#قصائد_منبريه
#الليالي_الفاطميه
اساسية
غربوهه وانكروهه
القبر ابوهه طلعوهه
وشيدت يم القبر
دار الاحزان دار الاحزان
.........
بعد ما عينه غفت اعليها أصحابه اعتدت
ودفعو الباب
عين من عدهه انطفت والضلوع اتكسرت
ابعصر الاصحاب
وكَع محسن وانتهت كل حياته الما بدت
الهاي الاسباب
الدنيا بس ظلمه انملت والزجيه اتألمت
وزاد العتاب
حاربوهه ويتموهه
القبر ابوهه طلعوها
وشيدت يم القبر
دار الاحزان دار الاحزان
.........
اثمنطعش جان العمر حاربوهه اهل الغدر
حركَو الدار
بيتهه سورة قدر والمعارج والفجر
حركَته اشرار
علي اشيحمل من صبر لمن شاف اهل الكفر
تضرم النار
اظن كَلبه اصبح جمر وبألف حسره يجر
رافض الصار
من الرموهه وضيعوهه
القبر ابوهه طلعوهه
وشيدت يم القبر
دار الاحزان دار الاحزان
.......
كون بسمار الظلع بالفرائض ينجمع
بالصلوات
جان هسه ينسمع بالاذان احرف دمع
بالعبارات
للمصيبه ينفجع لوجبل هم ينصدع
جبد السماوات
ذابت الزهره شمع بين محسن والظلع
نار الاهات
مارعوهه ولوعوهه
القبر ابوهه طلعوهه
وشيدت يم القبر
دار الاحزان دار الاحزان
......
دمعه بالعين وجرح والدمع ينزل ملح
ابخدهه الاثار
انولد محسن منذبح وابوكت مابي صبح
مغرب ونار
الهه بالباب الشرح ابعتبته غرزو رمح
دفعته اشرار
ابزمن جف حيدر يشح بالوصيه ينمنح
صبره دم حار
من سبوهه وشتموهه
القبر ابوهه طلعوهه
وشيدت يم القبر
دار الاحزان دار الاحزان
........
فضه صاحت موعلي لان يحظرهه الولي
يفني الاكوان
ايكَلهه جان ادللي ابذكره كل هم ينجلي
أسمه قرأن
يا أرضهه اتزلزلي الزهره بالهم يعتلي
همهه نيران
ياسمه الباري انزلي سمعي منهه المايلي
نجمج احزان
من اجوهه حاربوهه
وشيدت يم القبر
دار الاحزان دار الاحزان
الشاعر
ياسر العارضي
#الليالي_الفاطميه
اساسية
غربوهه وانكروهه
القبر ابوهه طلعوهه
وشيدت يم القبر
دار الاحزان دار الاحزان
.........
بعد ما عينه غفت اعليها أصحابه اعتدت
ودفعو الباب
عين من عدهه انطفت والضلوع اتكسرت
ابعصر الاصحاب
وكَع محسن وانتهت كل حياته الما بدت
الهاي الاسباب
الدنيا بس ظلمه انملت والزجيه اتألمت
وزاد العتاب
حاربوهه ويتموهه
القبر ابوهه طلعوها
وشيدت يم القبر
دار الاحزان دار الاحزان
.........
اثمنطعش جان العمر حاربوهه اهل الغدر
حركَو الدار
بيتهه سورة قدر والمعارج والفجر
حركَته اشرار
علي اشيحمل من صبر لمن شاف اهل الكفر
تضرم النار
اظن كَلبه اصبح جمر وبألف حسره يجر
رافض الصار
من الرموهه وضيعوهه
القبر ابوهه طلعوهه
وشيدت يم القبر
دار الاحزان دار الاحزان
.......
كون بسمار الظلع بالفرائض ينجمع
بالصلوات
جان هسه ينسمع بالاذان احرف دمع
بالعبارات
للمصيبه ينفجع لوجبل هم ينصدع
جبد السماوات
ذابت الزهره شمع بين محسن والظلع
نار الاهات
مارعوهه ولوعوهه
القبر ابوهه طلعوهه
وشيدت يم القبر
دار الاحزان دار الاحزان
......
دمعه بالعين وجرح والدمع ينزل ملح
ابخدهه الاثار
انولد محسن منذبح وابوكت مابي صبح
مغرب ونار
الهه بالباب الشرح ابعتبته غرزو رمح
دفعته اشرار
ابزمن جف حيدر يشح بالوصيه ينمنح
صبره دم حار
من سبوهه وشتموهه
القبر ابوهه طلعوهه
وشيدت يم القبر
دار الاحزان دار الاحزان
........
فضه صاحت موعلي لان يحظرهه الولي
يفني الاكوان
ايكَلهه جان ادللي ابذكره كل هم ينجلي
أسمه قرأن
يا أرضهه اتزلزلي الزهره بالهم يعتلي
همهه نيران
ياسمه الباري انزلي سمعي منهه المايلي
نجمج احزان
من اجوهه حاربوهه
وشيدت يم القبر
دار الاحزان دار الاحزان
الشاعر
ياسر العارضي
👍1
كذلك سريعه لسيدتي فاطمة الزهراء عليها السلام
اشعندي غير العبره عله باب الزهره
__________________________
من صباي او زغري
حد نهاية عمري
القدميته الگبري
بس دموع او حسره عله باب الزهره
__________________________
ذخري بس دمعاتي
ولطمي واقراياتي
والنعي وابياتي
البيهن انعه او اقره عله باب الزهره
__________________________
الها بايع روحي
ما تهمني اجروحي
للضلع ضل نوحي
وگلبي يسعر جمره عله باب الزهره
__________________________
عهد ما انساها
ابقه دوم انعاها
ومن اموت الگاها
دفني هيه اتحظره عله باب الزهره
__________________________
ابدنيتي خادمها
وبرزخي هم يمها
فاطمه امقدمها
خايف امن العصره عله باب الزهره
__________________________
ولو اجاني المنكر
والوجه صار اصفر
شقدمت شمأخر
او يا جواب امحظره عله باب الزهره
__________________________
يا عمل لمقدمه
مني رايد كلمه
راح اگله ابخدمه
روحي عاشت خضره عله باب الزهره
__________________________
شوف واقره اكتابي
بس خدمها اصحابي
وسوده كل اثياب
وغير اسمها اشتقره عله باب الزهره
__________________________
تلگه بس لطميه
او مجلس او تعزيه
وگعده بحسينيه
حد دخولي الحفره عله باب الزهره
__________________________
ابو فاطمة الطائي
اشعندي غير العبره عله باب الزهره
__________________________
من صباي او زغري
حد نهاية عمري
القدميته الگبري
بس دموع او حسره عله باب الزهره
__________________________
ذخري بس دمعاتي
ولطمي واقراياتي
والنعي وابياتي
البيهن انعه او اقره عله باب الزهره
__________________________
الها بايع روحي
ما تهمني اجروحي
للضلع ضل نوحي
وگلبي يسعر جمره عله باب الزهره
__________________________
عهد ما انساها
ابقه دوم انعاها
ومن اموت الگاها
دفني هيه اتحظره عله باب الزهره
__________________________
ابدنيتي خادمها
وبرزخي هم يمها
فاطمه امقدمها
خايف امن العصره عله باب الزهره
__________________________
ولو اجاني المنكر
والوجه صار اصفر
شقدمت شمأخر
او يا جواب امحظره عله باب الزهره
__________________________
يا عمل لمقدمه
مني رايد كلمه
راح اگله ابخدمه
روحي عاشت خضره عله باب الزهره
__________________________
شوف واقره اكتابي
بس خدمها اصحابي
وسوده كل اثياب
وغير اسمها اشتقره عله باب الزهره
__________________________
تلگه بس لطميه
او مجلس او تعزيه
وگعده بحسينيه
حد دخولي الحفره عله باب الزهره
__________________________
ابو فاطمة الطائي
سريعه لمصيبة سيدتي فاطمة الزهراء
نواسيها نواسيها نهل ادموعنه اعليها
___________________________
ندگ اصدور عل زهره
ونهل ادموعنه ابحسره
ماتت من اثر عصره
وكسر اضلوع ماذيها نهل ادموعنه اعليها
___________________________
اشگد بيها النبي وصه
اويلي ماتت ابغصه
والجفن انمرد فصه
الزنيم ابسطره عاميها نهل ادموعنه اعليها
___________________________
يشيعه يا ذنب عدها
فاطم ينسطر خدها
والاصعب والامر وادهى
يشتمها او رفس بيها نهل ادموعنه اعليها
___________________________
اليسميها النبي أمه
عليها اندارت الأمه
ومحد يكشف الغمه
ولا واحد يداويها نهل ادموعنه اعليها
___________________________
غميجه اجروحها او كلفه
لا تسكن ولا تشفه
چنها النار ما تطفه
ولا دمعه تطفيها نهل ادموعنه اعليها
