✍علي النائلي

يالي تسئل      گبري وين و ناشدت
             گبري مخفي    و انه ازورك لو ردت
                      من تسوي اقرايه  
                        اعتنيك اعنايه
                    و انه ازورك لو ردت
###############################
يالتريد  اتزور گبري  و هايه  كل  امنيتك
انت بس سويلي مجلس وانه اجيك البيتك
اعتبرني  بدارك  احضر  و اقبلت  تعزيتك
و  بسجل   خدام  فاطم   بالاسم   خليتك

                 وانتظرني     من بعد طول العمر
                  ثاني مره     راح ازورك بالكبر
                          اخذ مني احجايه
                             اعتنيك اعنايه
###############################
يالتريد   اتزور  گبري  عن  قرب  شمتاني
باب كل مجلس ضريحي وهذا هو امچاني
من   تطب   ال اي عزية   حاضرة   تلگاني
بدمعك اقرالي   الزيارة   و   العن  الاذاني

                  و لمصابي    اذكر و كسر الضلع
                   يمك اني     و  لكلامك   استمع
                            للعهد وفاية
                          اعتنيك اعناية
‏#####‎##########################
اعتني كل  المجالس  عهد  كاتبته   بدمه
ولو بده وگت المناحة گولو حضرت فاطمة
وياكم اسمعها النواعي و انه حيل امألمة
بچف اديه وي لطمكم اعله وجهي لاطمه


                  وي دمعكم      دمعي بالمجلس همل
                  و لو تعبتوا       انه   ارد   المستهل
                             من ترد  ويايه
                            اعتنيك اعنايه
###############################
ابد  لا  تنسوا  مصابي و انه ما انساكم
شيعتي احيوا عزائي  چف  علي  يرعاكم
من  ارض  طيبة  محمد  والدي  هالجاكم
و اثنعش معصوم حاضر هالمسية  وياكم


         بنتي زينب    حاضرة بهذا العزاء
        و الكفلها         شايل  بچفه  اللواء
                   فوگه رفت رايه
                    اعتنيك اعنايه
‏#####‎##########################
يالنويت اتقيم مجلس حٓسِب الها احسابك
الليلة ام عباس لازم  تسحك  اعله  اعتابك
العنده  حاجة خل يجيها وصي كل احبابك
هايه باب الله  الوسيعة گاعِدة  بصف  بابك

              
                  لو نخاها    من عليه ضاگ الفضى
                  بيده ياخذ    حاجته بطيبة و رضى
                         و انه اضمن هايه
                            اعتنيك اعناية
###############################
من تقيمون المجالس يشفى جرح  البيه
و الضلع ينجبر  كسره  بدكة  اللطمية
اتلاث روايات لمصابي مو قليلة  شوية
كون   كل  ليلية  مأتم   و العزه  يومية

          لاجل محسن      ذاك لضلوعي الحنه
           ريت مجلس       ينعقد  طول  السنه
                     كون ماله انهايه
                      اعتنيك اعنايه
###############################
علي حسين الكناني

#یــا_زهرا


نــصـــرخ ابــعــبـــره   بــالــگــلــب جــمـــره
الــضــلــعــچ وڪســره یــمـــّه یــالــزهـره

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
یــالــزچــیــّه آنــه الــحــســن یــمــّه فــتــحــي اعــیــونــچــ
تــڪســر الــخــاطــر تــصــب دمــعــتــي مــنــدونــچــ
بــعـــدچ ابــعــمـــر الـــورد مـــنــهو غــیـــّر لــونــچــ
گــومــي یــل ڪلـــّچ وفـــه عــیــلــِتــچ یــردونــچــ

گــومــي حــاچــیــنــي   ولــا تــیـــَتــمــیــنــي
شــمــعـــة اســنــیــنــي  یــمـــّه یــالــزهـره

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
طــحــتــي وایــدچ عــالــضــلــع وآنــه تــجــري ادمــوعــي
شــمــعــة الــبــیــت وطــفــوا یــمـــّه ڪل اشــمــوعــي
واســمــع ابــصــرخــة حــزن صــحــتــي آیــضــلــوعــي
فــضـــّه لــحــگــیــلــي ابــعــجــل خــفــفــّي مــن لــوعــي

