بصوت. مسلم المطيري

نعي للحسين ع

قريض

مررتُ على قبـرِ الحسينِ بكربلا=

ففاضَ عليهِ منْ دُمـوعِي غزيرُها

فما زلتُ أرثيـهِ وأبكي لشـجوهِ=

ويسـعـدُ عيني دمعُهــا وزفيرُها


نعي

عليه ابجن دمه وهلن يالعيون
لطم عله الراس والدك عالمتون
هذا حسين هل جدم بالظعون
وجايب عليته وامخدراته

جاب العزيزه وجاي بيها
وعيونه دمه اصبن عليها
اختي الغاليه اوين اوديها
ضل محتار بعياله وخواته
........

هاي ام الخدر ومدللتنه
تشبع هظم لوعنها رحنه
وتحتار بالعيله وحرمنه
وينام عنها الطيبه ذاته
.........
يغفه واينام عله الشريعه
وبلاولي ايخلي الوديعه
ويضيعن خواته شلون ضيعه

ويضلن يتامه مدللاته



ابوذيه


وحك عباس واجفوفه وعينه
على حبج يبت حيدر وعينه
تمنيت احضر امصابج واعينه
وادك وياج عالضلو رميه

ام زينب كربلاء

ياابو صالح دنيا ما بيه امل
ياابو صالح خلص وياك الاجل

انته وينك ..انته وينك
✿────↻✿...✿↺────✿
✿────↻✿...✿↺────✿
خلصت ايامي بقهر وانه انتظر
شوكي الك محتار وتعده الصبر
انته حاضر انته غايب من امر
دوم اسال انته وينك يافخر

"★ياابو صالح اني رددت العجل★"
"★ياابوصالح خلص وياك الاجل★"
انت وينك ...انت وينك
✍ام فاطمة الشويلي
✿────↻✿...✿↺────✿
اه يغايب حيل طولت الغياب
وانه اعتب حتى ملاني العتاب
گلبي شمعة ومن غيابك والله ذاب
دمعتي دمعة يتيم بلا ثياب

"★ياابو صالح انته ناسي والاهل★"
"★ياابو صالح خلص وياك الاجل★"
انت وينك ..... انت وينك

✍باقر جبار الشويلي
✿────↻✿...✿↺────✿
شبهوك بيوسف وحاير شگول
حتى يوسف رد قميصه يالبتول
وانت قصتك حيرت كل العقول
ياغريب الغربه صعبة بلا حلول

"★ياابوصالح انت ياخير العمل★"
"★ياابوصالح خلص وياك الاجل★"

انت وينك .....انت وينك
✍باقر جبار الشويلي
✿────↻✿...✿↺────✿
ارد اسألك دمعة بعيوني وحچي
اسمع يگولون للمذنب تجي
انه فشلان وعلي شابع بچي
انه مذنب بس اتوبن ارتجي

"★ياابو صالح والله كاتلني الخجل★"
"★ياابوصالح خلص وياك الاجل★"

انت وينك........انت وينك
✍باقر جبار الشويلي
✿────↻✿...✿↺────✿
حارت بقلمي القوافي وتنعصر
كتبت العجل بحسرة وتنكسر
يمته اكتب بالظهور وللنصر
ويحظر الغايب وگليبي انكسر

"★ياابو صالح بيدك تسجل السجل★"
"★ياابوصالح خلص وياك الاجل★"
انت وينك ........انت وينك
✍باقر جبار الشويلي


https://www.tg-me.com/joinchat-AAAAAEXfC0WTgXR6jaIf6w


🔮 قناة تهتم بنشر القصائد و الألحان


@Ahbabalzahrae1

#خدمتكم شرف لنا

قصيده مقدمة مجلس للخدمه

يالرايد قبولك ميّه بالميّه
اخدم للامام بخالص النيّه
*

باچر بالقيامه ينصب ميزان
ميّفيدك تره فلان وكلام فلان
اليفيدك بس حُسين وخدمته البرهان
يخلصك من جهنم نار محشيّه
*

صيتك لو كبر لا تنغر بصيتك
لتراب الگبر والدود تاليتك
المهم گلبك يخادم والمهم نيتك
بالك تنغر بدنياك مگضيّه
*

لا تبعد يخادم عن ابوالاكبر
عمرك خلّصه كلّه بخدمت المنبر
بالك بالمجالس مرّه تتكبّر
حسين يگلّك اطلع لا ترد ليّه
*

حسين يريد خادم يقره عالفطره
ما يتعجّب بنفسه اذا يقره
كون يبچّي ناسه ويسچب العبره
وكون ام الحسن تبچي لنواعيّه
*

من حمزه الزغيّر سيّد اليقرون
روح اسمع قصيدة ( گلّي يالميمون )
اكيد بهالقصيده تفهم المضمون
قراها بفطرته ونبرات قدسيّه
*

