اغتضت من صيحت الاطفال ...بســماي
سكنه تگـول عمــــــــي نريد ...بس ماي
لجيب الماي لـــــــــــوله النهر ...بسماي
وضحي بعيني وجفوفي سويه

https://www.tg-me.com/Alabbodi

انه علي الكرار 🌸 اقسم بربي الجبار 🌸 ما انسى ظلع الزهره
وموصي أولادي ابهاي 🌸 من الحسن للوفاي 🌸
للمهدي ثار الحره
يطلبهم بــــــهايه 🌸🌸🌸ما ثنى الحجايه

اقسم بايات وسور 🌸 بالعاديات وبالزمر 🌸 وي كطع الانفاس
لا ما ينسيني الزمن🌸رغم المصايب والمحن 🌸
من هجمت ارجاس
لا ابد ما قاصر زخم 🌸بالحومه جندلت الزلم🌸
ومصارع اشواس
بس الفقار ابلا امل 🌸 ووصيه كيدته بحبل 🌸مؤلم هل احساس

الرد الكتايب مجبور🌸يسكت على هذا الجور🌸ورد الفقار لغمده
الموصه وبهل احساس🌸ما دنك وطخ الراس🌸والله ونعم من عنده
مگيدته الـــــوصايه 🌸🌸🌸ما ثنى الحجايه

فاطمه من جاها الأجل🌸كالتله ابو حسين بخجل🌸وضل الحجي يدور
مسطوره وبعيني الدمه🌸ولحالتي تبجي السمه🌸وهل ضلعي مكسور
شلون يتجرء عالنبي 🌸 ويسبني ذاك الناصبي🌸ضَل كلبي مفطور
صدلها ابو حسين وبجى 🌸 وبصدره غصه من حجه 🌸 جن كهف مهجور

لو ادري باليجري وهيج 🌸 كل روحي افصلها اعليج 🌸 وتلكه اني البسمار
ساعتها محسنه يعيش 🌸 يوليدي اكله وبريش 🌸 حتى الجرى هم ما صار
جا ما هــــــوت آيه 🌸🌸🌸 ما ثنى الحجايه

حاجاها حيدر فاطمه🌸 ومن يحجي كلبه يألمه🌸 بعزازه مفجوع
كللها داري ابلا ضوه 🌸 بفراگج مزعل الهوه 🌸ومتضوي الشموع
والسطره جدا مؤلمه 🌸 والعين اشو تنزف دمه🌸 ومكسوره الضلوع
كللها لو بيه الجرى 🌸 والنار بيه موجره🌸 ولا اشوف الدموع


يا وسفه حيدر مجروح 🌸 وباله مشهد ميروح🌸من انحرك باب الدار
هذا الأسد ما ينوصف 🌸 وميهاب لو نازل الف 🌸 يتلقب بحامي الجار
وتعــــــــذب هوايه 🌸🌸🌸 ما ثنى الحجايه

كللها الحسين انقهر 🌸 والحسن كل كلبه انفطر 🌸 وزينب تحاجيج
يمه انتي شمعه ولو طفت 🌸 وختنكت بعبره وبجت 🌸 وين اصبر اعليج
هاي المصيبه اول جرح 🌸 وختمها ويه المنذبح🌸 وتحير بذيج
من انسبي وماكو الاهل 🌸 وعلشاطي واكعلي الكفل 🌸ساعتها اناديج

يا يمه ابنج مذبوح 🌸 ولو بيدي افدي بالروح 🌸ولا شوفه بين الضلام
لا شوف الاكبر مطروح 🌸ولا جاسم امه امن تنوح 🌸 ولا انضر لحرك خيام
ولا شـــوف الضمايه 🌸🌸🌸 ما ثنى الحجايه

اخر كلام لحيدره 🌸 ودموعه تنزل عالثره 🌸 ما انسى والله
ثار الكسر ثار السطر 🌸ثار الضلع ثار العصر 🌸والمحسن وياه
باجر الحجه ابن الحسن 🌸ياخذ بثار ام الحسن 🌸وما ينسى كل آه
يقيم اعلى كل جائر حكم 🌸 ويحاسب اربات الظلم 🌸والعدل مسعاه

