الليلة بس اني وخواتي الليلة
الليلة ماهو حسين حتى اشكيلة
البارحة شزين النزل.
البارحة ابن امي عدل

الليلة مابيه اعدل الشيلة
الليلة بس اني وخواتي الليلة
😭😭😭😭😭😭😭
الليلة لاخيمة التضمني ولاكفيل ولا كو جود
الليلة نسوان الهواشم بلحبال وبلكيود
الليلة اخوي عل الشريعة ونايم براسة العمود
الليلة محتارة الفواطم والعطش فت الجبود

الليلة الحسين انذبح
الليلة راسة على الرمح

الليلة من فوك الهزل نوميلة

الليلة بس اني وخواتي الليلة
الليله مابيه اعدل الشيله
😭😭😭😭😭😭
البارحة التمينة كلنة ورحنة لحسين بونين
كال بعيونج سوالف سولفي ولا تستحين
كتلة باجر من نصبح وين اديرن وجهي وين
كالي باجر سبية وباجر يموت الحسين

من سمعتة تحيريت2
يمة دنكت وبجيت2

وكتلة زينب عند اخوها دخيلة

الليلة بس اني وخواتي الليلة
الليله مابيه اعدل الشيله
😭😭😭😭😭😭
البارحة بنص نعمة الله وتارسة الليل بضواي
كاعدة بين الهواشم والحزن عفتة بكفاي
البارحة شزين المسية وكمر هاشم جنة ماي
دايرين علية اخوتي جنت يمهم عندي رأي

تاه رأي وايسيت
وين عباس اوصحيت

وركد حيلي ومابكت كل حيلة

الليلة بس اني وخواتي الليلة
الليله مابيه اعدل الشيله
😭😭😭😭😭😭😭😭
حسين بس هليلة يمك والصبح لاطر عسا
باجر تسير المحامل والكفل مارف لواه
حسين مدري اشلون اشبكة وماعرف صدرة وكفاة
حسين جان بروحي شمعة استعجل الموت وخذاه

حسين يستاهل نحيب
حسين عطشان وغريب

حسين يستاهل عمر نبجيلة

الليلة بس اني وخواتي الليلة
الليه مابيه اعدل الشيله
😭😭😭😭😭😭😭

لطميه ثقيله لعبد الله الرضيع (ع) (اسمع ونها)
🏴🏴🏴🏴🏴🏴🏴
اسمع ونها ٠٠ اسمع ونها
عبدالله امك اسمع ونها
ــــــــــــــــــــــــــــــــــــ
تناديك اگـعـدلي يعيوني
بيك الاعادي فجعونـــي
مهظومه أنحب خلونـــي
وبروحي سهامك صابنها

اسمع ونها ٠٠ اسمع ونها
عبدالله امك اسمع ونهـا
ــــــــــــــــــــــــــــــــــــ
اگـعــد الأمــك نـاغـيها
شوف شصاير بعدك بيها
ومصابك حيل امــأذيهـا
ودمعات الحزن اعمنها

اسمع ونها ٠٠ اسمع ونها
عبدالله امك اسمع ونها
ــــــــــــــــــــــــــــــــــــ
ظلت حزنانه من بعدك
تبچي ومگابلته المهـدك
ومشتاگه الشمت خدك
جروحك يصغير جرحنها

اسمع ونها ٠٠ اسمع ونهـا
عبدالله امك اسمع ونهــا
ــــــــــــــــــــــــــــــــــــ
منك حرموها يامظلوم
وتشكي للواحد القيّوم
من فعل السوته الگوم
وبهم وبحسـره خلـــنها

اسمع ونها ٠٠ اسمع ونها
عبدالله امك اسمع ونها
ــــــــــــــــــــــــــــــــــــ
رادتـك بس تبقــه وياهـا
وتشاركها ابـهــــم دنياها
تمسح دمعـات ابعيناهـا
والحمل انته اتشيله عنها

اسمع ونها ٠٠ اسمع ونها
عبدالله امك اسمع ونها
ــــــــــــــــــــــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
من ديوان مجالس الأتقياء في مأتم كربلاء الجزء الثالث

لاأجيز حذف الأسم
نسالكم الدعاء بتعجيل الفرج لصاحب الزمان ((عج ))