ام سليم بتغطي لقف الكتلى بالقصدير: كان هي خرجنا لهم


في القاعه
يحيى وعلي ومحمد واحمد واخوال ايمان كلهم دخلو وتصورو

يحيى وعلي كملو يتصورو وسبقو للبيت عميد يستقبلوهم

هاجر بتلبس ايمان العبايه وايناس بتلبس معاها كملين
خرجين لا فوق سياره احمد وبدأ الموكب يخطى


شويه ووصلو واصوات طريق السياره ملان الشارع والقريح

علي ويحيى بيستقبلو السيارات

ارحبوو فوق العين وفوق الرأس ارحبوو


النسوان بيحجورين
نزلت ايمان ودخلوها لغرفه

اخوتها واعمامها واخوالهم.كلهم دخلو وسليم دخل بعدهم قرأ لها الفاتحه وفتش لها


اياد: من غير مانوصيك عليها.اكيد هي في عيونك

سليم:اكيدد الله المستعان

احمد: اختييي في عيونكك اسممع بسس يوم اشتكت ليي منك عتنسى انك ابن عمي

سليم: ولا يهمكك ابشرر

خرجو كلهم من الغرفه

وكل من شل أهل بيته وروحو
ماعد بقي في البيت الا ام سليم وملاك

📚[رواية حنين العائلة]🎶♥️
_______

البارت 80

عند سليم وايمان

ايمان متوتره وخازيه ومنحرجه وكلهن فيها

سليم حس عليها مسك يدها: انا داريه ماهو بتفكري
ابسري ياايمان انا اتزوجتش عن قناعه ومش لحاجه ثانيه اشتي كل واحد مننا ينسى الماضي ونعيش الحاضر

ايمان بكيت

سليم مسح دموعها: وهذا الدموع مانشتيها ولا تفكري اني في يوم.من الايام شذكرش بماضيش
كل واحد مننا يفتح صفحه جديده ونبدأ بحياه جديده كلنا غلطنا بس مستمريناش بالغلط.اتعلمنا من غلطنا وعدلنا اغلاطنا

ايمان بدأ تهدأ شويه


"احنا بحاجه لشخص يحب عيوبنا قبل مميزاتنا يقدرنا ويرفعنا فوق راسه حتى في عتاباته لنا تقع من محبه حتى حين نغلط يقع حنون علينا وحين يصيح يراعي مشاعرنا ويقولنا هو عميد مصلحتنا واذا كررنا الغلط ماينقص من محبتنا عنده ويجلس هاذاك الحب على ماهو ويزداد مع الوقت نشتي شخص يقع لنا سند وقت المواقف نشتي شخص حنون علينا وقت ضبحنا وهمومنا يخفف علينا ويغير لنا مودنا نشتيي شخخص نحبه ويحبنا بكل صدق ووفاء"♥️♥️
بقلمي🖊️


خطيت الايام

الساعه 8 الصبح
بيت محمد

شهد قامت فعلت لها قلص بن واصتبحت ورجعت رفعت بقعتها وقد هي بتتبدل عميد تسير الشركه


محمد قام وابسرها عاد هي في البيت: مالش ياابي اتأخرتي

شهد وقد هي معاجله بتلبس البرقع: رقدت ومادريت بالوقت

محمد: سهل لاتعاجلي مالش

شهد: خلاص كملت عد اخرج ذلحين ماعد تشتو ياابه

محمد: سلامتش يابنتي انتبهي من الطريق


شهد وقد هي خارجيه: الله معاكم

خرجت شهد وشويه ووصلت ل شركه

دخلت للقسم حقها

عبدالله: ليش ل ذلحين متأخره

شهد ماعليه استغفرالله بس: مع زحمت الباصات
ووقعت على الورقه ودخلت


دخلت ولبست فوق البالطو البس المحدد حقهم

الذي كانين هاناك بأصوات مختلفه
صبااحشش.. صباح الخيرر ...مالش أتاخرتيي ..حياا بشش...

شهد: صبااحكن كلكن
وجلست جنب صاحبتها

ميار: مالشش أتاخرتي

شهد: رقدت وماحسيت على نفسي

ميار ضحكت: كن افعلي لش منبه

شهد: اييوه

ميار: ووقعتي على ورقت الحضور

شهد: ايوه المشرف مبهرر اعوذبالله


ميار ضحكت وكملين عملهن وهن بيتجابرين ويضحكين


بيت يحيى

محمد حاكى يحيى من الخطيب الذي جاء ل روان وقال ان هو رجال واخلاقي ودارس وكلهن فيه

يحيى وافق وقال ماتقع الخطوبه الا بعد ماتكمل ثالث ثانوي

يحيى حاكى روان وروان قالت ماشتيتو


ل بعد العيد
ولدت دعاء وقع لها ولد وولدت عند امها


بيت علي
هلا سجلت معهد انجليزي وهديل بتسير الجامعه وقد هي سنه ثالث جامعه طب اسنان


بيت سليم
ايمان قامت وبتفعل الصبوح

ام سليم قامت وابسرتها: الله يحفظش ياابنتي صدق

ايمان: ياارب سيرو قومو سليم وانا اقرب لنا الصبوح

ام سليم: سيري انتي قوميه وانا شقرب الصبوح انا

ايمان: سهل سهل شقرب انا

ام سليم: كان يلاه شسير اقومه

قام واصتبحو جمعه

سليم: نعزم ملاك اليوم عندنا تتغداء

ام سليم: والله قد انا فاقده لها

ايمان: خلاص شتصلها ذلحين واقولها


بيت محمد

حنان: خلاص ابردي لش ماعد تشتيش ولا سيره

شهد: يمه مافيها هو الا ل ساعه اربع عصر وروحت

حنان: لازد جاء عمل ماعد نشتيش وقد هو ل مغرب

شهد زعلت: ناهي عد احاكي ابي انا

حنان: ماعيرضاش انا داريه بأبوش

شهد قامت بترفع الصبوح: خلوه لوما يخرج من الحمام حاشيكم وانا احاكيهم


حنان: مااشتيتي

شهد قامت وبتغسول المطبخ سمعت صوت ابوها وخرجت لعنده

شهد: ابه ذلحين ماهو من الشركه هذه

محمد: داومي سيري قد هم بيسيرو

شهد: ليكن خلو الدوام ل 4 عصر

محمد: ليشش هاكذاا كان هو ل ظهرر حالي

شهد: مدري مالهم

محمد ابسرها: ياابنتي ل مغرب ماهي سابره

شهد: مافيها ياابه ماعيوقع بي

محمد: مع ياابنتي هذا الايام ماعد بش أمان

شهد غثيت: كان مااشتيتو

محمد ابسرها: عد اسجلش في معهد تقري نفس بنت عمش انجليزي والسنه الثانيه درستي

شهد: ليش ماتخلوني ادرس من هذا السنه وخلاص واسجل جامعه وادخل محامه

محمد ضحك: الله يحفظش ياابنتي صدق ماتشتي من المحامه هذا المجال هو الا ل رجال

شهد: بس نفسي ادرس ياابه حتى لو مااشتغلت نفسي ادرس التخصص هذا

محمد: ولو اقول لش عشاني يابنتي لاتدخلي هذا التخصص
به تخصصات خيرات جي لو تشتي نسجلش ذلحين قومي اتجهزي وسرنا الجامعه وابسرنا لش تخصص حالي

شهد زعلت بس عشان ابوها: ساابر مااشتيتو اكمل المطبخ وسرنا نبسر مابه من تخصصات

حنان: سيري بس وانا شاكمل العمل انا

شهد وقد هي غاثيه بس ماتفعل: يلاه تمام

سارت تتبدل وبتجابر روحها: يلاه يمكن خير لي حين ماكملت في الشركه
وحق المحامه كلهم بيقولو لي ان هو تخصص مناسب ل رجال
ابي مايشتي لي الا الخير خلاص أوكل امري الى الله وبس

كملت وسارت مع ابوها


بيت ياسر
ايناس بدأت تشتغل في عياده صغيره

ساميه بتخبز وهاجر بتفعل الغداء

ساميه: اعوذب الله صدق من وداد مرت اياد ان كان هي ماهي بنت البيت تجي تنزل تبسرنا

هاجر: هيذا انا هاا ابردو لكم ماتشتو وانا افعل لكم

ساميه: ماانتي الله يرضى عليششش ماهي غيرت حتى اياد ماعد بيبسرني ولا يقول معي أم كان وهو مسافر اخرج لنا

هاجر: الله يهديه


بيت سليم

سليم اتصرف للغداء

وايمان بدأت تطبخ وام سليم بتساعدها


شهد سارت الجامعه مع محمد مالقت ولا اي تخصص اعجبها سجلت انجليزي والدوام كان قد هو من اليوم روحت وقالت عتبدأ من غطوه

محمد: خير ياابنتي كل حاجه تحصل لش وانتي ماتشتيها اعرفي ان هو خير لش

شهد: الحمدالله

محمد: ادرس انجليزي وبعدين ابسري ماتدخلي من تخصص

شهد: ان شاءالله


خطيت الايام وبدأت المدارس وكل من بيسير بعد عمله وشغله مابش حاجه جديده الروتين اليومي حق كل شخص


بيت محمد
العشي

ايه بتفرش لها البطانيه تدفى وشهد سارت تدي لهن ماء

ايه سمعت تلفون شهد قامت تشله وبتبسر الرساله

شهد جت بالماء: حطي التلفون خلينا نتجابر

ايه بتبسرها: ماابه يااشهد ماقد معانا

شهد حطت الماء: مااهو مالش قدش مبهرره

ايه: من هو مشرف القسم هاذا

شهد ذكرته وضحكت: هااا هذا حين كنت اشتغل في الشركه كان هو مشرف القسم

ايه: وليش ياسعم بيرسل رسايل ل عندش

شهد جلست: مدري ابسر رسايله واضحك من.حين.خرجت من الشركه دعممي لش منه ابردي لش

ايه بتقرأ الرسايل الذي كان بيرسل: كلهن رسايل عن الجمعه ولا عن الصباح ولاعن المساء
هذا شكله مع الادويه بيخبص بيفعلش جرعه مساءاً وصباحاً

