➕ Assalomu alaykum! ➕

⬆️↗️↘️⬇️↙️⬅️↖️➡️
🌤 X A Y R L I T O N G!

Аllohim! Qalbning qorayishidan, vijdonning oʼlishidan va yomon xotimadan meni yiroq qil!

📱 telegram: @VAQFUZ

Bankomatlardagi bir foizli komissiya toʼlovi ribo emasmi?
❓ Koʼpchilik odamlar bankomatlar orqali plastiklaridagi pulni naqdlab olishyapti. Bunda plastik kartochkadagi 100.000 soʼm yechilsa, bankomat 100.000 soʼm naqd pul beradi. Lekin kartangizdan ushbu summaning 1% ini, yaʼni 1000 soʼmni yechib oladi. Va xuddi shunday plastikdan plastikka pul oʼtkazganda ham shuncha pul olib qoladi. Buning hukmi qanday ribo emasmi?

🔤🔤🔤🔤🔤🔣 Bankomatlardan pulni naqdlashtirishda umumiy summaning 1 foizi miqdorida komissiya toʼlovi belgilangan. Ushbu foiz bankomat orqali pulni naqdlashtirish jarayonida avtomatik tarzda yechib olinadi. Bu jarayonni bank sohasi mutaxassislari xizmat haqi sifatida baholashadi. Chunki bankomat pulga sotib olinadi, uning amortizatsiyasi mavjud, unga mulk soligʼi toʼlanadi, bankomat oʼrnatilgan joyga ijara haqi toʼlanadi, yana bankomat elektr energiyasi va qogʼoz xarajati, ekspluatatsiya chiqimlarini talab etadi. Mana shu eʼtibordan hozirgi kundagi bankomat orqali pulni naqdlashtirish jarayonida qiymatining bir foizini ushlab qolish xizmat haqi sifatida joiz hisoblanadi.
Qolaversa, insonlar oʼzlarining ish haqlari va elektron pullarini naqdlashtirishlari uchun bankomatdan foydalanishga zarurat bor. Bu ham masalani sharʼiy jihatdan yengillashtiradi.
Shuni ham taʼkidlash lozimki, sogʼlom raqobat muhiti shakllanib borgani sari baʼzi banklar bu xizmat haqini kamaytirishi yoki vaqt oʼtishi bilan butunlay yoʼq boʼlishi tabiiy. Vallohu aʼlam.

O'MI Fatvo markazi.
Kanalga a'zo bo‘ling: @VAQFUZ

Nasiyaga sotib olingan mashinani sotib, pulini tijoratga sarflash joizmi?

❓ Nasiya savdoga mashina oldim. Shu mashinani sotib, pulini boshqa tijoratga sarflasam boʼladimi?

🔤🔤🔤🔤🔤🔣 Ha, nasiya savdo bilan sotib olingan mashinani sotib, pulini boshqa tijoratga sarflashingiz joiz. Chunki nasiya savdo bilan sotib olingan narsa ham toʼliq sizning tasarrufingizga oʼtadi va siz sotuvchidan (pulni naqd bermaganingiz uchun) mahsulotning narxiga qarzdor boʼlib qolasiz. Bundan keyin sotuvchi sizdan faqat pulni soʼraydi, mashinani emas.
Nasiyaga mahsulot sotib olgan musulmon kishi doim qarzini toʼlash va nasiya qilingan mablagʼni vaqtida toʼlab berishi payida boʼlish kerak. Imkoni boʼlib, toʼlovni choʼzib yurmaslik kerak. Shuni yaxshi bilish kerakki, odamlardan qarz olib, uni toʼlamasdan (yoki toʼlaydigan mol qoldirmasdan) dunyodan oʼtib ketadiganlar qiyomatda bu qarzni savoblari bilan toʼlab beradi. Chunki u erda toʼlaydigan pul yoʼq, savob esa hammaga kerak boʼlib turadi. Imkoni boʼla turib qarzni choʼzishni Paygʼambarimiz sollallohu alayhi va sallam "zulm" deb ataganlar:
"Boyning (qarzni bermasdan) choʼzib yurishi zulmdir" (Imom Buxoriy rivoyati).
Faqat mumkin boʼlmagan bitta holat bor, nasiyaga sotib olingan mashinani pulini toʼlamasdan (va mashina avvalgi holatidan eskirmasdan) turib, yana egasi (yoki vakili)ga arzonroqqa sota olmaysiz. Hadisi sharifda bu ishdan ochiq-oydin qaytarilgan (Imom Аbdurazzoq Oysha onamizdan rivoyat qilgan). ("Fathu bobil inoya" kitobi). Vallohu aʼlam.

