📚[رواية حنين العائلة]🎶♥️
_______

البارت 60


‏"وإن حاربوك بالخُبث، فحاربهم بالنية..
فعلى نِياتكم تُرزقون.".!


خطي اسبوع على سفرهم

بيت محمد

دعاء بتفعل الغداء هي وايه

فاطمه جت لعندهن: ماعد عرفنا غداء حالي من حين جيت عندكن

دعاء ابسرت لعندها: يوه ياجده مالكم والله ان احنا بنفعل كل شي وبيقع حالي وياسلام

فاطمه: بتشكري نفسش هيا يابنتي محد يشكر نفسه شاكر نفسي لقاني امس

دعاء دعممت وبتضغط الرز

ايه بتقص السلطه ومدعممه لجدتها

فاطمه ابسرت لعندهن بنظرات: مامن غطوه ماعد اكون افعل الغداء الا انا تعبنا من حقكن الجغبصه اشتي اكن ارزم بطني بحقي الغداء

ايه ضحكت دلا

ودعاء مسكت الضحكه : لكم القوى بسس قد انتو تاعبين ماتشتو افعل لكم وانا افعلكم انا

فاطمه: مش انا تاعبه ولا الحمدالله بصحتيي عادني شالفش والف القاع الذي تحتش
هو غر رحمتكن اول اسبوع وخليتكن تفعلين على ماتشتين
ليكن مش هو عملكن عمل امكن جلست تدلعكن وتمشيكن على عقولكن
وخطيت المكان

ايه: ابسري كيف هم قد قولنا مالهم شي هذا اليومتين وانهم نفس الطبيعه حرام مابيطيقونا

دعاء: سهل عيب هم جده يفعلو مااشتو


بيت اياد

فطوم بتفعل الغداء: يابتولل بتولل

بتول بتلعب بحقها الالعاب في الصاله: ماهو ماتشتي

فطوم: جي انفعيني سريعع اشتيي بصل امي مادوش مع المصروف

بتول : ماعه والله مااسير

فطوم بتصيح من المطبخ: قووى يابتوليي قووى انفعيني بسرعهه

بتول بتلعب ومطنشه لها

زينب كانت بتكنس البيت: يلاه قومي لفي حقش القلافد وسيري انفعي فطوم هياا

بتول: قوى خليهن اشتي العب قوى

زينب : قومي انفعي فطوم بسرعه للبقاله وانا شاخليهن

بتول قامت وهي بتتحلطم: مااهو ماهووو تشتيي بسرعهه

فطوم: بغير حلطمه
ومكنتها زلط
هاا اشتري بصل طويل بسرعه اشتي افعل لدجاجه

بتول شلت الزلط بسرعه وبتحمل تشتي تجي تلعب

زينب كنست الصاله وكملتها وحطت العاب بتول على ماهن ودخلت المطبخ

زينب بتغسل يدها: ماعد باقي افعل معش

فطوم : خلاص كملت عاد باقي بس الدجاجه افعلها

زينب: اسيرر افتهن لي شويه

الاء كانت في الغرفه بتلعب بالتلفون

زينب جت لاعندها وهزرت التلفون: ماابتفعليي جاالسه من الصبحح

الاء قامت تشل التلفون: شلوش كان قد عد افوزز كرييها

زينب: اسكه ريعي نتصل ل اياد يشتري لنا سكريم معه

الاء: ماابش رصيد حطي بس تلفوني

زينب: وتلفون امي وين هو هو مابلا مع امي رصيد

الاء شلت التلفون ورجعت تلعب: شلوه معاهم

زينب خرجت من الغرفه بتدور تلفونها تفعل له يرجى الاتصال بي

بتول جت ومكنت فطوم البصل وسارت تلعب

زينب فعلت يرجى الاتصال ل اياد

ماهي الا دقايق واتصل

زينب كانت جالسه في الصاله: أخي العزيز

اياد: اختي العزيز

زينب ضحكتت: ماابتفعلل ايحين عد تروح

اياد كان قد بيلف ادواته قد هو خارجي من المعهد: مسافه الطريق وانا عندكم

زينب حاطه رجل على رجل: اهااا ضخمم ومابتحس صح ان هو حمى عيقتل الواحد

اياد: زينبب ادخلي للموضوع ماهو تشتي

زينب بصوت مرتفع: اشتري لنا سكريم معك

اياد: مابشش زلط ويلا جهزين الغداء قدنيي جااوع

زينب: ان يااخي وتسخى عليناا هو سكريم سكريم بنشقى من الصبح

اياد: بتشقى ماهو بتفعليي سعم بتقلطي الجربه او ككيف

زينب قلبت: هييا بغير خباله اشتري لنااا لوسمحتت والله ان احنا ملببات خاورات سكريم ويلاه خاطرك
وغلقت في وجهه

اياد يشتي يرد سمع طن طن: يالله صبرني على هولا البناتت
وذكر ملاك وابتسم
الله يوصلني لوما قدش بتشغليني نفسهن


بيت يحيى

احلام عاد هي قامت دخلت للمطبخ تفعل لها اي حاجه وان مابش ولا شي

احلام: الله يلعنهاا عيشه
وخرجت من المطبخ

عمار كان هو خارج في الشارع
وروان وطه في الغرفه كانهم

يحيى قام وابسر احلام قد هي بتصيح وتجابر روحها: اصبحنا واصبح الملك لله ماقد به معانا لصيح والهدره

احلام: اين صببح قد هوو ظهر النااس بيتغدو واحنا نجلس نطنن لا غداء ولا صبوح نمووت جووع وانتت اجلسس اشتري وكمل الزلط في الخمور والحبوب

يحيى صيح: مااعليششش منييي وموتييي جوعع وبعد الذييي يسمعشش يقول الا مابتفعلي ولا بتشربي شيي
اصصصبحححيي اليووم وررييحيي لشش من قبااالييي

احلام قد راسها بيوجعهاا خرجت.ورزعت الباب

روان بتسمع الصيح غلقت الغرفه عليها هي وطه


اليوم الثاني

بيت محمد
هديل جت عند البنات من الصبح

هديل دخلت المطبخ: مالكم ياجده عنفعل الصبوح احنا لاتتعبوش

فاطمه : سيري عند بنتش بس وماعليش مني
يشتني اكل من حقهن الجغبصه

هديل غثيت: الله يسامحكم بس ياجده مدري ليش بتكرهونا

فاطمه: من حلاكن وحقكن الشخاطه والدلع

هديل: خيره الله افعلو مااشتيتو
وخرجت من المطبخ

ايه ابسرت هديل وصورتها مقلوبه ضحكت عليها: ماقد قالو لشش لوما قد اقتلبت صورتش

هديل ابسرتها بنظرات: اخطي من قبالي

ايه بتضحك عليها

شهد بتلاعب زهراء وحسن وحسين بيلعبو ملاحقه

دعاء بتلفلف البطانيات حقهن وترفع البيت

هديل سارت لعند دعاء: تشتي اعاونش

دعاء: مع خلاص قد كملت ماعد بش شي

هديل: مالهم جده مابلا ولا يفعلو هم الصبوح

دعاء ضحكت: الله يعيننا عادهم يشتو يفعلو الغداء هم والكل

هديل: مدري مالهم الله يسامحهم بس

حسين دخل وهو بيبكي وحمل يحضن دعاء

دعاء حضنته: مالك بتبكي مافعل بك حسن

حسين وهو بيبكي: جج دد ه ضض ررببو نني

دعاء استغربت: مافعلت انت

شهد دخلت وفي يده زهراء وحسن وراها

دعاء ابسرت شهد: مابه ماله حسين صدق ضربتهم جده

شهد: ايوه كانو بيلعبو هو وحسن بعدين خرجو بالمحواش وخفعو حسين ياسعم يجلس من الملاحقه

دعاء اقتهرت على اخوها: سهلل يماما سهلل هي جده وانت وحسن لاتكونو تشغلو

هديل حضنت حسين وبتمسح دموعه: لاعد تبكيي انت رجال وبعدا هي خفعه صغيره سهلل

حسين بيمسح وجهه وبيتشنهق

ايه دخلت: مالهم جده يوه ياالطيف منهم صدق

دعاء: الله يهديهم

فاطمه كملت فعلت الصبوح وغرفت نصه وخبته للعشاء والنص الثاني قربته ل صبوح
خرجت بتصيح ل ايه : وينن جت هذه
اييه

ايه خرجت من الغرفه تجاوب: هاا مالكم ياجده

فاطمه: لمه مابتجاوبيي بتتصينجي
اخطي قربي الصبوح اخطي

ايه: حاضر تمام
وسارت تقرب الصبوح ابسرت وان هو الا في مقلى صغيره لمن ولا لمن
قربت وجهزت الشاهي وحطت الروتي

ايه : شههد جي فرشي السفره صبوح

شهد سمعت ايه قامت لعندها: هاتي السفره
وابسرت الصحن حق الصبوح : يووه ليش هاكذا قليله الفاصوليه

ايه بتغسل الكاسات: جده فعلو لنا الصبووح مارائيش.تشتيهم.يفعلو خيرات.

شهد شلت السفره وسارت تفرشها في الصاله

ايه شلت الصحن حق الصبوح وخرجته ل صاله: هياا صبووح بناتت

فاطمه قربت وجلست وبتصتبح

البنات جين وقربين يصتبحين

دعاء: مالكم فعلتو قليله فاصوليه ياجده واحنا ماشاءالله ملان البيت

فاطمه: خولين المصروف سهل لاقمتين وانتين جاوعات العافيه من الله بعدنا للعشاء شويه

كملت الفاصوليا وعادهن يشتين والجهال عادهم جاوعين

قامت دعاء تديها من الثلاجه

فاطمه ابسرتها وصيحتت: قولناا عشااء سيري رجعيهاا في الثلاجه والله محد يذوقهاا هي حق العشااء

هديل: سهل ياجده عنفعل اي حاجه للعشاء ذلحين نصتبح

فاطمه قامت وشلت من يد دعاء الطاسه: من جااوع اكل خبزه على شاهيي بنقول هذا نخليها عشااء

البنات اقتهرين وخلين الجهال ياكلو الروتي على شاهي حين عادهم جاوعين وهن قامين

📚[رواية حنين العائلة]🎶♥️
_______

البارت 61


"القساوة ما تجيش عبث بتجي من ايام خيرات سامحنا فيها و حبينا و ادينا كل شي حالي و ما لقيناش كلمة طيبة تجبر خواطرنا ..احنا مش احنا مختلين عقلياً نتغير فجأه و نقسسى او نبورد و خلوها في بالكم داخل كل انسان شخصيتين واحدة حنيه وحب  و طيبة  وواحدة قساوه و لا مبالاة و برود ..كل شخص يحكم أين  شخصية يشتيها بتصرفاته و افعاله"


في مصر

حنان: وانا عد اجي معاكم.ماتخلوني هانا وحدي

محمد: يامرتي افهميي.اين تجي تريعي في المستشفى ماينفعش

حنان: اخليك هاناك وحدك.وتفعل العمليه وانا هانا والله ماسبرت

محمد: مايقع شي ياحنان واعقلي وصلي على النبي لوما اخرج.من العمليه علي عيجي لش عيجي وقد خرجوني وشحجز غرفه خاصه عميد تجي وتجلسي هيا.ماعد تشتي

حنان بكت: تشتي تخليني هاانا لاقلبي عيطرح ولاعد اهداء

محمد: سعم مافي المستشفى عد تدخلي معي ماعيخلوش انتي عد تجلسي في كراسي الانتظار مافيده
قوى لمرتي

حنان: ليكن اول ماتخرج علي يجي لي ويكن يطمني عليك

محمد: حااضر شاشنبي عليه وبعد ماقد عد اسير من ذلحين عاد هي الا غطوه

حنان: الله يقومك بالسلامه ويحفظك لناا

محمد: ياربب يالله


للعشي في بيت محمد
كملو اتعشو والجهال رقدو وفاطمه رقدت هي والكل

دعاء: قالو امي ابي عيفعلو له العمليه غطوه ندعي له خيرات

هديل: الله يقومهم بالسلامه ويردهم لنا وهم بعافيتهم

شهد شورغين عيونها: ماقد لهم الا اسبوع وهم مابحد وابسري مابيقع بنا

ايه بكيت: الله.. يحفظهم.. لناا... والله ...لوو لوو.. يقعع ..بهم شي لاا.. نمووت ..بعدهمم

شهد بكيت : ياارب .. مااا ..ماا ييقعع .ببهم ..شيي

دعاء شورغين عيونها وبكيت معاهن

هديل بتبكي هي والكل معاهن: جين يااخواتي نقوم نصلي لنا ونقرى لنا قرآن  ان الله يحفظ الله لنا ابي وامي ويطول لنا في عمرهم

قامين كلهن اتوضين وصلين وجلسين يقرين قرآن


اليوم الثاني

في مصر.