باجر يجي يطفي النار 🌸 بثار الضلع والبسمار 🌸وثار اهل بيته يطلبه
ياخذها ضلام بسيف 🌸 ويرد لهل بيته الحيف 🌸من اليضد يگطع رگبه
ثار الظلـــــــــع غايه 🌸🌸🌸 ما ثنى الحجايه


عباس العبودي الواسطي
٢٠١٩م -١٤٤١ هـ
استشهاد السيده فاطمه الزهراء (ع)
https://www.tg-me.com/Alabbodi

كســــروا ظلع مني هناك والبسمار أجـه بصدري
لـــــو ماخذني بويه وياك حركـــوا داري لو تدري
حركوها وجروها دار المصطفى وعصروني مرتين

لو تعلم تتألم محسن شنهو ذنبه انهد عزم حيله
بالعصره جن نحره مصيوب بسهم ظَلم علي ليله
ولأبني رف جفني بقيت اذرف دمع من عيني وبجيله
لو ميته ولا انته ما جار الزمن بيه وشفت ويله

مــــن جار الــزمان وياي رتــــك تـــــلتفــــت ليه
ظلمــوني يبـــويه هواي ثار الهــــم خــــذوا بيه
ظلموني وعذبوني من بعدك صرت بين المجرمين

لو تدري باليجري يابويه فدك سلبوهه من عندي
هضموني واذوني لا رحموا علي ولارحموا ابولدي
بلايه حجاب خلف الباب لذت للستر غير الستر ما عندي
ظلعي أنصاب بويه انعاب بسمار المنيه وهذا هم وعدي

بضعــــه ســــيد الأكوان بــويه بعصــره اذوها
ضماير مــــاكو لا وجدان يعـرفــوها ويحرفوها
عصروني وروعوني اطلــــبهــــم آنــــــــــه دين

كالوله وحجوله ترى بالدار هذي فاطمه الزهره
ماهمه بهلكلمه وكاللهم وإن ولو جانت الحره
وبعزمه وكل همه يأذي بضعتك من بعدك بسطره
من شفته وعرفته تمنيتك تجي وخنكتني العبره

حســـره بكلبي ضــلت هاي واللـــــوعه بقت بيه
مـــــــــــن غمضت يالوفاي مـــــارحموني شويه
اذوني وضربوني علي صاروا زلم ذوله المجبنين

ياالهادي أولادي هم بعدك ترى جار الزمن بيهم
مارحموا وتعدوا وصبوا كـــل حقد ضامر يأذيهم
والظامي والدامي سِبْط من ولد بنتك هذا بيديهم
والحره متأسره وطـفال ويتامى الحادي يحديهم

رادوا شربـــه مـــن الماي والكافــــل اخــذ جربه
مـــعروف انــــــي الرواي وفنـــون الحرب حربه
وتكطع وتروع غـــــدر گطـــــــعــــــــــوله جفين

شحجيلك وشرويلك عن الحسن لو عن السبط الحسين
ثار الهم من جدهم يطلبونه ابدر ولهم ثأر بحنين
والمسموم والمهموم مرمي إسهام نعشه ودمعتله العين
والمذبوح ضَل مطروح دامي اعله الارض والكافل ابلا عين

ومــــــگيد علــي السجاد زينب بــــــويه مسبيه
اطفــــــــال وحــــرم تنگاد للشــــــــام وضواحيه
اسروهم وسلبوهم دخلــــــــــــوهـــــــم دواوين

عباس العبودي الواسطي
استشهاد السيده فاطمه الزهراء (ع)
٢٠١٨ م -١٤٤٠هـ

https://www.tg-me.com/Alabbodi

ردينه خويه من السبي *** للـــعايله تلكــاهه
ردت خليه مــن الــزلم ***بس العليل وياهه

خويه بيوم العاشر دارت كل اعدنه تريد الثار
تطلبنه بخيبر والخندق يوم لبسوا ثوب العار
ما ناسين بيوم الفاهه حيدر طشرها ولماهه

للـــعايله تلكــاهه .........١

كفار بچتلك فجعـونه وبـــحقد وخسـه تلكـــونه
نيتهم هم يذلونه وحيدرنه الغالي يشتمونه
اطفالك ندبت ولياهه يحســين ومـحد وياهــــه

للـــعايله تلكــاهه ........٢

يابــو الاكبر زينب آنــــه اختك بت حيدر يالغالي
تذكرني اختك بابعد اختك كوم وشوف شصار ابحالي
ومن بعدك ضَل سوط اعداهه يتگطع خويه بمتناهه

