•
⁉️- هل توقظون أولادكم لصلاة الفجر ؟!

- سألت امرأة أحد الصالحين : يا شيخنا ، أولادي نومهم ثقيل ، وأعجز على أن أوقظهم لصلاة الفجر ، فما الحل

= قال لها : لو احترق البيت وشبَّت ناراً ، فماذا أنتِ فاعلة؟!
- فقالت : سأوقظهم

- قال : ولكن نومهم ثقيل
= قالت : واللهِ لأوقظنَّهم ولو بسحبهم مِن رقابهم

- فقال : هذا فِعلك معهم لإنقاذهم من نار الدنيا .. فافعلي ذلك لإنقاذهم من نار الآخرة
•
🍃🌻🌸•┈┈• ❀ 🌴 ❀ •┈┈•🌸🌻🍃

🌟🥇 بطل بعد رمضان 🥇🌟

✳️الحلقة السادسة ✳️

💌نكمل كلامنا عن البطل الحقيقي بعد رمضان...💌

رمضان بداية وليس نهاية !

👌 الوقفة الجدية التانية اللي لازم نقفها مع نفسنا بعد رمضان يا شباب .. هتسأل فيها نفسك وهتسألي فيها نفسك :

💪ماذا بعد رمضان؟ هتعمل إيه بعد رمضان؟!

▫️ لازم نعرف يا شباب إن رمضان بداية وليس نهاية .. يعني مش خلاص صُمنا وصلينا ، سلام عليكم بقى , و نتقابل رمضان الجاي ان شاء الله ..!!!
▫️رمضان يا جماعة شحنة وعزيمة للانطلاق في علاقتك بالله * ..

👈 يا ترى خرجت بإيه من رمضان ؟؟؟!!
إيه العمل الُمميز اللي إنت خرجت بيه من رمضان ؟؟؟

👈أنا عايزك تخرج من كل موسم بعمل واحد تثبت عليه في حياتك!

▫️ أخرج من كل درس بعمل واحد بس تثبت عليه في حياتك،
هتلاقيك بعدها بسنتين ثلاثة بقيت خلاص من أولياء الله الصالحين !!
👈ركـّـــــــــز يا حبيـــــب قلبي ، واطلــع السلّـــــــم سلّمه سلّمه ..
خد الطريق خطـــوة خطـــوة ..
👈ولكن اعرف إيه العبادة اللي إنت خرجت بيها ؟؟؟!
إيه العمل اللي إنت خرجت بيه ؟

✋إوعى تقف أو تتعطل .. متوقّفش بعد رمضان .. كمّل طريقك إلي الله سبحانه وتعالي .. كمّل لأن النبي صلى الله عليه وسلم قال :
(من صام رمضان ثم أتبعه سِتًّا من شوّال كان كصيام الدهر ) رواه مسلم
👈يعني إيه أتبعه ؟؟ يعني عبادة ورا عبادة .. يعني أوصِل صيام في صيام , اُوصِل قيام في قيام .. يعني شد حيلك واستعن بالله ولا تعجز ..

👈وإحنا في قرارات ما بعد رمضان .. هنحاول نركز على حاجات بسيطة نثبت عليها في 8 عبادات بإذن الله :

🌼 قراءة القرآن :
🔅 قراءة ورد يومي من القرآن .. ولو صفحة واحدة تواظب عليها .. المهم يكون لك ورد يومي ثابت ..
👌 وأهم حاجة في ورد القرآن مش كمّيته زي ما قولنا قبل كده، ولكن أهم حاجة إنك تكرر كل آيات الجنة والنار والدار الآخرة ، تكرر كل آيات عظمة الله ، وقدرة الله ، وجلال الله اللي هتقرأها .. وبالتالي نقدر نشحن قلوبنا إيمانياً من قراءة القرأن ..

👈 بالإضافة لمقدار حفظ قرأن أسبوعي أو يومي .. كل واحد على حسب ظروفه .. بس أهم حاجة تكون محدد هتحفظ قد إيه ؟؟وهتحفظ مع مين ؟؟
👌حفظ القرأن من الحاجات اللي هتقربنا من الله وتثبتنا في طريق الدين وتعلينا.. حفظ القرآن هو البداية الصح ..

🌼الصلاة :
الصلاة في جماعة في المسجد ، وبالنسبة للنساء الصلاة في أول وقتها ..
عايزين التلبية الفورية للأذان ، يعني أقطع كل حاجة بعملها وأستجيب لنداء الله * .. مش عايزين أي حاجة مهما كانت تعطلنا أو تأخرنا عن الصلاة ..
مع أداء السنن الرواتب بانتظام .. سنن الرواتب 12 ركعة في اليوم ..

🌼 قيام الليل :
👌تحديد وقت لقيام الليل .. تكون محدد وقت تصلّي فيه وتلزم نفسك به .. ممكن بعد العشاء .. ممكن قبل ما تنام .. ممكن تظبط منبه وتصحى في ثلث الليل الأخير .. كل واحد وظروفه ..

👌قيام الليل بقدر ما تستطيعه, علي حسب قدرتك.. ممكن تبدأ بـ 5 ركعات .. 2 خفاف جداً و2 طوال وتختم بركعة وتر ..
👈ولو مفيش مجهود ومش قادر تصلّي ، يبقى أقل حاجة هي ركعة وتر متسيبهاش أبداً مهما كنت تعبان أو نايم متأخر ..!

🌼الصدقة :
*تحاول تحافظ على صدقة ولو بجنيه .. ولو بأقل القليل ..

🌼الصيام :
* صيام اثنين وخميس من كل أسبوع .. ولو قدرت يبقى معاهم صيام الأيام البيض 13 و14 و15 من كل شهر هجري ..

🌼الذكر :
*حافظ على أذكار الصباح والمساء،وحاول تعوّد لسانك على الذكر في كل أحوالك.