___________________________
خلف الباب عصروها
يويلي اضلوع كسروها
فاطم هاي اسمعوها
علن ونها وبواچيها نهل ادموعنه اعليها
___________________________
تون محد رحم ونها
جذوع الباب وگعنها
والبسمار وهنها
حد شح النفس بيها نهل ادموعنه اعليها
___________________________
حزنها يا حزن مثله
يتيمه وفاجده وثكله
جروح البيها مو سهله
يشيب الگلب طاريها نهل ادموعنه اعليها
___________________________
واليزود الگلب همه
محسن طايح امدمه
وفاطم نادته يمه
ساكت ما يناغيها نهل ادموعنه اعليها
___________________________
لضل انعاها كل عمري
حتى وانه في گبري
الطم للضلع صدري
وقصيده الفاطمه ارثيها نهل ادموعنه اعليها
___________________________
ابو فاطمة الطائي
نواسيها نواسيها نهل ادموعنه اعليها
___________________________
ندگ اصدور عل زهره
ونهل ادموعنه ابحسره
ماتت من اثر عصره
وكسر اضلوع ماذيها نهل ادموعنه اعليها
___________________________
اشگد بيها النبي وصه
اويلي ماتت ابغصه
والجفن انمرد فصه
الزنيم ابسطره عاميها نهل ادموعنه اعليها
___________________________
يشيعه يا ذنب عدها
فاطم ينسطر خدها
والاصعب والامر وادهى
يشتمها او رفس بيها نهل ادموعنه اعليها
___________________________
اليسميها النبي أمه
عليها اندارت الأمه
ومحد يكشف الغمه
ولا واحد يداويها نهل ادموعنه اعليها
___________________________
غميجه اجروحها او كلفه
لا تسكن ولا تشفه
چنها النار ما تطفه
ولا دمعه تطفيها نهل ادموعنه اعليها
___________________________
خلف الباب عصروها
يويلي اضلوع كسروها
فاطم هاي اسمعوها
علن ونها وبواچيها نهل ادموعنه اعليها
___________________________
تون محد رحم ونها
جذوع الباب وگعنها
والبسمار وهنها
حد شح النفس بيها نهل ادموعنه اعليها
___________________________
حزنها يا حزن مثله
يتيمه وفاجده وثكله
جروح البيها مو سهله
يشيب الگلب طاريها نهل ادموعنه اعليها
___________________________
واليزود الگلب همه
محسن طايح امدمه
وفاطم نادته يمه
ساكت ما يناغيها نهل ادموعنه اعليها
___________________________
لضل انعاها كل عمري
حتى وانه في گبري
الطم للضلع صدري
وقصيده الفاطمه ارثيها نهل ادموعنه اعليها
___________________________
ابو فاطمة الطائي
👍1
لمصيبة السيده الزهراء عليها السلام
يا جِراحاََ لنْ تَطيبْ وَبـُكـاءاََ وَنَحيــبْ
كَوثرُ القُدسُ تَعالَى بَابُها أضحى لَهيبْ
__________________________
يا جِراحاََ ليسَ تُشفى وَلها عزَّ الـدَواءْ
لا وَلن يهجعَ قَلبي إن رَخى سَدلُ المَساء
سَاهِراََ أسلوا بِدمعي عَلَّ يُجديني البـُكاء
نَاعياََ ضِلعاََ كـَسيراََ فَوقهُ صُبَّ البـَلاء
غالهُ كـُف الخَؤونْ وَحَقوداتِ العُيونْ
بَينَ بابَُ وجِدار ضِلعُها صارَ مَعيب
__________________________
عِلّةُ الأيجادُ فاطِم ألها فيكم مثيل ؟
انها قلب محمد لِمْ تركتوه عليل
الكم دين عليها الها ذنب جليل ؟
حيث صارت كخيال من بكاء وعويل
يا تراث الادعياء فاطم باب الرجاء
فأصبتوه لماذا اوما فيكم لبيب
__________________________
حرَّ قلبي يوم خرّت بين باب وجدار
وعلى المعصم دملج من رنين السوط صار
تشتكي ضلع تحطم وعلى الخد احمرار
تحبس الدمع ولكن ليس للدمع قرار
وبرفس من عنيد محسن اهوى شهيد
أول الغيث شهيدا بدم الجرح خضيب
__________________________
والذي يقتل حزنا حينما زاد الانين
عندما تنظر دمعا فوق خدين الحسين
نادبا اماه قومي ولها مد اليدين
يا فداك الروح امي ارحميني كلمين
امي ما هذا السكوت كلميني . او اموت
ان قلبي قد تقطع وغدا اليوم غريب
__________________________
ثم زادتها انينا وانكسارا وشجن
عَبرة ثم توسل وبكاءا من حسن
امي ضميني اليك ان عظمي قد وهن
يا رجائي يا ملاذي يا اماني يا وطن
وهوى فوق التراب راجيا منها جواب
خذي من دمعي دواء فعسى الجرح يطيب
__________________________
وختام الآه زينب آه من ذاك الختام
امسكت ثوب مدمى وبها تاه الكلام
امي قومي واحضنيني قد اخافوني اللئام
انهضي الان والا فعلى قلبي السلام
سندي فوقي اليدين وامسكي كف الحسين
ارحمي قلبا تشضى ساجرا فيه اللهيب
__________________________
ابو فاطمة الطائي
يا جِراحاََ لنْ تَطيبْ وَبـُكـاءاََ وَنَحيــبْ
كَوثرُ القُدسُ تَعالَى بَابُها أضحى لَهيبْ
__________________________
يا جِراحاََ ليسَ تُشفى وَلها عزَّ الـدَواءْ
لا وَلن يهجعَ قَلبي إن رَخى سَدلُ المَساء
سَاهِراََ أسلوا بِدمعي عَلَّ يُجديني البـُكاء
نَاعياََ ضِلعاََ كـَسيراََ فَوقهُ صُبَّ البـَلاء
غالهُ كـُف الخَؤونْ وَحَقوداتِ العُيونْ
بَينَ بابَُ وجِدار ضِلعُها صارَ مَعيب
__________________________
عِلّةُ الأيجادُ فاطِم ألها فيكم مثيل ؟
انها قلب محمد لِمْ تركتوه عليل
الكم دين عليها الها ذنب جليل ؟
حيث صارت كخيال من بكاء وعويل
يا تراث الادعياء فاطم باب الرجاء
فأصبتوه لماذا اوما فيكم لبيب
__________________________
حرَّ قلبي يوم خرّت بين باب وجدار
وعلى المعصم دملج من رنين السوط صار
تشتكي ضلع تحطم وعلى الخد احمرار
تحبس الدمع ولكن ليس للدمع قرار
وبرفس من عنيد محسن اهوى شهيد
أول الغيث شهيدا بدم الجرح خضيب
__________________________
والذي يقتل حزنا حينما زاد الانين
عندما تنظر دمعا فوق خدين الحسين
نادبا اماه قومي ولها مد اليدين
يا فداك الروح امي ارحميني كلمين
امي ما هذا السكوت كلميني . او اموت
ان قلبي قد تقطع وغدا اليوم غريب
__________________________
ثم زادتها انينا وانكسارا وشجن
عَبرة ثم توسل وبكاءا من حسن
امي ضميني اليك ان عظمي قد وهن
يا رجائي يا ملاذي يا اماني يا وطن
وهوى فوق التراب راجيا منها جواب
خذي من دمعي دواء فعسى الجرح يطيب
__________________________
وختام الآه زينب آه من ذاك الختام
امسكت ثوب مدمى وبها تاه الكلام
امي قومي واحضنيني قد اخافوني اللئام
انهضي الان والا فعلى قلبي السلام
سندي فوقي اليدين وامسكي كف الحسين
ارحمي قلبا تشضى ساجرا فيه اللهيب
__________________________
ابو فاطمة الطائي
❤1
وي كل نفس تتألم بحالتها الله اليعلم
فاطمه '' '' '' '' '' '' فاطمه '' '' ' فاطمه
...................................................
راح اسولف عن مره زغيره بعمرها
لچن اعلا من الجبل هي بصبرها
من اجه الظالم وره الباب وعصرها
بالالم والحسره عاشت كل دهرها
...........................
المنها العلم يتعلم بحالتها الله اليعلم
فاطمه "" "" "فاطمه" "" "" "" فاطمه
....................................................
الكسر ضلعچ فاطمه ماعنده غيره
شلون حرمه وتنضرب صعبه وچببره
والي مثلچ بت نبي لازم اميره
انتي بت شيخ الزلم شيخ العشيره
..............................
جرح الگلب مايلتم بحالتها الله اليعلم
فاطمه "" "" "فاطمه" "" "" "" فاطمه
......................................................