للـــعايله تلكــاهه ..........٣

يحسين انت لتعرف حالي جيت اگصد ياخويه لغالي
أنشد وين البدر العالي چفالي وينه اليبرالي
وسكينة التنطر سگاهه راح وبس مارد ما جاهه

للـــعايله تلكــاهه ...........٤

بعدك ما تعرف سلبوني وبضرب وشتم اتولوني
وتمنيت الكافل حاضر من ضربوني ومن شتموني
وايتامك صارت بحماهه تلوذ بسدهه وتترجاهه

للـــعايله تلكــاهه ...........٥

شذكر من الطف وتذكر ذاك مصابك ما يتفسر
اذكر جاسم لو عبد الله لوعباس الما يتعذر
والقاسم من فيض دماهه تحنه بعرسه وضل يتباهه

للـــعايله تلكــاهه ...........٦

تسـمعني اختك ياوالينه بعدك من يا حال ابقينه
تعاملنه بلا شفقه ورحمه وتسلبت حتى سكينه
وختك ايست من حماهه وتمنت حيدر وياهه

للـــعايله تلكــاهه ..........٧

عباس العبودي الواسطي

https://www.tg-me.com/Alabbodi

رقيه... ياورده وبحسره انكطع سباحهه
رقيه... يا نجمه الليل وطلع مصباحهه
طفله وتريد تشوف ابوها
شمسويه حتى يسلبوها
يا ورده وبحسره انكطع سباحهه

يا ورده ونجبرت تضل بلا ماي
لا بوهه يمه حسين ماكو الوفاي
ظلت يتيمه ادور السد وفياي
بحرك الخيم مشتمه دخان هواي

يبس غصنه وذبللهه عيونها
نار الهجر چوه بفؤاده جفونها
بيا ثار ليهم طالبوها
شمسويه حتى يسلبوها
يا ورده وبحسره انكطع سباحهه

صارت تلم حسرات وتضم بالبير
حسرته جن يوسف نبي وكلبه جبير
يوسف طلع ما حار بس هيه تحير
ما بين عدوان وشماته امن تصير

وبغفله أعداء الوصي يسرونها
وما عدهه خوان واهل يحمونها
زغيره وبريئه وحاربوها
شمسويه حتى يسلبوها
يا ورده وبحسره انكطع سباحهه

تنضر تشوف الرمح جن جسم حسين
دامي وتجر حسرات عباسك وين
واعله الرمح شافت بطلها بلا عين
تركض تكول ازنود اجيبله منين

وبسياط ضربوهه وترى يشتمونها
ازرك متنهه أنذال اليضربونها
بسياط ظلام اضربوها
شمسويه حتى يسلبوها
يا ورده وبحسره انگطع سباحهه

طبع الورد بي رقه وهواي احساس
وعدهم رقيه هناكَ ورده عباس
بالطف لجلها ارواح ماخذ ونفاس
وسفه وهضيمه انولت بعد النوماس

حر العطش والضيم يعمي عيونها
ومن عكب عباس الغرب يولونها
وللشام مسبيه خذوها
شمسويه حتى يسلبوها
ياورده وبحسره انكطع سباحها

وبآخر وداع الها بخرابه ظلام
رادت تشوف حسين لو بالاحلام
وتكعد تسامر بيه وبحضنه تنام
و بطشت جابوا راس ابوها الضرغام

ماتت الورده وهل تغير لونها
صبغت غصنها اسود حزن بعيونها
وردة حسين الما رعوها
شمسويه حتى يسلبوها
يا ورده وبحسره انكطع سباحهه

عباس العبودي الواسطي
https://www.tg-me.com/Alabbodi

شمع عرسك طفى كبالي ...دمــه بحنتك تراوالي
الگلب يـوليدي موجوع ...حزن لو تطفى الشموع

جاسم يورده من الحسن ...رادك ذخر يا كل هلي
من تنصر حسين السبط .... وتكلي يمه ادللي
هــذي وصيه والدك ... وهاك استمع وشكال الي
كال ابني للضامي فده ... ومو أغلى من ابنه علي

فده نحرك لجل نحره...ييمه ادرك رضى الزهره
شهيد وشانه مرفــوع ...حزن لـــو تطفى الشموع

