.
القصيدة الرئيسية لهذه الليلة
-

[ يمختار ]

للشاعر الحسيني
#عباس_العبودي_الواسطي

#علي_الجيزاني
#محرم ١٤٤٣ ه‍ـ
#موكب_الإمام_موسىٰ_الكاظم
#علي_الغربي
#العشرة الأولىٰ

لسان حال العقيله (ع)

للنجف درت العين اشكي لعلينه
يا بويه شوف الكوم تنطر سبينه

عباس العبودي الواسطي
١١ محرم ١٤٤٣ هجري

https://www.tg-me.com/Alabbodi

.
[ بشواگ وأماني ]
#علي_الجيزاني
للشاعر عباس العبودي الواسطي

https://youtu.be/nziWZ6wRLWM

ليلة 1 محرم الحرام 1443 ه‍ـ
موكب الإمام موسىٰ الكاظم (ع) - ميسان

بالمجالس ندعي ربنه ××× يعجل المهدي بضهوره
والحضر هاي المجالس ××× فاطمه تسجل حضوره
للنحر ثار السبايه ××× المهدي يضهر بيده رايه

كل عام ويجي عاشور ××× علينه وينشر بخيره
فقير ويطعم المسكين ××× جبيره وكلش جبيره
آلاف المشت زوار ××× تخلي العالم ابحيره
والخادم خدم لحسين ××× تعلى وزاد تقديره

الخدم كلها بمهانه ××× وخادمك متعلي شانه
تارك الدنيا واهلها ××× وشاري اخرته بضمانه
عن قصد حكمه ودرايه ××× المهدي يضهر بيده رايه

وعينه ونسمع العذال ××× عن الي لطم صدره
إلطم صدري لحسيني ××× الفده دينه بكطع نحره
وميهمنه حجي العاذل ××× بحر حبنه وحجي كطره
وبهاذا النهج ماضين ××× وكل واحد نذر عمره

عالعهد ابقى حسيني ××× والحيه بتضحيته ديني
وبقى كل عمري وحياتي ××× خادم وشاعر حسيني
للأبد بس حبه غايه ××× المهدي يضهر بيده رايه

نقيم المجلس ابكل عام ××× ولفاطم نواسيها
وندعي الخالق القيوم ××× مجالسنا يعليها
نبقى اعلى العهد لحسين ××× الشعائر دوم نحييها
ونضحي بدرب ابو اليمه ××× المناحر فدوه ننطيها

والي قدم طفله بيده ××× وبغدر حزوا وريده
فدوه لجله يطيح راسي ××× وفدوه ايدي لخنصر ايده
لون شربو من دمايه ××× المهدي يضهر بيده رايه


كل عام ويجونه براي ××× خاطر نترك الخدمه
كالو بدعه عالمجلس ××× والخادم نذر دمه
ننطي ارواح لجل حسين ××× اونتوذر لجل كلمه
كلمة حق على الباطل ××× رفعها حسين ابو اليمه

عالمجالس ما نجامل ××× والمشت فوك المحامل
لو تطيح اجفوف اديه ××× طيحت اجفوف ابو فاضل
الجود اصيراً كون مايه ××× المهدي يضهر بيده رايه

دعينه وننطر الغايب ××× يجي يكحل نواضرنه
نندبه بكل مسه ومصباح ××× يضهر كون غايبنه
وياخذ ثار كسر ضلوع ××× وجفوف وعطش سكنه
ثار حسين وام حسين ××× وجاسم بالدمه تحنه

والي طاح اعلى الشريعه ××× والي ذبحوله رضيعه
وطبرت الوالي بصلاته ××× دموع وسياط الوديعه
وياخذ بثار الضمايه ××× المهدي يضهر بيده رايه

عباس العبودي الواسطي
١٤٤٣ هجري - ٢٠٢١ م

https://www.tg-me.com/Alabbodi

علي من الباري تنصب اوعد رسول الله أتمن
أووجب الصلى اعلى طه يذكر ويا ابو الحسن

عباس العبودي الواسطي
١٤٤٣ هجري - ٢٠٢١ م
https://www.tg-me.com/Alabbodi

حزني ودموعي اتصب على خدي
غيرك يبـــــويه والله مـــــا عندي
وبحزني أضـــل لطلعــه المهدي
وبحزني أضـــل لطلعــه المهدي