🌼الدعاء :
👈 كل يوم لابد لك من وقت مخصص للدعاء فقط .. ولو 10 دقايق ..
✋ ولازم تواظِب على الـ 3 أدعية دول ومتنساهمش أبداً :
(اللهم أعني على ذكرك وشكرك وحسن عبادتك) ..
(اللهم إني أسألك الثبات في الأمر والعزيمة على الرشد) ...
(اللهم يا مقلِّب القلوب ثبِّت قلب على دينك) ...

💚👌I شحن القلب :
👈 لاااااااااااااازم يكون فيه سماع لدرس إيماني .. سواء هتسمعه على الموبايل أو هتحضره في المسجد ..
👈 الدرس ده هو حقن الفيتامين النوراني في القلوب ..
🌻اسمع ولو مقطع صغير مؤثر .. الشحن اليومى و لو بأقل القليل هيساعدنا فعلاً وهيفرق بجد مع قلوبنا ..
🌻 عايزين نكون واثقين إن كل كلمة عن ربنا وكل رسالة دعوية بنسمعها بتسيب جوانا أثر ..
🌻 عايزين نتيقّن إن إحنا محتاجين دايماً لرسائل وعظ توقظ قلوبنا .. محتاجين حد يذكرنا بالله .. فمش عايزين نفرط في شحن قلوبنا يومياً ..

🌼🌼🌼

*فكرة إنك تسيب المعصية بالتدريج دي حاجة غلط جدًا!*

ترك المعصية محتاج قرار فاصل وتنفيذ فوري.

*التدرج ده ممكن يكون في الطاعات والعبادات؛ لكن مش في ترك المعاصي.*

📌 اقفل الباب اللي بينك وبين المعصية تمامًا؛ لأنك لو سيبته موارب ممكن في أي لحظة ضعف أو ابتلاء ترجع أكتر من الأول للأسف 👎

*الحل هو ورد العبادة + الأخوة الإيمانية بيننا وبين بعض*

لازم نعايش أسماء الله ونستشعر قربه منا ومعيته سبحانه وتعالى لنا.

*اعتصموا بكتاب الله فهو حبل الله المتين.*

اللي بيتصل بالقرآن حياته كلها بتتغير وبتتملى معاني إيمانية.

*وكمان لازم نتحصن من الشياطين بالأذكار الشرعية ونعود لساننا على الذكر.*

هو ده الطريق الصح؛ فاستعن بالله وإياك والرجوع!

🌟🥇 بطل بعد رمضان 🥇🌟

✳️ الحلقة السابعة ✳️

📌 توصيات عملية لكل بطل بعد رمضان 👌

👌وهختم ببعض النصائح لعلها تساعدنا بإذن الله على الاستمرار والثبات في طريقنا إلى الله تعالى :

🌟 أولاً : سلاحك الأقوى والأول والأخير في وجه الشهوات والفتن هو :
إنك تجرى على باب ربنا وتقول يااااااااااااارب ..
🌻تقول يارب اعصمنى .. نجّيني يا رب .. ثبتني يارب ..استغيث بالله.. اطلب الثبات من الله .. إذا كان رسول الله صلى الله عليه وسلم احتاج إن ربنا يثبته, يبقى إحنا محتاجين لربنا قد إيه علشان نثبت ؟؟!

👈إذا كان رمز الثبات في الأمة, أعظم جبل ثبات في الأمة , ربنا * قال له :
{ وَلَوْلا أَنْ ثَبَّتْنَاكَ لَقَدْ كِدْتَ تَرْكَنُ} الإسراء:74
أمال إحنا لو ربنا مش هيثبتنا هنعمل إيه ؟؟ هيحصلنا إيه ؟؟؟!!😞
👈لازم يا شباب نستعين بالله , ونسأل الله الثبات .. لازم نتيقن إنه مفيش ثبات إلا بالله سبحانه وتعالى ..

🌟 ثانياً : حاول تعمل جدول يومي لحياتك زي ما عملنا في رمضان ..
تكون عارف إنت هتعمل إيه بالظبط ؛ بحيث تشغل وقتك وتبعد عن التفكير في أي معصية .. خلّيك دايماً فاكر (نفسك إن لم تشغلها بالحق ، شغلتك بالباطل) !

🌟ثالثاً : إبدأ بالقليل .. وواظِب عليه ..
👌حافظ علي طاعتك حتي لو كانت بسيطة ، وبعدين ارتقي بالتدريج لحد ما توصل لهدفك ..👈 خلّي شعارك قول النبي صلى الله عليه وسلم : (أحب الأعمال إلى الله أدومها ؛ وإن قلّ) ..يعني مش مهم الكمّ قد إيه .. أهم حاجة المداومة والاستمرار ..

🌟رابعاً : نـــــــــــــــــــــــــوِّع طاعاتك ..
نوّع طاعاتك وعباداتك بين الّلسانية (قرآن .. استغفار.. صلاة على الحبيب) ..
والفعلية (صدقة .. إحسان إلى جار أو مسكين .. عيادة مريض ) ..
والقلبية (رضا .. صبر .. عفو .. حسن ظن .. يقين ) ..
🔅 نوّع علشان متملّش وتزهق .. وعلشان العبادة متبقاش روتين في حياتك وبعد شوية تزهد فيها وتسيبها !

🌟خامساً : إوعي توقف العبادات في حياتك بسب أي ظروف مهما كانت ..
✋ إوعى تقف حتى لو داخل امتحانات ، حتى لو مطحون شغل !!
👌 لازم استمرارية يا حبيب قلبي .. ويوم ما الدنيا تضيق عليك ، خلّي ساعة واحدة في يومك عبادة لربنا سبحانه وتعالي .. ساعة بس هتبقي مليانة بركة طالما هتستقطعها لله .. أهم حاجة الصدق ..