شهد ضحكتت: ابرديي لش بسس دعممي بين ابسرهن واضحك

ايه حطت التلفون: احضريه ياخبلا وابردي لشش منه الرجال يهود

شهد: من بتحاكي احمم
انا اخبر سعليشش خليه يرسل لوما يقرح مدعممه له

ايه: ليكن ولو احضريه

شهد: ناهيي تمام
اييوه جاابرين مامعش من جديد

ايه تنهدت: لاجديد يااختي
والله ان العيزبه اخررج لشش اجلسيي لش هاكذا بسس

شهد ضحكت: يووه منكن نشتي نجرب ساعكن

ايه: اسمعي لش خالتي الذي بنبسرهم ياسلام مدري مالهم واصل وصورتهم مقلوبه مني

شهد: ليشش مافعلتي لهم

ايه: والله مافعلت شيي الا هاكذا فجأه ابسرهم وقدهم بيطابزو عليا عند عادل وان مرتك مابتفعل عمل

شهد: ان منش صدق والله ان خالتي عفاف مابش مثلهم طيبين ومساكين

ايه: كانهم اول مااتزوجت بعدين مدري ماقلبهم عليا

شهد: داريهم وكن قولي لهم حاضر ناهي تمام

ايه: قد بين افعل هاكذا الله يعيننا

شهد: لوتبسري ماسمعنا على بيت ابي صالح

ايه اتوضعت: مااسمعتو مابه

شهد: هيذا قبل شهرين ماتت بنتهم

ايه: ايوه ويعلم الله كيف ماتت

شهد: جابرت امي مرت امين
قال امين والله ان هم قتلوها قتل ويعلم الله ليشش

ايه: يووه يالله اييوه

شهد: قال كان هو مروحي من عمله العشي كان قد الساعه ثلاث الليل وخطي من جنب بيتهم وبيسمع صياح ملان البيت وشويه هدأ البيت وسكتوو كلهمم

ايه: والله ان بطوني نزلت

شهد ضحكت: وانتي والله ان موتتها غريبه قوي

ايه: ابسرتي صاحبتها راشتهم مراشه تبسرها قبل مايخرجوها مارضيو

شهد: اييوه ما نسمع الصبح الا قالو هناء ماتت وسارو امي وقد هي مكفنه مغسله جاهزه

ايه: ايحين وقع هاذا كله
يعلمم الله ماوقع مافعلت

شهد: اكيدد ماعيقتلوها الا وفعلت حاجه كبيره

ايه: ياالله سترك صدق
خلااص ماعليناا منهم الله يسترناا

شهد: الله يرحمها ويتسرنا صدق

ايه: وكيف المعهد معشش

شهد: ماله شي والله كان نفسي ادخل محامه بس يلاه مابش نصيب

ايه: قد بنقول لش ابردي لشش ماتشتيش

شهد: قد هو هاذا وحق الشركه والله كان نفسي اشتغل فيها

ايه: انتي مجنون ل مغرب ومواصلات مش هي سابره

شهد: قد جابرت روحي هاكذا


جلسين يتجابرين لوما غلبهن النوم


الصبح الساعه 8
بيت اياد

زينب مريضه

اياد وقد هو مفجوع على اخته: لبسوها عد اسعفها ذلحين

ام اياد بتبكي: ييوه يالله على بنتيي يالله سترك

ملاك والاء بيلبسنها البالطو

زينب ماعد بتتحرك مغمضه عيونها بتتنفس بسس

📚[رواية حنين العائلة]🎶♥️
_______

البارت 81

ملاك والاء لبسين وجهزين زينب ولبسنها البالطوه دخل اياد شلها لفوق السياره الاء وملاك بيبكين خرجين وطلعين السياره

ام اياد بتبكي: يالله لطفك على بنتيي يالله شافيهاا

بتول بتبكي: مالها يمه زينب مالها ماعد بتتحاكى


في المستشفى
الدكتور فحص ل زينب مابش فيها شي كل شي سليم

الدكتور خرج لعند اياد: والله يااخي مااقول لك الا كل خير البنت ماشاءالله كل شي سليمم فيها

اياد: كيف مافيهاا شي يادكتورر البنت قد لها من امسس وهي نفس الوضعيه

الدكتور: صلي على النبي تشتيني امرضها وادي لها مرض ليشش
من قولك البنت مافيها شي يمكن ضغط.نفسي

اياد مسح وجهه: ايوه ومانفعل لها لمه قالو دكاتره

الدكتور: تشتي تخليها هانا خليتها احنا مانقدرش نفعل لها حاجه

اياد صيحح: الله يلعنكممم عد تمووت البنتت من تحت رااسكمم

ملاك بتبكي وتهدأه: خلاص يااياد اهدأ قووى خلااص

اياد دخل للغرفه وبيبسرها ركبو لها مغذيه وهي بنفس الوضعيه

اياد مسك يدها: زينب بتسمعينيي ياروح اخوشش بتسمعينيي

زينب بتحاول تفتح عيونها بس مقدرت
بتأن انين بس

اياد خلا المغذيه تكمل وشلها واسعفها مستشفى ثانيه

بيت ياسر
ايمان وسليم جو يسلمو على ساميه والجده فاطمه 

سليم: كيف حالكم ياجده

فاطمه: الحمدالله ياابني مالنا شي حال الدنيا

سليم: الحمدالله على كل حال

ايمان عند هاجر: ايناس قدني فاقده لها

هاجر: والله ان هي مابتروح الا 4 من العياده حقها

ايمان: والله كان نفسي ابسرها

هاجر: اجلسي عندناا ماقد جلستي ومسيتي عندنا من.حين اتزوجتي

ايمان ضحكت: ماافعل سليم بيجلس في البيت

هاجر: كيف امورش مالها شي

ايمان: الحمدالله الله يحفظه سليم

هاجر: الله يسخر لش ويوفقشش صدق

ايمان: ياارب

سليم بيداعي ايمان قد عيروحو

هاجر: اجلسو اتغدو عندنا

ايمان: عمتي وحدهم في البيت ماينفعش

هاجر: يسير يدهم وجو اتغدو جمعه

ايمان: ادى لش العافيه سهل مره ثانيه

ساميه: قوى اجلسو عندنا اليوم

سليم: سهل ياعمه مره ثانيه

ساميه: كان الله معاكم والله كان نفسي تجلسو عندنا

ايمان جت: سهل يمه مره ثانيه
ماعد تشتو

ساميه: سلامتكم. في امان الله
سلمي على تقوى

ايمان: الله يسلمكم


شهد في المعهد كملت المحاضره وروحت البيت

دعاء كانت في بيتهم

شهد جت وابسرت دعااء وحملت تدور زكرياء

دعاء: لاتقوميه يااشهد قووى

شهد : والله لااقومه قدنيي فااقد له
وحملت تحببه لوما قام وبكي

دعاء: ابزيه ماذلحين والله ماتسكتيه الا انتي

شهد شلته: ماعليشش شي شبزيه انا

دعاء ابسرتها بنظرات: حتى ماسلمتي عليا

شهد ضحكت وسارت تسلم عليها: ناهي وانتي قد انا فارحه حين قد ابسرت زكرياء

حنان: مال الجهال ماقد جو اتأخرو

شهد وهي فارحه بزكريا وبتتحيلاله: قدهم عيجو

حنان: امسكي ظهر.الولد سوى

شويه والجهال جو
ابسرو دعاء وحملو ل حضنها

دعاء حجفتهم: حياا لكم بتكبرو جبركم صدق

حسن: وين.جاء زكرياء

دعاء: عند شهد سيرو ابسروه

حملو الاثنين لعند زكرياء

محمد جاء من العمل ودعاء فتحت له الباب وسلمت عليه

محمد: اهلاا بحبيبت ابوهاا اهلاا

دعاء: الله يدي لكم العافيه

محمد: وين زكريااء

شهد خرجت وهي ماسكه له: هيذاا

محمد جلس: هاتيه هااتيه

شهد مكنت محمد زكرياء وجلس يلاعبه وهو يضحك

حنان بتقرب الغداء هي ودعاء والجهال وشهد ومحمد بيلاعبو زكرياء


لا بعد المغرب

عند اياد ماعد خلا مستشفى الا وسار وكل دكتور يقول اختك مافيها شي
اخر دكتور قال له يروحها البيت ويقرو عليها قرآن لوما تتعافى من نفسها


روحها البيت الاء طول الطريق وهي بتبكي عليها

ام اياد.بتبكي: مالهاااا بنتتتييي مااالهااا مااابيينهااا

اياد قد هو مقهور مابش في يده حاجه يفعلها لااخته

ملاك بتوضع لها البقعه وهي بتبكي عليها

ام اياد مسكت يدها: زينبب مالشش ياازيننب ماابيوجعشش مااهووو
وبتبكي فوق صدرها

زينب دموعها بينزلين بس ماقدرت تتحرك ولا تفتح عيونها

اياد: افتحو فوق راسها قرآن واحنا نجلس نقرأ لها الدكاتره كلهم قالو مافيها شي كل شي سليم