ويه كل جرة نفس لجمه ابضلعها
لونه احمر لونزل فاطم دمعها
تبجي من اضلوعها ومحد سمعها
تفز من النوم وتون من وجعها
..............................
ضل الضلع يكطر دم بحالتها الله اليعلم
فاطمه "" "" "فاطمه" "" "" "" فاطمه
................................................
يا مصيبة محسنچ اكبر مصيبه
العمره يوم يموت يالزهره عجيبه
جرح محسن بالگلب يسعر لهيبه
چي وگفتي وي على وهاي الضريبه
.................................
والجرحه چنتي البلسم بحالتها الله اليعلم
فاطمه "" "" "فاطمه" "" "" "" فاطمه
.............................................................
ابنج المهدي يجي باجر ننطره
السطر خدج باجر يصلبه اعله شجره
وبخيال المهدي عين الزهره حمره
عاش ثارج وسط گلب المهدي جمره
...............................
يوميه ناصب مأتم بحالتهة الله اليعلم
فاطمه "" "" "فاطمه" "" "" "" فاطمه
...........................................................
محمد صادق الدراجي
فاطمه '' '' '' '' '' '' فاطمه '' '' ' فاطمه
...................................................
راح اسولف عن مره زغيره بعمرها
لچن اعلا من الجبل هي بصبرها
من اجه الظالم وره الباب وعصرها
بالالم والحسره عاشت كل دهرها
...........................
المنها العلم يتعلم بحالتها الله اليعلم
فاطمه "" "" "فاطمه" "" "" "" فاطمه
....................................................
الكسر ضلعچ فاطمه ماعنده غيره
شلون حرمه وتنضرب صعبه وچببره
والي مثلچ بت نبي لازم اميره
انتي بت شيخ الزلم شيخ العشيره
..............................
جرح الگلب مايلتم بحالتها الله اليعلم
فاطمه "" "" "فاطمه" "" "" "" فاطمه
......................................................
ويه كل جرة نفس لجمه ابضلعها
لونه احمر لونزل فاطم دمعها
تبجي من اضلوعها ومحد سمعها
تفز من النوم وتون من وجعها
..............................
ضل الضلع يكطر دم بحالتها الله اليعلم
فاطمه "" "" "فاطمه" "" "" "" فاطمه
................................................
يا مصيبة محسنچ اكبر مصيبه
العمره يوم يموت يالزهره عجيبه
جرح محسن بالگلب يسعر لهيبه
چي وگفتي وي على وهاي الضريبه
.................................
والجرحه چنتي البلسم بحالتها الله اليعلم
فاطمه "" "" "فاطمه" "" "" "" فاطمه
.............................................................
ابنج المهدي يجي باجر ننطره
السطر خدج باجر يصلبه اعله شجره
وبخيال المهدي عين الزهره حمره
عاش ثارج وسط گلب المهدي جمره
...............................
يوميه ناصب مأتم بحالتهة الله اليعلم
فاطمه "" "" "فاطمه" "" "" "" فاطمه
...........................................................
محمد صادق الدراجي
يم زينب گعد بالليل حيدر سولف اجروحه
من رد دافن الزهراء ضلت بالگـــــبر روحه
رجع وامتربه امتونه
علي دافنهن عيــونه
وگف يتوچه عالباب حياتي اهـــــنا وعدهه
يالمخليني ماشـوف والميـــــــــــــتم ولدهه
لگيت اثار چـــــفين خذت بيــــــهه وتردهه
وشفت بعيوني ياباب اثر سطره اعله خدهه
سمعت ابعملتك ياعمــــــله سويت
عميت عيوني ما اندل ضوه البيت
من فضه سمعت الصارمن هجمو ع البضعه
الله ايساعد الزهراء مــــــــن اتلگت الدفعه
علي دافنهن عيــونه
تلاگــــت زينب اوياه يبــــــويه الله يعينك
اسمعك وانه بالبـيت گطع گـــــــلبي ونينك
صعد لعــيونك اتراب اشوفك حمــره عينك
اشم عطر امي وياك اريد اشـــــتم جبينك
حنان امي وبختهه ايذوبه الفراگ
شلون الليل انامــــه والهه اشتاگ
صورة امي ترس العين يامحلاها من صـوره
لوحه وترست الجدران بس اللوحه مكسوره
علي دافنهن عيــونه
يزينب حال الايتــــام ابوچ اللـــــــيله حاله
مشيت بروحي جــناز انه الفاگــــــــد دلاله
خشب بمتوني ينشاف شلت نعش الرساله
ثگــــل تابوت الاوجاع عليه وحزني شاله
اميل امن الالم مو ثگـــلي تابوت
شما للمگــبره اقرب يقرب الموت
احچي اوياها يم حسين مامتعوده عالسكته
موّت گلبچ البسمار وگلبي افراگـــــچ ايموته
علي دافنهن عيــونه
عذاب اليدفن انــسان وانه الدافـــن حبيبه
ضلع للزهره ماطـــاب نزف هـــاي المصيبه
ضلام واخر اللـــــــيل الگبر واجــب اغيبه
گعدت ابغربه مكسور اودع بـــــــــالغريبه
وداع ام الحسن يامصـعبه اوداع
بالگوه الجــــــــدم انگلهه عالگاع
رشيت الگبر بدموع اه يجروحي شيـــلمهه
يازينب حرت باليل ارجع لو اضــــــل يمهه
علي دافنهن عيــونه
يزينب من تحـــــنين اوديچ الگـــــــــــبرها
روحج تختنگ حـيل وبــــــــس امچ تسرها
ترا ماعاشت اسنـين فاطم مـــــــــن عمرها
اخاف اعليچ تدرين البكه بروحچ صــبرها
وراچ الدنيا باچــــر رايده احزام
هاي عيونچ اتبچـــــــــيهه الايام
يوم اترد عليچ الناس ماتعرف شني الرحمه
هيه النار نفس النار باچـــــــــر گلبچ اتلچمه
علي دافنهن عيــونه
خادم القصيده
شاكر الصيمري
من رد دافن الزهراء ضلت بالگـــــبر روحه
رجع وامتربه امتونه
علي دافنهن عيــونه
وگف يتوچه عالباب حياتي اهـــــنا وعدهه
يالمخليني ماشـوف والميـــــــــــــتم ولدهه
لگيت اثار چـــــفين خذت بيــــــهه وتردهه
وشفت بعيوني ياباب اثر سطره اعله خدهه
سمعت ابعملتك ياعمــــــله سويت
عميت عيوني ما اندل ضوه البيت
من فضه سمعت الصارمن هجمو ع البضعه
الله ايساعد الزهراء مــــــــن اتلگت الدفعه
علي دافنهن عيــونه
تلاگــــت زينب اوياه يبــــــويه الله يعينك
اسمعك وانه بالبـيت گطع گـــــــلبي ونينك
صعد لعــيونك اتراب اشوفك حمــره عينك
اشم عطر امي وياك اريد اشـــــتم جبينك
حنان امي وبختهه ايذوبه الفراگ
شلون الليل انامــــه والهه اشتاگ
صورة امي ترس العين يامحلاها من صـوره
لوحه وترست الجدران بس اللوحه مكسوره
علي دافنهن عيــونه
يزينب حال الايتــــام ابوچ اللـــــــيله حاله
مشيت بروحي جــناز انه الفاگــــــــد دلاله
خشب بمتوني ينشاف شلت نعش الرساله
ثگــــل تابوت الاوجاع عليه وحزني شاله
اميل امن الالم مو ثگـــلي تابوت
شما للمگــبره اقرب يقرب الموت
احچي اوياها يم حسين مامتعوده عالسكته
موّت گلبچ البسمار وگلبي افراگـــــچ ايموته
علي دافنهن عيــونه
عذاب اليدفن انــسان وانه الدافـــن حبيبه
ضلع للزهره ماطـــاب نزف هـــاي المصيبه
ضلام واخر اللـــــــيل الگبر واجــب اغيبه
گعدت ابغربه مكسور اودع بـــــــــالغريبه
وداع ام الحسن يامصـعبه اوداع
بالگوه الجــــــــدم انگلهه عالگاع
رشيت الگبر بدموع اه يجروحي شيـــلمهه
يازينب حرت باليل ارجع لو اضــــــل يمهه
علي دافنهن عيــونه
يزينب من تحـــــنين اوديچ الگـــــــــــبرها
روحج تختنگ حـيل وبــــــــس امچ تسرها
ترا ماعاشت اسنـين فاطم مـــــــــن عمرها
اخاف اعليچ تدرين البكه بروحچ صــبرها
وراچ الدنيا باچــــر رايده احزام
هاي عيونچ اتبچـــــــــيهه الايام
يوم اترد عليچ الناس ماتعرف شني الرحمه
هيه النار نفس النار باچـــــــــر گلبچ اتلچمه
علي دافنهن عيــونه
خادم القصيده
شاكر الصيمري
صيحه بالحق ترتفع .. يافاطمه
مانساوم عالضلع . . يافاطمه
......