🌟 سادساً : بلاش نعمل في عقولنا تصورات مثالية للدين !!!
👈بلاش نعمل تصورات مثالية عن اللي مطلوب مننا وبعد كده نعقّد نفسنا ، فنقعد محبطين ومنعملش أي حاجة !!
🔅 متتخيلش إن اللي مطلوب منك إنك ليل نهار تكون صايم قايم وماسك المصحف وبتصلي وقلبك خاشع وعينك مبتبطلش بكاء وشغال في الدعوة !! واللي ميعرفش يعمل كده خلاص يحس بالتقصير ويُحبط وينهار !! اللي ميعرفش يواظب على كده يفشل ويتحطم نفسياَ !!

🔅 الإلتزام مش كده يا جماعة ..الالتزام أبسط من كده بكتييير ..!
👈فيه حاجة اسمها الصورة الذهنية العلمية للالتزام .. يعني الإلتزام له درجات وله مراحل .. الإلتزام قصة تعب ومجاهدة واستمرار علشان توصل لربنا ..
👌 فأستعن بالله .. أصدق مع الله .. أبدأ .. جاهد نفسك .. تدرج .. اتعب .. أستمر .. وبلاش حد يتعلق بصورة مثالية في الحياة ..

🌟 سابعاً : اللى عايز يوصل لربنا لازم يتقبل الوقعات ..
👌 يعني لازم يتقبل إن هو يقع .. أصل يا حبيب قلبي إحنا مش ملايكة ..!
👈 كلنا بشر .. كلنا أصحاب ذنوب ومعاصي ، ومفيش حد فينا معصوم إطلاقاً ..
👈 كلنا بنغلط .. بس فرق المؤمن عن أي حد تاني ، إنه أول ما بيغلط بيتوب ويرجع لربه وهو كله يقين إنه هيتوب عليه ويقبله ..
🌻يعني الفرق بين الملتزم والعاصي مش إن الملتزم ما بيعصيش والعاصي بيعصي،
ده اعتقاد خاطئ تماااااااااااااااااااااااااااااااااماً ...!!

🔅 الفرق إن الملتزم لما بيعصي بيقوم ويتوب في وقتها .. إنما العاصي لما بيعصي بيستمر وبيكمل ..
🔅 الفرق إن الملتزم بيجاهد إنه يتخلص من المعصية ويدوّر على نقط ضعفه ويحاول يتغلب عليها .. إنما العاصي مش فارقة معاه يكمّل معصية أو ما يكمّلش معصية ،عادي جداً ..
🔅الفرق إن الملتزم مرعوب إنه يموت على معصية ويقابل ربنا بالمعاصي من غير ما يتوب منها ويبطلها .. إنما العاصي بيكون غافل عن نتيجة ذنوبه والعياذ بالله !!

👌شوف حديث رسول الله صلى الله عليه وسلم :
( مَا مِنْ عَبْدٍ مُؤْمِنٍ إِلا وَلَهُ ذَنْبٌ يَعْتادُهُ الْفَيْنَةَ بَعْدَ الْفَيْنَةِ ،أَوْ ذَنْبٌ هُوَ مُقِيمٌ عَلَيْهِ ، لا يُفَارِقُهُ حَتَّى يُفَارِِقَ الدنيا ، إِنَّ الْمُؤْمِنَ خُلِقَ مُفْتَنًا تَوَّابًا نَسِيًّا ، إِذَا ذُكِّرَ ذَكَرَ ) صححه الألباني
👈 مُفتنًا يعني بيتفتن وبيذنب وبيقع .. توابًا يعني بيقوم تاني بعد كل مرة ..
👈بس مش معنى كده إننا نتهاون ونقول خلاص نعصي بقى وبعدين نتوب ..!! لأ طبعاً .. الآيات والأحاديث في باب التوبة دى تحصينات نفسية ضد الاحباط .. * وهو ده الطريق ...

آه وقعت النهارده ، بس بإذن الله تدريجيًا هرتقى ولو بعد مية سنة وهبقى إنسان مُلتزم صح ..

🌟 ثامناً : الصبر .. ثم الصبر .. ثم الصبر ..
الزمن اللي إحنا عايشين فيه زمن صعب أووووووي .. والفتن خطّافة وبتشد الإنسان من كل الجهات ..!! وعلشان كده الرسول * شبهه التمسك بالدين في الزمن ده بتشبيه مفيش أبلغ منه .. فقال صلى الله عليه وسلم :
( يأتي على أمتي زمان ،الصابر فيهم على دينه كالقابض على الجمر )
صححه الألباني

🔅 قال الطيّبي رحمة الله في شرح الحديث :
[ والمعنى أنه كما لا يقدر القابض على الجمر أن يصبر لإحراق يده , كذلك المتدين يومئذ لا يقدر على ثباته على دينه ؛ لغلبة العصاة والمعاصي وانتشار الفسق وضعف الإيمان ! ]

🔅وقال القاري :
[ومعنى الحديث أنه كما لا يُمكن القبض على الجمر إلا بصبر شديد وتحمل غلبة المشقة ، كذلك في ذلك الزمان لا يُتصور حفظ دينه ونور إيمانه إلا بصبر عظيم ]

👈 تخيل واحد بقى ماسك قطعة نار في إيده ؟!!
تخيلي واحدة حاطة إيديها على شعلة البوتجاز 24 ساعة؟!!
اختبارات وفتن صعبة جداااااااااا ...
👈 فلازم تصبر وتعرف إننا فى دنيا قصيرة جداً جداً مهما طالت ..
النبي صلى الله عليه وسلم قال عن الأيام اللي إحنا عايشين فيها دلوقتي (إن من ورائكم أيام الصبر)! النبي صلى الله عليه وسلم سمّاها "أيام الصبر" ..اللي هيلتزم فيها لااااازم يصبر ويستحمل ...

🔅وعلشان الصعوبة والمشقّة الشديدة جدااا في الثبات على الدين في زمن الفتن ، كان اللي هيصبر وهيثبت في الزمن ده له أجر عظيم جدااااااااا جدااااااااا ..
👈 أجر 50 صحابي من صحابة النبي صلى الله عليه وسلم على كل حاجة بيعملها ..!

👌 فأبشر يا كل شاب صابر ، وأبشري يا كل بنت صابرة ..أبشروا أيها القــابضون على الجمـــــــــــــــــــــر ..