محمد قد هو بيتجهز عيسير المستشفى

حنان: قوى يامحمد خليني اجي قوى

محمد: يانظر عيني ياحنان كيف تشتيني اخليش تجلس بساعات بين الكراسي مدري تطول العمليه

حنان بكيت: سهل سهل انا راضيه ولا اجلس هانا بين النار

محمد: اححح ياقلبي.قومي قومي اتجهزي انا داريه بشش عتجلسي تزني فوق راسي لوما اشلش

حنان فرحت: عيجبرنا الباري بعافيتك ويحفظك لناا

محمد: ياربب
اتصل للبنات ابسر كيف هن قبل مااسير المستشفى

حنان: ذلحين قدهن قلقات

محمد شل التلفون واتصل لتلفون دعاء


عند البنات
كملين يصتبحين وكل من سارت تكمل عملها وهن بيدعين لابوهن ان الله يقومه بالسلامه

رن تلفون دعاء
شهد شلته وجاوبت: اباه كيف حالكمم

محمد: ابي وروحي الحمدالله انتين كيف حالكن

شهد شورغين عيونها: اذا انتو بخيرين احنا بخيرات
قد انتو عد تدخلو العمليه

محمد: عاد انا قولت اتصل ابسر كيف انتين قبل ماسير المستشفى
وين خواتش وجدتش.

شهد: لحظه ادعيهن
بناتت بناتت جاوبين ابيي وداعين جده تجاوبهم والكل


دعاء كانت بتغسول وايه كانت بتكنس وهديل كانت بترقد بنتها وفاطمه كانت جالسه تتشمس
فلتين كل شي وحملين يجاوبين ابوهن
شهد فتحت المكرفون

ايه: ابااه كيف انتوو

محمد: حياا يابابا  الحمدالله

دعاء: قد عد تفعلو العمليه

محمد: ايوه قد عنسير ذلحين

هديل: الله يقومكم بالسلامه خلو امي تكن تطمنا عليكم.

محمد: حاضر تمام
وين الجهال وامي

دعاء: الجهال بيلعبو وجده بيتشمسو

حنان: كيف حالكن يابناتي مالكن شي

ايه: الحمدالله مالنا شي

حنان: كيف اموركن ناقصكن حاجه

دعاء: ولا ناقصنا شي يمه ناقصنا وجودكم بس

هديل: لاتجلسو تقلقو انا هانا موجوده عندهن والكل

حنان: الله يحفظكن يابنات وانتين لاتجلسين تقلقين على ابوكن


ايه: كن.طمنونا عليهم ياامه

حنان: تمام ماعد في نفسكن ماعد تشتين

شهد: مانشتي الا سلامتكم يمه وعافيتكم

هديل: الله معاكم يمه والله يقوم ابي بالسلامه

حنان: ياربب ادعين لاابوكن خيرات

ايه: حاضر ان شاءالله

دعاء: مع الله

حنان: مع الله
غقت التلفون

محمد: الله يحفظهن قد انا فاقد لهن وللجهال

حنان: سهل اهمشي صحتك.

محمد: عاد بعد العمليه مدري كم.عيخلوني في المستشفى

حنان: عميد يتابعو حالتك


بيت يحيى

يحيى جالس يفكر مابش معاهم شي قدلهم من امس العصر من.غير عشاء من غير صبوح: لو اتصل لاامي واقولهم يبسرو لي زلط مانخلي الجهال يموتو جوع وانا اشتي حبوب قد راسي عيطفحنيي هو مابلا هاذا الحل

يحيى خرج تلفونه واتصل لعند دعاء

دعاء جاوبت عليه: الووه

يحيى: كيف حال بنتي

دعاء: الحمدالله حيا بكم ياعم وانتو كيف حالكم

يحيى: الحمدالله وين هم امي هاتي احاكيهم

دعاء: حاضر ذلحين امكنهم التلفون
وسارت لعند فاطمه

دعاء: هاا جده جاوبو عمي يحيى

فاطمه ممدده لرجلها وبتشمسهن: هاتي

يحيى: ووو امهاا كيف حالكمم

فاطمه: حياا باامي وروحي كيف حالك ياولدي

يحيى بمسكنه: اححح لاعد تدرو كيف حالي ياامه

فاطمه: ياسين على ولدي مالك

يحيى: مالقيت مااكل جهالي يمه الجهال من امس بغير عشاء بغير صبوح

فاطمه: جعلي عود عليهم هو عملك تجلس تطيفر بزلطك في السمم هاذا ياابني ارحمم روحكك وارحمم جهالك خاف من الله

يحيى بمسكنه: قد بطلت يمه ماعد بين اشربب انا راحم لجهالي ولا مانا سهل شستحمل الجوع

فاطمه: يووه جعلي عود عليكم صدقق جعلي مكسر لو احمد معه والله ماينساكم قد هو يكالد روحه وامه وخواته

يحيى: انتو معاكم زلط يمه تدو لي سلف وارجع اديها لكم والله لااسير احمل بلك واديهاا لكم

فاطمه رحمته ورحمت الجهال: والله لو معي لاادي لك
ليكن مارأيك جي انت والجهال واجلسو في بيت محمد لوما يجو معاهم كل شي
عميد الجهال ياكلو ويتغذو

يحيى اعجبته الفكره: ماينفع يمه عيبب من اخي محمد والبنات

فاطمه: ماعليكك من البناتت انت الا جي انت وجهالك قد انا فاقده لروان والكل

يحيى وقد هو فارح: والله يمه ماكنت اشتي اجي الا الظروف حكمت عليا وبين ارحم الجهال قدهم ضعاف مجعجعين يارحمته

فاطمه شورغين عيونها: ماعزهم ومغلا جي يايحيى وماعليك من شي به هانا كل شي لاتتأخر جو اتغدو هانا وادو لكم الده وجلستو عندي والهوني بين اجلس الا وحدي لوما يجي محمد

يحيى: خلاص ان شاءالله تمام عنتجهز ذلحين وجينا.عندكم.

فاطمه: يلاه الله معك هاا مريعه لك

يحيى: الله معاكم

فاطمه مكنت التلفون دعاء
ودعاء كانت بتسمع جدتها ومستغربه

دعاء: ليش ياجده عيجو عندنا

فاطمه: مابشش معاهم ماياكلو ياعبثيات انتين تاكلين وترقدين لوما تشبعين بطونكن وهم مابش معاهم حق الصبوح

دعاء: ليكن ماينفع يجو وابي وامي مابحد عمار وين عيجلس عمتي عمي
مالكم ياجده

فاطمه قامت: الا الا ماعد باقي الا هي تطردي عمش ياقليله الحياء وبعد البيت بيت ابني وماعليشش منه انتي اجلسي انتي وخواتش سكته وماعليكن
ويلاه سيري اتصرفي واشتري لحمه والكل ومصروف ساعا الناس
وخطيت للمطبخ تبسر مابه

دعاء شورغين عيونها بالدموع
هديل سمعت صيح جدتها ودخلت لعند دعاء: ماابه مالهم جده
وابسرتها بتمسح دموعها يووه مالشش ماابه

دعاء: حسبنا الله ونعم الوكيلل حسبنا الله ونعم الوكيل بس فيهمم
يشتو يخلو بيت عمي يحيى يجو عندنا يجلسو لوما يجو ابي وامي

هديل: سهل لاانتي بتهمي عمار به الديوان الخارجي والغرفه والحمام عيكن يجلس هاناك

دعاء: مش من عمار احنا من عمي
وعمتي سعم مش انتي داريه بهم مابيعيشو الا بالسمم هذاا وعمي واصل واصحابهم عندهم مالش ماتعقلي
اذا هم عيالهم وهم عيالهم واصل وهم في الغرفه مغلقين على نفسهم خلما احنا

هديل ركزت واستوعبت: ناهي واحنا مادخلنا بهم يشربو ولا يطيرو
وقصدش اذا عمي عيخلو اصحابهم يجو لاهانا مااعتقدش مش لهذا الدرجه

دعاء تنهدت: الله يرجع ابي وامي بالسلامه ويشافي ابي ويحفظهم لنا

هديل: الله كريم
مايقع شي عنخليهم يجلسو في الديوان الخارجي والغرفه عمي وعمتي وعيالهم واحنا عنجلس لنا هانا

دعاء: الله يعيننا بس
اقوم اتصرف قبل ماجده يصيحو.

هديل: لاعد تسيري انتي شاسير انا بساعتي

دعاء: تمام اخطي البسي وانا اخطى ادي لش الزلط.


بيت ياسر

ايمان بتغسول المطبخ وفاتحه اغاني وبتغني

ساميه جالسه في الغرفه وبتبكي: الله لاسامحش يااسماء كسرتي ظهر اخوشش احمد ماعد هو نفس ماكان.قد اكتسر ظهره بعد فعلتشش مايكفيه موت ابوه زد كسرتي ظهره انتي

ايناس دخلت وابسرت امها بتبكي حملت لعندها: يووه مالكم يمه

ساميه بتبكي: كيف اتغيرت احوالنا كيف كنا وكيف قد احناا يالطيفف على قد زمان

ايناس جلست جنبها وبكيت معاها: صح.كانو ابي شديدين.علينا بس كانو يحبوناا واخر فتره والله ان.هم.اتغيرو
والله شلهم.عليناا

ساميه: ولا مااختش الله يحرق قلبهاا سعما احرقت قلوبناا

ايناس بتبكي ذكرت ابوها وكيف كانو عايشين في راحه ومفتهنين بس ماقدرين النعمه الذي هن فيها لوما شل الله نعمته من.عندهن.

احمد خرج يشل هاجر بيتهم.ورجع يتصرف للغداء وجاء وبيصيح: ييي يابناتت ووو

ايمان سمعته.حملت تطفي التلفون وخرجت لعنده: هاا مالك

احمد: شلي المصروف من يدي

ايمان.سارت وشلت المصروف من يده

احمد: وين امي وين ايناس

ايمان: في المكان

احمد سار للغرفه: هياا مالكم.هاناا يمه.ماتخرجو تتلوو لكم.في الحاره مش هي.عادتكم.تجلسو في البيت.

ساميه: هاذاك.زمان ياابني قبل ماتخزي بي اختك. وتبدع بي ملان الحاره

احمد اقتلبت صورته: من.اختي هاذاك ماعد هي اختي ولاانا اعرفها ولااصرفها
معي ثنتين خوات بسس
قاام وخرج.من البيت

ايناس مسحت دموعها وقامت تكمل تنظف البيت

بيت يحيى

احلام بتجهز لها لده وبتجابر روحها: يلاه نسير هاناك نرد ارواحنا زد شويه بدل مانجلس نموت جوع هانا


عمار بيتصايح.هو وابوه: ماعد اسير انا لو تفعلو مافعلتو ياباه

يحيى بيصيح: تشتتتيينيي اضررربككك عتستتتحييي عللىى نفسسسكك انااا قوووولتتت كللمه عتجيي عتجييي وغصبننن عنكك

عمار: مااجي افعل ياباه انتو بعقلكم بيت عمي محمد كلهن بنات اين اجي اين اجلس سيرو انتوو وانا شجلس اوبه للبيت

يحيى لطمه: وعدد تكسرر كلمتيي واناا قد حلفتتتت ياااكلبب

روان حملت لعند عمار وبتبكي: خلاااص ...ياااعماار ..قوووى ققوى .جييي ..ممععااناا

عمار مسك صابره بقهر: ماشتيتو فعلتو ياباه وماعاش من يكسر كلمتكم
وخرج من البيت

يحيى ابسر روان: وانتيي قوميي يلااه اتجهزيي شررق عليناا

روان مسحت دموعها وقامت: حاضر

📚[رواية حنين العائلة]🎶♥️
_______

البارت 62


"لقد كان حزني أثقل مِن أن ينتهي ببعض البكاء أو بالكثير من الدموع ، هل يمكن أن ينتهي بعد أن تُزلزِله بعض صَرخاتي الداخلية."