ثارج امربع نرده باجر اويه القائم
خل يعادينه اليعادي وخل يلوم الايم
حصرًا ابهاي القضية النه موقف حاسم
نصلب اعله الشجره كلمن داس بيتج فاطم
نشلع اعيونه شلع .... يافاطمه
مانساوم عالظلع ... يافاطمه
......
ما نجامل بالقضية لا نساوم واحد
هالقضية اضلوع بيها امكسرات انشاهد
لاخر الانفاس بينه يالزجية انعاهد
دمج ابركبتنه دين انجيبه من كل حاقد
مانعوفه ابأي وضع ... يافاطمه
......
حقنه ما نتخله عنه نعتنيه اعناية
حجاية كلناهه الج ثار واحنه بينه اكفاية
الدنيا نكلبهه اعلمودج ما نرد بحجاية
احنه تربات ابو فاضل سيد الوفاية
بينه زارع هالطبع ... يا فاطمه
.......
قصة البسمار عشنه امن الزغر وياهه
جيل جيل انوصي صرنه حتى ما ننساهه
اللعين الحرك بابج كبله من سواهه
هاية اول جمله نكتبها الطفل اليقراهه
سيدة كل الجمع ... يا فاطمه
......
والنكر طيحت جنينج والظلع والعصره
منة متبرين لاخر نفس عدنه انجره
بالقيامه اول قضيه تنرفع يالزهره
على شيخين الرذيله المارعوهه العشره
محكمة حق ترفع ... يا فاطمه
......
يالزجية افداج كلنه من الشبل للشايب
بس تأشرين بيمينج صاحب يجر صاحب
جنود تحت امرج يزهره وتحت امر الغايب
سمعاً وطاعه ننادي للظهور انراقب
نورة يا ساعه اليشع ... يا فاطمه
.......
الكلمات
موسى الخادم
مانساوم عالضلع . . يافاطمه
......
ثارج امربع نرده باجر اويه القائم
خل يعادينه اليعادي وخل يلوم الايم
حصرًا ابهاي القضية النه موقف حاسم
نصلب اعله الشجره كلمن داس بيتج فاطم
نشلع اعيونه شلع .... يافاطمه
مانساوم عالظلع ... يافاطمه
......
ما نجامل بالقضية لا نساوم واحد
هالقضية اضلوع بيها امكسرات انشاهد
لاخر الانفاس بينه يالزجية انعاهد
دمج ابركبتنه دين انجيبه من كل حاقد
مانعوفه ابأي وضع ... يافاطمه
......
حقنه ما نتخله عنه نعتنيه اعناية
حجاية كلناهه الج ثار واحنه بينه اكفاية
الدنيا نكلبهه اعلمودج ما نرد بحجاية
احنه تربات ابو فاضل سيد الوفاية
بينه زارع هالطبع ... يا فاطمه
.......
قصة البسمار عشنه امن الزغر وياهه
جيل جيل انوصي صرنه حتى ما ننساهه
اللعين الحرك بابج كبله من سواهه
هاية اول جمله نكتبها الطفل اليقراهه
سيدة كل الجمع ... يا فاطمه
......
والنكر طيحت جنينج والظلع والعصره
منة متبرين لاخر نفس عدنه انجره
بالقيامه اول قضيه تنرفع يالزهره
على شيخين الرذيله المارعوهه العشره
محكمة حق ترفع ... يا فاطمه
......
يالزجية افداج كلنه من الشبل للشايب
بس تأشرين بيمينج صاحب يجر صاحب
جنود تحت امرج يزهره وتحت امر الغايب
سمعاً وطاعه ننادي للظهور انراقب
نورة يا ساعه اليشع ... يا فاطمه
.......
الكلمات
موسى الخادم
نزله لمولاتي الزهراء ع
يافاطمه يافاطمه يافاطمه يافاطمه
============================
ياعزي واحساسي بيچ ارتفع راسي
ياكعـبتي ونـاسي يـم الحـسن
يامـرهم اجروحي يادمعـتي ونوحي
بالخدمه ياروحي الخدمه وطن
خـادم والـچ ممنون مـولاتي يالـزهره
خليني دوم ارجاچ في مجلسچ اقره
يافاطمه يافاطمه يافاطمه يافاطمه
============================
من عالم الفطره عايش الچ جمره
مولاتي يالزهره رغم المحن
ظلعچ يمحنيه كسروا وهابيه
رزقيني لطميه طول الزمن
لا ما أخاف الموت وابقه العن الثاني
زهـرائـي بالتـكوين هـذا انـه عنواني
يافاطمه يافاطمه يافاطمه يافاطمه
============================
يافاطمه انطيني توفيق ارزقيني
بالحفره احضريني يوم الوعد
مـاتسـلم الجـره من الظالم اتبره
باچر ابو الزهره ويه الصِمد
يبدي بقريش اهناك وبأول احچايه
يلعن تره الشيخين قـاريهه الـروايه
يافاطمه يافاطمه يافاطمه يافاطمه
============================
خادمهه هنياله حال النسر حاله
مالاحته الفاله ولاح الفضه
هنا مأتمچ حضره الحاضر اخذ اجره
يم الحسن نضره ومنچ رضه
يالـگاصـد ومحتاج مـن فاطمه امنـيـه
بس تدخل انته الباب احسبهه مگضيه
يافاطمه يافاطمه يافاطمه يافاطمه
============================
في مجلسچ دائم ما همني الـلائم
و بحضرة القائم چف لاطمه
أعلنهه ءآهاتي واظهرهه حسراتي
واختمهه چلماتي بيا فاطمه
بدمعه وحزن ذكراچ كلنه حييناهه
باچر على الأفلاك بـالخدمه نتباهه
يافاطمه يافاطمه يافاطمه يافاطمه
============================
31/10/2022 الاثنين
#الشاعر_الميرزا_محمد_الساعدي
يافاطمه يافاطمه يافاطمه يافاطمه
============================
ياعزي واحساسي بيچ ارتفع راسي
ياكعـبتي ونـاسي يـم الحـسن
يامـرهم اجروحي يادمعـتي ونوحي
بالخدمه ياروحي الخدمه وطن
خـادم والـچ ممنون مـولاتي يالـزهره
خليني دوم ارجاچ في مجلسچ اقره
يافاطمه يافاطمه يافاطمه يافاطمه
============================
من عالم الفطره عايش الچ جمره
مولاتي يالزهره رغم المحن
ظلعچ يمحنيه كسروا وهابيه
رزقيني لطميه طول الزمن
لا ما أخاف الموت وابقه العن الثاني
زهـرائـي بالتـكوين هـذا انـه عنواني
يافاطمه يافاطمه يافاطمه يافاطمه
============================
يافاطمه انطيني توفيق ارزقيني
بالحفره احضريني يوم الوعد
مـاتسـلم الجـره من الظالم اتبره
باچر ابو الزهره ويه الصِمد
يبدي بقريش اهناك وبأول احچايه
يلعن تره الشيخين قـاريهه الـروايه
يافاطمه يافاطمه يافاطمه يافاطمه
============================
خادمهه هنياله حال النسر حاله
مالاحته الفاله ولاح الفضه
هنا مأتمچ حضره الحاضر اخذ اجره
يم الحسن نضره ومنچ رضه
يالـگاصـد ومحتاج مـن فاطمه امنـيـه
بس تدخل انته الباب احسبهه مگضيه
يافاطمه يافاطمه يافاطمه يافاطمه
============================
في مجلسچ دائم ما همني الـلائم
و بحضرة القائم چف لاطمه
أعلنهه ءآهاتي واظهرهه حسراتي
واختمهه چلماتي بيا فاطمه
بدمعه وحزن ذكراچ كلنه حييناهه
باچر على الأفلاك بـالخدمه نتباهه
يافاطمه يافاطمه يافاطمه يافاطمه
============================
31/10/2022 الاثنين
#الشاعر_الميرزا_محمد_الساعدي
❤1
وصف حال أمير المؤمنين علي عليه السلام بعد استشهاد الزهراء عليها السلام
هم أجاك النوم لوجفنك غفه
من دفنت أبليل بنت المصطفى
هذا ليل شلون ليل.
اعليك ياحامي الدخيل
من دفنت أبليل بنت المصطفى
★★★★★
شلون ليل اعليك مر يابوالحسن
واصعب الساعات من عمر الزمن
بياگلب من ودعت جنة. عدن
الخَيَّطت وياها گلبك بالچفن
لايطيب العيش لادنيا تصح
جرحك الملچوم مامثله جرح
وعادت الدنيا تميل.
