فجر الحزن | الرادود مهدي الموسوي| الرادود عباس الغزالي | كلمات عبدالله ا...
https://youtube.com/watch?v=WvJv7obb4hU&si=ylvuJLKmrHw9zY6_

مسيرة الصبر| الرادود اثير علي| الشاعر عبد الله الشويلي
https://youtube.com/watch?v=-BOvYIO0Nmw&si=5PmdlJPwXq9uvH3j

‏مقطع صوتي
#تشتت_رُقادي
اداء الرادود: محمد حسين مطرود
كلمات : عبدالله الشويلي

شهادة الإمام الصادق ع

#لسان_حال_الإمام-الصادق_ع

كبال العين   يعرضلي
جدي حسين  يعرضلي
وياشرلي على اضلوعه

اجه يواسيني  هاليله
رغم بالطف خِلص حيله
يون وآهاته مسموعه

على افراش المنيه ابچي وحين الخلصت ادموعي
اجه حسين وترس شوفي ويگلي باوع اضلوعي
كتله اني مو عطشان گلي العطش موضوعي
باوعت لبناتي شموع گلي انطگت اشموعي

لبابي تباوعت واندار
شفت بضهره كومه احجار


خنصر ايده  ماهوه
يمي وچنه  ماهوه
بشر خلصها باللوعه

عله عينه حاجبه نازل
كتله من شنو  نازل
يون وآهاته مسموعه
.
.
.
.
گعد يمي لچن مذبوح وبدأ يحجيلي عن طفه
روالي مقتل العباس من راسه لحد جفه
گلي تخيل عيونك عن شوف الاخو تطفه
وشضل بگلبك المجيوس لمن تركض العفه

وشفت سهم الذي بصدره
طالع من گفه ضهره

بعيونه  سهم نابت
بنص گلبه  سهم نابت
لگيت اجفوفه مگطوعه

كتله ارجع  يالغالي
كال أبقى يالغالي
يون وآهاته مسموعه
.
.
.
.
بدأ يحجي اعله عبدالله وكلي من العطش اصفر
گتله گماطه من يا لون شما اشوفه يجدي أحمر
ومن كتله السهم يوجع گلي تباوع المنظر
عرضلي والذبح شفته وعكس راجع ابو الأكبر

مشه عكس الخيم من رد
ويسد بنحره ما ينسد

واخته تصيح   يا خويه
تعال اهنا  يا خويه
ويمشي ويمسح ادموعه

شما شاف الخيم يعثر
عليه لو مر هوى  يعثر
يون وآهاته مسموعه


.
.
.
.
حط ايده على أيدي وشفت الدم على عينه
وحين اتلمست جفه كتله خنصرك  وينه
گلي انت مو تدري بالطف ما بقت زينه
موته وكمنه يالصادق من ركضت علاوينه

گمت والخيل ردتني
لحد ما ضيعت متني

سهام اهواي  جاسني
العلويات  جاسني
وذن ارقيه مشلوعه

الخيم يا جدي محروگه
وعندي أطفال  محروگه
يون وآهاته مسموعه
.
.
.
.
كام وطاح واتمدد لَمَن حضرت الزهره
كوه تمشي محنيه مخليه جفها عالسطره
الابچي عليهم أمن صباي وياهم ابچي هالمره
الزهره اعله الضلع تطلم ويدگ وين الخلص صدره؟

يودام ما بقى صدره
خِلص من غارت العشره

فتحنه المأتم  بزينب
الدنيا ضاكت  بزينب
حرمه كلها موجوعه

طحنه امنالبجي عليها
واخوها يأشر   عليها
يون وآهاته مسموعه
.
.
.
.

منو شايف بشر مسلوب مغطه بالحجر جسمه
ابنآدم والخيول اعليه الرايح راجع ايلجمه
منو شايف ابن معصوم حوافر صبغوا بدمه
وضح كلشي الا هاي (من نايم بلا هدمه)

وضَح من رفع راسه
واجه سهم العِده جاسه


باگوا سبحة الزهره
وشاغت بالسمه الزهره
الثغور هناكَ مقروعه

متت من كال  سلبوني
واني بعيد  سلبوني
يون وآهاته مسموعه


#الشاعر عبدالله الشويلي

حـــيدر الفراجــــي||وگـــف گـــلـــبي||هيئة الحسن المجتبى
https://youtube.com/watch?v=02IeS5nQ4qs&si=-RKOlMSth-7LaW_3

مو ثگيلة
https://youtu.be/muaYFyljCsc?si=1-e47VBDCInprk2_

الى خدام الحسين ع

قريباً جدًا سيتم نشر منهاج قصائد شهر محرم
الحرام في هذه القناة

نسألكم الدعاء

#فتحت_عزاء_ليلة_القاسم

جاسم احلى من البدر الأكبر
جاسم مثل الياقوت الاحمر
جاسم گمره ولحسين اطشر


طالع جن كمر كامل
يشبه عمه ابو فاضل
ليل اعله المتن شايل
تفاني وقياده

شيبة عمه من خده
ضَوَه كربله بوَحده
الورد يخجل اذا صده
ثقافه وعماده

شد احزامه العباس ....ضل يردم راس براس ..وروس العسكر من داس ....هوسله الكافل
رَك رجله بذيج الكاع ....وطاحت بالحومه اسباع ....جاسم غصن النعناع ....وبكيفه ينازل

