ቸሩ አምላካችን ሆይ!

እኛስ ፈጽመህ በደልንህ፤ አሳዘንህም፣
ልባችን ደነደነ።

ጌታ ሆይ ስለ እንደነዚህ ያሉ እናቶች የሲቃ ልቅሶና መከራ ብለህ ግን ማረን!

🇨🇬 @ETHIOPIA_Hagerie

@Afe_Werk

መልካም ጋብቻ ይኹንለዎ መምህራችን!
የእግዚአብሔር አገልጋይ!

እግዚአብሔር በቸርነቱ ፍጻሜዎን ያሳምርልዎ! ስንል መንፈሳዊ ምኞታችንን ገለጽነ!


🇨🇬🇨🇬 @ETHIOPIA_Hagerie

✅✅ @Afe_Werk

ጰራቅሊጦስ
☞ሰኔ 5 እንኳን ለበዓለ ጰራቅሊጦስ በዓል በሰላም አደረሳችሁ፡፡

☞ቃል የግሪክ ሲሆን ትርጓሜው አፅናኝ መንፈስ ቅዱስ ማለት ነው፡፡ይህ በዓል ጌታችን መድኃኒታችን ኢየሱስ ክርስቶስ በተነሣ በሃምሳኛው በዐረገ በአሥራኛው ቀን በድምቀት ይከበራል፡፡

☞ለሐዋርያት መንፈስ ቅዱስ የወረደው ከጠዎቱ ሦስት ላይ ነበር፡፡

☞ጌታችን መድኃኒታችን ኢየሱስ ክርስቶስ ለቅዱሳን ሐዋርያት በተናገረው
አምላካዊ ቃል መሠረት"ኃይልን እስክትለብሱ በኢየሩሳሌም ቆዩ" ብሏቸው ነበር

ሰዓቱ ሲደርስ የሚያጽናኑበት ብርታት የሚሆናቸው የዕውቀት፤ የኃይል መንፈስ
ቅዱስ ሰደደላቸው፡፡

☞"በዓለ ሃምሳም የተባለው ቀን በደረሰ ጊዜ ሁሉም በአንድ ልብ ሆነው አብረው
ሳሉ ድንገት እንደሚቃጠል ዐውሎ ነፋስ ከሰማይ ድምጽ መጣ በሁሉም መንፈስ
ቅዱስ ሞላባቸው መንፈስም ይናገሩ ዘንድ እንደ ሠጣቸው በሌላ ልሣኖች ይናገሩ
ጀመር"(የሐዋርያት ሥራ 2፥1-11)

☞ይህችንም ዕለት ሊቃውንት የቤተ ክርስቲያን የልደት ቀን በማለት ይጠሯታል፡፡

☞ቅዱስ ዮሐንስ አፈወርቅ "መንፈስ ቅዱስ በበዓለ ሃምሳ ባይወርድ ኖሮ
ቤተክርስቲያን በኮሰሰች ነበር"በማለት የበዓሉን ታላቅነት መስክሯል፡፡

☞" እግዚአብሔር ይላል በመጨረሻም ቀን እንዲህ ይሆናል እንዲህ ይሆናል
ሥጋ በለበሱ ሁሉ ላይ ከመንፈሴ አፈሳለሁ ወንዶችና ሴቶች ልጆችሁም ትንቢት
ይናገራሉ ጎበዞቻችሁም ራእይ ያያሉ ሽማግሌዎቻችሁ ሕልም ያልማሉ ደግሞም

በዚያች ወራት በወንዶችና በሴቶች ባሪያዎቼ ላይ ከመንፈሴ አፈሳለለሁ የሚል
ትንቢት ይናገራሉ"(ትንቢተ ኢዮኤልምዕራፍ 2ከቁጥር 28)

☞መንፈስ ቅዱስ ለምን ይወርዳል?
☞መንፈስ ቅዱስ ሊያጽናና ሊረጋጋ እንደሚወርድ በወንጌል ተነግሯል፡፡

☞"አብ በስሜ የሚልከው ግን መንፈስ ቅዱስ የሆነ አጽናኝ እርሱ ሁሉን
ያስተምራቸው እኔም እኔ የነገረሸኅችሁን ሁሉ ያሳስባችኃል፡፡(ዮሐ 14፥25)

☞ - - - እኔ ግን እውነት እነግራችኀለሁ፤ እኔ እንድሔድ ይሻላችኅል፡፡ እኔ
ባልሔድ አጽናኙ ወደ እናንተ አይመጣም፤እኔ ብሔድ ግን አርሱን እልክላችኀለሁ፡፡
(ዮሐ 16፥7)

☞ከዐረገ በኃላ መንፈስ ቅዱስ ሊያጽናናቸው እንሚመጣ ተናገረ፡፡
☞መንፈስ ቅዱስ ምሥጢር ሊገልጥ ይወርዳል፡፡

☞"የምነግራችሁ ገና ብዙ አለኝ ነገር ግን አሁን ልትሸከሙት አትችሉም ግን
እርሱ የእውነት መንፈስ በመጣ ጊዜ ወደ እውነት ሁሉ ይመራችኅል፡፡(ዮሐ
16፥12-13)

