ابوذيه للامام علي عليه السلام..
لسان حال ام المصائب زينب عليها السلام.

اروحن وين من بعدك من الـهم
بعد ماخضبت شــيبك من الهام
اليتامى اتنوح يالوالي من الهـم
على الوجـــنات دمـــعتهم جـريه
------

سيد فليح الموسوي

ابوذية للامام علي عليه السلام…
لسان حال الشيعي الموالي…

دمايه اليوم صب دمعي على الراح
وحيـل الـراح افركـــنهه على الراح
واصيـح اليـوم ياشـيعه علــي راح
دمع زيـنب يصب هـاي المــســيه
--------------

سيد فليح الموسوي

((سوالف هضم ))
طالت غيبتك مولاي من عدنــه الصــبر خلّص
ودنيانه شبيه الكور بريح الــــعاتيه مخـــلبص
جارت بينه هالحكام حظنـه ويــــاهه ماشنص
ياحاكم يجــينه يجــور والعــدوان تـــــتربص
استاذ اصبح المسؤول بيهه الحرمنه ومختص
ننطر مـوعدك كل يـــوم طوّل والعـــمر ينگص
بيـــك امبشــر المخــتار وبجــيتك ورد بالنـص
تــملاهه الارض انصـاف تحـكم بالعدل والقص

سيد فليح الموسوي…

ابو ذية للعباس عليه السلام…
لسان حال الامام الحسين عليه السلام…

عله ابو فاضل فلا يهجع عسى المي
حلف ماشــربه لو طعمه عــسل ماي
نشف ريته بجرف نهرك عسه الماي
خذت منــي عضـــيدي والتــــچيه

ابو حسن الموسوي

نزلة لاول يوم من محرم…

ياجعفرية ياجعفرية
شهر الدمع هل والحزن حل بالثنية

"""""""""""""""'""""""
من اجله هذا احنه الشهر خالقنه ربنه
شيعه ونحب ال النبـي وربنا انتـخبنه
هذي الزچـية تـــنتظر هــب ياشــعبنه
نحيـــي المــآتـم كـل ســنة هــذا دأبنا
ياجعفرية ياجعفرية
يله نعيد احنه الجره بالغاضرية
"""""""""""""""'""""""
احنه الذي بينه النبي بنـــته وعدهه
گومونه ويه فاطمة نــــجدد عهدهه
هذي مجالسنه تره مـــصدر سعدهه
تحظر ويانه الوالدة ويحظر ولدهه
ياجعفرية ياجعفرية
خل نذكر احسين الابي بدمعة جرية
"""""""""""""""'""""""
ننصب مواكب للعزة ونحيي العقيده
رغماً على انوف العـــدة ذيچ البعيده
يله يهـــل يا ليتـــنا ارجــال الصميده
عنوان كل شيعي يظل زنجــيله بيده
ياجعفرية ياجعفرية
ودوم لازم للأبــــــــد هاي القضية
"""""""""""""""'""""""
من نحظر احنه ابكل عزه تحيه الظمائر
ومن نذرف الدمعه دوه تـــجلى البصائر
بالباب تــــوگف فاطمـــة اتــزف البشائر
وتگـول باچر يالمــــحب ماتــــظل حائر
ياجعفرية ياجعفرية
من احسين اجاكم هالوعد سهله المنية
"""""""""""""""'""""""
هذي مجـــــالسنة تظــل رمز وحضاره
والماحضرهه ايعض ندم عمره خساره
هيه الجواز اعله الحـــشر هيه البشاره
تلگه العلـــم بيــهه بحــر وبكــل غزاره
ياجعفرية ياجعفرية
هاي المجالس بيهه أمر من مرجعية
"""""""""""""""'""""""
كل شيعي ابيوم الحشر تشهدله ايده
وكل قاري عالمنبر اله تــشهد قصيده
هاي المجالس عالظلم ثـــوره مجيده
بحــسين لو ثائر هتـــــف نال اليريده
ياجعفرية ياجعفرية
اهل الولاء احنـــــه نظل والرافضية
"""""""""""""""'""""""

الشاعر سيد فليح الموسوي ✏📖
https://www.tg-me.com/F_h_mo

رابط القناة 👇
https://www.tg-me.com/AbuhassanAlmusawi2007

قصيدة رئيسية لفاطمة العليلة عليها السلام …

ياأمل عمري وحياتي روحي يمك راحله
وغيمه كون اتمنى نفسي وريح اخذهه لكربله
مشتاگه مشتاگه مشتاگه بويه حسين