يبني وريدك عالعده ... خَيْبَر علينه ترجعه
تشطر ظلمهم يالوفي...الطف بدماك توقعه
مربيتك لهذا الوكت...لعمك تنصره وتسمعه
هيهات لا ما تعتذر ... وراسي بدمائك ترفعه

تراويهـــــــم فعل حيدر .... تمثل دور علي بخيبر
الضعن تفدي بالضلوع ...حزن لو تطفى الشموع

يوليدي لو شفت النهر ... مايه العذب لا تشربه
صح العطش يعمي النضر ... ودعي الله لا متجربه
دلي النهر درب الخيم ... لسكينه منها تقربه
مثل الگمر عالمشرعه ... الكون بعدوك تگلبه

مثل عباس تطب ليهم ... جثث عالكاع تخليهم
تفر اعــدائك ارجــــوع...حزن لو تطفى الشموع

يبني ويمهجه ناضري ... مو هينه عالام الولد
اربات الضنه من الزغر.. كسرة ضهر هزت المهد
والزفه فرحه ومو حزن .. بس زفتك درب اليصد
هذا امر ربك يولدي ... ليه الشكر ثم الحمد

عريس ابلا عرس جاسم..وعد مكتوب وأمر حاسم
بجيت اووني مسمــوع ..حزن لــو تطفى الشموع

تطفى الشموع بكربله ..ونورك يشع رغم البعد
وبكلبي تبقى محبتك .. ونار الهجر يالماترد
يستاهل الغالي الفده.. وكل ما نقدم ما نسد
مجازاتك ابيوم الحشر ... بالجنه زفتك يالورد

يزفونك يبـــو النوماس... يحنـونك بــورود وياس
لفرحتي تصب الدموع ... حزن لو تطفى الشموع


عباس العبودي الواسطي

https://www.tg-me.com/Alabbodi

كالــو خطر *** منعوني بالمجلس اطب
مامش خبر *** لا له عـــلاج ولا له طب
كتلـــــــهم بصايه علي
ما يبقى كل هم ينجلي
كالــو خطر

كارونه كالوا لا تطب مـــجالس
كلت الله يحميني وعليه حارس
مجنون عابس وانه امثل عابس
عالفطره حبهم مو نهج مدارس

الله وعــــلي *** يحموني مـــن هذا الامر
والزهره الي *** تحضرني ضغطات الگبر
والناده بســماء الولي
ما يبقى كل هم ينجلي
كالــو خطر

رحت بخيالي لكربلــــه وروحي اطوف
تهـــــمل دمعتي وميت انه من الخوف
خاف السنه من حسين تمنعني اضروف
وام الحســــن تحضر المجلس وتشوف

ميت خجل *** وبصدري مـــــا بان اللطم
لحظه اجل *** ومن مجلس حسين انحرم
وبحسره اموت ابمنزلي
ما يبقى كل هـم ينجلي
كالــو خطر

مهضوم يحسين السنه ودمي يفور
لو مــــا اجيلك يــــوم عاشر عاشور
ولزم الشــــــــــباج ويشع منك نور
مقـــــــــــصر اكلك يالتكلي معذور

ما ينســـن *** وكتب جراحات الالم
ما ينحصن *** ويقـــصر وياهن قلم
وبجرحي أضل الكاهلي
ما يبقى كل هـم ينجلي
كالــو خطر

يحسين ما رادو مجالس هالعام
رجعــوا بني سفيان ضد الاسلام
ضــد الشعيره تهيج الراي العام
بحجه وباء تشـــيع اعلى الاعلام

بس عالعهد *** نضحي بنفسنه وبالدمه
وهذا الوعد *** منطينه لامــــــك فاطمه
هاك استمع يا عاذلي
ما يبقى كل هم ينجلي
كالــو خطر

يا ابــو الاكبر نضره منك لينه
لدرب العدل تاخذنه وتدلينه
نتــــــوحد وما يفترق حجينه
نتعلـــــــه والرايه ترف بدينه

ولكربلـــــه *** مشايه نتعنه ونطب
من نوصله *** ميبين اعلينه التعب
ونگصدك انه وكل هلي
ما يبقى كل هم ينجلي
كالــو خطر