☞"እንዲህ አላቸው ወደ ዓለሙ ሁሉ ሒዱ ወንጌልን ለፍጥረት ስበኩ(ማር
16፥15)ብሎ በዓለም ሁሉ ያለውን ቋንቋ እንዲያውቁ አድርጎ ወንጌልን ለአለም
እንዲሰብኩ ልኳቸዋል፡፡

☞ለሐዋርያት መንፈስ ቅዱስ በወረደበት እለት የተለያዩ ቋንቋ ተገልጦላቸዋል፡፡
(ሐዋ 2፥3)

☞እኛም ጰራቅሊጦስ ለዋርያት መንፈስ ቅዱስ የወረደበት፤ የቤተክርስቲያን
ልጆች መሠረት የተጣለበት ቀን በመሆኑ መንፈስ ቅዱስ ያጸናን፤ ይቀድሰን፤
ምሥጢሩን ይገልጥልን ዘንድ በማሰብና በመማፀን በዓሉን እናከብራለን፡፡

(ከመድበለ ታሪክ መጽሐፍ የተወሰደ)
☞ጰራቅሊጦስ የወርቅ ሐር ግምጃ የቅዱሳን የጌጣቸው ልብስ ነው፡፡

☞ጰራቅሊጦስ የጻድቃን የባለሟል ነታቸው የራስ ወርቅ ነው፡፡

☞ጰራቅሊጦስ ሐዋርያትን በሀገሩ ሁሉ ቋንቋ ያናገረ ነው፡፡

☞ጰራቅሊጦስ ሐዲስ ወንጌልን ያስተማረ ዘንድ ጳውሎስን የጠቀሰ የሕይወት
መብረቅ ነው፡፡

☞ጰራቅሊጦስ ሐዋርያትን የወይን ጠጅ ሳይጠጡ ያሰከረ ነው፡፡

☞ጰራቅሊጦስ በጽዮን አደባባይ በቶማስ ላይ በቅዱስ ነቢይ ፊት የበራ ነው፡፡

☞ጰራቅሊጦስ ፍጹም የከበረ የአብና የወልድ የባሕርይ ሕይወት ነው፡፡

☞ጰራቅሊጦስ የማይዳሰስ የእሳት ነበልባል ነው፡፡

☞ጰራቅሊጦስ መጉደል ወይም መጨመር ሳይኖርበት በህልውናው አምላክ
ነው፡፡

☞ጰራቅሊጦስ እንደ አብና እንደ ወልድ በሰማያትና በምድር ሁሉ ላይ መንግሥቱ
የመላ ነው፡፡

☞ጰራቅሊጦስ አሸናፊ ነው ለሰማዕታት መመኪያ የተሰበሩትን የሚጠግን ነው፡፡

☞ቅድመ ዓለም ለነበረ ፍጹም አንድነቱ ለሱ ስግደት ይገባል ዛሬም ዘወትርም
ለዘላለሙ አሜን፡፡(የሀሙስ ሰይፈ ስላሴ)

☞ለእኛም ወደ አንተ የሚወሰደውን ቀናውን መንገድና የሀይማኖት ጽናቱን እና
ማስተዋል ግለጽልን፡፡

መልካም በአል 🙏🙏


ለበለጠ join 👇👇👇
🇨🇬🇨🇬🇨🇬 @ETHIOPIA_Hagerie

✅✅✅ @Afe_Werk

“የመንፈስ ቅዱስም ኅብረት ከሁላችሁ ጋር ይሁን። አሜን።” 2ኛ ቆሮ 13፥14

ለበለጠ join 👇👇👇
🇨🇬🇨🇬🇨🇬 @ETHIOPIA_Hagerie

✅✅✅ @Afe_Werk

Watch "Watch "ክነፈ ርግብ " ደስ የሚል መንፈስን አዳሽ ዝማሬ! ሁሉም ሊያዬው የሚገባ! #SUBSCRIBE #Share & #Like" on YouTube
https://youtu.be/bfuEqkh_KLo

በስመ ሥሉስ ቅዱስ ፩ አምላክ አሜን!

እንኳን አደረሳችሁ! አደረሰን!

ቸሩ አምላካችን ለዚህ ቀን ቸርነቱ በዝቶልን ስላደረሰን ስሙ የተመሰገነ ይኹን!