👌في النهاية ..اتفقنا إن الحل ياجماعة إننا نصبر .. الحل ياشباب إنكم تصبروا .. اللي مش لاقي صحبة صالحة لازم يصبر ... مش الحل إننا سيب الدنيا .. مش الحل إننا نوّفر لكل مواطن صحبة صالحة ..

👈 الحل إنك إنت تسعى علشان تلتزم..
وساعتها هتبقى إنت الصحبة الصالحة.. ساعتها هتبقى إنت البداية ..

✳️✳️✳️✳️
#بطل_بعد_رمضان

*🌿أذكار الصباح والمساء🌿*

أَعُوذُ بِاللَّهِ مِنَ الشَّيطَانِ الرَّجِيمِ :
🌸 ﴿اللَّهُ لاَ إِلَهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَوَاتِ وَمَا فِي الأَرْضِ مَن ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء وَسِعَ كُرْسِيُّهُ السَّمَوَاتِ وَالْأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيمُ﴾.

💚بسم الله الرحمن الرحيم
﴿قُلْ هُوَ اللَّهُ أَحَدٌ* اللَّهُ الصَّمَدُ* لَمْ يَلِدْ وَلَمْ يُولَدْ* وَلَمْ يَكُن لَّهُ كُفُواً أَحَدٌ﴾.
(ثلاثَ مرَّاتٍ)

💎بسم الله الرحمن الرحيم
﴿قُلْ أَعُوذُ بِرَبِّ الْفَلَقِ* مِن شَرِّ مَا خَلَقَ* وَمِن شَرِّ غَاسِقٍ إِذَا وَقَبَ* وَمِن شَرِّ النَّفَّاثَاتِ فِي الْعُقَدِ* وَمِن شَرِّ حَاسِدٍ إِذَا حَسَدَ﴾.
(ثلاثَ مرَّاتٍ)

💜بسم الله الرحمن الرحيم
﴿قُلْ أَعُوذُ بِرَبِّ النَّاسِ* مَلِكِ النَّاسِ* إِلَهِ النَّاسِ* مِن شَرِّ الْوَسْوَاسِ الْخَنَّاسِ* الَّذِي يُوَسْوِسُ فِي صُدُورِ النَّاسِ* مِنَ الْجِنَّةِ وَ النَّاسِ﴾
(ثلاثَ مرَّاتٍ).

💖 سورة الفاتحة (ثلاثاً) .

☀️((أَصْبَحْنَا وَأَصْبَحَ الْمُلْكُ لِلَّهِ ، وَالْحَمْدُ لِلَّهِ، لاَ إِلَهَ إلاَّ اللَّهُ وَحْدَهُ لاَ شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ، رَبِّ أَسْأَلُكَ خَيْرَ مَا فِي هَذَا الْيَوْمِ وَخَيرَ مَا بَعْدَهُ ، وَأَعُوذُ بِكَ مِنْ شَرِّ مَا فِي هَذَا الْيَوْمِ وَشَرِّ مَا بَعْدَهُ، رَبِّ أَعُوذُ بِكَ مِنَ الْكَسَلِ وَسُوءِ الْكِبَرِ، رَبِّ أَعُوذُ بِكَ مِنْ عَذَابٍ فِي النَّارِ وَعَذَابٍ فِي الْقَبْرِ)).
←[ وإذا أمسى قال: أمسينا وأمسى الملك للَّه] [وإذا أمسى قال: رب أسألك خير ما في هذه الليلة، وخير ما بعدها، وأعوذ بك من شر ما في هذه الليلة، وشر ما بعدها.]

🔵 ((اللَّهُمَّ بِكَ أَصْبَحْنَا، وَبِكَ أَمْسَيْنَا ، وَبِكَ نَحْيَا، وَبِكَ نَمُوتُ وَإِلَيْكَ النُّشُورُ)).

[وإذا أمسى قال: اللَّهم بك
أمسينا، وبك أصبحنا، وبك نحيا، وبك نموت، وإليك المصير.]

🔸 ((اللَّهُمَّ أَنْتَ رَبِّي لَا إِلَهَ إِلاَّ أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ، وَأَبُوءُ بِذَنْبِي فَاغْفِرْ لِي فَإِنَّهُ لاَ يَغْفِرُ الذُّنوبَ إِلاَّ أَنْتَ)).

💗((يا حي يا قيوم برحمتك أستغيث أصلح لي شأني كله ولا تكلنى إلى نفسي طرفة عين)) ثلاثا ً

🌺((أصبحت أثني عليك حمدا ً وأشهد أن لا إله إلا الله)) ثلاثا ً

🌟 ((اللَّهُمَّ إِنِّي أَصْبَحْتُ أُشْهِدُكَ، وَأُشْهِدُ حَمَلَةَ عَرْشِكَ، وَمَلاَئِكَتِكَ، وَجَمِيعَ خَلْقِكَ، أَنَّكَ أَنْتَ اللَّهُ لَا إِلَهَ إِلاَّ أَنْتَ وَحْدَكَ لاَ شَرِيكَ لَكَ، وَأَنَّ مُحَمَّداً عَبْدُكَ وَرَسُولُكَ))
(أربعَ مَرَّاتٍ).
[ وإذا أمسى قال: اللَّهم إني أمسيت...]


🌿 ((اللَّهُمَّ مَا أَصْبَحَ بِي مِنْ نِعْمَةٍ أَوْ بِأَحَدٍ مِنْ خَلْقِكَ فَمِنْكَ وَحْدَكَ لاَ شَرِيكَ لَكَ، فَلَكَ الْحَمْدُ وَلَكَ الشُّكْرُ)). [وإذا أمسى قال: اللَّهم ما أمسى بي...]