اعليك ياحامي الدخيل
من دفنت أبليل بنت المصطفى
★★★★★
شلون حالك ياعلي ابسنة اهدعش
بياگلب حطيت جنتك. بالنعش
التراب على الضوه حل ونفرش
دنيا غدارة گلب كلها. دغش
فَرَّقَت خلين غفله ابلارحم
فرهد العشره الحزن لمن هجم
الراح يرجع مستحيل.
اعليك ياحامي الدخيل
من دفنت أبليل بنت المصطفى
★★★★★
بعد فگد المصطفى خير البشر
افگدت ام الخير بعده بچم شهر
فاگد انوار المثل شمس. وگمر
والله غربه. وفاجعه. وكسرة ظهر
بدونها بياحال گضيت العمر
سيف فوگ الجرح كل يوم اليمر
يوم أبد ماله مثيل
اعليك ياحامي الدخيل
من دفنت أبليل بنت المصطفى
★★★★★
شلون اجاك الليل ياحامي الحمه
ومن تطب للبيت مابيه فاطمه
موحشه دارك عليك. ومظلمه
نورها غاب ورحل ينزف دمه
نور بعد النور ودعته وصرت
بين شرالعده ولوعات الوكت
مر هظم لا موقليل
اعليك ياحامي الدخيل
من دفنت أبليل بنت المصطفى
★★★★★
لاسلام الدنيا مرت لابرد
عليفارگ ناس ترحل ماترد
سيوف غداره على الصابر تهد
وماتنام اجروح التفارگ. ورد
ضلت گلوب الاحباب اميتمه
ماترد للدار راحت. فاطمه
موسهل فگد الخليل.
اعليك ياحامي الدخيل
من دفنت أبليل بنت المصطفى
الشاعر حسن لعيبي الحريشاوي
هم أجاك النوم لوجفنك غفه
من دفنت أبليل بنت المصطفى
هذا ليل شلون ليل.
اعليك ياحامي الدخيل
من دفنت أبليل بنت المصطفى
★★★★★
شلون ليل اعليك مر يابوالحسن
واصعب الساعات من عمر الزمن
بياگلب من ودعت جنة. عدن
الخَيَّطت وياها گلبك بالچفن
لايطيب العيش لادنيا تصح
جرحك الملچوم مامثله جرح
وعادت الدنيا تميل.
اعليك ياحامي الدخيل
من دفنت أبليل بنت المصطفى
★★★★★
شلون حالك ياعلي ابسنة اهدعش
بياگلب حطيت جنتك. بالنعش
التراب على الضوه حل ونفرش
دنيا غدارة گلب كلها. دغش
فَرَّقَت خلين غفله ابلارحم
فرهد العشره الحزن لمن هجم
الراح يرجع مستحيل.
اعليك ياحامي الدخيل
من دفنت أبليل بنت المصطفى
★★★★★
بعد فگد المصطفى خير البشر
افگدت ام الخير بعده بچم شهر
فاگد انوار المثل شمس. وگمر
والله غربه. وفاجعه. وكسرة ظهر
بدونها بياحال گضيت العمر
سيف فوگ الجرح كل يوم اليمر
يوم أبد ماله مثيل
اعليك ياحامي الدخيل
من دفنت أبليل بنت المصطفى
★★★★★
شلون اجاك الليل ياحامي الحمه
ومن تطب للبيت مابيه فاطمه
موحشه دارك عليك. ومظلمه
نورها غاب ورحل ينزف دمه
نور بعد النور ودعته وصرت
بين شرالعده ولوعات الوكت
مر هظم لا موقليل
اعليك ياحامي الدخيل
من دفنت أبليل بنت المصطفى
★★★★★
لاسلام الدنيا مرت لابرد
عليفارگ ناس ترحل ماترد
سيوف غداره على الصابر تهد
وماتنام اجروح التفارگ. ورد
ضلت گلوب الاحباب اميتمه
ماترد للدار راحت. فاطمه
موسهل فگد الخليل.
اعليك ياحامي الدخيل
من دفنت أبليل بنت المصطفى
الشاعر حسن لعيبي الحريشاوي
عظم الله اجرك يا علي
1_
تخيلتك شلون ،، لمن تودعك فاطمه
وما تكدر تعيش ،، لا بالأرض لا بالسمه
مات الضوه مات ،، ودنياك صارت مضلمه
عظم الله اجرك يا علي
2_
لو عدهم احساس ،، جا ما خذو منك ضوه
هيج اني احس بيك ،، مخنوك ما تشتم هوه
من غابت عليك ،، جن انته والميت سوه
عظم الله اجرك يا علي
3_
فراشك نكعع ماي ،، من دمعك الما ينكطع
حته السمه تصيح ،، من فاطمه كسرو ضلع
يا أبا الحسن ليش ،، كلبك بجه وبيدك وكع
عظم الله اجرك يا علي
4_
ما تكدر تعيش ،، والغالي ميت من وكت
مايل علي شبيك ،، جا هيه لو انته المتت
من دفعو الباب ،، بهيئة دمع يمكن طحت
عظم الله اجرك يا علي
5_
لمن يجي الليل ,, تركض تكلب بالصور
تضل تبجي بسكوت ،، والمغرب تحن للكبر
كوم انهض ارجوك ،، ضهرك يبو حسين نكسر
عظم الله اجرك يا علي
6
حال أرده من حال ،، يا يابا الحسن جبت العمر
مخلصها سهران ،، يشهد الك خيط الفجر
يابا الحسن ليش ،، ما ينصح وياك القدر
عظم الله اجرك يا علي
حسين عبد الجليل المالكي
1_
تخيلتك شلون ،، لمن تودعك فاطمه
وما تكدر تعيش ،، لا بالأرض لا بالسمه
مات الضوه مات ،، ودنياك صارت مضلمه
عظم الله اجرك يا علي
2_
لو عدهم احساس ،، جا ما خذو منك ضوه
هيج اني احس بيك ،، مخنوك ما تشتم هوه
من غابت عليك ،، جن انته والميت سوه
عظم الله اجرك يا علي
3_
فراشك نكعع ماي ،، من دمعك الما ينكطع
حته السمه تصيح ،، من فاطمه كسرو ضلع
يا أبا الحسن ليش ،، كلبك بجه وبيدك وكع
عظم الله اجرك يا علي
4_
ما تكدر تعيش ،، والغالي ميت من وكت
مايل علي شبيك ،، جا هيه لو انته المتت
من دفعو الباب ،، بهيئة دمع يمكن طحت
عظم الله اجرك يا علي
5_
لمن يجي الليل ,, تركض تكلب بالصور
تضل تبجي بسكوت ،، والمغرب تحن للكبر
كوم انهض ارجوك ،، ضهرك يبو حسين نكسر
عظم الله اجرك يا علي
6
حال أرده من حال ،، يا يابا الحسن جبت العمر
مخلصها سهران ،، يشهد الك خيط الفجر
يابا الحسن ليش ،، ما ينصح وياك القدر
عظم الله اجرك يا علي
حسين عبد الجليل المالكي
قصيدة ثكيله لفقد مولاتنا الزهراء ع
وكأني بمولاتنا زينب ع..........
شتاكينه شكثروشكد بجينه
ذكرنه ايامنه وامنه الحنينه
اخذها الموت منه
هايه ام المحنه
نفدي اعمارنه لو صح بدينه
شتاكينه شكثر لمنه وحضنها
راحت ما ترد للبيت جنها
روحي من العزيزه انكطع ضنها
صارت خاليه الدار
تلهب بالكلب نار
راحت للكبر ماضن تجينه
يا سدره الكبل جانت تلمنه
اتطيب اجروحنه وينزال همنه
ترد الروح من نكعد اويه امنه
شالت والكلب ذاب
بعد هيهات ماطاب
وشخص الوالده المفاركينه
فاركنه الحنينه ودارها اليوم
مابيها فرح ومحمله هموم
راحت ذيج كعدتها والرسوم
شالت والكلب صار
بيه مشتعله النار
على الشالت غفل والنار بينه
راحت ذيج كعدات الحبايب
مر افراكها والكلب ذايب
بسك يا وكت من عدنه خايب
هاي الوالده هاي
شكد تعبت على ارباي
هاي ام الوفه التنشد علينه
للزهراء عليها السلام
قصة البسمار ويه ام الحسن
صار بيهه اعظم. مصاب
تون ظلت. من ظلعهه
وخفت. عن. داحي. الباب
######################
شلون هل،البسمار،نابت بالظلع
ونكسر ظلعين منهن. تنوجع
وطاح. منهه المحسن وبي تنفجع
ومن الم. ضلوعهه تبجي،بعتاب
شنو عذرك بابهه الزهره تصيب
ماحسبت احساب ربك والحبيب
عصرت البسمار. بيدك. ياعجيب
وصار بيهه. اعظم. مصاب
آه يابسمار. ليش. اجرات
وبظلع الطاهره. حيل انبتت
منهه،الظلعين ياويلي اكسرت
وصاحت الفضه الصدر مني انعاب
ويلي الظالم عصرهه بيده
وصارت العصره عليه،مجيده
بويه يابويه العمر. ماريده
بعدك انته انه. بعذاب
عليهه ابو الحسنين هلت. دمعته
وبجت وياه الحزينه او وصته
الدفن بالليل ذمه. برگبته
من يحل الاجل ويحل الغياب
بام. الحسن الفاجعه سووهه
وكسرو. ظلعهه بابهه عصروهه
وتبجي على بوهه ابد ماخلوهه
وندبت. داحي الباب
✍بقلم خادمة اهل البيت عليهم السلام
ام مصطفى الاسد
https://www.tg-me.com/joinchat-AAAAAEXfC0WTgXR6jaIf6w
🔮 قناة تهتم بنشر القصائد و الألحان
@Ahbabalzahrae1
#خدمتكم شرف لنا
وكأني بمولاتنا زينب ع..........