"""""""""""""""'""""""
شوگي الك تارس كياني بويه اعاني يالحبيب
والك هزني الحنين
سارح بطيفك خيالي ها يغالي وبس نحيب
وليلي يخلص ونين
غايب… بس وجهك تارس بويه اركان البيت
غايب… بيدك تمسح راسي اشگد اتمنيت
غايب… ماترجع يالــغالي ابصوتي ناديت

من ضوه وجهك يعمري ضوي ظلمة دنيتي
واطرد ابسمة شفاهك حزني كله وحــيرتي
مشتاگه مشتاگه مشتاگه بويه حسين
"""""""""""""""'""""""
دمعتي جرحت خدودي ياوجودي ليك اريد
بحلمي انده تعال
وحسرتي اتلوع فؤادي ياودادي وماتهيد
منك اتنه الوصال
وينك… رحت وخليت لبنتك بس احلام
وينك… اصفن واتذكر منك ماضي ايـام
وينك… طفله وبفراگك بويه شاب الهام

من عگب عينك يغالي صرت اعيش بلا أمل
غيبـــتك وانه عليله زادت اعـــليه العلــل
مشتاگه مشتاگه مشتاگه بويه حسين
"""""""""""""""'""""""
بلا طعم صارت حياتي ها يغاتي شلون اعيش
بدنيا وبلا حنان
اركض لثوبك اشمه حيل اضمه گلي ليش
بحظنك ادري الامان
خايف… گلبي ويرجف بويه ايراودني احساس
خايف… بدگاته ينشد عنك بين الناس
خايف… متروس آهات ولوعه وهم وسواس

ماأظن عيني تشوفك بويه ساورني الوجل
رحلتــك للطف بــدوني اعـــتقد رحلة اجل
مشتاگه مشتاگه مشتاگه بويه حسين
"""""""""""""""'""""""
صارت احلامي نوايب بس مصايب ليلي نوح
شما اغمض وداع
لوچنت تدري برحيلك ها دخليك وين اروح
عمري بعدك ضياع

رايح… وراح ابقه خلافك بويه بلا محبوب
رايح … كلمـــا اشـــتاگ اتنفس عطر الثوب
رايح… عالخد دمعاتي اتخط اعليك ادروب

اختلس بويه بمنامي وليلي گاضيته رعب
شما أغمض عيني أسمع دگت اطبــول الحرب
مشتاگه مشتاگه مشتاگه بويه حسين
"""""""""""""""'""""""
وسمعت طفلك صرخته كض نبلته ايگلي نار
وانه اريدن براد
وكل جثث خوتي وعمامي چن امامي بلا ستار
وگلبي لابس سواد
نايم… شفتك ياقرآن انت وياانجيل
نايم… مذبوح وتسحگ فوگ الصدر الخيل
نايم… بلا ثوب اعليك الساتر بس الليل

وسمعت صرخة رقية من وصل يمهه الطشت
ويه شهگتهه يغالي ميت الف موته متت
مشتاگه مشتاگه مشتاگه بويه حسين
"""""""""""""""'""""""


الشاعر سيد فليح الموسوي ✏📖
https://www.tg-me.com/F_h_mo

رابط القناة 👇
https://www.tg-me.com/AbuhassanAlmusawi2007ـ

نزلة شجاعة للعباس عليه السلام مع رباط هوسات…

صاح وزمجر عباس ودخن بالغيرة الراس
لرفع عنــچ كل باس لرفع عنـــچ كل باس
ها ها ها
(( يم سكنة الشط ناوي ايجيبه))-رباط
"""""""""""""""'""""""
شد الشمايل والــلّوه وبـــظهره علگ جوده
ودخان من راسه طلع مثل الغمامه السوده
ضهضب ابن هاشم فزع وسلاحه عزم اجدوده
ويسكينه صاح العلگمي طشار اخلي اجنوده

فر السيف بــيمناه عله الشط هد وتعناه
هوس يا زينب ها هوس يا زيــــنب ها
((منچ كون الشط يتعذر)) -رباط
"""""""""""""""'""""""
خطاف مر مثل البرق واعصار خلف الرايه
والجيش من عنده اختلس تيه افكاره ورايه
وصفوف عسكرهه العده گامت تفور ادمايه
ضرغام ترهب صولته فارسهه المسنايه