🌹((اللَّهُمَّ عَافِنِي فِي بَدَنِي، اللَّهُمَّ عَافِنِي فِي سَمْعِي، اللَّهُمَّ عَافِنِي فِي بَصَرِي، لاَ إِلَهَ إِلاَّ أَنْتَ. اللَّهُمَّ إِنِّي أَعُوذُ بِكَ مِنَ الْكُفْرِ، وَالفَقْرِ، وَأَعُوذُ بِكَ مِنْ عَذَابِ القَبْرِ، لاَ إِلَهَ إِلاَّ أَنْتَ))
(ثلاثَ مرَّاتٍ).

🌸((أستغفر الله العظيم الذي لا إله إلاّ هُوَ الْحَيُّ الْقَيُّومُ وَأَتُوبُ إِلَيْهِ)) ثلاث مرات

🔻((لا إله إلّا أنت سبحانك إني كنت من الظالمين)) ٧ مرات

🔹((حَسْبِيَ اللَّهُ لاَ إِلَهَ إِلاَّ هُوَ عَلَيهِ تَوَكَّلتُ وَهُوَ رَبُّ الْعَرْشِ الْعَظِيمِ))
(سَبْعَ مَرّاتٍ).


🌴((اللهم أجرني من النار)) ٧ مرات

💎((يارب لك الحمد كما ينبغى لجلال وجهك ولعظيم سلطانك)) ثلاثاً

✅((لا إِلَهَ إِلاَّ اللَّهُ وَحْدَهُ لَا شَرِيكَ لَهُ لَهُ الْمُلْكُ وَلَهُ الْحَمْدُ يحيي ويميت بيده الخير وهو على كل شيئ قدير)) ثلاثاً

⭐️ ((اللَّهُمَّ إِنِّي أَسْأَلُكَ الْعَفْوَ وَالْعَافِيَةَ فِي الدُّنْيَا وَالآخِرَةِ، اللَّهُمَّ إِنِّي أَسْأَلُكَ الْعَفْوَ وَالْعَافِيَةَ: فِي دِينِي وَدُنْيَايَ وَأَهْلِي، وَمَالِي، اللَّهُمَّ اسْتُرْ عَوْرَاتِي، وَآمِنْ رَوْعَاتِي، اللَّهُمَّ احْفَظْنِي مِنْ بَينِ يَدَيَّ، وَمِنْ خَلْفِي، وَعَنْ يَمِينِي، وَعَنْ شِمَالِي، وَمِنْ فَوْقِي، وَأَعُوذُ بِعَظَمَتِكَ أَنْ أُغْتَالَ مِنْ تَحْتِي)).

💐((اللَّهُمَّ عَالِمَ الغَيْبِ وَالشَّهَادَةِ فَاطِرَ السَّمَوَاتِ وَالْأَرْضِ، رَبَّ كُلِّ شَيْءٍ وَمَلِيكَهُ، أَشْهَدُ أَنْ لاَ إِلَهَ إِلاَّ أَنْتَ، أَعُوذُ بِكَ مِنْ شَرِّ نَفْسِي، وَمِنْ شَرِّ الشَّيْطانِ وَشَرَكِهِ، وَأَنْ أَقْتَرِفَ عَلَى نَفْسِي سُوءاً، أَوْ أَجُرَّهُ إِلَى مُسْلِمٍ)).


🌷 ((بِسْمِ اللَّهِ الَّذِي لاَ يَضُرُّ مَعَ اسْمِهِ شَيْءٌ فِي الْأَرْضِ وَلاَ فِي السّمَاءِ وَهُوَ السَّمِيعُ الْعَلِيمُ))
(ثلاثَ مرَّاتٍ).


💗((رَضِيتُ بِاللَّهِ رَبَّاً، وَبِالْإِسْلاَمِ دِيناً، وَبِمُحَمَّدٍ صلى الله عليه وسلم نَبِيّاً))
(ثلاثَ مرَّاتٍ).


🌟 ((أَصْبَحْنَا وَأَصْبَحَ الْمُلْكُ لِلَّهِ رَبِّ الْعَالَمِينَ، اللَّهُـمَّ إِنِّي أَسْأَلُكَ خَيْرَ هَذَا الْيَوْمِ:فَتْحَهُ، وَنَصْرَهُ، وَنورَهُ، وَبَرَكَتَهُ، وَهُدَاهُ، وَأَعُوذُ بِكَ مِنْ شَرِّ مَا فِيهِ وَشَرِّ مَا بَعْدَهُ)).
[وإذا أمسى قال: أمسينا وأمسى الملك للَّه ربّ العالمين اللَّهم إني أسألك خير هذه الليلة: فتحها، ونصرها، ونورها، وبركتها، وهداها، وأعوذ بك من شر ما فيها، وشر ما بعدها.]


💙 ((أَصْبَحْنا عَلَى فِطْرَةِ الْإِسْلاَمِ، وَعَلَى كَلِمَةِ الْإِخْلاَصِ، وَعَلَى دِينِ نَبِيِّنَا مُحَمَّدٍ صلى الله عليه وسلم، وَعَلَى مِلَّةِ أَبِينَا إِبْرَاهِيمَ، حَنِيفاً مُسْلِماً وَمَا كَانَ مِنَ الْمُشرِكِينَ)).
[وإذا أمسى قال: أمسينا على فطرة الإسلام...]

🌴((سُبْحَانَ اللَّهِ وَبِحَمْدِهِ))
(مائة مرَّةٍ).


🌵((لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، لَهُ الْمُلْكُ وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ))
(عشرَ مرَّات) ،
أَوْ (مرَّةً واحدةً عندَ الكَسَلِ).

♦️((لاَ إِلَهَ إِلاَّ اللَّهُ، وَحْدَهُ لاَ شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ))
(مائةَ مرَّةٍ إذا أصبحَ).

🔲 ((سُبْحَانَ اللَّهِ وَبِحَمْدِهِ: عَدَدَ خَلْقِهِ، وَرِضَا نَفْسِهِ، وَزِنَةَ عَرْشِهِ، وَمِدَادَ كَلِمَاتِهِ))
(ثلاثَ مرَّاتٍ إذا أصبحَ).


