.

البـارت 50 ••


أنـتِ حـبـي ❤️




خالد: ما اخبار حمزه؟

عماد: حاكيته امس يسلم عليكم

خلدون: قد الخبير عيسافر بعده

خالد ابسر لعند نبيل: صدق عتسافر؟

نبيل: ان شاء الله

خالد: الله يسهل لك ويزوجك

خلدون: اهم شي الزواجة

نبيل: اكييد
.
.


بالولاد لميس لبست المصر الطالعي والنازلي وكانت اول مره تلبسه

لميس: كيفو يا اروى سابر؟

أروى: الا حالي ما شاء الله عليش

الجده انيسه: هيا نزف الوالده ماعد باقي

أروى: قد حاكيت الممولده وقد عتبدأ الزفه
.
.

الليل روح عماد وهو مخزن بالغرفه دخلت لميس

لميس: كيف وقعت؟

عماد بدون مايبسرها: حالية

لميس انكسفت وسكتت

بعد خمس دقايق عماد وهو بيشتغل باللابتوب: قد تعشيتي؟

لميس: الحمدلله

عماد:  خلاص افعلي لي عشاء

لميس: ايش تشتي افعلك؟

عماد: ايش ماكان

لميس غيرت ملابسها وخطيت للمطبخ
.
.

اليوم الثاني ساروا كلهم عند نجلاء عشان تبسر يوسف

نجلاء حضنته وبتبوسه: وانا فدا لابني الصغير

عماد قرب جنبها: انا ابنش الصغير انا

نجلاء ضحكت: وعتجلس صغيري الحالي طول عمرك

اكرم: واحنا

نجلاء: كلكم عيالي واحبكم سوا

محمد: كلنا عيالش صح لكن تحبينا سوا ماشي

اكرم: عماد حبيب القلب

عماد: بس حسد قد خليت لكم ابي امي حقي وحدي وحضنها

نجلاء: الله يحفظكم لي ويوصلني لما ابسر عيالك

عماد: عادو بدري ياغالية

نجلاء: متى ما اشتيكم ماانا قد معي اثنين سنافر حبهم ملان قلبي

محمد: لما يجي ابن عماد عيشل قلبش كله

نجلاء: يووه على قد اخوه حسد ومحساده

عماد بريحمه: اشهدي عليهم يماه

نجلاء: الله يهديكم بس
.
.

بعد مرور اسبوع

تمت سنه على زواجهم

لميس وهي مكسوره بتقول لنفسها بدل مانحتفل بعيد زواجنا ونسافر بننفصل عن بعض وللأبد يارب صبرني وعوضني خير مابين اهم قلبي ولا مشاعري بين اهم ابي كيف عتكون صدمته  وتنهدت يارررب

الجدة بتدق باب الغرفه حقها: افتحي يا لميس

لميس بسرعة مسحت دموعها وخبت الشنط تحت السرير عشان لاتبسرهن وفتحت الباب

لميس: ايوه ياجده

الجده انيسه: ادخلي مااجابرش

لميس خافت ودخلت معها وجلسين

الجده انيسه: يا بنتي ماقد وحمتي لذلحين؟

لميس: ماشي ياجده

الجده انيسه: ليش؟

لميس استغربت: ماقد كتب لنا الله

الجده انيسه: مارأيش نسير غدوه عند الدكتورة

لميس: طيب استأذن من عماد ونسير

الجده انيسه: لا لاتحاكيه ولا شي عنسير بسرعة ونرجع

لميس عشان ترضي جدتها: إن شاء الله شابسر
.
.

بعد ماروح عماد

لميس: عمادي

عماد: خير

لميس: جده انيسه قالت اسير غدوه معاهم عند الدكتورة

عماد: تسير اروى معاها وخلي جوليا عندش

لميس: مافهمت، مقصدها اسير عند دكتوره نساء لاني ماقد حملت

عماد: ليش عاد وانتي بتشربي علاج؟

لميس: اسير او لا

عماد: مااشتيتي

لميس: شاسير عشان ارضيهم

عماد: تمام
.
.

اليوم الثاني
سارين عند الدكتورة ولميس كانت تبسر النسوان الحوامل وتتمنى تحمل ويكون معها طفل بس اي حين عيتحقق حلمها

عماد ماسارش العمل سار يجهز اوراق الطلاق وباقي اشياء بسيطه وينفصلوا وقرر عماد يحاكي ابوه اليوم وغدوه يطلقها وينتهي هذا الكابوس


عند الدكتورة فعلت للميس جهاز وفحوصات ووجه الدكتوره مايبشر بالخير ولميس توترت

الدكتوره: كم قد لش متزوجة؟

لميس بتوتر: سنة

الدكتوره: طيب قد حملتي وسقطتي من قبل او لا؟

لميس زاد توترها: لا

الدكتوره: بتستخدمي مانع حمل؟

لميس: لا

الدكتور بشك: متأكدة من كلامش

الجده ابسرت لعند لميس

لميس: خير مافيني؟

الدكتوره مسكت يد لميس: اسمعي يابنتي هو كله خير

لميس شويه وتبكي بتهز راسها وهي ساكته

الدكتوره: صلين على النبي

اللهم صلّ وسلم وبارك على سيدنا محمد

الجده انيسه: ما بها تحاكي؟

الدكتوره: بنتش ماتقدر توحم يمه مشيئة الله

انصدمين لميس نزلين دموعها ومسكت على فمها وكلام الدكتوره بيرن في اذنها

الجده انيسه: ما قلتي ماعد بين اسمعش سوا؟

الدكتوره: بنتش ماتقدر تخلف

الجده انيسه: مش بنتي هي مرة حفيدي
وكيف مابتخلف؟

الدكتوره ابسرت لميس بتبكي وما حبت تزيد لها الوجع: هذا الكرت حقي تجي هي وزوجها وان شاء الله خير

الجده انيسه شلت الكرت وروحين والصدمه مبينه عليهن ولميس دموعها ماوقفين

وصلين البيت لميس بسرعة دخلت غرفتها وبدون ماتغير ملابسها ارتجمت فوق السرير وبتبكي بحرقة وتلفونها بيرن وشهقاتها بترتفع

علياء كانت بالصاله ابسرتها واستغربت وشافت للجده: ما للميس؟

الجده انيسه: ادي لي العلاج حقي قد ارتفع لي الضغط

علياء ادت لها العلاج بسرعه وبداخلها مية سؤال وماحد جاوب على أسئلتها
.
.

عماد وصل ابسر لميس متغطيه تحت البطانيه

عماد: لميس لميس

لميس بتفعل نفسها نوم وهي كاتمه بكاها
.
.

وقت الغداء الكل مجتمع على طاوله الاكل الا لميس راقده

علي: ليش ماجيت العمل؟

عماد ببرود: سرت اكمل إجراءات الطلاق

اڪملنا بارتات هذه الليله........


كما يسعدنا ارائكم وتعليقاتكم في تعليقات القناه
وشكرا علا متابعتكم لنا وانتضرو باقي الروايه 🤍

ضروري التفاعل يامتابعين 🙂💔

الجزء الــخامس ⇣✭

.

البـارت 51 ••


أنـتِ حـبـي ❤️




وقت الغداء الكل مجتمع على طاوله الاكل الا لميس راقده

علي: ليش ماجيت العمل؟

عماد ببرود: سرت اكمل إجراءات الطلاق

الكل انصدم وابسر لعنده

علي بضبح: جننت او مه ،ليش تطلقها ؟

عماد بضبح: هكذا مزاج
لاحبيتها ولا اشتيها وانا قلت لك من اول يوم مااشتيهاش

علياء بتبسر لعند اكرم وهي مصدومه بعكس اكرم اللي بياكل ولافي حسه ومحمد نفس الشي

علي: اعقل ياابني واتقرص العافيه عتموت ابوها انت
وانت داري ان به القلب والا لا

عماد: داري مابين افعل ولاعيقع به شي

علي: تشتي تتزوج ازوجك غدوه لكن تطلقها لا ياعماد

الجده انيسه: وانت مادخلك ياابني
يطلقها والا يتزوج عليها هو اخبر بروحه

الكل استغرب من الجده اول مره تدافع على عماد

علي: رجاء لاحد يزيد يجننه هو مجنون من غير شي

عماد بضبح وبصوت رافع: ايوه مجنون

الجده انيسه: خليه يطلقها ايش معه منها لابتخلف ولاشي وهو قال مابيحبهاش الله معاها تسير بيت ابوها

عم الصمت والعيون كلها لعند الجدة

عماد بصدمه وخوف: ماقلتوا؟

الجده انيسه: سرنا اليوم عند الدكتورة وقالت لنا ان لميس ما تقدرش توحم

عماد بدون ماينطق حرف قام من فوق الطاوله بسرعه ومبين عليه الصدمه وسار غرفته

علياء افتهم لها كل شي ليش لميس كانت بتبكي وليش الجده كانت ضابحه


عماد دخل الغرفه لميس سمعت الباب وسكتت عماد ابسرها تحت البطانيه بعدها من فوقها وهي مغطيه وجهها بيداتها وبتبكي عماد مصدوم ومش فاهم حاجة

عماد بصوت متقطع: مالش ليش بتبكي؟

لميس ارتجمت لحضنه وبكيت

عماد حضنها بقوة وهو خايف ومصدوم ليكون كلام جدته صدق


بعد ربع ساعه هدأت لميس شويه عماد جاب لها ماء وبيشربها

عماد: مالش؟ ليش بتبكي؟ احكي لي؟ فهميني

لميس ببكاء: مستحيل اوقع ام ياعماد

عماد: مابش حاجه مستحيلة

لميس حكت له كل شي بالتفاصيل

عماد: الدكتوره معروفه صح

لميس وهي بتبكي: ايوه

عماد: خلاص غدوه نسير انا وانتي عند اشطر دكتورة في صنعاء وانا متأكد انش بخير وعتوقعي احسن ام

لميس ابسرت لعنده والدموع بعيونها

عماد مسح دموعها بيده

عماد: انا قلت لازيد ابسر عيونش الحاليه تبكي

لميس سكتت وبتحاول تدي لنفسها امل لليوم الثاني وبتدعي بداخلها انو يطلع كل شي سمعته اليوم كذب وانها بخير وعتخلف وعتوقع ام 
.
.

اليوم الثاني ساروا عند الدكتورة وجاء دورهم دخل عماد معاها

عماد: السلام عليكم

الدكتورة: وعليكم السلام تفضلوا

الدكتورة: ايش مشكلتكم؟

عماد مكنها الفحوصات حق لميس عشان تبسرهن: امس مرتي فعلت فحوصات وطلع انها ماعتقدر توحم وجينا عاسب نتأكد اكثر

الدكتوره: طيب وحقك اين هن؟

عماد عقد حواجبه

الدكتورة: كم لكم متزوجين؟

عماد: سنة

الدكتورة: قد وحمتي من قبل؟

لميس والدموع بعيونها ابسرت لعند عماد

عماد: ايوه

اصلا يادكتوره جاء الحمل في وقت غير مناسب فقررنا ننزله ونصبر سنه سنتين لما نتفاهم 

الدكتوره: اللي فعلتوه غلط
وابسرت للميس: انتي داريه انو يمكن كلام الدكتورة يطلع صحيح

لميس بكيت

عماد ضبح: لو سمحتي ممكن ما تجرحيها اكثر

الدكتورة: انا مابين اجرحهاش انا بين اقول لكم الصدق

سكتوا

الدكتوره: خلاص عنعيد الفحوصات حقش وانت تفعل هذا الفحص وارجعوا غدوه

عماد بضبح: ايش دخلني افعل فحص؟

الدكتورة: ضروري عشان نفهم حالتها اكثر

عماد قام: طيب مع السلامة

خرجوا من عندها وعماد متضايق وضابح


وهم بالسيارة

عماد: اسمعي والله ما افعل الفحص الا عشانش وعشان اتأكد من صحتش

لميس والدموع بعيونها وهي ساكته وتحس لو تتكلم عتبكي هزت راسها بمعنى تمام وسكتت

عماد ابسرها: لميس بطلي بكاء رجاءً

لميس بكيت

عماد متضايق وضابح: ياالله خراجك من هذا اليوم

لميس بتبكي وشهقاتها بترتفع اكثر واكثر

عماد: ماشاسير بقعه الا لما تسكتي وتمسحي دموعش مسرع فقدتي الامل

لميس مواصلة البكاء


بعد عشر دقايق

عماد تضايق: بنضيع وقت على الفاضي اسكتي عاسب نسير  نفعل الفحص

لميس شويه وسكتت شربت ماء وبتحاول تكون هادئه

فعلوا الفحص وروحوا العصر


في غرفتهم قربت لهم الشغاله الغداء

لميس: شابعه

عماد ضابح ومايشتي يضبح فوقها: مش وقت الغنج كلي عاسب لاتدوخي صايمه من امس

لميس بتحاول تاكل وتدعي انو يطلع كل شي سليم وتقدر تخلف

لميس: متى عيخرج الفحص؟

عماد: غدوه بعد الغداء ونرجع للدكتوره عصر

لميس سكتت وكل ماتتذكر انها ماتقدر تكون ام تبكي

عماد: قوا يا لميس اوجعتي قلبي لاتزيدي تبكي خليش ايجابيه تفاءلوا بالخير تجدوه

لميس هزت راسها بمعنى تمام ومسحت دموعها بسرعه
.
.