ضاوي چنه العباس بصغره
ضاوي تخجل يم وجهه الگمره
ضاوي واطيب عطره من العنبر
.
.
.
.
جاسم طلبت الزهره
كَسرت حاجبه گمره
شايل بالحرب نظره
فلا صح مثلها

بكثر ماعنده قدسيه
الحرب يم رجله محنيه
باس اجفوف ابو ارقيه
قداسه شثگلها

فار الدم والطف فار .....طب من كل الاكتار .....ينگط نار البتار.....چي جاسم فاير
شاهين وما يلاح .....يم شسعه العسكر طاح ....انخبصو بس مرتاح ...ابن الما خاسر

سبحه الطف وفره بجفه
سبحه عمه العباس يوصفه
سبحه بس يشبه نهر الكوثر
.
.
.
.
صگر فوك الزلم يفتر
سيفه من الطعن احمر
راوي من حچي الأكبر
زعيم الترافه

منه اتشتت العسكر
حنطه گباله واطشر
نهر العلگمي كزبر
يدنگ وسافه

حار وطالع من حار ..... يخطف روس الاشرار ....حي الله ابن الكرار......يا محلى اعناده
ماي واحلى من الماي .....زغير الطف يمه اهواي .....صگار الحومه وجاي ....يسحلها القاده

قالع خيبر جده بجف ايده
قالع صار گباله اصغر صيده
قالع غضب وبالطف اتفجر
.
.
.
.

مقاتل طالع بحيله
كاسر ضهر الكحيله
العدو منه لبس شيله
خزرهم كتلهم

ابن الما طفه ضيه
روحه كربلائيه
نار وكله حنيه
تعالوا يگلهم

حيدر صار اعله الناس.....ساعه يصير العباس .....جاسم متروس احساس ....بچه الخياله
اشوس مدرع خيال .....ثگيل وما بيها ثگال .....لا ما بيهم رجال ...ويصير گباله

يزئر محد يوگف كدامه
يزئر أمه الشدتله احزامه
يزئر الياخذ ثار الأكبر
.
.
.
.
سلام الله على اخدوده
على عيونه وعلى زنوده
هذا اليحجي وبزوده
يخرس المضايف


لمحه الگمره من خده
العايل بالطف يرده
يعادل عسكر بوحده
جمال الطوايف

القاسم صح انسان ......بس بهيئة قران ....تخجل كل الالوان ...يم لون عيونه
صوته أشبه بالترتيل .....نايم بمتونه الليل..صار عليهم سجيل .... فنهم يقرونه


واحد ما ينعد ما يتگدر
واحد وبكيفه ضل يتبختر
واحد لما لاحه ضل يتعثر

عبدالله الشويلي

#رئيسية_للقاسم


فارت برأسه الحميه وانچوت منه الشمس
طالع بهيئة مقاتل مدري طالع للعرس

صاح ابو فاضل هله
ودنگتله كربله




تلميذ ابو فاضل طلع حل النزال الحاسم
حب وغضب موت وفرح الله بعيونه راسم
ترنيمت الحب نظرته الحسن بيها هايم
عمه كفل ام الخدر وكافل سكينه القاسم


بعده ما سل سيفه جاسم وشبعت الوادم ركض
بالحرب ماكو استقامه من يطب طول بعرض

شهگت گباله المَلا
ودنگتله كربله
.
.
.
.
باب القيامه منفتح وجاسم يودي بكيفه
مِن كثر ما فار الشهم بجفوفه دخن سيفه
الشرد منه ما خلص يلگاه حتى بطيفه
شاهين يفتر عالزلم يلگط القاده بحيفه

شكو غيره عد علينا اندارت براس الگمر
وأبو فاضل كلها حطها بجاسم وشل القدر

ضربت أيده معدله
ودنگتله كربله
.
.
.
.

ما شفنه موگد للحسن ولا شافت الخياله
القاسم ابنه بكربله فار بمكان ادلاله
خيال من يجبل تضل ترجف الگوم گباله
اول محارب بالأرض يكتل الناس اخياله


صاح ابوي الماكو واحد گابله وكت الضرب
علي جدي وجدكم انتم ذب حيائه بالحرب

اليوم اعيد المعضله
ودنگتله كربله
.
.
.
.
عطشان واحلى من النهر برأسه ابو فاضل شايل
هز أيده من صاحو عذب صاح الضمه للعاقل
الحب اذا مابي تعب حب عابر ومو كامل
فدوه التعب لابو علي غيره منو يستاهل


صعدت برأسه الحميه وطگ عرج من الغضب
هذا يا ماي اليتعبه وغِيره من عمه شرب

سيفه عالعسكر عله
ودنگتله كربله
.
.
.
.