🔶 ((اللَّهُمَّ إِنِّي أَسْأَلُكَ عِلْماً نَافِعاً، وَرِزْقاً طَيِّباً، وَعَمَلاً مُتَقَبَّلاً)) (إذا أصبحَ).

🌺((أَسْتَغْفِرُ اللَّهَ وَأَتُوبُ إِلَيْهِ))
(مِائَةَ مَرَّةٍ فِي الْيَوْمِ).

🌱((أَعُوذُ بِكَلِمَاتِ اللَّهِ التَّامَّاتِ مِنْ شَرِّ مَا خَلَقَ))
(ثلاثَ مرَّاتٍ إذا أمسى).

💗 ((اللَّهُمَّ صَلِّ وَسَلِّمْ عَلَى نَبَيِّنَا مُحَمَّدٍ))
(عشرَ مرَّاتٍ).

🌟🥇 بطل بعد رمضان 🥇🌟

✳️الحلقة الأخيرة ✳️

👌خد قرارك !

✋خايفة ليه ؟؟؟ قلقانة ليه ؟؟!
👈متردد ليه ؟؟ لسه مش عارف تاخد القرار ليه ؟؟!

✋إوعى تكون لسه عندك ولو ذرّة اعتقاد انك هتلاقي سعادة في طريق المعصية ؟؟؟ تبقى ( مُغفل كبيـــــــــــــــــــــــر أوي ) ، والشيطان ضاحك عليك ضحك السنين ..!!

👈ده إنت بنفسك بقالك كام سنة ماشي في الطريق ده وجربت كل حاجة ودوخت ، وبرده مش لاقي أي سعادة !!
▫️بقيت عمّال تهرب من معصية لمعصية ، لعلّك تلاقي طعم الراحة والطمأنينة ولكنك كل يوم بتزداد هم وغم وشقاء !!
▫️روحك بتتعذب وتتألم وعمّاله تصرخ فيك وإنت عمّال تكتم صوتها وتحاول تنسى!

👈 ليه بعد كل ده لسّه مصمم تكمّل في نفس الطريق؟؟!

👈 خايف تندم لأنك سيبت حاجة حرام إنت بتحبها ؟؟
* إوعى تخاف .. والله العظيم ما هتندم أبداً .. مستحيل هتندم !
* قول لنفسك : مين اللي يختار ربنا ويندم !!!!
* قول لنفسك : تيقّني إنه من ترك شيئا لله عوّضه الله خيراّ منه ..
* تخاف إزاي بس ..؟؟! ده إنت كل ما تقرب من ربنا هتعرف إنك مكنتش عايش قبل كده ، وهتتمنى وتقول ياريتني كنت عرفت الطريق ده من زمان !

🌟 لحد إمتى هتفضل كده تعذّب في نفسك ؟؟؟
🌟 لحد إمتى هتفضلي تايهه ؟؟؟
🌟 لحد إمتى هنفضل نجري ورا السراب والوهم ؟؟!!

👈* لحد إمتى ؟؟؟!!

👌 يا حبيب قلبي .. شهوات الدنيا زي الميه المالحة ..
كل ما هتشرب منها هتعطش أكتر وأكتر .. ومفيش حاجة هترويك بجد غير قرّبك من ربك حبيبك ..

👈 يا أختي .. شهوات الدنيا زي البرق .. بتلمع قدامك ثواني ..
بتنوّر يادوب ثواني .. لذّتها بتنتهي بسرعة جداً ، وبترجعي بعدها تاني لحياة الظلام والكئابة ..
ومفيش حاجة هتنوّر حياتك على طول غير نور الإيمان ..

👈إسأل نفسك يا حبيب قلبي :
* مش حزين على أحوالك اللي إنت فيها دي ؟؟
* مش شايف كام واحد سبقك إلى الله ؟؟ مش غيران منهم ؟؟
* مش عايز تجرب إحساس إن ربنا بيحبك..
* مش عايز تجرب إحساس إن ربنا بيفرح بيك ؟
* مش نفسك تعيش وربنا راضي عنك ؟؟
* مش نفسك تقابل ربنا وإنت فرحان ؟؟؟؟

👈 إسألي نفسك يا أختي :
* إنتي روحك مش مشتاقة للجنة ؟؟
* مش مشتاقة تشربي من حوض حبيبك النبي صلى الله عليه وسلم ؟؟
* مش مشتاقة لرؤية وجه الله عز وجل ؟؟
* متعبتيش من الدنيا و نفسك في الراحة والنعيم الأبدي ؟؟؟

✋ عايز كل واحد يجاوب على نفسه وميضحكش عليها ..!!
هتفضل تضحك على نفسك لحد إمتى ؟؟؟!! لحد ما تفوق وإنت بيدفونك تحت التراب ؟؟!!!
▫️ ياللا خد القرار .. اتشجع وخد قرار التوبة والتغيير الحقيقي ..
▫️ إنت عارف يا حبيب قلبي لو أخدت القرار وأقبلت على الله واتغيرت وقلبك اتغير بجد من جوه ،
هتلاقي كــــــــــــــــــــــــــــــــــــــــــــــــــل ما تتمناه ..
▫️ هتلاقي الراحة والسعادة والطمأنينة والأمان وانشراح الصدر والسداد والتوفيق والتأييد والفتح والرفعة والحفظ والعزّة والخير كله ..

👌✋ يا شباب ..
الطريق لربنا مش طويل ،
بس للأسف فيه ناس بتستطوله !!
وطاعة ربنا مش صعبة ،
بس للأسف فيه ناس بتستصعبها !!
والانجاز الكبير بيدأ بقرار ،
بس للأسف فيه ناس مابتخدهوش !!