شتاكينه شكثروشكد بجينه
ذكرنه ايامنه وامنه الحنينه
اخذها الموت منه
هايه ام المحنه
نفدي اعمارنه لو صح بدينه
شتاكينه شكثر لمنه وحضنها
راحت ما ترد للبيت جنها
روحي من العزيزه انكطع ضنها
صارت خاليه الدار
تلهب بالكلب نار
راحت للكبر ماضن تجينه
يا سدره الكبل جانت تلمنه
اتطيب اجروحنه وينزال همنه
ترد الروح من نكعد اويه امنه
شالت والكلب ذاب
بعد هيهات ماطاب
وشخص الوالده المفاركينه
فاركنه الحنينه ودارها اليوم
مابيها فرح ومحمله هموم
راحت ذيج كعدتها والرسوم
شالت والكلب صار
بيه مشتعله النار
على الشالت غفل والنار بينه
راحت ذيج كعدات الحبايب
مر افراكها والكلب ذايب
بسك يا وكت من عدنه خايب
هاي الوالده هاي
شكد تعبت على ارباي
هاي ام الوفه التنشد علينه
للزهراء عليها السلام
قصة البسمار ويه ام الحسن
صار بيهه اعظم. مصاب
تون ظلت. من ظلعهه
وخفت. عن. داحي. الباب
######################
شلون هل،البسمار،نابت بالظلع
ونكسر ظلعين منهن. تنوجع
وطاح. منهه المحسن وبي تنفجع
ومن الم. ضلوعهه تبجي،بعتاب
شنو عذرك بابهه الزهره تصيب
ماحسبت احساب ربك والحبيب
عصرت البسمار. بيدك. ياعجيب
وصار بيهه. اعظم. مصاب
آه يابسمار. ليش. اجرات
وبظلع الطاهره. حيل انبتت
منهه،الظلعين ياويلي اكسرت
وصاحت الفضه الصدر مني انعاب
ويلي الظالم عصرهه بيده
وصارت العصره عليه،مجيده
بويه يابويه العمر. ماريده
بعدك انته انه. بعذاب
عليهه ابو الحسنين هلت. دمعته
وبجت وياه الحزينه او وصته
الدفن بالليل ذمه. برگبته
من يحل الاجل ويحل الغياب
بام. الحسن الفاجعه سووهه
وكسرو. ظلعهه بابهه عصروهه
وتبجي على بوهه ابد ماخلوهه
وندبت. داحي الباب
✍بقلم خادمة اهل البيت عليهم السلام
ام مصطفى الاسد
https://www.tg-me.com/joinchat-AAAAAEXfC0WTgXR6jaIf6w
🔮 قناة تهتم بنشر القصائد و الألحان
@Ahbabalzahrae1
#خدمتكم شرف لنا
❤1👍1
وين التفت وألگاچ.. آه يايمه
لو بيدي اموت وياچ.. آه يايمه
يايمه.. يايمه
_
امي طيبه.. والله يدري.. شكد اعزها
امي سابع.. جار عنها.. يشم خبزها
امي قانون المحنه والسلامه
وفوك شيلتها بِنَت عِش الحمامه
الدنيا لو ما امي چا ماكو ابتسامه
توني عرفت الموت.. آه يايمه
من جابوا التابوت.. آه يايمه
يايمه.. يايمه
_
ياهو عنده.. مثل امي.. اتعرف رمشي
اتضم حزنها.. وتبتسملي.. رغم كلشي
جانت امن اتشيلنه نتعب متنها
ومن اتلولي نزدحم كلنه بحضنها
احنه نغفه والسهر يشرب جفنها
من گلبي الچ حنيت.. آه يايمه
شيسد وحشته البيت.. آه يايمه
يايمه.. يايمه
_
الماتت امه.. ايعيش عمره.. ابعينه دمعه
يجوي روحه.. ويبقه ياكل.. لحم اصبعه
آخ ياذيج المحنه البحجيها
وكبل لا نركض عليها اتفك اديها
والهوه تخلصه علينه من نجيها
وامنين اجانه الباب.. آه يايمه
فرقنه واحنه احباب.. آه يايمه
يايمه.. يايمه
_
فتحي عينج.. باجر الطف.. يمي يكبر
اسم الله ماكو.. الناس بيها.. راح نعثر
يمه باجر ماكو واحد بينه يسلم
الدنيا تيبس والزغار بماي تحلم
واحنه وادام نعرف الله نكره الدم
حسينج يضل ع الكاع.. آه يايمه
غالي ورخُص ينباع.. آه يايمه
يايمه.. يايمه
_
بين اخوتي.. راح اخلص.. عمرب اركض
وفوك راسي.. الشيب يكعد.. بيدي يفرض
ياهو بينه ارموشه سوده ايكول اليه
اختار راسي وحاجب اسكينه ورقيه
وانه ذيج الساعه ادري اتموت اديه
محتاره اضل بثنين.. آه يايمه
شيبي ونحر الحسين.. آه يايمه
يايمه.. يايمه
_
للشاعر محمد النواس
الكاتب حہسہيہن
لو بيدي اموت وياچ.. آه يايمه
يايمه.. يايمه
_
امي طيبه.. والله يدري.. شكد اعزها
امي سابع.. جار عنها.. يشم خبزها
امي قانون المحنه والسلامه
وفوك شيلتها بِنَت عِش الحمامه
الدنيا لو ما امي چا ماكو ابتسامه
توني عرفت الموت.. آه يايمه
من جابوا التابوت.. آه يايمه
يايمه.. يايمه
_
ياهو عنده.. مثل امي.. اتعرف رمشي
اتضم حزنها.. وتبتسملي.. رغم كلشي
جانت امن اتشيلنه نتعب متنها
ومن اتلولي نزدحم كلنه بحضنها
احنه نغفه والسهر يشرب جفنها
من گلبي الچ حنيت.. آه يايمه
شيسد وحشته البيت.. آه يايمه
يايمه.. يايمه
_
الماتت امه.. ايعيش عمره.. ابعينه دمعه
يجوي روحه.. ويبقه ياكل.. لحم اصبعه
آخ ياذيج المحنه البحجيها
وكبل لا نركض عليها اتفك اديها
والهوه تخلصه علينه من نجيها
وامنين اجانه الباب.. آه يايمه
فرقنه واحنه احباب.. آه يايمه
يايمه.. يايمه
_
فتحي عينج.. باجر الطف.. يمي يكبر
اسم الله ماكو.. الناس بيها.. راح نعثر
يمه باجر ماكو واحد بينه يسلم
الدنيا تيبس والزغار بماي تحلم
واحنه وادام نعرف الله نكره الدم
حسينج يضل ع الكاع.. آه يايمه
غالي ورخُص ينباع.. آه يايمه
يايمه.. يايمه
_
بين اخوتي.. راح اخلص.. عمرب اركض
وفوك راسي.. الشيب يكعد.. بيدي يفرض
ياهو بينه ارموشه سوده ايكول اليه
اختار راسي وحاجب اسكينه ورقيه
وانه ذيج الساعه ادري اتموت اديه
محتاره اضل بثنين.. آه يايمه
شيبي ونحر الحسين.. آه يايمه
يايمه.. يايمه
_
للشاعر محمد النواس
الكاتب حہسہيہن
حوار امير المؤمنين مع سلمان المحمدي رضوان الله عليه
كلف وضعي / ويصب دمعي / بمصاب الزهره فجعوني
........
يسلــمان الصبـر مريــود لكن مو على الزهره
شفت منها الضلع مكسور يويلي وعالوجه سطره
سياط وبالچفوف جروح وعين مجرّحه وحمره
كلهــن عنّـي اخفتهــن لحدما ماتت بعبره
شكثر ناحت / لما راحت / تصيح بصوت ظلموني
........
يسلمان انهدم حيلي ولاچنّي القلعت الباب
لمّن غسّلت بيدي الزجية وگلبي ونّ وذاب
مرّت عالضلع ايدي وهيّست الكسر لهّاب
شاطت بالألم روحي ضلعها مكسّر وماطاب
حرت شحچي / اون وبچي / لحدما تنعمي عيوني
.........