اليوم الثاني رجعوا للدكتوره وهي بتبسر الفحوصات حقهم

الدكتوره: انت بخير الحمدلله

عماد ضابح ومتضايق

الدكتورة بتبسر الفحص حق لميس

الدكتورة ابسرت لعند لميس: ...

.

البـارت 52 ••


أنـتِ حـبـي ❤️



اليوم الثاني رجعوا للدكتوره وهي بتبسر الفحوصات حقهم

الدكتوره: انت بخير الحمدلله

عماد ضابح ومتضايق

الدكتورة بتبسر الفحص حق لميس

الدكتورة ابسرت لعند لميس: استخدمتي منع حمل

لميس: ايوه حبوب 

الدكتورة: طيب كيف نزلتي الجنين؟

عماد:  كنا مسافرين المانيا وبعدين عرفنا بالحمل وسرنا عند دكتوره وكتبت لها علاج للاجهاض

الدكتورة: معاكم الاوراق؟

لميس خرجتهن من شنطتها

الدكتورة: هي قالت لش تستخدمي حبوب منع حمل ؟

لميس: لا

الدكتورة ارتزحت للكرسي وكأن بداخلها كلام

لميس توترت

الدكتورة: انتم غلطتم لما فعلتي اجهاض وانتي كبرتي الغلطه لما شربتي حبوب منع حمل
وما اقدر اقلش شي غير الله يعينش ويشفيش

عماد بتوتر: كيف يعني مابش علاج ولا حل

الدكتوره: للاسف لا حتى لو حاولتم تفعلوا اطفال انابيب احتمال ضئيل تحملي

وانا اقول لكم هذا الكلام ولو هو صدمة كبيره لكم وماشكذب عليش وادي لش علاج بس هذا مكتوب لش من الله ولازم تتحملي عواقب غلطتش

لميس ساكته وحست الدموع متحجرات بعيونها

عماد مصدوم وساكت قاموا ودعوا الدكتورة وخرجوا


روحوا البيت بخيبه امل كبيرة وعماد نادم وتأنيب الضمير بياكله ولميس بتبكي من اول مادخلت السيارة

بعد ماوصلوا البيت عماد جلس جنب لميس وعيونه ملان دموع حس انو السبب بكل شي

عماد وعيونه ملان دموع  مسك ايديها وعيونه بعيونها المورمات من البكاء: سامحيني يا لميس انا السبب.. لو ما اجبرتش تسقطي انش بخير انا سبب تعاستش وسبب بكائش انا نادم قوووي سامحيني

لميس سكتت اول مره تبسر عماد هكذا: ليش اسامحك وانت ماغلطت الغلطه غلطتي انا، وانا اللي اتحمل نتيجتها انا اللي شربت العلاج بنفسي ماحد غصبني وانا اللي شربت حبوب منع الحمل بدون ما اقول لك او استشيرك لاتحس بالذنب لانك مافعلت شي

عماد سكت

لميس قامت مسحت دموعها وخرجت الشنط حقها من تحت السرير وكملت تلف ملابسها واشياءها وعماد بيبسرها وهو ساكت

لميس: ماعتنتهي الحياة الآن واتمنى نكمل من حيث ماوقفنا

عماد على الرغم من كلام لميس الا انو بيحس بتأنيب ضمير شديد: لا ماعنكملش يا لميس وامر الطلاق انسيه

لميس كم كانت تتمنى تسمع هذا الكلام من قبل بس الآن كل اللي تشتيه انها تمشي وبس ومستحيل ترضى لعماد يعيش بدون اطفال عشانها ولو انو مايحب الجهال بس اكيد انو يشتي يكون اب ومن اللي مايشتي يكون ام واب جلست فوق السرير ورجعت تبكي

عماد جلس جنبها: خلاص يالميس بسش بكاء قد شابكي معش هلكتي روحش هذا قدرنا ولازم نرضى به

لميس حاولت تقوي نفسها ومسحت دموعها وقامت وبصوت باكي: هذا قدري انا وحدي ولو سمحت ياعماد خلينا ننهي هذا الزواج لاني تعبت

عماد: انتي الآن منفعله اهدأي وخلينا نتفاهم

لميس طنشت كلامه وجلست عند التسريحه وبتلف مكياجها للشنطه

عماد: عتسخي تفلتيني وحدي

لميس التفتت لعنده: عمرك ماحبيتني ولا تشتيني او كنت تشتيني وانا داريه انك بتقول هكذا لانك حاسس بالذنب بس ارجع و اقول لك انك ماغلطت ولافعلت شي  وانا السبب باللي انا فيه

ولو سمحت ياعماد خلينا ننفصل وكل واحد يعيش حياته وصدقني ان كسري عينجبر وشاوقف على ارجلي واعيش حياتي وحدي بس احتاج وقت  وانت عيش حياتك وربي يسعدك بقدر ماحبيتك

عماد سكت وحس ان الكلمات هربت منه


وبعد يوم متعب ومحزن كل واحد طرح راسه فوق مخدته ونام


اليوم الثاني
وقت الصبوح العائله كلها مجتمعه فوق الطاوله والعيون لعندهم مبين عليهم الحزن والتعب والكل عارف السبب وساكت

لميس كملت اكل ودخلت الحمام تحممت ونشفت شعرها ولبست وجهزت كل شنطها واشياءها

عماد جالس يبسرها وهو ساكت

لميس لبست البالطو: ممكن ننهي علاقتنا ياعماد وتطلقني بدون مشاكل

عماد: لا

لميس: لو سمحت ياعماد

عماد ابسرها لميس ابتسمت غصب وبداخلها ميت وجع

عماد: متأكده من قرارش؟

لميس: ايوه

عماد: وعمي احمد؟

لميس: لا تخاف عليه انا جنبه
 
عماد ساكت ومتردد يطلقها او لا

لميس خرجت تسلم على علياء واروى وتودعهن وصل السواق وعماد خرج الشنط ورجع لغرفته

لميس رجعت الغرفه تودعه

لميس: مع السلامة يا عماد عمري ماعنسى حبك ولا طيبة قلبك ولا حنيتك والله يوفقك ويسعدك

عماد سكت شويه و بزعل: الله يوفقش باللي احسن مني ويقدر النعمه اللي عيحصل عليها و لو تحتاجي شي انا موجود

لميس ساكته وامتلين عيونها بالدموع خلست الدبله وطرحتها في يده وخرجت وعيونه بتلاحقها

ابسر الدبله بيده وزعل عليها ورجع امتد وهو مقهور وظل يفكر بها لما غلبه النعاس ورقد


لميس بالسياره انفجرت بالبكاء كانت تبكي والدموع تنهمر على وجهها
وصلت البيت وارتمت بحضن امها

عائشه بخوف وقلق: مالش يا ضنايا؟ من غثاش؟

لميس من وسط بكاءها: ماعاد اقدرش اوقع ام ولا اقدر احضن عيالي

عائشه انصدمت: ما بتقولي؟

.

البـارت 53 ••


أنـتِ حـبـي ❤️




ببيت علي
اكرم بيدق غرفة عماد

عماد نكز: ايوه

اكرم: هيا غداء

عماد قام: يله

ابسر الدبله بيده تنهد وقام وهو زعلان عليها
خرج وجلس معاهم بيتغدوا والكل ساكت

علي: وين لميس؟

اروى بزعل: سارت بيتهم

علي ابسر لعند عماد ورجع دعممه

عماد اكل شويه وقام غرفته لبس وخرج
.
.

ببيت احمد
بعد ماروح احمد من العمل ابسر حالة بنته وزعل عليها

لميس بغرفتها بتحاول ترقد عشان تنسى همها

احمد: ليش قد لفت لداتها كلهن؟

عائشه: قالت ماتشتي ترجع

احمد: الله يقويش يابنتي جاء المرض في نقطة ضعفها

عائشه: الحمد لله هذا شي من الله ولا اعتراض على حُكمه

احمد تنهد: الحمدلله

عائشه: اهم شي تقوي نفسك عشانها لو تبسرك هكذا عتتعب اكثر

احمد: كلامش صح

عماد وصل عند امه دخل غرفته وجلس فوق السرير وبيبسر الدبله حقه بيده

نجلاء دقت الباب ودخلت: وين لميس؟

عماد خلس دبلته وهو ساكت

نجلاء: مالك؟

عماد: نادم يمه ليت ماتزوجتها ولا اوجعت لها قلب

نجلاء خافت جلست جنبه: ليش ماقد وقع؟

عماد كلمها بكل شي وهو غاثي

نجلاء بتحاول تقويه: ياابني هذا مكتوب لكم من الله وانت ماغصبتها على شي وقد سامحتك

عماد: لو سمعت لكلامش وماسافرنا انو كل شي تمام 

نجلاء: كلمة لو من عمل الشيطان وقد وقع اللي وقع

عماد سكت

نجلاء: قوم توضأ وصلي وانسى هموم الدنيا واحمد الله واشكره

عماد قام

نجلاء: الله يرضى عليك ويسعدك يارب

عماد: يارب
.
.


بعد مرور اسابيع 
وعماد مارضي يطلق لميس لانه متردد من قراره
واحمد مرض يومين ورجع تباخر


في بيت علي بالصاله

علي بيلاعب يوسف وهو فارح وعلياء جالسه معاهم

علي: باقي ازيد ابسر ابن محمد

علياء: ان شاء الله

عماد وصل من العمل

عماد: السلام عليكم

علياء: وعليكم السلام

علي قلب وجهه ومابيحاكي عماد من لما خرجت لميس من البيت

علي ابسر عماد جلس معاهم رجع يحاكي يوسف: يله سير عند ماماه وانا اطلع افتهن لي شويه

عماد مقهور من ابوه: شاقوم انا اجلسوا بس
وقام غرفته

علياء زعلت عليه

محمد وصل وابسر عماد ساير غرفته: هيا نتغدى

عماد: تغدوا انا شابع شتغدى بعدين

اكرم: مش وقت النوم تغدى وارقد

عماد: الحمدلله
ودخل غرفته

وصلوا الصاله: السلام عليكم

وعليكم السلام

محمد جلس: ما لعماد مكبود ؟

 علياء ابسرت لعند عمها علي وهم فهموا انو ابوهم قد له فترة مابيحاكيش عماد ولا بيعتبره موجود في البيت

محمد: مش هكذا ياباه المفروض توقف معه مش عليه، يكفيه الهم اللي فوقه

علي: ايش من هم؟

اكرم: طول عمرك تعامله بقساوة وتمشي كلامك عليه ولا حتى مرة سألته ايش يشتي او مابنفسه

علي: لاني داري بمصلحته وبين اختار له الطريق الصح

محمد: انت لو تخليه يختار الطريق اللي يشتي انو بيتعلم من اخطائه

علي: ماذلحين يختار مااشتى لاهو ابني ولا اعرفه

عماد كان ساير المطبخ يشل له ماء سمع كلامهم واقتهر من ابوه رجع غرفته لف اشيائه المهمه وقرر يسير عند امه ويهتم بها احسن ما يعيش عند اب لايشتيه ولا يهتم براحته

وخرج من البيت وقرر يبدأ صفحة جديدة ويعيش حياته صح

عماد سار عند امه وحاكاها انو عيجلس عندها  ومايشتي يرجع البيت او الشغل وعيبدأ حياته من جديد


ولميس بتحاول تخرج من حالة الاكتئاب وملاك دائما معها وبتساندها
.
.

الليل عماد اتصل لنبيل يخرج معه وحددوا مكان التقوا فيه

نبيل وصل وعماد جالس وحده: ما معك تشتيني هذا السع؟

عماد: ولاشي قلت نجلس نتجابر ونلوي

نبيل: تجابر مع مرتك مش انا فاضي لك

عماد ابسر يده وسكت

نبيل ابسره مطنن ومابحد الدبله

نبيل جلس جنبه: ضيعت الدبله حقك؟

عماد: رجمتها

نبيل استغرب: ليش ياسعم انها ببلاش

عماد بجديه ويشتي احد يفضفض له: مرتي سارت بيتهم

نبيل بهدوء: تصايحتوا؟

عماد قام: هيا نسير عند خلدون

نبيل مد يده: قومني

عماد دخل ايديه جيب الجاكت ومشي: قوم نفسك

نبيل قام ومشي معه لعند خلدون
وصلوا

خلدون ابسرهم: ايش اداكم قد صاحب المحل ضابح منك لاتزيد تجي هانا

عماد ضحك: فهو الوجه الاعلاني حقكم

خلدون: وجه النحس قد صاحب المحل بيهددني انو عيطردني لو احد جاء يتجابر معي او يجلس هانا

نبيل: طز بك انت وصاحب المحل ولا ازيد اجلس عندك رجع عملك اهم من صاحبك

خلدون: ايوه اهم منك

عماد: عاد انا بين اقول شاجي اشتغل معك

خلدون: قدك عند ابوك احسن لك من الجعجعه

عماد سكت

خلدون استغرب وابسر لنبيل ونبيل بيأشر له انو مش فاهم

خلدون: كمل دوامي اغلق المحل ونخرج نتمشى

نبيل: والعشاء عليك

خلدون ضحك: تمام

.

