لطمية للأمام علي عليه السلام (( اليوم حال الضيم ))
🏴🏴🏴🏴🏴🏴🏴
اليوم حال الضيم حال ام البنين
شافت الكرار مطبور الجبين
واعلياه ... واعلياه
🏴🏴🏴🏴🏴🏴🏴
اليوم حال الضيم حال ام الوفه
ياعلي صاحت عله الدنيه العفه
شافت اصواب البراسه ماشفه
من گلب مكسور نادت يالحنين

اليوم حال الضيم حال ام البنين
شافت الكرار مطبور الجبين

واعلياه ... واعلياه
🏴🏴🏴🏴🏴🏴🏴🏴
من گلب مكسور نادت ياعلي
بالسجود اشلون راسك ينولي
لاتعوف البيت مسدود وخلي
دولباني البيت من هسه حزين

اليوم حال الضيم حال ام البنين
شافت الكرار مطبور الجبين

واعلياه ... واعلياه
🏴🏴🏴🏴🏴🏴🏴🏴
دولباني البيت من هسه وحش
اشلون گدامي يشيلون النعش
كون يمشي الموت چا گناله امش
لاتخلي اگلوبنه بس للونين

اليوم حال الضيم حال ام البنين
شافت الكرار مطبور الجبين

واعلياه ... واعلياه
🏴🏴🏴🏴🏴🏴🏴
لاتخلي اگلوبنه بس للقهر
عوف ابو اليمه واخذنه يادهر
انجسم نصين راسه وانطبر
بالفرض صاباه ابن ملجم لعين

اليوم حال الضيم حال ام البنين
شافت الكرار مطبور الجبين

واعلياه ... واعلياه
🏴🏴🏴🏴🏴🏴🏴🏴
بالفرض صاباه المجرم ماخطه
والجرح چتال ويلچمه الغطه
اشلون بينه اتگول زينب لو بطه
مانريده افراگ امير المؤمنين

اليوم حال الضيم حال ام البنين
شافت الكرار مطبور الجبين

واعلياه ... واعلياه
🏴🏴🏴🏴🏴🏴🏴🏴
مانريده افراگ ابو الحمله صعب
يفجع الدلال ويفت الگلب
الدهر شيريد حاربنه حرب
والشماته اليوم عيد امعيدين

اليوم حال الضيم حال ام البنين
شافت الكرار مطبور الجبين

واعلياه ... واعلياه
🏴🏴🏴🏴🏴🏴🏴🏴
عيدوا من طاح سور الموعضه
والفلك مرجون واهتز الفضه
ياگلب زينب مثل گلبي گضه
والحسن مهضوم وينوح الحسين

اليوم حال الضيم حال ام البنين
شافت الكرار مطبور الجبين

واعلياه ... واعلياه
🏴🏴🏴🏴🏴🏴🏴🏴
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر

ام جعفر:
موشح حول ليلة ١٩ رمضان
🏴🏴🏴🏴🏴🏴🏴🏴
*اليله زينب راس ابوها ينطبر*
*اليله زينب شدت احزام الظهر*

🏴🏴🏴🏴🏴🏴🏴🏴
شدت احزام الظهر وتحزمت
والنوايب بت علي اتحضرت
باجر اتشوف المصايب والجرت
*الله كون يعين كلب ام الخدر*

الليله زينب راس ابوها ينطبر
الليله زينب شدت أحزام الظهر
🏴🏴🏴🏴🏴🏴🏴
تشوف باجر حيدره وروحه تروح
وتبدي وياها المصايب والجروح
اشلون حالج والحسن يمج ينوح
*من ابوج يكول ماظل كل عمر*

الليله زينب راس ابوها ينطبر
اليله زينب شدت أحزام الظهر
🏴🏴🏴🏴🏴🏴🏴
خلصت روحه يكلهه وبل ونين
وصبر اخته الحسن وياه الحسين
شال وسفه يصيح من عدنه الحنين
*يوصي زينب لزمي ياخويه الصبر*


الليله زينب راس ابوها ينطبر
الليله زينب شدت احزام الظهر
🏴🏴🏴🏴🏴🏴🏴
بالصبر وصاها اخته وشبكته
اشلون منه يروح ابونه نادته
ظل ينوح وتجري ظلت دمعته
*شال ابونه صاح واخذاه الدهر*



وسفه صاحت راح حماي الحمه
وزينب عله الراس ظلت لاطمه
امي خل تحضر تجيني فاطمه
*اتشوف بتهه اشلون ظلت بل قهر*


*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له


https://www.tg-me.com/ertlgaaz

.* .*:
# شور على طور
(تره الميت حسين وموش ياهو الجان)