ام اياد بتبكي: ياارب يااارب لاتفجع لييي قلببب علىىى بنتيي يااارب

بتول حاضنه لها: زينب مالشش ماتقومي قومي اضربيني سهلل قووى قوميي

ملاك بتجاوب التلفون وهي بتبكي: مدري مالهااا

فطوم بتبكي: كيف مادريو مالهاا همم.دكااتره ولا ماهمم

ملاك: قالو نقرأ لها قرآن خيرات

فطوم: انا ذلحين جيه ابسرهااا
يالله على اختييي ياارب شافيهاا


ملاك سارت تبسر اياد

اياد ماسك لراسه ودموعه بتنزل ملاك جلست ومسكت يده: صلي على النبيي مايقع شي عد تقوم وتتعافى وترجع احسن.من اول

اياد: مااابشش فيي يددي افعلل لهاا حااجه كل الدكاتره قالو اني هي بخيرره ومابش فييهاا شيي

ملاك: يمكن حين تهدأ تقوم ذلحين هي شكلها اعصاب لاعد تبكو عندها خلوها ترتاح وهي معاها معاها وعد تقوم وتفتهن ومايقع بها شي

اياد: يالله يااارب شافيهاا وعافيهااا وانزل عليهااا رحمتكك

ملاك: ياارب يالله قوم سير عند امي وقول لهم لاعد يجلسو يبكو عندها

اياد قام


دعاء قد روحت من عند بيتهم اتصلت لعند ملاك تسأل عليها وتبسر كيف هي

ملاك: لو تبسري يادعاء زينب مريضه

دعاء: يووه سلامتها مالهااا

ملاك بتبكي: مدريي مدريي قد لنا من الصبح واحنا من مستشفى ل مستشفى وكل الدكاتره يقولو ان مابشش فيهاا شي

دعاء: ناهيي مالها ماهوو فيهاا

ملاك: ولا شي ممده لابتقوم ولابتتحرك ولابتفتح عيونها حتى حمام حاشيش بندخلها احنا

دعاء: يالله لططفك صدق الله يشافيهاا
والدكاتره ولااحد قال مافيها

ملاك: مااشي كلهم قالو مابشش فيهاا شي سليمم كل شي اخر دكتور قال اقرو لها قرآن

دعاء: يووه يالله محد داري مايجرى عليه في يووم
خلاص والله لااحاكي البنات وكلنا نقرأ لها قرآن

ملاك: قد قلبييي بيوجعنييي عليهااا دمعتي من الصببح ماوقفت

دعاء: يالله صدق فجيعه الله يشافيها ويعافيهاا

ملاك: ياارب ياارب


دعاء غلقت التلفون وبتتصل ل عند البنات وحاكتهن كلهن
كلهن قالين عيقرأين لها قرآن


عند شهد
قرت ل زينب قرآن وبتدعي الله ان هو يشافيها ويعافيها

شهد بتوضع بقعتها تخطى ترقد وبتفكر كيف هي زينب وبتجابر روحها: يالله من المرض الله يشافينا ويعافينا محد داري ماعيوقع به يالله لطفك بناا

سمعت رساله في تلفونها
شلته وفتحت تلفونها وابسرت ان هي من المشرف حق القسم

شهد: هو وقته استغفرالله بسس ناس فاضيه
فتحت الرساله وكانت محتوى الرساله

"‏أنتي من جعلتيني اشعر بأنني أمتلك حظاً لأول مره."

قريتها وابتسمت: ماله هاذا كان رسايله الا عن الجمعه ومابيرسل الا من الجمعه للجمعه وذلحين ماحصل له يومين ثلاث ويرسل
يلاه خليه يرسل لوما يشبع
نسخت الكلام وحذفت الرساله.وغلقت التلفون وحطته وهي مبتسمه
وخطيت ترقد


"نكذب كل يوم ونقول تصبحون على خير ولكن لاننام مباشره البعض منا يتابع رسائل هاتفه والبعض يفكر بمستقبله والبعض يضع رأسه وتسيل دموعه على خده حتى ترتوي وسادته البعض منا يفكر عن كيفيه اسعاد من يحب البعض منا يفكر في ما حصل بيومه وكم مره ضحك وكم مره غص والبعض ينام وفي قلبه الف كلمه والبعض يجعل النوم مهربا من كل شي يؤلمه.....
لا احد ينام سريعا لكل منا حكايه يرويها لوسادته وتنتهي بابتسامة او بدمعه ويأتي بعد ذلك النوم تصبحون على ماتتمناه قلوبكم."


اليوم.الثاني بيت اياد

محد اقدر يرقد مقهورين على زينب

فطوم وهي بتمسح شعرها وبتبكي: زينب ياعيون اختشش جاوعه مابيوجعشش جعلل فينيي ولاا فيشش

ملاك فعلت لها في طاسه زبادي: اسكه نجرب نأكلها زبادي

الاء بتمسك راس زينب ترفعها وملاك بتحاول تأكلها شويه شويه

ام.اياد جالسه فوق القرآن.من.امس العشي ودموعها بيسيرين

زينب بتخرج الزبادي مقدرت تمغطه

ملاك بتمسح لها وبتبكي قامت وادت لها عصير

فطوم: جعليي مكسرر عليشش يازينبب

الاء: مابتقدر تاكل الا ل هو عصير ولا ماء

اياد دخل وبيحاول يكون قوي عميد خواته وامه: من غيرر بكاء مالكن صلين على النبي وادعين لها البكاء ماعيفيد شيي

زينب ممدده ودموعها بتنزل وبتأن انين

📚[رواية حنين العائلة]🎶♥️
_______

البارت 82

جلست زينب على حالها اسبوع كامل وعايشه على المغذيات  وكل من دري بيدعي لها ويقرأ لها قرآن


بيت ياسر

ساميه بتجاوب التلفون: يسعفوها يبسرو مالها

ايمان: ماعد خلو مستشفى الا وشلوها

ساميه: يالله صدق الله يدي لنا العافيه ل ساعه الوافيه

ايمان: يالله ياارب امانه كونو ادعو لها يمه

ساميه: الله يشافيها ويعافيها

ايمان: كيف هم جده وايناس وهاجر

ساميه: مالنا شي الحمدالله وانتي كيف حالش ماقد بتوحميش

ايمان: ماشي عادني خلوني افتهن سنه سنتين

ساميه: الله يعينش ويعاونش وتقوى كيف هي

ايمان: والله ان هم غاثيين من غثى ملاك على زينب
تتصل ملاك وهي بتبكي عليها

ساميه: الله يشافيها نقرأ لها قرآن كلنا

ايمان: اييوه قد كلهم بيدعو لها

ساميه: يلاه هاا ياابنتي الله معش قد هم بيقربو العشاء

ايمان: يلاه الله معاكم مع السلامه
وغلقت


بيت اياد

ام اياد قد عيونها حارقات من كثر البكاء
البنات شويه يبكين وشويه يدعين لها

اياد عند زينب: هياا كيف قدش يازينب اليوم

زينب بتسمع كل شي بس مابتقدرش تتحاكى ولا تقوم: هزت راسها بخفيف

ام اياد بتدعي الله وبتبكي بحرقه: ياااارب ياااارب اشفيي بنتييي يااااربب قووومهااا على روحهااا ياربب اللعاالميين يااارب لاتفجع لييي قلببب عليهااا

فطوم جت بالعصير وبتشرب زينب دلا دلا

ملاك بتبسر اياد مطنن وراحمه لحاله: ياارب لطفك بزينب شافيها ياارب

زينب شربت شويه عصير وفتحت عيونها شويه شويه

فطوم ابسرتها وفرحت: زينبيي ياروحييي فتحتي عيونشش

الاء حملت وبتول وملاك كلهن

الاء حملت ل حضنها: زينب جعل الذي بيوجعش فينيي ولا فيششش

زينب بتفتح عيونها شويه شويه وبتبسر خواتها

ام اياد ماعد اقدرت تقوم من الفرحه: ياللله يااللله يااارب

اياد ماسك ل امه: الحمدالله القرآن عيشافيهاا الحمدالله


بيت محمد

شهد بتفعل العشاء

حسين دخل: قدنيي جااوع ياشهدد

شهد: يلااه فرش السفره قد هو عشاء

حسين: هاتيهاا

شهد مكنته وبدأت تقرب العشاء

حنان جت ل عندها: ابعدي ل ابوش عشاء

شهد: قد بعدت لهم وانتو عد تتعشو معانا ولا مع ابي

حنان: ماقد نفسيش بعشاء شرجع اتعشاء مع ابوش

شهد: سابر

حنان: شاسير ارقد لي شويه لوما يجي ابوش اتعشو وغسولي المطبخ الله يحفظش

شهد: حاضر تمام

حنان خرجت وشهد قربت العشاء واتعشو

حسن: طعمم البيض حقش ياشهد حالي

شهد: يهنى قلبك قومو رفعو لي الصحون للمطبخ

حسين: حاضر يااختي

شهد سمعت تلفونها قامت تديه من الغرفه
شهد شلت التلفون وابسرت رساله وابتسمت ورن التلفون.وجاوبت: هااا

هديل: كيف حالكم

شهد وهي تشتي تقرأ الرساله ومبتسمه: الحمدالله وانتي كيف حالش وكيف الجهال

هديل: الحمدالله مابتفعلو

شهد: ولا شي عاد احنا كملنا نتعشاء وخاطيه اغسول مالش ماتشتي

هديل: ولا شي ماغير كنت اشتي اسأل عليكم واشتي اجابر امي شويه

شهد: اتصلي لعند تلفونهم

هديل: هيا شهد مكنيهم بسرعه

شهد: هديل معي عمل وهم في الغرفه قوى لش غلقي واتصلي ل تلفونهم

هديل: شلوش
وغلقت

شهد على طول فتحت تلفونها وبتبسر الرساله

محتوى الرساله

"أرى فيكي شيئًا مُختلفًا عن البقيّة لا أعلمُ ماهو لكنّه يَشبهني يُناسبني وأنتمي إليهِ كثيرًا"

الرساله الثانيه
"شوفي الرساله واحذفيها ولا تردي عليا"

قريتهن وضحكت: يأس اني ارد عليه قال لي هاكذا ماله هاذا يشتي يبين لي ان هو محترم غريبه اول مره ابسر ادمي هاكذا
ومالي مشخره وفارحه استغفرالله بسس

ونفس كل مره نسخت الكلام وحذفتهن وحطت التلفون وسارت تغسول

شهد بتغسول وهي مبتسمه وجالسه تفكر في رسايله وبتجابر روحها: ليشش انا من بين البنات  بيرسل لي يمكن يشتي يزيد عليا الرجال ماعليهم أمان بس هيذا كتب ماارد عليه
بسس بسس خباله ذلحين فاضي مابش معه مهره وحتى يمكن بيرسل للبنات الثانيات والكل هاكذا
يشتي بس يلعب بسس بعيده على عينه نزل له الاحترام لاتردي عليا واحذفيهن هياا ماهو للخباله هاذه
ورجع ابتسمت وكملت تغسول


#الحنيـةة
› هي مشش مُجرد ڪلمـةة وبس ..
ڪميـةة الحُب اللي فيها ڪبير قووي ، الحنيةة جبر خااطر لخيرات نااس ، الحنيةة نعمةة من الله ، دائماً الشخص الحنون يڪون هديةة ورزق من ارحم الراحِمين أحياناً ڪلمةة واحـده منكك ڪفيلةة باأنها تجبـر قلـب الشخص اللي قُبالك وڪلمةة واحده بتڪسر قلبةة ، لذيةة السبب خـِلو ڪلامڪُم ڪُلةة حنيةة للناس اللي حولڪُم ڪم هو شعور لطيف وحالي لمّا ترسم البسمةة على وجهه شخص زعلّتةة الدنيا ،
لمّا تِزرع الفرحةة بقلبةة قَـدّ ايشش عيڪون مبسوط وڪُل ذيةة بسبب حنيتكك عليةة ..
الحنيةة بلسَم مثل الدواء بتشفي القلب..
النفس دائماً تميل للحنيةة حرفياً.


خطيت الايام
زينب بدأت تتحسن حالتها لوما افتهنت والحمدالله


شهد كل يومين ثلاث وعبدالله يرسل لها رساله بدات.تتعود على رسايله وحين.تبسرهن تفرح واذا اتأخر تجلس تبسر التلفون وتريع لرسايله

يوم الجمعه

بيت محمد

شهد بتفعل الغداء هي وحنان البنات عيجين يتغدين

شويه وجت دعاء

شهد وفي حضنها زكرياء

حنان: بسس بسس فلتي للولد واخطي كمل قصي السلطه

شهد: يوووه والطعمم فييه

دعاء: قوليي ماشاءالله

شهد حبته: مااشاءالله

زكرياء قد بيبكي

حنان شلته: جححفه لشش بكيتي الولد

شهد ابسرت دعاء: جي عاونيني وخلي امي يبزو لش

دعاء: يلاه اخطي هاا

شهد خطيت هي ودعاء للمطبخ

دعاء بتفتح الثلاجه: اييوه مامعاكم من جديد

شهد بتجهز السلطه: ولا شي هولاك احناا


دعاء بتأكل تفاحه: اهاا ضخمم

شهد: مازد قالت لش ملاك كيف قد هي زينب

دعاء: قد هي مالها شي الحمدالله

شهد: يالطييف ماهاذك الفتره كيف كانت في حسيي مدري ليشش

دعاء: ايووه والله ان هو فجيعه فجأه مرضت وزد يقولو لها ماابش فيها شي

شهد مكنتها السلطه: الله يشافينا صدق
هاا شلي قصي السلطه وانا اغسول المطبخ

دعاء شلتها

ايه جت: مااابتفعلووو جمعتكمم مبااركه

شهد فلتت الغسوله: حياا حياا بااختي

ايه بتسلم.عليها: الله يحييش

دعاء: اييوه ما انا قولتي لي جي عاونيني

شهد ضحكت: انتي الاصل هو بس نجامل هذه الخبلا بسس

ايه بتسلم على دعاء: ماخبلا الا انتييي

شهد بتغسول: هياا اخطي اخلسي البالطو وجي غسولي

ايه بتفتح طاست الرز: امم قدنيي جااوعه

دعاء بتسمع زكرياء بيبكي: قوىى سيري ابسري مال زكرياء

ايه ضحكت: انا حبيته قويي الصدق لوما بكي

دعاء: حلا حين حبيتيه مش قحصتيه مثل بعض الناس وابسرت لعند شهد

شهد ابسرتها: هي ريعي لاما جيت قحصتش
وغسلت يدها وسارت لعند دعاء

دعاء: بسس خباله

شهد مسكت يدها وبتقحصها
دعاء صيحت: اااييي اييي يااا قردده
وجعتينييي شلوووش

ايه ضحكت وخرجت وشهد بتضحك وكملت تغسول بسرعه

هديل جت سلمت على امها والبنات

زهراء جالسه في حضن ايه ومحمد راقد

البنات في المطبخ بيقربين الغداء ويتجابرين

قربين ل رجال لوحدهم وهن وحدهن

اتغدين وكملين

شهد: ذلحين من عي غسول حرام عليكن واقفه من الصبح

ايه: شعاونش انا هياا قومي اشتحطي

هديل: قومين اشتحطين نجلس بحينه احنا الا ل مغرب وروحنا

دعاء: كلنااا نقوم الا نشتحط نجلس بحينه

شهد قامت وبتجهز الماء للغسوله

ايه بترفع الصحون للمطبخ

شهد فتحت اغنيه من تلفونها وبتغسول وبتغني

ايه بتنظف البوتجاز: يااغاني وياحركاتت المعهد مسخشش قوي

شهد ضحكت: ايين معهد شلووش

ايه: غيري لنا ثانيه

شهد: خليها تكمل وشفتح ثانيه


كمل اليوم وروحين البنات


بيت اياد

البنات جالسات وبيلعبين

زينب: والله ماادخل ان هو دوري

الاء: بغير خباله قد هو انا بين اوزع البطه خلااص عاد فيها ادوار

ملاك: لاانتي ولا هي هاتيهاا

ام اياد بتبسرهن وبتدعي الله ان الله يحفظهن ولا يفجع لها قلب عليهن

اياد جاء واشترى جعاله

بتول حملت وشلت الكيس: من الشوكلاته الذي بتعجبنيي

ملاك: اشتريت لي عصير بارد

اياد جلس: اييوه
وابسر لعند زينب
كيف قدش يازينب ماعد بتحسي

زينب: الحمدالله والله ماعد بين احس بشي

الاء: ماهوو كنتي تحسيي وكنتي تسمعيناا ولا ماشي

زينب: الحمدالله الذي شافاني
ايوه كنت اسمعكم وانتو بتبكو وحين شليتوني المستشفى كنت اسمع كل شي بس مااقدرش اتحرك مابش وجع بين احس بس مااقدرش اتحرك

ام اياد: الله يدي لش العافيه يابنتي

📚[رواية حنين العائلة]🎶♥️
_______

البارت 83

بيت محمد

شهد فرشت لها واتمددت قدهي منعسه نوم
سمعت رساله في تلفونها نكزتها
فتحت التلفون وابسرت الاسم
كان الاسم مكتوب ع وجنبه قلب صغير

فتحت الرساله وبتقراها وشعورهاا غريب ممزوج بالصدمه اتفأجات وفي نفس الوقت فرحت ماتوقعت

كانت محتوى الرساله

"مرةً واحدة في العُمر..
يَقذِفُ اللّٰه في قلبك حبًا بلا أي سبب لشخصٍ ما، تنجذب إليه روحك فتتآلف، ويوافق هواك هواه وإن لم يسبق لكُما تعارف، تجد فيه الراحة عند اللقاء، والاشتياق بعد الوداع، واللهفة مع الانتظار، فتشعر كأنه أنت كلك، لا تمل منه أبدًا"

الرساله الثانيه
ممكن هذا المره تردي عليا برساله واحده بس اكتبي لي عنوان بيتكم انا يابنت الناس شاريش واشتيش على سنة الله ورسوله حااجه واحده اشتيها منشش وهي عنوان بيتكم


شهد قامت واتوضعت بتحسس بشعورر غريبب هي في حاله صدمه متفأجاه وبتجابر روحها: ليشش انا من بين البنات كلهن سعم كان به بنات احسن منيي ليشش انا من بين كل البنات هل هو صادق ولا يشتي يلعب بسس ليش يلعب دام وقد قال يشتي عنوان البيت
ارسل له
مع مع اول احاكي امي ابسر ردت فعلهم

شهد مبتسمه فيها شعور غريب وفارحه: ليشش انا فارحه واذا انا فاارحه الصدق بدأت اتعود على رسايله وكنت افرح لوما ابسرهن ليش اكذب على نفسي حتى ان اخر فتره بدأت اعجب به وبرسايله لي

شويه وذكرت: افف هم قبايل الا والله ان هم قبايل
ضبحتت : افففف يعني ماهو
شقنع امي واذا هم قبايل عادي هم ناس نفسنا
بس كيف اقول لهم اممم اقولهم ان صاحبتي تشتي تجي هي وامها يخطبو
خلااص غطوه احاكيهم ان شاءالله

شهد فيها شعور غريب اول مره تحسس به: يااارب اذا كاان خير ليي قربه واذاا كاان شر ابعده من طريقيي ياارب

فتحت التلفون وبدأت تقرأ رسايله الذي كان يرسلهن وهي تحفظهن عندها
بتقرأهن وهي فارحه
جلست تفكر لوما غلبها النوم


اليوم الثاني

بيت علي

سعاد بتقرب الصبوح

هديل قد هي معاجله اتأخرت  على الجامعه: افعلو لي سندويش يمه يسرعه قووى

سعاد: ناهيي يابنتي لاتستعجليش مالش دلا دلا

هديل: قد اتأخرت اليوم قوي

علي جاء: افعلي لي معاها وانا والكل أتأخرت على العمل
وابسر لعند هديل: شاوصلش على طريقي

