#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


استقبال شهر محرم



من عنده نوحي ومبجاي
ماضل على هلاله هواي
متعني جايبلي الحزن
سوط وسبي وطفله تون
اه اه يامحرم
.............

هل شهر ما انسه جرحه ومن يجي تزيد الجروح
ودمعتي بعيني جريه المهدي اني وبس انوح
من اشوف اهلاله يطلع ماتضل بجسمي روح
ساعه اكصد على التله وساعه للمذبح اروح

وتخيل بكل الصار
وتتراكض كبالي ازغار
ذبلت مثل ذبلت غصن
سوط وسبي وطفله تون
اه اه يامحرم
..............

أنه البدلت المدامع من دمه صاير بجاي
صوت ضامي بأذني اسمعه امشي ويصيح وراي
تعاهدت وي روحي ابجي كل صباحي وكل مِساي
والدمع من دم اهله وما اريد ادموعي ماي

والماي شلته امن العين
محروم من عنده حسين
خليته دم يجري الجفن
سوط وسبي وطفله تون
اه اه يامحرم
...............

روحي ذابت من محرم سوه بيه المايصير
من يجي ضهري يكسره والحمل كلش جبير
اهلي طشر كل شملهم بين مذبوح واسير
وخله جدي حسين عاري ونايم بحر الهجير

بس جسد باقي ابلا راس
وبحافر الخيل انداس
كدامي صدره المنسحن
سوط وسبي وطفله تون
اه اه يامحرم
...............

من تصير المغربيه ويعم بالدنيه الضلام
كلمن ايروح اعله داره الوادم بخير وسلام
وعمتي زينب بالخرابه تحاربت ويه المنام
شلون تغفه واليتامه مفرفحه مثل الحمام

من الالم بس يبجون
والهسه باذني ايونون
بدال الاهل واجمل حضن
سوط وسبي وطفله تون
اه اه يامحرم
................

طفله من هاي اليتامه جانت اتعيش بدلال
تغفه اله بحضن ابوها و ورده مابين العيال
طبت الشام النوايب تغفه صارت عالرمال
امن الهضم ذبلت رقيه جمر واسياط وحبال

جفهه الزغيّر مگيود
وتريد والدهه ايعود
تحجيله عن ضرب المتن
سوط وسبي وطفله تون
اه اه يامحرم
...............

الشايل اهمومه اعله راسه من يسولفهن يهيد
واني كلما سولفتهن يكبر الهم ويزيد
منهو يسمعني امن اكولن اه يادم الوريد
يبقه ثاري شما اضلن عايش بغربه و وحيد

الكل خادم احجي اباهات
بالك تعوف العزيات
انه احضر بدمعي واون
سوط وسبي وطفله تون
اه اه يامحرم



محمد هادي العقابي

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://www.tg-me.com/joinchat-Dw92Dj9pmspR5uHfACGjlA

▪️كروب الالحان رقم 2
https://www.tg-me.com/joinchat-Dw92DkJZ4tvb4YIzJWBWrg

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️خل نواسيها الزجيه... عالجواد ابهالمسيه ▪️

ــــــــــــــــــــــــــــــــــــــــــــــــــــــــ



مفاتيح المصايب .. هلالك بي شفتهة
دمع ون  ونوايب .. جبت واني اقبلتهة
.............................
يا شهر جرحي و عذابي  .. يا مفاتيح  الرزاية
تكطع وريدي او تودي .. عيلتي غربة وسباية
و بهلالك  اقرة   اني ..  كل  تفاصيل   الجناية
شوفتك ترسملي صورة .. تاخذ اعزازي ضحاية

جرح مامثله جايب .. عيوني  شيبتهة
دمع ون ونوايب .. جبت واني اقبلتهة
.............................
بيك اشاهدهم انصاري .. وسيوف تحز ركبهم
والترب ون صوته عالي .. ينحب بساعة ذبحهم
بكلبي ياشهر المصيبة .. أخ يا شدت  عطشهم
ما يروح  وعاش بيه .. زودهم  والله  و ذكرهم

اعز واغلة حبايب .. انه بعمري أعرفتهة
دمع ون ونوايب .. جبت واني اقبلتهة
.............................
الاكبر وجاسم شكلك .. وانته تدري ورود ترفه
من علي يوكع انادي .. ريت انا  الواكع ابصفه
واخ جاسم من اشوفه .. حنته من فيض نزفه
ليلى وي رملة يلطمن .. والجفن هيهات يغفه