طَشر العسكر بالفله حنطه وبديه ضل ينثر
سيفه شمل كل الرگب حتى الذي المتكتر
خط نار يفتح عالزلم لمن بجفه يأشر
احجار همه بكربله والقاسم احلى من الدر

كربله رحه وطحنهم بيده جسام الاشم
انه ما شايف مقاتل ينحني گباله السهم

ونظره عنده قاتله
دنگتله كربله


الشاعر عبدالله الشويلي

#رئيسية_للخدمة

فصلت الحزن عالروح وغير الدمعه ما اندل
ياراحه الضعن منهوب ونسوانه على الهِزل

تكتله عبرته العاشگ خيمه محترگه
يگلبي حبيبك اعله اهله كتلته الحرگه



بالحب الوادم مرتاحه
بس اني حبي بلا راحه
غربه وموت ودم وامتون

حسين العطشان الدامي
امنيتي اسمع بي مو ضامي
وما يوگع من الميمون

اليحبله بشر ضايع تحت خيل ال اميه
الحزن يتربع بگلبه وتخنگه الاعوجيه
مشه الناس العشگ بيها وانه حسين بيه

يمرني الليل وأتذكر ليل اهدعش والوادم
ركضت عالخيم وحسين ضل فوگ الترب نايم

تطشر توذر وخيل العسكر تسحگه
الضهيره ينازع اعله اهله كتلته الحرگه
.
.
.
.

سلبوها اثياب الحبيته
وردو حرگو بالطف بيته
وگطعو خنصر من الايد

واتگلب بالخيل العشره
صبغت رجليهن من صدره
ودنه ياگلبي بعيد

يجيبون العذب يمه ويبدونه أمامه
عدل بعده الخلگ صاحت انهبوهن خيامه
يگوم ويوگع الضامي ويلجمنه سهامه

حسين الجابته الزهره بالطف سبحه واطشر
ومثل ما نهبو العباس بخِيامه نهبت العسكر

الزجيه لهسه تلفظ اسمه وتشهگه
وتنادي فؤادي اعله اهله كتلته الحرگه
.
.
.
.
ثوبي الاسود ما ابدلنه
الا وجاسم بيده الحنه
ورمله تعلگ يمه اشموع

والا حسين ايرد بعياله
وما تفتر فوگه الخياله
ورأسه بجسمه وما مگطوع

بعد يا راحه اعيشنها وسبو ضعن العقيله
شِفَرِح گلبي واطوق بالهموم الثكيله
ومسافات الأرض عندي مسافات الهزيله

زغير وامي گالتلي ييمه الخدمه داريها
وعين الما بچت لحسين عميه وخير ما بيها

مقامي بخدمته مثل هالنعمه وين الگه
ومنوه الاشوفه اعله اهله كتلته الحرگه
.
.
.
.
مهموم حسيني باحزانه
أخذوا عالهزل نسوانه
وفترو من سوگ لسوگ

بسوط وغربه ودم وعبره
يسبوها ابنيات الزهره
وتعرج طول الممشه النوگ

أنه براسي ضعن يفتر وخرابه بلا محامي
ورمح ما تگدر تلوحه رقيه وكله دامي
ويدنگ الها ويگللها يبويه لسه ضامي

مرتاحه بنات ايزيد وبنات حسين مسبيه
وأبوهن عالعرش وحسين ضل بعازة اميه

مخضب ينازع ويابس بالفله حلگه
وعيونه الخيامه اعله اهله كتلته الحرگه
.
.
.
.
عفت الراحه لاهل الراحه
عشت ايامي طف وانياحه
ومن الخدمه ما مليت

ليليه ادموعي تواسيهم
متعافي الما يبچي عليهم
ويلبس حزنه اعله أهل البيت

ابنمن انت اليگلي اگله ابن المجالس
لمحني بغيرته الساگي وصرت مثل العوابس
مثل جونه صبح گلبي واحلى من النوارس

جنت ضايع وگلبي بعيد ومدلي اجفوفه ابو ارقيه
وصرت انسان من الگيت روحي بالحسينيه

قداسه ترافه حگها الوادم تعشگه
ودمعها لانه اعله اهله كتلته الحرگه


عبدالله الشويلي

#رئيسية_ام_البنين

ما اريد جفك يرد ما منگطع بالغاضريه
ماريد ترجع عدل يا أبا الفضل هاي الوصيه
يا مالك الماي سيفك قرارك
فتحٌ من الله هذا شعارك



يا يمه هذا عيدك....سويها واگطع ايدك .....ترجعلي ما اريدك ....موتك رضاتتي
يمفصل الكافله ....خل توصل المقاله .....ذب يمنته وشماله .....هاي امنياتي

يالمتقن افنون الحرب يالسطرتك ثچيله
اوكف مثل وگفت اسد ضل سوي للعقيله
وشيل الفرات من الجذر شلون العلم تشيله

اكشف ضلام الحرب لمن تطب فوك الاصيله
ارفع ستار العطش وكت الضمه وروي القبيله

تغطي الخيم كون يبني بوقارك
فتح من الله هذا شعارك
.
.
.
.
خلي الحرب تطوفك .....ومن كل جهه تشوفك ....خل تهتز بجفوفك ....سويها ضلمه
اختك شرف خدرها .....كون الهوى اليمرها ....يترخص بسفرها ...يلا تشمه

اگلب ضوه هاي الشمس فيّ يبني عالعبايه
واسمح اثرها لو مشت ايه وتداري ايه
وبس بالدايه وگفتك وكل الضعن بدايه