# قصيده ليله العاشر
اتكـــول زينب للفواطم




*شـدنه العـــزم  وامشنه للـحومه*
*كالولي الحسين امطشره ادمومه*

وكالـو اضلـوعه / وكالـو اضلـوعه
      حـــوافــر دايستهـــــا
         كــالو اضلــــوعه


ضلمه الحومه يانســوان سمعني
وانـه حايره بجثمان خال ابنــي
ماكو صــوت منه وانكطع ضـني
ماضل حيل بيه البين دولـــبــني

وجيبن امصلايه / جيبن امصلايه 
        انــلمـــها جــثتــــــــه
         جيــبن امـصلايــــه


ماعدنه جفن وانجفن الـــهيبه
والعباس طايح ياهو اليـجيبه
ويانه يشيل حسين ويطيبــه
بلجن من يشوفه ويسمع نحيبه

ويكــوم ويانــه / ويكـــوم ويانه
        رييت ابن الزجيــــــه
         ايكــــــوم ويـانــــــه


ضــمنــها رقــيه ولاتـــجيبنـــها
ماتكـدر تــشوفه لاتـفـــزعنـــها
بلخيمه حبايب بلـه ضــمنــهــا
خاف تشـوف راسه وينكطع ونها

راســـه لمعلكينه / وراسه لمعلكينه
         حسيـــن اعلـــرمح
         راســــه امعلكينــــــه

كومن ياخوات حسين للـهيمــه
مـاعدنه جوادر مـأتمـه انقيمــه
عاد اهناك نلطم عــوفن الخيمه
وننعيله نواعي لراعي الشيمـه

وحسين نبجيله / وحسين نبجيله
          ونلـطم علصــدر
           وحسين نبجيله

🧿🧿🧿

تمت بعون الله
#بقلم الشــاعره
زينــب المـالكـــي


🏴🏴🏴🏴🏴🏴🏴🏴🏴🏴
🏴🏴🏴🏴🏴🏴🏴🏴🏴🏴

باقي الهوسه بقلم العلويه ام حسن البدري ✍🏻✍🏻

🏴🏴🏴🏴🏴🏴🏴🏴
نلطم عالصدر لحسين الامجنه،،
رضو اضلوعه العده اشوفنه
مابين الخيول اخوي ادورنه

جيت ملهوفه    جيت ملهوفه      

ادور بالجثث    اوجيت ملهوفه

🏴🏴🏴🏴🏴🏴🏴🏴🏴

تعنيت  للعباس  انشدنه،،
كالولي السهم صوبله ابعينه
عطشانه تون ضلت اسكينه

راد يرويها    راد يرويها  
اتعنه لنهر  اوراد يرويها

🏴🏴🏴🏴🏴🏴🏴🏴

لكيته عالنهر امفيضه ادمومه
والهامه ويلي نصين مجسومه
لايكدر يكوم متوسد الحومه

اورافع الرايه      اورافع الرايه  

عباس البطل  رافع الرايه
🏴🏴🏴🏴🏴🏴🏴🏴

كلي خويه يل حره اعذريني
بالهامه يختي العدو صوبني
مكطوعه يختي انه جفيني

اشلون ارويها     اشلون ارويها

يتانه تنتظر     اشلون ارويها

🏴🏴🏴🏴🏴🏴🏴🏴🏴

كلها اتصيح ياعباس عطشانه
موقف ماحملته  اوهاذ انه
ساويت الفرات طشيت ميدانه

ابغدر صابوني     ابغدر صابوني

من خلف النخل  ابغدر صابوني

🏴🏴🏴🏴🏴🏴🏴🏴🏴

لو ما كطعو ياخويه جفيني
لرويكم يخويه واروي احسيني
ماهاب العده كلها تدريني

ليث الموزمه    ليث الموزمه    
ابن حيدر علي    ليث الموزمه

🏴🏴🏴🏴🏴🏴🏴🏴🏴

ابويه المرتضى  كلهم يهابونه
وسفه يختي الكوم ضلمونه
اخويه حسين بحوافرهم يسحكونه

ياريتها الذرعان    ياريتها الذرعان 

ماطاحت يخيتي    ياريتها الذرعان

🏴🏴🏴🏴🏴🏴🏴

اساوي الكوم وحصد خويه روسهم
اروي الكاع وتربان من اضروسهم
ماهموني يختي العده  ادوسهم

ياوسفه الهامه    ياوسفه الهامه

يختي امطبره    ياوسفه الهامه  يختي امطبره


🏴🏴🏴🏴🏴🏴🏴🏴🏴

عذريني يزينب يختي لتعتبين
مجتوفه ويه الكوَم اوترحلين
شوفي كفيلج ضل ابلا جفين

ضايك  اللوعه    ضايك اللوعه

من احبال ايدج   ضايك  اللوعه

🏴🏴🏴🏴🏴🏴🏴🏴🏴
ماارضه يكيدوج العده زينب
ابو فاضل كفيلج ورد ا عتب
تدرين الكفيل بجفوفه  عزب

انطاها اعيونه    اونطاها اعيونه

لحسين اوالج  انطاها اعيونه


🏴🏴🏴🏴🏴🏴🏴🏴

يهابونه   عباس الكل
تجدح يانضرت اعيونه
عباس الكل،، يهابونه
زينب وسفه محزونه
عباس الكل  ايهابونه
الدنيه ليهم مرجونه
عباس الكل  ايهابونه


يكضيها  عباس ابزوده

ينطينه  عباس ابجفه


بقلم اختكم علويه ام حسن البدري ✍🏻

اخرب دفتري عليمن !!!!