نتعلّم شعائرنه بشهر عاشور
من عبدالرضا ومن كاظم المنظور
خَطّوا للشعائر واللطم دستور
قصائدهم بقت للآن مقريّه
***

بحسين التزمنه وتشهد ايّامه
حاشه حسين ينسه هناك خدّامه
كل خادم يخدمه ياخذ اوسامه
اليوسمه حسين ثق للجنّة تاليّه

سيد زيد الفحام

https://www.tg-me.com/joinchat-AAAAAEXfC0WTgXR6jaIf6w


🔮 قناة تهتم بنشر القصائد و الألحان


@Ahbabalzahrae1

#خدمتكم شرف لنا

بصوت. مسلم المطيري

لیالی‌الفرح یا عباس راحات

عگبک ماشفت‌یحسین‌را‌‌حات

بگت‌تطحن‌وسط‌الگلب‌راحات

یوم اللی‌عفت جسمک رمیه

شیخ ناصرغبیشاوی

شور
…
موگتلي احبچ غير تاخذني
من دون البنيات عايفني
انه العليله بويه.. انه العليله
…… ..
فرگت الوالد مصيبه عالبنت كلش ثگيله
عمري ذاك الماحسبته گمت اعدن ليله ليله
فوگ الهموم وكسرتي عايف ابنيتك عليله
كلشي اتحمل يبويه بس غيابك مالي حيله

حيلي بفرگتك بويه مهدوم. مابيه گوم شلون ماگوم
تدري ابغيابك حيل تعبني
من دون البنيات عايفني
انه العليله بويه.. انه العليله
……
كلمن يحضر غراظه وانه روحي حضرتها
كل دموع وكل بواچي الدنيا لجلك جمعتها
چلمة الاخ ابرحيلك من ليالي الون جبتها
شوغه شوغه من النوايب والمصايب لملمتها

عميه بغيابك كلشي ماشوف.لون التحبه ابوجهي مخطوف
زغيره وزماني اعليك شيبني
من دون البنيات عايفني
انه العليله بويه.. انه العليله
…… .
وين ماعاين اشوفك مااعاين هم اشوفك
ياهوه الريه وغلاته لو عفتني شلون اعوفك
بيني ومابيني اسولف واعتذر واعذر ضروفك
بحايط الغرفه رسمتك صوره كل ليله اطوفك

واتخيلك تحظني بهداي. انته الطبيب العلتي والداي
ادري عفتني لاكن تحبني
من دون البنيات عايفني
انه العليله بويه.. انه العليله
……
وحشه بالدار وغريبه والاهل كلهم جفوني
علگت عيني ابدربهم راحوا ابعيد ونسوني
انه ذيچ انه العليله الكلهم اهلي فارگوني
ميته من يوم المشيتوا وبسفرهم موتوني

ماصح طبيب يداوي الجروح. بويه ابطلعتك طلعت الروح
بويه عليك الزهره جاوبني
من دون البنيات عايفني
انه العليله بويه.. انه العليله
…… ..
ليلة الفرگه چبيره ابنيه بالدار وغريبه
مايخلص ليلي گوه صاير ابكبر المصيبه
صوتك الكلساع اسمعه اتگلي يابابا الحبيبه
اسمع الدار ابعبرتي اتگلي ابوچ منين اجيبه

ليليه اطيح بداخل الدار. لامن مظيف ولاكو خطار
بويه رحيلك والله عذبني
من دون البنيات عايفني
انه العليله بويه.. انه العليله
……
علي الحاج الصبيحاوي



https://www.tg-me.com/joinchat-AAAAAEXfC0WTgXR6jaIf6w


🔮 قناة تهتم بنشر القصائد و الألحان


@Ahbabalzahrae1

#خدمتكم شرف لنا

بصوت. مسلم المطيري

أمّا ندري يسير الضـعـن .. ون وين
سبونه وصـعدونه الأبل .. ون ون
مايرضون نجري الدمع .. ون وين
أذا نبچي الشمر يرفس رقيه

فاخر علي الشبيبي

هاك يا ساعي البريد اجروحي
واخذ مكتوبي الكتبته ابروحي
واشرحت عذابي...الوالدي ابكتابي
الكتبته ابروحي

هاك ياساعي البريد اجروح واعتاب
واخذ مكتوبي الكتبته ابدمع سچاب
من تشوف حسين ابوي ايبوس الكتاب
هاي معناهه عرف شمسوي الغياب
هالرساله روحي كلهه اوياهه
يعني راح ايشمهه من يقراهه
وضَّحِت عِتابي...الوالدي ابكتابي
الكتبته ابروحي

من تشوف حسين يقره اكتابي وايميل
هاي معناهه عرف ماضل بعد حيل
گتله مهظومه يبويه ودمعتي اتسيل
والله مشتاگه الحنانك من يجي الليل
عمي يعرابي أريد اكتابي
يوصل ابأسرع وقت لحبابي
بَيَّنِت مصابي...الوالدي ابكتابي
الكتبته ابروحي