عباس العبودي الواسطي
٢٠٢٠ م _ ١٤٤٢ هـ
https://www.tg-me.com/Alabbodi

ورده انشعلت من بستان *** يا عبدالله
وتضــــل عايش بالوجدان *** يا عبدالله
كل ما اكصد مهدك خالي
يوليدي الغالي ابن الغالي
بيا ذنب اتذبحك عدوان
وتضل عايش بالوجدان
يا عبد الله ..... يا عبد الله

يبني ويعمري وســــلوتي *** يا ورده ما رعــوها
تدري البعد لجمه وجرح *** اذوها من شلعوها
والدمع ينزل مــــــا هده *** بالنبله من صابوها
شــــيصبره گلب الوالده *** شيحجون ميهدوها

وتضل مـــــــوجود بدلالي
يوليدي الغالي ابن الغالي
لا مــا تمحيك الطغيان
وتضل عايش بالوجدان
يا عبد الله .... يا عبد الله

مــــذبوح يبني بيا ذنب *** وبيا ذنب مفـــجوعه
والذابحـــك ذابحني انه *** وتصـــور انت اللوعه
بسكوت يوليدي البجي *** والـــونه ما مسموعه
واليمشي بدروب السبي *** مطفيه حتى شموعه

نورك مشـــــــكاة ويبرالي
يوليدي الغالي ابن الغالي
لا ما تشــــبه اَي انسان
وتضل عايش بالوجدان
ياعبدالله ..... يا عبدالله

اعتب عليـــــمن يا خلك *** عالنبله لو عالجاني
لو اعتب انه اعلى الوكت *** مـن بعدك الخلاني
يوليدي يالعـــمرك نده *** بعدك هجرت أزماني
من عمري لسنينك فده *** لـــــــــو تضلي ثواني

مــن بعدك وشصار بحالي
يوليدي الغالي ابن الغالي
مناغتك يوليدي الحان
وتضل عايش بالوجدان
يا عبد الله ..... يا عبد الله

يل بيك مفجوعه السمه *** وتلونت مــــن دمك
وحتى النجم أعلن حزن *** وأعلن حداد باسمك
ليش انحرمت من الهوه *** انت الهــوه واشمك
وبكلــــــبي نار مصيبتك *** ما تطفى يا بعد امك

اي شـي بعدك ما يحلالي
يوليدي الغالي ابن الغالي
بعـــدك تلفينه الاحزان
وتضل عايش بالوجدان
يا عبد الله ..... يا عبد الله

بگماطك الاحمر شفت *** ظلـــم وحقد سقيفه
والشـمر يطلب ثار اله *** ومن عدنه ياخذ حيفه
من يحرك خيام الخدر *** ويصير كلشــي بكيفه
وحسين ينحزله النحر *** يطبره اللعين بســيفه

لمـــــن يوگع گمر العالي
يوليدي الغالي بن الغالي
والـــذهب يغطي تربان
وتضل عايش بالوجدان
يا عبد الله *** يا عبد الله

عباس العبودي الواسطي
٢٠٢٠ م _ ١٤٤٢ هـ
https://www.tg-me.com/Alabbodi

ارجع يبو فاضل الي*** يا نسمه من حيدر علي
يا خويه اشد من الضمه*** بعدك علي يا كافلي

يابو الفضل يالماترد بعدك الحيل يهدمه
اعيوني تنطر جيتك وتصب دمع ماي ودمه
جم دوب أضل اتنطرك ولجيتك افرش سمه
لكني لا ما ائيست ترجعلي ونتضرك ضمه

بعيونك ترد مهجتي ****ياكافلي وَيَا سلوتي
من تبتعد يابوالوفه**** منهو الي يحرس محملي

فكدك هدم حيل الخيم نوخ عمدها اعله الثره
يالجودك انصاب بسهم ونار بخيامك موجره
راسك تصوب بالعمد بس العمد ينزف تره
فراگك يبوفاضل جرح ولجيتك انه مساهره

رتك ترد نسمه هوه ***يالجيتك خويه الدوه
ولوما دلالك يالاخو ***منهو اليكلي أدللي

المثلك ذهب ميعوضه غيابك صعب يابوفضل
جودك صدك ياكافلي متمزق بوابل نبل
وجروحك التنزف وفه تنزف لجن ما تندمل
يا خويه لا لا تبتعد بعدك علي ما ينحمل

