألقريب للقلب والبعيد عن الانظار مولاي صاحب الزمان عج
لخادمكم _ عامر الحمداني
ع طور قصيدة (يروحي الاحبهم)

قصيدة تجليبه للأمام المهدي عج

قصيدة نزله للأمام ألمهدي ( عج )

يمهدي لشوفتك كل أحنه منتظرين ..
ولحد الموت نبقى بمنهجك ماشين ..

_

أنتظرنا و طول غيابك يبو ألغيره ..
بعد  عينك  عمرنه  خلص  بحيره ..
وين  الكاك  كلي  تعيش  يا ديره ..

نجيك زحوف نهل يمك دموع ألعين ..

_

قسى  بينه الزمان وحيل تعبنه  ..
غيابك  يا أبو صالح  يعذبنه     ..
تانيناك و فراكك صعب  عدنه   ..

يمته  تعود  النه و نرد ثار حسين ..

_

الله  أختار  شخصك للخلك آيه ..
يمتى نشوف بيدك تحمل الرايه ..
ونحوم عليك كلنه نصير تجايه ..

ألك يبن ألزجيه و سيد ألكونين ..

_

الهي بالفرج عجل نصيح  بصوت ..
عهد  للمنتظر  ننطر  لحد  الموت ..
نضل  ويا  حتى  لو عمرنا يفوت ..

ونضل  بمجلسك  كل  أحنه  ملتمين ..

__

على  فراكك  تضل عيونه تجري ..
يا مولاي فدوه يروح الك عمري ..
نفديك  بعمرنه  لو  تجي  تدري ..

يأل بمحبتك  طول  ألعمر  باقين ..



بينه جروح ما تشفى على مصابك   ..
جمره  بروحنه  تسعر  على غيابك   ..
يتامى أحنه وننادي الغوث يم بابك ..

و نبقى  لجيتك  يالمهدي  متأملين ..

_

،، عامر ألحمداني ،،

مدللات حسين ،،، بالحبل مجتوفه ..
وحظروها النوك ،،، وألكفيل تشوفه ..
ألكافل يكوم ويطيح _ يستمع زينب تصيح
        يابو فاضل  _ يابو فاضل
________

يابو فاضل لا تعوف أختك وحيده ..
حسين كطعوا منحره وحزوا وريده ..
عوف  نهر  ألعلكمي يا أبن الصميده ..
عمري بعد فراك وجهك ما أريده ..

ما متت كونك جريح_ يستمع زينب تصيح
       يابو فاضل  _يا بو فاضل

_1

يألجبتني ويه ألضعن ما عودتني ..
وحيده امشي بين وادم شتمتني ..
سياطهم عباس هدت خويه متني ..
و ألسلاسل ياخو زينب عذبتني ..

وصلي صوتي يريح _ يستمع زينب تصيح
    يابو فاضل ____ يابو فاضل

_2

حركوا  خيام العقيله وسلبوا  رقيه ..
طحنه  يم  وادم  فلا  بيهم  حميه ..
وين  أخوج  ألكافل  يشمتون  بيه ..
وآنه حرمه بلا أخو ومجتوفه أديه ..

عألنهر تبقى طريح _ يستمع زينب تصيح
       يابو فاضل _ يابو فاضل
_3

حافيه وتركض أخيتك تدري بيها ..
وحركت ألنيران زينب جف  أديها ..
تمشي  باجر  والخلك تنظر عليها  ..
تبجي النوك على زينب والبجيها  ..

راسك كبالي ذبيح _ يستمع زينب تصيح
     يابو فاضل يابو فاضل
_4_

بصوت صاحتلك رقيه وتهمل ألعين   ..
بالجثث تتعثر و ركضت للحسين      ..
تمددت يم صدره ذاك الصار نصين    ..
و نايم بصفه الكفيل بلايه جفين       ..

يمك آنه أرد استريح _ يستمع زينب تصيح
      يابو فاضل __يابو فاضل

_5

يارقيه  لوذي  بيه  وخل  نودعه    ..
راح اخوي حسين ابد مامنه رجعه ..
راح صوتي وما أضن عمه يسمعه   ..
يضل  ثلث  ايام  ما واحد  يشيعه  ..

ياهو لترابه يزيح _ يستمع زينب تصيح
     يابو فاضل  _  يابو فاضل
_6

♧ عامر ألحمداني ♧

قصيدة لزهراء ع

بألباب لاذت فاطمه ودفعوا الباب عليها ..
جان الرسول يقبله لو راد يكصد ليها ..
كسروا ضلعها الضلام _هدموا ركن للأسلام ..
ويه المهدي ياشيعه بدمع خلونه أنواسيها ..


عالزهره من ضاك الهوا والضلع ضل ياذيها
عالكاع طاحت والسفر بين يوسفه عليها ..
الحسنين من ليها أعتنوا وزينب تدنت ليها ..
محنيه وتهل الدمع و النار تسعر بيها

زينب تكلها دخيلج _ حاجيني فدوة لحيلج
يا يمه مو مالت يتم و أبنيتج تخليها ..


ألجف ألسطر بنت ألنبي رد لطف وعاداها    ..
طك بت ألحسين ألنذل وبيده ألخيم وجاها ..
حز نحر أبوها تشاهده و بذبحه ضل يتباها ..
فوك ألرماح بلا ذنب مت عيني حيل أذاها ..

شفتي المصاب بعينج _ يالزهره الله يعينج

شاهدتي زينب عالهزل مجتوفه و ميسريها ..
_

عبد الله من صابه السهم ياوسفه فاض بدمه
من شاف أبوه الوحده أتنخى بالمحسن عمه
تعناله من باب السما أيقبله و يشتمه
بهداي خاف على النحر النبله خاف تلجمه

عمي ألعطش أذاني _ وكل هذا ما هماني ..
بس برقية آنه أهم خاف ألعده تأذيها

_

يألمهدي يا ثار ألترد أدريك جمرة بكلبك
ضلع أمك ألزهره أنهشم الله يساعد صبرك
لساعة ضهورك تنتظر و أدريك حاير بأمرك
يعين الله كلبك سيدي و يعظم الله بأجرك

بحسره ودمع تنعاها _ ألزهره الأجل وافاها
نار  بدليلك  تشتعل  بس  ثارك  يطفيها



بكل مجلس آنه تخيلك تحظر وتجري الدمعه
تذكر مصيبة فاطمه و صوت الونين نسمعه
تكعد وتلطم عألصدر على مصابها أضل تنعه
و للزهره يالمهدي بدمع تشعل بأيدك شمعه ..

شمعة حزن شعلوها _ لأم الحسن واسووها

مولاتي كل هاي ألخدم بنص دفترج سجليها

_

على أم الحسن ينصب عزه وتهمل دموع عيونه
و المقتل يقيمه ألكمر وأملاك الي يحيطونه
ويلطم حسين على الصدر والحسن ضايع لونه
وزينب وابوها ألمرتضى للمصطفى يعزونه

بين الضلع والبسمار _ من حركوا الباب بنار
يا وسفه عالزهره الضلم بعد النبي مر بيها ..

____

جبريل واملاك السما تبجي لمصاب الزهره   ..
مكتوبه أبنص العرش مجلس عزاء العتره     
تلطم اولادج فاطمه وتجري الدموع بعبره   ..
بس الكمر لا ما لطم معذور أديه منبتره       ..

يبجي وتهل عيونه _ يمه أخوته يحضنونه
يحضنهم أبيش وأديه بطف كربلاء مكطعيها ..

_

عامر ألحمداني