بلله جِد بالسِّير يعرابي المَحَلهُم
واعتني ابهِمَّه الهَلي ولمَّن تِصَلهُم
اهواي سلملي عليهم لچن گِلهُم
هالعليله ادگول يمته ايرد شَمِلهُم
هالشَّمِل لِيَمَت يرد لَوْطاني
والله ملهوفه اعله شوف اخواني
امناطره اعله بابي...الوالدي ابكتابي
الكتبته ابروحي

آنه اطيب امن المرض ومن الأذيه
من اشوفنهم هَلي رَدَّوْ عليه
أنسه كلشي وترجع البسمه إليه
من اشوف ابعيني عبدالله ورقيه
ايطيب جرحي وتنتهي آلآمي
وينجلي هَمِّي وعذاب ايَّامي
وحزني واكتئابي...الوالدي ابكتابي
الكتبته ابروحي

راح ابوي وراحت امي وكل اخوتي
عمي من كثر البواچي انگطع صوتي
ابكسرة الخاطر دعيت الله ابقنوتي
لو هلي ايردُّون لو أتمنه موتي
گلبي خايف ما يرد احسيني
لو صدگ كون الأجل يلفيني
واحسَبِت حِسَابي...الوالدي ابكتابي
الكتبته ابروحي

سيد علي الموسوي


https://www.tg-me.com/joinchat-AAAAAEXfC0WTgXR6jaIf6w


🔮 قناة تهتم بنشر القصائد و الألحان


@Ahbabalzahrae1

#خدمتكم شرف لنا

بصوت. مسلم المطيري

ابو ذيه بحق زينب عليها السلام


اجه الليل بضعن زينب وجنها
وسوالف مرن عليها واجنها
الدمع مثل الجمر يجوي وجنها
على اخوتها وعلى سكنه ورقيه

شماله الدهر زينب جن عليها
بخرابه وليل موحش جن عليها
وجثيرات المصايب جن عليها
مصيبات اليسر والغاضريه

على زينب يدورن ظيم هم هم
بقتلها الطاغي حين الحجت هم هم
بجت من ذكرت الميمون هم هم
وصاح حسين طاح اعله الوطيه


ابو ذيه بحق رقيه عليها السلام

الجمر يجوي برقيه من اداها
تصيح وصدى يرجع من نداها
تبلل رأس أبوها من نداها
وكظت فوكه وهي تبجي رقيه


ابو ذيه بحق عبد الله الرضيع

تهيج جروحي من اذكر طفلهم
ابدور اشجم كمر بالطف طفلهم
ركد حيلي لمن أسمع طفلهم
انذبح من النحر بيدين أبيه

محمد دعبل النوري

نون وياج زينب من تونين

.....

ياسلطانه يابت السلاطين

شعندج عالترب لمن تدنكين

ترجية رقيه هم تدورين

غصبن عالهزل لازم تركبين

جاوين الكفاله والمكفلين

عفتي احباب كلبج بالميادين

ظلو بالشمس والحر مطاعين

وين شبول هاشم والميامين

ليش الوحدج يالحره تمشين

بهدومج اثر حرك الصواوين

جاعباس وين وين الحسين

بس نوح اليتامه والنسواين

يادمعه التكفي من تواسين

حكج لو بياض العين تبجين

ننوح وياج وبحركه تنوحين

يالدربج خطر مالحظه تغفين

موكب لخوتج يمن تنصبين

من فوك الهزل لطميه تقرين

لحسين ومصابه بدمعه تنعين

وتلتم اعله صوتج بالملايين

وياعباس خويه شكد تصيحين

شوف اسياط خصمك اثرن وين

فوك من العبي ظلن نياشين

لسعات السياط وطكت البين

.....

علي الحاج الصبيحاوي


https://www.tg-me.com/joinchat-AAAAAEXfC0WTgXR6jaIf6w


🔮 قناة تهتم بنشر القصائد و الألحان


@Ahbabalzahrae1

#خدمتكم شرف لنا

نون وياچ زينب من تونين



الشاعر علي الحاج الصبيحاوي

بصوت.( مسلم المطيري)

زينب تنسبي
متروبه العبي
والحادي اجنبي
حسين
امشي بيا درب
من بعد الحرب
وانرافك غرب
حسين

وسفه شلون تالي الغربة تسبيني
ومن حرك الخيم دخان طب عيني
يا وسفه الشمر ياخويه يحديني

شلون انسبي وانا أميرة
يا وسفه امشي بلا عشيرة
اتحيرت يابن أمي حيرة
****
ياويلي حرام
حركوها الخيام
شو تاليها شام
حسين
يتلاله الدمع
عالخد جن شمع
صرت بيا وضع
حسين

عجيبة اشلون صارت منك اخذوني
بضربهم تدري زركه جفوفي و امتوني
عكب هودج عفافي بهزلة صعدوني

بس غمضت صرت الغريبه
امشي بيسر هاي المصيبه
ظلت وسف جثتك سليبة
****
خويه اتعذبت؟
ماي ومشربت
يابن امي ضعت
حسين
بالبر ما انام
ما عندي خيام
ودموعي كلام
حسين

دارت و الوكت ضيعنه ياظامي
جنت مدللة ويا محله ايامي
وهسه اعله الهزل واجناب كدامي


مكيوده يلي دللوها
هضموها من ذبحو اخوها
كبال الخلك وسفة اضربوها
****
الشامت يمر
ودموعي حمر
هاظمني الشمر
حسين
وانت بكربله
نايم بالفله
وانا بهازله
حسين

بديون الغرب يا وسف دخلوني
وراسك بطشت ضربوك واذوني
يا وسفه بخدر هاشم يذكروني

وكفت مرة بين الاجانب
والناظر اعله خوتها ذايب
فوك الرمح روس الحبايب
****
علي صباح المنصوري



https://www.tg-me.com/joinchat-AAAAAEXfC0WTgXR6jaIf6w


🔮 قناة تهتم بنشر القصائد و الألحان


@Ahbabalzahrae1

#خدمتكم شرف لنا

زينب تنسبي. متروبه العبي



كلمات الشاعر
علي صباح المنصوري

بصوت.( مسلم المطيري)

*موضوع المحاضره ؛ الأمر بلمعروف و النهي عن المنكر*

*📚تنظيم المحاضره : أم سيد جواد الموسوي(عطايى)*
*لا يسمح شرعا بإزالة الإسم أو طبع المحاضره للبيع*⛔
~~
بسم الله الرحمن الرحيم
والحمدولله رب العالمين و صل الله على سيدنا و نبينا العبد المؤيد و الرسول المسدد المصطفى الأمجد ابالقاسم محمد و على آل بيته الطيبين الطاهرين المعصومين
قال الله عزو جل في كتابه الكريم *وَلْتَكُنْ مِنكُم أُمَّةٌ يَدْعُونَ إلَى الْخَيْرِ وَ يَأْمُرُونَ بِالْمَعْرُوفِ وَ يَنْهَوْنَ عَنِ الْمُنْكَر وَ أُولئكَ هُمُ المُفلِحُون* 1
فإن الأمر بلمعروف و النهي عن المنكر ، أي ؛ أمرَ الناس و نصحهم بفعل ما أوجب الله عليهم و نهيهم عن المعاصي و نصحهم بإجتنابها و البُعد عن أهلها و دعاتها
و أن منزلة من يأمرون الناس بلمعروف و ينهونهم عن المنكر عند الله عز وجل ، لعظيمة و عاليه فهُمُ المفلحون عند الله و هم من صالحي عباده و خير الناس ..
و أيضا في قوله تعالى *والمؤمنونَ و المُؤمنات بَعْضُهُمْ أولياءُ بَعض يأمُرُونَ بالمعروف و يَنْهَوْن عَنِ المُنكر و يقيمون الصلاة و يؤتون الزَّكاة* 2
قدَّم سبحانه واجب الأمر بلمعروف و النهي عن المنكر على إقام الصلاة مع أن الصلاة عمود الدين و هي أعظم الأركان بعد الشهادتين ، لعظم الحاجه إليه و شدّة الضروره إلى القيام بهِ و لأن بتحقيقه تصلح الأمه و يكثر فيها الخير و تظهر فيها الفضائل و تختفي منها الرذائل و تقام فيها الصلوات و يحافظ عليها.
نعم أيها الأحبه ، وجوب الأمر بلمعروف و النهي عن المنكر على عموم المكلفين ذكوراً و إناثاً بقدر استطاعتهم *كما قال رسول الله صل الله عليه و أله و سلم ؛ من رَأى منكم مُنكراً فَلْيُغَيَّرْهُ بِيَدهِ ، فإن لَم يستطيع فَبلسانهِ ، فإن لم يستطيع فَبِقلبهِ و في روايه أن ذلك أضعف الإيمان* 3
فقوله صل الله عليه و أله و سلم ، من رأى منكم منكرا فليغيره ؛ و هي من صيغ العموم فتعُم كلَّ من رأى المنكر ، يجب عليه أن يغيره بحسب استطاعته