البـارت 55 ••


أنـتِ حـبـي ❤️



عماد: سيري عند ابوش يخرجش

جوليا: ماااعه اشتي اجي معك

اروى: خرجها معك

عماد: شخرج ادي ماء ماشسيرش اتفرط

أروى: حرام عليك قديه فاقده لك خرجها قواا

عماد بقلة حيله: هيا واشبحي بيدي مش تهربي
وابسر لعند اروى: لو ضاعت مشو عليا

أروى: هي عتمسك بيدك ولاعيوقع شي
.
.

عند لميس بتطبخ وصفه جديدة

احمد فرح انها بدأت تتغير وترجع لطبيعتها: الله والشم الحالي ايش طبختي لي اليوم ؟

لميس: وصفه جديدة ان شاء الله تعجبكم

احمد: كل شي من يدش حالي

عائشه بمزح: من حين جت لميس ولاعاد مليت عينك

احمد ضحك: بتغاري من بنتش

عائشه حضنت لميس: محد يغار من نور دنيته

لميس حضنتها وتحمدت الله على امها وابوها اللي دائما واقفين جنبها
.
.

عماد وهو ماشي ابسر نبيل وسلم عليه

نبيل: من اي حين بتخرج مع الجهال ؟

عماد:  بنت اخي محمد بكيت بعدي

نبيل بيتحيلى لها: ما اسمش ياحالية؟

جوليا بفصاحه: جوليا وانا كبيره عمري اربع 
ورفعت باصابيعها اربع

نبيل ضحك عليها:  مسرع كبرتي كنتي بعرس عمش صغيره وعجماء

جوليا كشرت

عماد: وين انت من عرسي قد لنا سنه ونص

نبيل: الله يجبركم

عماد: يجبر الجميع
متى عتسافر ؟

نبيل: الاسبوع الثاني إن شاء الله

عماد: الله يسهل لك ولو تحتاج شي حاكيني

نبيل عارف بظروف عماد وانو بدون عمل وكوده بيخارج روحه: ماتقصر

عماد: جي اتغدى معانا

نبيل: سهل مرة ثانية

عماد: هيا  لاتخزاش البيت بيتك

نبيل: لابين اخزا ولاشي بس معي مشوار مهم

جوليا بتسحب عماد: هيا عمو

عماد: خلاص الله معك نلتقي غطوه

نبيل: خاطرك

جوليا: عمو اشتري لي هذه اللعبه

عماد بحب: حاضر من عيوني
.
.

في بيت علي
كنان بيتصايح مع ليان على التلفزيون

كنان: ابعدي اشتي ابسر الحلقة

ليان: من اول وانت بتبسر ذلحين دوري هات الريموت

كنان: مابش بين اقول لش ابعدي

ليان: وانا ماااعه والله ماابعد

كنان يشتي يرجمها بالريموت بعدت ورجم الشاشه لما كسرها

علي سمع الصوت وخرج

علي وهو ضابح وبصياح: من كسر الشاشة

ليان بخوف اشرت لعند كنان

علي وهو ضابح مسكه من اذنه وبيصيح فوقه

مرته سمعت وخرجت بسرعة

مرته هزت كنان لحضنها: مالك عليه عتموته ايش فعل لك 

علي: عيموت من ايش؟
ابسري كيف كسر الشاشه صدقيني مااشتري لكم شي لوما  تتعلموا الادب

مرته: عيموت من الضرب كلما يضبحوك عيال نجلاء تبرد ضبحك فوقي انا وعيالي

علي وهو ضابح: انا قلت لاتتدخلي بهم ولايتدخلوا بش

مرته: مسرع  نسيت انو انا اللي ربيتهم وكبرتهم

علي بصوت رافع وهو في قمة ضبحه: اللي يسمعش عيقول انو صدق.. عمرهم ماابسروا منش خير

مرته بتمثيل بكيت وشلت عيالها وسارت غرفتها وقفلت الباب

علي جلس وهو يتذكر كيف كانت تحارش على عياله وهو يضربهم حتى بدون مايسمع لهم وكانت دائما تقله ان التربيه بالضرب لكن لما يصيح او يرفع صوته فوق عيالها تجنن عليهم وماتخليه حتى يضربهم ولو غلطوا حس بندم شديد انه كان يصدقها
.
.

العشي روحوا البيت وعلي كان مخزن عند امه بعد ماتصايح مع مرته

جوليا حملت لحضنه وبتوريه اللعبه حقها

علي: حاليه من اشتراها لش؟

جوليا: عمو عماد

الجده انيسه: ابسرتي عماد؟

جوليا: ايوه وجلسنا معه نضحك ونلعب وخرجني واشترى لي اللعبه حقي

علي: ما قالش عيروح البيت؟

جوليا: قال عيجلس عند ماماه نجلاء لانها تحبه
وببراءة الاطفال قالت: بس ما لقيت عمه لميس
قال عمو انها عند امها وابوها

أروى: جوليا جي اغير لش ملابسش والبسش البجامه

جوليا باست جدها وخرجت بسرعة

علي سكت وبيتذكر لما تزوج نجلاء كيف كانت حياته تعيسه لانهم ماتفاهموش وكانوا كل يوم يتصايحوا وابسر حياة عماد مع لميس دائما تذكره بحياته مع نجلاء وحس انو ظلمه وكان همه زلطها وورثها وما اهتم بسعادة ابنه

وحتى لما كان يشتي يطلقها عارضه ولما سارت بيتهم كيف قلب عليه رجع عماد فلت كل شي وخرج يدور سعادته حس بتأنيب ضمير والمفروض يوقف مع ابنه لانو اكثر شخص عارف بمعاناته لانه مر بنفس المعاناة
.
.

ببيت نجلاء سامرات مع عماد

عماد: اين الريموت؟ نبسر الاخبار

الجده حوريه: خلينا نبسر الحلقه حقنا بعدين نقلب لك الاخبار

عماد: من اي حين بتبسروا تركي ياجده

الجده حوريه: او مايسبر الا لكم 

عماد بمزح: مقصدي قدش عجوزه

الجده التفتت لعنده: عجوزه في عينك انا  شيخه 

عماد: ليش شيخه؟

نجلاء: شيخه من شيخوخه
وضحكت

عماد: ناهي لكن عجوز عجوز قالت شيخه

الجده حوريه مطنشه له ومندمجه مع المسلسل

عماد قلب القناه الجده التفتت لعنده وبتضربه بالعصا حقها

الجده حوريه بصياح: رجع

عماد بيضحك على جدته: تمام

عماد: كم رقم القناة؟

.

البـارت 54 ••


أنـتِ حـبـي ❤️




ملاك قررت تمسي عند لميس

ملاك وهي بتقلب بتلفونها وممدده فوق السرير: يابنت به محل اكسسوارت يجنن جي نسير غدوه 

لميس عند التسريحه بتمشط شعرها: مابش نفس للخرجه

ملاك قامت جلست وبضبح: بسش يالميس لمتى عتجلسي هكذا؟ تعبتينا معش عم احمد ولا زد افتهن من حين رجعتي تشتي تموتي ابوش قهر عليش

لميس امتلين عيونها بالدموع: نفسي اكون ام

ملاك زعلت عليها وقامت حضنتها: خلاص يا لميس هذا قدر ومكتوب لش ولازم ترضي به

لميس هزت راسها بمعنى ايوه

ملاك: حاولي تخرجي من هذا الاكتئاب شوفي كيف خاله عائشه وعمو احمد غاثيين عليش

لميس: بحاول عشانهم

ملاك: لازم تقوي نفسش

لميس: إن شاء الله
.
.

عند عماد

نبيل يشتي يعرف ما بداخل عماد: ليش مرتك سارت بيتهم؟

خلدون انصدم وسكت عشان يسمع الرد من عماد

عماد: ضبحت مني وسارت لها وابي قالب عليا رجعت فلت له كل شي ومشيت

خلدون: الله يعينك

نبيل: المفروض تصبر عليك انت زوجها

عماد: قد صبرت وتعبت وسارت وانا الصدق ماكنت احبها ولاشي بس زعلت عليها

خلدون: وانت ليش تزعل عليها هي سارت بنفسها

عماد: ماسارت الا عشاني

نبيل: حصل خير اللي حصل حصل واهتم باللي يهتم بك وبس

عماد: وانا قد قلت هكذا وجيت عند امي اوبه لها ماعد معي غيرها

خلدون: والعمل كيف عتفعل؟

عماد: تعبت مع ابي عمل الشركه صعب ومتعب وليت بين القى حق تعبي
شادور لي عمل بأي بقعه ماشحنبش

نبيل: اسأل اللي ادرى منك لي سنتين البج ولا حصلت عمل سع الناس

عماد: عيسهل الله

خلدون: الله يسهل لك
.
.

وبعد مرور اشهر وعماد تحسنت حالته النفسية ورجع لحياته وحيويته بس دائما لميس في باله وكل مايكون مبسوط يتذكرها وان هو سبب تعاستها واللي هي فيه يرجع يزعل


اما لميس بتحاول ترجع سعيده قدر المستطاع وترضى بنصيبها

عماد مع نبيل يومية خرجه وتخازين ومبسوط على الاخر

خالد لقيهم وسلم عليهم

عماد: حيا وينك مغيب؟

خالد: بنطلب الله

خالد: قد انتوا واصل مع بعض

نبيل: شاسافر وافلته مسكييين

عماد: مع ورور

خالد: ما لقيت من تساير الا هذا المدبر

نبيل: ما ذلحين قد انا مدبر  يرحم الله ايام العيزبه كنت تجي لباب بيتي تراشني اخرج معك

خالد ضحك: خلاص قد نسينا هذيك الايام وعقلت وقد شاوقع اب

نبيل بفرحه: امااااانه

خالد: او شاكذب عليك

نبيل: الف الف مبروووك والله وكبرت وقدك عتوقع اب

خالد بفرحه: إن شاء الله

عماد شاف فرحة خالد وتذكر لما حملت لميس وكيف كان متضايق ومهموم وتذكر لما لميس قالت له الناس بيفرحوا وانت بتقول هم

عماد بفرحه عشان خالد: الف مبروووك ياغالي

خالد: الله يبارك فيك عقبالك

عماد سكت

نبيل بمغالطه: عتخزن اليوم؟

خالد: إن شاء الله

عماد: خلاص نخزن جمعه

خالد: تمام
وودعهم وروح بيته

عماد اشترى قات ورجع البيت دخل المطبخ عند امه: اغسلوا لي القات

نجلاء: عتفتهن لك يوم من القات تميت زلطك عليه

عماد: هو لان اليوم شاخزن مع اصحابي وبعدا هن بالف ياسعم ايش عتفعل لي الالف 

نجلاء: انت بتخزن معاهم يوميه والاف فوق الاف يدي مية الف 

عماد: هيا لهرم النسوان

نجلاء ضحكت عليه

عماد: ايوه هكذا فرفشوها
وخرج من المطبخ
.
.


علي فقد لعماد ولحسه بالبيت كان دائما يضحك ويزبج معاهم والبيت هادئ بعده والعمل متراكم لانو ماحصل احد يمسك عمله

علي: وينو عماد؟

محمد: جالس عند امي بيوبه لها

علي: كيف هو مفتهن؟

اكرم فرح ان ابوه بيسأل عليه: ايوه

محمد: خرجه ومفراغه وتخازين يوميه اكيد مفتهن 

علي: مشو ناوي يرجع البيت ويرد مرته

محمد: والله ماادي لكم علم

اكرم: مابيتحاكاش 

علي تنهد ونفسه يرجع للبيت بس مستحيل يتنازل ويتصل له
.
.

بعد يومين كانوا مجتمعين في بيت نجلاء

محمد بيحاكي عماد: ابي يسلم عليك

عماد بعدم تصديق: الله يسلمك

اكرم: والله انو صدق بيسأل عليك

عماد: مابلا بيسأل اذا شارجع لميس والا لا

سكتوا وعماد عرف ان كلامه صح وسكت

جت أروى: لو تبسر كيف البيت ظلمي بعدك

عماد: سرجي اللمبه

أروى: يخ والزبج البايخ

وجلسوا يتجابروا ويضحكوا جوليا كانت جنب عماد وكل مايضحك او يبتسم تطرح اصبعها مكان الغمازه

عماد ابسر لعندها: عجبتش

جوليا ضحكت

شويه عماد تضايق منها ابسر لعندها وهو مبهرر وبيضحك

عماد: لو تزيدي تطرحي يدش في وشي لاقحصش

اروى: بتتحيلى لك

عماد: قد خزقت وشي باصباعها

نجلاء: اخرج اشتري ماء

عماد بكسل: ليش كل شي عليا

نجلاء: قوم من الكسل حقك

عماد قام: عاد انتوا تشتوا شي ماشخرج مرة ثانية

نجلاء: ماشي سير وارجع بسرعه عاسب نتغدى

عماد بيلبس جزمته وجوليا مسكت يده تخرج معه

عماد: سيري عند ابوش يخرجش

جوليا: ماااعه اشتي اجي معك

اروى: خرجها معك

عماد: ...