شاهين فوگ الضعن افتر وطن يا محلى صيدك
اركض ييمه بفخر ركضت اسد للي تريدك

سيف بيمنتك جود بيسارك
فتح من الله هذا شعارك
.
.
.
.
لا تنطبگ جفونك .... ساهر على ضعونك....للخوه بدي لونك ....يا سيد الاحساس
وجهك ضوه المحامل ....غير انت يا ابو فاضل .... اجمل شخص مقاتل ....غير انت عباس

المح أطراف المعركه وتسجدلك المنايه
وبس اخزر ارگاب الزلم توگعلك الضحايه
يالما لمس جفك درع خل الگلب وقايه

الزلم تنمد الك مدت جسر ماله نهايه
يتنكب الموت اذا وجهك غضب بيك الكفايه

بس بالمناحر ينحد فقارك
فتح من الله هذا شعارك
.
.
.
.
حل معصبك تحلهم......هد مهرتك تشلهم ..خل ينگطع نسلهم .....
لو گطعو الماي
اشطب على السلامه....وجعلها كالقيامه .....الشرد كر أمامه ....بس انت الهواي

حطهم بغرببل الغضب سفرهم الجهنم
لَمت ارموش اعله الجفن عالموت خلها تلتم
تظلم عليهم كربله ثغرك اذا تبسم

ياعلو وفوگ العلو حدك علي والباقي نَصه
الماي ماي الخيم هاي الخلگ ما الها حصه

لو شلت الازنود تچويها نارك
فتح من الله هذا شعارك
.
.
.
.
كلشي وره وأمامك ....بس الحسين إمامك .....اركض اله بمقامك .....لمن يصيحك
باجر الدنيا يمك ....تسجد وأتذكر امك......وكل المَلك تخدمك.....
يكبر ضريحك

بعينك اذا ماكو سهم ماكو شمس علينا
ولوما جرِبتك والعطش الماي ما يجينا
وايدك اذا ما تنگطع ما تلطم احنا ادينا

عزت نفس طيحتك من مهرتك يارافع الهم
ماي الوجه ماوكع چي عالارض منك وگع دم

من شيلت الواك يبدي انتصارك
فتح من الله هذا شعارك



الشاعر عبدالله الشويلي

#فتحت_عزاء_اونزلة_لام_البنين

بت وادم احرار
ودت وين الحار
صار الطف بس نار
حي الله ام الكافل

ثار تطلب من ذيج النار الحرگوا باب الدار ودت الهم عباس
بساع كالت تجفوها الكاع بس انتو وماكو اسباع لا تشرد منكم ناس

حيهم صاح الحسين اودتله اربعتهم
مو عالراحه عالموت هي العلمتهم
وكلمن بيده بتار لمن طلعتهم


تنحط فوگ الراس
جا غير ام عباس
لسه مرجف الناس
جفه امرجع العايل
.
.
.
.
حيود صاحت وين البي زود يشمر بالطف زنود صاحو يمه تبشرين
باس جفها وكال العباس اشمر جفين وراس لو گربوا رجل حسين

غيره ومرجله وزود دار الله بلبنها
تنسه عدها اولاد يم حسين ابنها
ماتو كلهم وصار بس لحسين ونها

منها تعلم جون
من تكرم بجنون
تنطي الغالي ودون
ولو مرخوص ! اتقاتل

.
.
.
.
لاح ضلها الغيم ورد طاح اعله خيمه تبده وساح وانطت كل الموجود
نور بدويه وام بدور خالقها الله العاشور كلفه اوادمها حيود

المتزوجها ابو تراب شتبزر غير السباع
رَحاله بحب حسين مو رَحاله عالكاع
مقياس الخدم هاي صارت للوفه اشراع

بدويه چن نور
للخدمه دستور
بچتنه بعاشور
لا ما ردت سائل
.
.
.
.
تكول أنه ام الكلها اجتول سوولي المامعقول تحجي وياهم كل حين
وين ابني اليطفيلي العين ويرفع راس أمه الزين يم الزهره ام حسين

جان زغير عباس واتعلمه اعله السيوف
تگله يالشهم گوم مَثِل گطع الجفوف
وباجر تطفي العيون سد عيونك وشوف

اطفال الطف اهواي
لو گالوا عالماي
اتحول سگاي
وزمزم جودك شايل

.
.
.
.
دار جمعت كل الأحرار نقدسها ازغار كبار تاج وتنحط عالراس
فار دمها وطلگت بحرار من عدها الحب وصار بي شاره من ام عباس

أيقونة الخدام صارت هي الاول
الما حلتها الاثگال بس انخاها تنحل
يخرس كلشي يمها ترتيلتها مقتل

ثكيله وبت اثكال
مضرب للامثال
تسوه اهواي ارجال
لسه تعدل المايل


الشاعر عبدالله الشويلي

#رئيسية_قميص_حسين

الزهره الليله متعوبه
نشرت بالسمه ثوبه
اما من ناعي وياهه

تنادي بلونه المدمه
يمه حسين يا يمه
يالخادم تلگاهه

جابت ثوبه الليله الزهره .....بي اثار الخيل العشره .....وبي من زينب دمع العين
مدمعها اعله الثوب تسيله...... شبقى بگلب الساده الليله.....ام حسين وتنعى حسين