#ጾመ_ሐዋርያት

ጾም ማለት ሰውነት ከሚፈልጋቸው ነገር ሁሉ መከልከል ማለት ነው፡፡ ወይም ለሥጋ የሚመቸውን ነገር መከልከል ("ከ" የመጀመሪያዋ ጠብቃ ትነበብ) መተው ማለት ነው፡፡ ሃይማኖት ባለበት ሁሉ ጾም አለ ጾም ከሃይማኖት ጋር ዘለዓለማዊ ዝምድና አለው፡፡ ይልቁንም በብሉይ ኪዳን ጾም ከፍተኛ ቦታ ነበረው፡ የብሉይ ኪዳን ነቢያት ከእግዚአብሔር ጋር በሚገናኙበት ወራት እህል ውኃ ለአፋቸው አይገባም ነበር፡፡

ዘዳ 34፥28/

በኃጢአታቸው ብዛት የመጣባቸው መዓት የሚመልሰው ቁጣውም የሚበረደው ሕዝቡ በጾም ሲለምኑትና ሲማልዱት ነበር፡፡

/ዮና 3፥5-10/፡

በአዲስ ኪዳንም ጾም ሰው ሠራሽ ሕግ ሳይሆን ራሱ መድኃኒታችን ኢየሱስ ክርስቶስ በመዋዕል ሥጋዌው መጀመሪያ አድርጎ የሠራው ሕግ ነው፡፡ /ማቴ 4፥21/ ጌታችን በሦስት በፍቅረ ንዋይና በትዕቢት የሚመጣበትን ጠላት ዲያብሎስ በጾም ድል እንድምንነሣው አሳየን፡፡

ይህም ብቻ ሳይሆን በቁራኝነት አብሮ የሚኖር ጠላት ሰይጣንን በጾም የሚወገድ መሆኑን መድኃኒታችን ተናግሯል

ማቴ 17፥21/፡

ስብከተ ወንጌል የሚያገለግሉ ዲያቆናትና ቀሳውስት የሚሾሙትም በጾምና በጸሎት ነበር፡፡ /የሐዋ13፥3፤4፥25/ እነ ቅዱስ ቆርኔሌዎስ ያላሰቡትን ክብር ያገኙት በጾማና በጸሎት ፈጣሪያቸው ማልደው ነው /የሐዋ 10፥20/

ጾም እንኳን የጠበቅነውንና ያሰብነውን ቀርቶ ያላሰብነውንና ያልጠበቅነውን ፈጽሞም የማይገባንን ጸጋና ክብር የሚያሰጥ ነው፡ በሐዋርያት መሠረት ላይ የተመሠረተች የኢትዮጵያ ኦርቶዶክስ ቤተክርስቲያን የጾም ሕግና ሥርዓት አላት እነዚህም የፈቃድና የአዋጅ አጽዋማት ይባላሉ፡፡ ከሰባቱ የአዋጅ አጽዋማት አንዱ የሐዋርያት (የሰኔ) ፆም ነው፡፡

ይህም ጾም በሕዝብ ዘንድ የወታደር ጾም ይባላል፡፡ ለስብከተ ወንጌል ዘመቻ የተዘጋጀ በጾሙት ተምሣሌት በድሮ ዘመን ወታደሮች ለዘመቻ ሲነሱ ወይም ከዘመቻ ሲመለሱ በተሳተ በተገጸፈ ይቅር በለን በማለት ይጾሙት ነበር፡፡ ይህም ጾምየሚፈሰክበት ከሐምሌ 5 የማይለቅ ቢሆንም የሚጀመርበት ግን የተወሰነ ቀን የለውም በዚህም ምክንያት የጾሙ ዕለት ቁጥር ከፍና ዝቅ ይላል አንዳንድ ጊዜ ከአርባ ይበልጣል አንዳንድ ጊዜ ከ30 ያንሣል ።



#ሐዋርያት መቼ ጾሙ?

ቅዱሳን ሐዋርያት የአምላካቸውን የመምህሮቸዋል አርአያ ተከትለው እርሱ ወደ ማዳን ሥራው /ሕሙማነ ሥጋን በተዓምህራት/ ሕሙማነ ነፍስን በትምህርት ከማዳን አስቀድሞ የሥራውን መጀመሪያ በገዳመ ቆሮንቶስ ገብቶ 40 ቀን 40 ሌሊት እንደ ጾመና እንደጸለየ ሁሉ ቅዱሳን ሐዋርያትም አብነቱን ተከትለው ጾመዋል፡፡ ጸጋ መንፈስ ቅዱስን ከተቀበሉ በኋላ ዓለምን ዕጣ ተጣጥለው (ተከፈፍለው) ዞረው ከማስተማራቸው አስቀድመው የሥራቸው መጀመሪያን ጾምን አድርገዋል፡፡

ሐዋርያትም ይህንን ጾም እንደሚጾሙ ጌታችን አስቀድሞ የዮሐንስ ደቀመዛሙርት ወደ እርሱ ቀርበው በጠየቁት ጊዜ ተናግሮ ነበር፡፡ “እኛና ፈሪሳውያን ብዙ ጊዜ የምንጦመው ደቀመዛሙርትህ ግን የማይጦሙት ስለምንድን ነው? አሉት ጌታችን ኢየሱስም እንዲህ አላቸው ሚዜዎች ሙሽራው ከእነርሱ ጋር ሳለ ሊያዝኑ ይችላሉ? ነገር ግን ሙሽራው ከእነርሱ የሚወስድበት ወራት ይመጣል በዚያን ጊዜም ይጦማሉ”

/ማቴ 9፥15-16/፡፡

የሰኔ ጾም የቄስ ብቻ ነውን?

