✔️ Xitoy hukumatining dunyoda olib borayotgan siyosati boshqa masala, ammo hozir…

Birinchi marta 2019-yil Xitoyga kelganman. Taxminan yigirma kun davomida, bir necha shaharlarda bo‘lgan edim.

Oradan olti yil o‘tib, mana yana Xitoyda ekanimga o‘n kundan oshdi. Hamkorlarimiz bilan uchrashyapmiz, bozorlarni aylanyapmiz, ko‘rgazmada bo‘ldik. Taassurotlar ko‘p.

Xitoy hukumatining dunyoda olib borayotgan siyosati boshqa masala, ammo hozir tadbirkor va xalq sifatida bu yerda o‘rganadigan narsamiz ko‘p.

1. Ko‘chalarda odamlar juda ochiqko‘ngil, g‘azab yo‘q, hamma bir-biriga kulib qaraydi, kulib so‘zlashadi. Bu sunnatni biz ancha unutib qo‘ydik.

2. Transportlar, xizmat ko‘rsatish shoxobchalari va boshqa jamoat joylarida hukumat tomonidan xavfsizlik, qulaylik va inson qadrini yuqori darajada ta’minlagan.

3. Tadbirkorlar va ularning xodimlari mijozlarga shunday xizmat qilishadiki, qaysi biri rahbar ekanini bilmay qolasiz. Xodimlari esa rahbarini qattiq hurmat qilishadi, bir qadam orqada yurishadi va doim xizmatga shay turishadi. Bu katta, bu kichik mijoz deb ajratilganini sezmadik.

4. Ingliz va yapon tillarini o‘rganish ommalashgan. Ko‘pchilik imkoni borlar farzandini chet elda o‘qitadi. Tongda va oqshomda ko‘chada yugurish va badantarbiya qilayotgan odamlarning ko‘pligini ko‘rib hayron qoldim.