🌟👌 ياللا واجه خوفك .. وخد القرار ..
واقتل كل ذرة يأس ممكن تقابلك في الطريق ..
✋ ياللا خد القرار الشجاع !
القرار الوحيد اللي أقسم بالله عمرك ما هتندم عليه أبدا !!
*القرار اللي هيعيد الحياة لقلبك من جديد *

✋👈إوعى تخاف أو تقلق .. تخاف إزاي بس ؟؟!!
ده ربك هيهديك ويكفيك ويحميك ويثبتك ..
ده اللي هيختار ربنا وهيمشي في طريقه،
ربنا * قال عنهم 13 مرة في القرآن علشان يثبت العقيدة دي في ذهنك :
لا خَوْفٌ عَلَيْهِمْ وَلا هُمْ يَحْزَنُونَ

🌟 يعني مفيش خوف .. مفيش حزن ..
👈هـــو ده طـــــــــــــــريق الأمـــــــــــــــــــان كلــــــــــــــــــــه ..
👌اللى عايز السعادة والمتعة كلها، هيلاقيها في طريق ربنا وبس ..

هات إيدك ويللا نعيش أحلى حياة،..
👌أحلى حياة في طاعة الله 💚

🔆 🔆 🔆 🔆

#بطل_بعد_رمضان

{ #من_وسائل_الثبات_بعد_رمضان }

   🔟 عشر وصايا
  
للعلامة ابن جبرين -رحمه الله-
  👈 للثبات بعد رمضان

1⃣ وقبل كل شي طلب العون من اللَّهِ على الهداية والثَّبات،
وقد أثنى اللَّهُ على دعاء الرَّاسخين في العِلمِ:
{رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً ۚ إِنَّكَ أَنتَ الْوَهَّابُ}
[آل عمران : 8]

2⃣ الإكثار من مُجالسة الصَّالحين،

3⃣ التعرف على سير الصالحينَ،
من خلال القراءة للكتبِ أو استماع الأشرطة، وخاصة الاهتمام بسير الصَّحابةِ،
فإنها تبعث في النفس الهمة والعزيمه

4⃣ الإكثار من سماع الأشرطة الإسلامية المؤثرة،
كالخُطب والمواعظ، الإسلامية بين وقت وآخر.

5⃣ الحرص على الفرائض،
كالصّلوات الخمس، لما في الفرائض من خير عظيم.

6⃣ الحرص على النّوافل،
ولو القليل المُحبب للنّفس فان أحب الأعمال إلى اللَّهِ
(أدومه وإن قلّ)
كما قال -صلى الله عليه وسلم-.

7⃣ البدء بحفظ كتاب اللَّهِ،
والمداومة على تلاوته، وقراءة المحفوظ منه في الصّلوات والنّوافل.

8⃣ الإكثار من ذكر اللّه والاستغفار،
فإنه عمل يسير، ونفعه كبير.

9⃣ البعد كل البعد عن مفسدات القلب،
من أصحاب السوء، وأجهزة التّلفاز والدّش، والاستماع للغناء والطّرب،والانشغال بالهاتف والنّظر في المجلات الخليعة.

🔟 أوصيكم بالتَّوبة العاجلة..
التَّوبة النَّصوح، التي ليس فيها رجوع بإذن اللَّـه،
فإن اللَّهَ يفرح بعبده إذا تاب أشد الفرح .https://www.tg-me.com/AhlaHyaah

سؤال دايمًا على بالي ⁉️
إذا كان حر الدنيا مش مستحملينه ،طب هنعمل إيه في الآخرة!

موجة الحر العالية ودرجات الحرارة دي مجرد نفس واحد من جهنم ما بالك جهنم عامله إزاي !!

مافيش وجه مقارنة بين حر الدنيا والآخرة أنت مش هتقدر تتخيل أبدًا بس خليك فاكر 👈🏻 " قُلْ نَارُ جَهَنَّمَ أَشَدُّ حَرًّا "

لازم يكون حر الدنيا بيفكرك بعذاب الآخرة، ماتخليش الحل إنك تقلعي الحجاب؛ لأن الجو حر !
أو تكسر كل حدود الشرع في المصيّف علشان الجو حر !!
أو تترك الجمعة والجماعات علشان الجو حر!!

لو خسرت ظل عرش اللَّه هتعمل إيه
يا مسكين ؟!!

مش هتستحمل نفحة واحدة من نفحات جهنم.

انفد بجلدك من الحر الأكبر 
وإياك والاستهانة بمقت وعذاب اللَّه. 👌

قال النبي ﷺ:
( تُدْنَى الشَّمْسُ يَومَ القِيَامَةِ مِنَ الخَلْقِ حتَّى تَكُونَ مِنْهُمْ كَمِقْدَارِ مِيل،  فَيَكُونُ النَّاسُ عَلَى قَدْرِ أَعْمَالِهمْ في العَرَقِ، فَمِنْهُمْ مَنْ يَكُونُ إِلى كَعْبَيْهِ، وَمِنْهُمْ مَنْ يَكُونُ إِلى رُكْبَتَيْهِ، ومِنْهُمْ مَنْ يَكون إِلى حِقْوَيْهِ، ومِنْهُمْ مَنْ يُلْجِمُهُ العَرَقُ إِلجامًا، قال: وَأَشَارَ  رَسُولُ اللَّه ﷺ إِلى فِيه)." قبس"

اللهم أجرنا من النار

اللهم احفظ أهل عْرْة وآمن روعاتهم، واستر عوراتهم، ونجهم من الخوف والفزع، واجزهم عن مشقة الحياة الفانية بما صبروا جنة وحريرًا

•
‏إلى بعض أولياء الأمور

لا تطلبوا من خاطب ابنتك شيء أنت لم تحققه إلا بعد 30 أو 40 سنة صعبتوا الحلال فأصبح الحرام سهلا

بعض الفتيات تعيش في بيت أبيها أكثر من 20 عاما دون أن تحقق شيئا من أحلامها وعندما تتزوج تريد من زوجها أن يحقق لها كل أحلامها من أول سنة زواج وكأنها تزوجت مصباح علاء الدين السحري

ارحموا رجالكم
•
🍃🌻🌸•┈┈• ❀ 🌴 ❀ •┈┈•🌸🌻🍃

-

"من أعذب العادات التي تروّض نفسك عليها ألّا تفتح جهازك ولا تنطلق إلى مساعي الحياة قبل أن تنهل من أذكار الصباح ووردك من القرآن؛ فالصباحات التي تبدأ بهذا الزاد هي صباحات الخير حقًّا".
#افتح_مصحفك

🌿❤️

🌙

«وإذَا تمكَّنَتِ الهُمُومُ مِنَ الفَتَىٰ
وتَنَاوَشَتْهُ مخالِبُ الأحزَانِ

فَعِلاجُهُ مِن دُونِ شكٍّ إخوَتِي
أن يَرتَوِي مِن مَنبَعِ القُرآنِ.»