و بحديث أخر من الرسول الأكرم صل الله عليه و أله و سلم قال ؛ *لا تزالُ أُمتي بخيرٍ ما أمَرو بلمعروف و نهو عن المنكر و تعاونو على البّر و التقوى ، فإذا لَم يفعلو ذلك نُزعت منهم البركات و سُلّط بعضهم على بعض و لم يكن لهم ناصرٌ في الأرض و لا في السماء* 4
يتضح لنا من خلال هذه الأيات الكريمه و الاحاديث الشريفه بأن الأمر بلمعروف و النهي عن المنكر فريضتان واجبتان على كل مؤمن و مؤمنه ، و مع ترك هذين الفريضتين تُعاقب الأمه على نحو الذي جاء في الحديث
الرسول صل الله عليه و أله و سلم بذل جهده و سعى سعيه و أوذي في طريق هداية الأمة الجاهله التي كانت تعيش الضياع و الضلاله حتى أتمّ رسالة ربه عزوجل و أخرج الأمة من الظلمات إلى النور
و لكن الناس ضعفاء النفوس ، فَبَعد ارتحال النبي صل الله عليه و أله و سلم أنقلبت على الأعقاب ، انحرف الإسلام و الشريعه فقدت ظاهرها و باطنها ، و الناس تركو الأمر بلمعروف و النهي عن المنكر و كما أشار النبي ص
نُزعت البركات من الأمه و بني اميه لزمت ولاية الناس و غيّرو الموازين و الأحكام
نعم ، في زمن الإمام الحسين عليه السلام سلط الله على الأمه سلطاناً جائراً ، فاجرا ، شاربا للخمر ، يعملُ بالشبهات و يسيرُ في الشهوات ، فالناس صارو ضعفاء بين أيدي الجبابره
بين مستعبدٍ مقهور و بين مستضعفٍ على معيشته و عاشو الذُّل و الهوان و كل ذلك ممّا أمرهم الله به من النهي و التناهي و هُم عنه غافلون

*فنهض الإمام الحسين عليه السلام ليدافع عن الشريعه السماويه و عن دين جده الذي تمّ سحقه من قِبَل القوم بكل أبعاده الظاهريه و الباطنيه*
*قام الحسين عليه السلام حامل راية مقارعة الظلم ، و الأمر بلمعروف و النهي عن المنكر و الجهاد في سبيل الله ، تنفيذا لأمره عزوجل و إعلاء كلمته*

فترك دياره و أخذ أهل بيته قاصدا أرض العراق
لكن بأي حال ترك المدينه....
شلون حال بیت النبوه عند الوداااع😭

*نعي*
عله بيت النبوه اتحزم الكون
بين فراك وهموم ومصيبه
خطوتهم جرح لمن يشيلون
ودموع الوداع شكد عجيبه
قرءان ايترتل بين الظعون
بيه صوت اختنك من كد نحيبه
جلمات العتب صارت بالعيون
لحظات الوداع شكد رهيبه
منواهم صبح لازم يرحلون
وكلب حسين يم طه حبيبه
........
تركب هالظعن من اه من هم
زلم حته المنايه اتلوذ منهم
يهل تنشد تريد تكول منهم
هذوله اشبول حيدر والزجيه
.........
علي الحاج الصبيحاوي

*المصادر*👇🏻

1 سورة آل عمران أية 104
2 سورة التوبه أية 71
3 جامع أحاديث الشيعه السيد البروجردي ج 1 ص 398
4 وسائل الشيعه ج 11 ص 398


https://www.tg-me.com/joinchat-AAAAAEXfC0WTgXR6jaIf6w


🔮 قناة تهتم بنشر القصائد و الألحان


@Ahbabalzahrae1

#خدمتكم شرف لنا

قصيده ثكيله للعليله
=====================


خلوني بالديران واني العليله
وانتي عليهم دوم ونه طويله
شالو هلي وخلوني // وبحزني هل عافوني
وانه العليله
☆☆☆☆☆☆☆☆☆☆☆

خلوني بالديران ليش انه وحدي
حمل اضعونه وراح وايدي ع خدي
شفت الضعن من راح بضعونه يحدي
خذوني اريد وياكم // مكدر عله فركاكم
انه العليله
☆☆☆☆☆☆☆☆☆☆☆

خذوني هلي وياكم شنهو تخسرون
انه انتجي عله الباب وانتم تحملون
صدكني بويه حسين راحت يالعيون
شفت الضعن حملتوه // وضعني ماخذيتوه
وانه العليله
☆☆☆☆☆☆☆☆☆☆☆


شفت الضعن خذيتوه وانه خليتوني
بويه مريضه تدرون بجيتولي عيوني
شنو الفرق بويه ليش بس انه ماخذتوني
اخذوني ويه الضعون // بويه يلا تحملون
وانه العليله
☆☆☆☆☆☆☆☆☆☆☆



اخذوني ويه الضعون داري وحشه باليل
اه يابويه حسين دمعي اي والله يسيل
لوشلت وحدي باليل خاف من ضعني يميل
اتبع ضعنكم باليل // بويه ودمعي يسيل
وانه العليله
☆☆☆☆☆☆☆☆☆☆

اتبع ضعنكم باليل اخذو وياكم فاطمه
انه مريضه تدرون جروح بيه مئلمه
اريد يابويه بصوت تبجي وياي السمه
فاطمه اتبجي بنوح// سمعو كلبهه المجروح
وانه العليله
☆☆☆☆☆☆☆☆☆