.

البـارت 55 ••


أنـتِ حـبـي ❤️




عماد: سيري عند ابوش يخرجش

جوليا: ماااعه اشتي اجي معك

اروى: خرجها معك

عماد: شخرج ادي ماء ماشسيرش اتفرط

أروى: حرام عليك قديه فاقده لك خرجها قواا

عماد بقلة حيله: هيا واشبحي بيدي مش تهربي
وابسر لعند اروى: لو ضاعت مشو عليا

أروى: هي عتمسك بيدك ولاعيوقع شي
.
.

عند لميس بتطبخ وصفه جديدة

احمد فرح انها بدأت تتغير وترجع لطبيعتها: الله والشم الحالي ايش طبختي لي اليوم ؟

لميس: وصفه جديدة ان شاء الله تعجبكم

احمد: كل شي من يدش حالي

عائشه بمزح: من حين جت لميس ولاعاد مليت عينك

احمد ضحك: بتغاري من بنتش

عائشه حضنت لميس: محد يغار من نور دنيته

لميس حضنتها وتحمدت الله على امها وابوها اللي دائما واقفين جنبها
.
.

عماد وهو ماشي ابسر نبيل وسلم عليه

نبيل: من اي حين بتخرج مع الجهال ؟

عماد:  بنت اخي محمد بكيت بعدي

نبيل بيتحيلى لها: ما اسمش ياحالية؟

جوليا بفصاحه: جوليا وانا كبيره عمري اربع 
ورفعت باصابيعها اربع

نبيل ضحك عليها:  مسرع كبرتي كنتي بعرس عمش صغيره وعجماء

جوليا كشرت

عماد: وين انت من عرسي قد لنا سنه ونص

نبيل: الله يجبركم

عماد: يجبر الجميع
متى عتسافر ؟

نبيل: الاسبوع الثاني إن شاء الله

عماد: الله يسهل لك ولو تحتاج شي حاكيني

نبيل عارف بظروف عماد وانو بدون عمل وكوده بيخارج روحه: ماتقصر

عماد: جي اتغدى معانا

نبيل: سهل مرة ثانية

عماد: هيا  لاتخزاش البيت بيتك

نبيل: لابين اخزا ولاشي بس معي مشوار مهم

جوليا بتسحب عماد: هيا عمو

عماد: خلاص الله معك نلتقي غطوه

نبيل: خاطرك

جوليا: عمو اشتري لي هذه اللعبه

عماد بحب: حاضر من عيوني
.
.

في بيت علي
كنان بيتصايح مع ليان على التلفزيون

كنان: ابعدي اشتي ابسر الحلقة

ليان: من اول وانت بتبسر ذلحين دوري هات الريموت

كنان: مابش بين اقول لش ابعدي

ليان: وانا ماااعه والله ماابعد

كنان يشتي يرجمها بالريموت بعدت ورجم الشاشه لما كسرها

علي سمع الصوت وخرج

علي وهو ضابح وبصياح: من كسر الشاشة

ليان بخوف اشرت لعند كنان

علي وهو ضابح مسكه من اذنه وبيصيح فوقه

مرته سمعت وخرجت بسرعة

مرته هزت كنان لحضنها: مالك عليه عتموته ايش فعل لك 

علي: عيموت من ايش؟
ابسري كيف كسر الشاشه صدقيني مااشتري لكم شي لوما  تتعلموا الادب

مرته: عيموت من الضرب كلما يضبحوك عيال نجلاء تبرد ضبحك فوقي انا وعيالي

علي وهو ضابح: انا قلت لاتتدخلي بهم ولايتدخلوا بش

مرته: مسرع  نسيت انو انا اللي ربيتهم وكبرتهم

علي بصوت رافع وهو في قمة ضبحه: اللي يسمعش عيقول انو صدق.. عمرهم ماابسروا منش خير

مرته بتمثيل بكيت وشلت عيالها وسارت غرفتها وقفلت الباب

علي جلس وهو يتذكر كيف كانت تحارش على عياله وهو يضربهم حتى بدون مايسمع لهم وكانت دائما تقله ان التربيه بالضرب لكن لما يصيح او يرفع صوته فوق عيالها تجنن عليهم وماتخليه حتى يضربهم ولو غلطوا حس بندم شديد انه كان يصدقها
.
.

العشي روحوا البيت وعلي كان مخزن عند امه بعد ماتصايح مع مرته

جوليا حملت لحضنه وبتوريه اللعبه حقها

علي: حاليه من اشتراها لش؟

جوليا: عمو عماد

الجده انيسه: ابسرتي عماد؟

جوليا: ايوه وجلسنا معه نضحك ونلعب وخرجني واشترى لي اللعبه حقي

علي: ما قالش عيروح البيت؟

جوليا: قال عيجلس عند ماماه نجلاء لانها تحبه
وببراءة الاطفال قالت: بس ما لقيت عمه لميس
قال عمو انها عند امها وابوها

أروى: جوليا جي اغير لش ملابسش والبسش البجامه

جوليا باست جدها وخرجت بسرعة

علي سكت وبيتذكر لما تزوج نجلاء كيف كانت حياته تعيسه لانهم ماتفاهموش وكانوا كل يوم يتصايحوا وابسر حياة عماد مع لميس دائما تذكره بحياته مع نجلاء وحس انو ظلمه وكان همه زلطها وورثها وما اهتم بسعادة ابنه

وحتى لما كان يشتي يطلقها عارضه ولما سارت بيتهم كيف قلب عليه رجع عماد فلت كل شي وخرج يدور سعادته حس بتأنيب ضمير والمفروض يوقف مع ابنه لانو اكثر شخص عارف بمعاناته لانه مر بنفس المعاناة
.
.

ببيت نجلاء سامرات مع عماد

عماد: اين الريموت؟ نبسر الاخبار

الجده حوريه: خلينا نبسر الحلقه حقنا بعدين نقلب لك الاخبار

عماد: من اي حين بتبسروا تركي ياجده

الجده حوريه: او مايسبر الا لكم 

عماد بمزح: مقصدي قدش عجوزه

الجده التفتت لعنده: عجوزه في عينك انا  شيخه 

عماد: ليش شيخه؟

نجلاء: شيخه من شيخوخه
وضحكت

عماد: ناهي لكن عجوز عجوز قالت شيخه

الجده حوريه مطنشه له ومندمجه مع المسلسل

عماد قلب القناه الجده التفتت لعنده وبتضربه بالعصا حقها

الجده حوريه بصياح: رجع

عماد بيضحك على جدته: تمام

عماد: كم رقم القناة؟

.

البـارت 56 ••


أنـتِ حـبـي ❤️




عماد: كم رقم القناة؟

الجده حوريه بضبح: خمسه رجع بسرعة

عماد:  مارضي يقلب الريموت ماافعل

الجده حوريه بضبح: اقلب يالغجه

عماد بيضحك على جدته امه هزرت الريموت ورجعت لامها

نجلاء: عتبطل الفقعسه حقك

عماد وهو يضحك: لا

نجلاء كانت فرحه لفرح ابنها وكلما تبسره يضحك تحس بسعادة كبيرة

عماد طرح راسه بحضن امه ونجلاء بتلعب بشعره

الجده حوريه: هيا اقلب الذي تشتي كملت الحلقه

عماد قدو منعس وساكت

الجده حوريه: ياسعم عادو جاهل تحكحكي له خليه يقوم يرقد

نجلاء: عيجلس بنظري جاهل لوما يشيب

عماد خرج لسانه لجدته بمحانكه

الجده حوريه: عيزكيك الله عقلك

عماد ضحك وحاسس براحة نفسية وسعادة وحنان وهو مع امه بس بيحس بحاجه ناقصه حياته لميس كيف شكلت فراغ كبير بعد مامشيت معقوله هو بيحبها بس ليش جاء له هذا الشعور الآن ليش ماحس بها من قبل
ورجع يفكر فيها
.
.

اليوم الثاني

لميس: قد شاخطى يمه

عائشه: الله معش

لميس: عنسير السوق ناقصكم شي؟

عائشه: ايوه اشتري لي بلسم للشعر

لميس: من عيوني

عائشه مسكت وجه لميس: تسلم عيونش الحالية

لميس على طول تذكرت عماد

ملاك: هيا تأخرنا

عائشه: سوقي دلا

ملاك: حاضر ويمكن نتغدى خارج

عائشه: براحتكن
.
.

عماد مع نبيل مثل كل يوم

عماد: يا اخي كيف حياتك ممله ضبحت

نبيل: حياتي عتتغير واسافر وانت اللي عتكون حياتك ممله

عماد: اديت لي الجنان بالسفر حقك وبيقلده  شاسافر شاسافر

نبيل ضحك: بتحسدني صح

عماد: على ايش ياسعم عتسافر سويسرا انت هانا جنب اذني بالسعودية

نبيل: ايش اصطبحت اليوم بتتقارح فوقي بدل ماتدلعني وبمحانكه قد شاسافر

عماد: اي حين يشلوك الجن وتسافر وافتهن منك

نبيل قام: ماعد باقي الا تقوم تضربني
خاطرك

عماد قام بعده وبجديه: بس شافقد لك

نبيل ابسره وابتسم: داري

عماد: اين عنسير؟

نبيل: ايش رايك نسير شارع ال... عادهم فتحوا مول جديد وقريبي معه محل هانك

عماد: طيب نسير بسيارتي

نبيل: تمام
.
.

احمد سار لشركة علي ودخل لعنده للمكتب بعد السلام والكلام

احمد: يا اخي علي لو سمحت حاكي عماد يطلق لميس

علي انصدم ماكان عارف انو ماطلقهاش: ليش الطلاق؟ خلينا نحل مشاكلهم بدل ما نعقدها

احمد: والله نفسي ترجع لكن البنت مصممة وما اشتيش اقهرها اكثر

علي ابسر كيف احمد مهتم بنفسية بنته: ليش مصممة على الطلاق ؟

احمد: من بعد ما عرفت بمرضها قالت ماتشتي تظلم عماد معاها

علي تنهد وما يشتي يقهر عماد ويكسره اكثر: خلاص انا شاحاكي عماد واتفاهم معه واصلا مايسبرش تجلس البنت هكذا ( قصده لا مطلقه ولا مزوجة) 

احمد: تسلم يا علي طول عمرك اصيل

علي ابتسم له
علي: اهم شي راحة عيالنا 

احمد: اي والله
.
.

بالمول وهو زحمة

ملاك: ضبحت هيا نروح زحمة

لميس: ليش اديتينا هانا؟

صاحبة مها: عادو فتح قلت نبسره

مها: هيا نروح قد فيني ضيق

ملاك: هيا نخطى لعند السياره لاني جنبتها بعيد

لميس: قد ارجلي بيوجعني سيري انتي واحنا عننتظر لش هانا

ملاك: تعالي يامها معايا

مها قامت: شافعل لكن رنه وانتين بسرعة مش نجلس مراعيات ساعه

صاحبه مها: تمام


شويه مها بتتصل لهن

صاحبه مها: هيا قدهن خارج

لميس قامت معاها

صاحبة مها مقفيه وبترفع الكيس حقها من الارض فجأه اصطدمت بعماد مع الزحمه

عماد انحرج قوي: العفو يا اخت

ووطى يدي لها الاكياس حقها 

صاحبة مها ولميس مبرقعات وعماد ماعرفش لميس لانه مارفع نظره يبسرهن

صاحبه مها: آسفه انا الغلطانه

عماد وهو محرج وماابسرهاش: سهل
ومكنها الاكياس حقها ومشي

صاحبة مها فرحت وشلت الاكياس وخرجين

لميس ضبحت: عمياء ما بتستضيش

صاحبة مها: مالش بعدين ماقال شي
والتفتت تبسره

صاحبة مها: وسييم يجنن ليت وانا شلتيت رقمه

لميس قلبت عيونها ونار الغيرة بتأكلها: قليلة ذوق

صاحبة مها زعلت: انا بين امزح من الخباله


وصلين السيارة

مها: لكن ساعه بتتمخطرين

لميس بضبح: قولي لصاحبتش تكون تبسر الطريق سوا

ملاك: ما حصل ؟

صاحبة مها زعلت من لميس: لو سمحتي بطلي يا لميس

لميس حست على نفسها واعتذرت
لها

مها: ماحصل؟ خير

صاحبتها: كنا خارجات ومع الزحمه اصطدمت بولد حالي ولميس بتحسدني

مها ضحكت عليهن
.
.

نبيل: ليش تاخرت؟

عماد: جنبت السياره بقعه سوا وجيت
.
.

علي روح البيت وقد مرته علمت عيالها يعتذروا له

كنان باس راس ابوه
وليان باست يده وراسه واعتذروا

علي: الله يرضى عليكم
لكن تلفزيون مابش لما تتموا المدرسة

ليان: ان شاء الله

مرته جت: يله سيروا ذاكروا وحاكوا للشغاله تقرب الغداء لباباه

جلست جنب علي وهي داريه به مستحيل يعتذر لها فدعممته احسن ماتخسره

مرته: كيف العمل معك؟

علي: تعب عماد...