حول خميسات الامام الحسين


*جمعه ابدار  الحسين  تعزيه تنصبين*
*مظلومه يزينب  مظلومه يزينب*
*انتي وام البنين  تعزيه تنصبين*
*مظلومه يزينب  مظلومه يزينب*

رديتي حزينه  زينب من اجيتي
كولي ابدار الاعزاز  جا انتي شلكيتي
انتي وام البنين  من اتكابليتي
نصبيتي عزيه  وهمومج حجيتي
*يمهه جيتي تحجين  انتي وام البنين*

مظلومه يزينب  مظلومه يزينب



جمعه اليله زينب  نبجي ابدار اهلنه
تكلج ام الابطال  ما يبطل يونه
جينه ونهمل العين  ومكابل كعدنه
مايرجع تكلي  زينب كل شملنه
*زينب لا تنطرين   انتي وام البنين*

*مظلومه يزينب مظلومه يزينب*

كالت لا ييمه   ادري ما يعودون
وادري اشما بجينه  ودراناهه العيون
هوه الميت اشلون  يمه يرجع اشلون
ما يرجع عله اهله  ونومه يخيب الظنون
*يمه لا تنشدين  انتي وام البنين*
*مظلومه يزينب مظلومه يزينب مظلومه*


بس تدرين اهلنه   اشكديا يمه احبهم
ويصعب كلش اهواي  اي والله فكدهم
مظلم يوحش النه   اظلم يا نزلهم
ننصب بيه عزيه  يمه ننصب الهم
*ونتي لا تفترين  انتي وام البنين*

*مظلومه يزينب مظلومه يزينب*


حكج لو بجيتي   يا زينب عليهم
انه ونتي هيهات  ما بطل بجيهم
جمعه اليله يمه  ثواب انودي ليهم
ونذكر ذيج الاحباب  ونذكر كل حجيهم
*الهم سوره تقرين  انتي وام البنين*

*مظلومه يزينب مظلومه يزينب*

سويتي ثوابات   يا زينب لاخوتج
وانه ونتي تبجين  مايبطل ينوحج
صعبه اهلج يروحون  يمه ومايجونج
ظليتي  ابنزلهم   وانتي يفاركونج
*من الفركه تموتين  انتي وام البنين*

*مظلومه يزينب مظلومه يزينب*


*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له
.
☘قصيده للسيده زينب ع☘

يزينب وين سويتي خميسات
ونتي ميسره ومابين شمات

مشيتي ميسره وشماتج هوايه
من كثر البجي راسج نشف مايه
يزينب واليموت ايريدله اقرايه
ختمه يريد ويريد الثوابات.....
يزينب وين سويتي خميسات

وين قرأيت ابن امج ختمتيهه
كعدتي والخرابه افراش مابيهه
ياهي الواستج  ياهي العزمتيهه
جاراتج غرب ماهن مشفجات....
يزينب وين سويتي خميسات

خلوج بخرابه مهدمه الحيطان
الماتم للطم ينرادله نسوان
خل نلطم نساعدهه على الوليان
بواجي ونوح ومكابل حنينات....
يزينب وين سويتي خميسات

ومريود الثواب بليلة الجمعه
وبلمجلس رقيه تسجب الدمعه
تفسر الصخر ونتهه لمن تنعه
لاقران عالي ولامعزيات
يزينب وين سويتي خميسات

لاعندج عزه ولاقاريه اتقره
ونتي تلوكلج يازينب العبره
بهل محنه يكون مكابله الزهره
اضنهه دموعهه من دم جريات...
يزينب وين سويتي خميسات

ومايدري حسين شصاير بحالج
ويابس من مرار    البين  دلالج
وركاب النشامه مسطره   كبالج
وبنات حسين يتباجن حزينات....
يزينب وين سويتي خميسات
ونتي ميسره ومابين شمات


ماجوره /يازينب بهلج
نعازيهه ماتت بلشام
ماجوره/زينب برقيه


✍ تعديل واشراف
شاعرة اهل البيت عليهم السلام
📖ام فراس الساعدي☘
ذمته يحذف اسم الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊😭