ميلاد الامام الحجه عج
.
.
.

والـيـنه .. مهدينه .. تـدريـنه
مشتاگين

_

يشـهد الليـل ونـهـاره .. صرنه من شوگك حياره
المنتظر ماتطـفي ناره
يابو صالح
الجَيتك نحسب ثواني .. احنه من شوگك نعاني
ايساعـده الله اليــتاني
يابو صالح
وينك .. الشامت اهوايه سئل
وينك .. مــابقــه عــدنــه امل
وينك .. يـامـه ناديـنه العـجل
وينك
حاچينه .. مهدينه .. تـدريـنه
مشتاكين

_

أذنت بيـنه الضماير .. وحـَركت كل المشاعر
احنه كل جمعه نناطر
ترجع النه
يامه الك ندبه قرينه .. وگالو ادعو وندعينه
اشوكت بالله ياولينه
ترجع النه
غايب .. انــته يـــامــاي الــسمه
غايب .. الوجهك انحس بالضمه
غايب .. ليـش يــوسـف فــاطمه
غايب
اتروينه .. مهدينه .. تـدريـنه
مشتاكين

_

اشگد الك احنه انتظرنه .. منتـظــرنه منـتظــرنه
ياهو اليطفي جمرنه
وانته غايب
گلنه بعد العسري يسري .. بشوگنه بس الله يدري
بينه نار الشوگ تسري
وانته غايب
صحنه .. يمـته تـرجـع يالمحب
صحنه .. اعليك ذايب چم گلب
صحنه .. الهجر يالغايـب صعب
صحنه
تحيينه .. مهدينه .. تـدريـنه

_

يلي ذكرك عاش بينه .. امروتك بس مر علينه
سيدي يمته تجينه
يا املنه
ابجيتك يابو المحنه .. الدنيه كلها اتصير جنه
الگمـر ويـانـه تمـنه
يا املنه
ترجع .. كلــشي ينــتظـرك تره
ترجع .. للــگلـــوب الحـــايــره
ترجع .. انحلفك ابحق حيدره
ترجع
مر بينه .. مهدينه .. تـدريـنه
مشتاكين

_

رددت هــاي الحناجـر .. يمتـه تجــبر هالخـواطر
ابدربك ازرعنه النواظر
وانته ماجيت
ودي ويه الغيمه صوره .. وجهك احتاجينه نوره
كل محب يهتف شعوره
وانته ماجيت
يمته .. بوجهك انكحل النظر
يمته .. ترجع النه امن السفر
يمته .. يمتــه هــايـالمنــتطر
يمته
اتمنينه .. مهدينه .. تـدريـنه
مشتاكين

_

نذر النه لمن اتعود .. دربك انفرشه بالورود
انته بس جرب يموعود
هاي الاحباب
مابقه عدنه عـلامه .. ردنـه ياروح الامامه
ابوجهك اتشوف ابتسامه
هاي الاحباب
فرحه .. انته يـوم الي نجي
فرحه .. تحت ضلك نلتجي
فرحه .. اتصيح هذا مهجي
فرحه
امتانينه .. مهدينه .. تدرينه
مشتاگين
_
تمت والحمد لله في ٢٤ / ٤ / ٢٠١٨
حيدر تركي الكربلائي

افراح   افراح      هاي الليله ميلاد
مولود   مولود    هذا زين الاعباد

••••••••••••••••••••••••••••••••••••

يادنيه ضوي بنور    هالليله اشعلي ابخور  والفرحه
وبمولد السجاد       احله من الاعياد     والفرحه
طيري اعله جنح الطير   بالضحكه والتغيير  والفرحه
من روعه الالوان      نرسمها بالايمان  والفرحه

بنور      بنور      قلب الحبه يزداد
مولود   مولود    هذا زين الاعباد

••••••••••••••••••••••••••••••••••••

سما علي وكناه      مثل الابو سماه   ولحيدر
يا اصل يالمعروف   يالتحله بيك احروف    ولحيدر
زين العباد وبيك     تشبه علي مخليك  ولحيدر
الله خلق عيناك     سجاد يامحلاك    ولحيدر