ይህ ጥያቄ በብዙ ሰዎች ዘንድ የሚነሣ ጥያቄ ነው ብዙ ምእመናን የሰኔን ጾም አይጾሙም ለመጾም የሚፈልጉትንም ሰዎች የቄስ ነው እያሉ ሲነቅፉ ይታያሉ ነገር ግን ይህ ጾም ከሰባቱ የአዋጅ ጾም አንዱ ነው፤ ቅዱሳን ሐዋርያት ጌታቸንን ምሣሌ አድርገው የጾሙት እኛም እነርሱን አርአያ አድርገነው ልንጾመው የሚገባ የበረከት ጾም ነው፡፡ በዘመናችን ያሉ አንዳንድ “ክርስቲያኖች ነን” ባዮች “ከመጾም ተቆጥበው ቀሳውስት ብቻ የሚጾሙት ነው!” ይላሉ ለራስ የከበደን ነገር በሌላው ላይ መጫን ተገቢ አይደለም ካላወቁ ለማወቅ መማር ዐውቆ ከማጥፍት መቆጠብ ተገቢ መሆኑን መዘንጋት አይገባም

እኛ ይህን ጾም የምንጾመው የሐዋርያትን በረከት ለመካፈል፣ እነርሱ ድል ያደረጉትን ዓለም እንድናሸንፈው አምላካችንን ለመማጸን በመሆኑ ይህንን ዲያብሎስን ድል ማድረጊያ መሣሪያ አንጣለው ጾሙም ለመላው ክርስቲያን የተሰጠ እንጂ የቀሳውስት ብቻ አይደለም ለቄስና ለምእመናን ተብሎ በክህነት ደረጃ የተለየ ጾምም የለም፡፡

እንዴትና ከምን እንጹም?

የጾም ሃይማኖታዊ ትርጉም ፈጣሪን መለመኛ ከኃጢአት ቁራኛ መላቀቂያ መሣሪያ ስለሆነ በጾም ወራት ለአምሮት ለቅንጦት የሚበሉ ወይም ለመንፈሳዊ ኃይል ተቃራኒ የሆኑ የአልኮል መጠጦች ሥጋና ቅቤ ወተትና እንቁላል ማራቅ ተገቢ ነው፡፡

ሥጋዊ ጉልበትን በጾም የማድከም ቅብአት ካላቸው ምግቦች መከልከልም መጽሐፍ ቅዱሳዊ ማስረጃ አለው፡፡ ቅዱስ ዳዊት በመዝሙር “ጉልበቶቼ በጾም ደከሙ ሥጋዮም ቅቤ በማጣት ከሳ” ብሏል /108፥24/፡፡ ሠለስቱ ደቂቅና ነቢዩ ዳንኤልም የቤተ መንግሥቱን ሥጋና የጸሎት ምግብ ትተው በጥሬና በውኃ መቆየታቸው ተጽፏል /

ት.ዳን 1፥8-21፣ት.ዳን10፥2/

ዋናው ነገር ጾም እንጂ መብል ወደ እግዚአብሔር አያቀረበንም ብንበላም የምናተርፈው ባንበላም የሚጎዳን ነገር የለም፡፡

/1ኛ ቆሮ8 ፥8/

ከአዳም ጀምሮ መብል ሲጥል እንጂ ሲያነሣ አላየንምና ጾሙን ከኃጢአት በመራቅ ለራስ ያስብነውን ለነዳያን በመስጠት፣ ጾም ከጸሎት ጋር ሲሆን ጸጋን እንደ ሐዋርያቱ ያሠጣልና በጸሎት በመትጋት በስግደት ወደ እግዚአብሔር በፍጹም ልብ በመመለስ ልንጾመው ይገባል

ቅዱስ ኤፍሬም “ጾም የነፍስ ድግስ፣ ክብረ በዓል ነው” ብሎ ተናግሯል፡፡ ጾም ነፍስን ሐብታም ያደርጋታል፡፡ አዕምሮውን ንጹህ ከማድረጉም ባሻገር በጠላት ላይ መንፈሰ ጠንካራ ያደርጋል ጾም ጥሩ ሥነ-ምግባራትን የሚያዳብር መንፈሳዊ ሕይወት ነው፡፡ ይኸውም ንጽህናን፣ ትዕግስትን ድንግልናን፣ ደስታን ……ወዘተ በተጨማሪም የታላቁ ንጉሥ የኢየሱስ ክርስቶስ ቤተመቅደስ የሆነውን አካላትንን ለንጽህና ለእርሱ እንድናስገዛ ያደርገናል፡፡

ጾም ወደ እግዚአብሔር እንድንመለስ ያደርገናል፡፡
/ት.ኢዩ 2፥12/

አሁንስ ይላል እግዚአብሔር በፍጹም ልባችሁ በጾምም በለቅሶና በዋይታ ወደ እኔ ተመለሱ!” ወደ እግዚአብሔር የምንመለስበትን የልብ መነሳሳት እውነት ያደርግናል በጾማችን እግዚአብሔርን የምናይበት የቅድስና ሕይወት እንፈጥራለን ታላቁ ነቢዩ ኢሳይያስ በኃጢአቱ ተጸጽቶ የጾመው ጾም ለኃጢአቱ ሥርየት ብቻ ሳይሆን የእግዚአብሔርንም ክብር ለማየት አብቅቶታል /ት.ኢሳ6፥1/፡፡ በአጠቃላይ ጾም የመንፈሳዊ ሕይወታችን መሠረት ነው የአገልግሎትና የቅድስናችንም መጀመሪያ ሊሆን ይገባል

ጾምን ቀድሱ፤ ምህላንም ዐውጁ፤/ኢዩ፡፪፥፲፪/


በድጋሚ እንኳን አደረሳችሁ የእግዚአብሔር ቤተሰቦች።

"ስለ ኹሉም ነገር ክብር ለእግዚአብሔር ይኹን!" አሜን!