هديل: يلاه الان اخرج

سعاد ارتبشت: يووه يالله صدق مالكم ربشتوني دلا مايقع شي

هلا كان عاد هي قامت: صباح الخير يمه

سعاد ابسرتها: صباح النور جي عاونيني

هلا: اشتي اسير اتجهز معي معهد يمه

سعاد مكنتها السندويشات: مكني اختش مكنيها

هلا شلت الصبوح وخرجت تمكن هديل


بيت محمد

شهد قامت واول ماقامت ذكرت وابتسمت وابسرت الساعه: يووه قد هو شرق عليا
قامت تتجهز

حسن وحسين قد سارو المدرسه

حنان كانت ذاهنه بترفع الغرفه

شهد اتجهزت وسارت لعند امها: صباااحكم.اناا يمه

حنان: اصبحنا واصبح الملك لله هياا ماقد معانا ماتشتي

شهد: الله يسامحكم يمه انا قولت اجي اصبح عليكم وانتو مدري مالكم عليا

حنان: يالطيف صدق

شهد: خااطركمم ادعو لي

حنان: الله معشش ويوفقشش غلقي الباب بعدش

شهد خرجت وغلقت الباب بعدها وسارت المعهد


لا بعد العصر

شهد اتبدلت وشلت تلفونها وسارت عند امها

حنان ابسرتها: كف لشش عتجي تجلسي عندي

شهد ضحكت: ماتشتونيشش اجي عندكمم

حنان: ليش مااشتيش جي بس اجلسي لشش

شهد جلست مقابل ل امها: ذلحيين معيي موضوع لكمم ضخمم

حنان ابسرتها وضحكت: قد انا داريه ماتجي تجلسي عندي الا اذا به حاجه
خيرر ماقد معشش

شهد ضحكت: ذلحينن يمه عد تزوجونيي عد تخارجونيي

حنان: على يدش يابنتي هاتي لش زوج ونزوجشش

شهد: وانا جيت اقول لكم سرت دورت لي ولقيت لي واحد اعجبني

حنان خفعتها في راسها بالقصبه حق المداعه: عدتستحييي من قلله الادبب

شهد مسكت راسها: احح مالكم يمه مابين اكذبشش يووه منكمم

اتوضعت: ذلحين اسمعوني من صدق
واحده من صحباتي قالت تشتي تجي هي وامها وناويات يجين يخطبين

حنان: بتضحكي ولا منش صدق لان انتي محد يدرى لش بصراع هو انتي صادقه ولا ماشي

شهد ضحكت: الله المستعان والله اني بين احاكيكم من صدق

حنان: حياهن الله ومن هي هاذه صاحبتش وكيف هم وبيت من هم

شهد: صاحبتي من المعهد وهم اخلاقيين وناس ياسلام

حنان: الله يقدم مافيه الخير بيت من هم

شهد اتوترت: همم بيت ال..

حنان ابسرتها: بيت ال.. هم قبايل اومه

شهد: ايوه بسس يمه الرجال باخلاقه مش بنسبه

حنان: هياا ياابنتي قولي ل صاحبتش مابش نصيب يشتين يجين عندش حياهن الله اما خطبه وماخطبه مابش نصيب قولي لها

شهد: ليشش يمه اول شي ابسرو كيف هم هم ناس سوى ولا مش هم سوى هاكذا تحكمو من عندكم

حنان: اييوه هم قبايل مالشش انتي سعمم مش انتي داريه بناا ابووش ماعيرضى ولا انا عد ارضى قولي لها من ذلحين احسن مايجو ويدخلو بيتنا ونردهم مش هي حاليه في حقنا ولا في حقهم

شهد: صلو على النبي يمه مالكم اول شي يجو اعرفوهم وبعدين سهل مش اردها وماقد حتى جت

حنان: الا رديها قبل ماتجي لانش داريه بنا مستحيل ان احنا نرضى نزوجشش بقبايل ولا ابوش عيرضى

شهد بنفعال: ليشش مالهم القبايل همم نااس نفسنااا الانساان بأخلاقه مش بنسبه يمه مش كلهم سوى
واولهم سليم وعمي يحيى هيذا هم ساده وابسرنا ماقد فعلو
الانساان بأخلاقه يمه

حنان بهررت: ماااابه يااشههد مااابه لهذااا الدرررجه قدشش تشتي تتزوجييي ليشش الكلام هاذا كلله استحيي على نفسششش وقومي اخرجي من قبالي قليله حيااء

شهد بكيت: مش هو هاذا الخبر يمه كيف تشتوني اردها واقولها مابش نصيب وماقد حتى جو وعرفتوهم


حنان: لا يجو ولا وبعدا لمه البكاء سعم خلاص ماعدلا هو في العالم مالشش اشتحطييي ووقعي مره

شهد بتبكي: يقع ماوقع يمه اسكه اقنعوني ليشش ليششش ماقد حتى عرفتوهم ليشش تشتو ترفضو حين.هم قبايل همم نااس نفسنااا

حنان: ياارب عينني على هذا البنت
بنتيي انتي داريه بعاداتنا وتقاليدنا احنا مانزوج بناتنا الا من نفسناا مش هي حاجه جديده عليشش ماهو طبزشش

شهد: انا مرتاحه يمه ومقتنعه

حنان: ارتاحي لنفسشش واقتنعي لنفسشش

شهد: هيذا به ساده بيزوجو وعادي ليشش مااحنا مااشي وماينفعش

حنان: انا داريه ان به ناس عادي عندهمم بسس ماعندناا ماينفعشش ونصيبشش ياابنتي عيجي كما جلستيي

شهد بتبكي: ناهيي بسس اعرفوهم خلوهم يجو واذا ماارتحتو لهم.نقول لهم.مابش نصيب قووى يممه قووى

حنان: هي هاذا الشووعه في حقشش حين.هي صاحبتشش كيف تجي وتدخل البيت هي وامها ونردهم ان مابش نصيب شووعه في حقهمم بس ذلحين قولي لها ان احنا مشغولين وهي عد تفهم على روحها وخلاص

شهد بتبكي ابسرت امها: الله يلعنهاا
عيششه الله يجعليي المووت من هااذا البيتت كلله مااشي كلله مااشي قولت نفسي ادرس محامه قالوو مااشي وان هو هااذاا قولتوو مااشيي

حنان: قووومي انقلعيي من قباليي لاعد ترفعيي ليي الضغطط عادهي عد تصييح مدريي مالششش مااابه معشش ولهذا الخاطبيي ماااهو او تعرفيهه هااا اووو قد به شيي ولاا شييي

شهد قامت وهي بتبكي دخلت الغرفه وغلقت على نفسها وجلست تبكي

شهد بتمسح دموعها: مالييي خلااص ماابش نصيبب طززز مش هو اول واحدد ولا اخرر واحدد.
وبكيتتت
بسس لو هوو صدق بيحبنيي اناا من نفسيي بدأت احبه اييوه ليشش اكذب على نفسي عاادي بدأت احببه ماافيهااا مافعلت حااجه غلط مارسلت له هو جاء من الباب شارينيي
يااارب ماافعللل يااارب دلنييي يااارب


في مجتمعنا  ...
الحب عيب، والشوق ذل،  والبكاء ضعفا والموت قدر...
لذالك اعتدنا ان نحب سرا، ونبكي سرا  ونشتاق سرا  ونموت جهرا.
في مجتمعنا  ...
يموت من لا يستحق الموت علي يد من لا يستحق الحياة.


شويه وفعلت رساله ل ايه تتصل لها: ماعد تفهمني وتقنع امي الا ايه شاحاكيها بكل شي ويقع ماوقعع

شويه واتصلت
ايه: الووه

شهد: هاا كيف حالشش

ايه: الحمدالله وانتو كيف حالكم.

شهد: الحمدالله

ايه: مالشش مال صوتشش وليش فعلتي لي رساله اتصل مابه

شهد قرحت تبكي

ايه افتجعت: شهدد ماابه مااهو حصلل احد فيه شيي

شهد بتبكي: مححد ففييه شيي كللناا ببخييرينن

ايه: كان.مالشش ماببه اسكه أهدأي من البكاء وجابريني ماابه فجعتينيي.