بنظراته ايهد الـحيل ويله الــيگرب ياويل
واعليهم عسعس ليل واعليهم عسعس ليل
ها ها ها
((والظلمه ينورهه بسيفه)) -رباط

"""""""""""""""'""""""
زلزال طگ جـــيش العده وانذار دگ القائد
محتار اذا وده المدد بس يچهب يرجع شارد
فارسهم الاشجع جُبَن خلف العســـاچر لابد
ويصيح ابن حـــيدر علــي مثلـه ابد ماوارد

هذا ابن الداحي الباب وسيفه گطاع ارگاب
ظل لابـــد ياحـــباب ظـــل لابد ياحــباب
ها ها ها
((بس تطلع راسك يتطشر ))-رباط
"""""""""""""""'""""""
طشار خله الميمنه ومـــنـه الشـــرد يتسمط
صاحو هذا الهجم فحل بالعب ابد ماينحط
والثابت مگـــطع رجع وبـدمه ظل يتشحط
گدامه گاطفهه الزلم بيــهم نوه ايسد الشط

گام ايگاطف بالروس والسالم تحته ايحوس
يحبحب بجدامه ايبوس يحبحب بجدامه يبوس
ها ها ها
((يتوسل ويصيح التوبه))-رباط
"""""""""""""""'""""""
طب عالصدر مثل الصگر ملچوم ياخذ حيفه
خزرات عينه كالـسهم نيران يجدح سيفه
عزريل خطاره ونعم عبــــاس يكرم ظيفه
صاح انت بس احصي العدد والموت صار بكيفه

راح اشطرلك نصين وانت شوف الوزنين
وزنـــهم متـــساوين وزنهـــم متــــساوين
ها ها ها
((من حيدر وارث ضرباتي))-رباط 😀
"""""""""""""""'""""""
عالميسره صال وهـــجم يفنيهه كلهه قرر
والغوث صاح الگابله محتار بي درب الفر
عالمشرعه دگ ثايته عــباس صاح وكـــبر
بالجود طب ها يانهر واروي الحرم والخدر

ويهــدد گـــام الماي ويــگله انه الرواي
بالگوه تمشي اوياي بالگوه تمشي اوياي
ها ها ها
((وسكينه بمايك ترويهه))-رباط
"""""""""""""""'""""""


الشاعر سيد فليح الموسوي ✏📖
https://www.tg-me.com/F_h_mo

رابط القناة 👇
https://www.tg-me.com/AbuhassanAlmusawi2007

نزلة لعلي الاكبر عليه السلام…

علي… علي… يا أبن فخر الهواشم
علي… علي… گوم فرحهه الفواطم

"""""""""""""""'""""""
امك انه ..يالظنه… يبني وانتخيتك
هاي الخدر.. تنتظر.. عزمك وحميتك
هذا الدرع ..يالورع ..حامي عن قضيتك
بهمه وعزم .. ياشهم .. هذي من سجيتك

علي… علي… تفنن بضرب الصوارم
علي… علي… گوم فرحهه الفواطم
"""""""""""""""'""""""
گوم استعد .. وارتعد .. وارعب العساچر
خل القلق .. والرهق .. ييـــــــلغ الحناجر
سل اللهب .. وبغضب ..اگـــطع المناحر
صيح انزلي .. تفضلي ..بعدي ياكواسر

علي… علي… روسهم سوهه مساهم
علي… علي… گوم فرحهه الفواطم
"""""""""""""""'""""""
طب كربله… زلزلة… واهتف بمراجل
انا علي… ابن الولي ... والرجل ينازل
من حيدره… عزمي تره… ثاكل الارامل
حد النظر… ولسقر… وجه الجحافل

علي… علي… اليوم تنــعاد الملاحم
علي… علي… گوم فرحهه الفواطم
"""""""""""""""'""""""
بث الرعب… بالحرب… واخلس الفوارس
عيد المجد… للمجد… المنه انـــت دارس
وكت الشدد … يالــولد… ما الك مــنافس
خل همتك… صولتك… ذلهم الاشاوس
علي… علي… والبرزلك رده نـــادم
علي… علي… گوم فرحهه الفواطم

"""""""""""""""'""""""
ضيع المفر… عاليفر… وافعل التريده
عندك وعد... بالعهد… ثابت العقيده
يدعي الك… كل ملك… ربي سدد ايده
انطيهم درس… بالنفس… جدك الصميده