ينشاف     ينشاف    جنه حيدر انعاد
مولود   مولود    هذا زين الاعباد

••••••••••••••••••••••••••••••••••••

الخامس بشعبان      مولد علي القران    بالعتره
هوه الخليفه يصير     بعد الحسين ينير    بالعتره
هذا امام الدين           قره اعيون حسين  بالعتره
اول نهج بالال            رحمه اجه وامال     بالعتره


بالناس     بالناس     اكثر بشر سجاد
مولود   مولود    هذا زين الاعباد

••••••••••••••••••••••••••••••••••••

وجهه يشعشع نور      من بعده تزهي ابدور    ويضوي
ميلاده نفحه شوگ      عطر الامامه يلوگ       ويضوي
رفرف بساط الريح       والنجم يمه يصيح      ويضوي
هذا الگمر لحسين        تهمل فرح كل عين     ويضوي

محروس  محروس   من كل شخص حساد
مولود       مولود        هذا زين الاعباد

••••••••••••••••••••••••••••••••••••

هالفرح عم الكون      زاد المحبه اللون     والبهجه
وتغرد الاغصان          وتزقزق الالحان      والبهجه
والغيمه تنثر ياس     فاحت بلا مقياس   والبهجه
النده اعله الاوراق      والورد صار وفاق     والبهجه

وردات     وردات     انثر لبن الاجواد
مولود       مولود        هذا زين الاعباد

••••••••••••••••••••••••••••••••••••
زين العابدين الشمري

بسم الله الرحمن الرحيم
#مولد_الامام_الحجه_المنتضر_عج_
✍كلمات خادمة اهل البيت(ع)
#الملا_قدوتي_الزهراء_ع_
ـــــــــــــــــــــــــــــــــــــــــــــــــــــــــــــ
فرحانه الشيعه ليوم فرحانه
فرحانه الشيعه ليوم فرحانه
▁▁🕊🍃🕊▁▁🕊🍃🕊▁▁
جيت لحبيب بهل يوم بميلاده نور هلكون
تفرح الشيعه ودگـــول وبجيته نكحل عيون
يامهدي يانور العيـــــن مانفرح بجيته شلون
نور ويشع بمولاده من سمانه
ونورر الكون بجيته مولانـــه
فرحانه الشيعه ليوم فرحانه
فرحانه الشيعه ليوم فرحانه
▁▁🕊🍃🕊▁▁🕊🍃🕊▁▁
مدگلي يالمهدي بشنــو متنسيه بيك الوالده
حتى يشع نــور الوجه ولاينوصف نورك سده
خالقك ربـــك بالكــون مثلك شخص ماعايده
ماكو بجماله بالخلگ راوانــه
مرسوم بعيون الخلگ رجوانه
فرحانه الشيعه ليوم فرحانه
فرحانه الشيعه ليوم فرحانه
▁▁🕊🍃🕊▁▁🕊🍃🕊▁▁
بالعين رسمك مرســــوم يالساكن انتَ بالروح
وليك يامـــــاي العيـــــن هل گلب يبقه مفتوح
بميلادك احنـــــــى نفرح نوزع ورد عطره يفوح
نطش هلاهل كل محب سمعانه
مولد لمهدي اخمس طعش شعبانه
فرحانه الشيعه ليوم فرحانه
فرحانه الشيعه ليوم فرحانه
▁▁🕊🍃🕊▁▁🕊🍃🕊▁▁
شهر شعبـــــان نـــــــور بجيت لحبيب لغالي
بمــيلادك انـــــــتَ تعلم اجدد عهدي ياوالي
احبــــــك وابقه احبـــك بيك افتخر يالعالي
بيك افتخر للدوم انتَ حمانه
وانتَ البقيه بالارض وامانــه
فرحانه الشيعه ليوم فرحانه
فرحانه الشيعه ليوم فرحانه
▁▁🕊🍃🕊▁▁🕊🍃🕊▁▁
تدرينه ياابو صالــــــح مقصرين احنى بحقك
يالغالي فدوه سامــــح آلشيعه كلها تحبك
لليــــوم نـــحي يومك نفرح بمولد شخصك
يايوم تضهر گلي بعنوانــــــه
الجمعه گالو وبقه منتضرانـه
فرحانه الشيعه ليوم فرحانه
فرحانه الشيعه ليوم فرحانه
▁▁🕊🍃🕊▁▁🕊🍃🕊▁▁
تمت بحمد الله تعالى
اللهم انا نسئلك بتعجيل صاحب العصر والزمان ارواحنا لتراب مقدمهِ الفداء
*اجيز لــ اخوه الرواديد ان لايذكروا اسمي
❌لااجيز حذف الاسم شرعاً❌
والله ولي التوفيق