-

"القلب لايسكن إلا بالقرآن ..
‏من كان مصاحباً للقرآن؛ عرف قيمة الحياة، وأدرك عواقب الأمور، ونال البركة من أوسع أبوابها"
#افتح_مصحفك

🌿❤️

•
اذا كنت تستطيع اسعاد أحدهم بكلمة فأرجوك افعل ذلك

واحمد الله الذي جعل كلماتك دواء لبعض الناس و سعاده كبيرة بمجهود قليل .
تبادلوا الكلمات الطيبة فأنتم لا تعلمون ما قد تفعله كلمة طيبة و ابتسامة بريئة في قلب متعب☁️.
•
🍃🌻🌸•┈┈• ❀ 🌴 ❀ •┈┈•🌸🌻🍃

•
📲 فتشت هاتف زوجك للمرة الاولى ..
😳 صدمت ..
😭 لم تصدقي مارأيت ..

⬅️ أين الحب ..
⬅️ أين الحبيب ..
⬅️ أين النظرات الحنونة ..
⬅️ أين اللمسات الدافئة ..

😫 صرخت وبكيت ...
👀 ثم فتشت في المرة الثانية ..
😞 وانكسرت كل مشاعر الثقة ..
❌ وتحطمت الصورة الزجاجية الجميلة ..
😭 وعدت وصرخت وبكيت ..
🤕 حتى أرهق الهم كل خلية في جسدك ..
🤒 وبدأت تفقدين كل معاني الراحة والسكينة والهدوء النفسي ..

👀 ثم فتشت ثالثة .. ورابعة .. و .. و ..
😔 حتى فقدت تماما طعم السعادة و متعة الحياة ..

⛔️ هل تغير شئ ⁉️
⛔️ هل أصلحت ما انكسر ⁉️
⛔️ هل عاد الزمن ⁉️

🔀 على العكس ...
😣 أصبحت تلاحقك الهواجس و الأسئلة والأفكار السلبية ..

➖ ماذا ينقصني ‼️
➖ ماذا فعلت ‼️
➖ في ماذا قصرت ‼️
➖ أين الخلل ‼️
➖ ماذا يريد وعن ماذا يبحث ‼️

❌ حتى تأثرت شخصيتك وضعفت قواك ..

💠🍃 يقول الله تعالى : ‏﴿ ولاتجسسوا ‏﴾ ...

☝️🏼 لم يحرم التجسس إلا حماية للمتجسس قبل المتجسس عليه ..
🚫 فلا تفتشي ملحقات زوجك ابدا ..

✔️ احمي قلبك وعقلك ..
✔️ احفظي اتزانك وهدوءك ..

✋🏼 فأخطاء الرجال ونزواتهم موجودة منذ أجيال مضت ..
👌🏼 ولكن الفرق أنه الآن أصبحت الأجهزة والتقنية الحديثة دليل إثبات ضدهم ..
🚫 ولن تجني من التفتيش إلا :
↤ التعب ..
↤ المشاكل ..
↤ الشعور بالتشتت و الحيرة ..

✅ استعيني بالله .. وتضرعي .. واطلبي منه أن يبعد عن زوجك كل أمر قد يفرق بينكما .. وأن يرزقه نور البصيرة .. واتباع الحق .. وأن يجنبه كل باطل وإثم ..

✅ الق بهمومك بين يديه .. ونامي مطمئنة مرتاحة البال !!
•
🍃🌻🌸•┈┈• ❀ 🌴 ❀ •┈┈•🌸🌻🍃

▪️لما تيجي تنوي تصلي قيام الليل تلاقي نفسك بتقولك:
نطول بقى في القيام ونصلي 11 ركعة
تقوم إنت أول ليلة تصلي
تاني ليلة تتعب تصلي شوية ومتكملش
تالت ليلة تكسل وتترك القيام خالص ومتصليش حتى ركعة الوتر! 😓

▪️تيجي تصوم التطوع نفسك تقولك يا نصوم صيام داوود - عليه السلام - يا إما بلاش..
تقوم تصوم مرة ولا اتنين وبعدها تقطع! 😢

▪️ورد القرآن نفسك تقولك أقل واجب 3 أجزاء يوميًا يا بطل..
تقرأ يوم والتاني تكسل والتالت تنسى وتُحبط ! ❤️‍🩹

💬 يا حبيبي بتعقدها ليه؟
بلاش تقع في فخ الكمال🔝
إما كل حاجة أو ولا حاجة خالص ❌

ربنا سبحانه وتعالى ميسرها عليك  لما النبي صلى الله عليه وسلم قالك:«أدومها وإن قل» هتصعبها إنت على نفسك ليه؟

ربنا بيحب قليل عبادتك طالما إنت مداوم عليها..
اسأل الله الثبات ويسر على نفسك وخليك واعي ومتقعش في الفخ دا

*بكرة الخميس .. نعمل اييييه 😊*

*☘ بفكرك إن حبيبك النبي ﷺ كان دايماً بيصوم الإثنين والخميس من كل إسبوع فقد كان يحب ان يرفع عمله الي الله وهو صائم فالأعمال ترفع إلى الله تعالى يوم الاثنين والخميس 😊*

*👌وكمان اللي يصوم يوم واحد تطوع في سبيل الله ربنا يبعده عن النار مسيرة سبعين سنة.. و يجعل بينه وبين النار خندق طوله ما بين السَّماءِ و الأرضِ🍃*

=============