بيت محمد
فاطمه بتفعل الغداء وهديل بتساعدها

شويه وبيت يحيى جو

شهد بتسلم على يحيى: حيابكم ياعم

يحيى: الله يحييش يابنتي
وين هم امي

شهد: بيفعلو الغداء

يحيى: لمه تخلوهم يفعلو الغداء هم

دعاء جت وبتسلم عليه: مانفعل مارضيو مايشتو الا هم يفعلو الغداء

احلام فتحت.الغرفه حق حنان وبتحط الده حقها: روان جي حطي الده حقش انتي واخوتش هانا

ايه بتجابر دعاء بصوت واطي: مالهم عمتي دخلو غرفتي امي

دعاء: دعممي ابردي لش يفعلو مااشتو

ايه: لو يدرو امي لايقتهرو من جده

دعاء: خلي ذلحين تتم العمليه حق ابي ويقومو بالسلامه وارجع سهلل عنبسر كيف

ايه: ابسري ماارحم روان والله ان هي بتهزر قلبي

روان كانت ماسكه ل طه وبتشل الكيس حق الده حقهم


فاطمه خرجت وبترحب بهم: حياا بكم حياا

روان سارت تسلم عليها: الله يحييكم ياجده

فاطمه بتحببها : كم قدني فاقده لشش يابنتي

روان حضنتها: وانا قدني فاقده لكم والكل

يحيى كان بيتفرج البيت ابسر امه قام سلم عليها وحبها في ركبها

فاطمه بترفع راسه: اسلم يابني اسلمم
وين هو عمار

يحيى: هيذك في الديوان الخارجي مارضي يدخل حين البنات هانا


حسن وحسين بيلعبو مع طه وطه فارح بيلعب بحقهم الالعاب

حسن: انت شل لك هذا المسدس
وانا وطه عنشل لنا هذا المسدس

طه: اسي هاد اضلب حدين
( اشتي هاذ اضرب حسين)

جلسو يلعبو لوما يجهز الغداء

فاطمه سارت تجلس عند يحيى واحلام

هديل بتجهز الغداء هي ودعاء
وشهد بتفرش السفر وايه بتغسول الذي في المطبخ

روان جت لعندهن: تشتين معاونه ماافعل معاكن

ايه: اسلمي مانشتي شي قد كل شي جاهز

هديل بمحنكه: قد كثر خيرهم جده فعلو الغداء هم

روان ضحكت: هم هاكذا من حين ماعرفهم مايعجبهم الا حقهم الغداء

شهد جت: ماهو بتضحكين على من

روان: على جده

شهد: الله يهديهم بسس

دعاء بتدي لعند شهد صحن الخبز: هاا شلي وسير داعيهم غداء

هديل: عمار عيتغداء وحده سهل

روان: ايوه ماعيرضي يجي يتغداء معانا

هديل بتجهز لعمار غداء لوحده

فاطمه دخلت المطبخ: هاتي حق عمار الغداء

هديل كملت ومكنت جدتها: هااا قد هو جاهز

فاطمه بتبسر الغداء حق عمار: زد افعلي لحمه فوق الرز سعمن اديتي له

هديل انحرجت من روان وهي اصلا قد قدحت له من.كل شي ماشاءالله: حااضر


فاطمه شلت لعمار لعنده الغداء
والباقي اتغدو جمعه في الصاله الداخليه


البنات بياكلين صميل قلقات على ابوهن


كملو يتغدو
احلام دخلت غرفه حنان ورقدت ويحيى خرج الديوان وعمار ياسعم ان هو كمل اتغداء وخرج الشارع وهو اصلا مااكل ولا حاجه

ايه: ماله عمار ماتغداء ولا اكل شي

روان وهي بترفع الصحون: مدري ماله شكله شابعه اصلا اصتبحنا شرق

شهد شلت من يدها الصحون: خلاص سيري اجلسي لشش واحنا عنكمل العمل احنا

روان: ماشي والله لااغسول معاكن

دعاء بترفع الصحون للمطبخ وهديل بتبدل لزهراء

ايه دخلت المطبخ وبدأت تغسول وروان وشهد دخلين المطبخ يساعدين ايه


فاطمه جت وابسرت روان وصيحت: يااعيبه عليككن عاد هي ضيفه وحملتين تخلنها تغسول

روان بتصلفي القلاصات: هو انا دخلت معاهن ولا هن مارضيين يخلني اعوانهن

فاطمه: اغسلي يدش وجي ذلحين والله ماتعسي طاسه يغسولين هن مايقع بهن

روان: سهل ياجده مايقع بي شي شعاونهن عميد نكمل بسرعه العمل

فاطمه : قد حلفتت جي هانا يلاه

شهد ابسرت لعند روان: خلاص اخرجي بسس احنا عنكمل بسرعه لاعد يصيحو فوقش جده

روان غثيت: مدري مالهم ولا مافيها شعاونكن في الغسوله

ايه: سهل سهل هم.هاكذا

خرجت روان وسارت تجلس عند الجده فاطمه


للعشي في مصر

كمل المعامله حق محمد عميد يخرجو غرفه ثانيه

وحنان جالسه عند محمد لوما يقوم عاد هو اثار البنج

علي جاء ودق الباب ودخل

علي: قد قام.من البنج.

حنان : عاد هو مدري ماله ماقد قام قد له خيرات من حين.ماخرجوه من العمليه

علي: طبيعي مايقع شي شويه ويقوم

حنان: على الله

علي: قد اتصلت للبنات طمنيهن

حنان: قد اتصلت لهن اول ماخرج من العمليه


بيت محمد
يحيى جالس مخزن في الديوان وعمار في الغرفه الذي جنب الديوان

واحلام جالسه تتفرج التلفزيون

وروان وطه جالسين.عند فاطمه عيرقدو عندها

وحسن وحسين قدهم راقدين في غرفتهم

والبنات في غرفتهن بيتجابرين

ايه: الحمدالله الحمدالله

دعاء وهي فارحه: قالو امي ماقد فاقو عادهم لوما يقوم من التخدير عيتصلو لنا

شهد: الحمدالله حين كملت العمليه وماوقع شي


هديل كانت بتجاوب التلفون وبتأشر بيدها يسكتين

هديل: مالك ماوقع.بك ياروحي

ايمن: برده وحمى شكله حين رقدت والطاقه فاتحه

هديل: جعلي مكسر عليك وذلحين.كيف قد انت

ايمن: والله ان انا تاعب جاوع ماقد حتى اتغديت

هديل: ليش ماتشتري لك اي شي من خارج ولا كان جيت اتغديت عندنا

ايمن: عيب ماينفعش اين اجي وعمي وعمتي مابحدهم
الا مازد قالو قد عمي قامو

هديل: عادهم ماقد قامو خرجوه من العمليات قبل شويه اتصلو لنا امي

ايمن: الحمدالله الله يقومهم بالسلامه

هديل: ياارب
ذلحين انت في حسي غطوه جي لي وشاروح

ايمن: سهل اجلسي عند خواتش وانا مايقع بي شي

هديل: مااشي غطوه جي لي اروح ابسر ماافعل لك حين انت مريض

ايمن: الله يحفظش صدق
وزهرائي كيف حالها قد انا فاقد لهاا

هديل ابسرتها وشهد بتصبغها: هي مش هي فاضيه هي بتتصبغ وضحكت
جي يازهراء جاوبي بابا جي

زهراء ابسرت لعند امها وحملت تشل التلفون وبتجابر ابوها

هديل ابسرت لعند البنات: ماقد اتصلو امي

دعاء: عادهم

ايه: خلاص قولي ل ايمن مع السلامه نتجابر

هديل ضحكت: شلوش ناهي خليه يجابر بنته
قد انا راحمه له مريضض وجالس وحده

دعاء: روحي لش بس وابسري زوجش واحنا مايقع بنا شي

زهراء غلقت التلفون وبتلعب به

هديل شلت التلفون من.عند زهراء : امد لوما يفتهن.وارجع اجي عندكن.

ايه: حسستينا ان.احنا بنات صغار مالشش.قد احنا عاقلات ماعيوقع بنا

تلفون دعاء رن. جاوبت عليه
دعاء: هاا امه كيف حالكم ابي قد فاقو

حنان: الحمدالله ينتي الحمدالله قد قام ليكن عاد هو تاعب

دعاء: الحمدالله الله يقومهم بالسلامه

حنان: وانتين كيف حالكن الجهال كيف هم وامي فاطمه

دعاء: كلناا الحمدالله يمه والجهال قد هم راقدين وجده والكل قدهم راقدين

حنان: امي فاطمه مابيفعلو بيهرمو ولا بيشغلو

دعاء شورغين عيونها: ماشيي الا يمه بيت عمي يحيى عيجلسو عندنا

حنان : يووه ليشش عيجو مايجو يفعلو واحنا مابحد

ايه بهررت لدعاء ليش تتحاكى

دعاء بتأشر ان هو ماينفعش الا امها تدرى: جو اليوم وقالو جده ان هم عيجلسو عندنا لوما تجو

حنان اقتبض قلبها: ليشش بيفعلو هاكذاا ليشش ليشش يشتو يقهروني ليشش

هديل سمعت امها: مايقع شي يمه مالكم ليش عد تقتهرو وتغثو روحكم

حنان بكيت: يووه على بيتي وعلى بناتي

دعاء : يمه انا حاكيتكم عميد تدرو مش تجلسو تبكو وتقتهرو

حنان بتبكي: ماتشتيني افعل يابنتي ماهو انا مابحد ابوكن مابحد انا سرت وانا راكنه على امي فاطمه يوبهو للبيت مش يخلو خلق الله يجو مااقول لابوكن

ايه: لاتحاكوهم لوما يفتهنو وبعد سهل هو عمي ماعيوقع لو جلسو

حنان: الله لاسامحهم امي فاطمه الله لاسامحهم

دعاء: لاتخلوني اندم حين حاكيتكم يمه انا قولت لكم عميد تدرو بسس مش تجلسو تقلقو وتهمو

حنان: مازيد اقول يابنتي عاد هم بيقولو ضروري ابوكن يجلس اسبوعين في المستشفى وبعدين يرتاح في البيت اسبوعين ثلاثه ورجع اذا نشتي نروح ونسافر نسافر

هديل: اجلسو بس يمه لوما ابي يتباخرو ويفتهنو

حنان: من بيسير يتصرف لكن

دعاء: بين اسير انا بساعتي

حنان اتنهدت: قلبي وحسي في نارين بينكن وبين ابوكن ماعد دري حالي مايفعل

ايه: اجلسو اوبهو لاابي ولاتجلسو تهمونا



خطي الاسبوعين محمد نقلوه في غرفه خاصه وقد هو ماله شي حنان جالسه قلقه على البنات حاكت محمد ان يحيى وجهاله ومرته في بيتهم ابسر الامر طبيعي وان هو اخوه وسهل لاجلس عندهن
هديل روحت بيتها وبتتصل لخواتها كل يوم تبسر كيف هن


البنات كل يوم يخطى عليهن من شق ارواحهن من طباز جدتهن ومن هرمها وخبثها عليهن بس ماعد بيحاكين امهن وبيقولين لها ان هن مالهن شي ومفتهنات عميد لاتجلس تقلق عليهن

📚[رواية حنين العائلة]🎶♥️
_______

البارت 63


بيت ام سليم

ملاك: صباح الخير يامه

ام سليم: صباح النور هي جي اشربي لش قلص بن قبل الصبوح

ملاك: مالكم قمتو بحينه

ام سليم: مابش فيني نوم صليت.فجر وماعد جاني نوم

ملاك: الا مارئيكم نسير اليوم بيت عمي محمد نبسر البنات ونبسر مايحتاجين

ام سليم: الا صدق نبسر كيف هن ومايحتاجين

ملاك: نتصل نقول لهن لايفعلين غداء عنفعل الغداء ونجي

ام سليم: الله يرضى عليش صدق بكم نتجمل من محمد وحنان

ملاك سكبت لها بن: اخطى اتصل لدعاء ذلحين

ام سليم.غطت على الصبوح وخرجت بعد ملاك.

ملاك جلست وبتتصل لدعاء

دعاء جاوبت عليها: حياا حياا بالقاطعه

ملاك: لش حياه الدنيا والله ان عادني عبيت رصيد امس ولا انتي داريه بي

دعاء: المهم كيف حالشش وكيف عمتي تقوى

ملاك: الحمدالله مالنا شي وانتين كيف حالكن وعمي محمد كيف قدهم

دعاء: الحمدالله وابي قدهم مالهم شي

ملاك: شكل عندكم هديل البيت دوشه وازعاج

دعاء: مع والله ان هي في بيت زوجها مابلا بيت عمي يحيى عندنا والجهال بيلعبو

ملاك: صدق ماشاءالله كيف لهم جو عندكم

دعاء: قدلهم اسبوع جو عندنا عميد جده

ملاك استغربت: وبيرقدو والكل
كيف لهمم

دعاء ضحكت: اييوه كان ماهو بيروحو ويبكرو الصبح

ملاك ضحكت : الله يعينكن صدق
وجده بيهرموكن

دعاء: ادعي لنا بسس

ملاك: الله يعينكن ويشافي عمي محمد ويدي لهم العافيه
المهم ماتحتاجين امانه تشتين معاونه تشتين شي هيذا امي وانا موجودات

دعاء: الله يدي لكم العافيه مانشتي الا سلامتكم

ملاك: الله يسلمش ويعافيش سلمي على البنات كلهن

دعاء: الله يسلمش ويعافيش الله معش

ملاك: في امان الله

ام سليم: مالش ماتقولي لهن ان احنا عنجي عندهن

ملاك: ابردو لكم.بيت عمي يحيى هاناك وشكل الدنيا معصوده عندهن

ام سليم: الله يعينهن ذلحين هم امي فاطمه خلو بيت يحيى يجو عندهن

ملاك: يلاه ارجع نسير يوم بعد غداء نبسرهن

ام سليم: ان شاءالله


بيت محمد

قربت ايه الصبوح وبعدت شويه لعمار وروان خرجت له الصبوح لديوان

وقربو كلهم يصتبحو

فاطمه شلت الروتي من.تحت البنات: انتين كلين خبزه وخلين الروتي لروان وطه

روان خزيت: يووه مع لمه بكله تحتي ياجده خلوه عند البنات

فاطمه: ماعليش عياكلين.خبزه

شهد شلت خبزه وبتاكل سكته
ايه اكتبدت

حسن شل روتي وبياكل
فاطمه.شلته من يده : اكل خبزه وفلت الروتي

احلام بتاكل ومافي حسها من احد ويحيى نفس مرته بياكل وان كان ماهن بنات اخوه

دعاء: جده مالكم.جاهل هيذا الروتي خيرات قد احنا البنات بناكل خبزه الجهال خلوهم ياكلو روتي

يحيى صيح: عيبب جدتشش من قلة الادب عاد هي عد ترادد عليها

فاطمه: ابسرت ياابني على قله احترام

ايه قامت ماعد اقدرت تكمل تاكل وشهد لحقت بعدها

دعاء اقتهرت ودعممت وجلست.عند الجهال لوما يكملو يصتبحو.