ومن كل جرح يشرگ ضوه***
يالشوفتك خويه الهوه
فراك وسبي نار بخيم ***وللشام ارد وي عادلي

يالذابح الفركه بوفه سالم يريتك ما طحت
من صابك بعينك سهم جودك تألم من صحت
لمن طحت عالمشرعه خويه وي عدوانك رحت
رتك ترد لو بالحلم من دونك بغربه أصبحت

موحش طريقي بفركتك ***والسلبتني الكتلتك
فوك الرمح شفتك بدر *** تضوي الدرب ياكافلي

اصعب فراك بكل زمن فراك العزيز المبتعد
اتحمل اشكال المحن بس غيبتك يالماترد
ارجع وعوف المشرعه والجود عوفه يالسند
ولجيتك انطر وفه ول ام البنين اقره الحمد

لكن صدكت بكل وفه **** تنزف حنان وعاطفه
تنزف ضمه شفافك دمه*** هذا وفائك أولي

عباس العبودي الواسطي

https://www.tg-me.com/Alabbodi

سامحيني خويه زينب *** لا تـــــجيني يالعقيله
ســــامــــــــــــــحيني *** ســــامــــــــــــــحيني

شرد اسولفلج يزينب يالحبيبه
رحت اجيب الماي لسكينه الغريبه
گطعوا چفوفي يخويه يالسليبه
چلمة گتلج خويه آنه الماي اجيبه

ســــامــــــــــــــحيني *** ســــامــــــــــــــحيني

شرد اكولن من مشيتي بلايه كفالج تريبه
من حدوا ضعنج يبت طه وحبيبه
خويه آنه تعذرتلج يالسليبه
وسفه اخت عباس مسبيه وغريبه

ســــامــــــــــــــحيني *** ســــامــــــــــــــحيني

تكفلت خدرج يزينب يالحزينه
ودري سلبوج العده بس مو بدينه
خويه لمي اطفالنه وداري الضعينه
راسي ماشي وياج بس لا تنضرينه

ســــامــــــــــــــحيني *** ســــامــــــــــــــحيني

راسي ماشي وياج يا زينب يخيتي
يلتفت عالضعن لو شاف التفتي
تدمع اعيوني لون خويه انضربتي
نار تطلع تجوي من شده حسرتي

ســــامــــــــــــــحيني *** ســــامــــــــــــــحيني

خويه لو شفتي يزيد يسب ابونه
وبطشت من الذهب حط راس اخونه
ينكث اشفاف السبط يختي الحنونه
والعليل مـــزنجل ومــــــا يرحمـــــونه

ســــامــــــــــــــحيني *** ســــامــــــــــــــحيني

ولون ما سامحتي زينب آنه اعذرج
لان سلبوج وآنه كفال خدرج
خويه من ترحين مسبيه ويه شمرج
حشمي حماي الحمه خويه ويحضرج

ســــامــــــــــــــحيني *** ســــامــــــــــــــحيني
خــــــــــــويـــــــه زيـــــنـــــــب


عباس العبودي الواسطي

https://www.tg-me.com/Alabbodi

امصابك يأذينه **** والحــزن يلفينه
آه يــــــــحسين **** آه يــــــــحسين

يغطينه السـواد بحزنه كل عاشر
لبيكَ حسين الماضـي والحاضر
تتعجب العالـم كـل سنه شصاير
تجننه بعشك سبـط النبي الصابر

والعشك عباسي **** حبه في أنفاسي
آه يــــــــحسين **** آه يــــــــحسين

المواكب سيدي مفتـوحه لحبابك
كل صبح ومسىه يحسين بمصابك
نگصـــــد بالزياره انقبــل اعــتابك
ونتمنــــى دفنــــه يصيـــر بتــرابك

لا وله يمنعونـه **** حتى لو فجرونه
آه يــــــــحسين **** آه يــــــــحسين

مــــــا ردنه ثواب بهاي جمعتنه
علفطره نحبـــــــك هايه غايتنه
غيرك يا حسين حسين ما عدنه
لــــــــو نار بمحبتك نترك الجنه

عاشگك بجنوني **** خلهم يلوموني
آه يــــــــحسين **** آه يــــــــحسين

اليحب لابد يشوف ويسمع أحبابه
لمـــــن يعتنـــــونه يفتــــح ابوابه
ينادينـه هلـــــه ومن نسمع اجوابه
نضـــــل انردد آه يا حسين ومصابه