القميص النشرته ام حسين اكو بردنه اثر خيال
گوه رفعته الزهراء مثل حسين ما ينشال
نعتله بصوتها المبحوح نواعي تمرد الدلال

گالتله يبعد امك
حار وما برد دمك
وجاها مختنگ طٰه

گالتله يبو الامه
حسين شضال بجسمه
يالخادم تلگاهه
.
.
.
.
تشتم بي وتزيد اللوعه.....وكل ما شافت دم اضلوعه ....تشهگ شهگه ترجف المات
ام ضلع الما ملتم لسه ....شافت بجزائه شكم رفسه.....وفوگاهن شافت طعنات


يم خاصرته بي فتحه چنها فتحت اردانه
فرس محنوس سواها حين الهوى بميدانه
من نِظررتها صاحت صوت هز العرش وأركانه

صاحت صوت واتألم
ضلعها اللسه ما ملتم
وضل جبريل ينعاهه

عالمذبوح عالمذبوح
ماخذهه التعب والنوح
يالخادم تلگاهه
.
.
.
.
هاي الزهره ياهل الوادم..... تستأنت لو شافت خادم...يبچي اعله حسين المنهوب
الطم واسمع هاي التهظم ...بصدر حسين الحافر يلطم ....اسلب حيلك للمسلوب

خيل ثگيله اجت لحسين منها الگاع تتفطر
صد الها ويريد يگوم لچن يا ناس ما يگدر
بعد ما سحگته وعبرت الزلم ضلت عليه تفتر

واحد يجر بثيابه
واحد بالحجر صابه
وبصوابه الردي اتباهه

واحد يجر بالخنصر
وامه بالدمع تنظر
يالخادم تلگاهه
.
.
.
.
شوف بگلبك هاي الحيره ....شاغت روحه شوغه جبيره .....من صابوه بمثلث حار
حيره بروحي يا هل السامع ...شلون انشال الثوب الطابع ...من جسم حسين المحتار

القماش اعله الجرح يطبع وما ينشال الا بماي
شلون انشال ذاك الثوب واجروح الحسين هواي
جزء من عنده اظن ضل بي حين انرفع من مولاي

الستر ضل عاري عالتربان
يضيع بكربله العطشان
وجروحه الرمل جواهه

عجاج الخيل سد عينه
حضرت فاطمه تعينه
يالخادم تلگاهه
.
.
.
.
حين الصاحت زينب عالتل ....وهوه من السيافه امعلعل ....گام وطاح اتلث مرات
كل ما گام الها يرمونه ...الحاجب هادل فوگ عيونه ....مات حسين من الحسرات

سمعت صوت من عنده ردي بداعت الزهره
احفظي اعيالي من عدهم سياط اهواي متحضره
فجأه ولن شمر قادم طبر نحره اثنعش طبره


وزينب ردت من التل
الخيمها والعدو حول
وعلت نيرانه بسماها

الجيش اتوجه اعليها
اجت ام الحسن ليها
يالخادم تلگاهه


الشاعر عبدالله الشويلي

#مسلم_عقيل_ع

اختلت الكوفه وصعد عالمهره والجيش ارتعد كدامه
سل سيفه والغيم انجوه واتحزم وقل الهوى من احزامه

صاح بالزلم
شاف بس هدم


كالغضب نزل مسلم بالزلم بقه يردم ينثر بجفوفه يلم متحزم لهل السم
بكيفه بالمشي اتبختر طش خبر نزل حيدر تشتت وعلي العسكر الكل اضطر يتكتر
شال بجفه فقاره
وخله بالعدو شاره
لفعت بالزلم ناره
حي الله....حي الله


الحومه بجفوفه انطوت وهداها وانوب انجفت بالوادم
صاحوا اسمعوا ما يلي هذا النزل النا علي القائم
روس تنقسم
شاف بس هدم

.
.
.
.
وحده ضربته تكتل والسيوف اله اتهلهل مُحرِب ونزل عالكل واليختل بخوفه يدل
مدرع ولبس خضره هذا عمته الزهره اليلزمه ويسطره ايشمره بنص كبره

عمه اليذبح بخزره
خفگت رايته الخضره
وخلت بالهوى سطره
حي الله ....حي الله

شاهين يفتر عالرگب غيره من ابو فاضل شرب هنياله
من يفتر يفر الخلگ الطاح بجفوف احترگ بحواله

صاح بالاسم
شاف بس هدم
.
.
.
.
طگ عرج بني هاشم وصاحت العفو الوادم ماطلع شخص سالم هل القادم مترادم
من رفعهن اجفوفه سوه خله بالكوفه ضامي والنده يطوفه
حط خوفه معروفه
هلا بالسيف المجرب
لو ينعاد اله مرحب
جا رأسه وعلي ينذب
حي الله......حي الله

لو ما علي گاطع ركب جا صار قتال العرب مسلمها
مكتفي ذاتيا تره يشبه السبع الگنطره طر دمها

نور ما يهم
شاف بس هدم
.
.
.
.
من حجه الهوى تصنت ومن سكت حرب عجت وبلتفاتته وجت أ ي ردت من شردت

والله والله اليخزره ينكتل بزر ضهره حلوه رايته الخضره دگ صدره للزهره

فدوه النورج الواني
قبل ابنج اموت اني
زلمه وزلمه وداني
حي الله.....حي الله

طلعت رسايلهم جذب منعوني من ماي العذب يالزهره
لا أهل ملگه ولا هله محضرين لابنج كربله يالحره

ريت شي حلم
شاف بس هدم



.
.
.
.