روان بتلعون نفسهاا: شلونيي صدق هو عمليي ابي صيحو فوق دعاء وجده صيحت

طه: اسي ساهي يالوان
(اشتي شاهي ياروان)

روان سكبت له شويه في القلص ومكنته

يحيى كمل يصتبح وقام وابسر لعند دعاء: قالو حطو عندش زلط.للمصروف

دعاء ابسرته: ايوه

يحيى: هاتي حق المصروف اليوم وفعلتو اي حاجه للغداء

دعاء ماتقدرش تقول ماشي هو عمها: حاضر
وقامت تدي له

احلام ابسرت لعند يحيى وقربت لجنبه: اشتري لي حبوب من الجن يايحيى احسن ماافعل لك يوم ماتعرفه راسي قد عينفجر

يحيى: مابش زلط من اين ادي لشش

احلام: دبر روحكك
وسارت الغرفه

دعاء جت ومكنته الزلط

يحيى بيعدها: ماهي هذه سيري هاتي عشر الف سيري

دعاء قد هي مطننه مستغربه: امي حطوه لنا قيمه مصروف

يحيى صيح: سسسييررريي هااااتتتيي عشششر الفففف سسسييرري كككنن اففعلوو الحاصلل ومممابببششش دااعععيي تتعشششوو

دعاء نكزت من صيح عمها وسارت تدي له عشره الف ومكنته
شلها وخرج

فاطمه ابسرتها: ماعد بشش حيااء عد تردي عمش على شويه زلطط ياحيانا من الله
وابسرت لعند روان جي يابنتي جي شلي طه وجي اجلسي عندي
وسارت الغرفه تتشمس

روان قد هي خازيه من تصرفات ابوها وجدتها وبتلعون نفسها


شهد كانت هي وايه في المطبخ خرجت وسارت لعند دعاء: مالهم عمي مابيستحو

دعاء قدهي مقهوره: مدري مالهم يلاه خلاص ابردي لش سيرين غسولين المطبخ وانا شكنس البيت

شهد: قد ايه عد تكمل المطبخ هاتي شكنس انا وانتي غسلي الحمامات
(حاشيكم)

روان شلت طه وخرج لديوان لعند عمار

عمار بيتجهز قد عيخرج

روان: وين انت خارجي

عمار: اسير ادور لي مهره مااجلس افعل هانا

روان: عمار

عمار ابسرها: مالش ياعيون.اخوش

روان : ماعد اشتيش اجلس هانا اشتي اسير بيتنا ولو نموت جوع سهل ولا اجلس هانا.

عمار: ليشش.مالشش احد حاكاش احد قال لش شي من.بنات عمي محمد

روان وقد.الغثى في عيونها: ماشي بس بين احس بحراج وعاد ابي بيطلبو زلط وزد بيصيحو
ولا جده مدري مالهم.على بنات عمي محمد

عمار تنهد: مابيدنا نفعل يااختي ماهو.معش حل مامعانا الا الصبر

روان بكيت: ليي.للليش ...هههم .مم...هههاا ..هاااكذاا

عمار حضنها: لاعد تبكي خلاص عميد طه والله حين تبكي بتحرقي قلبي

روان بتبكي.
طه حمل لعندها وبكي معاها

روان جلست على ركبها وحضنته: مالك ياطه بتبكي

طه بيبكي: لليسس .. بيبكي .. يالوان .
(ليش بتبكي ياروان)

عمار شله وحضنه: مابتبكيش روان ايحين
وابسر لعند روان

روان بتمسح دموعها وبتضحك: انا بين اضحك مابين ابكي


خطي يومين.والحال على ماهو ويحيى كل يوم يشتي زلط
حنان بتتصل يوميه للبنات وبتتطمن عليهن هديل زوجها مريض ماعد اقدرت تجي عند البنات
محمد قد هو ماله شي بعد العمليه بس قالو له ضروري يزد يجلس اذا حصلت معه مضاعفات

سعاد مابين الفتره والفتره تتصل للبنات وتسأل عليهن



الساعه 11 الليل
بيت محمد

ايه: مالهم عمي قد هو لليل وهو عادهو جالس هو واصحابه

دعاء وقد هي قلقه: حسبنا الله ونعم الوكيل ماهو واحد يزيد يقول

شهد: استغفرالله بس يعلم الله مابيشربو ومابيفعلو

دعاء: اصه ماعلينا احنا ندي الجهال هانا ونغلق على انفاسنا وبس

ايه قامت وفتحت الباب وبتسمع ضحوكه
دخلت لعند البنات: جي جي نشل الجهال عندنا والله ان شكلهم مطولين

دعاء خرجت معاها وسارت تشل الجهال

دعاء شلت حسن وايه شلت حسين

شهد فرشت لهم وجهزت لهم البقعه

دعاء حطت حسن وايه حطت حسين
دفتهم شهد


ايه اسير ادي لنا ماء واجي

📚[رواية حنين العائلة]🎶♥️
_______

البارت 64


"عمرنا ماتمنيناش الحزن والوجع لـ غيرنا ولا عمرنا ڪسرنا بـ خاطر حـد وماجبرناهۃ ، احنا تعلمنا من تجاربنا اللي مرينـا فيها انو ڪسرهۃ الخـاطر تهد القلب وتڪسر النفس ، #احنا نجبـر بـخاطر  الشخص اللي قدامنـا ولو بڪلمهۃ بسيطهۃ احنا تعودنا مانجرحش الشخص ونسيبهۃ للوجع ولغيرنا يداويهۃ احنا تعلمنا من الوقت ان الدنيا دوارهۃ خيرات."


دعاء: اقطبي

ايه خرجت للمطبخ وبتسكب لهن.ماء في الجاك

عند يحيى واصحابه

يحيى بيضحك : اششرب اششرب

صاحبه وقد هو مدوخه وبيضحك: اناا ههههه شاا.. هههه..ششاقووم .... اارر ..رروحح ههههههه
وقام وهو بيتصروع

يحيى ابسر صاحبه الثاني وقد هو مدوخ وبيتحاكى بكلام ثقيل متقطع : ققق..وو.قووم...ووواانن..ووانتتت ....هههي ههيياا

صاحبه قاام: بتت..تطط.ررد...ددني .
وضحك

يحيى قاام وهو بيتصروع واصحابه خرجو
عمار كان في الغرفه الذي جنب الديوان بيسمع سكته

يحيى دخل ل صاله الداخليه وهو بيضحك وبيتصروع

ايه كانت خارجيه من المطبخ ابسرت عمها وهو في حاله لايرضى الله ولا رسوله افتجعت منه

يحيى ابسرها وضحك: ماا..االلش ..ههه ههه ..افف فتت...تججع..عتتي ..ههه .ههههه

ايه يبست بقعتها وبتتحاكى وهي بترتعش: مالكم.ماتشتو ياعم

يحيى بيخطى للغرفه وهو بيضحك ويتصروع

ايه حملت للغرفه

شهد : مالشش

ايه حطت الجاك وغلقت الغرفه وقد بطونها في القاع

دعاء: يووه صرفوو مالش

ايه مسكت على قلبها: يووه عمي يحيى دخلوو لاهانا وهم بيتضحوكو وصورتهم شووعه ابسرتهم لوما بطوني نزلت

دعاء افتجعت: يالله خراجك ياارب رجع امي وابي بالسلامه ياارب

شهد: يووه يارب سترك صدق والله لو يدرو امي وابي لايجننو وهم هاناك

دعاء: لاحد يتحاكى نسكت بسس والله ان لو يدرو ابي لايمرضو فوق ماهم

ايه تنهدت: ماعنتحاكى عنسكت لوما يجوو 


اليوم الثاني
هديل بتتصل لدعاء

هديل: كيف حالكن

دعاء ناويه ماتحاكي حتى هديل عميد لاتجلس تقلق عليهن: الحمدالله مالنا شي وانتي كيف حالش وكيف قد ايمن

هديل: والله ان هو جالس تاعب محمي


بيت ياسر

احمد بيصتبح: وين بيت عمي يحيى مابنسمع لهم حس

ساميه : يوه مش انت داري سارو بيت محمد عند امي فاطمه


احمد: هممم ضخمم

ايناس: وعمي محمد بتتصل لهم كيف هم

احمد: اتصلت لهم بعد مافعلو العمليه وقالو مالهم شي

هاجر: الله يدي لهم.العافيه


بيت ابو سعاد

هلا: يمه قد احنا نشتي نروح

هديل: قد احنا ضابحين هانا

سعاد: مانفعل يابناتي قال ابوكن نزيد نصبر اسبوعين ثلاثه وعيجو

سلا: قدنيي فاقده ل بابا خيرات ياماما


بيت محمد

يحيى واحلام كان هم راقدين
البنات كملين يصتبحين

دعاء سارت لعند الجده فاطمه

دعاء: جده فاطمه

فاطمه: مالشش خير ماقد به

دعاء جلست: جده فاطمه بتبسرو عمي ياجده والله ماهي سابره يجلسو هم واصحابهم ل نص الليل

فاطمه ابسرتها: ماهو تشتي افعل اطرده من البيت

دعاء: ماقلت انكم تطردوه بس قولو لهم اصحابهم لايكونو يجو بنفتجع احنا بنات ملان البيت ياجده

فاطمه بقلب قاسي: ولا يقع بكن شي غلقين على انفاسكن

دعاء بكيت: نغلق على انفاسنا ياجده هذا الذي تقدرو تفعلو لنا
امي امنوكم على بيتهم وعيالهم ليش تخونو الثقه احناا بنات ابنكم مش احنا من الشارع

فاطمه: الذي عيبسرش عيقول مدري ماقد فعل لش عمشش

دعاء وهي بتبكي بحرقه: ليشش عاد انتو تشتو لوما يقع الفأس في الرأس زلط ومصروف ومكنهم وقولنا سهل الجهال يقومو من فوق الصبوح جاوعين من فوق الغداء جاوعين وعشاء ماعد بنتعشاء ونقول سهلل
ليكن انكم تخلو عمي يجلس هم واصحابهم طولت الليل في بيتنا مش هي سابره

فاطمه : عد تذلي عمش حين قد شل الزلط منشش ياقليله الولف حين قد اديتي له قرشين

دعاء بتبكي: ليشش انا قولت شي انا قولت سهل كل شي يهون سهلل انا قولت تقولو لهم لايكونو يدخلو اصحابهم عندنا في البيت بسس

فاطمه بكل برود: ماعليا انا ماادخل والله لايجنن فوقي وانا امه قد بين اقول لش كن غلقي المكان عليكن وخلاص

دعاء قامت ودموعه بينزلين: ماعد اقول الا حسبي الله فيكم حسبي الله فيكم
بتمسكونا من اليد الذي بتوجعنا انتو داريين ان احنا ماعنقدرش لا نحاكي امي ولانحاكي ابي هم في مرض وابي عادهم خارجين من عمليه
ليكن مااقول فيكم الا حسبي الله ونعم الوكيل
وخرجت من المكان وسارت للغرفه

ايه ابسرتها بتبكي افتجعت قصدها ان مدري ماوقع باابوها: مالشش بتبكي مالهمم ابيي ماوقعع بهمم
وبكيت

دعاء خفعتها دلا في يدها: شلوشش اتعوذبي من الشيطان مالهم شي عادهم اتصلو لنا الصبح مالشش

ايه : كان مالش بتبكي

دعاء تنهدت ونزلين دموعها: من حالنا كيف قد احنا عايشين
وغطت على وجهها وبتبكي

ايه حضنتها وبتبكي معاها: عنستحمل سهل عميد ابي لايتعبو علينا

شهد دخلت وبتبسرهن متحاضنات وبيبكين: يووه صرفوو مالكن ماابه مااوقع

ايه بتبكي: بتبسري كيف قد احنا ياشهد بتبسري كيف حالنا

شهد بتكابر وقد هي تشتي تبكي: باقي ل امي وابي اسبوعين ثلاثه وجو

دعاء جالسه بتبكي وايه حاضنه لها
شهد جت وحضنتهن


روان كانت في الصاله بتلاعب حسن وحسين وطه

احلام قامت وابسرت روان: قومي افعلي لي صبوح قومي قدني جاوعه

روان قامت: حاضر
دخلت المطبخ ماكان به شي فعلت لها شاهي وادت لها خبزه وجبنه لان مابلا هن في المطبخ