“:
“:
تـــــمـت والحمـــــدللـــه
✍الشــــاعره ام حـــوراء الاسدی

واسالکم الدعاء🌷🌷🌷
شرعا"لایجوز حذف اسم خادمةاهل البیت علیـــــــهـم الســــــلامـــ
========================

https://www.tg-me.com/joinchat-AAAAAEXfC0WTgXR6jaIf6w


🔮 قناة تهتم بنشر القصائد و الألحان


@Ahbabalzahrae1

#خدمتكم شرف لنا

قصيده وزن الفائزي
---------------
يادار اهلنه الحملوا ماضن يردون
واليفگد احبابه سوه بفرگاهم شلون
---------------
الدار بفراگ الأهل وحشه ومظلمه
طبيت للبيت وصحت وينج ييمــــــه
ومجان حيدر ياوسف گلبي يلجمـــه
فاطمه وحيدر حملوا ماضن يرجعون
✍️الشاعره ام وليد الموسوي

——————————
دار الاهل هاليـــوم. وحشه وخليه
لا امي بيـــها انشوف لا والــي ليه
گمت اسجب العبرات لهل الحميه
ابقى ابحزن للموت. واعميها العيون

*🖋ام كرار الطائيه *
—————————-
أبقى بحزن للدوم ودموعي تجري
بعد المشو لبعيد مااريده عمري
ظليت ادك عالراح منك يدهري

عيني تصد عالباب بلكي أهلي يلفون

✍️أم نور الزهراء الزينبيه
—————————
فاطمه وحيدر مشوا اوماردو النه
كلبي يدور ي اهلي البيهم محنه
شبساع طشرنه الوكت وابعد ضعنه
ماظن يعود. النه الدهر واهلي يحنون

✍🏻ام عبد الله العابدي
————————————
طبيت دار اهلي وشفت غاطيها التراب
ظهري انحنه ياناس من عظم المصاب
دمعي دمه الفگد الاهل صب فوگ العتاب
شالو طبگ وسفه الاهل عني ميدرون

✍️ام عدنان سياحي
————————
ابگه ابحزن ياناس هــاي الـمسيـه
بفكد الحبيب اشلون بعــدك اذيــه
بعدك يبو الحسنين اضلوعي حــنيه
راحو احباب الروح ماضن يعودون

ام عبد الله السراي
—————————-
انا الشفت دارين وحشه عليه
دار الزچیه ذيج اشعملته بيه
شبت الگلبي نار لسه سريــــه
اودار الأبو ياناس لالا تنشدون
✍️الشاعر فالح العامري
———————————-
تمــ بحمدالله ـــت
باقــــ✍ــلام خدام اهل البيت عليهم السلام
باشراف الاستاذ الشاعر فالح العامري
في رابطه مسلم بن عقيل
23رمضان
1441هـ
17/5/2020
نسالكم الدعاء🙏🏻



https://www.tg-me.com/joinchat-AAAAAEXfC0WTgXR6jaIf6w


🔮 قناة تهتم بنشر القصائد و الألحان


@Ahbabalzahrae1

#خدمتكم شرف لنا

فاطمة العليلة سلام الله عليها 1
_ - _ - _

ما ارد اموت بعلتي وكثر الونين
خليني اموتن بالسبي بويه حسين

امشي واطيح بسمك اصيح
بويه حسين

- - - - - - - - - - - - - - - - - - - - -

بوية خليني أعلى بالك من تسافر
ارد اروح وياك لا تكسرلي خاطر
وي رقيه أمشي واطيحن يوم عاشر
واصبغ امتوني من ادموم المناحر

أركض بين الخيم اسحگ جمر
ويه زينب حايره بدرب اليسر

ومتني جريح بسمك اصيح
بويه حسين

- - - - - - - - - - - - - - - - - - - - -

صح عليلة وروحي ذبلانه ابألمها
بس تهاجر روحي تطلع من جسمها
بوية خذني وياك كل علتي اضمها
افرش امصلايتك و ارجع ألمها

بمشيتك تترك عليلة للالم
خلني اموتن وسط دخان الخيم

ودمعي يسيح بسمك اصيح
بويه حسين

- - - - - - - - - - - - - - - - - - -

لا تخليني بدمعتي و الهجر
بعد عينك ما يظل ليه عمر
موتي يكرب والكلب وسطه جمر
ابقى وانه بلهفتي يمتى تمر

حفرت اعلى الخد تجاعيد الدموع
بعتبة الباب انتظر و اعلك شموع

بموتي استريح بسمك اصيح
بويه حسين

- - - - - - - - - - - - - - - - - - - - -

عكب ما تمشي احفر البنتك لحد
خلني من هسه المنيتي إستعد
مو قليلة حسرة الفاكد ورد
ياهو بعدك ينظر اعليه و يصد

الهجر بعدك ياكل بعمري سنين
حالي عگبك يصفى للون و الونين

حال الذبيح بسمك اصيح
بويه حسين

- - - - - - - - - - - - - - - - - - - - -

من وصلت الكربله اتراوت جروح
جن شفت راس الرمح شايله روح
جن يتامه بلايه واليها تنوح
هذا ابويه حسين دم نحره يلوح