ወስብሐት ለእግዚአብሔር!

ለበለጠ join 👇👇👇
🇨🇬🇨🇬🇨🇬 @ETHIOPIA_Hagerie


✅✅✅ @Afe_Werk

Watch ""የሐይቅ ቅዱስ እስጢፋኖስ አቡነ ኢየሱስ ሞዓ አንድነት ገዳም ታሪክ ከትናንት እስከዛሬ" ይህን vidio ከወደዱት #like #share #subskribe ያድርጉት።"

on YouTube 👇👇👇
https://youtu.be/oFWto-U7M3A

Watch "Watch "ቅዱሳን በሙሉ ከአምላክ አማልዱን" ከወደዱት #Like , #Share and #SUBSCRIBE ያድርጉት።" on YouTube
https://youtu.be/ULastobnND0

በስመ ሥሉስ ቅዱስ አሐዱ አምላክ አሜን!

እንዴት አላችሁ የእግዚአብሔር ቤተሰቦች።

ቸሩ አምላካችን ምስጋና ይድረሰው!

✝️ ቅዱስ ዮሐንስ ሳባ (አረጋዊ መንፈሳዊ) እንደጻፈው
ድርሳን 34

+ ወንድሜ ሆይ፡ ድንቅ ነገር እነግርህ ዘንድ እወዳለሁና ጸጥ ብለህ ስማኝ፡፡
+ አሳብህን ከመበታተን ሰብስበህ ስማኝ።
+ ልብህንም ከሥጋዊ ስሜት ለይ፡፡
+ እንዲህ የሆነ እንደሆነ በትሩፋት የተነገረውን ጸጋ ታገኛለህ፤ የዚህን ጸጋ መዓዛንም ታሸታለህ፡፡

+++ ሕፃናትን የፈጠረ ጌታ ትሕትናን የዕለት ጽንስ በመሆን እንደ ጀመረ እወቅ።
+++ ትህትናን ከእርሱ ተማር።
+++ ስላንተ የሠራውን ሥራ ሁሉ ታውቅ ዘንድ በትህትና ኑር፡፡
+++ በእርሱ አምሳል ይወልድህ ዘንድ በአንተ አምሳል ተወለደ፡፡
+++ በጨርቅ ተጠቀለለ፤ በተናቀ ቦታ በበረት አደረ።
+++ የሥጋ ብልጽግና እና የነፍስ ጸጋ መገኛ ሲሆን፡ ለዘላለም ነግሦ የሚኖር ንጉሠ ነገሥታት ጌታ በጨርቅ ተጠቀለለ ።

+++ የስደተኞች ማረፊያ የሚሆን እርሱን፡ እሽኮኮ ብለው ወደ ግብጽ አሸሹት።
+++ የሁሉ ደስታ የሚሆን ጌታን፡ ሄሮድስ ይገድለዋል ብለው እየፈሩ አሳደጉት፡፡
+++ መንግሥትን ሁሉ የሚሽር፤ መከራን የሚያሳልፍ እና ጸብ ክርክርን የሚያጠፋ
. እርሱን፡ የሞት ፍርድ እንደ ተፈረደበት ሰው ከአገር አስወጥተው ሰደዱት።
+++ ሞትን የሚያጠፋ እርሱ ሲሆን፡ እንገድለዋለን ከሚሉት ፊት ሸሸ።

+++ ከተለዩ የተለየ፡ ከከበሩት የከበረ ሲሆን፡ አንተን ያከብር ዘንድ በውኃ
. ተጠመቀ።
+++ ልዕልናውንም አብ በዮርዳኖስ “የምወደው ልጄ ይህ ነው” ብሎ ሲመሰክር ተሰማ።
+++ መንፈስ ቅዱስም በርግብ አምሳል ወርዶ በራሱ ላይ ሲያርፍበት ታየ፡፡
+++ ይህም የሆነው ከአባቱ ጋር ያዋሕድህ ዘንድ አንተን ፈልጎ የመጣ እርሱ እንደሆነ ታውቅ ዘንድ፤ ከእርሱ ጋር በመኖርም በጎ ሥራ ብትሠራ ወደ አባቱ እንደሚያቀርብህ ትረዳ ዘንድ ነው።