دعاء مسحت دموعها وقامت: خلاص قومين.نبسر الجهال ونجلس مع روان حرام والله ان هي مظلومه هي والكل

شهد: الله يعينها صدق تهزر القلب هاذك البنت

احلام ابسرت البنات: مالكن هاناك جالسات وحدكن جين اجلسين عندنا هانا

دعاء جلست: الا كملنا العمل بس

احلام وراسها بيوجعها وماسكه له: وامي فاطمه وينهم

ايه: في الغرفه بيتشمسو

احلام: ماعد مفتهنين الا هم

روان جت بالصحن لعند امها

احلام ابسرت مابلا شاهي وخبزه قد هي يابسه اتبرقطت وصيحت: ماهوو هذاا ماهوو ياعاصيه انا قولت لشش انا جاااووعهه جاوووعه جيتي تديي ليي خبزززه ياابسه سااعاا وجههش

روان: مابش شي في المطبخ يمه مابلا الخبزه مالكم يمه

احلام دهفت الصحن لافوقها: سيري افعلي لي صبوح ساعا النااس

روان مسكت الصحن : من اين ادي لكمم صبووح صلو على النبي يمه بين اقول لكم مابش الا الخبزه هاذه والجبنه
وخطيت تحط الصحن في المطبخ

ايه: هو صدق يعمه مااصتبحنا الا جبنه وخبزه مالكم صلو على النبي

احلام : قدش بتراددي امشش ياقليله الحيااء وتتعنوصيي
وقامت تشتي تضربها

دعاء مسكت عمتها: مالكم ياعمه صلو على النبي مافعلت هي بتقول لكم مابلا الخبزه

احلام طلع لها القرون قد هو وقت جنانها بتدهف دعاء وتهزر روان: اخريي من قباليي يادعاااء اخرييي من قباالييي

فاطمه سمعتها وخرجت : مابه ماهوو ابعديي من فوق البنتت

احلام بتضرب روان وتهزور شعرهاا: طلع لش لسان علمنش البنات اومهه قدد علمنشش علىى امششش
وبتضربها من غير حس

فاطمه حملت تقوم يحيى والبنات قدهن مستغربات مالها هذا جننت هاكذا فجأه شهد شلت الجهال للغرفه الثانيه

يحيى قام وابسرها وهزرها ودهفها لعرض الجدر: كسررو يدشششش انااا قووولتتت لشششش لاااتتتكننن تمممديي يدددش علىىى عيااالييي

روان بتمسك شعرها وبتبكي
ايه حملت لعندها وبتقومها وبتبكي معاها

احلام بتصيح: اكسرررهممم كسااار ماااعليييك ياااسكككراان ماااعليييككك عيييااالللييي وااناا ححرره
وقدهي بتجنن وتصيحح من غير حسها

عمار سمع الصيح وماقدر يدخل عشان البنات
بيصيحح وبيداعيي ومحد بيسمعه

يحيى: استتفغررالله علىى قدد مرره عليييش لعنتت اللله
وقرب لعندها
اناا قاادر اكسرششش تكسيرر بسس احتراام لامي هي هانااا بسس

ايه شلت روان الغرفه ودعاء لحقت بعدهن

دعاء حضنتها: لاعد تبكي خلاص ياروان لاعد تبكيي

روان بتبكيي وبتصيحح: خلاااص واحدد يتتعبب انااا تعبتت يووميه وهمم هااكذااا يوووميهه وهمم صييح ومضااربه يوووميهه حرااام عليهههم يرحمونييي يييررررحححممموونيي


دعاء حضنتها وبتبكي معاها مابش ماهو تقول لها ولا ماهو تطبطب عليهاا

البنات رحمنها ورحمين لحالها

عمار بيدق الباب
يحيى خرج : ماالكك وانتت بدقق البابب هااكذاا

عماار: مااهو ماابه ل صيحح هذاا مااحصلل

يحيى: امك هذاا مدريي مابيطلع لهاا جنن في راسهاا ضربت روان

عمار وهو مقهور: ليشش مافعلت

يحيى وهو خارجي: مدري على مه

📚[رواية حنين العائلة]🎶♥️
_______

البارت 65


مـن_قـال ان وجـع الـقلـب مـاا بيـاثررشـشش علـئ النفسـيـةة احيـانـآ احنـا بنـگتـم اللـي فينـا وبنگـابـر ونقـوول عـادي سهـل بسـسس فـي الاخيـرر نگتشـف ان صحتنـا هـي #ضـريـبـةة_گذبنـاا !!..
لان_الـعـادي عـمـررة مـاا گنشـشش عـادي الـعـادي بيشـل مـن صحتنـا ومـن الشغـف اللـي فينـا وبيشـل مـن گل شـيء گنـاا احنـا بنتبسـرر عليـةة #وسـاگتيـن_ومستحمليـن !!.
ايـووة_الـعـادي عـمـرةة ماگنشـشش عـادي لانـوو بيشـل مننـا حاجـات خيـررات #واللـه !!..


كمل اليوم وكل من في قلبه وجع وغثى اما يحيى هاذاك هو خلا اصحابه يجو وان كان ماحصل شي
البنات حاكين هديل على الذي وقع رحمتهن ورحمت روان ونفسها تجي بس دعاء اقنعتها لاتجي تجلس عند زوجها بسس


في مصر

محمد بيجابر علي: يااخي خلاص والله ان قد انا.مالي شي بخيرر قد هو وقت نحجز لنا طياره وسافرنا

حنان: قد جلسنا هانا خيرات البنات وحدهن وقد العيد عيجي ماهي سابره نعيد هانا والبنات هاناك

علي: كان ماشتيتو عد اسير غطوه احجز لنا اول طياره لليمن

محمد: وانا قد قال الدكتور قد كل شي تمام والحمدالله ماعد جلستنا هانا اصلا

علي: ماصحتك قد هي تمام الحمدالله

حنان: الحمدالله وانا مااشتي اعيد الا في بيتي وعند بناتي


اليوم الثاني علي سار يحجز اول طياره لليمن.وكانت اول طياره بعد اسبوعين


بعد اسبوع
بيت محمد
البنات قدهن فارحات بجيت ابوهن وامهن وبدأين ينظفين البيت وقد هو للعيد والكل


كانهم مجتمعين كلهم عادهم كملو يصتبحو

يحيى ابسر لعند دعاء: الا اذا عاد باقي معش زلط هاتيها وانا ارجع اديها لكم

دعاء: والله ياعم ان ماعد معي ريال قد شليتوها كلها اليوم الاول

يحيى ابسر لعند فاطمه: وانتو يمه معاكم زلط الرجال يشتي حقه

فاطمه: من اين ادي لك وانا سعم.معي معاش

يحيى ابسر لعند احلام: هاتي الذي في اذنش وارجع اردهن لش (قصده الاخراص الذهب)

احلام: والله مااديهن لك

يحيى وقد الرجال بيشغله يشتي زلطه ماشي عيحبسه وقد ركنه وحلف له يمين ل يديها له: غصبن عنشش عتديهن عادهن بزلطيي وبعد انا قولت شردهن لشش هاتيهن بأحترام

احلام: احلمم في احلامكك اني اديهن وبعد من قال لك ان هن بزلطك والله ماهن الا بزلطي

يحيى قام وبيصيح: بزلطييي بزلطشش هاتيهنن بنقولل لشش وارجع ارددهنن لشش

احلام: عناد فيك حرام ماتعرفهن وافعل الذي تشتي

يحيى قرب لعندها ومسكها من يدها: عد تديهن انتي ولا اشلهن بطريقتي

فاطمه: خلاص بس اهدأو وصلو على النبيي

البنات بيتفرجين سكته وقدهن مفتجعات

الجهال كانو بيلعبو

احلام هزرت يده وصيحت: حراام للووو يطططيرر رررااسيي ماااتتعررففههن

يحيى لطمها وبيحاول يشل الاخراص من اذنها: هاتييي يااابنت الللكللب هااتيي

احلام بتجنن وتدهوف يحيى: فلللت كسسسرووو يدددك فففلتتتت فللللت يييايههوديي فلتتت

فاطمه بتحاول تفرع بينهم ماقدرت
والبنات قد هن مفتجعت وبيهدين روان الذي بتبكي

يحيى بيحاول يبعدهن وهي تدهفه واحلاام بتغور وتصيحح

يحيى ماقدرش يبعدهن هزرهن هزر من اذنها لوما شط اذانها وخرج الدم

احلام ماعدهي بحسها بتجنن: الله يييلعععناااك اللله يلللعناااك اذااانييي اذاانييي اذااانييي

يحيى قصده ان هن عيبتعدين مع الهزره ماتوقعش ان اذانها عيشتطين

روان صيحتت: اااميييي اااميييي

عمار بيسمع الصيح دخل على طولل وابسر امه اذانها ملان دم وابوه في يده الاخراص وهن فيهن دمم

احلام قامت ساعا المجنونه: واللله لااقهههررررككك فييي ااابببناااكك واللله للاااا اااقققهههرررككك والللله

وحملتت  للغرفه لعند طه الذي كان بيلعب مع حسن وحسين
وهزرته وبتخنقه

البنات وروان ويحيى وعمار حملو لعندها

احلام قد هي ساعا المجنونه بتخنق طه من غير حسس

الجهال افتجعو وصاحوو وحملو لعند دعاء

دعاء حضنتهم وقد هي بتبكي شلتهم.الغرفه الثانيه وغلقت عليهم وحملت لعند البنات

يحيى بيحاول يفكها من عند طه ماقدرش عمارر بيحاول مع ابوه ولا اقدر

روان بتبكي وتضرب نفسهاا : اخييي اخييي اخييي فلتتتوو اخيييي اخييي عيموووتت

احلام بتخنق طه بكلل وحشيهه وبكلل قوتهاا والدم من اذانها بيسير
طهه قد وجهه اسود من كثر الخنق


يحيى بيصيحح ويضربها في ظهرهاا: فلللتييي اللوولددد يييااامممججررممه فللللتييي الللووولددد

عمار بيضرب امه ويصيح ويبكي: فلتتتووو يييمهه قوووى فلللتووه طططهه عيييموووت فلللتوووه قوووىى

فاطمه بتهزورها وبتبكي: الوللدد عد تقتليييه

ايه وشهد ماسكات لروان الذي بتلطوم نفسهاا وتبكيي وتصيحح

دعاء بتهزور احلام عميد تفك للولد

يحيى بكل قوته هزرهاا لوما رجمهاا للجدر وضربت راسهاا

عمارر سحب طه وقد هو مزرق مدوخخ

دعاء حملت تدي ل طه ماء

فاطمه ماعد اقدرت تقوم قد هي بترتعش بكلها

عمار بيمسح على ظهر طه: قووم ططه ققوووم طططه

دعاء جت بالماء ونزفته وقد ايديها بترتعش من كثر الفجيعه

روان ابسرت اخوها وحملت لعنده: طططهه ططططه قووومييي يااارووح اختتتك قققوم قوووم قوووى ققووم

يحيى اتصنم بقعته وهو بيبسر احلام مدوخه وابنه طه مرجوم مزرق


طه شههق قووي ورجع له النفس

عماار حضنه وبكيي وروان حضنته وبكيتت

ايه وشهد قدهن بيبكين ومفجوعات
دعاء جت لعندهن وبكيت

فاطمه بتبكي ابسرت يحيى: الله لاسامحكك لاا ابركك كاان عد تقتللل الوللدد منن ذمتكك

يحيى استوعب الذي بيوقع ولعن نفسه شل نفسه وخرج من.البيتت


احلام فاقت وفتحت عيونها وبتحس جسمها كله مكسر والدم.ملان رقبتها
قامت وبتبكي

فاطمه قامت لعندها: ياامجرررمهه كاان عد تتتقتتلييي الوللد هووو ابنششش ابنشش مش هو ابببنن يححييىى ووحدده

احلام بتبكي بقعتها ماقدرت حتى تقوم

روان وعمار وطه دخلو لديوان
والبنات سارين للغرفه عند حسن وحسين

دعاء نزفت حسين وحسن حين افتجعو

ايه وشهد جلسين وهن مطننات مفتجعات

احلام قامت وبتخطى دلا وبدور تلفونها

احلام شلت التلفون وبتتصل لااخوها

اخو احلام: الووه

احلام بتبكي: جي لي يااخي جيي لييي

اخو احلام: ماابه ماحصل نفس يوميه ضربشش

احلام وهي بتبكي: عد تجي لي ولا ماشيي

اخو احلام: يالله خرااجك ناهيي اتجهزيي

احلام غلقت التلفون وبتمسك اذانها : الله ييحررققق ققللببك يياييححيىى
الله لا وووررااكك ييوومم ححاالليي


فاطمه قامت وسارت تبسر طه

عمار وروان حاضنين ل طه
وطه بيبكي من الوجع حق رقبته قد هو محمر ومعلم قوي

فاطمه جت لعندهم: اسكه كيف قد هو طه
طه بيبكي مايشتيش يسير عند احد يشتي يجلس عند عمار

فاطمه ابسرته وبكيت: حسببش الله يااحلاام على الللوولد


عند يحيى
بيخطى ومش هو داري اين يسير
يحيى بيفكر بحياته وعيشته وعياله

يحيى جلس بين الرصيف حق الشارع ومسك راسه وبكي : ياااربب يااارب سساامحنيي ييياارب واللله ممااعدد اشررب ححااجهه والله ممااعدد اقططع فرض لااكنن اصللي كلل فرضض بفررضه ياااررب لاتتعااقبنيي فيي عيااليي يياربب

سمع اذان الظهر وكان به جامع قريب
قام ومسح وجهه ودخل اتوضاء وصلى
وجلس يدعي ان الله يساامحه

وحلف يمين ان هو ماعد يقطع فرض وماعد يشرب شي ويتوب الى الله
وعيرجع بين عياله ويستسمح منهم واحلام عيطلقهاا

📚[رواية حنين العائلة]🎶♥️
_______

البارت 66

كمل اليومم واحلام اخوها جاء لها وابسر حالتها وكيف قد هيي حلف يمين ماعد ترجع وان يحيى عيطلقها والجهال يجلسو عند ابوهم

اما روان وعمار وطه لفلفو الده حقهم وناويين يرجعو البيت حقهم


يحيى طلق احلام وادى ورقتها لعند اخوها ماقد رضي  يرجع البيت وجالس في الجامع وناوي يجلس لوما يحس ان الله سامحه

فاطمه وصت احمد على عمار وروان وان هو لايكون ينساهم من غداء وصبوح وعشاء وتكن ساميه تتفاقدهم حين هم وحدهم.