شباب وحته شايب .. توذرها مهجتهة
دمع ون ونوايب .. جبت واني اقبلتهة
.............................
هنا جبل زرد الكفاله .. من يطيح ايطيح كلشي
ياشهر واصفاحي الزم .. كوه عكبه راح  امشي
عيني ما تغفة بغيابه .. منها جن  انشل رمشي
أخ ياطيحت عضيدي .. صعبه وتكطعلي هرشي

اشوف اني العجايب .. ذبل روحي وردهة
دمع ون ونوايب .. جبت واني اقبلتهة
..............................
واني من تهجم عليه .. اسيوف ورماح وحجارة
ابقة وحدي ابلا منصار .. والدمه  مني  يتجارة
ينكطع نحري واصيحن .. ويلي يعيلي  الحيارة
وزينب  بحيره  تنادي ..  أخ  من  ذبحك او نارة

يسارة وي النواصب .. عيالي او نضرتهة
دمع ون ونوايب .. جبت واني اقبلتهة
.............................
تمت بعون أسد الله الغالب
العبد الذليل علي الكعبي
...............................
▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://www.tg-me.com/joinchat-Dw92Dj9pmspR5uHfACGjlA

▪️كروب الالحان رقم 2
https://www.tg-me.com/joinchat-Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


استقبالاً لشهر محرم

بعد جم يوم ويرد بينه المصاب
وبنيه بيضه  نرتدي سود الثياب
حسين يا أبا عبدالله
*'**'
بعد جم ليله ويرد بينه الجرح
ونرجع بحسرتنه نبجي المنذبح
وبالدمع نرسم نحر فوك الرمح

 نعيش حسرات السبي وذاك العذاب
حسين يا أبا عبدالله
*'**'


كربن ايام العزه وماضل وكت
من الخيم نشعر دمع زينب يكت
اردود نسمع ( يااا كفيلي اتأخرت)

وطاحن جفوفي يكلها عله التراب

حسين يا أبا عبدالله
*'**'

 وهنه جم ليله وسبي الحره اطلعت
ونسمع  عله التله ياناس اوجبت
ياخو زينب الحك اختك صايحت

عليها دهر النايبه شجم حسره جاب

حسين يا أبا عبدالله
*'**'

كل تفاصيل الجرح يحجن وجع
الشايف اجروح اختلف عن السمع
حسين كل ماكام ياعالم وكع

للي ينشد ع الحزن نملك جواب

حسين يا أبا عبدالله
*'**'

عدنه مشروع الدمع كول وفعل
 بشر احنه والله ميزنه بعقل
والي يندله الوجع شاف الهلزل

تصيح اخوي اتسلبت منه الثياب

حسين يا أبا عبدالله
*'**'
عِشرَه مو عَشره وتمر ياهلخلك
حسين يا هالناس بخيول انسحك
بكلبه ما مجوي الذي جفنه انطبك

 وما تسولف روحه عن دم وخضاب

حسين يا أبا عبدالله
*'**'
.
#خالد عبد السادة البديري

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://www.tg-me.com/joinchat-Dw92Dj9pmspR5uHfACGjlA

▪️كروب الالحان رقم 2
https://www.tg-me.com/joinchat-Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


الامام الحسين// ع يخاطب ابي الفضل العباس ع//



شفتـك ابعينـك سهـم وحيلي حسيتـه انهدم
ظهري صار هلال يمك خويه خل اكعد واشمك
+÷÷÷÷÷÷÷÷÷×÷÷÷÷÷÷÷÷÷÷×

هاجس اغيابك جـرح گلـبي وكيانـي
ردت اشيلك واصرخت خلني بمكاني
بيهـه حسيت بكسـر ظهري وزمـانـي
مـيـت ابـهيئت عـدل يـمـك تـره انـي

گلبي يالغالي انجرح فكري بچفوفك سرح
عايش وي جفوني رسمك

×÷÷÷÷÷÷÷÷÷÷÷×÷÷÷÷÷÷÷÷÷÷×
ضلمه صـارت دنيتي ويرثاله وضعي
شلـون اكـابر للـعـده وبعيوني دمعـي
تدري ضليت ابوداعك محني ضلعي
كلمـت ادركني تـجـرّح بيـهة سَـمعـي