O'MI Fatvo markazi.
Kanalga a'zo bo‘ling: @VAQFUZ

✨ Assalomu alaykum! ✨
⬆️↗️↘️⬇️↙️⬅️↖️➡️

🌤 🔡🔡🔡🔡🔡🔡 🔡🔡🔡🔡❗️

🤲
Аllohim!
Gunohlarim koʼpaygan boʼlsa, ularni kechir.
Аyblarim koʼrinib qolsa, ularni yashir.
Qalbimdagi qaygʼu ogʼirlashib ketsa, uni arit.
Nafs Sening yoʼling tomon qadam tashlagan boʼlsa,
uni hidoyat qil!

📱 telegram: @VAQFUZ

🍀  Assalomu alaykum!  🍀
⬆️↗️↘️⬇️↙️⬅️↖️➡️

X • A • Y • R • L • I      T • O • N • G!

#Duo_qiling
🤲 Аllohim, bizga chinakam iymon ato qil!

📱 telegram: @VAQFUZ

Boʼlib toʼlashga kelishgan holda mashina sotib olish

❓ Oʼrtogʼimdan mulk qilib mashina olib, yiliga 20 foizdan hisoblab bersam boʼladimi?

🔤🔤🔤🔤🔤🔣 Bir kishi, masalan, 10 mingga mashina sotib olib, ustiga 20% qoʼyib, 12 mingga maʼlum bir muddatga nasiyaga sotish joiz. Bu savdo Taqsit savdosi deyiladi.

"Taqsit" soʼzi lugʼatda "boʼlib-boʼlib toʼlash" maʼnosida boʼlib, sharʼiy istilohda "savdo molini xaridorga darhol topshirib, bahosini nasiya qilish"ga aytiladi. Bu savdo nasiya boʼlgani uchun, tabiiyki, naqd savdoga qaraganda bahosi qimmatroq boʼladi. Bu haqda zamonamizning yetuk ulamolaridan fazilatli Shayx Muhammad Taqiy Usmoniy bunday deydilar:
Toʼrtala mazhab imomlari va fuqaho muhaddislar jumhuri nasiyani naqdning bahosidan qimmatroq sotish savdosiga ijozat berganlar. Lekin, oluvchi va sotuvchi muayyan muddatga va kelishuv vaqtidagi muayyan narxga uzil-kesil kelishib olishlari shart ("Buhusun fi qozoya fiqhiyya muʼasiro" kitobi).

Shundan koʼrinib turibdiki, naqdga koʼra nasiyaga qimmatga sotish joiz, boʼlib toʼlashga kelishish ham joiz. Lekin kelishilgan muddat tayin boʼlishi va savdoni naqd yoki nasiyadan qaysi biriga ekani kelishuv vaqtida tayin topishi shart. Аgar ikki tomon "Naqdga olsang, faloncha, nasiyaga olsang, faloncha" deb ikkisidan biriga uzil-kesil kelishib olinmasa, savdo fosid boʼladi.
Nasiya savdo bilan sotib olingan narsa ham toʼliq xaridorning tasarrufiga oʼtadi va xaridor sotuvchidan (pulni naqd bermagani uchun) mahsulotning narxiga qarzdor boʼlib qoladi. Bundan keyin sotuvchi xaridordan faqat pulni soʼraydi,
mashinani emas. Buning ustiga nasiyaning muddati toʼlgach, xaridor pulni toʼlay olmasa, yana qoʼshimcha narx qoʼyish (baʼzilar buni jarima deydi) joiz emas. Vallohu aʼlam.

O'MI Fatvo markazi.
Kanalga a'zo bo‘ling: @VAQFUZ