اليووم المنتظرر يووم رجوع محمد وحنان وعلي

البنات قدهن فارحات وقد نظفين البيت وجهزنه من كلل شي وهديل جت عندهن من يوم اول وجالسه عندهن


وقت المغرب

شهد: مالهم ماقد جوو قد هو مغرب

هديل: قد هم عيجو ذلحين قد اتصلت لاامي قالو قدهم.قريبين

ايه وقد هي فاارحه من قلبهاا: الله يوصلهم بالسلامه


حسن وحسين قدهم.محممين مبدلين

حسن: ماعيدو لنا من العاب

حسين: قالو بابا اشترو لنا سياره سياره من الكبار ابو ريمونت

دعاء بتبخر البيت: الله يوصلهم بالسلامه

فاطمه جالسه في زوتها بتستغفر

زهراء جالسه تهزور المسبحه حق فاطمه

فاطمه خفعت يدها دلا: ارزي من الهرمم
جي شليي بنتش من عنديي وغلقي عليا المكان

زهراء بكيت

ايه حملت تشلها: خلاص يماما خلااص لاتبكيي
وبتحب يدهاا

هديل : ضروري يفعلو طبزه لنا ضروري يجغرونا حسبنا الله ونعم الوكيل


حنان ومحمد وعلي وصلو استأجرو لهم سياره تاكس

حنان نزلت وبدق الباب
شهد حملت تفتح

حنان دخلت وبكيت وشهد حضنتها وبكيت معاها

حنان بتبكي وحاضنه ل شهد: حيااا لبناتيي حيااا لجهالييي حياا لبيتيي

شهد بتحب ركبها وايديها : حيااابكمم انتوو يممه حياا نوررتو صنعااء
وحضنتهاا

دعاء سارت تسلم على امها وهي بتبكيي ونزلت تحب ركبها وبتحضنها : حياابكم يمه نورتوو بيتكمم

حنان بتسلم عليها وتحضنها وبتحبهااا وبتبكيي

ايه وهديل سارين وبيسلمين عليهاا
حنان حضنتهن الثنتين وبتبكيي

حسن وحسين حملو هم والكل وبيحضنوهاا حنان بتحببهم وتحضنهم

حنان حضنت عيالها وبناتها: ييوه كم قدنيي فااقده لكمم ياعياليي


ايه بتمسح دموعها: وين هم ابي وعمي علي

حنان بتمسح وجهها: عادهم بيبسرو الشنط وينزلوهن

حنان: وينهم امي فاطمه

هديل: هم في المكان

حسن : يماما مااديتو لنا من العاب

حسين: وين هن حقنا الذي اشتريتو لنا

حنان حضنتهم: ادي لكم روحي ياجهالي
هيذا هن في الشنطه لوما بابا يدخل ويدخلهن


محمد بيدخل الشنط للحوش وخرج يودع علي
محمد: يااخي جي ارقد عندنا ماعيوقع بكك

علي وقد هو فوق التاكس: والله يااخي ان قدني تاعبب خليني اروح بيتي ارقد ليي وغطوه الصبح بكرت  سلم على امي والبنات

محمد: اتعبتك يااخي معي ساامحنيي

علي: الله المستعاان هذاا واجبي
هياا ادخل وابسر البنات وسلم عليهن وسلم على امي واعتذر لهم مني

محمد: ابشرر يوصلل الله معك في امان الله

علي اشر له بيده وخطي التاكسي

محمد دخل والبنات كانين مريعات له
حملين كلهن ل حضنه

محمد حضنهن كلهن وبيسلم عليهن

ايه بتبكي: الحمدالله على سلامتكم ياابه

شهد بتبكي: فقدنا لكم خيررات

محمد حاضن لهن ودموعه في طرف عينه

حسن وحسين ماسلمو على محمد حسهم في العبه حقهم

حنان سلمت على فاطمه ورجعت تبسر محمد والبنات

حنان ابسرت العيال: يوه مالكم ماتسلمو على بابا

حسن وحسين ركزو وحملو يحضنوه
محمد حضنهم

محمد فاارح لان هو رجع لوسط بيته وبين بناته: والله مامثل اليمن جووهاا ثاانيي

دخل محمد وسلم على امه وهي سلمت عليه وقد هي بتبكي عليه

البنات اتعاونين ودخلين الشنط من الحوش
وحنان دخلت لعند فاطمه ومحمد والجهال فارحين بالعبه حقهم وبيلعبو بهاا


فاطمه: وين هوو علي مايجي يسلم علياا

محمد: قد قال لي اقولكم.تعذروه والله ان هو تاعب مسكين تعب معانا قوي

حنان: الله يدي له العافيه والله ان هو تعب معانا خيرات


اليوم الثاني جاء علي وسلم على امه وعلى البنات

علي: ماعد تشتو شي يمه

فاطمه: الله معك ياابني استودعتك الله

محمد: عتجلس اليوم هاناك ولا عد تروح

علي: عد اجلس هاناك وغطوه بكرنا احنا والبنات

محمد: الله يوصلكم بالسلامه ارجعو جو لعندنا لاعد تروحو البيت

علي: لاتشغل نفسك يامحمد ولا تتعب روحك

محمد: لابد منها قد هو ضروري العزومه غطوه عميد اعزم الاهل كلهم

علي قام:انت اخبر يلاه خاطرك يااخي 

محمد قام معه للباب: استودعناك الله سوق دلا الطريق حق البلاد شوعه

علي: ان شاءالله

محمد: في امان الله
ودخل


حنان كانت بترتب الشنط وتخرج الده والبنات كانين عندها

ايه بتجرب البدله الذي اشترتها حنان

دعاء: ضخمات البدلات

حنان: قد ابسرتهن واعجبني قويي

هديل: كان عد تغيرو لنا الالوان

حنان: ماكان بش الوان حاليه ماهو الا هذا الون البارز

شهد بتتحيلال  للفساتين حق زهراء: يوووه جبرنيي مافساتين زهراائي الا ضخمماتت قويي

ايه قامت : هاا.كيف وقعت فوقي

دعاء: تجنن.
اسكه اقتلبي

حنان: ابسريي والحلا وقعت فوقشش ضخمهه


محمد دخل للغرفه: ماشاءالله على بنتي والحلاا

ايه انحرجت وضحكت

محمد: اعجبنكن الهداياا

شهد: اييوه ضخمات كلهن اسلموو الله يدي رزقكم


محمد ابسر لعند حنان: لاتفعلين اليوم غداء ششتري من خاارج


حنان: الله يدي رزقك عد تسير ذلحين

محمد: ايووه وين الدواير حق السياره

حنان قامت تدي له الدواير

حسن وحسين سارو مع محمد

وحنان.دخلت تكمل تلفلف الده

البنات ناويات يجابرين امهن.بكل شي ليكن بعد العزومه


عند علي وصل البلاد وقت الظهر

علي اشترى معه فواكه نزل ونزلهن معه

البنات اول مابسرين علي حملين ل حضنه وقد هن بيبكين

هلا: الحمدالله على سلامتكم.

هديل بتمسح دموعها وحاضنه لاابوها

سعاد سلمت عليه: الحمدالله على سلامتك

علي حبها في راسها: الله يسلمش ويعافيشش

سلا: قد اناا فااقده لكمم خيرااتت يابابا

علي حبها: وانا قدنيي فااقده لشش خيراتت

سلا: ماديتو لي معاكم انتو قولتو عتشترو لي حريوه

علي: ايووه اشتريت لشش حريوه ليكن هي في البيت لوما نروح


اخو سعاد دخل: اهلاا حياابك يااعلي

علي قام وبيسلم عليه: الله يحيكك

اخو سعاد: كيف حالكك كيف قد هوو اخوكك

علي: الحمدالله واخي الحمدالله

اخو سعاد: الحمدالله
هياا قوم اتغداء قد الغداء جااهز

علي: هياا خطيناا

البنات خرجين

علي واخو سعاد تغدو
والبنات والنسوان اتغدين وحدهن


اليوم الثاني
علي قام من الصبح واتجهزو وتوكلو على الله وسافرو
محمد عزم كل الاهل يجو يتغدو عنده


بيت ام سليم

ام سليم: اتصلي لحنان وقولي لها لاتخبز عنخبز لها احنا

ملاك: تمام حاضر
وقامت تدي التلفون وبتتصل لعند حنان

حنان جاوبت: الووه

ملاك: كيف حالكم.ياعمه والحمدالله على سلامتكم

حنان: حياا ببنتي الحمدالله وانتي كيف حالش وكيف امش

ملاك: الحمدالله وامي هيذا تشتي تحاكيكم

ام سليم شلت التلفون: حياا بااختي كيف حالش والحمدالله على سلامتش

حنان: الله يسلمش ويعافيش كيف حالشش

ام سليم: الحمدالله الا كنت اشتي اقول لش لاتخبزي شعاونش بالخبز انا

حنان: ان اسلمي كثر خيرش لاتتعبي ولا عنتعاون انا والبنات

ام سليم: سهل سهل يااختي الدنيا معاونه مايقع بي شي

حنان: الله يدي لش العافيه

ام سليم: ماعد تشتي

حنان: مااشتي الا عافيتش الله معش

ام سليم: مع السلامه

ملاك شلت التلفون وقامت تعجن


بيت ياسر
هاجر نزلت ل روان وعمار الصبوح وطلعت

ايناس بتغسول المطبخ وايمان بتكنس البيت

احمد: اتجهزو بحينه اشلكم عميد تعاونو بيت عمي محمد

ام احمد: مانسير نفعل قد هن ملان البيت ماشاءالله

احمد: ولو عادهم جو من سفر

هاجر: وروان وعمار وطه نشلهم معانا

احمد: اييوه من عيشلهم.ومابحد لا اب ولا ام

ام احمد: وين ساار يحيى
احلام واطلقت يحيى وين سارر

احمد: مدري والله محد داري وين هو

هاجر: الله يهديهم ضيعو عيالهم

📚[رواية حنين العائلة]🎶♥️
_______

البارت 67


"مأجورين ع السعي ع تخبطاتنا الدائمة ع محاولاتنا ع تعثرنا وع سقوطنا وعزاؤنا الوحيد أن ننال ماصبرنا لأجله."