فرحانه الشيعة اليوم فرحانه


الشاعرة الملا قدوتي الزهراء
صوت قيصر أبو منتظر الإمارة

بايعتك يبو الحسنيين ( تجليبه في بيعة الغدير)
---------------------------
بايـَعْتـَك وجيت اليوم === أجـَدّد بيعِتـي مولاي
ــــ
بايَعْتـَك يبو الحسنيين من زغري
يامَحْلـَه إﻠﻌﺷﮓ بـِرْويحتي يسري
يالأسـْمَك دُوَه مافارﮔــه الصدري
أرَدّد بيه ليل إنهار كل عمري
يـِشـْفيني إو يزيل إهموم === وإيْداوي جروح إحشاي
بايـَعْكح٩تـَك وجيت اليوم === أجـَدّد بيعِتـي مولاي
ــــــــــ
بايَعْتـَك يبو الحسنيين ما أنـْساك
ينور العين الله الرادك إو عـَلاّك
ما خاب التِمَسـّك بيك وإتـْعَنـّاك
تفيض الخير ياحامي الحمه يـِمـْناك
تغيث الحاير إﻠﻣﻠﭼـوم === لو ﻳﮔصد إلـَك ﺷﭼـّاي
بايـَعْتـَك وجيت اليوم === أجـَدّد بيعِتـــــي مولاي
ــــــــــ
بايَعْتـَك يبو الحسنيين يامهيوب
يامرهم دليلي من يـِحِن وإيْذوب
إسمك باﻠﮔلب ما ينمحي مكتوب
تظل ياباالحسن أغلى إو أعز محبوب
تحضر بالشدايد دوم === ياسيف العدل عَنـّاي
بايـَعْتـَك وجيت اليوم === أجـَدّد بيعِتــــــــي مولاي
ــــــ
بايَعْتـَك يبو الحسنيين وإبأيمان
يانعمة إله الناس والأكوان
يحامي الجار يَمّك تنتهي الأحزان
تداوي إجروح خطـّارك يعالي الشان
مُضيفك بالكرم موسوم === مفتوح إو ينادي الجاي
بايـَعْتـَك وجيت اليوم === أجـَدّد بيعِتـــي مولاي
ــــــــــــــــــــــــــــــــــــــــــــــــ
مع تحيات شاعر أهل البيت / جابر الخزرجي النجفي



https://www.tg-me.com/joinchat-AAAAAFXy62XLKg1-xpQqNQ

بمناسبة بيعة الغدير

من غديرك ياعلي الدين اكتمل
يلغديرك خيره علوادم نزل

*
شبيها ناس العادتك بعد الغدير
تريد بالظلمه بعد نورك تصير
تمسكوا بالدنيا والحبل الگصير
ولايتك من عافها تايه يظل

*
عونها الناس الخذت دربك دليل
وي عطرك وين مايصبح تميل
شكثر وادم والمشه دربك قليل
المشه بلانهجك تحيّر ماوصل

**
طالبتهم مانفع بهل الظلام
تصوروا رايد مناصب لومقام
رايد الوادم تضل دوم بسلام
وماتحيير وتمشي بدروب الزلل

**
ردت مايبقه فقير ولايتيم
الوادم برحمه تظل دوم ونعيم
ردت درب الاخره مابيه جحيم
والجحيم تذوب من اسمك خجل

*
أتحملت منهم يبو گلب الچبير
حتى لاحال العلم يصبح خطير
وحتى لادين النبي يصبح اسير
اتحمليت اهل الضلاله والجهل