شهد اخذت نفس: مااهو اقول لشش دااريه عد تصيحيي فوقيي بسس مالي الا انتيي ياايه ولو تصيحيي

ايه: ماعد اصيحشش ماهو مالشش ماابه

شهد بتحاول ماتبكيش: تذكري المشرف حق الشركه الذي اشتغلت فيها

ايه: اييوه ماله

شهد: صح كان يجلس يرسل رسايل

ايه: ماحضرتيش صحح

شهد سكتت

ايه: تراسلتو كنتي تراسليه فعل شيي

شهد بكيت: والله ماكنت اراسلله قسممن باللله وعدمنيي راسي ماكنت اراسلهه ان هو هو كاان يراسل واناا والله مااكنت اراسلله قسسمن بالله

ايه: اسككه اهدأي ولاتبكيششش لاعد تتحلوفيشش مصدقه لششش اييوه وبعداا ماله مااهو حصلل

شهد: حكت لها كل شيي

ايه: انتي كنتي داريه ان.هم قبايل من زمان وبعدا قد قولت لشش احضريه احضرييه ياشهد مابتصدقيش

شهد: لاعد تلومينيشش خلااص حصلل الذي حصلل قد اناا في الوسطط

ايه: بس شكله ابن ناس دام وهو جاء من الباب ليكنن لو اقنعت اميي من يقنع ابي

شهد: امي عد تقنعهم انتيي جي غطوه وحاكي اميي وجاابريهم واقنعيهم

ايه: شهدد

شهد: مااهو

ايه: بتحبيه لوما تشتي تفعلي كل هاذا عميد يوافقو

شهد سكتت

ايه: عادي الحب هو يجي بالفطره مش هو بأرادت احد بسس ليشش تعلقي نفسشش بواحد انتي داريه لاعيوقع من نصيبش ولا انتي من نصيبه

شهد: مشش هو حبب بسس بدايت اعجاب بدات اتعود على رسايله ودام جاء من الباب اكيد شاريني

📚[رواية حنين العائلة]🎶♥️
_______

البارت 84


ايه: وهذا ماهو وين شهد الذي مايعجبها هذا الحاجات وين شهد الذي مش هي مأمنه بالحب الا بعد الزواج

شهد بتبكي: اييه ذلحيين عتجيي غطووه وتحاكي امي وتقنعيها ولا ماشي

ايه: خلاص تمام بسس انتي لاتتأملي خيرات وحاولي تقتنعي من ذلحين هوو لمصلحتشش ياشهد

شهد: سابر تمام مع الله
وغلقت

ايه اتنهدت: الله يفرج همش يااختي دخلتي لش في طريق ماله مخرج

شهد فيهاا ضيقه فيها بكاء بتحسس نفسهاا عد تنفجر شعوررهاا مش هي فااهمه له

اليوم الثاني
شهد سارت المعهد وبتحس نفسهاا ضييقه ضاابحه ماتشتيش احد تشتي بسس تجلسس وحدهاا ماتشتيش حتى تجلس في البيت


لابعد الظهر ايه جت وشهد روحت من المعهد

ايه ابسرت شهد: يييه صلي على النبيي مالشش شكلش مارقدتي امس من مره

شهد ضابحه: اللهم صلي عليه وعلى آله

ايه: شهد اذا كان هو خير لشش فاالله عيسرها ويسبرها واذا كان شر الله عيبعده منشش مالشش قد صورتشش هاكذا

شهد: سابرر

اتغدو شهد بتغسول المطبخ وايه سارت لعند حنان وبتقنعها وتجابرها

حنان: اذا رضيت انا ابوش ماعيرضاش

ايه: الا تقدرو تقنعوهم انتو

حنان: اشتي ادرى ليشش حلقتنها ان كأن هو اخر واحد مالشش ماتعقلي اختشش

ايه: عاقله ومالها شي وبعدا اذا به نصيب وهو اخلاقي ليش ماشي

حنان: داريه بأبوش والله ماعيرضى والله ماعيرضى

ايه: يمه جربو حاكوه وبعدين سهل

حنان: عد احاكيه ونبسر كيف

ايه: قومو ذلحين حين هم في البيت اليوم

حنان قامت: الله يعينكن صدق

ايه قامت وسارت لعند شهد: امي عيحاكو ابي

شهد حطت الطاسه: قولي والله

ايه: والله بسس قالو امي ان ابي ماعيرضاش

شهد دمعين عيونها ورجعت تغسول

ايه: اختي صلي على النبي مالشش ليشش هاذا كله الغثى هيذا مابتحبيش هو بس بدايه اعجاب وتعود على الرسايل

شهد بتبكي وتغسول سكت

ايه: مالش ساكته مااهو اسسكه جابرينيي مااهو

شهد: وطي صوتش امي عيسمعو ناقصني زد هدار من امي

ايه: براحتشش يااختي فكري لوحدشش محد يستاهل وطزز فييه مش هو اخر واحد وبعد عادش ماقد حبيته قوي عد تنسيه

شهد: سيري ابسري امي مافعلو

ايه خرجت

شهد بتمسح دموعها وينزلين: مدري مالي صدق ليشش البكاء هذا كله
والضيق الذي فينيي اعوذبالله من الشيطان


لابعد العصر
حنان بتجابر ايه: قد قولت لشش ابوش ماعيرضى

ايه: حاولو تقنعوه يمه

حنان: ماقد كملت الحكايه وقال لي غلقي الموضوع
وبعدا خلااص مابش نصيبب مالها شهدد ماابه قد بدأت اشك ان به حااجه

ايه: ماشي ماهو به يمه مابلا هي خازيه من صاحبتها بسس

حنان: يلااه سابر الله يجعله هاكذا

ايه غثيت على اختها سارت لعندها

شهد جالسه مطننه

ايه جت وجلست جنبها: ابسري لاتجلس تطنني ولا كل واحد مايخطى الا بنصيبه مابش نصيب لش انتي وهو ارضي بما كتب الله لش وانتي عد تقتنعي

شهد ابسرتها: ماابسرتيني قد بين.اجنن عليه

للعشي
ايه روحت شهد جالسه في الغرفه

حنان جت ل عندها: هياا بنتي عشاء

شهد: شابعه مانفسيش

حنان: من شبعش وماتغديتي سوى

شهد: الله شبعني

حنان: انتي اخبر بروحشش الذي عيسمعش عيضحك عليشش صلي على النبي مش هو اخر واحد

شهد ابسرتها وهي مقهور محد بيحس بها

حنان خرجت

شهد مقهوره وضابحه وضيقه: مدري ماليي صدق هذا وماحبيته قوي لو زد حبيته ماكان عيوقع
يالله شعورري هذا اليووم.مااقدرشش اوصفه هو غثى ولا قهر ولا تأنيب ضمير ولا ماهو مافهمت شعوري ولا احساسي


اليوم الثاني
شهد في عالم ثاني سارت المعهد تتواله لها شويه وتنسى وماتجلس تفكر


بيت محمد 

حنان بتجاوب التلفون

ايه: والله يمه مابه شي

حنان: كان مالها اختشش صورتها مقلوبه  من حين حاكتني من هولا الجن

ايه: هي بس غاثيه حين ردت صاحبتها واتغاثين

حنان: سابرر اتصلي لها وابسري كيف هي

ايه: حاضر وانتو لاتجلسو فوق راسها خلوها براحتها

حنان: مابين افعل بهاا

ايه: يعني هاا لاتجلسو تقولو لها لمه جالسه وحدش لمه ماتأكلي من هاذا

حنان: الله يعينكن خااطرش اسير ابسر الغداء

ايه: الله معاكم
غلقت واتصلت لعند شهد

شهد كان قد خرجت من المحاضره حقها جاوبت: هاا كيف انتي

ايه: الحمدالله وانتي كيف حالش

شهد: الحمدالله

ايه: مابتفعلي

شهد: ولا شي عادني خرجت من المحاضره

ايه: وكيف قدش

شهد: الحمدالله

ايه: شهد قوى ل اختيي لاتجلسي تقهري نفسشش ولا تغثي نفسشش خلاص حااجه ماابش لها نصيب لش احمدي الله وبسس

شهد بتحاول ماتبكيش: خلاص سابر مابش شي

ايه: كيف مابش شي انا داريه بشش
لو اقول انتي تعرفيه قوي وكيف اخلاقه سهل كان عنقنع ابي وامي بسس هاذا ماتعرفيه اين احسن لشش رضى ابوش ولا نفسشش

شهد عيونها تدمع وتمسحهن: اكيدد رضى ابي ماهو ماعيفعل لي لااعرفه ولااصرفه

ايه: واذا نفسش تحاكي ابي عادي حاكيه

شهد: معع شوعه في حقي ماعيقولو عليا

ايه: فكري في كل النواحي لاتجلسي تطنني وتقهري روحشش

شهد ساكته

ايه: وصح نسيت امس مااقول لش احظري الرقم شهد احضري الرقمم

شهد: تمام

ايه: ماشتيش تمام وتدعممي

شهد بكيت: واذا هو صدق يشتيني وحبنيي حراام اظلمه بين احسس بتأنيبب ضميرر

ايه: ماابش حب هاكذا وين هي شهد الذي اعرفهااا مالششش ياشهدد اسككه جابرينيي مااهو بتحسيي ليشش غاثيه هاكذا دام وانتي بتقولي انش ماحبيتيه

شهد بتمسح دموعها: اناا بنفسيي مشش اناا دااريهه مالييي مش اناا دااريه لمه اناا مقهوره ساعه احس بقهر وتأنيب ضمير عليه وساعه اقول طزز فيه وسااعه اقول لو كان يشتيني كانن حتى فعل رساله مش طنش وخلاص انا مافهمت نفسي ماافهمتت شعوريي

ايه: صلي على النبي ولاتجلسي تحسي ولا شي وبعد انا بين اقول لش احضريه لاعد تجلسي تريعي يرسل مره ثانيه خلااص اقطعيها واحضريه وخلااص

شهد: اففف يالله ياارب والله مافيي حسي منه قووي بسس مدري ماليي ضييقه فينيي بكااء اناا تعبتت والله انيي تعببت مدريي مااليي ضييقه ضضاابحه

ايه قد هي مقهوره على اختها: جي عندي غيري جو ابردي لش من المعهد وجي عندي مابحد هو عادل عيسير العمل

شهد شويه تبكي وشويه تمسك روحها: ماينفعش مش هي سابره

ايه: ليشش مش هي سابر ابردي لش هو الا انجليزيي جي عندي غير نفسيتشش وغير جو

شهد: مش هو من المعهد امي ماعيرضووش

ايه: شاحاكيهم انا

شهد: خليها لوقتها

ايه: ماشتيتي
ذلحين انتي الا أهدأي ومايقع شي وطزز فيي الكل والله عيعوضشش

شهد: على الله

ايه: ماعد تشتي

شهد: ولا شي يلاه خاطرش هاا

ايه: الله معشش

شهد غلقت وبكيت لها شويه وقامت روحت


لا بأس بالبُكاءِ أحيانًا، أو أن تَعتزلَ إناسٌ، أو أن تُعبر عن إنسانيّتك بالدمعِ، خلقكَ اللّٰه ضَعِيفًا، فاظهر ضعفَك له كما ظهرهُ موسى حتى يكون نداءهُ لكَ
"لَا تَخَفْ" أنت تمتلك روح واحدة ولكنها بيدّ اللّٰه فَلا تُرهقها..

