سلام عليكم
اذ اقرا كلاميات فيزياء +احياء+كيمياء الوزارية اضمن ١٠٠ بالوزاري ؟

اريد اجل عربي لان ما دارسة الادب والقواعد نصه واخاف اجل اول شيء اهلي ما يقبلون ثاني شيء والهم اخاف من اخلص امتحانات ابقة افكر بالنتائج وما اقرأ🥲

تضمنين من ٩٥ الى ٩٩ ، القرار تابع الج ومالج دخل بهلج لان انتِ اعرف بمصلحتج

عادي اركز اكثر شي ع المراجعات مركزه مال الاساتذه المعروفين مثلا حسن القريشي وحبيب الجنابي

لا انصح بالمراجعة المركزة لمن يريد ال١٠٠ و الطالب يستفاد منه بعد مايكمل مادة يراجع بيه واما اذا درجة نجاح عادي اعتمد عليه .

اريد اركز فقط ع وزاريات كل المواد خلال فترة المراجعة او الصراحة ناوية اعتمد عليهن ومن شفت كلامك اطمئنيت لان جنت خايفة شويه من هالناحية لان أريد معدل 🥲

الطالب يحلم يشوف المعدل العالي اذا مايحل ويختبر نفسه بالوزاريات .

اي طالب ما عنده وزاريات يكدر يحصلهن من العرض 👇
https://www.tg-me.com/AHA250/3998
وسعر منافس ويختلف عن المكاتب (مصلحة الطالب تهمنا ) .

شون أكَدر أتخلص من التوتر
دا يأثر على دراستي هوايه.

الثقة بالنفس

استاذ شنو رئيك بالمراجعه كل مووضوع اكمله اقرا وزارياته او اخلص الفصل كامل بعدين اقرا الوزاريات ؟

ممتاز

الافضل تكملين المادة وبعده تراجعين

اني جنت مثل هيج وقت طالبة سادس وهسة اني جامعة ولحمدالله حققت حلمي وهسة من داشوفك ترد على الطلاب دمعت عيوني والله شكد شعور حلو ان شاء الله مبقة شي وتحسون نفس شعوري وحرفيا تصير سوالف .. شكرا هواي استاذ الف شكر الك ..✨

السلام عليكم
رسالتي لست من طالبة سادس وإنما هية رسالة إلى طلبة السادس... كونوا على يقين تام بأنه "هوة الذي اختاركم لهذا الطريق فإما سِيُسرِه لكم او يعينكم عليه لكنكم ستصلون لا محالة". بالتوفيق ان شاء الله لدفعة 2025 انتو أبطال وگدها ان شاء الله،
انا هم كنت طالبة سادس ومريت بظرف كلش صعبة بفترة المراجعة والحمدلله كلها عدت وانا هسة طالبة جامعة مرحلة الثالثة بقى شهر وامتحن وانجح ان شاء الله للمرحلة الرابعة
َنصيحتي الكم ادرسوا لا تضيعون وقتكم حالياً وقتكم كلش ثمين والتزموا بنصائح استاذ عباس، الي يطبق نصائح استاذ عباس هوة الربحان وانا لو مانصيحة الاستاذ بفترة الأمتحانات كان ماكملت امتحانات و ماوصلت للمكان الي انا فيه حالياً وطالما حلمة فيه في السابق شعور جداً عظيم انو الإنسان يرتدي حلمه وانا نضميت الي قناته من دخلت السادس بقيت اسمع النصائح واطبقها والحمدلله نجحت وراح اتخرج وانا بعدني اسمع النصائح وبالتوفيق لكم جميعاً

وشكرا الك استاذ على جهودك وربي يوفقك.

اطلب من الله غيث تعليمه و تربيته و حبه و تهذيبه .. ينزل عليك الغيث .

خلي روحك خضراء بذكر الله ازرع كل يوم وردة بروحك حتى تثمر روحك و تصير بستان الحسنات و اسقيه بذكر الله و زيارة عاشوراء ... و إلاتكون روحك عبارة عن صحراء ..

روحك كل ماتكون خضراء راح تتوفق بدراستك و جهدك و الله مايضيع تعبك ..

عندك وقت تكدر تستعد بيه حتى تكمل المواد وتحقق هدفك ما دام روحك خضرة  ..

لازم تعرف مشاكلك و تعالجه حتى تلزم نفسك و تصنع المستحيل ..

الاستاذ عباس فاضل المنصوري

صباح الكيمياء مليء بالطاقة والتفاعلات الإيجابية!
ابدأ يومك كأنك ذرة هيدروجين تبحث عن ذرة أكسجين لتصنع معها ماء الحياة.
كن كالإلكترون، دائم الحركة، تنشر النشاط في كل مكان.
وتذكر أن كل يوم هو فرصة جديدة لتفاعل إيجابي يصنع معادلة النجاح!

صباحك توازن مثالي بين الطاقة والحيوية!

الاستاذ عباس فاضل المنصوري

✳️انتبااه..‼️

▪️مجلس الوزراء يصوت على الدخول الشامل للامتحانات الوزارية للمرحلتين المتوسطة والإعدادية بجميع فروعها للعام الدراسي الحالي 2024- 2025.

#لا_تيأس أبدا دائمًا خلي عندك امل بالله في كل شي ابد لا تيأس #مجرد أن تيأس #تعني أسأت الضن بالله ، في جميع المجالات الحياة، دام الله موجود كل شي صعب يصير ويتحقق ، وتنفتح

#قولة_تعالى (( قَالُوا بَشَّرْنَاكَ بِالْحَقِّ فَلَا تَكُن مِّنَ الْقَانِطِينَ
وَمَن يَقْنَطُ مِن رَّحْمَةِ رَبِّهِ إِلَّا الضَّالُّونَ ))

العرب #يكولون من الباب للكوسر فرج

#الشاعر يقول ((وَقَد يَجمَعِ اللَهُ الشَتيتَينِ بَعدَ مايَظُنّانِ كُلَّ الظَنِّ أَلّا تَلاقِيا))

يتصورون بأن كل شي توقف وكل شي انتهى ونهاية الدنيا ....الخ وبعدها يأتي الفرج من الله مبهر

" لاتهتم للشغلات الزغيرة اكو هواي اشياء اهم منها "

يقول عيسى (ع) في انجيل يوحنا

ابحث عن الحقيقه وستقوم الحقيقه بتحريرك