فــضـــّه ســنـــدیــنــي  طـــایــح اجــنــیــنــي
تــجــري دم عــیــنــي  یــمـــّـه یــالــزهـره

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
عــمــرے ســبــع اســنــیــن أنــه والــمــصــیــبــه اگــبــالــي
تــنــضـــرب بــنــت الــنـــبــي الــزهـره اوّل تــالــي
هجــمــوا اعــلــیــهه ابــغـــدر حــرمـــه وبـــلــاوالــي
اشــبــیــدي وآنـــه ابــهالــعــمــر بــس دمــوعــي اتــلــالــي

اســـمــع اتــنــادي   بــویـــه یــالــهادي
ذایـــب افـــّادي   یــمـــّه یــالــزهـره

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
إلــحــرگ بــاب الــنــبــي بــیـــده یــســـطــر عــیــنــچــ
طــاغــي والــلــه یــلــعــَـنــه مــن ڪســر ضــلــعــیــنــچــ
عــالــجــنــیـــن و طــیــحــتـــه یــمـــّه الــلــه ایــعــیــنــچــ
امــن الــألــم ســـابــع ســمـــه یــنــصــدع لــونــیــنــچــ

مــن الــم ضــلــعــچ  دم یــصــب دمــعــچــ
ونــّتــے الــوضــعــچ   یــمـــّـه یــالــزهــره

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
ابــغــیـــبــة الــهادي الــنــبــي اوصــیــتـــه مــا راعــوهه
وابــرحــیــلـــه امــن الــبــچــي بــضــعــتـــه ایــمــنــعــوهه
یــنــچــتــف حــامــي الــحــمـــه وفــاطــمـــه ایــظــلــمــوهه
و بــالــیــتــم مـــن الــزغــر عـــیــلــتـــه ایــفــجــعــوهه

صــرنـــه ایــتــامــچ  نــجــرع آلــامــچــ
راحــت ایــامــچ   یــمـــّه یــالــزهـره

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
بــقــلــم الــرادود یــعــقــوب الــبــوغــبــیـــشــ

رحمة الله فاطمة رحمة الله
••••••••>>>
إسم فاطم حرز بيد المساكين
ومثل مجره الدمة بنص الشرايين
أنه بگلبي بقن ذني الچلمتين
يروح الكون فدوه لأم الاحسين

نزلت النه امن السمة .. رحمة الله
رحمة الله فاطمة .. رحمة الله
••••••••••••>>>
اشتريد امن الله ينطي بدون تأخير
عزيزه والعزيز اشيطلب ايصير
تره اللوح الحُفَظ كل المقادير
صدرها اللوح چي لاگه البسامير

سرها ربها الكاتمة .. رحمة الله
رحمة الله فاطمة .. رحمة الله
•••••••••••••>>>>>
اگلكم ليش باب الزهره مدفوع
لإن ساق العرش مبني امن الاضلوع
وعرفت ابنار بيت الزهره موضوع
على النار اشكثر متعوده الاشموع

وانچفه بچفها الدمة .. رحمة الله
رحمة الله فاطمة .. رحمة الله
•••••••••••>>>
أعرّف نفسي آنه البيه كسرة
أنه امي فاطمة الما عدها حظرة
أنه العنده قضية وحيل خطرة
البروحة خدر كّتاله نظرة

لازم احچي المظلمة .. رحمة الله
رحمة الله فاطمة .. رحمة الله
••••••••••••>>>>>
اگل لاهل السقيفة وللتعدة
الشائوا أَم أبَوْا زهرتنه وحدة
القتل أم وابنها اشلون ردة؟
اشلون اينام راسة اعله المخدة؟

نصبت الهم محكمة .. رحمة الله
رحمة الله فاطمة .. رحمة الله
•••••••••••>>>>
لليدافع عليهم كلمتي اتجيس
ولا ألتقي وياهم (جنة وابليس)
بشر رادت علي اويه الاول اتقيس
اشجاب الظلمة يم ضي الفوانيس؟

وادم اتحب العَمَة .. رحمة الله
رحمة الله فاطمة .. رحمة الله
•••••••••••••••
علي هادي الخزعلي