حنان والبنات بيفعلين الغداء

حسين بيبكي: هيااا ماما هياا اشتي بدل حقي  العبه هياا

حنان بتقطع البصل: حسيين لاتجلسس تهرمنيي قووى حاضر تمام عد اشتري لك بدلها  اخرج

شهد كانت بتزحوق: اسكه هاتي لي طاسه ل زحاوق

ايه بتقطع البطاط حق الطبيخ
وهديل بتحشوش الرز ودعاء بتجهز بنات الصحن كل من هو مشغول

حنان غسلت لها طاسه ومكنتها

ايه: حسيني حبيبي اخرج وانا ششتري لك بدلها سير العب انت وحسن

حسين خرج وسار يلعب

هديل وهي بتحشوش: بنتي مااخبارها عاد هي راقدها ماقد ابسرتها مااليوم من الصبح

شهد بتغرف الزحاوق ل طاسه: راقده لو شي لاتسمعي حقها البكاء

حنان بتدور تلفونها: وين جاء هذا التلفون

دعاء: هو فوق الماسه حق التلفزيون

حنان من باب المطبخ: حسيين يااحسيين

حسين حمل لعندها: ماهو ياماما

حنان: ادي لي التلفون حقي من فوق الماسه احمل

حسين حمل ومكنها التلفون
حنان شلته وبتتصل ل محمد

محمد كان هو بيشتري قات سمع الاتصال جاوب : ارحبوو

حنان: وين انت

محمد: انا عاد انا بين اشتري قات

حنان: اشتري لنا ماء ثلج معك عميد العصير

محمد: حاضر تمام

حنان: مع الله

سمعين دقت الباب حنان خرجت تفتح

سعاد دخلت وبتسلم.عليها
والبنات بعدهن

علي بيحاكي هديل: يلاه قولي لاامش شاسير اشتري قات

هديل غلقت باب السياره: حاضر الله معاكم
ودخلت

سعاد وحنان عادهن متحاضنات وبيبكين

هلا بتضحك: بسس بسس خلو دموعكم للحاجه

حنان وسعاد ضحكين

حنان: هن دموع الفرح يابنتي

هلا بتسلم عليها: انا داريه

سلا حملت ل داخل وبتلعب مع حسن وحسين

سعاد وهلا وهديل دخلين بعد مااتسالمين هن وحنان


سعاد بديت من باب المطبخ: مااشاءالله على بناتتي مااشااءالله

بااصوات مختلفه
حياابكم يااعمه ..نورتوو .. الحمدالله على سلامتكم

شهد غسلت يدها وحملت خرجت من المطبخ تسلم على هلا قد هي فاقده لها وايه نفسها غسلت يدها وخرجت من المطبخ تسلم على هديل

اتسالمين واتحاضنين وكل واحده فارحه بالثانيه


شويه وجت ام سليم وملاك

حنان وهي ناسيه ماتقول ل محمد يسير لهن ابسرتهاا وذكرتت

حنان وقد هي خازيه: ييوه جعليي عودد والله ان انا نسيت مااقول ل محمد يجي لكنن يووه يااخزايا والبلاا

ام سليم: ان الله يسامحش مالشش هو باص من باب الباب استأجرنه وجينا تزيدي تعذبي محمد وهو عادهو جايي من سفرر

حنان: سهلل هو على طريقه وزد انتين محملات بالخبز سامحينيي امانه

ام سليم: الله يسامحش يااختي سهلل مابش شي

ملاك خلست البالطو ودخلت للمطبخ بتسلم على البنات وبتبسر ماعد يشتين من معاونه


عند محمد بيتصل ل يحيى مابيجاوبش
وقد دري ان هو طلق مرته وحصلت مشاكل بس مش هو داريه ان هو وقعت مشكله كبيره قصده ان هي نفس حق كل مره

محمد: الله يهديك يااخي بسس على الاقل جاوب  


اجتمعو العائله كلهم غدو الرجال في الديوان الخارجي والنسوان داخل

كملو الرجال يتغدو وسارو في بيت ياسر يخزنو عميد النسوان ياخذين راحتهن

النسوان كملين اتغدين وقامين صلين والبنات قامين يغسولين المطبخ

والجهال بيلعبو من غرفه لغرفه وبيتلاحقو

عند البنات
ايه وهديل وملاك وشهد وهلا في المطبخ بيغسولين

ودعاء وايناس وهديل وروان بينظفين البيت

دعاء جت للمطبخ وهن الا بيضحكين وبيلعبين بالماء: انتين المفروض ماتجتمعين

ايه وهي بتضحك: ابسريي ملاك ابسرييهاا كيف بتتحاكى

ملاك بتتحاكى نفس الجده فاطمه: ان بتضحكي عليا ياقليله الحيااء

دعاء سمعتها وفطست ضحكه نفس جدتها بضبط : حسبشش الله ياملااك

هلا بتضحك وماسكه لبطنها

هديل جت وبتبسر دعاء بتضحك والبنات الذي في المطبخ قدهن حمر من كثر الضحك: ان عد تستحيين على نفسكنن شرررق كملينن العملل بسررعه

هديل: ياسميتي سيري ابسري بنتشش قووى

هديل: اقطبيين العمللل اقطبيينن

دعاء ضروري نخرج ايه وهلا عميد يكملين العمل بسرعه

ايه: قسممن بالله لاتفعليي فينيي خير
وبتخرج

هديل سحبتها من شعرهاا: جيي جيي هو احنا نخرج احنا ضيووف مش انتيي

ملاك : لا انتي ولا هي كملين عملكن بسرعه وانا عد اخرج عميد لااضحكن


حنان جت وبتبسر المطبخ عاد هو وسخ: يووه حسبكن الله قد هوو شررق كملين نجلس لناا بحيننه


ايمان كنست مكان وجلست فوق التلفون

كملين البنات العمل كله وشويه يضحكين وشويه يتنازفين بالماء

كملين واتبدلين وصلين وسارين يجلسين في الديوان

قد هن كلهن مجتمعات في الديوان حنان قامت تدي الشنط وبتوزع لهن حقهن الهدايا الذي من محمد

محمد اشترى للبنات كلهن.طرحه وشنطه وروب لكل بنت والأمهات اشترى لهن جلابيه وطرحه
والجده فاطمه اشترى لها اثنين ارواب وطرحه وجلابيه

اما احمد وعمار اشترى لهم.شالات وجواكت ضخممه
وطه اشترى له ثنتين بدلات

ام احمد: الله يدي له.العافيه

البنات باصوات مختلفه
الله يدي لهم العافيه.. اسلممو ... ماكان به داعي ... الله يعوضه...ليش يشغلو انفاسهمم


العشي كل.من.روح بيته وفاطمه روحت مع ام.احمد واحمد

بيت محمد
محمد جالس في غرفته
وحنان جالسه عند البنات


البنات جابرين امهن بكل شيي

حنان بتبكي: حسببهم الى الله وامرهممم الى الله

دعاء بتهدي امها: خلاص يمه لاعد تبكو قد حصل الذي حصل

حنان: انا من امي فاطمه انا امنتهم على بناتي وبيتي وجهالي

ايه: الله يهديهم يمه خلاص لاعد تبكو


حنان جلست تبكي وحاكت محمد بكل شي اقتهر محمد من اخوه ومن امه بس ماعد في يده يفعل حصل الذي حصل وحلف يمين ماعد يفلت البنات عند احدد.


خطيت الايام والشهور والسنين

بعد سنتين من كل الاحداث


بيت يحيى

يحيى رجع ثاني وهداه الله ورجع بين عياله وطلب منهم ان هم يسامحو وطلب من امه واخوته والكل المسامحه
عياله سامحوه ودور له عمل وبيشتغل في دكان
عمار كمل الثانويه وبيدرس معهد انجليزي وروان قد هي ثاني ثانوي وطه قد عمره 6 سنين

بيت محمد

هديل وحمت وخلفت ووقع لها ولد وسمته محمد على اسم ابوها وقد عمره 8 اشهر

دعاء انخطبت وحددو عرسها وعد تتزوج هي و ملاك وعيكون بعد العيد

ايه كملت ثالث ثانوي ومش هي مفكره تدرس قالت لوما تفتهن لها سنه سنتين ورجع تدرس

اما شهد قد هي ثالث ثانوي
حسن وحسين قدهم صف خامس


بيت ياسر
اياد كان هو بعيد عن عائلته قويي وبعد موت ابوه وماوقع وماحصل من اسماء قرر يرجع هو ومرته وعياله في اليمن
وعمر لهم فوق البيت شقه منفصله لهم مابش له دور كبير اومهم في الروايه

احمد وقع له ولد وسماه ياسر بسس مات وقد عمره سنه مرض وحمى عليهم ومات حزن عليه قويي كلهمم حزنو عليه وغثيو واقتهرو

هاجر بعد مامات وحمت وقد هي في شهرها قد عد تولد

ايناس وايمان درسين.نحو الأميه سنه وعلي توسط لهن من الوزاره وومن هانا لاهانا خرجت لهن شهاده ثانويه عامه لهن الثنتين بس بعد مااختبرين

ايناس بعد ماخرجت لها الشهاده سجلت معهد وبتدرس تمريض ومستمتعه قوي بالدراسه

ايمان مارضيت تدرس وقد هي مدمنه لتلفون بشكل فضيع

اسماء سافرت السعوديه وماعد احد دري كيف هي

بيت علي
سعاد وحمت ووقع لها ولد وسمته يزن عمره 4 اشهر
علي فاارحه به وبيحنجه قوي

هديل بعد ماطلعين النتايج سجلت جامعه ودخلت طب اسنان

هلا نفس شهد ثالث ثانوي
وسلا قد هي صف خامس

البنات بيحبين اخوهن قويي سلا بعض الاحيان تغير منه بس بتحبه وتحنجه

بيت ام سليم
سليم خرج من الحبس واول ماخرج سار لعند عمه محمد يطلب منه المسامحه ومحمد سامحه

ملاك همت اول ماخرج اخوها بس ابسرت كيف اتغير وتغيرت طباعه وقد هو ثاني قوي حبته وغيرت نظرتها لاعنده

ام سليم فاارحه ان ابنها اتغيرر وقد هو وملاك سديين وقد كل واحد بيحنج الثاني وتحمدت لله ان هو هداء ابنهاا

اما سليم فعلاً اتغير للأفضلل وماعد هو نفس اول رجع سليم ثاني


بيت اياد خطيب ملاك

فطوم اتزوجت
وزينب بتدرس جامعه دخلت هندست ديكور
الاء كملت ثالث ثانوي ودخلت معهد انجليزي وناويه السنه الثانيه تدخل جرافكس
بتول قد هي صف سادس

📚[رواية حنين العائلة]🎶♥️
_______

البارت 68


"لا يوجد كِذبة أكبر من إغلاق السِنين وانتظار بداية سنة جديدة ... لا يوجد سَنة تأتِي أجمل من سَنة نحن من نُصبح أجمل أو أقبح ، نَحن من نغير ايامنا ... مشاعرنا التي تُغيرها رياح الواقع والوداع واللقاء والاشتياق ..نَحن الذين نختار أن نُبرم صفقة جديدة مع الأيام ... السنوات لا تُغلق معها الألم ولا تَضمن لكَ السعادة ، الأيام تنتظركَ أنت أن تؤمن بقدرتك على التغيير ، وأن تفهم أن لا أحد يبقى لأحد ..الزَمن لا يَقوم بِتصفية الناس من حولنا ، نَحن من نُصفيهم ، ونُنصفهم ، نَحن من نتغير  وَنُغير نحن الزمن نحن الأيام ..لم تنتهِ السنة بعد ولكننا نستطيع أن نختار التاريخ الذي نريده لنبدأ بأي شيء ونحتفل ببدايتنا الخاصة التي لا يستطيع أحد أن يوقفها"



الليل الساعه ثلاث فجر
بيت ياسر

هاجر مااقدرت ترقد بتتوجع وتأن من كثر الوجع
قامت وبتبكي وبتقوم احمد
هاجر بتبكي: احمدد ياااحمد قووم