لَا تَلتفت إلى أحد وعبّر عَن حُزنك بالطَريقة التي تُريحك أنتَ، وثِق بأن كُل هذا سيمرُّ، وسَيشرُق نَهار قلبك، وستُنار عَتمة روحك، وسيتمهَّدُ الطريق، وينطوي تعبُ الأيام،

اعلمُ أنه في يومٍ ما سيُعيدُ اللّٰه لكَ العوض الذي يُنسيك ألمك، وما أَلّمكَ، وما طلبتَ منهُ وما لم تطلُب، سينتهي كل ما حدث معك وكأنّهُ لَم يَكن، ‏فأستَأنَسَ باللَّه، لتهونَ عليكَ جميعُ الشَّدَائِد، واقترب من اللّٰه لتقترب منك رحمتهِ، وعِند الحُزن اسجد باكيًا..

قُل للَّه أنَّك تحتاجه..

واعلم إنَّك لن تَجِدَ طَعمَ حقيقةِ الإيمانِ حتى تعلَمَ أنَّ ما أصابَك لم يكُنْ لِيُخطِئَك، وما أخطَأَك لم يكُن لِيُصيبَك، وَلا حَول وَلا قوّة إلا باللّٰه.

اقرأها ثانيةً بهدوء "لا حَول ولا قوّة إلا باللّٰه"

أبقِ بجانبهِ ليقوّيك،
وَحرّر نفسك مِن بئرِ يوسف وألقِ بها في بحرِ نوح.

📚[رواية حنين العائلة]🎶♥️
_______

البارت 85

بيت محمد
العشي

شهد ماقدرت ترقد وجالسه بتفكر : فيني ضييقه وفينيي شعور بيوجع قلبيي يالله ياالله خارجني وفك ضيقتي

اقتلبت على الجهه الثانيه وبتحاول ترقد بس بتحس بحاجه بتخنقهاا قامت ومسحت وجهه وبكيتت : ماليي مااهو ليشش الضيق والاحساس هذا فينيي لو بين اقول ان انا بين احبه قوي عادهي تهون هذا ماهي الا مشاعر خفيفه وخلاص رضيت بما كتب لي الله بسس احساسي وشعورر ماقدرت اوصف

ابسرت التلفون حقها وابسرت الساعه قد هي 2 الليل وماقد اقدرت ترقد
قامت اتوضت وخطيت تفرش لها السجاده واتجوهت للقبله وصلت لها ركعتين
بعد ماسلمت رفعت يدهاا وبتبكيي: ياارب محد فهم شعوري محد فهم احساسي محد حاسس مافيني الا انتت ياارب محد فااهم شعوري غيررك ياارب
انا عايشش في صراع وبين احس ان انا.مااستاهل احد يحبنيي
مدري هو صدق حبني ولا كان بيلعب معي بسس اذا حبني صدق واقتهر مني الله يجعله ينساني ويعوضه بااحسن مني وان كان.بيلعب عليا وبيخليني احس بتأنيب ضمير اتجاهه حسبه الله وعيقهر الباري من سابع سماء
اناا شعوري والضيقه الذي فيني هذه من تأنيب الضمير اذا كان بيحبني انا مشتيش احد يحمل في قلبه مني انا مشتيش احد يدعي عليا مشتيش اكون ظالمه لااحد بسس هذه هي قسمه ونصيب من الله واكيد هو خير ليي وله
اناا يارب راضيه بما كتبته ليي والحمدالله على كل حال
مسحت على وجهه وسجدت وبكيت شويه وقامت مسحت دموعها وتنهدت
وخطيت تحاول ترقد

شهد جلست على حالها اسبوع وكل يوم تقوم تصلي لها الليل وتقرأ قرأن لوما هدأت نفسياً



#فضفضه_ من_ روحها
احححح يبااه؟!
احياناً يجي علينا ضغوطات لافوق راسنا وهذا الضغوطات تسبب لناا الضييقه يجي للواحد شعورر مايقدرشش يعبر ماهو شعوره.. احساس غريب ¡¿
حتى الكلمات تنتهي عن وصف شعورناا الذي بنحس به يمكن في نظر الناس الثانين ان هي حاجه بسيطه ون كأن أحنا من بالغ في وجعنا وفي غثانا بس هي بتحرق قلوبنا ومحد عيقدر يحسس بالذي بنحس به غيرنا شعورر يضيق على الواحد يجي لنا قهر وظروف ومشاكل وضغوطات  في نفس الوقت أن كأن هم متحالفين الا يجغرونا ويجتمعين وماعد ندرى ماهو الذي مغثينا هو هذا ولا هذا ولاهذا  وكلل هذاا فوقنا وبنتحمل ونحاول نكون سعيدين ونضحك رغم وجعناا رغمم عقلنا الذي ملانه افكارر وبنتحمل هذا كله وحدناا لان محد عيقدر يخفف عليناا غير الباري هو ارحم بحالناا واعلم بمافي صدورنا وماعنقول الا "ياااارببب"

بيت محمد
كملو يصتبحو
حنان قامت ترفع الصحون وشهد بتساعدها

محمد ملاحظ على شهد الزعل والغثى من يوم ماحاكته حنان

محمد: شهد اسكه اسكبي لي ماء واديها لي للغرفه

شهد: حاضر
خطيت سكبت له ماء وسارت.مكنته

محمد: الله يحفظش ياابنتي

شهد: يارب
وقد هي خارجيه

محمد: هاا هاا جي اجلسي هانا

شهد جت: هاا مالكم.ماعد تشتو

محمد: مال ابي وروحي غاثيين من غثى بنتي من زعلها

شهد شورغين عيونها: والله محد غثاني ولااحد زعلني

محمد: ابسري ياابنتي كلل واحد مايشل الا نصيبه والذي امش حاكتني منهم ماهو خير لشش والله عيعوضشش بااحسن منه

شهد: مافي حسي عادي

محمد: انا داري بس الا بين اقول لشش ان الانسان مايشل الا نصيبه

شهد سكتت

محمد: قومي عاوني امش

شهد قامت: حاضر
وخرجت
بتجابر روحها: لو عاد انا مفكره ارسل له والله ماارسل ماعيفعليي طززز فيه عميد ابي لايمكن اني افعل حاجه تخليه يكتسر ظهره محد عيحبني نفس ماابي وامي بيحبونيي محد يستااهل
واذا كان على قولتي كان يحبني الله يسخر له واحده تحبه ويحبها وانا ينسانيي


شهد مافلتت القرآن ورجعت الى الله اتحسنت نفسيتها وخلاص دعممت من كلل شيي


بعد اسبوعين من الذي وقع
كانت جالسه تلعب بالتلفون
وصلت لها رساله
فتحتها كانت محتوى الرساله

شوفي يابنت الناس انا ماطلبت منش تردي عليا او تتواصلي معي انا قولت لش تقولي لي عنوان بيتكم انا جيت لش.من الباب وبخلي امي تقدم عندكم
قولي بس عنوانكم هي كلمه واحده
تحياتي لش..

شهد قريتها طننت شويه بعدين كتبت له رساله
اخي العزيز يكون في علمك حتى لو طلبت نتواصل ماكنت شرضى ابدا وكان على طول حضرتك.انا بس رديت عليك هذا المره عشان يتغلق الموضوع هذا واتمنى ماعد ترسل لي 
وقصت انك تشتي عنوان بيتنا مابش نصيب يااخي وانت الله يسخر لك ببنت تحبك وتبسرك اغلى ماعندها
واذا كان بتحبني صدق انساني ولاعد حتى ترسل انا بنت معقوده وعرسي قريب
وانت الله يسعدك بحيااتك ويوفقك

رسلتها وحضرت الرقم وحذفته


شهد بكل قناعه: يمكن ماهو خير لي والحمدالله راضيه بما كتب لي


"‏فمن أوى إلى الله أَواه، ومن فوَّض أمره لله كفاه.."

يوم الجمعه بعد العصر
الخوات اجتمعين كلهن

دعاء: وهذا يحصل كله واحنا مالنا علم

شهد: خلااص ذلحين كملنا وماعد بشش شي

هديل: اقول لش حاجه ياشهد

شهد: ماهو

هديل: والله يااختي ان الحب مايجي الا بعد الزواج لاتصدقي ان هاذاك يحب هاذه وهاذك تحب هاذا
الحب الحقيقي مايجي الا بعد الزواج يمكن بعضهم صدق يحبو بسس مالذي يحب مايتخلاش ابدا وعيحارب الدنيا علشان الذي بيحبها وعيجي لها من الباب عيتقدم مش يراسلها هذا كذاااب يشتي بسس يتسلى ويضيعع وقت والذي مايرضه لااخته ماعيرضاش لشش


ايه وشهد ودعاء قدهن مندمجات مع هديل

ايه: ايوه ياهديل ايوه

دعاء: ياسين على اختي ياسين

شهد: من قد علمش ياهديل

هديل ابسرتهن: شلوكن صدق وشلوني حين تحاكيت يخخخ

البنات ضحكين عليهاا

شهد وهي مرتاحه نفسياً ومقتنعه: الحمدالله على كل حال


°•
مجبر_من_القلب.
#حبيت الحياة لأن عاد فيها اشخاص قلبي مليان بـَ حبهم ؛ وحبهم هو اللي خلاني اتمسك في الحياة هو اللي بـثَ  في قلبي ڪُل يوم صبر وقوة وإيمان ان مهما حصل معي وهم واقفين جمبي مستحيل اخاف واقلق.

- حبيتها ...لأن وجود امي جنتي هو سر الحياة ومنبع السڪينةه ، والدفئ الحنون في ظل مخاوف الحياة.