يسلمان المصيبه شلون. تموت وماخذت ثاري
أنه المن سيفي كلها تهاب اسد وكت الحرب ضاري
الجبان الما يشيل السيف وسف يهجم عله سواري
قسم لوما النبي موصّي احز راسه الحرگ داري
دروا ياحيف / تركت السيف / غدر عدواني غدروني
...............
يسلمان الدمع شيفيد راحت فاطمة وظليت
راحت سلوتي وروحي واظلم من بعدها البيت
ادفنت ام الحسن بيدي ادفنتها وباليتم حسّيت
علي ومو چن علي المهيوب اعثر بالجدم رديت
مشت عنّي / وكثر ونّي / انوح ولا تلوموني
............
يسلمان الگبر اخفيه. الحبيبه بهاي وصّتني
استراحت من ألم دنياي انوح وابچي خلّتني
شكثر چانت تواسيني بنوايب دهري وافتني
بعد المن ابث همي. وحيد الزهره عافتني
الحزن عمري / ونفذ صبري / يريت وياها دفنوني
..............
يعينك الله يابوحسين فدائك سيدي سلمان
ابـد منلومك شتبچي. على الزهره الحزن ايمان
لچن خايف عليك هواي. اخاف تكتلك الاحزان
تنوح وتجرح بروحك وتشبّ ابگلبك النيران
سعي مشكور / يعم مأجور / قليل اللي يواسوني
سيد زيد الفحام
____
https://www.tg-me.com/joinchat-AAAAAEXfC0WTgXR6jaIf6w
🔮 قناة تهتم بنشر القصائد و الألحان
@Ahbabalzahrae1
#خدمتكم شرف لنا
كلف وضعي / ويصب دمعي / بمصاب الزهره فجعوني
........
يسلــمان الصبـر مريــود لكن مو على الزهره
شفت منها الضلع مكسور يويلي وعالوجه سطره
سياط وبالچفوف جروح وعين مجرّحه وحمره
كلهــن عنّـي اخفتهــن لحدما ماتت بعبره
شكثر ناحت / لما راحت / تصيح بصوت ظلموني
........
يسلمان انهدم حيلي ولاچنّي القلعت الباب
لمّن غسّلت بيدي الزجية وگلبي ونّ وذاب
مرّت عالضلع ايدي وهيّست الكسر لهّاب
شاطت بالألم روحي ضلعها مكسّر وماطاب
حرت شحچي / اون وبچي / لحدما تنعمي عيوني
.........
يسلمان المصيبه شلون. تموت وماخذت ثاري
أنه المن سيفي كلها تهاب اسد وكت الحرب ضاري
الجبان الما يشيل السيف وسف يهجم عله سواري
قسم لوما النبي موصّي احز راسه الحرگ داري
دروا ياحيف / تركت السيف / غدر عدواني غدروني
...............
يسلمان الدمع شيفيد راحت فاطمة وظليت
راحت سلوتي وروحي واظلم من بعدها البيت
ادفنت ام الحسن بيدي ادفنتها وباليتم حسّيت
علي ومو چن علي المهيوب اعثر بالجدم رديت
مشت عنّي / وكثر ونّي / انوح ولا تلوموني
............
يسلمان الگبر اخفيه. الحبيبه بهاي وصّتني
استراحت من ألم دنياي انوح وابچي خلّتني
شكثر چانت تواسيني بنوايب دهري وافتني
بعد المن ابث همي. وحيد الزهره عافتني
الحزن عمري / ونفذ صبري / يريت وياها دفنوني
..............
يعينك الله يابوحسين فدائك سيدي سلمان
ابـد منلومك شتبچي. على الزهره الحزن ايمان
لچن خايف عليك هواي. اخاف تكتلك الاحزان
تنوح وتجرح بروحك وتشبّ ابگلبك النيران
سعي مشكور / يعم مأجور / قليل اللي يواسوني
سيد زيد الفحام
____
https://www.tg-me.com/joinchat-AAAAAEXfC0WTgXR6jaIf6w
🔮 قناة تهتم بنشر القصائد و الألحان
@Ahbabalzahrae1
#خدمتكم شرف لنا
نزله / لمصاب مولاتي فاطمة الزهراء عليها السلام
لا فتى إلا علي
لا ولي إلا علي
ما نبايعكم
ما نبايعكم
....................
فاطمة آنه الشريفة بت مُحمّد عالعهد
ما نذل يهل السقيفه ما نبايعـــكم ابــد
بس علي يبقه الخليفه بالذكِر والمعتقد
الله راده وما نخالف ( قل هوَ اللهُ احد)
حجه من رب السمه
بس علي حامي الحمه
ضد منافعكم
ما نبايعكم
.....................
ما يبايع عـلي هوه. من بعد طه امام
بس اله تلوگ القياده اول واخر كلام
احنه ماضيكم نعرفه ما نبايع للحرام
علي من مد ايده مُكره خاطر يعم السلام
بالوصية ملتزم
خذلته شباه الزلم
السلطه دافعكم
ما نبايعكم
.....................
يالظلمتونه نگلكم نخضعلكم مستحيل
شما تأذونه بحقدكم نبقة عالحق ما نميل
عترة الهادي مُحمّد احنه ما النه مثيل
اليعادينه ويضدنه يخسر ويصبح ذليل
باطل المايمتثل
للوصي وحتماً يذل
وي مطامعكم
ما نبايعكم
.....................
حتى لو ضلعي كسرته حتى لو ابني وگع
ما اطخ يفلان راسي وما يغيّرني الوجع
فاطمه ابقه بولائي. للأميـر الما خضع
علي بس هوه امامي وما يهمني المجتمع
بياذنب ضلعي انكسر
وانه بت سيد البشر
ما اسامحكم
ما نبايعكم
......................
سمعوا يالثاني والاول يا اصل كل الفتن
غاضبه عليكم دعائي لحدما لفني الچفَن
آنه ما راضية عنكم لاخر ايام الزمن
كل مصايبنه بسببكم. المضن اصل اليجَن
الله يلعنكم صحت
من أذيّتكم متت
هذ واقعكم
ما نبايعكم
.....................
باجر المهدي يجيكم ياخذ بثار الضلع
ضلعي وعيوني يطيبن افرح وانسه الدمع
يبني مرقد گبري بيده للسمه السبعه يشع
يأذّن المهدي وسمعه بسم حيدر يرتفع
غصباً اعله هل الظلم
يرجع لأهله الحكُم
من يحاكمكم
ما نبايعكم
سيد زيد الفحام
_
لا فتى إلا علي
لا ولي إلا علي
ما نبايعكم
ما نبايعكم
....................
فاطمة آنه الشريفة بت مُحمّد عالعهد
ما نذل يهل السقيفه ما نبايعـــكم ابــد
بس علي يبقه الخليفه بالذكِر والمعتقد
الله راده وما نخالف ( قل هوَ اللهُ احد)
حجه من رب السمه
بس علي حامي الحمه
ضد منافعكم
ما نبايعكم
.....................
ما يبايع عـلي هوه. من بعد طه امام
بس اله تلوگ القياده اول واخر كلام
احنه ماضيكم نعرفه ما نبايع للحرام
علي من مد ايده مُكره خاطر يعم السلام
بالوصية ملتزم
خذلته شباه الزلم
السلطه دافعكم
ما نبايعكم
.....................
يالظلمتونه نگلكم نخضعلكم مستحيل
شما تأذونه بحقدكم نبقة عالحق ما نميل
عترة الهادي مُحمّد احنه ما النه مثيل
اليعادينه ويضدنه يخسر ويصبح ذليل
باطل المايمتثل
للوصي وحتماً يذل
وي مطامعكم
ما نبايعكم
.....................
حتى لو ضلعي كسرته حتى لو ابني وگع
ما اطخ يفلان راسي وما يغيّرني الوجع
فاطمه ابقه بولائي. للأميـر الما خضع
علي بس هوه امامي وما يهمني المجتمع
بياذنب ضلعي انكسر
وانه بت سيد البشر
ما اسامحكم
ما نبايعكم
......................
سمعوا يالثاني والاول يا اصل كل الفتن
غاضبه عليكم دعائي لحدما لفني الچفَن
آنه ما راضية عنكم لاخر ايام الزمن
كل مصايبنه بسببكم. المضن اصل اليجَن
الله يلعنكم صحت
من أذيّتكم متت
هذ واقعكم
ما نبايعكم
.....................