حزن وفراك.    وگلب مشتاك
وبعيده المكبره عليه
==========
يمه يالزهره انجوه گلبي بغيابج
كل مسيه اكعد وون وانعه لمصابج
يمه هالباب الذي سبب عذابج
حيل اذاني تره ياييمه بابج.
الفكد جتال.     يضّيْع اعيال
وبعيده المكبره عليه
==========
اني (روح) وانتي(هوه) لروحي جنتي
طاب ظلعج لوبعد وشلون صرتي
ديره من ديرة قهر من رحتي عفتي
اتركتي زينب يالزچيه شلون مَتّيْ
الحزن بسكوت.    سبب للموت
وبعيده المكبره عليه
==========
كون كبرج موبعيد ابروحي اضمه
حته تدريني من اكولن يمه يمه
غيبة الام للبنت يَحبَيبْه هضمه
اجري بس الباري ياييمه يعظمه
جرح بحساس.    يشيب الراس
وبعيده المكبره عليه
==========
اني اخاف من الكبر خافن يلچمچ
وحدج ياييمه حيدر ماهو يمچ
لسه ينزف يالزچيه يمه دمچ
والله لوبيدي انا بگلبي اضمچ
گلب لهفان      الحزن نيران
وبعيده المكبره عليه
==========
وداعة الله من مشيتي يم الحسين
شلتي من بيتي لجن من شلتي لاوين
صوت وني مااكطعه طول الاسنين
والمناحه بكل مسيه طور الإونين
گبرها ابعيد.      الگلب ميهيد
وبعيده المكبره عليه
==========
تمت ولله الحمد/المقصر مع الحسين
             ✍  علي النائی

بسم الله الرحمن الرحيم
اللهم صل على محمد وآل محمد
.....................................
العرف حيدر أمامه x نجه بيوم القيامه
من يكرب حسابه المرتضى يحظره
وطه والحسن وحسين والزهره
....................................
ما عرف سرك يحيدر غير ربك والرسول
والكمال البيك حارت منه أصحاب العقول
سيدي عن معجزاتك شرد أعدد شرد أكول
أبصدرك القرآن أنجمع x بيمينك الباب أنقلع
ونور الشمس رد ورجع x من غابت وصار الأفول
شعد شكتب يموﻻي x وهنه هواي وهواي
آدم من دعه بيك أنكشف ظره
وطه والحسن وحسين والزهره
..................................
كلها يوم الحشر توكف تنسأل عن الأمام
يومها تحجي الجوارح ما تنافق بالكﻻم
الصاح أبو الحسنين أمامي نجه وعداها بسﻻم
الواله علي حامي الحمه x بالحشر يلكه المرحمه
ﻻ نار تلهب ﻻ ضمه x أبجاه النبي وآله الكرام
يطب الجنه بالحال x بشفاعة طه والآل
حيدر ينطره من شدته أيعبره
وطه والحسن وحسبن والزهره
....................................
الواله أبو الحسنين حيدر فايز ومغفور ذنبه
لأن طاع الله ورسوله ومستقيم يصير دربه
والنكر حق الوﻻيه كافر وما عرف ربه
ما تنفعه صوم وصله x العاداك ياعكد الوله
والنار معدوده أله x ومن حميم يصير شربه
أعماله ما تفيده x خاسر كل رصيده
العاده المرتضى منه السمه تبره
وطه والحسن وحسين والزهره
...................................
كلمن أيعاديك حيدر داخل بجمع السقيفه
بالنسب مشكوك بأمره الجابته ﻻ مو شريفه
خل يفيده النكر عهده وبالدجل أصبح خليفه
ملعون يوكف بالحشر x ميزان أعماله صفر
دنياه كظاها بكفر x شيطانه وسوس له وحليفه
العاده حامي الجار x مصيره حطب للنار
لعين الما رضه حيدر ولي أمره
وطه والحسن وحسين والزهره
...................................
حيدر أبيوم القيامه واكف بصف شيعته
وياه سبطين الرساله وروح طه وبضعته
ما يخلون الموالي هناك وحده أبشدته
والنبي أيعاين مبتشر x للعايله بيوم الحشر
والمحب ذنبه منغفر x بياهله الجنه أتلكته
يعديها بسﻻمه x الشايل هالعﻻمه
ينادي ياعلي بكل شدته وعسره
وطه والحسن وحسين والزهره
....................................
سيدي أنت شفيعي من أودع دنيتي
يوم ﻻ ينفعني مالي ﻻ عيالي وصحبتي
عندي بس حبك يحيدر هو ذخري وعدتي
موﻻي لحظات الأجل x ياسيدي وخير العمل
بيك أرتجي وعندي أمل x تحظرني تكشف كربتي
يرحمه من السماوات x للأحياء وللأموات
يحامي الجار بيك الشيعه مفتخره
وطه والحسن وحسين والزهره
....................................
سيدي أرجه بدفنتي بتربتك أمن وأمان
عبدك وأنطر رحمتك يالولي وظلمه المكان
قبس من نورك يجيني وبيدك أشعر بالحنان
بأذن الله طه خولك x تقرير هالعالم ألك
ﻻ أنس ﻻ جن ﻻ ملك x والنار بأمرك والجنان
يمن لجل الرساله x ضحه ودمه ساله
الموالي أبدفنته حيدر يجي الكبره
وطه والحسن وحسين والزهره
العرف حيدر أمامه نجه بيوم القيامه
.....................................
لخادم آل البيت . عليهم الصﻻة والسﻻم .
عبد الكريم سيد سعد .نسألكم الدعاء وقراءة سورة الفاتحه قبلها الصﻻة على محمد وآل محمد