واليــريد الجنه **** كــــــربله يتعنه
آه يــــــــحسين **** آه يــــــــحسين

نتعنــــاك يا مظلــــــوم مشايه
دوم اعلى العهـــــد وياك وفايه
نگــــــصد وبعـزمنه نعلي الرايه
ومن هاب النواصب جينه عنايه

نــوصل ونتعنه **** والتعب ميهمنه
آه يــــــــحسين **** آه يــــــــحسين

عباس العبودي الواسطي

https://www.tg-me.com/Alabbodi

آه من سهم الاجالك... ريته صوبني ابدالك
آه من سهم الاجالك... ريته صوبني ابدالك

ريت سـهم الصوبك وبهل منينه
مــا وصـلك والســـهم ياريته بيه
وما اشوفك على النهر واكع رميه
وكبّل طيحت جفك ايطيحن اديه

كلبي مشتاگ اعتنالك ... ريته صوبني ابدالك

ذيجه فاجعــة النهر ما صح مثلها
علـى المسنايه وسف واكع جبلها
جفوف طـاحت جربه مزگها نبلها
ويلي مفضوخ بعمد راس الكفلها

والكطع خويه شمالك .... ريته صوبني ابدالك

مـــــــوقف ابالي بقى من الطفوله
يألم احساسي صدك لو ردت اكوله
جنت اخــــــذ دور مســـبيه وثكوله
ونت تاخــــــذ دوم ادوار البـــطوله

الكافل بدوره حلالك ... ريته صوبني ابدالك

المـوقف الثاني بعهد وفيته اليه
بيوم رحت وياك لارض الغاضريه
كتلي لو جيش العدو كطعوا اديه
اهون اعلــــــيه ولا شـوفج سبيه

والله عاجبني ارتجالك .... ريته صوبني ابدالك

ومـــــوقف اخر رآيتك لمن خذتها
طحت انت اعلى النهر ما طيحتها
وســـكنه تنتظرك دهر يالواعدتها
انسبت بس يم النهر ضلت شفتها

انت يالماصح مثالك .... ريته صوبني ابدالك

عباس العبودي الواسطي
https://www.tg-me.com/Alabbodi

لاكبـــــر تاخر بالحرب مـــــا رد يليله
انطــــــر وتاني لجيتة المدمع اسيله

ابنج شبيه المصطفى وبوجه نورين
نور لمحمد هليشع والثاني لحسين
يضوي الضلام بكربله ويناصر الدين
يبرز مثـــل حيدر بخيبر وسد صفين

وانــي بلهفتي اترقبه وابقى اندعيله
انطــــــر وتاني لجيتة المدمع اسيله

الاكــــــــبر تاخر صح لجن هلمره سالم
واعـــدني يرجعلي وبدي راس ابن غانم
وانـــه اعرف وليدي الشهم لا ما يساوم
بالحومه جندلهه الزلم حد سيفه صارم

ترجعلي سالـم غيبتك صارت طويله
انطــــــر وتاني لجيتة المدمع اسيله

انطر وتاني بلهفــــه وأتأمل الي يرد
صــال بكتايبهـــــــم بدر كررلي احد
تتناده ازلام الـــوغى من هذا يا حيد
حيدر برز لو مصطفى خل منه نشرد

واليگرب اخيام الخدر فنـــــه ويويله
انطــــــر وتاني لجيتة المدمع اسيله

وبحيره ضليت وتحيرتـــــي انتي وياي
مــــــن يرجع الاكبر ويطلب مني الماي
يابويه اريد اميه اروي العطش وضماي
اتقـــــــــــوه بيها من ارد يابويه لعداي

مـو هين أفراك الولد لا مــــــو قليله
انطــــــر وتاني لجيتة المدمع اسيله

ادعـــي يليله لابنج الغالي التأخر
راح وبعـــد ما ظنه يرجعلج الاكبر
وانه ادري بفراك الولد كلبج تفطر
حكج يليله لـــو بجيتي اعله التطبر

ما تنشف ادموعج لون يركدله حيله
انطــــــر وتاني لجيتة المدمع اسيله

عباس العبودي الواسطي

https://www.tg-me.com/Alabbodi