+++ በትሩፋት መጋደልን እና ድል መንሳትን ያስተምርህም ዘንድ አርባ ቀን ጾመ።
+++ አንተ ቡሩክ ተብለህ ትመሰገን ዘንድ "የቡሩኩ የእግዚአብሔር ልጅ ከሆንህ ከመስቀል ውረድ"ብለው አይሁድ ዘበቱበት።
+++ በአጋንንት እጅ በኃጢአት በትር የተመታ የልቡናህን ራስ ያከብር ዘንድ ራሱን መቱት።

+++ የሰይጣንን ምክር ሰምታ የሚያሳዝን ኃጢአት የሰራች ሰውነትህን ጣዕም እንዲገኝባት ያደርጋት ዘንድ መራራ ከርቤን ጠጣ፡፡
+++ በዕፀ በለስ ምክንያት ከመጣ ሞት ያድንህ ዘንድ በመስቀል ተሰቅሎ ሞተ፡፡
+++ ከመቃብር ያስነሳህ ዘንድ ወደ መቃብር ወረደ፤ ከጨለማ ወደ ብርሃን ያወጣህም ዘንድ ወደ ሲኦል ወረደ፡፡

+++ ይህን ሁሉ ላደረገልህ ጌታ አንተ የምተሰጠው ምንድነው?
+++ ጌታህን በማየት ደስ ይልህ ዘንድ ትወዳለህን?
+++ ከሆነ የእርሱን ነገር በመናገር የምታደንቅ ብቻ አትሁን፡፡
+++ እንደ ዮሐንስና እንደ ጴጥሮስ በዓይነ ሕሊናህ ተመልከተው እንጂ።
+++ ዘወትር ጌታህን በማሰብም ጸንተህ ኑር ።

+++ ይህን ካደረግህ፡ በእውነት ይገለጽልሀል፡፡
+++ የተወደደ ውብ መልኩን አይተህ ለማድነቅ ያበቃሀል።
+++ ነፍስህንም በበጎ ፍቅሩ ያቃጥላትል።
+++ በእርሱ ዘንድ ሞገስን ሰጥቶ ደስ ያሰኝሀል።

+++ እንደ እመቤታችን ማርያም በክንድህ እቀፈው።
+++ ሰውነትህም እንደ እመቤታችን የእርሱ ሞግዚት (አገልጋይ) ትሁን።
+++ ሰብአ ሰገል (የጥበብ ሰዎች) እጅ መንሻውን ይዘው ወደእርሱ በመጡ ጊዜ
. ከእነርሱ ጋር እጅ መንሻህን አቅርብለት።
+++ ከእረኞችም ጋር መወለዱን ስበክ (አውጅ)።
+++ ምስጋናውን ከመላእክት ጋራ ዘምር።

+++ ወደ ቤተ መቅደስም ባገቡት ጊዜ እንደ ስምዖን በክንድህ ታቀፈው።
+++ ወደ ግብጽም በወረደ ጊዜ እሽኮኮ ብለኸው ውረድ።
+++ አቅፈኸውም ከዮሴፍ ጋራ ሂድ፡፡
+++ እንደ ምድረ ግብጽ በረሃ የሆነች ነፍስህን እንደ ኢየሩሳሌም በጸጋ ያለመልማት ዘንድ።
+++ ጌታ ኢየሱስን ከሕፃናት ጋር ሲድህ: ሰርቀህ ሳመው።
+++ በመዓዛው ደስ ይላት እንደ ነበረች እንደመቤታችን፡ ሁሉንም ሕያው
. የሚያደርግ የጌታን መዓዛ አሽት።

+++ እንደ እመቤታችን ያቅፈው የነበረ፡ በመዓዛውም ደስ ይለው የነበረ አንድን ሰው አውቃለሁ።
+++ ሕፃናትን መስለህ፡ ጌታ በሕፃንነቱ ጊዜ በሄደበት ቦታ ሁሉ ተከተለው፡፡
+++ ይህን ካደረግህ፡ ፍቅሩ በአንተ ታድራለች።
+++ ከእርሱ ጋራ አንድ በመሆንህም ይዳሰስ ከነበረና ከሕያው ሥጋው ያለ መዓዛን ከሟቹ ሥጋህ ታሸታለህ፡፡

+++ ጌታ የአሥራ ሁለት ዓመት ልጅ ሳለ፡ የአይሁድ መምህራን በጠየቁት ጊዜና እርሱም በመለሰላቸው ጊዜ የቃሉን ጥበብ ሰምተህ አድንቅ፡፡
+++ ለማጥመቅ ከዮሐንስ ጋራ በአንድነት ኑር።
+++ በዮርዳኖስ “የምወደው ልጄ ይህ ነው” የሚለውን የአባቱን ምስክርነት ስማ።
+++ መንፈስ ቅዱስ በአምሳለ ርግብ ወርዶ ሲቀመጥበት እይ፡፡
+++ በሚጾምበትም ጊዜ ከእርሱ ጋራ ጹም፡፡
+++ ውኃዉን ለውጦ ወይን ባደረገ ጊዜ ጋኖቹን ውኃ እየሞላህ ተመልከት፡፡