واگف الخلگ تركض والشرد اله يعرض ضامي بالوفه ينبض
بيها يرض لا متفض

من وگف شعر رأسه للقصر صعد داسه تجوي بالهوى أنفاسه مقياسه عباسه

صاح ابشر يبن عمي
من فدوه الك دمي
هذا انت احس يمي
حي الله.....حي الله


سلم على حسين وبچه وبدموعه للكافل حچه يبو فاضل
بيك ألف هنيال الخدر اسمك امفيي ياشذر عالمحامل


كال والنعم
شاف بس هدم


الشاعر عبدالله الشويلي

#رئيسية_لصاحب_الزمان_عج

ردت ارسمك كلشي اجه أبالي يمهدي وما أجيت
ردت ارسمك والذنب شخبط على اللوحه وبچبت

لا حقيقه ولا حلم
گلت اشوفك بالرسم
والذنب شخبط على اللوحه وبچيت

من وحي أفكاري المو يمك فكرت ارسم وجهك بيدي
جبت اجروحي وجبت اللوحه فرحان وچن صاير عيدي
اول مره اعيش اللحظه اضحك والدمعه بنص جيدي
جايب اقلامي من العاشر والواني من دم اورِيدي

اللوحه قطعه محرِگه من كل كتر تمطر مصايب
اللوحه قطعه چنها ماخوذها يمهدي من الخرايب

اتجردت من الاسم
گلت اشوفك بالرسم
والذنب شخبط على اللوحه وبجيت
.
.
.
.
ارسم بعيونك وعيوني تحجبها من الرؤيه ذنوبي
بشاطي الفشله غارگ كلي حتى ايدي مغرگتها عيوبي
اواگف عالضفه امتانيني وشايلي بجفينك ثوبي
تعبتك جا يمتى أنه اطلع من ذنوبي يا محبوبي

والله فشله خاف حاچي وياي واني ما اعرفك
والله فشله حتى بالاوصاف ما اگدر اوصفك

حيلي كلساه ينهدم
گلت اشوفك بالرسم
والذنب شخبط على اللوحه وبچيت


.
.
.
.
مالَك صوره أبالي وارسم وجهك يابو عيون الحمره
اني الفنان الما افشل حسيت الفن إبلا ثمره
بس كالو تشبهه عباسك وارسمت العباس بحسره
عين الزهراء المسطوره ويامهدي انت ضلع الزهره

حزن روحي حزن رسام وفشل يرسم حبيبه
حزن روحي برمش عيني يا ابو صالح خله شيبه

لأن بغيابك اهم
كلت اشوفك بالرسم
والذنب شخبط على اللوحه وبچيت


.
.
.
.
خسران الماشايف طولك والماقَبَل چفك ضامي
چا يمتى اعرگ منك فشله واوگع من توگف گدامي
بصحراء الهجران أتلفت ارد اشكيلك ضيم ايامي
لا آنه الشفتك بالواقع ولا آنه الشفتك بحلامي

يا كسرتي حتى باب الرسم ما وصلني يمك
يا كسرتي مختنگ خنگت مخيم يمتى اشمك

والله كل لحظه أنصدم
گلت اشوفك بالرسم
والذنب شخبط على اللوحه وبچيت


.
.
.
.
ارسم بس ما يطلع شخصك يطلع دم احمر مطشر
يمكن كاتبني وما ادري أكثر واحد اني مقصر
ما گايل عجل من گلبي وعيني الغيرك ضلت تنظر
يا ابو اجروح الما تتشافى يمتى اخيامك بيه اتغزر

اخذ بيدي امروتك لا تاخذ التوفيق مني
أخذ بيدي موتي يتحقق لَون تبتعد عني

بلايه شك عندك علم
گلت اشوفك بالرسم
والذنب شخبط على اللوحه وبچيت
.
.
.
.
صحراء روحي يمتى تمرها وتسگيها يا جرحي بشوفك
لو بس مره اشوفك بيها والله يالمهدي ما اعوفك
مو سبع اشواط ويگضيها گلبي يبقى الموته يطوفك
صرت اغبط عوجيت ايدك چي لاحت يالمهدي چفوفك


خذني يمك حطني خادم وين ماعندك جرح
خذني يمك الشمس ليل بوجهك انشاف الصبح

يا امان ويا شهم
گلت اشوفك بالرسم
والذنب شخبط على اللوحه وبچيت


الشاعر عبدالله الشويلي

#فتحت_عزاء_اوشور_كعده_ليلة_الحادي_عشر

تعبت هواي هاليوم واجيتك امشي كوه
عطشت عليك يحسين وجابتني الاخوه



جيتك اتعثر خويا مچويه واني علويه واختك يحسين
احترگت اخيامك وانطفت بيه صاحو عليه عباسج وين
تطلب اميه وامك الزهره شكبر هالعبره يا ماي العين