.

البـارت 57 ••


أنـتِ حـبـي ❤️



مرته: كيف العمل معك؟

علي: تعب عماد فلت كل شي وسار والعمل متراكم حتى شارجع بعد الغداء

مرته: بدل مايعتذر لك يفلت ويمشي

علي: رجاء لاتتدخلي بهم

مرته سكتت عشان لايعصب
.
.

العشي علي روح من العمل هو ومحمد بالسيارة

علي: حاكي لعماد يروح ويرجع للعمل تعبنا سيره ورجعه

محمد: طيب وانت ياباه زيد له الراتب قدو بيتعب

علي:  ان شاء الله
انت داري جاء عمك احمد اليوم وقال يشتوا ورقه الطلاق

محمد: عنسير غدوه عند امي واحاكيه يرجع العمل وانت حاكيه من الطلاق

علي: طيب
.
.

اليوم الثاني

بالصبح عماد خرج مع نبيل مثل كل يوم

نبيل: قد حددت السفر بعد ثلاث ايام

عماد: ليش ماتتقدم لبنت عمك قبل ماتسافر واجمع المهر وروح تزوج وافتح لك مشروع انت وحمزه هانا احسن من الغربه

نبيل عجبته الفكره: تعجبني لما تشغل عقلك

عماد ضحك: عقلي شغال واصل هو انت اللي يشتي لعقلك انعاش

نبيل طرح يده فوق رجل عماد: ارجع علمني كيف بتشغله

قام: اروح احاكي ابي وقدو غدوه جمعه ولاتنسى ما تجي الخطبه غدوة

عماد ضحك على حماسه: واثق من نفسك

نبيل: اكيد خاطرك

عماد: الله معك

امه اتصلت له يشتري مصروف لان اخوته عيتغدوا عندهم

عماد روح ودخل المطبخ ومعه المصروف وهن بيتجابرين والجده حوريه بالصاله جنب المطبخ مع محمد واكرم وجوليا

يوسف بحضن امه يشتي عند عماد

عماد: حيا حيا وحضنه

أروى: داري انك عتخرجه

عماد بيطيره للجو ويمسكه وهو يضحك

نجلاء: عادو شابع لا تجعجعه

عماد مسك بطنه: كبرت وقد معك كرش

الجده حوريه سمعته: قول ما شاء الله

عماد وهو بيضحك: يابو كريش يابو كريش وينبعه للهواء
ويوسف بيضحك

الجده حوريه بصياح: رجيت الولد

عماد جلس معاهم بالصاله وبحضنه يوسف

جوليا: كم عمر يوسف؟

اكرم: سته شهور

محمد: مسرع بتمشي الايام

فجأة يوسف رجع لفوق عماد

عماد صاااح: يععععع جي شل ابنك

جوليا ضحكت عليه وعلياء شلته تغير له

عماد قام وهو متغاثي غير ملابس ورجع

عماد: يف ياحمار ولا ازيد اشلك

اكرم:  تستاهل انت اللي بترقصه من اول وهو شابع

محمد ضحك عليه

الجده حوريه: تعود لما يجوا عيالك

عماد: ما اشتيش جهال

الجده حوريه: بين اقولك بطل الخبر هذا من غير شر عليك عيرجع ربي يحرمك من الجهال

عماد تذكر لميس وسكت

جوليا قربت جنبه: انت داري ياعمو اللعبه حقي عجبت جدو قووي اشتري لي واحده ثانيه

عماد: يشتري لش ابوش صاحب المليارات

محمد ضحك: شكلك حراف

عماد: لا والله معي لكن ما اشتيش اخرج

محمد بجديه: ليش ما ترجع العمل تعبنا ملاحقه؟

عماد ساكت وبيلهي نفسه بتلفونه

محمد: ابي قال ارجع العمل ويشتي يحاكيك بموضوع مهم

عماد ابسر لعند محمد: ان شاء الله
.
.

ببيت نبيل

نبيل: هيا ياباه حاكي عمي عزيز اليوم

امه دخلت: بأيش يحاكيه؟

ابو نبيل: يشتي نخطب له منال

امه: لاقدك ناوي تتزوج صدق نخطب لك بنت اختي سمر امانه انها مثل القمر

نبيل ضبح: ما اشتي الا منال

ابوه بضبح: خلاص اهرمتني قوم ادي التلفون

نبيل فرح وقام

ابو نبيل اتصل لاخوه وبعد السلام

ابو نبيل: يا اخي الصدق انت تعرفني مش انا حق لف ودوران

عزيز: مابنفسك يااخي

ابو نبيل: مابلا نبيل جنن بي قال يشتي بنتك منال على سنة الله ورسوله

عزيز فرح: ما اقلك الا كل خير البنت بنتكم ونبيل ابني واعرفه بس ازيد اسأل البنت والله يكتب لنا الخير

نبيل بيشاور ابوه: قله عنجي غدوه

عمه سمعه وضحك: حيا بكم

نبيل انحرج وهو مبسوط


يوم الجمعه تموا الخطبه حق نبيل ومنال والكل كان فارح

نبيل اشترى لهم الدبل بس لان مابش وقت وعيسافر وامه واخواته عيشترين بقية الاشياء 
.
.

يوم السبت
قرر عماد يرجع الشركه لانه ماحصل عمل وعشان يرضي ابوه

بالصبح سار الشركه والعمل حقه متراكم وروح بعد انتهاء الدوام
.
.

ببيت احمد

احمد: قد حاكيت علي انش تشتي ورقة الطلاق

لميس ساكته

عائشه: ليش ماحاكيت عماد؟

احمد: مدري اينو مختفي مالقيته بالشركة

لميس حست انو عند امه لانه كل ماتضايق او يزعل يسير عندها

احمد: ليش انتي ساكته او زعلتي؟

لميس نكزت: ولا شي وهذا اختياري ماشزعلش

عائشه: الله يستخير لش ما فيه الخير

لميس: يارب
.
.

ببيت علي

علي: شانزل اتغدى عند امي

مرته: قد الغداء مقرب وعادك امس تغديت عندها

علي: شتغدى اين ما اشتي ونزل

مرته دعممته وجلست تتغدى مع عيالها

علي: وين عماد؟ مايجي يتغدى

الجده انيسه: ليش قد جاء؟

اكرم: ايوه جاء اليوم للعمل بس روح عند امي قال صاحبه عيسافر غدوه يودعه ويجي 

علي نزل يتغدى عشان يبسره ويحاكيه
علي ابسر لمحمد: حاكيته اني اشتي احاكيه

محمد: ايوه قال عيروح غدوه بعد العمل لهانا

علي: خير

.

البـارت 58 ••


أنـتِ حـبـي ❤️




اليوم الثاني الصبح

عماد وخلدون وخالد بيودعوا نبيل

عماد سلم على نبيل وابسر الدبله بيده: الف مبروووك

نبيل: الله يبارك فيك ليش ماجيت؟

عماد: مابش داعي لجيتي وانتم الاهل بس 

خالد: على ايش بتبارك له ؟

عماد رفع يد نبيل

خلدون ابتسم: والله وسبرت لك

نبيل فارح وكلهم بيباركوا له

عماد حضنه: سلم على حمزه قوي

خالد سلم عليه ورجع حضنه: الله معك توصل بالسلامة

خلدون سلم عليه: توصل بالسلامة

نبيل: خلاص لاتبكوش بعدا شابطل السفر

ضحكوا عليه وودعوه وكل واحد سار بعد عمله
.
.

عماد رجع الشركه ابسر كيف الدنيا مخبوصه والعمل متراكم ضبح وكمل عمله لنهاية الدوام وروح البيت

علي ماسارش الشركه شل امه عند الدكتور
.
.

الساعه 2

علي جالس مع امه بيرويها العلاج وجوليا بتلعب مع يوسف

جوليا ابسرت عماد

جوليا: عمو جاء
وحملت لحضنه

علي ابسره وفرح

عماد حضنها: مسرع فقدتي لي

جوليا: لاني احبك افقد لك بسرعة

عماد باسها ونزلها من حضنه وسار يسلم على ابوه وجدته

علي قام وعماد حضن ابوه وحب على راسه  ورجع سلم على جدته وجلس معاهم

الجده انيسه: وين انته؟ ولازد سمعنا لك حس

عماد: كنت عند امي

يوسف وقد بدأ يحبي شويه قرب من عماد

عماد: سير عند امك يكفي المره الاولة

اكرم شله: جي عند باباه
وبيعلمه يقول باباه

اروى ابسرت عماد: حيا

عماد: الله يحييش

أروى: هي قوموا نتغدى وبعدا نجلس
.
.

عند لميس

جالسه ترتب اشياءها ومكياجها بعد ما غيرت ديكور غرفتها

ملاك: وقعت الغرفه تجننن

لميس: مثل ما اشتي بالضبط

ملاك: وطلعتي ذواقه

لميس تذكرت عماد وسكتت

ملاك: خاطرش تأخرت

لميس: مسرع عادو بدري

ملاك: قد انا عندش يومية

لميس: اجلسي تغدي

ملاك: اسلمي مره ثانيه امي عتصيح من امس ممسيه عندش

لميس: الله معش وتعالي غدوه

ملاك ضحكت: اذا خلوني ازيد اخرج

ومشيت لميس سارحه وبتتذكر عماد وكم فقدت له وتتمنى انو يطلقها وتنساه
.
.

بعد العصر علي دخل غرفة عماد

علي: كيف انته؟

عماد استغرب: الحمد لله

علي: افتهنت

عماد عرف سبب السؤال انه هو افتهن بعد ما فلت لميس: ايوه

علي: خلاص ليش ما تطلقها؟

عماد سكت

علي:  جاء احمد لعندي وقال تطلق

عماد: قد الاوراق جاهزه باقي اوقع عليهن وامكنها

علي: خلاص وقعهن وشلهن غدوه لبيتهم وطلقتها والسلام

عماد: تمام

علي: عتخزن؟

عماد: ايوه قد اشترينا قات

علي: طيب انا مخزن بالمجلس

عماد: اصلي واجي

علي خرج وعماد شل اوراق الطلاق من الدرج ورجع شل قلمه
.
.

عماد قد عيوقع الورق رجع فكر بلميس كم كانت تحبه وهو السبب باللي هي فيه قرر يحاكيها ويعرف كيف حالها قبل ما يطلقها خرج تلفونه وضغط اتصال لكن طلع مغلق رجع لف الاوراق وصلى وخرج يخزن مع ابوه
.
.

بعد مرور اسابيع بدأ عماد يحس بفراغ كبير بحياته وكل شي بالغرفه بيذكره بها بس ليش ما كان يحس بهذا الاحساس من قبل وبيحاول يوصل لها عشان يكلمها ويطمن عليها بس ماقدر


اكرم بيدق الغرفه لعماد

عماد قام فتح له

اكرم: ياعماد اين مفاتيح المكتب؟

عماد: مدري اين طرحتهن؟

اكرم: دورهن انا بحاجتهن

عماد: طيب

جلس يدور بالدروج ورجع ذكر انهن بجيب الجاكت حقه بس مش ذاكر اينو بالضبط عماد بيفتش الجواكت حقه فجأة لقي الخواتم حقها وتذكرها وحس بشوق كبير لها ويتمنى يسمع صوتها 

خباهن ورجع يدور مفاتيح المكتب ومكن اكرم

.
.

بعد ايام

عماد تاعب من العمل والضغوطات دخل مكتب الموظفين وبيده الملف حقه وزع عليهم المهام حق غدوه ونسيه

عنود: عماد نسي الملف حقه

صاحبتها: شليه ومكنيه انتي لايضيع شكله مهم

عنود فتحت الملف وبتقرأ: اي والله مهم خلاص جي نمكن المدير محمد او اكرم

صاحبتها: قد روحوا قبل نص ساعه اصلا ماعدبش الا احنا

وخرجين
.
.

عند لميس وملاك

لميس: جي نتغدى في اي بقعه قد انا جاوعة 

ملاك: به هانا مطعم فخم ، جي اغديش احلى غداء

لميس: طيب بس ممكن نسرع

ملاك: يله
بس كيف عتاكلي بالبراقع مش انا داريه ماكلفش ربي تتبرقعي لاعدبه عماد يصيح فوقش ولاشي

لميس: مدري تعودت عليه واحس براحة اكثر وبعدا ايش دخلش

ملاك: وصلنا هيا نخرج
.
.

عند عماد بالسيارة ذكر ان هو نسي الملف ضبح ورجع بسيارته للشركه فجأة وصله اتصال من رقم غريب

عماد: الو

عنود: استاذ عماد

عماد: ايوه من معي؟

عنود: انا عنود موظفه عندكم بالشركه نسيت الملف حقك وهو معي فيه اوراق مهمة

عماد حس براحة: اسلمي اين انتي عشان انا بحاجته

عنود بتوصف له بيتهم: انا شاوصل البيت بعد عشر دقايق

عماد: طيب نلتقي بعد شويه


بعد نص ساعه عماد ضابح وماعرفش البيت اتصل لها

عنود: الو

.