زینب سلام اللهِ علیها تمدح شجاعة ابالفضل العباس

عنوان القصیده:
وارث شجاعة علي


تنشدني عن کافلي وارث شجاعة علي

هاذ اهوا عباس هاذ اهوا عباس

🍂🍂🍂🍂🍂🍂🍂🍂
هاذه العضیــد ابالفضــل حادینه
مــن العده ندري الأخو یحمینـــه
لو هد علی الماي اونظرله ابعینـــه
ایجیب الفرات ابجربته او یروینه

خل یستمع عاذلـي
وارث شجاعة علي

هاذ اهوا عباس2
🍂🍂🍂🍂🍂🍂🍂🍂
ولله اونعـم وتخلّـدت صـولاتـه
یشهدلـه کـل العسکـر ابضرباتـه
سبعیــن الف مافتّـرو حمــلاتـه
مـن سیفـه ولینعـد بطل مافاته

زود اونعم هل ولي
وارث شجاعة علي

هاذ اهوا عباس2
🍂🍂🍂🍂🍂🍂🍂🍂
ادري شهم خله العساکر ترجف
موقف اله وبکربله ظل مشرف
قول وفعل وبعهـده لا مایخلف
غیر او رجوله ابداً فلا یتوصـف

ولبارزه مبتلــــــي
وارث شجاعة علي

هاذ اهوا عباس
🍂🍂🍂🍂🍂🍂🍂🍂
عباس ابوفاضـل کفو بخصاله
حیه العقیلـه او حیتـه بفعالــه
ضرب الروُس ابحملته یحلاله
حارس عضیده اوعیلته وعیاله


همنه الّي بي ینجلي
وارث شجاعة علــي

هاذ اهوا عباس2
🍂🍂🍂🍂🍂🍂🍂🍂
زینب تصد راعي العلـم ملهوفا
عطر الوصي منه یفوح اتشوفا
مستره بیــه او ماتریـد اتعوفـا
عدهه خبر بلطف تطیح اچفوفا

وحي وخبر عاجلي
وارث شجاعة علي

هاذ اهوا عباس2
🍂🍂🍂🍂🍂🍂🍂🍂
بحمایتک خویه الحرم ولعیله
الیگرب ثنیتک یا بطل یاویلـه
یلخوتک صـارت تعـدل المیله
وحــي الوفاء ابکربلــه تنزیله

متکفل ابمحملـــي
وارث شجاعة علي

هاذ اهوا عباس2
🍂🍂🍂🍂🍂🍂🍂🍂

حمید خنفري
مسعود النصاري

:
مرت سنينك عليه وما نسيتك لحظه وحده
اهنا كعدنه هنا شربنه هنا من جنه سويه
اه يخويه اه يخويه.💔 شكد الك مشتاك خويه