**
يلي سيفك سكت حلوگ السيوف
انته حطيت النقط فوك الحروف
رفع چفك طه من دون الچفوف
لان انته للبشر خير العمل

الشاعر حسن لعيبي الحريشاوي


https://www.tg-me.com/joinchat-AAAAAFXy62XLKg1-xpQqNQ

*🌹هــوســات🌹*
بمناسبة *میلاد الامـام الحسن العسکری علیه السلام*☀️
لخادم اهـل البیت(ع) الشاعر مـرد مقدم
🌹🌸🌹🌸
ــــــــــــــ
هـاللیله الحسن مولود کل الهلـه ابمیلاده
خَـل تستَر عـوام الناس کلها او تفرح الساده
ابو المهدی الوفي المهیوب ذاک العالیه امجاده
واجبنه انعیّد هاللیله
ـــــــــــــــــ
خنعیّّد اللیلـه او نرفع الرایات
وانقیـم الافـراح ابکل الولایات
ابو المهدی انولد طَیب النَسب والذات
وابنوره استرّت دنیانه
ــــــــــــــــ
نَـوّر الدنیا ابـوجوده وانملت بهجه او سرور
والـعرش حل باب جوده من بِده اهلاله ابظهور
والامل فـتَّح وروده بطیب او ازکی العطور
مبروک الهادي ابمیلاده
ــــــــــــــــــــ
بالمدینه انبزغ نوره یشبه البدر التمام
دون الِبلاد ابکرامه منزلـه انطاهـا او مقام
العسکري ابمولده الغالي گشّع اغیوم الظلام
للمحشر وهّاجه انواره
ـــــــــــــــــ
مبروک والـف مبروک للهادي انولد مولود
ذاک العسکري المهیوب عنوان الفخر والجود
تهاني للنبي وآلـه اللیله او خـاصه الموعود
وانهنّي الساده ابمیلاده
ــــــــــــــــ
غنّي یطیور المدینه ابکل محبّه او غرّدي
وابوَرِد زاهي ابجماله یالخمایل ورّدي
انولد هللیله ابوالمهدي او حُلّه یا دنیه ارتِدی
هَل واشرگ بدرچ حییله
🌹🌸🌹🌸
🌸🌹🌸🌹
ـــــــــــــــــــ
مرد مقدم

في ذكرى ميلاد الإمام العسكري (ع)

بالهوى وَضَّأْتَ كُلَّ الكائناتْ
ومَلأْتَ الكونَ عِطْرَ الأُمْنِياتْ

إنَّ ميلادَكَ يا روحَ النَّدى
كانَ للخيرِ وللحُسْنِ صلاةْ

أنتَ يا حُباً سَرَى في أَضْلُعِي
لم تَزَلْ ترسمُ لي دربَ الحياةْ

كُنْتَ نوراً قبلَ أَنْ تُهْدَى لنا
وأباً جِئتَ لكُلِّ المعجزاتْ

حُبُّكَ الأَخَّاذُ صِنوانُ الضُّحى
وَهْوَ عندي الباقياتُ الصالحاتْ

أنتَ من بيتٍ إذا ما ذُكِرُوا
رُفِعَتْ بالحُبِّ أعلى الصلواتْ

&&&&&

إبراهيم الدريس

في ذكرى ميلاد الإمام العسكري (ع)