علي… علي… منك اتفوح العزايم
علي… علي… گوم فرحهه الفواطم
"""""""""""""""



الشاعر سيد فليح الموسوي ✏📖
https://www.tg-me.com/F_h_mo

رابط القناة 👇
https://www.tg-me.com/AbuhassanAlmusawi2007

شور ليلة الوداع…

وداعاً ياحسين..وداعاً ياحبيبب.. وداعاً ياغريب ..وداعاً ياسليب
"""""""""""""""""""""""
ينظرهه السمه المحزون فوگ الخد دموعه اتسيل
طول بالــــله اترجـــــاك يحچي وي ظــــلام الليل
گام اتـــفگد الخيمــــات وبــــيده أســـرج القنديل
ويلگط حـــسك سعدان من درب البــــنات ايشيل

وداعاً ياحسين..وداعاً ياحبيبب.. وداعاً ياغريب ..وداعاً ياسليب
"""""""""""""""""""""""
عنده اعلـــوم ابو اليمه يقره بالسمه اخبار
ومن گد الحـــنان البيه گام ايفــكر بتدبار
ودرب الفر بده ينظفه لو شبت لهيب النار
دمعاته تصـــب عالگاع ويدعي يلطف الستار

وداعاً ياحسين..وداعاً ياحبيبب.. وداعاً ياغريب ..وداعاً ياسليب
"""""""""""""""""""""""
يدري عنده علــــــويات ما تتــــــحمل السعدان
وباچر لو ولاهه الخوف حافي تركض النسوان
ظل محتار ابو اليـــــمه ويعايـــن على الميدان
خايف عالحرم وعـــيال من صولتـــهم الفرسان

وداعاً ياحسين..وداعاً ياحبيبب.. وداعاً ياغريب ..وداعاً ياسليب
"""""""""""""""""""""""
يتــــفگد بده اخيـــامه من خيمه لخيمه ايدور
ويوصي الصبر يعــيال باچـــــر يوگع المحذور
ويازيـــــــــنب اريدنچ ذخري لعاشـــر بعاشور
وخدري لو رحت يختي اريدنه يظـــــل مستور

وداعاً ياحسين..وداعاً ياحبيبب.. وداعاً ياغريب ..وداعاً ياسليب
"""""""""""""""""""""""
مر اعلـه الربـــاب وگال بحظني حطي عبدالله
خل اشتم عبيره بشوگ باچــــر تغـــــدر النبله
ادعيله بحـــــــرز لو نام يحرس نزته اسم الله
وادعيلچ بعـــــد ويـــاه الله يعــــــاون الثكلى

وداعاً ياحسين..وداعاً ياحبيبب.. وداعاً ياغريب ..وداعاً ليب
"""""""""""""""""""""""
يا زينـــــب امـــانه صاح ظلت عنـــدچ ارقيه
لو عنهه الحــــنان ايغيب منچ حطــــي حنيه
ولبسيهه تراچــــــي دوم متعوده اعله ترچيه
وياهه احضرهن الشدات كلما تنشــــــد اعليه

وداعاً ياحسين..وداعاً ياحبيبب.. وداعاً ياغريب ..وداعاً ياسليب
"""""""""""""""""""""""




الشاعر سيد فليح الموسوي ✏📖
https://www.tg-me.com/F_h_mo

رابط القناة 👇
https://www.tg-me.com/AbuhassanAlmusawi2007

عندما رأيت هذه الصورة على وسائل التواصل وعدت صاحبها ان اكتب له قصيده هذا مقطع منها فأرجو من اصدقائي مشاركة المنشور حتى تصل اليه هذه الابيات...
ها يبدلة عرسي ياقاط الغرام
عندي حيل انتي عزيزه مدللة
من ألبسچ انه احس طبعي عجييب
اتنومس واشعر بغيره ومرجـله
حگي اتسودن وعوفنـهه الديار
قبلي جن قيس ابعشگ فارگ هله
انه اشم عطر السواتر كله بيچ
انه ونتي وياهه تربطنه صله
كحيله يابدلة عشگ حلوة الصفات
عيونچ اوساع وجميلة امكحله
اشتم بعطرچ عـلى الساتر حنين
وحب يسع كل العراق بأكمله
لو لبستچ چني زفوني عريس
ونتي يابدلة عروس مأصله
وامي اتهلهل تصيح بعالي صوت
ابني حب الرادهه وجابوهه اله

حمل هم
شكثر گلبك يبو اليمه/ حمل هم
تطيح وياهو لعيالــك /حمى الهم
يهد الحـــيل بالــــغربه/ حـملهم
هضم زينب اشد لو هم رقيه…
سيد فليح الموسوي

ظل ماي
انظلمتو وما توصل بشر / ظلماي
زحف جتني رقية بليل / ظلماي
تگلي بجربة العباس / ظل ماي
يعمه من العطش نيران بيه...