احمد سمعها قام وافتجع: مالشش

هاجر بتتوجع: ايي بطنيي بطنيي بتوجعنيي

احمد قام: قومي البسيي اسعفش ذلحينن

هاجر بتقوم واحمد بيساعدهاا

هاجرر بتتوجع اكثرر: ماعدد شقدرشش اخططى
اييي بطنيييي ايييي

احمد لبسها البالطوه ومسكها ونزلها لافوق السياره
واسعفها لااقرب مستشفى

هاجر طول الطريق والوجع بيزداد


احمد وصل المستشفى ونزل هاجر ودخلوها على طول غرفه الولاده

احمد جالس في الكراسي حق الانتظار وهو قلق وبيدعي الله ان هو يقومها بالسلامه


الصبح الساعه 8
بيت محمد

حنان بتجاوب التلفون: يلاه الحمدالله على سلامتهاا ماسميتوها

ساميه: الله يسلمش سموها وعد

حنان: الله يجبرهاا صدق عاد هي في المستشفى

ساميه: قد عيخرجوها بعد شويه

حنان: الحمدالله ارجع نجي انا ومحمد نبسرها للبيت

ساميه: حياابكم

حنان: الله يحييش خاطرش يااختي هاا

ساميه: الله معشش
وغلقت

ايناس بتجهز البقعه ل هاجر وايمان بتجهز لها الكبده عميد توصل تاكلها ترد روحها

ساميه فارحه: الحمدالله الحمدالله الذي عوض الله ابني بدل ياسر

فاطمه: لوزد وقع ولد قد هو بتعب

ساميه: ولد ولا بنت ماجاء من الله حياابه


بيت يحيى

روان بتفعل الصبوح

عمار بيجابر يحيى: بعد العيد يجي ضبحح وضيق اعوذبالله

يحيى: ايووه لان احنا شهر واحنا صايمين رمضان الروتين اتغير علينا لذالك بنحس بضبح

عمار: اجواء رمضان ثانيه فيها روحانيه وطمأنينه

طه جاء لعندهم: هياا صبوح

يحيى قام هو وعمار

روان بتقرب الصبوح

دخل يحيى بيغسل يده: الله يرضى عليش يابنتي

روان: يارب

قربت الصبوح واصتبحو جمعه

طه: يابابا اشتي ادرس وتشتري لي شنطه ودفترر

يحيى: حااضر انت اكل خيرات عميد تكبرر واسجلك في المدرسه

عمار: مارأيكم.يابه نسجله السنه هذا صف اول وخلاص

روان: عاد هو صغير خليه يدخل حتى سبع ورجع دخلنه

عمار: عميد لايكونو ابي يتعبو ويشلوه معاهم الدكان

يحيى: لاتهمني انا ولا سهل مابيشغلني

روان: هو صدق انا في المدرسه وانت  بتدرس معهد

يحيى: لاتجلسو تهمو لاوقتها ونبسر كيف عاد باقي للمدارس ثلاثه اشهر


بيت ام سليم

سليم بيفعل الصبوح

ملاك دخلت وابسرته وضحكت: هياا مالك بتفعل الصبوح انت

سليم ابسرها: قد عنزوجشش مابلا اشتحط.من ذلحين

ملاك ضحكت: الله يقلعك سعم انك مره تشتحط

سليم ضحك: المقصود كلمه

ملاك بتقرب الصبوح معه
ام سليم قامت واصتبحو جمعه


بيت محمد

كملو يصتبحو ومحمد وحنان سارو يبسرو هاجر

ايه بتغسول وشهد بتكنس البيت والجهال في الشارع بيلعبو

ودعاء جالسه ياسعم ان هي محجبه

شهد بتكنس وابسرت دعاء: قومي قوميي عاونيناا مش انتي حريوه

دعاء ضحكت: كان ماانا جده ومش انا داريه

شهد ضحكت: قد انا متحمسسه للعرس

دعاء صيحت: لاتتحمسسي اماانه عد تقرح في راسي


ايه سمعتها: شهددد لاتتحمسيي انتيي عنبطلل العرسس قريي

شهد حطت المكنسه: والله عد توحشيناا يادعاء ماعد باقي لش الا عشرين يوم ورحتي لشش

دعاء: يييوه وانتين والله شفقدكن خيررات

شهد قامت وحضنتها: ييوه على دعاااء قد عنزوجهااا

دعااء حضنتها: افتهن ليي منكن

ايه خرجت وابسرتهن نبعت لفوقهن: يوووه مقلع يادعااء قصدش عنزعل عليشش

شهد بتمط الكلام: يييوه ياافرحتناا عنجلس انا وايه بسس

دعاء: يوووه رحمتكنن اناا عد اسيرر عند مجوودي وانتين هااناا

شهد عاد هي تشتي تتحاكى وايه صيحتت: بححجرر الله لاعاادد تتحاكيي قققووى قووى

شهد ودعاء ضحكين

دعاء: بين احس ان به حاجات ناقصات خيرات

ايه جلست: ماعد باقي شي الا يتخايل لش بس ولا قد كسوتشش جاهزه من كلل شي

شهد: والحجوزه قد كملو ابي يحجزو كل شي من قاعه ومن مغنيه ومن وجبات ومن كلل شيي

دعاء: على الله الله يسبر كل عمل

ايه: وبعدا انتي وملاك مطقمات في كل شيي حتى في الكسوه

شهد: حاليي الصدق والله ان هن يوم القاعه لايقعين ضخماتت

ايه: والله ماهو حالي الصدق كان على الاقل الفساتين البوكيه حق الورد مش كل شي نفس

دعاء: بالعكس والله ان هو ضخمم انا عاجب ليي

ايه: ماانا حين اتزوج مشتيش احد يشاركني ولااحد يطقم معيي

شهد: ذلحين يجي ورجع فكري

ايه قلبت عيونها: عيجي عيجي ماعليش شي

هديل اتصلت لعند دعاء

دعاء: حياا بااختي كيف حالشش

هديل: الحمدالله وانتي كيف حالش وكيف امي وابي

دعاء: مالنا شي

شهد: افتحي المكرفون

دعاء فتحت المكرفون

شهد: هدييل لوتبسرري مااوقع

هديل: ماوقع

دعاء وايه مستغربات

شهد: والله لااحاكيهاا لاتكن تخبين على هديل شي

هديل: ماااهو ماابه الله يقلعشش

شهد: احاكيشش ماينفع في التلفونن لوما تجي

ايه صيحتت: صدقيي لهااا كذاابهاا بتكذب عليششش

دعاء: شلووش صدق ياشهد

هديل: امانه عليكن مابه قلدكن الله

شهد: قسممن بالله ياهديل ان به حااجه

هديل اتبرقطت: حاكيني ماهو قلدش الله
ورجع صيحتت
انن اللله ييقللععكنن قدد كنن بتخفيين علياا وتتخببينن

ايه مبهرره: والله ماابه حااجه صدقي لهاا

شهد: اقول لشش
هااجر ولدتت وادت بنت

هديل: عليشش لعنت الله ياكلببه

دعاء: نفس يوميه ولاتحذري كل مره تزيد عليشش وانتي تصدقي

هديل: انا غبيه والحمدالله

ايه وشهد بيضحكينن

شهد وهي بتضحك: كييف هو محمدي

هديل: دعاء غلقي المكرفون اجابرش

البنات ضحكينن وكملين يتجابرين


بيت ياسر
هاجر روحت البيت وهي تاعبه

البنات فارحات بالبنت وكل من يشتي يشلها

احمد فاارح: اوبهي امسكي رقبتها

ايمان ماسكه لها : سعليك هيذا انا ماسكه لها

اياد جاء: الحمدالله على سلامتش يااختي

هاجر وهي تاعبه: الله يسلمك

اياد وهو بيشل البنت من يد ايمان: حياا بحبيبت عموو حياا

اياد: ماسميتوهاا وقد كبرت في اذنها

احمد: سمينها وعد والكبار عاد انا ماقد كبرت لها

اياد: الله يجبرك يااخي

حنان ومحمد جو ودخلو فتحت لهم ايناس

حنان سلمت على الذي في المكان وسلمت على هاجر: الحمدالله على سلامتشش ياهاجر

هاجر: الله يسلمكم

محمد شل البنت: اهااا بسمم الله
وابسر لعند هاجر : الحمدالله على السلامه

هاجر: الله يسلمكم

احمد: دام وجيتو ياعم كبرو للبنت انتو

محمد: حااضر
رفعها وقرب لعند اذانها وبيكبر لها

ساميه خرجت تفعل عصير لحنان ومحمد


فاطمه: صغيرره مدري عد تكبر ولا مع

احمد: الا ان شاءالله تكبرر لمه ماتكبر

اياد: واذا مااكبرت عنمطها
وضحكو كلهم

📚[رواية حنين العائلة]🎶♥️
_______

البارت 69

خطي الاسبوعين وبدأت ايام العرس

يوم السبت
يوم الحمام الساعه 8 الصبح

طبعا ملاك وام سليم عيجلسين ايام العرس في بيت محمد حين هو كبير وعيوقع عرس واحد وبيت ام سليم صغير

حنان جهزت للبنات شنطه للحمام وقلافده
مناشف والبس حقهن التراث والمرجان والفضه والشاشه الملس وباقي الاكسسوارات حق البس وجهزت في شنطه ثانيه الصابونه والكيس الاسود والشامبو وخلطات قد جهزتهن من يوم اول


كان البيت ملان من ضيوف واهل وجيران بحتشرين يفعلين الغداء


ام سليم: وين البنات قد هن جاهزات

حنان بتغلق الشنطه: مدري هن في الغرفه انا بين اجهز لهن الده حقهن


ساميه ومرت اياد واخت حنان وسعاد فارشات لهن في الارض حق المطبخ وبيقصقصين للغداء

ام سليم سارت للغرفه تبسر البنات: هيااا قد انتين جاهزات

ملاك ودعاء كانهن جاهزات

ملاك نوم: مااقدرت اسيرر قوى خلوني اجلس

ايه بتجهز لها الده حقها وحق خواتها في الشنطه

شهد: اخطيي للكسل حقشش

هديل شاسميه ام زهراء عميد لاترتبشو بينها وبين هديل بنت علي

ام زهراء سارت لعند حنان: امه ذلحين مش هو تعب عليكم احط محمدي وزهراء ولا اشل زهراء معي

حنان: ماشيي حطيهم بس عميد توبهي للحراوي انتي العاقله بينهن

ام زهراء: لاهو تعب عليكم ونسوان وحشيره

حنان: ماعليش سيري بس وانا شنتبه لهم

ام زهراء: كان مااشتيتو
هولا الشنط حق الحراوي

حنان: ايوه قد جهزت لهن الده الذي عيلبسين ارجع خلي ابوش يشتري شذاب من الطريق

ام زهراء: تمام
وسارت للغرفه تبسرهن

ام زهراء: يووه جحفتكنن مالكنن هياا قومينن

ملاك اتمددت فوق الفرش ودعاء جلست جنبها

ملاك: ماقدرت اسير اطفح في الحمام شتحمم هانا

هديل وهلا وايمان وايناس وروان كلهن عيسيرين الحمام
وقد هن جاهزات

ايناس بتقوم ملاك: هيااا يااكسلهه عنخليش تجلسي في البارد


شهد جت وقد هي لابسه البالطو: هيااا قد ابي مريعين لناا

البنات قامين كلهن واقتسمين نصين نص عند احمد ونص عند محمد

خرجين الحراوي والنسوان حجرين لهن

حنان دخلت المطبخ: تقووى المغنيه زد اكدي عليها تجي

ام سليم: اييوه ايووه قد قولت ل هديل اول مايخرجين من الحمام تتصل لي عميد المغنيه

حنان وهي مربوشه: قدني مربوشه بين احس مدري ماناقص


ساميه وهي بتقصقص: سعليشش ماابش شي نااقص لاتجلسي تقلقي

حنان: كان اسير اجهز للبنات البس حق الذبال (يوم الذبال هو ننفس يوم الحمام جلسه بعد العصر)


ام سليم: رضي عليشش سيري بسس


فوق السياره كانت مزينه بالشذاب والاغاني فاتحه

وصلين الحمام وقبل مايدخلين
ام زهراء كسرت بيضه ورجع دخلين

الحماميه (المسئوله حق الحمام): وين الحراوي

ام زهراء: هولا الثنتين

ملاك: ليشش

الحماميه: اذا انتين تشتين نكيسكن بسس

ملاك: يااساتر وعاد به كياس وفحوره ماعد اشتيش

ايمان ضحكت عليها: اخطي اخطي عاد احنا عنفعل لش خلطات ونفحورش لوما تشبعي

البنات ضحكين
لبسين لبس الحمام ودخلين للبقعه الحاميه القوي عميد يعرقين

البنات بيغنين ويصفقين ويزفين دعاء وملاك

ملاك ماعد اقدرت تستحمل خرجت للبقعه البارده

المكيسه صيحت: عد تكتبدي جالسه من اول تخرجي وتدخلي


ملاك: قد شطفحح حمى قويي

المكيسه: الدخله هذه والخرجه عد تكبد جسمشش

ايه جت وبتسحبها تدخلها في الحامي

ام زهراء: ان عد تتحروي ساعا الناس ياملاك

ملاك: بين اطفح بين اطفحح مالكنن

المكيسه دخلت لعندهن وبدات تكيس الحراوي وتليفهن والبنات كل من بتحمم الثانيه وتليف ظهر الثانيه

كملين اتحممين وفعلين لهن خلطات وتليفين
خرجين يتبدلين وقد المكيسه بتوزع لهن بيبسي اسود وبسكوت ابو ولد وماء ثلج

دعاء: يووه رديت روحي بالماء باارد طعيمهه

ام زهراء: عد تصترعي باارد

شهد بتشرب بيبسي وايه بتمشط شعرها
وهلا بتلبس الفنيليه كل من بيفعل حاجه

ام زهراء بتجهز الده حق الحراوي وبتجهز الشذاب
جت وحده في الحمام بتلبس الحراوي هي وبتجهزهن

لبسين لبس تراث والفضه والشاشه الملس والستاره

البنات كملين يلبسين ويتبدلين وقامين يزفين الحراوي ويبخرنهن لباب الباب

ام زهراء اتصلت لاام سليم وقالت لها ان قدهن في الطريق


بيت محمد وقت الظهر
ام سليم اتصلت للمغنيه وقد هي جيه.

حنان مربوشه: ماهو افعل مااجهز
يووه اشتي بخور تثوير

ام سليم: صلي على النبي ياحنان هذا وقد زوجتي بنت مالشش مربوشه

حنان: قد نسيت يااختي

ساميه قامت وبتجهز البخور التثوير وبتبخر البيت وبتجهز الشذاب في المزاهر

شويه ومحمد واحمد وصلو والاغاني مفتوحه والطريق والقريح ملان الشارع

حسن وحسين بيقرحو مع عيال الحاره وسليم وعمار والكل اول ماجت السياره قرحو واشعلو الحاره بالقريح

النسوان خرجين للحوش وبيحجرين
المغنيه بدات تدق بالملاعقه والطاسه و تزفهن
(بنتنا الغاليه داخل المحجبه بنتنا الغاليه داخل المحجبه رحبو بالعروسه الف يامرحب رحبو بالعروسه الف يامرحب)