شَعِّ النور شَعَّ النور .. بالعسكري او ميلاده

&&&&&

هالليله شع نور الحسن او ضوَّه ليالينه

و المهدي بـ اكتاب العشكـ سَجَّل أسامينه

هذا الإمام العسكري ما غيره سابينه

او لو نعطش احنه ابكل وِفه بس هوه يروينه

يِحلى الطور يِحلى الطور .. بالعسكري او ميلاده

&&&&&

هذا الإمام العسكري معروف بـ إحسانه

ابوجهِ اليِمِد جفَّه أبد ما صَكْها بيبانه

هالناس لو ما غِيرته بالضيم غركانه

او نجماته تِضْوِي بالعرش و اتضَوِّي بـ اِسْمانه

الكِل مسرور الكِل مسرور .. بالعسكري او ميلاده

&&&&&

يا محله ليلةْ مولده او يا محله جَمْعَتْنه

للعسكري الليله ابفرح نهديله جَلْوَتْنه

ابميلاد أبو المهدي ابفخر تتعاله صرختنه

بس ابولاءَه تنفتح بيبان جَنَّتْنه

أحلى اعطور أحلى اعطور .. بالعسكري او ميلاده

&&&&&

تتعنَّه سامره ابفرح لرواح ملهوفه

و اتقبِّل أعتابه ابفخر و ابمرقده اتطوفه

معروفه هيه عادته يِكْرِمْها لـ اضيوفه

و ابكل وكت منِّ الكرم ما تِفْرَغ اجفوفه

تِضْوِي الدُّور تِضْوِي الدُّور .. بالعسكري او ميلاده

&&&&&

انهنِّي الرسول ابـ هالفرح و اشموع نضويله

و المهدي حاضر كل حفل بالنور هالليله

كُمْنه عليْه ننثر ورد و الروح نهديله

و انقبِّل أجدامه او بَعَد بالفَرَج ندعيله

اِتْغَنِّي اطيور اِتْغَنِّي اطيور .. بالعسكري او ميلاده

&&&&&

خادم العسكري (ع) : إبراهيم الدريس

في مولد الإمام العسكري (ع)

ليل ميلادك أحِسَّن شاعِري
او من بِزغ نورك تِنُومَس ناظِري

او كلِت يا نبضات كلبي ابكِل سُرور
الـ جَيَّةِ الغالي دَصلّي و انْحَري

وانتي يا دنيه مِنِ اتشوفينه طاح ..
ساجد اعله الكاع .. أذْنِي او كبِّري

ألله أهدالِج ضُوه ابهيئةْ إمام
اتْبَخْتِري يا دنيه بيْهِ اتْبَخْتِري

وابقدوم (الخير) يا أرض او سماء
ابلا جِنِح .. طيري ابعشِكـ واسْتَبْشِري

وابعطر إبن النِّبي الـ فاح ابسلام
يا حروف او يا قوافي اتْعَطِري

او رِسْمِي لوحه الـ حِسْنه قَدْرِ المُستطاع
و ابصفاته البيض هيمي و اسْكري

لملِمِي المعنى او مثِل طبْع الرِّمال
يم جمال ابن البتوله اتْبَعْثِري

وابنَفَس واحد مِنَ انفاسه أريد
كون عن برْدِ الشِّعِر تِتْدَثِري

او حرِّري الإحساس من سجْن (الخَليل)
او بالفرح بُركان أخضر فَجِّرِي

إنته بس انته تِرَس عيني ابضُواه
و انته منّ اعطش أشوفك كوثري

او من يظلموني البشر إنته النصير
او من أحارب إنته سيفي او خَنْجَري

او والله منِّ اتصير وَيّايه الحياةْ
مُرَّه .. ألكاك انته صاير سُكّري

بِعِت كلبي ابسوكـ ايسمونه الهَيام
او عيني ما شافت سِواكُم يِشْتِري

اتمَلّكِتْني من قَبِل تِشْري الدِّليل
او بس قِنَع هوه ابهَواكُم ضامري

عَلَكـ شفتك سيدي ابمَتْن الشهيد
او شفِت بسمك رايه وسْط (المُشْتَرِي)

& & & & &

الليله من شعشع على الدنيه ضُواك
وَجْها شمعات الفرح وادي (الغَري)

إنته تحمل طيبه من كلْب الرسول
او لو زِعَلْت ابيوم زَعْلك حيدري

الناس تسألني نشوفك عالي راس ؟!
آنه كِتِّلْهُم طبيعه ابجوهري ..