رعد الجريخي

موشح لاول يوم محرم

هل محرم گوم وانشر رايتك
بسمك اتنادي يمهدي شيعتك
////////////////////
بسمك اتنادي يمولانه العـــجل
انت مصباح الهدى وانت الامل
يله سر بينه يــبن خـــير العمل
حان موعدهه بشائر ثورتك
////////////////////
حان موعد ثورة الحق المبين
وينـــــك انت يا إمام الثائرين
راية العــباس تنــتظرك سنين
واحنه ملهوفين كلنه لشوفتك
////////////////////
واحنه ملهوفين مل منه الصبر
گوم يامـــهدينه عجــــل بالامر
علينه مولاي الظلم صار اشكثر
والعدل ضاع ونتاني فزعتك
////////////////////
والعدل ضاع وكثر عدنه الفساد
وانظر الحكّام جــارت عل العباد
وانتـــــشر بيهه الظلم كل البلاد
وعينهه العالم بقت يم دولتك
////////////////////
عيون كل العالم لصــوب العراق
ويانه تنتظره بشغف يوم التلاق
گـــوم واعلن ثورتك ضد النفاق
وزلـزل عروش الطغاة بيمنتك
////////////////////
ثارك ايــــناديك من طــف كربله
چــم يزيد الجــار بالـــحقد انمله
وچم شمر بيه الوكت چم حرمله
شلون تقبلهه يمهدي غيرتك
////////////////////

الشاعر سيد فليح الموسوي

https://www.tg-me.com/AbuhassanAlmusawi2007

قصيدة موشح للعليلة عليها السلام

ويلي صاحت فاطم وهلت دمع
فراگ ويه العله صعـــبة يجتمع
////////////////////
فراگ ويه العـــلة يانــاس اجرعت
خلاف ابوي اصواب ايوب انصبت
منين اجيب الصبر عالفرگة اتعبت
نار بيه وصرت چن خيط بشمع
////////////////////
نار بيه ولا خبر منــهم وصـــل
ليش عفتوني وحيـــدة يالاهل
فراگكم ويه المرض بيه شعمل
بلا طعم صارت حياتي بلانفع
////////////////////
بلا طعم هالعــــيشه وصوابي كلف
دمــــعي عالوجنات ابدا ً ما يــجف
شلون اوصف حزني ابد ماينوصف
صــعبه عالطفلة بأبوهه تنــفجع
////////////////////
صعـــبة عالطــفلة العليلة تبتلي
بفرگة ياريت الخبر يوصل هلي
ليش خــلاني ورحل عني الولي
ادري بي صوتي ابد ماينسمع
////////////////////
لصدر ابوي هواي مشـــتاگ الحظن
وكل خواتي كون تحظرني من اون
وايــــدي ال كاروك عــبدالله تــحن
ويــلي عالاكبر تره مـحني الضلع
////////////////////
ويلي عالـــعباس مــشتاگه واصيح
ها يعـــمي الرايــة ها بالك تطـــيح
ريت ابوس اچفوفك انه واستريح
عليك يل الكفال گلبي منصدع
////////////////////