جيتك بحرگ عباتي
عالرمل عفت خواتي
طشرهتن امنياتي
غارات الخيل

ليش اطشرت ليش ما ضلت امروه
عطشت عليك يحسين وجابتني الاخوه

.
.
.
.
شباقي من عندك فدوه حاجيني لا تبچيني تعبني اجفاك
سلبو اهدومك وانسلب گلبي احجي يا تعبي شنهو الاذاك
اصبع منَ ايدك منگطع توه والله حلوه امشي بلياك

رحلت السبي طويله
آنه ما بديه حيله
الهزيله تعرج الهزيله
ومو مالت سوگ

السوگ يريد رجال وإني وياي نسوه
عطشت عليك يحسين وجابتني الاخوه

.
.
.
.
تعثرت ببني وطحت موجوعه جفوف مگطوعه شفت اعله الكاع
كَبراني التل صعدته تكتل النفس ما ينزل للريه بساع
ردت احب صدرك وشفته ماهوه هايه مو خوه مابيها اوداع

مفرفحه يخويا أجيتك
بيضه عالرمح لحيتك
انه اخيتك أنه اخيتك
والخوه تريد

أنه هد حيلي عباس وألطف يريد قوه
عطشت عليك يحسين وجابتني الاخوه

.
.
.
.
تعبو راسك وتعبو گلبي محد بگربي كلكم ميتين
كلها متعوبه وحيلي مو كافي الشمر متعافي شايل سوطين
صحت يا يمه وامي اجت ليه تمشي محنيه تصيّح يحسين

بحسره اسمك انه اندبه
جابت امي ماي إشربه
لا تردها صعبه صعبه

مثل ما طحت عالكاع فوگك امي تهوه
عطشت عليك يحسين وجابتني الاخوه


الشاعر عبدالله الشويلي

#العليلة_رئيسية

امنَ اباوعله يدير عيونه عني
أخذ كل البنات وما أخذني

وجهه يكلي اصعدي
السانه يكلي ردي

اجي اكباله بدمع ومناشغ وليش......ويدير الظهر ليه
اردانه امبلله ولو الزم اديه......يسحبها من اديه
أنه الدومي اطيح اكبال الحسين......مثل دمعت رقيه
جيب اللي يقنعه وحدي ما اروح .....الدار اهله الخليه

الجفه ما يصلح وجافوني الحنان
شوكفهم اعليه اهوايه نسوان

ولٓمٓن اجزي حدي
السانه يكلي ردي

.
.
.

بعد ما تطلع الحاء اويه الحروف.... بكثر ما كلت اسمه
بلكي يكول يلا امشي وياي .......افتر كمت يمه
وأنه كد ما عليله جف الحسين.......مابيه الزمه
وحطيت اعله متني الهادله احجاب.... عبدالله اويه هدمه

مِسحت ادموعي حد ما ثكلت الايد
كل ما اجر نفس جرحي وعلي يزيد

امنَ احط ايدي اعله خدي
السانه يكلي ردي

.
.
.
.

صعد مهره ومشه وبدموع الفراك.......... ضل وجه يديره
اختنكنا اثنينه وما ميزت دوم ......يا حسره جبيره
خيط من الضعن ما خله الحسين ......أخذ كل العشيره
صرت الفاكده العافوها الشيوخ.....عكب ما جنت اميره

انه الكوه اجر الرييتي الهاب
اركض ركض كل ما دكووو الباب

غَيره شنهي عندي
السانه يكلي ردي
.
.
.
.
يروحي افراك ابوي ايذبل الروح .......الموت اهون يروحي
شني معناهه أنام امنِ البچي اعليه......وتفززني جروحي
يبس دمعي وصرت اتفنن افنون.......بانيني وذاك نوحي
وكف دمي بشرايني وطحت ليش ......من كالولي روحي

ابو ميت وكفتي صارت ازماط
وشريان الدمع وسط الوجه ناط

لو شاهدني وحدي
السانه يكلي ردي
.
.
.
.
شنو حال التعيش بحضن الحسين....وفجأء تعيش غربه
راح وشوف عيني امنهد فركاه.......مزروع اعله دربه
بظلام الليل اشوفن ضهره مكسور.....ولازم بيده كلبه
واسمع صوت بذني بويه عطشان.....لمن ماي الله  اشربه

اشاهد زلم فوك الكاع ميتين
بس لا ضعنه يرجع بس نساوين

ازمه وما تِعَدي
السانه يكلي ردي


الشاعر عبدالله الشويلي

#فتحت_عزاء_اوشور


ويلاه ويلاه العطش
شمسوي بحسين


بعد ما حل النزال ....وأخذ كل زلمه القتال ..وگف مكسور الگلب
من نظر تبچي الزغار .......قرر يخوض الغمار ....ويمشي ضامي للحرب
صاح والحومه سواد .....منو يقدملي الجواد .....ولنها زينب بالدرب
تگوُد بالمهره وتصيح......گطعت گلبي الجريح ....عيونهم گامت تصب

گالتله أمانة امك الزهره
شمته بصدره وقبلت نحره
وطاحت دمعته عالوجه حمره

.
.
.
.
آيِّس امنِ الدنيا راح .....واعتله صوت الصياح ....حمل حملة حيدره
فرق بعزمه الألوف .....ما ثبت جمع السيوف .....گبال سيف القصوره
گلب يمنتها شمال .....هزها واشتد القتال .....عاد يوم الزمجره
وباوع الصوب الخيام ...ومطرت اعليه السهام ....وما وصلها ناظره