البـارت 59 ••


أنـتِ حـبـي ❤️




بعد نص ساعه عماد ضابح وماعرفش البيت اتصل لها

عنود: الو

عماد: اينو بيتكم؟ ماعرفته

عنود: اين انت بالضبط؟

عماد: جنب مطعم ال...

عنود: قريب خلاص خليك عند المطعم وشاجي انا واخي بعد شويه

عماد: شكرا 

عماد دخل المطعم يطلب له اكل لانه ماتغدى فجأة سمع صوت ضحكتها  مستحيل ينسى هذا الصوت الا صوتها بيتمنى يسمعه من فترة فاقد لها من اعماق قلبه التفت وابسرها بيركز هي والا لا عرف عيونها فرح ومشي لعندها وهو مبتسم فرصة وجت ليده مستحيل يفوتها 

لميس ابسرته وتجمدت مكانها كم فقدت له ولابتسامته وغمازته الا هو شافته بيمشي لعندهن قامت بسرعة

ملاك: الى اين؟

لميس: شاسير الحمام بسرعه وارجع

عماد لحقها وبيداعيها

لميس دعممته ودخلت الحمام خرجت وهو منتظر لها عماد مشي لقدامها

عماد: كيف انتي؟

لميس وهي موطيه راسها: لو سمحت ابعد خليني امشي

عماد انصدم: ماعرفتيني انا عماد

لميس: لا ماعرفتك ولا اعرف احد بهذا الاسم

عماد اكتسف وبعد عشان تمشي زعل منها قوي بيرن تلفونه ابسر رقمها وخطرت بباله فكرة

عماد: ايوه ياعنود انا داخل بالمطعم

عنود وهي بالسياره: طيب انا في السيارة تعال للملف

عماد: صراحه ما اعرفش تعالي للمطعم واديه لي لو مابش مانع

عنود ضبحت: تمام وقفلت

اخوها: وينو؟

عنود: ريت وانا ماشليت الملف قال ادخل امكنه شاسير بساعتي وانت ريع لي هانا

اخوها: طيب

عماد طلب لهم اثنين عصير فراولة وجلس جنب طاولة لميس عشان تبسره وصلت عنود

عماد: تفضلي

عنود: شكرا اخي مريع لي فوق السيارة

عماد: ضروري تجلسي
خرج ورقه وقلم من جيبه: ما اسمش الكامل؟

عنود فرحت مادام سأل ايش اسمها اكيد بيفعل له ترقية جلست: عنود ال....

عماد: انتي ساعدتيني اليوم ولش مايرضيش

عنود طارت من الفرح وبتلمح له يرقيها عشان اجتهادها وعملها الدؤوب بالشركة

لميس كانت جالسه وحدها ابسرته معاها واشتعلت نار الغيرة وعماد بيحاول يطول الحديث مع عنود وبيضحك معاها عشان تبسره
لميس ماقدرت تصبر اكثر خطيت جلست جنبه

عنود استغربت: عفوا من انتي؟

لميس بضبح: انا اللي اسأل من انتي؟

عماد: هذه موظفه عندنا بالشركه ومن اوفى  الموظفين اتشكرش مرة ثانية

عنود فرحت بكلامه ومش عارفه انو بيجاملها عشان تغار لميس

عنود ابسرت لميس: وانتي تعرفي الاستاذ عماد؟

لميس بدلع: ايوه زوجي ومسكت يده

عماد فرح ونجحت خطته عنود حست بالاحراج وقامت مكنت عماد الملف

عنود: اخي مريعي لي خارج

عماد: نلتقي غدوة

ومشيت

لميس حست على نفسها وتشتي تقوم عماد مسك يدها

عماد: اين عتسير زوجتي؟

لميس: على فكرة حركة بايخة فلت لي

عماد: مستحيل ازيد افلت لش

لميس بغيرة: ومن اي حين بتشرب عصير فراولة

عماد ضحك: اشتريته عاسبش

لميس بتحاول تبعد يدها من يده لكن كان ماسك لها بقوة: فلت ليدي

عماد قام وهو ماسك يدها: تعالي نتفاهم بعدين افلت لش

لميس: اظن ان احنا اتفقنا على كل شي ومابش داعي للكلام وهذا كان قرارك

عماد: جي معي نتكلم على هدوء وروقان

لميس: نتكلم هانا اين نسير؟

عماد: هانا ازعاج نسير بالسيارة لمكان هادئ اشتي احاكيش ضروري

لميس: لو سمحت فلت لي اشتي اروح ولو معك كلام قوله لابي

عماد بترجي: تعالي معايا انا مااقدرش اغصبش على شي

لميس فلتت يده وقامت تمشي

عماد: لو لي معزه عندش تعالي معي ووعد اوصلش لباب بيتكم

لميس سكتت وقررت تمشي معه ويتناقشوا وتنهي هذا الزواج

مشيت معه لعند السيارة وعماد فتح لها الباب دخلت و مشيوا لمكان هادئ

لميس: ماتشتي تقول؟

عماد: فقدت لش

لميس سكتت

عماد قرر يعترف لها بكل مشاعره: انا آسف لاني ماقدرت مشاعرش وحبش لي وصدقيني اني نادم وحياتي بدونش فارغة يا لميس

انتي الانسانه الوحيده اللي فهمتني ودخلتي قلبي وتفكيري كله عندش صح اني فهمت مشاعري بوقت متأخر بس صدقيني اني فاقد لوجودش بحياتي

ومسك يدها: انا احبش يالميس 

لميس هزرت يدها: تميت كلامك روحني البيت

عماد  انكسف: بس ماقد تميت كلامي

لميس: كمل بسرعة

عماد بتردد:  لميس انتي راضيه ترجعي لحياتي ؟

لميس ابسرت لعنده والدموع بعيونها: لا

عماد اقتهر: لا تخليني وحيد انا مثل اليتيم بعدش فقدت لش ولروحش المرحة وطيبة قلبش ارجعي لي ونبدأ صفحة جديدة

لميس قوت نفسها: انا سمعتك الآن تسمعني
صح ياعماد اني حبيتك بس حبك انتهى وانا بدأت صفحة جديدة بدونك ومرتاحه وعايشه حياتي وانا مش فاقده لك ولمشاكلك
انا نسيتك وقفلت على صفحة زواجنا ومااشتيش افتح لقلبي مواجع جديدة

عماد زعل: انا آسف اوعدش ما ازعلش يوم ولاتنزل من عينش دمعة

لميس قاطعته: هذا نفس الكلام اللي كنت تقوله لابي وتروح تصيح فوقي وتجرح مشاعري مستحيل اصدقك ياعماد او ارجع لك

عماد: وانا..

.

البـارت 60 ••


أنـتِ حـبـي ❤️




عماد زعل: انا آسف اوعدش ما ازعلش يوم ولاتنزل من عينش دمعة

لميس قاطعته: هذا نفس الكلام اللي كنت تقوله لابي وتروح تصيح فوقي وتجرح مشاعري مستحيل اصدقك ياعماد او ارجع لك

عماد: وانا مستحيل اطلقش

لميس: اذا عد اخلعك
وبسرعه وصلني البيت لاني تأخرت

عماد بحزن: مسرع نسيتيني ونسيتي الايام اللي عشناها

لميس نزلت دمعتها وبصياح: ايوه نسيتك لانك بتوجع قلبي والايام اللي عشناها كانت اسوأ ايام بحياتي وماقد شفت منك اي حاجة حلوة
اكرهك اكرهك بقدر ماحبيتك


عماد انقهر وبهدوء حرك السياره ووصلها للبيت

لميس ابسرته وزعلت عليه: مع السلامة

عماد بدون مايرد دخل يده للجيب ومد يده لها

لميس ابسرت الخواتم حقها

عماد: كانين دائما يذكريني بش واظن مالهن داعي بعد الآن

لميس شلتهن وكانت الدبله حقها معاهن: اتمنى توصلني ورقة الطلاق هذا الاسبوع

عماد سكت وريوس السيارة ومشي وقد عيبكي حس قلبه اكتسر  ليش ماحس بقيمتها الا بعد ما خسرها تذكر كلامها وحس بغصه وشاف في عيونها كمية كره له


لميس روحت البيت بسرعه دخلت غرفتها بدون ماترد على امها وغلقت الباب وجلست تبكي بوجع
ليش قلت له هكذا ليش كذبت عليه كسرت قلبه وبكيت

عائشة افتجعت عليها بتدق لها باب غرفتها وهي مارضيت تفتح لها

جنب السيارة بمكان هادئ ومابش احد جلس يتذكرها وكيف كسر قلبها

عماد بضبح: استاهل استاهل انا فلتها من يدي انا كسرت قلبها شاكون وحيد طول عمري ونزلت من عينه دمعة وجع: انا السبب عمري ماقدرت حبها لي ودائما اجرحها اكيد عتفلتني
مسح دمعته وروح البيت وهو موجوع ومكسور من الداخل 
.
.

عند ملاك بالمطعم بتدور لميس مالقيتهاش وتتصل لها ومابترد وهي خايفة رجعت اتصلت لعائشه 

عائشه بخوف: ما للميس؟ ليش بتبكي هكذا ؟

ملاك حست براحة: قد روحت وانا ادورها

عائشه: مدري مالها؟ ايش وقع؟

ملاك: مش انا داريه شويه واجي

عائشه: طيب
.
.

عماد روح البيت وهو حزين ومكسور

علي: وين انت؟

عماد ومبين عليه الحزن: نسيت الملف ورجعت له

علياء: اقرب لك غداء؟

عماد: شابع اسلمي

دخل غرفته حس بغصه غير ملابسه وجلس يكمل عمله
.
.

وصلت ملاك

ملاك: وين لميس ؟

عائشه: بغرفتها بتبكي من حين جاءت ماوقع؟

ملاك: اختفت فجأة قالت عتسير الحمام وانا سرت اجوب امي بمكان هادئ ورجعت ومالقيتهاش

عائشه افتجعت وبتدق لها باب الغرفة واخيرا فتحت لهن الباب 

لميس ارتجمت لحضن امها وبكيت

لميس ببكاء: ما اشتيه ولا اشتي ارجع عنده حاكوه يطلقني

عائشه: وين ابسرتيه؟ وغصب عنه عيطلقش

ملاك تذكرت انها ابسرته بالمطعم بيمشي بعد لميس لما سارت الحمام 

ملاك: خلاص امسحي دموعش مابيستاهلش ولا يستاهل تبكي عليه
.
.

العشي
عماد ماقدر يرقد جلس يتذكر كلام لميس وهل يطلقها او لا ورجع يتقلب ويسمع صوت بكاء يوسف لاذان الفجر قام صلى ورجع رقد من التعب

.
.

الصبح احمد رجع البيت لانه كان عند مرته الاوله

عائشه حكت له كل شي

احمد: وليش ماتتصلي لي ؟

عائشه: سهل المهم ذاحين تحاكي عماد يطلق بنتي وريحنا من هذا الهم

احمد: انا شاتصله اليوم ياطلقها ياخلعناه

عائشه وقد عتبكي: لو تبسر كم بكيت امس قطعت قلبي ليت وماتزوجت ولا عرفنا بمرضها

احمد: خلاص وانتي هذا مكتوب لنا من عند ارحم الراحمين  
.
.

ببيت علي

محمد دق باب الغرفه ودخل: هيا ياعماد عادك نوم

عماد: تاعب ماشاسير العمل اليوم

محمد: ضروري تجي اكرم ماعيسير وانا ما اقدر اشرف على كل شي وحدي 

عماد قام وشكله مرهق

محمد: شكلك مارقدت طول الليل

عماد: اي والله جلس يوسف يبكي للصبح

محمد: مدري ماله تاعب عيشلوه عند الدكتور اليوم

عماد: الله يشفيه
وانت مقلع خليني ابدل

محمد: عتصطبح؟

عماد: تمام اخرج اول


وساروا العمل ومر الوقت مثل كل يوم


عماد روح تغدى وصمت تلفونه ورقد


الساعه 4

عماد قام وبه مكالمات فائته من احمد
جلس يفكر وهو محتار ايش يقوله قام صلى عصر وخرج الصاله

علي بحضنه يوسف بيرويه التلفون وهو ضابح ومقزز عماد جلس جنبهم

عماد: عاد الهنجمه لك ماخليتنا نرقد طوال الليل بكاء واااء واااء

علي ضحك عليه: كيف العمل معك؟

عماد: تعب كل شي عليا مابش موظفين سع الناس ولابيفهموا شي

علي: ما احد قدر يفهم عملك
  ولك مايرضيك بحق تعبك

عماد فرح: عتخزنوا اليوم؟

علي: لا شاشل امي المستشفى اليوم العودة حقها 

الجده انيسه خرجت من غرفتها: هيا ياابني شرق علينا

علي قام: ها عماد شل يوسف عندك لما تجي له امه سارت تصلي

عماد شله لحضنه وكان محمي جلس يمسح شعره لما نام وتلفونه كان بيرن بالغرفه سمعه وهو بيفكر ماعيقل لعمه احمد لانو مش ناوي يطلق لميس علياء وصلت

.