اناس محتفله يخويه  وانه انظر صورتك
هل أجت راس السنه كمت اشمن ريحتك
صورتك متروح مني بكلبي ضلت صورتك
خويه يا توفيق ردلي گلبي حن الشوفتك

يسئل مجانك عليك.     شنهو صاير انته بيك
  اه يخويه اه يخويه. شكد الك مشتاك خويه

لحظه كل ماشوف اخوتك يحظر بكلبي الحنان
تذكرت من جاني خويه خبر موتك بالمجان
  ابد ما لحظه نسيتك ولا نسيت انه الزمان
شلون من جنه  سوه شلون طعم الخوه جان

گلي خويه شلون انسه  الهسه عايش كلشي بيه
اه يخويه اه يخويه.     شكد الك مشتاك خويه

  وين يلرحت وعفتني وجنت كل ضني ترد
يل خذينه عهد احنه. ما يفرقنه  احد
لاجن الموت اقوة منه فرق الاخوه بحسد
يهنيالك يل حبيب رحت يم ربك سعيد

هاي انت الي تريد .   تموت ياخويه شهيد
اه يخويه اه يخويه. شكد الك مشتاك خويه

اخ من اصرخ يخويه تطلع الكلمه اشتريد
  من يعيل الزمن بيه افتخر عندي عضيد
مثل خوت ابو فاضل باعهه الدنيه اليزيد
كون أخوه حسين سالم ما يهم ذبح الوريد

ولا يهمني الشمر جاد  يساوم بذبحتك راد
اه يخويه اه يخويه.      شكد الك مشتاك خويه

هاذي ثاني سنه تمر وانت ما مريت خويه
راح اجيب الشمع يمك نحتفل كلنه سويه
وكتب بدمع العيون يا شهيد الحشد انته
ومك تردد وراي عفيه ببني البطل عفيه

كوم سولفلي يخويه. كوم رد حيلي عليه
اه يخويه اه يخويه.   شمد الك مشتاك خويه

اخ لو مرني خيالك بالحلم انه أبجي سكته
ساعد الله ام الشهيد  الفاكده اربعه وسته
ربي من. صبر العقيله وفاطمه  نزله اله
  انتي يا مركز الجنه وصار عنوان الج بيه

افتخري يا ام النحبه   اليوم عنوانج شريفه
اه يخويه اه يخويه.    شكد الك مشتاك خويه

تم بعون الله والحسين.

يهدا هذا العمل الروح كل شيهد في الحشد المقدس وبلخصوص الى روح  الشهيد السعيد  توفيق

خادمة امير المؤمنين والزهراء عليهم السلام ✏ام علي

☆●

نعي وابوذيه  للحباب

اريد ابݘي عليهم حيل ونهار
وغرك بالبواݘي شطوط ونهار
ونوحن من يجيني اليل ونهار
على احبابي الصفوحدرالوطيه
*****
خلص ڰلبي على الي راح ماعاد
خذاه ا لموت غفله و بعد ماعاد
زماني ويه الااودهم ليش ماعاد
   جفو ني وخلو النير ان بيه
****
   روحي گضت والحيل نحلان
   ويسوه البݘي عليكم يلحنان
   شعاجلكم على نومت التربان
   ***
    شعاجلكم على نوم الوطيه
    كتلني الهضم  و شلون بيه
    وبعد شيعو د طبتكم عليه
     ***
    
      ليش النودهم فارگونه
     وشالو اهلنه وطشرونه
     وبالگبر نامو مايجونه
     *
    با لگبرعد نه شكثر غا لين
   يهل المحنه ولحجي الزين
   شمالݘ يروحي بس تلوجين
  ***
  بقلم الملايه هاله الامين



#الناشرالحسيني_حسين_جاسم_الطائي

ابوذيه

رايح  ياحبيب الروح.     هاوين
ابجيك بدمع لو نوح.     ها ون
علي اني وطحت مابين هاوين
اطفي النار لو اشيل الزجيه
ْ
✍خـادم الـزهراء ع
الملا احمد السالمي
*-----------------*-------------------*