+++ ከውኃው ጉድጓድ አጠገብ ከሳምራዊቷ ጋራ በተቀመጠ ጊዜ ያስተማረውን ትምህርት ስማ።
+++ እግዚአብሔር አብ የሚወደውን እና በመንፈስ የሚደረገዉን ስግደት "የሚሰግዱለትም በመንፈስ ይሰግዱለታል" ብሎ ሲያስተምር ስማ፡፡
+++ ሙታንንም ባስነሳ ጊዜ ትንሣኤ እርሱ እንደሆነ ዕወቅ፡፡
+++ ኅብስቱንም ባበረከተ ጊዜ እንቅቡን ይዘህ ለተሰበሰቡት አድል።
+++ ወደገዳም በሔደ ጊዜ ሔደህ ሸኘው።
+++ በሚያስተምርበት ቦታ፤ በመርከብ ውስጥም፤ በበረሃም ከእርሱ ጋራ ኑር።

+++ ወደ ደብረ ዘይት ከእርሱ ጋር አብረህ ውጣ።
+++ በምኵራብም “እኔ ግን እላችኋለሁ…” እያለ ሲያስተምር ስማ።
+++ በኃጢአት ለሞተው ማንነትህ ሕይወትን ይሰጥ ዘንድ ከአልዓዛር ጋር ወደ መቃብር ግባ።
+++ እንደ ኃጢአተኛዪቱ ሴት በእንባህ እግሩን እጠበው፤ በጸጉርህም አብሰው (ሉቃ. 7፡ 38)፡፡
+++ “ኃጢአትህ ተሰርዮልሃል” ሲልህ ትሰማለህ።

+++ በማዕድ ጊዜም እንደ ዮሐንስ ባጠገቡ ተቀመጥ፡፡
+++ ኅብስቱን ባርኮ “ይህ ሥጋዬ ነው” ባለ ጊዜ ከእጁ ተቀበል።
+++ የደቀ መዛሙርቱን እግር ባጠበ ጊዜ ከኃጢአት ያነጻህ ዘንድ ቀርበህ እጠበኝ በለው፡፡
+++ የእግዚአብሔር ማደሪያ የሆነው ሰውነትህን ንጹሕ አድርገው፡፡
+++ ዘወትር እርሱን ለማመስገን የተጋህ ሁን፡፡

+++ በምግባር በሃይማኖትም ያጌጥህ ሁን፤ የመንፈስ ቅዱስን ነገር ለመማር የበቃህ ትሆን ዘንድ፡፡
+++ ከእርሱ ጋር መከራን ተቀበል፡፡
+++ ስለጌታህ ስድብን፤ መናቅን፤ የምራቅ መተፋትን እና በሚስማር መቸንከርን በጸጋ ተቀበል።

+++ ከእርሱ ጋር በመስቀል ተሰቀል፡ ከእርሱም ጋር ሙት፤ እርሱ እንደተነሣ ትነሣ ዘንድ (ሮሜ 6፡5)።
+++ ሰውነትህ (ነፍስህ) እንደ ማርያም መግደላዊት በፍርሀት ሁና ከመቃብሩ አጠገብ ትቁም።
+++ መላእክት “ምን ያስለቅስሻል?” ብለው ይጠይቋት ዘንድ።
+++ የምትወደውን ጌታ ባየችውም ጊዜ የአትክልት ጠባቂ መስሏት “ጌታዬን ወዴት ወሰድከው?” ብላ
እንደጠየቀችው ትጠይቀው ዘንድ (ዮሐ 20፡ 15)።
+++ ያን ጊዜ እንድታውቀው ሆኖ ያናግራታል።

+++ ደቀ መዛሙርቱ ወዳሉበት በዝግ ቤት በገባ ጊዜ ተነሥተህ ተቀበለው።
+++ በጥብርያዶስ ባህር አጠገብ “ልጆች፡ አንዳች የሚበላ አላችሁን?” (ዮሐ 21፡5) ብሎ በጠየቀ ጊዜ ጴጥሮስን ምሰለው።
+++ መላእክት ያዘጋጁትንም ማዕድ ከእርሱ ጋር ተመገብ (ዮሐ. 21፡9)።

+++ ወደ ሰማይ ባረገም ጊዜ እጁን ጭኖ ይባርክህ ዘንድ ራስህን ዘንበል አድርግ።
+++ ሁለንተናው እያበራ በመላእክት ዝማሬ እና ምስጋና ሲያርግም ወደላይ አንጋጠህ ተመልከት።
+++ የመንፈስ ቅዱስ ጸጋ እንዲያድርብህም ጥቂት ቀናት በኢየሩሳሌም ቆይ።

+++ ወንድሜ ሆይ በፍጹም ትጋት ሆነህ ይህን ሁሉ በልቡናህ አስብ።
+++ በእውነት ጌታህን ታየዋለህ።
+++ እርሱን ለማገልገል መከራን በሚቀበሉ ሰዎች አድሮ ያዘኑትን ደስ ለሚያሰኝ ጌታ ክብር ምስጋና ይግባው፤ ለዘላለሙ፡ አሜን።


© = M.K.G

"ስሐ ኹሉም ነገር ክብር ለእግዚአብሔር ይኹን" አሜን።

ለበለጠ join 👇👇👇
🇨🇬🇨🇬🇨🇬 @ETHIOPIA_Hagerie

✅✅✅ @Afe_Werk

"በስመ ሥሉስ ቅዱስ አሐዱ አምላክ አሜን!