العنْده مثل (العسكري) خل او حَبيب
حكّه ياخذ كل شُمُوخي او مَفْخَري

إنته صوتي من يِبِح صوت الزمان
و انته يا مولاي صولةْ مِنْبَري

على إسمك سيدي أصحه او أنام
او حبك إحرامي او ضَريحك مَشْعَري

أمي نذرتني نِذِر رادت أصير
يالحسن في جيش إبنك عسكري

او عندي أصعب كُل شِي منّ افكُد رِضاك
و العُيونك سهله اقدِّم مَنحَري

آنه بالدنيه او لأن أشتَم هواك ..
ما أحير .. اشلون احير ابمَحْشَري ؟!!

الما يحبك هذا مِسكين او فقير
و اليحبك هوه بس هذا الثّري

يِسْألوني أهْل العشكـ ما اسْم الحَبيب ؟!
كِلِت لتْسِألوني عدكم خاطري

جاوب اعليهم دِليلي ابلا كلام
فقط أشّر على إسم (العسكري)

& & & & &

تبكه يبن الهادي ماضِيّي الجَميل
او زهرةِ المستقبل او فَيْ حاضِري

علي جدك خط حُروفك عالفَقَار
او صاح لعيونك أطُرِّ (العامِري)

& & & & &

خادم العسكري (ع) : إبراهيم الدريس

هوستين :

نور العسكري ابوسط السمه اتلاله
او فرَّح مولده طه النبي و آله
هنياله اليِحِبَّه والله هنياله

بالمحشر يرجَح ميزانه

&&&&&

العنده حاجه الليله بَشْره ياخذ ابـ إيده المُراد

بس شَرُط عالحَسَن يقسم ابجدَّه مولانه الجواد

هُوَّه بس تندبه يفتَح بالعَجَل سبع الشداد

او سمَّاه جدَّه قاضي الحاجه

&&&&&

خادم العسكري (ع) : إبراهيم الدريس

ابوذیات فی حق الامام الحسن العسکري ع
🌸🌸🌸
هله بل گصد محفلنه ویانه
وفرح للعسکري ابشوگه ویانه
لبو المهدی اهدعش شمعه ویانه
وفرحنه من گلب لبن الزچیه
🌸🌸🌸
فاحت گهوت اهل الخیر منهیل
عله مولود گمرنه ابنور منهیل
الحسن نور الهدایه وصار منیهل
شرع؛؛واعلوم فض اعله البریه
🌸🌸🌸
مسعود الحاتمي

(رده مولودیه بحق ولادت الامام الحسن العسکری ع)
🌴🌴🌴🌴
ابمولد والد مهدینه...
من کل گلب فرحینه...

مولاء مولا یلحسن ۲
🌴🌴🌴
لیلت سعاده وبهجه وانهنّی المهدی الموعود

ابمولد ابوه الحسن گمنه انطش باغات اورود

ابمای الکوثر مهدینه ظل ایبخ علناس ابجود

وعازم بمضیف العباس شیعت علی الرضعت زود

ابزاده الکل اتغدّینه...
من کل گلب فرحینه..

مولاء مولاء یلحسن۲
🌴🌴🌴
السآمره اتغمّس بلخیر ابمولد ابن الزچیه

من البقیع الگبره اموّدی الحسن تهنیه

والفرحت گلبه المجروح وارویحته الوردیه

من النجف حیدر جای یسچی اضیوفه ابخاچیه

ویّا محفل عقدینه...
من کل گلب فرحینه...