الشاعر سيد فليح الموسوي

https://www.tg-me.com/AbuhassanAlmusawi2007

قصيدة موشح لام البنين عليها السلام

مدرسة أم البنين أم الوفه
منهه نتـعلم فنون العاطفه
////////////////////
منهه نتـــعلم عقــــيدة وانتــماء
والعشگ لحسين والحب والولاء
مفخرة ام اﻻربعة وكلهه عـــطاء
واحنه من سيرتهه ننهل معرفه
////////////////////
ذابت بحب النبــي وآل الرسول
وهمهه كله راضيه عـنهه البتول
وعاشت بنكران ذات ام الشبول
بيهه معروفه الجليلة هالصفه
////////////////////
من عشگهه غيرت حتى الاسم
ما أريد احســــين گالت ينلچم
لو سمع اسم امه خافن ينهضم
بيهه فرحان ابو اليمه واحتفه
////////////////////
ربت اليــوث اربعه لـطف كربله
ذخر ابو اليمه تگول وفدوه اله
بيكم الـــنوماس يــولادي حله
بدمكم اواسي الحبيب المصطفى
////////////////////
وصت العباس سبع الگنطره
يمه اريدك بالشدايد مفخره
ابذل الچـفين يمنه وميسره
يبني لعلومك الطيبه لاهفه
////////////////////
ربـــنه خصهه بالكــرامه ومنزله
باب للحاجه اصبحت والمعضله
والگـــصدهه ينــول كل المسأله
ويبره كل معلول ويحصل شفه
////////////////////

الشاعر سيد فليح الموسوي
https://www.tg-me.com/AbuhassanAlmusawi2007

قصيدة لعلي الاكبر عليه السلام…

ذكرياتي… من تعب عمري بقت .. ذكرياتي
امنياتي… بريــح الموادع طفــت .. امنياتي
ياعلي الاكبر ذبل عودي منتظره الاجل
من تعب عمري بقت .. ذكرياتي
:::::::::::::::::::::::::::::::::::::::
ياحلم وردي بحياتــي وچنت انظرلك بعيد
وياهوا بريـــّـــــــات امك ذايب بدم الوريد
شلون اصدگهه الحقيقة ميت اعتقدك تريد
وانه چنت ابني الاماني وانسج بحلمي السعيد

يازماني.. چبدي المتيم مردته ..يازماني
گمت اعاني..من علي الاكبر اخذته..گمت اعاني
لو شحم عيني جبل ذاب وي دمعي الهمل
من تعب عمري بقت .. ذكرياتي
::::::::::::::::::::::::::::::::::::::::::
ذكرى ذكرى لملمتهن وياهن انه احچي وانوح
يمه اشوفك تبتسملي اتقبل اچفوفي وتروح
وابقه اشمنهن اديه عطر من عدهن يفوح
يالغبت عن عيني ردلي هاك اخذ من روحي روح
رد يغايب… گلبي فر ناده بونينه… رد يغايب
للنوايـــب… ظلت الام الحنينه… للنوايب
قهر وآهات وزعل. ظيم وآﻻم وعلل
من تعب عمري بقت .. ذكرياتي
::::::::::::::::::::::::::::::::::::::::
اذكر امن اتصيح يمه عمري يانبع الحنان
وتاخذ امن اتراب رجلي اتگلي اشم عطر الجنان
قلق لو مر بحياتـي حظينچ اتگول الامان
هذا حظن امك يتاني وينك انت بيامكان
ها يغالي… منين اجه طف كربله..ها يغالي
هذا حالي… گلبي آهات امتله… هذا حالي
عقلي يايمه انذهل روحي ساورهه الوجل
من تعب عمري بقت .. ذكرياتي
::::::::::::::::::::::::::::::::::::::::::
منين اجتني كربلائك عليك مكتوبة الطفوف
ياشبه طه بجماله ياگــــــمر لاحك خسوف
راح ارد لذكرياتي بحظرة ارسومك اطوف
سيرت ليك المشـــاعر دير بالك عالضيوف
دمع عيني… حفّر الخد والوجن ..دمع عيني
من ونيني… هم شفت ثكلى تون ..من ونيني
شراح اگله لو سأل باقي ينتظرك أمل
من تعب عمري بقت .. ذكرياتي
:::::::::::::::::::::::::::::::::::::::::
يبني من جابوك ليه حيلي يايمه انهدم
ردت اشبگنك منعي بيك نابت چم سهم
مو جرح واحد واشـده گلي اخفف ياألم
طبره اشوفنهه اعله طبره گلبي نصين انجسم
ها ياﻻكبر… صعب يايمه التجافي… ها ياﻻكبر
بلكي تگدر ..تحچي وي امك يغافي...بلكي تگدر
ارجع وداوي العلل شوف گلبي شگد حمل
من تعب عمري بقت .. ذكرياتي
::::::::::::::::::::::::::::::::::::::::::

شاعر اهل البيت سيد فليح الموسوي

للتواصل على هذا المعرف
https://www.tg-me.com/F_H_MO

https://www.tg-me.com/AbuhassanAlmusawi2007