تالي ابن حذلم ينادي بالدمع
حسينكم يا اهل يثرب منصرع

جسمه طريح بسمك اصيح
بويه حسين





كلمات / حسين أحمد الأمين

https://www.tg-me.com/joinchat-AAAAAEXfC0WTgXR6jaIf6w


🔮 قناة تهتم بنشر القصائد و الألحان


@Ahbabalzahrae1

#خدمتكم شرف لنا

العليله

فارگوني احباب گلبي«»«»«»ليه رجعهم يربي
فارگوني فارگوني«»«»«»فارگوني فارگوني
«»«»«»«»«»«»«»«»«»«»
غافيه اعيوني ابمنامي،،،وفزت الصوت الرحيل
وبالظعن طوح الحادي،،،الكربله ناوي يشيل
صحت وياكم اخذوني،،،والدمع مني يسيل
يالسفركم هدم حيلي،،،والعليله ابلايه حيل
،من المرض نحلان جسمي«»«»«»والعليله صار اسمي
،،ودعوني ودعوني«»«»«»فاركوني فارگوني،،1
«»«»«»«»«»«»«»«»«»«»
ليش عفتوني غريبه،،،ودمعتي عالخد تفوح
فوگ العله هجركم،،،وزادت اجروحي جروح
راحت اسكينه ورقيه،،،و ليش اني ما اروح
اغيابكم يصعب عليه،،، عليكم ابقى بس انوح
،ليلي يگضي بالمدامع«»«»«»وبيه اتهيج المواجع،
،،ما يجوني مايجوني«»«»«»فارگوني فارگوني،،2
«»«»«»«»«»«»«»«»«»«»
شيعت صبري بعدهم،،،والصبر مني انطوه
من شفت عباس عمي،،،شايل ابجفه اللوه
اشكد ترجيت اخذني،،،اوياك عمي النينوى
ورحت يم حسين ابويه،،،وخدي ابدمعي انجوه
،راحو احبابي من أديه«»«»«»سافرو لرض المنيه،
،،اتعذروني اتعذروني«»«»«»فارگوني فارگوني،،3
«»«»«»«»«»«»«»«»«»«»
طفله والوالد فگدته،،،ومن مشه ضاع الاامل
وراح الاأكبر من أديه،،،عليه صعبه من رحل
ريت ميته ولا فكدهم،،،و البعد لا مو سهل
وادعي ابليلي ونهاري،،،ربي رجعلي الا اهل
،هم يرجعون الوطنهم«»«»«»ونظرابعيني ظعنهم،
،،ياعيوني ياعيوني«»«»«»فارگوني فارگوني،،4
«»«»«»«»«»«»«»«»«»«»
هوايه عذبني انتظاري،،،وشايله ابگلبي ألم
ولو غفت عيني ابمنامي،،،يختلف نوم اليتم
ابلايه اهلي ولا ابو يه،،،بكربله نصبو خيم
والهوه يخنگ ابر يتي،،،بي حرگ اخيام أشم
،الكربله اتصد النواظر«»«»«»وحالتي تكسرالخاطر،
،،ضيعوني ضيعوني«»«»«»فارگوني فارگوني،،5
«»«»«»«»«»«»«»«»«»«»
منين اجيب الراح مني،،،والدرب اعليه بعيد
والمرض ياكل ابعظمي،،،مثل سيف ايحزوريد
جوت اخدودي دمعتي،،،لحظه ما تقبل تهيد
امدلله جنت انه عدهم،،،وهسه ماعندي عظيد
،،ياعليله اتنوح مثلي«»«»«»من المرض ولفراگ اهلي،،
،،حيروني حيروني«»«»«»فارگوني فارگوني،،6
«»«»«»«»«»«»«»«»«»«»«»«»
الشاعرقصي القاسمي


https://www.tg-me.com/joinchat-AAAAAEXfC0WTgXR6jaIf6w

🔥للعلیلة عليها السلام🔥

راحو هلي..راحو هلي
تكتلني سكتتهم
ماجن انه بتهم
راحو هلي..راحو هلي
_
صار الحچي بس بالهمس من احضرانه ايسكتون
وقره بوجوه اهل الرحم نظرة اموادع العيون
حسيت شي ظمو علي يمي اسف مايحچون
فردوني ماادري شعجب ظن لرحيل يحضرون
ماچني من عدهم
تكتلـــني سكتتهم
راحو هلي..راحو هلي

✍🏻العلويه ام رقيه
〰️〰️〰️〰️〰️〰️
لملم خواتي و ماحچه خايف عليه اسمع
حين الي حملهن اجه بصدره حظني وودع
گلي يبويه فاطمة اوصلهم وتالی ارجع
لمن سمعتة ابونتي حسيت گلبي اتصدع
انجمعو ابلمتهم
تكتلني سفرتهم
راحو هلي راحو هلي