البـارت 61 ••


أنـتِ حـبـي ❤️




علياء: قد رقد؟

عماد: ايوه ادي له علاج حامي

علياء شلته حضنها: ايوه شدي له اسلم

عماد: الله يسلمش
وسار يجاوب تلفونه

عماد:  الو

احمد بضبح: الو الحمد لله اللي سمعنا صوتك من ظهر وانا بين اتصل لك

عماد: اعذرني ياعم كان التلفون صامت

احمد هدأ: حصل خير

عماد: كيف انتوا ياعم؟ كيف لميس ؟

احمد: الحمد لله
ولميس تشتي الطلاق

عماد سكت ماعرفش مايقول

احمد: ياولدي بنتي تعبت وتشتي تتطلق والله يوفقك باحسن منها

عماد: مستحيل احصل واحده مثلها عشان احصل احسن منها

احمد بجديه: يا تطلق يا رفعنا قضية خلع وانت اخبر

عماد: ليش تشتي تتطلق ياعم؟ اشتي اعرف السبب

احمد سكت شويه: البنت ماعد تشتيك

عماد والغصه بحلقه: وانا اشتيها واحبها واذا تشتي تتطلق عاسب انه ماتقدر تخلف فهي اكثر واحدة تعرفني وتعرف اني مااحب الجهال ولا اشتي عيال اشتيها هي وبس وطلاق ماعد اطلقهاش

احمد زعل عليه بس مايقدر يكسر بنته: اذا جهز نفسك للمحكمة
ومع السلامة

عماد: سلم على لميس

وغلق التلفون ورجع يفكر كيف يوصل للميس تذكر أن اروى قالت له معاها رقم ملاك

خرج للمطبخ
عماد: اروى اشتي اطلب منش طلب

اروى: خير

عماد: اشتي رقم صاحبة لميس اذا عادو معش

اروى: طيب شارسله لك واتس

عماد: تسلمي

اروى: به حبحب تشتي؟

عماد: اكيد
.
.

العشي عماد قرر يرسل لملاك واتس

عماد: مساء الخير

ملاك: من معي؟

عماد: عماد زوج لميس

ملاك: خير

عماد: اشتي احاكي لميس

ملاك: ماكفاك اللي قد وصلت له بسببك

عماد زعل: لو سمحتي كوني محضر خير

ملاك فكرت شويه: طيب

عماد فرح: ممكن تقولي لها تفتح الحظر اتصل لها

ملاك خرجت من محادثتها ودخلت تراسل لميس صورت لها الشاشة

لميس: احظريه

ملاك: اول اسمعيه بعدين سهل

لميس: قد سمعته ما عاد باقي

ملاك رسلت لعماد: ما رضيت قالت قد سمعت لك ايش باقي

عماد حس ان مستحيل ترضى تكلمه او تفتح الحظر بزعل: خلاص شكرا لش
وخرج من المحادثه

ملاك حست انو زعل رسلت للميس: حرام عليش اسمعيه يمكن يشتي يقولش حاجة مهمة

لميس: يشتي يقول لي انو بيحبني ومايقدر يعيش بدوني انا افهمه اكثر من نفسه

ملاك: وانتي عادش بتحبيه؟

لميس: ايوه لكن مااقدرش ارجع له ما اشتيش احرمه من الاطفال

ملاك: طيب هو قال لش انو بيحبش؟

لميس: ايوه

ملاك: خلاص يا لميس يكفي تعذبيه وتعذبي نفسش وهذا شي من الله ومادام يحبش فعيرضى بش

لميس: ما اقدرش افهموني

ملاك ماحبت تضغط عليها اكثر فعلت اسكرين شوت ورسلتها لعماد 

عماد وصله اشعار لتلفونه فتحه وابسر المحادثة وطار من الفرحة ورجع يحاكي روحه: كنت داري ومتأكد انش بتحبيني وانا احبش والله احبش

الشغالة بتدق الباب وسمعته بيكلم نفسه افتجعت

عماد فتح الباب وهو فارح

الشغاله: وقت العشاء

عماد ابسرها كيف هي مبلوده ضحك
عماد: تمام
.
.

بعد مرور ايام

احمد اتصل لعلي

علي: الو

احمد: ايوه ياعلي كيف انت؟

علي: الحمد لله وانت؟

احمد: انا بخير
لكن اسمع انا قد جيت لعندك وحاكيتك واتصلت لابنك وهذا اخر تحذير لكم انا مااشتيش ندخل في محاكم ومشاكل وتفاهم انت وابنك وقله مع مهلة لنهاية الاسبوع

علي مش فاهم حاجه: المعذره منك يا احمد بس ما فهمت قصدك ايش من محاكم ومشاكل

احمد: قل لابنك يطلق

علي بصدمة: ليش عماد ماقد طلقش ؟

احمد فهم انو مش داري بشي: لا وقله توصلني ورقة الطلاق نهاية الاسبوع والا عنرفع عليه قضيه خلع

علي: انا آسف والله ما كنت داري هو قال لي ان قد جهز الاوراق باقي يوقعهن وعيديهن لعندك

احمد: خلاص تفاهم معه اتصلت له وقال ماعيطلقش

علي: ولا تهم يا اخي مالك الا الذي يرضيك
.
.

لميس مع ملاك
وملاك بتستشور شعر لميس

ملاك: قد شعرش طويل قصيه شويه

لميس: احبه هكذا

ملاك: شويه من الاطراف

لميس: لا خليه بس

ملاك: شاجلس استشور  لش يومين

لميس خفعتها: قولي ما شاء لله

ملاك: ما شاء الله
لو تدري ماوقع عندنا بالعمل

لميس: ايش ؟

ملاك بتحكي لها وتحاول تنسيها همومها
.
.

بعد العصر ببيت علي

علي سار لغرفة عماد: تعال ياعماد اشتي احاكيك؟

عماد: حاضر
ومشي بعد ابوه للمجلس

علي وعماد بالمجلس

علي: وين ورقة الطلاق؟

عماد: ضيعتها

علي: يا ابني افهم واعقل عمك احمد يشتي ورقة الطلاق نهاية الاسبوع والا عيرفعوا عليك قضية خلع

عماد: يفعلوا مااشتوا طلاق ماشاطلق

علي: انت قلت ماتشتيهاش وانا غصبتك عليها  خلاص طلقها وسكهنا الجنان بالمحاكم

عماد: طلاق ماعد اطلقش

علي: خلاص قوم نسير نتفاهم معاهم

عماد فرح وقام

علي فهمه: الله يهديك مالك ماتقلي انك تشتيها

عماد: لان انا داري انها ماعترضاش ترجع

علي: هيا سير البس وتعرف امور

عماد ابتسم لثقة ابوه وتمنى انها ترجع وسار يلبس

.

البـارت 62 ••


أنـتِ حـبـي ❤️




شويه وصلوا بيت احمد ملاك ابسرتهم  من الطاقة

ملاك: تعالي يالميس

لميس: ليش؟

ملاك: تعالي بسرعة

لميس قامت وابسرتهم  زعلت فكرت انهم جوا يدوا ورقة الطلاق بس بتقلد
لميس: اخيرا شارتاح

ملاك: تقدري تكذبي على الناس كلهم الا انا

لميس: من حبي له مااشتيش احرمه من الجهال

ملاك: طيب هو قال لش انو مايحب الجهال ولايشتي يخلف

لميس سكتت


عندهم بالمجلس

احمد: حياكم الله

علي : الله يحييك احنا جينا اليوم عشا نتفاهم معاكم ونصلح الامور ونسد بين عيالنا وكما انت داري يااخي ان ابغض الحلال هو الطلاق والصدق عماد يشتي يرجع مرته وقلت نجمعهم ونصلح الامور بينهم

احمد: انا مااقدرش اقول لكم حاجه هذا قرار بنتي

علي: طيب عاد احنا اهل تجي ونتحاكى كلنا ونفهم منها ليش تشتي تتطلق

احمد: طيب وقام

سار لغرفة لميس

احمد: لميس

لميس خرجت: ايوه 

احمد حضنها وبيحاكيها بهداوه: عماد جاء

لميس: جاب ورقة الطلاق معه والا لا

احمد: الصدق يابنتي ماشي قال يشتيش ترجعي معه

لميس: قوا ياباباه ما اشتيش ارجع يطلقني وبس

احمد: الولد بيحبش وشاريش وجاء لباب بيتي وانا قلت له هذا قرارش ذلحين قومي البسي وتعالي تفاهمي معه

لميس وقد عتبكي: ما اقدرش ما اشتيش ابسره

احمد: انتي تشتي تنهي هذا الزواج؟

لميس: ايوه

احمد: خلاص ما احد عيقدر يقنع زوجش الا انتي

لميس حست مابش معاها حل ثاني: طيب شالبس واجي

احمد: انا مراعي في المجلس

لميس مسكت يده: ريع لي ادخل معك

احمد: تمام بس فيسع الناس وحدهم عيب


عماد متوتر ومنتظر للميس بفارغ الصبر


شويه دخل احمد ولميس بعده
جلسوا

علي: كيف حالش يابنتي؟

لميس بصوتها الهادئ: الحمد لله

علي: ليش تشتي تتطلقي؟ شفتي مننا شي زعلش؟

لميس: ماشي انتوا اهلي ومستحيل ازعل منكم

علي: طيب ليش تشتي الطلاق؟

لميس سكتت شويه وقبل ماتتكلم

علي قاطعها: يا بنتي الطلاق مش لعبه واذا به بقلبش شي تحاكيتي وزوجش يشتيش ويحبش وانا على ما بين ابسر انو مابش حاجه توصلكم للطلاق

لميس: بس انا اتخذت قراري

علي: ايش السبب؟

لميس بتقلب براسها اسباب بس مابش سبب مقنع

عماد بيبسر لعندها: اذا تشتي تطلقي عاسب الجهال
فانتي تعرفيني وحاكيتش اني ما احب الجهال وانا راضي اعيش عمري كله معش انتي بس

لميس ابسرت لعنده

عماد: قوا يا لميس ارجعي معي انا اشتيش انتي انا ضايع بدونش

علي: ايش قلتي يابنتي؟

لميس بدأت تحس انو بيحبها وقد تغير بس محتارة ابسرت لعند ابوها

احمد: خلوا لها مهلة تفكر وتتخذ قرارها

علي: ليش عاد بنطول الموضوع خلونا ننهي المشاكل وكل شي يرجع مثل اول واحسن ان شاء الله

احمد: هذا قرار مصيري وبنتي تشتي وقت تفكر ونحاكي امها لانها مش مقتنعة انها ترجع

لميس فرحت دائما ابوها يفهمها بدون ماتتكلم

عماد: طيب فكري براحتش وانا منتظر لش طول عمري

علي قام وعماد قام بعده: خاطركم واتمنى ترجعوا لنا خبر هذه اليومتين

احمد: ان شاء الله

لميس ابسرت لعند عماد: واذا مارجعت او اقتنعت  تطلقني

عماد زعل قوي وكان مبين عليه: ان شاء الله انش تقتنعي وترجعي تملي حياتي سعادة

ومشيوا

احمد: سمعتي كل شي ايش رأيش؟

لميس: نشاور امي واقرر

احمد: طيب براحتش العشي نجتمع وتقرري ونرد لهم خبر غدوه عيب قد الناس جوا للبيت ورديتهم لو هو واحد ثاني ليطلقش قبل مايخرج

لميس سكتت وسارت تستشير ملاك
دخلت الغرفه وجلست وهي ساكت وسارحة

ملاك بفضول: احكي لي كل شي

لميس: ماجيت الا عاسب احكي لش وانتي انصحيني
لميس حكت لها كل شي

ملاك: ومن جدش محتارة!!

لميس: ايوه

ملاك: لميس عماد بيحبش وعيموت عليش قد لاحقش من كل زغط وانتي محتارة

لميس: انتي داريه اني مااقدر ادي له جهال

ملاك: قد قال لش الف مره مايشتي جهال يشتيش انتي افهمي

لميس سكتت وبدأت تقتنع بكلام ملاك


العشي روحت ملاك بيتهم وعائشة وصلت دخلت المجلس

عائشه: مساء الخير

احمد: مساء النور

عائشه جلست

احمد: جاء عماد وابوه اليوم

عائشه: خير ان شاء الله

احمد: قال عماد يشتي يرجع لميس

عائشه: ماهو او الدنيا عندهم لعبة ويني بنتي؟

احمد: ادعيها نتناقش ونتم هذا الموضوع

عائشه من مكانها وهي ضابحه: لميسس يا لممميس جي جي

لميس دخلت المجلس: ايوه

عائشه وهي ضابحه: اجلسي قالوا به مجبر جديد اليوم

لميس جلست معاهم

احمد: انا شاقول رأيي بالبداية وبعدين انتي ولميس تقرر

احمد: بما ان عماد جاء لهانا ويشتيش ترجعي وقال انو بيحبش وهو ماغثاش ولا زعلش وراضي بما كتبه الله لش فانا من رأيي ترجعي وتعيشي معه وما مع المره الا زوجها

عائشه: لا تصدقي لكلامه بيلعب بعقلش كم قد لش هانا ولا حتى اتصل يسأل عليش لكن لما قلنا يطلق قال مع وانو بيحبش ومدري ايش مسرع نبض الحب بقلبه

.