ما وصل شوفه الاهله وضعونه
صارت ضباب الدنيا بعيونه
ولون الحسين اختلف مو لونه

.
.
.
.
وگف حتى يستراح ...والسهم بالگلب طاح ....والمهر وياه مال
تحاوط أمن اربع جهات .....ماتت بعينه الحيات ..واختلف عنده القتال
صدره من العطش حار .....مزاحم الرمايه صار ....ومطرت عليه النبال
اندار واندارت وياه .....وبين بوجهه ضماه ....وباله كله اعله العيال

شد حيله بس الحجر هد حيله
طاح وسند صارتله الكحيله
حار الرمل والاهل توميله
.
.
.
.
جابو الخيل الثگال ....وانسحگ ذاك الدلال .....والعرب شدت حزم
تشگگ الثوب العليه.....احتارت السيافه بيه.....اطشر بجسمه وتلم
صاير اعليه ازدحام .....ولنها حرمه من الخيام .....طلعت كبال الزلم
صعدت بتل العذاب ....وشافت تحوم الذئاب ....وصاحت انهض يالشهم

گالتله گوم بداعت الزهره
لاچن سهام اهواي واتعذره
كام اوگع وانكسرت بصدره
.
.
.
.
رفع اجفوفه وتشوف....ماكو خنصر بالجفوف.....يگلها ردي للخدر
ذاق انواع العذاب ..تارس اجروحه التراب .....والعطش ماخذكتر
بين كل الضجه هاي ....صاحهم اسقوني ماي ...احشائي احس بيها جمر
ولن شمر بالسيف اجاه.....وذبح رأسه من كفاه ....آه يا سيف الشمر

وانشال راسه عالرمح دامي
مات الحسين بكربله ضامي
وصاحت رقيه ماتت احلامي

الشاعر عبدالله الشويلي

#شور_للعليلة



أنا وحسين عين بعين صرنا ودمعت عيونه
ما جنت ادري كلمن بي مرض اهله يعوفونه
الما يأخذ بجفها حسين منوه الياخذ بجفها
ضعن نظراته بس عالكاع مدنگ حتى ميمونه

ابو فاضل بچه شفته
ما باوعلي من صحته
مديت ايدي وي گلبي
وضم چفه الگبل بسته

چَلبت بجدام حسين بس ما رضه ياخذني
ارجع وارد اركض حيل ام عون لو ردتني
تتلفت اعليه النوگ بچيتها وبچتني
.
.
.
اول مره اشوف اهلي يوازوني على ادموعي
ومن اسمع بكلمة خيل احس تتكسر اضلوعي
بأمر حسين كلها تروح جبير ازغير ما يبقى
طلع حتى الضوه البالبيت واني وحدي عافوني

إخذوني اگللهم
وعافوني ومشو كلهم
حتى اعبايت الزهره
اخذوها وبچيت الهم

شما اسدن بجفي البيت تنفتح كل بيبانه
وادموعي تكتب عالگاع بتكم ترا تعبانه
ازحف ازحوف وي النوگ لو كالوا امشي ويانه
.
.
.
.
أنه الما راضيه وزعلان گلبي بهاي طلعتهم
الزلم غيم عليها الموت اظن بس روس رجعتهم
نحر عبدالله مدري شبي مثل وجهي انخطف لونه
اطيح اگبالهم ضليت وتطيح اگبالي دمعتهم


شَرَبت الطفل بيدي
يگلي عايني اوريدي
صاح حسين من شافه
آه يا بويا يوليدي


شما صَعِد اهدومي حسين ينزلها من الناگه
ما گدر ياخذني وياه وما اگدر اعله افراگه
بيا اله كلشي يكول مشتاگه اضل مشتاگه
.
.
.
.
نِثرت اثار رجل حسين على وجهي وعلى احجابي
رَكْضت خايف اركض ليه من يندگ علي بابي
التجاعيد البوجهي تكول شفه من العطش ذبلت
من گطعتهم لهل اليوم على شدتهن اثيابي


وعلى رجعتهم أمن أسأل
متاعي وَحَده ينحل
احلم بالضعن حاير
يشبهني وعلي معلعل


واحلم بواحد عطشان وتحاوطه الخياله
ايد بضهر ايد بسيف ويتلفت اعله لعياله
يفزع بربعه الميتين وولا واحد اليبراله
.
.
.
.
بهدوء الليل اسمع صوت يشبه ممشه خيل البر
بحوافرهن تصدرَ أصوات مثل قاروره تتكسر
واشم دخان مال اخيام محترگه وبشر تركض
واشوف اجفوق مگطوعات وخيام محاوطه بعسكر

ومره احلم ضعن مسبي
وروس مگطعه وتربي
اعله حرمه جبيره مجتوفه
واصيح اسم الله من گلبي

بالحلم واحساسي يگول چن هالمره علويه
تشبه العمْتي ويا ناس بس عَمْتي ما مچويه
مو عمِتي هاي ام عون هاي المره محنيه


عبدالله الشويلي