✍🏻ام عمار الصائغ
〰️〰️〰️〰️〰️〰️
أيشوفوني أني بوجل وشيخ العشيره يمي
ولتفت ليه والدي والدمع منه يدمي
محروسه بالله فاطمة وعلينه بويه سلمي
ماخذ خواتي بالضعن چاليش حتى امي
ياروحي شافتهم
تگتلني سكتتهم
راحواهلي..راحوا هلي

✍🏻ام علي المالكي
〰️〰️〰️〰️〰️〰️
فردوني ما ادري اشعجب شنهي القضیه یارب
یخافون لن مرضي یعم ابهالسفر وانه اتعب
اصنت الهــم و اندعي وجمرة لهیبي تلهب
ما تروح تبگه فاطمه حسینی یخبر زینب
انتظر ردتـــــهم
تکتلني سکتتهم
راحو هلي...راحو هلي
✍🏻ام مهدی مجدم
〰️〰️〰️〰️〰️〰️
خلوني وحدي بالنزل راحوا هلي واخواني
اخذوا خواتي وعمتي ضليت اون بس آني
اتسله بالهم والقهر ومغيّرات الواني
والبيت لو مابي اهل ماينعرف عنواني
عافــوا ابنيتهم
تكتلني سكتتهم
راحو هلي...راحو هلي
✍🏻ام فراس الساعدي
〰️〰️〰️〰️〰️〰️
وحدی بگیت ابـدارهم بس المرض غاطیني
من حملو اهلي ومشو دمعاتي اتسلیني
نذراً علیه لورجع والدي وشفتة بعیني
افدیه کله عمري اله وافدیله کل اسنیني
سلتني وحشتهم
تکتلني سکتتهم
راحو هلي... راحو هلي
✍🏻المیرزا ام لیلی الخاقاني

تمت بجهود شاعرات اهل البيت ع


https://www.tg-me.com/joinchat-AAAAAEXfC0WTgXR6jaIf6w


🔮 قناة تهتم بنشر القصائد و الألحان


@Ahbabalzahrae1

#خدمتكم شرف لنا

عمـي يمحمد بگينه ابدارهم
ننتظر ترجع علينه اخبارهم
ماخذونه اوياهم
وسفـه فارگناهم
«»«»«»«»«»«»«»
گاعـــد وحمل ضعنهم وانــــه عالخد دمعتي
اتعذبت مــــن ودعتـــــهم زاد ونـي ولوعتي
والله يمحمد بعــــدهم ضلمه صــارت دنيتي
فارگت أهلي وعمامي وراح اموت ابحسرتي
عنه شالـــو وبعــــدو بضعونهم
كلشي مايسوه العمر من دونهم
ماأطيق اجفاهم -- وسفه فارگناهم
«»«»«»«»«»«»«»«»
راح عـــــن علتـــي اشتكيلك وشتكيلي علتك
بيدك امسح دمــع عيني وبيدي امسح دمعتك
خلـــي نتبـــتادل يعمـــــــي بين ونـــي أونتك
انه راح ابچي اعله اخوتي وانته ابچي اعله اخوتك
تركو ابروحــــي ألـــــم بغيابهم
اشلون لوحادي الضعن ماجابهم
نبقه نترياهم --- وسفه فارگناهم
«»«»«»«»«»«»«»«»
والفضل ضل وحــده حاير ينعه ابوه الودعه
ونتــه اتهد الرواســـــي يبچي ويهل مدمعه
اگلوبنه اخلاف النحبهم مـن حزنهه امصدعه
الدنيـــــــه بس للنايبات ابواب الهه امشرعه
الدنيــه ابد ماتنحمل نكباتهه
جرعتني امـن الزغر لوعاتهه
والعشت بحماهم --- وسفه فارگنهم
«»«»«»«»«»«»«»«»
والــــدي أبعـــد عليه ابشـــوگ اناطــــــــــر جيته
اتعــودت بحضينه انام وغفــــــــــه لو شم ريحته
الدنيه احس تضحكلي چانت من اشوفن ضحكته
واللـــه هـــد حيلي ابغيــــابه اتعذبت مــن فرگته
عني سافــر وانتظــــر خلاني
وخــــذ وياه الاهل وخــواني
مگدر ابلياهم --- وسفه فارگناهم
«»«»«»«»«»«»«»«»«»
ابالي مرسومه صورهم وانه ليليه ابحلم
هسه يرجعلي ابـــوي وعمي شيال العلم
ادري سفرتهم طويله وانـــه ذابحني الألم
ما اضن نرجـع سويه والامـل حيل انعدم
مااضـــن يلتم شمل خلاني-- (الخل)
فگد اهل بيتي جمر جواني
احبابي ودعناهم--- وسف فارگناهم
«»«»«»«»«»«»«»«»«»«»
الخادم
كامل السعيدي


https://www.tg-me.com/joinchat-AAAAAEXfC0WTgXR6jaIf6w


🔮 قناة تهتم بنشر القصائد و الألحان


@Ahbabalzahrae1

#خدمتكم شرف لنا