خيّم بلحظه الحزن طايح گبالي وتـون
وصله وصله شلون ألمك
+÷÷÷÷÷÷÷÷÷×÷÷÷÷÷÷÷÷÷÷×

جيتـك ابلهفه وشفـت معميه عينـك
صعبه ارجعك للخيم وامسح جبينك
مـن لـگيتـك فـاگـد الـيسـره ويمينـك
وانـه مكسـور الظهـر ما بيـه اعينـك

اضلمّت الدنيا علي عالظهر خليت إدي
يا ابو فاضل فدوه لاسمك
+÷÷÷÷÷÷÷÷÷÷×÷÷÷÷÷÷÷÷÷×

عينـك الحلـوه طـفـت ويـاهه عـينـي
وگطعت ايمينك احس گطعت يميني
وحـدي ضليـت بألـم جرحي وحنينـي
خويـه بيمـن انتـخي وياهو اليجينـي

عگبك بوحدي صرت بلحضت اوداعك حرت
خاف اكض زندك وألچمك
+÷÷÷÷÷÷÷÷÷÷÷×÷÷÷÷÷÷÷÷×

خويـه مـا اگـدر بعـد ارجـع واعـوفـك
يالگمر طولي انحنه بطيحت چفوفك
كلشي غـاب بدنيتي لحظـة خسوفـك
راسك مخضب دمـه وبعيني اشـوفك

تدري رخّصت الدمع أدري ما اضن ننجمع
صعبه اشوفه يسيل دمك
×÷÷÷÷÷÷÷÷÷÷×÷÷÷÷÷÷÷÷÷×

بساعـة الشـده الاخو يـنـدب عظيـده
ما يضـل بيـن العـده ويفـركهـه ايـده
خويه محتاجك بعـد والسيف اريـده
ترضى يرخص للشمـر نحري اورّيـده

غيرك شعندي بعد انت الاحزام وسند
ما اريد اعتب وئلمك
×÷÷÷÷÷÷÷÷÷÷÷×÷÷÷÷÷÷÷÷×

✍بقلم خادم الحسين ع
الشاعر رعـد الجـريخـي

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://www.tg-me.com/joinchat-Dw92Dj9pmspR5uHfACGjlA

▪️كروب الالحان رقم 2
https://www.tg-me.com/joinchat-Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


#علي_الاكبر

يامن راد يوسف مـــن مغيبه
سالم للخيــــام اوليدي جيبه
ربــي ألطف عليه
رجع اوليدي اليه
*****
يربي ابجــاه كلمن عنــــده يمك
جاه. اليــــوم اريد اوليدي منك
مترجع الداعــي انعـــــرف عنك
ضميته حــــــــرز بالـروح اسمك

اترجــــــــاك يــا خــالق السبعه
من ارض المعاره اوليدي رجعه
يـا رب البريــــــه
رجع اوليدي اليه
******
تغير وجــه ابوه حســــــين شفته
شنهو الصـار وي ابنــــــــي سئلته
گلي ادعي العلي ايصيب ابضربته
بـــرز بكـــر ابن غانــــم ليه لمحته

هد حيلي ولچــــم گلبي ابكلامه
ادعــــي ايعـــود الاكبر بالسلامه
وضمه ابـين اديه
رجع اوليدي اليه
*****
ابني وعندي غالي وهوه ضخري
ربيتــــــــه ونطيته اسنين عمري
ردته ايضل سنــــــد ليـــام كبري
وردته ايهيل بيــــده اتراب گبري

جيـــــت اتوسـلك يـارب الاكوان
رجع يوسفي وخل انسه الاحزان
بعـده اشلون بيه
رجع اوليدي اليه
******
حيل اتعذبت مــــن ضيــــم دنياي
ردت اوليدي عنــــي ايشيل بلواي
حيـــل ارتـــاح كـون الاكبـر اوياي
وبوادي الطفــوف ايصيرلي افياي