- حبيتها ...لأن وجود ابي حبيبي بحد
ذاتةه هو الامان واستقامةه ظهري في ڪُل متاعب الحياة.

- حبيتها...لأن اخي احنج من الدنيا ومافيها
هو ضوء عيني ونضرها وهو سندي لامالت بي الدنيا.

- حبيتها...لأن اختي روحي الغالي هي الحضن الرقيق والمواساة اللطيفةه لا جارت الايام عليا

- حبيتها وبقوة...لـَ وجود الڪائن الصغير "حبيب خالتةه " قطعةه السڪر حقنا اللي حلاّ الدنيا بوجوده اللي شوفتةه ترد لي العافيهةه

- حبيتها...لـَ وجود اشخاص افعالهم في قلبي ماعتنتساش ولا في يوم من الأيام عينتسوا من قلبي.

- حبيتها...لأن بهةه فيها أشخاص ماتخلوش عني رغم البُعد وقلّةه اللقاء بيننا ورغم ضروف الحياة باقيين على عهدهم مثلما عهِدتهم

- حبيتها...لأن بهةه اشخاص فيها يڪفيني
انهم بخير بعافيتهم.

#هولاء بحد ذاتهم هم اللي وجودهم يغنيني عن الف شخص وعن العالم بڪُلةه
#منحرم منڪم يابعد عيني انتوا

#يسعدلي_اوقاتكم 😍❤

📚[رواية حنين العائلة]🎶♥️
_______

البارت 86


وصلنا لاخر بارتات الروايه تعودنا دائماً ان كل شي وله نهاية واليوم وصلنا لاخر فقره ولنهايه كل قصه وكل شخصيه ووصلنا لنهاية روايتي رواية "حنين العائلة"


الجده فاطمه كانت خبيثه ماترحمش احد فيها قساوت قلب

عائله ياسر
ياسر الله يرحمه كان قاسي على بناته مابش فيه حنيه صح اخر فتره اتعدل بسس مايفيد

اياد نعتبره مش هو من العائله لان اكثرت اوقاته مابحد انسحب من.العائله وأسس له عائلته ونسي أهله ماكان له دور لا في الروايه ولا له دور في عائلته

احمد تحمل كل شي هو وكان الحمل الثقيل عليه

اسماء صح ان.هي انضغطت وحست ان مابش معاها سند بس مهماً كان الذي فعلته غلط وذنب مايفغر لها

ايمان اكبر غلطه فعلتها ان هي رسلت صورها غلطت واتعدلت ومحد معصوم من الغلط
وذلحين قد هي واحمه وعايشه حياته وبتحب سليم وهو يحبها

ايناس كانت مسالمه كان حلم حياتها تدرس درست وقد هي ممرضه في عياده ومرتاحه في حياتها


بيت محمد

محمد كان نعم الاب كان حنون على بناته يحنجهن عيدي لهن روحه
وبناته كذالك كانين يحبين ابوهن قوي

هديل عايشه حياته ومرتاحه مع زوجها

دعاء عوضها الله وسعيده في حياته ومفتهنه وقد هي واحمه

ايه كذالك مفتهن مع عادل صح ان الحياه فيها مشاكل وبتحصل في اي بيت بس يبقى الحب والموده داخل قلوبهم

شهد حصلت لها فتره وانضغطت فيهاا قوي بسس هي متمسكه بحبل الله وسلمت امرها الى الله فالله جبر قلبهاا  ناويه تدخل محامه بعد ماتكمل الانجليزي وقالت عد تقنع ابوها لان حلم حياته تدخل محامه حتى لو مااشتغلت

حسن وحسين يوم يسدو ويوم يتضاربو  بس كل واحد مايقدرش يعيش من غير الثاني

بيت يحيى
يحيى بعد ماطلق احلام رجع ثاني تاب الى الله احتوى عياله حس بذنب

عمار كان السند والاب والام لأخوته درس وناوي يدخل شريعه وقانون

روان كانت تحس نفسها مظلومه كبرت وعقلت بدأت تتعايش مع الوضع الذي هي فيه انخطبت وحددو عرسها

طه كل ما يكبر يحب عمار اكثر ويتعلق فيه اكثر ويقلد تصرفاته كلهن


بيت علي

علي كان مسالم بعد حاله يحب بناته حنون عليهن وقدوته محمد

هديل مواصله جامعتها

هلا سجلت جامعه

سلا هي ويزن يوم يوقعو.حبايب ويوم يسدو ويوم يتضاربو

بيت سليم

سليم كان فاسد بسس بعد مااحتبس هداه الله

ملاك انظلمت خيرات بسس عوضها الله كانت تتمنى خوات والله عوضها بخوات اياد
ولدت ووقع لها ولد


وصلناا لأخر بارتات الروايه كانت الروايه والاحداث واقعيه مابشش فيها اي حاجه من الخيال وصلت لنهايه روايتي كل شي وله نهايه مانقول نهايه حيااتهم بسس نقدر نقول نهايه متابعتنا لتفاصيلهم

كنت اكتبها وانا مستمتعه جدا مااشتيش اكملها يوم بكيت ويوم ضحكت ويوم اتحسرت ويوم استمتعت عشت مع التفاصيل واندمجت مع الكتابه قويي قويي.كنت اكتبهاا ومااحسش بالوقت ابدا حتى في ايام ضبحي وضيقتي كان كتابتي لروايه يخفف عليا كل التعب وانسى الضبح وانسى الضيق

وفي النهايه اقول لك بنت تحب وتراسل 
انتيي غاليه لاتخليشش احد يخليش رخيصه خليشش جوهره والذي يحبش عيجي لشش من الباب الذي يحبشش ماعيرضى لشش انش تراسليه لانش عرضه وشرفه والذي مايرضاه على اخته مايرضاه لشش صدقينيي محد يستاهل تكسري ظهر ابوش واخوشش محد عيحبشش مثلهم محد عيقدرشش مثلهم صح في بعض الاحيان مشددين عليناا بسس هو لمصلحتنا خليهم لشش عزوه خليهمم لشش سند ولاتخلي واحد يشتي بس يتسلى يغويشش احنا البنات قلبنا صافي واذا حبينا نحب بصدق بسس مش هذا الايام ضروري نتحكم بمشاعرنا لان كلهمم كذابينن محد فيهم صاادق


اما الذي مايزوجو بناتهم الا من نفس نسبهم مش كل شي النسب الانسان بأخلاقه بدينه سوى كان سيد ولا قبيلي ولا مزين كلنااا سواسيه ماابش فرق الفرق هو اخلاقنا فإذا كان الرجال اخلاقي دين مصلي مابش داعي لتعقيدات وماترضو تزوجو بناتكم الا من نفس نسبكم


وفي الأخير اقول لكم مهما مرت علينا ظروف قاسية وصعبة ويتملكنا اليأس والأحباط تذكروا كل مشكلة ولها حل، كل.جرح.عيتضمد.مابش.جرحِ.مايندملش، الجروح تختلف بس تعويضات الله كافية لعلاجها، مابش فائدة من الجلوس واليأس بالزوة، قوم وعيش حياتك واعمل الخير لأخرتك، مهما تكالبت علينا الأحزان والطعنات ف أحنا قدها وعنتخلص من كل حزن بقلبنا وعنمليه سعادة وحب لخالقه، الدنيا دار عمل مش دار لعب وتضييع وقت والعيش بطيف الماضي، خلوا جملة مافات مات في بالكم عيرجع يجي يوم تتذكر فيه أحزانك اللي كنت تبكي عليها وتضحك لتفاهتها وتفاهتك لأنك حملتها أكثر من اللازم وضيعت سنين من عمرك لـ شي تافه ما يستحق تزعل عليه كل هذا الحزن، ف أهتموا بنفسكم وبقلوبكم أهتموا بمشاعر من حولكم لأن الدنيا دوارة وربي مايضيع حق أحد، اهتموا فقط برضى ربكم وعيشو حياتكم

خلوكم على يقين ان الله معاكم كما صبرتم عيجي اليوم الذي يجازيكم فيه على قدر صبركم وتبكو من الفرحه وينسيكم كلل شي لان الله عيجازيكم بحجاات حالييية وحاليية قوي احسن من ماكنتوو تتمنو باب الله مفتووح واصلل لكم غيرر ادعو من قلبكم والله كريمم..

#انتهت😍❤
آرائكــم محل اهتمـامنا .. وكل واحــد يــرسل تعليقـة على الروايــة ..

كل متابع يكتب رأي جميل للنهاية لهذا الرواية المميــزة

تعليقاتكم وأرآئكـم اكتبوها ع  تعليقات القناه 👇👇👇

‏"يتسابق الناسُ
في الصلاة على النبي ﷺ
وتتسابق الملائكة
في تبليغه بكل من صلى عليه
فكن من السابقين السبَّاقين
عساك تنالُ شفاعته
وما أجمل أن يُذكر اسمك في حضرة النبي ﷺ" ❤️
وجمعتكم مباركه

اسعـد الله مسائكم واوقاتكم متابعينا بكل خيـر وعـدت لڪم من جديد الڪاتبه #غيمــه✨

وطبعاً قبل ما ابداء نشر روايه جديده حبيت اسائلڪم لو تشتو ننزل لڪم روايه معينه تحبو تقرؤها هنا او ڪاتبه او ڪاتب عنده روايه وحباب يشارڪها معنا نقراءها سوا الخيار لڪم اشــــــوف رئيڪم في التعليقات

صبــــــــــــاح الخير

عُدنا لڪم برواية جديده

اسم الروايه:
📚[حبيتك غصباً عنــــــــــــي]

للڪاتبه : ((Ala a taraq ))


نبدأ من اليوم وڪل يوم ننزل لڪم عشره بارتات..العرض لمدة يـــــــومين..