باجر المهدي يجيكم ياخذ بثار الضلع
ضلعي وعيوني يطيبن افرح وانسه الدمع
يبني مرقد گبري بيده للسمه السبعه يشع
يأذّن المهدي وسمعه بسم حيدر يرتفع
غصباً اعله هل الظلم
يرجع لأهله الحكُم
من يحاكمكم
ما نبايعكم
سيد زيد الفحام
_
(( ابو ذيات ))
الزهراء عليها السلام بعد ان فاضت روحها الطاهره
جلس الحسين عليه السلام عند جسدها ناعيا باكيا نادبا
فتصفه زينب بلسان الحال اتگول :
بچه وناده يزينب ... راحت امي
ولزم بچفوف ادينه .. راحت امي
بعد شرتاح وآنه ..... راحتي امي
شلي ابعمري عگب عين الزچيه ...
تعالي اهنا يزينب ... يمي گعدي
نون وانصيح يمها .... يـُمه گعدي
علي اوحيد نگلها ..... يـَمه گعدي
تراها حالته صارت رديه
الدمع من عنده يمه ... مل الحسين
بچه وايصيح عگبچ ... من للحسين
يزهره الحفر گبرچ .... ملله احسين
ايتوسل بالگبر خلنه سويه .....
الكسر ضلعچ فلا من طُهُر ... درته
فجعني . وكل دمع بالعين .... درته
ييمه الوجع لو يندار .......... درته
ابصدري . او دونچ اتلگه المنيه ...
واما علي عليه السلام فكان :
يهم بالصبر لاكن ... كُلما ايهم
جزع . وايصيح عمري .. كله ميهم
الحسين .وحسين .گعدي . كلميهم
بچيهم ما ترك كل حيل بيه ......
...........................
ابو فاطمة الطائي
الزهراء عليها السلام بعد ان فاضت روحها الطاهره
جلس الحسين عليه السلام عند جسدها ناعيا باكيا نادبا
فتصفه زينب بلسان الحال اتگول :
بچه وناده يزينب ... راحت امي
ولزم بچفوف ادينه .. راحت امي
بعد شرتاح وآنه ..... راحتي امي
شلي ابعمري عگب عين الزچيه ...
تعالي اهنا يزينب ... يمي گعدي
نون وانصيح يمها .... يـُمه گعدي
علي اوحيد نگلها ..... يـَمه گعدي
تراها حالته صارت رديه
الدمع من عنده يمه ... مل الحسين
بچه وايصيح عگبچ ... من للحسين
يزهره الحفر گبرچ .... ملله احسين
ايتوسل بالگبر خلنه سويه .....
الكسر ضلعچ فلا من طُهُر ... درته
فجعني . وكل دمع بالعين .... درته
ييمه الوجع لو يندار .......... درته
ابصدري . او دونچ اتلگه المنيه ...
واما علي عليه السلام فكان :
يهم بالصبر لاكن ... كُلما ايهم
جزع . وايصيح عمري .. كله ميهم
الحسين .وحسين .گعدي . كلميهم
بچيهم ما ترك كل حيل بيه ......
...........................
ابو فاطمة الطائي
نعي عندما خرجت الزهراء خلف الامام علي عليهما السلام كأني بها تقول
يحيدر ما تدير العين لية
محنية الظهر شوف الزچية
على الحسنين اتوچة بدية
اكض ظلعي واجر ونة خفية
انة ادري بيك مچتوف بوصية
====================
يصد لية عمر ويصيح رجعي
أُمر عبدة يطگني فوكَ ضلعي
اگوم وانچفي ويسيل دمعي
يكسر كل گلب يا ناس وضعي
===================
يطگني حيل كل طگة شتمني
علية لا انكسر گلبة ورحمني
يدفعونة الحسن وحسين عني
ولك كافي ترة طگك كتلني
===================
عندما ذهبت الزهراء لزيارة قبر النبي (ص)
يبوية باليتيمة الوادم اتروف
وتكسر كل گلب هالحال معروف
بس انة ولوني بنار وسيوف
ظلموني واجيت اشكيلك اتشوف
====================
اريد اگعد على گبرك يغالي
يبو القاسم يريت تشوف حالي
هاي انة العزيزة وهيچ تالي
يبوية كل صبر بجفاك مالي
====================
تلگاني بعد چم يوم اجيلك
واريد اگعد يبوية واشتكيلك
وراويك الضلع واكسر دليلك
اخذني ليك يا بوية دخيلك
====================
الم فگدك يبوية يوم ما هاد
ويفراكَ الابو للروح مراد
تضل للمگبرة يا رايح وراد
ملتني بكثر ما انوح العباد
===================
عند استشهاد الزهراء عليها السلام كاني باولادها يقولون
===================
يم گلب الحنين وحضن دافي
يالنمتي يمن نوم العوافي
نچلب بالنعش ونسير حافي
وحگچ ما جفن بالليل غافي
====================
نفز بالليل ماهي امنة الحنينة
يا يمة صعب فگدچ علينة
تنامين بگبر شيصير بينة
خلافچ يالزچية اتيتمينة
=======≠=====≠=====
زغار وما شبعنة بريحت امنة
بعد عيناچ چا ياهو اليلمنة
الزمن شيريد من عندچ حرمنة
بعدنا زغار بفراگچ لچمنة
==================
عندما قام الامام علي عليه السلام بتغسيل الزهراء عليها السلام
===================
صعب فگد العزيز وبي اذية
موقف يا خلكَ يصعب علية
شريچة روحي اغسلها بدية
شيصبرني بغيابچ يالزچية
===================
كسر گلبي يزهرة حيل وضعچ
گبالي امددة ويسيل دمعچ
ولمن صارت ايدي فوكَ ضلعچ
تونين من اجيسة گمت اسمعچ
===================
فجعتيني يزهرة وزاد وني
حگي من اون يالرحتي عني
كسر گلبي الضلع حيل وهضمني
عزيز الروح شال وراح مني
====================
ما ضلي صبر يا بعد عمري
وشچندوب اگل للروح اصبري
يالزهرة غيابچ كسر ضهري
حزين ابقى عليچ بطول عمري
======================
اسالكم الدعاء رائد الاسدي
يحيدر ما تدير العين لية
محنية الظهر شوف الزچية
على الحسنين اتوچة بدية
اكض ظلعي واجر ونة خفية
انة ادري بيك مچتوف بوصية
====================
يصد لية عمر ويصيح رجعي
أُمر عبدة يطگني فوكَ ضلعي
اگوم وانچفي ويسيل دمعي
يكسر كل گلب يا ناس وضعي
===================
يطگني حيل كل طگة شتمني
علية لا انكسر گلبة ورحمني
يدفعونة الحسن وحسين عني
ولك كافي ترة طگك كتلني
===================
عندما ذهبت الزهراء لزيارة قبر النبي (ص)
يبوية باليتيمة الوادم اتروف
وتكسر كل گلب هالحال معروف
بس انة ولوني بنار وسيوف
ظلموني واجيت اشكيلك اتشوف
====================
اريد اگعد على گبرك يغالي
يبو القاسم يريت تشوف حالي
هاي انة العزيزة وهيچ تالي
يبوية كل صبر بجفاك مالي
====================
تلگاني بعد چم يوم اجيلك
واريد اگعد يبوية واشتكيلك
وراويك الضلع واكسر دليلك
اخذني ليك يا بوية دخيلك
====================
الم فگدك يبوية يوم ما هاد
ويفراكَ الابو للروح مراد
تضل للمگبرة يا رايح وراد
ملتني بكثر ما انوح العباد
===================
عند استشهاد الزهراء عليها السلام كاني باولادها يقولون
===================
يم گلب الحنين وحضن دافي
يالنمتي يمن نوم العوافي
نچلب بالنعش ونسير حافي
وحگچ ما جفن بالليل غافي
====================
نفز بالليل ماهي امنة الحنينة
يا يمة صعب فگدچ علينة
تنامين بگبر شيصير بينة
خلافچ يالزچية اتيتمينة
=======≠=====≠=====
زغار وما شبعنة بريحت امنة
بعد عيناچ چا ياهو اليلمنة
الزمن شيريد من عندچ حرمنة
بعدنا زغار بفراگچ لچمنة
==================
عندما قام الامام علي عليه السلام بتغسيل الزهراء عليها السلام
===================
صعب فگد العزيز وبي اذية
موقف يا خلكَ يصعب علية
شريچة روحي اغسلها بدية
شيصبرني بغيابچ يالزچية
===================
كسر گلبي يزهرة حيل وضعچ
گبالي امددة ويسيل دمعچ
ولمن صارت ايدي فوكَ ضلعچ
تونين من اجيسة گمت اسمعچ
===================
فجعتيني يزهرة وزاد وني
حگي من اون يالرحتي عني
كسر گلبي الضلع حيل وهضمني
عزيز الروح شال وراح مني
====================
ما ضلي صبر يا بعد عمري
وشچندوب اگل للروح اصبري
يالزهرة غيابچ كسر ضهري
حزين ابقى عليچ بطول عمري
======================
اسالكم الدعاء رائد الاسدي