يلچمني الگلـــب لو لحـــضه عفته
وسفه ايضــــيع كل تعــبي التعبته
برض الغاظـــريه
رجع اوليدي اليه
********
ابني افتخــــر وتبــــاهه ابشبابه
بلله اشلون اتحمــــــــــل غيـابه
ربي ادخيل مــن جمرة مصـــابه
ماضلـي صبر وجرع عــــــــذابه

فكري احتـــــار وتعــــذب دليلي
مـابيــــــه احتمل فرگـت خليلي
ردت انضل سويه
رجـــــع ابني اليه
*********
الخادم
كامل السعيدي

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://www.tg-me.com/joinchat-Dw92Dj9pmspR5uHfACGjlA

▪️كروب الالحان رقم 2
https://www.tg-me.com/joinchat-Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


العليلة ع



عبدالله شلونك*
رايح خيعونك*
شمحلاتك غافي*
واشمحله عيونك*
......................
عن الطف شنهي الگلولك.. ودمعك بلل عينك*
فك عينك عبدالله وناغي.. لاوين امودينك*
يا جمّاره شمالك غافي.. وشو عرگان اجبينك*
حلمان ومتنرفز چنك.. عن كلشي معلمينك*

جيب ايدك يعبدالله ابأيديه*
تفرفح لو سمعت اختك رقيه*
بلكت تدري ما گالو عليه*
محظرين السفرهم هالمسيه*
وانه انظر عليهم**

بعينك فهمّني*
ما گالو عني*
يا جوري ونايم*
واشمحله اعيونك*
......................
بداعت چتفي الشالك ياما.. كض بهاي الشيله*
صح رايح يالماخذ حيلي.. ياهو الچتفي ايشيله*
عبدالله الطف ما يتفاهم.. نهاره يشبه ليله*
انه اعرف تسمع يالغالي.. اوجهك عني اتميله*

مهدك لو رحت ياهي التعدله*
ويا خويه السهم حار اشيحمله*
يا اترف نحر واتضوگه نبله*
انه ابچي واحس اتگلي سهله*
تحرگني البواچي**

يالگلبي ايريدك*
أشرلي ابأيدك*
دمعك برموشك*
واشمحله اعيونك*
......................
حتى انته مسافر عبدالله.. وكلهه محظره اگبالي*
هديماتي عود امزهبتهن.. مرتبه وياكم حالي*
حساب احسب كل چويه بجدمي.. امن اركض صوب الغالي*
امن گماطك بس فلت روحك.. وانه اصرخ صاحالي*

عن طفهم حچو صار الهم اشهر*
يسكتون امن اجي لو يمهم اعبر*
شعندي هنا بعد خويه الهجر مرّ*
ولفراگ الاهل ما ترهم اصبر*
وانتو ابعاد عني**

مو يوم ويمشي*
يعني اخسر كلشي*
من اتعوفوني*
واشمحله اعيونك*
.........................
يا اول جرحي الما يبرد.. گلهم ليخلوني*
مو شرط ابناگه أنه امشي.. وخدامه ايسموني*
گلهم ضلت بس علويه.. بلكت ويصيحوني*
انذرلك بير امن اعيوني.. لا ترضى يعوفوني*

بنيه ازغيره ما اعطل سفركم*
يا عبدالله موش انه اختكم*
أشر صوبي گلهم هايه بتكم*
وانه احمل مشي وعثرة دربكم*
ولو انه مريضه**

ما اتعب الناگه*
امشي ومشتاگه*
بس گولو امشينه*
واشمحله اعيونك*
.......................
متعنين الذيچ الهيمه.. وانته وياهم رايح*
الناس الما تفهم بالجوري.. وتنكر حچي المالح*
طاست ماي اهمه ايحرمونك.. وانته بدمك سابح*
ياهو اليفهم خيرك خويه.. وانته امن الله طايح*

انته ازغر نحر رايح اشوفه*
يفرفح بالسهم واترف چفوفه*
جرحكم يالاهل بيمن اروفه*
صبرآ خويه خل مهدك اطوفه*
واشبع من وجهكم**

ودعتك بالله*
خويه عبدالله*
مني الطف باگك*
واشمحله اعيونك*



علاء المياحي
الفاتحه لروح والدي

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://www.tg-me.com/joinchat-Dw92Dj9pmspR5uHfACGjlA

▪️كروب الالحان رقم 2
https://www.tg-me.com/joinchat-Dw92DkJZ4tvb4YIzJWBWrg