#ጾም መድኃኒት ናት፡፡ አወሳሰድዋን በትክክል ላላወቁ ግን ጥቅም የላትም፡፡ ይህችን መድኃኒት የሚወስድ ሰው በየስንት ሰዓቱና በምን ያህል መጠን እንደምትወሰድ፣ ለምን ዓይነት በሽታ እንደምትጠቅም፣ በየትኛው አከባቢና የአየር ኹናቴ እንደምትወሰድ፣ ከእርሷ ጋር የሚኼዱና የማይኼዱ ምግቦችን እንዲሁም ከእርሷ ጋር የማይስማሙ ሌሎች ነገሮችን ለይቶ ማወቅ አለበት፡፡

እነዚህን ግምት ውስጥ አስገብቶ የማይወስዳት ሰው ግን ከጥቅሟ ይልቅ ጉዳቷ ታመዝንበታለች፡፡ አንድ በሐኪም የታዘዘልንን የደዌ ዘሥጋ መድኃኒት እንዲያሽለን ስንፈልግ በጥንቃቄ ልንወስደው ያስፈልጋል፤ የነፍሳችንን ደዌና በአእምሮአችን ውስጥ ያሉ ቁስሎችን ለመፈወስ ብለን በምንወስደው መድኃኒት ደግሞ ከዚህ የበለጠ መጠንቀቅ ይገባናል፡፡

ቅዱስ ዮሐንስ አፈወርቅ
በእንተ ሐውልታት መጽሐፍ፣ ድርሳን 3፥8

ለበለጠ join 👇👇👇
🇨🇬🇨🇬🇨🇬 @ETHIOPIA_Hagerie

✅✅✅ @Afe_Werk

Watch "Watch "ኦርቶዶክስ ተዋህዶ ሀገር ናት የሰጠች ክብር ነጻነት" ለበለጠ ቻናላችንን #SUBSCRIBE , #Like #Share ያድርጉት እንላለን!" on YouTube
https://youtu.be/OT5pqQuwh5Q

ክቡር ጠቅላይ ሚኒስቴር አቅጣጫው ወዴት ነው

"የዘፈን ዳር ዳርታው ለእስክታ ነው" ይላሉ አንዳንድ ሰዎች ሲተርቱ እውነት ነው፣ በሃይማኖት ስም የሚነግዱ ሰዎች አሉ። ሰዎች እንጅ የሃይማኖት ተቋማቱ ግን ሌብነት ፅዩፍ እንደሆነ በፈጣሪም ዘንድ ኃጢአት መሆኑን ነው የሚያስተምሩት። ምን ዓይነት የኦዲት ህግ ልታወጡ ነው? እንደ እኛ ቤተክርስቲያን አንዳንድ ሌቦች ቢኖሩም ቤተክርስቲያን ግን የምትተዳደረው በአስራት በኩራትና ምዕመናን በበጎ ፈቃደኝነት ከሚለግሱት ገንዘብ ነው። መንግስት ለሃይማኖት ተቋማት በጀት ለመመደብ አስቦ ነው? ወይስ ከአስራት በኩራትም ከሚሰበሰብ ገንዘብ ታክስ ለማስከፈል ታስቦ ነው? ጠቅላይ ሚኒስቴሩ ዛሬ በዋለው ፓርላማ ይህንን ተናግረዋል።👇👇👇

"የሃይማኖት ተቋማት የሌብነት ወንጀል እየተስፋፋባቸው ከመጡ ተቋማት መካከል ናቸው ያሉት ጠቅላይ ሚኒስትሩ፤ ከዚህ በኋላ የህግ ማዕቀፍ ተበጅቶ እያንዳንዱ የህዝብ ሃብት በትክክል መዋሉን ለማረገጋገጥ የሚያስችል የኦዲት ስርዓት ሊዘረጋ እንደሚገባ አሳስበዋል። በሁሉም ተቋማት ውስጥ የሚስተዋሉ መሰል የሌብነት ወንጀሎች በማጋለጥ እና ኃላፊነትን በንፁህነት በመወጣት ኢትዮጵያን መድረስ ከሚገባት የልእልና ደረጃ ላይ ማድረስ አንደሚገባም ተናግረዋል"

እኛም እንደ አንድ የቤተክርስቲያን ልጆች ትናንትም ዛሬም ነገም በእኛ ቤተክርስቲያን በኩል በራሱ በጠቅላይ ቤተክህነቱ የሚመራ ጠንካራ የኦዲት ክፍል መኖር አለበት የሚል ጠንካራ አቋም አለን። መንግስት ግን በቤተክርስቲያኒቱ ሀብትና ንብረት ላይ እጁን ማስገባት የለበትም።

ለበለጠ join 👇👇👇
🇨🇬🇨🇬🇨🇬 @ETHIOPIA_Hagerie

✅✅✅ @Afe_Werk