البـارت 63 ••


أنـتِ حـبـي ❤️




عائشه: لا تصدقي لكلامه بيلعب بعقلش كم قد لش هانا ولا حتى اتصل يسأل عليش لكن لما قلنا يطلق قال مع وانو بيحبش ومدري ايش مسرع نبض الحب بقلبه

وانا اقولك يا احمد الرجال مستحيل يعيش بدون جهال وبالذات اذا العيب بالمره حتى وان هو مابيحبش الجهال لاتصدقيه عيصبر سنتين ثلاث ورجع يدي بدلش مره تخلف له

لميس محتاره بين كلام امها وابوها

احمد: المفروض تعقلي بنتش مش تخربي بيتها لكن هذا رأيش
ماقلتي يا لميس؟

لميس: مدري مترددة

عائشه: فكري بعقلش مش بقلبش صدقيني يابنتي هو رجال ولو كان يحبش من هانا للسماء ومابتخلفي ليتزوج عليش وانا مااشتيش تجربي الطبان شوعه وانا اعرف بنتي ترحم

احمد: حتى وان قرر يتزوج فهذا من حقه بس والله انو بيحبش وقد اتصلت له وحاكيته وحاكيت ابوه ولا رضي يطلق وجاء لوسط بيتي ورجعته عاسبش
يابنتي الولد شاريش

لميس: انا داريه انو بيحبني ويشتيني لكن مترددة مااشتيش احرمه من ابسط حقوقه
وكلام امي صح انا مااقدرش اعيش مع واحده تشاركني بزوجي

احمد: مسرع حكمتين عليه انو عيتزوج

عائشه: كلكم رجال من عيصبر على مره ماتخلف

احمد: بين اقول لش بيحبها وشاريها

عائشه: وما عيفعل لها الحب لاقد به طبينه جنبها ومن اي حين قد لها سته اشهر ماقال كيف هي مرتي لما قلنا طلق نزل الحب سبحان الله

احمد ضبح: انا قلت كلمتي وانتي قلتي كلمتش وزيادة والآن القرار عندش يا لميس

لميس محتاره: اقوم اصلي استخارة اول

احمد: غدوه تطرحي لي كلمه عيب قد رجعناهم من وسط البيت

عائشه: وايش ماكان قرارش احنا معش؟

لميس: واذا رفضته يطلق بدون مماطله

احمد: اذا ماوافقتي ترجعي وما طلق بنفس اليوم شارفع عليه قضيه خلع اليوم الثاني وعد بس استخيري والله يوفقش

لميس ابتسمت وسارت تصلي
.
.

عماد روح البيت وتوضى وصلى ودعى ان لميس ترجع له وتكون جنبه بقية عمره وكان يدعي من داخل قلبه

لميس صلت استخاره وغمضت عيونها ورقدت
.
.
ظ
الصبح
عماد وعلي بالصاله

علي: عمك احمد عيرجع لنا كلمه اليوم والا غدوه واذا مارضيت ترجع تطلقها هذك الساع

عماد: بس ياباه

علي قاطعه: لا بس ولاشي قد سرنا لعندهم وردونا مااشتيش اي اعذار اذا رجعت حيا لها فوق العين والرأس ماشي طلقتها وخلاص

عماد بحزن: حاضر

علي: الله يرضى عليك
.
.

اليوم الثاني الصباح

لميس بالعاني تأخرت بنومها لما يسير ابوها العمل عشان تتهرب من سؤاله وهي مازالت مترددة
.
.

بالعمل عماد سارح وبيفكر بها وبيدعي انها ترجع له

الموظف: يا استاذ عماد

عماد نكز: عفوا كنت سارح ماتشتي؟

الموظف: هذه الاوراق اللي طلبتهن

عماد: شكرا

الموظف: العفو 
.
.

ببيت علي

ليان بالمطبخ

كنان دخل المطبخ ابسرها وبفضاوه بيتليقن عليها: انتي الشغاله الجديده حقنا هيا افعلي لي عصير

ليان: احترم نفسك واعرف اني اكبر منك

كنان: وانا رجال وكلمتي تمشي عليش

ليان: لا والله

كنان: ادي لي قلص ماء يله

ليان: او انت مكسر

كنان بصياح: ادي لي ماء احسن مااكسر رأسش

ليان شلت قلص الماء ونزفته وهربت

كنان يشتي يلحقها طحس بالماء ونكع على يده وبيصيح ملان البيت

امه افتجعت لما ابسرته بيبكي ويصيح من يده بسرعه اتصلت لعلي

علي بنهاية الدوام بيحول رواتب الموظفين  لحسابتهم ورفع راتب عماد

عماد ابسر الحوالة وانصدم كان متوقع ان ابوه يزيد له الراتب بس مش لهذه الدرجه انبسط قوي لان ابوه بدأ يحس بقيمته

علي: الو

مرته وهي بتبكي: وين انت روح بسرعة كنان اكتسرت يده

علي افتجع: كيف كسرها؟ ما وقع؟

مرته: عادهم  روحوا من المدرسه قبل شويه وطحس بالمطبخ تعال بسرعة

علي خرج من مكتبه وهو مسرع عماد ابسر ابوه ولحق بعده

عماد: مابه خير ليش انتوا مستعجلين؟

علي وهو خايف: كنان طحس بالمطبخ واكتسرت يده

عماد: تعالوا اوصلكم بسيارتي اسرع

علي: هيا


بعد نص ساعه شلوه المستشفى وطلع عنده التواء بسيط ربطوا يده وروحوا وهم مجموعين بالصاله كلهم من فتره طويله ما اجتمعت العائلتين

اكرم: سلامتك ياكنان

كنان: الله يسلمك

الجده انيسه: فجعتينا ومابه شي

مرة علي: ابني كيف ما افتجع عليه

علي: قوموا قربوا لنا غداء قد اذن عصر وما تغدينا


طبعا مع الحشره اللي وقعت نسيوا انهم منتظرين اتصال احمد الا عماد ذاكر وساكت لان ابوه مستحيل يسكت واحتمال يخليه يطلقها لانهم تأخروا بالرد

احمد روح من العمل لبيته الثاني واتصل للميس

احمد: هاه يابنتي ماقررتي؟

لميس: محتارة ياباه ما رأيكم؟

احمد: انا قد قلت لش رأيي وامش قالت رأيها وانتي اخبر هذه حياتش

لميس: ازيد افكر لغدوه الصبح بس وانا شاقرر وعد غدوه الصبح اخر مهلة لي

احمد تنهد بقلة حيلة: الله يرضى عليش يا بنتي الناس مراعيين لي لو اتصلوا ما اقلهم

لميس: ...

.

البـارت 64 ••


أنـتِ حـبـي ❤️




احمد تنهد بقلة حيلة: الله يرضى عليش يا بنتي الناس مراعيين لي لو اتصلوا ما اقلهم

لميس: غلق تلفونك او قل شسألها ودعمم مثلهم قد لنا شهر نقول لهم يدوا ورقه الطلاق يقولوا تمام ويدعمموا

احمد ضحك: الله يهديش بس خلاص تمام غدوه الصبح تقرري وانا ماشسير العمل شابكر لعندش تقولي لي قرارش واذا هداش الله وتشتي ترجعي شاوصلش بنفسي لباب البيت واذا قلتي لا شاسير لعندهم واخليه يطلقش ونفتك

لميس: حاضر غدوه الصبح وقد اتخذت قراري ان شاء الله 

احمد: ان شاء الله


لميس غلقت وجلست تفكر بعماد وحست بتغيره وبتفكر ترجع له او لا
.
.
العشي ببيت علي

علي نسي الموضوع تماما مع ربشة كنان ونام بدري لانو ماخزنش

وعماد طول الليل بيدعي انها ترجع ومتندم على كل لحظه ماقدر حبها له

لميس قد عترقد بعد ما اتخذت قرارها وعتكلم ابوها الصبح
.
.

الصبح بدري عماد قام على غير عادته لبس وسار العمل لانه ماكملش عمله امس ومنتظر لاتصال من عمه احمد وهو متوتر وعنده يقين بأن الله عيختار له الخير وراضي بأيش ماقالت لميس
.
.

احمد قام ولبس وسار بيته عند لميس وعائشة

احمد: صباح الخير

عائشه: صباح النور هيا جي اصطبح قدو مقرب

احمد: وين لميس اول تقلي ايش قررت

عائشه: نصطبح وبعدين نسمعها

احمد: خلاص هيا
.
.

ببيت علي وقت الصبوح

علي: وين عماد؟ قوموه يجي يصطبح

أروى: قد سار العمل

محمد: مسرع كيف له؟

اكرم: اصلا امس خرجنا قبل مايتم الدوام اكيد سار يكمل عمله

علي: الله يهديه مانكره يقوم بدري ويسير يطلب الله بدون رفاس

الجده انيسه: ماعد فعلتوا من بنت احمد ؟

علي: قد نسيت مع حشرة كنان امس
على أساس عيتصل لنا امس يرجع خبر وللآن ماقد رن

الجده انيسه: اتصله انت والا يطلقها ايش معه منها وهذا وقد سرتم لبيته وردوكم

محمد: لبعد الصبوح واتصلت
واظن انو امر الطلاق عيكون اختيار عماد ومرته

اكرم: كلامك صح 
.
.

ببيت احمد

احمد: هيا ماقلتي يابنتي ؟

لميس: خلاص اتخذت قراري شارجع ونبدأ صفحة جديدة
لاني حسيت ان عماد صادق بحبه لي

احمد انبسط: الله يسعدش هيا جهزي ملابسش اوصلش

عائشه ما كانتش مقتنعة بس هذا قرار لميس ولازم تكون معاها دائما: الله يوفقش ويهدي لش زوجش ويسعدكم دنيا وآخرة

لميس فرحت: يارب اقوم البس وملابسي قدهن جاهزات

علي ابسر كنان بالصاله بيلعب بالايباد دخل الغرفه

علي: ليش ماسار كنان المدرسة؟

مرته: يده وجيعه 

علي: مابه الا العافيه ومن غدوه يسير

مرته: هو عور يده اليمنى مايقدرش يكتب

علي: هو انتي اللي بتزيدي له الغنج انا مايبن ادفعش رسوم المدرسة عشان يجلس بالبيت
واذا مايقدر يكتب يسير يفهم وانا شاحاكي المدير ان الواجبات عيكتبهن بعد مايتعافى

مرته: حاضر

علي نزل وبيدور رقم احمد يتصل له لكن تفاجأ ان لميس بالبيت وبتسلم على اروى وعلياء
كان الكل مصدوم وفرح بنفس الوقت

علي ابتسم: نور البيت يابنتي

لميس: النور نوركم

محمد: مابحد عماد والا كان عيطير من الفرحة

علي: هيا واحنا تأخرنا
.
.

عند عماد بالشركه منتظر اتصال من عمه او لميس تحاكيه انها رجعت وحس باليأس ومتأكد ان ابوه عيجبره يطلقها اول مايروحوا البيت


بعد الدوام روح بدون ماينتظر ابوه او اخوته
وصل البيت ودخل غرفته واول ماابسرها انصدم هذه لميس الا هي 

لميس ابتسمت له

عماد قرب منها وحضنها بقوة

لميس فرحت

عماد بعدها من حضنه وبعتاب: كيف سخيتي عليا ؟

لميس: خلاص ننسى الماضي ونفتح صفحة جديدة مع بعض

عماد: طيب
وابتسم: فقدت لش قوي

لميس: حتى انا كنت افكر فيك يوميا ولاقدرت انساك او حتى تغيب عن بالي

عماد مسك يدها وعيونه بعيونها: احبش

لميس دمعت كم تمنت تسمع هذه الكلمه منه كم اشتاقت له

لميس: وانا احبك اكثر من روحي يا روحي انت

عماد حضنها: الله يحفظش لي ولا يحرمني منش

قطع حديثهم دقة الباب لميس بعدت من حضنه وفتحت الباب

أروى: هيا غداء لنا ساعه مراعيين لكم

لميس انحرجت: يله البس ونجي

أروى: طيب لاتتأخروش

لميس: دقيقة بس
وغلقت الباب

عماد: من؟

لميس: أروى قالت نخرج نتغدى

عماد: يدو لنا غداء لهانا

لميس: ياسعم عادك حريو

عماد: ايوه عاد مرتي وصلت اليوم

عماد بعتاب: كم انتظرتش يا لميس كنت احس البيت سجن بدونش كم حاولت اتواصل معش او حتى اسمع خبر عليش

لميس: يكفي عتاب احنا قلنا ننسى الماضي 

عماد: طيب هيا نسير نتغدى

لميس لبست مقرمه: هيا

وهم بيتغدوا عماد مابعد عيونه منها جلس يتأملها وحس بسعادة كبيرة حس ان روحه رجعت له حمد الله وابتسم ورجع يأكل


بعد الغداء بالصالة

اكرم: اتصل لي عمي يوسف قال نسير نخزن عنده

علي: تمام اشتريتوا لنا قات؟

محمد: قد زكنت عليهن شويه واسير اديهن

عماد: ماشخزنش اليوم...