مولاء مولاء یلحسن۲
🌴🌴🌴
الهادی استرت روحه وبخرّ بنفاسه الزمن

ابچفیه خضره اتعنّه شدهه ابراس ابابنه الحسن

جبریل آمر بلجنه کل الحواری ایغنن

ویم مَهد وجه الدنیه الحد الصبح یهوسن

مولوده غالی اعلینه
من کل گلب فرحینه

مولاء مولاء یلحسن ۲
🌴🌴🌴
اسعدالله ایامکم وکل عام وانتم بالف خیر/مسعود الحاتمی

*🌹ابـیات ابوذیَّــة🌹*
بمناسبة *میلاد الامام الحسن العسکری علیه السلام*☀ لخادم اهل البیت(ع) الشاعر مرد مقدم
ــــــــــــــــــــــ
🌹🌸🌹🌸
الدنیا افراح من کل کتر یَلها
حگَّـه البیهن ابکل شوگ یلها
نـور الـعسکري کل عِـتَم یَلها
انولد واسترت اگلوب البریّه
ـــــــــــــــ
اهـمـوم اشکثـر میلاده نَهلها
او جف ادموعـنه الچِنَّـه نِهلها
المکارم من هَـله او عوده نَهلها
سَرنَه العسکري مِن سطع ضیّه
ــــــــــــــ
خبر میلاد ابو محمد وصَلِّي
اَسلّم صرت مِن شوگي وصَلِّي
یَهَـل معتني السامرَّه وصَلي
سلامـي وبـالِّـغه عنّي التحیّه
ــــــــــــــــ
السهله بس اله تحله وَلَـهلَه
گلبـي ابــعید میلاده وَلَـهلَه
اله بس الشعـر یحله وَلَـهلَه
کفو بالعسکري حامي الحمیّه
ــــــــــــــــ
سعید الـوالف اهل البیت ودَّه
حگـهُم واعـلن ابکل شوگ ودَّه
یَهَـل رایـح سلامي اویاک ودَّه
لبو المهدی الحسن مني هدیَّه
🌸🌹🌸🌹
ـــــــــــــــــــ
مرد مقدم

*صلواتية كل يوم*

لكَ فـي فؤادي بل فؤادي منزلُ
لــهــواكَ لا لســواكَ لا يـتـبـدَّلُ

أنـتَ الــــذي شـيَّـدتَـهُ وبـنـيْـتَهُ
بكَ عاشَ فيه الحبُّ أنتَ المُفْضِلُ

كــم أنعـمَ البـاري عـلينا نـعمةً
لـكـنَّ حـبَّـكَ يــا علـيُّ الأفـضَـلُ

لـولاهُ مــا مِنْ نـعمةٍ هي نـعمةٌ
حتى العـبـــادةُ دونَــهُ لا تُـقـبَلُ

سنظلُ نُنْشدُ في هواكَ قصائداً
وعليكَ دومـــاً بـالـصـلاةِ نُـرتِّـلُ

#الدر_العاملي

هوسات لمولد الامام العسكري
🌹🌷🌻💐🌼🌷🌻
لبو المهدي اجينا له ونحيي بسمه حفلتنا
وعلقنا المولده الليله شمعتنا وزينتنا
وربيع الثاني تحلى بيه للاحباب فرحتنا

يامحلى فرحة ميلاده
يامحلى فرحة ميلاده
يامحلى فرحة ميلاده
🌹🌷🌻💐🌼🌻💐

الى الهادي نقدم ليه هالليله تهانينا
وبسم ابنه ابو محمد ترانا المولده جينا
ابهالمولود هادينا قر ليه الاله عينه

الهادي انسر قلبه الليله
الهادي انسر قلبه الليله
الهادي انسر قلبه الليله
🌻💐🌹🌷🌼🌷🌹
ارض سامراء ياالاحباب تتشعشع ترى بالنور
والمهدي ابهالمولد قلبه من الفرح مسرور
ورشينا الورِد والعود وفوّحنا اليه لبخور

فاحت دنيتنا من اعطوره
فاحت دنيتنا من اعطوره
فاحت دنيتنا من اعطوره
🌹🌷🌻💐🌼🌻💐
تحيّه امعطّره نرسل هالليله الى الزهرا
بميلاد الحسن تدرون كل لملاك مسترّه
وجبرائيل من ربّه الى رضوان جاب أمره

بالجنّه الزينه علقوها
بالجنّه الزينه علقوها
بالجنّه الزينه علقوها
💐🌻🌹🌷🌼🌻🌹
حاجتنا يبو محمد نريد الليله تقضيها
وهاي لورود جبناها الك مولاي نهديها
وشيعتكم يبو محمد نريدّنك تحميها

بإذن الله الشيعه منصوره
بإذن الله الشيعه منصوره
بإذن الله الشيعه منصوره
🌻🌹💐🌷🌼💐🌷
عبد الهادي احمد الجنبي
ربيع الثاني ١٤٤١