يبويه انه علي السجاد انشدك
كسر ضهري ترى وشيبني فكدك
وسل جسمي الهجر والفرگه بعدك
تمنيت اندفن بالحد عندك

شــــله بحياتـه الما الــه والــــي
يبقـــى يتيــــم الفاكـــد الغـــالي
مــــــن هلرزيه امصايبه تبـــــدي
وبحزني أضـــل لطلعــه المهدي

عجيبه السبط وحده بدون ناصر
وتسحك صدره الخيول بحوافر
لو جده النبي المختار حاضر
منو يتجرء ويكسرله خاطر

لو حيدره موجود بطفوفه
ما طاحت من الكافل اجفوفه
جا ما رجعت ويه الضعن وحدي
وبحزني أضـــل لطلعــه المهدي

تــــــره خيمــــه الابو لولاده تدري
بغيابك يالحنينين انهـــــدم عمري
همــوم اجبال نزلت فـــوك صدري
وحس من هل هموم انكسر ضهري

هلبـت تجـــــــي لو بالحلم مره
وتكحل اعيــــــــوني بفـرد نضره
مــــــــا ارد أفـز مـــن الحلم ودي
وبحزني أضـــل لطلعــه المهدي

يبـــــويه مـــو غـــريب الصار بيه
گــــــلبي مـــن جمر هاي المسيه
بيـــــــــه حـــــــر الخـيام الزينبيه
مـــــــــن حركوها برض الغاضريه

ناريــــن بيــــــه ومـا اضن يطفن
نار السبيه ونــارك انجمعن
وهلنار تبقى ويايه حد لحدي
وبحزني أضـــل لطلعــه المهدي

ادعــــــي الباري كل يوم بصلاتي
يصبرنــي بفراگـــــك امــــــنياتي
مــــــــــا انساك فد لحظه بحياتي
يضــــــل ذكراك ولـــــغايه مماتي

يل باقـــــــــي دوم بوسط دلالي
مــــــــــا تنسي يل رسمك اكبالي
شـــنساك ونت روحي وي جبدي
وبحزني أضـــل لطلعــه المهدي


عباس العبودي الواسطي

https://www.tg-me.com/Alabbodi

ذكرى استشهاد الرسول (ص)

https://www.tg-me.com/Alabbodi

ليله فاجعه وأحزان 🌸🌸 ظلمه اوحشه هلليله
يرحل سيد الأكـوان 🌸🌸 دم مو دمعــه ابجيله
ابجيلــه 🌸 هلليله 🌸🌸 وهمل دمعة الـعين

يا مولاي * حرت ابهاي شلون ابهل الحياة وتنگظي بدونك
لو حنيت * وشــــتاگيت منهو الي يعوض شوفه اعيونك
وجبيـــره * هـــــــلحيره صعبه أولادي يا خويه يفكدونك
تبجي العين *والحسنين زينب والحسن وحسين يبجونك

حيــدر انه يا مولاي 🌸🌸 اون لمصابك بحسره
وتــون فاطمه وياي 🌸🌸 وتبجي بغصه وبعبره
وتسألني🌸 جاوبني🌸🌸 هـم ننسى يبو حسين

يل أيـــه * وروايه مصلايه يبو القاسم جنت عدنه
والزهره * والحره تكول وبعد ابويه الموت اتمنه
خيمتنه * كعبتنه لو رحت انته توكع عمد خيمتنه
لا نهده * ولا ننسى نار مصابك وما تطفى لوعتنه

ويـــن بيا زمن مكتوب 🌸🌸 مسموم النبي يقتل
والطالب صبح مطلوب 🌸🌸 والاخــر صبح اول
يا ويلــــه 🌸شباقيلــه 🌸🌸 مــــن الله يفر وين

يالصابر * وتكابر من بعدك ترى تبدي مصيبتنه
تبدي النار * والبسمار أول كسر يصبح ضلع زهرتنه
وبني يطيح * وأمه تصيح محسن ياعلي هالراح من عدنه
حرك الباب * والمحراب محراب الصلا مقصود مو احنه

ما يكفيها حرك الدار 🌸🌸 كسرو ضلع للزهره
وبمحسن غـداً تحتار 🌸🌸 بجــو مدمع الحره
بجوها 🌸واذوها 🌸🌸 صفت مكسوره ضلعين

لو احجي * متكفي كلمات القصيده تقصر هوايه
شحجيلك * شرويلك علظيم الاشوفه ويجري ويايه
من الطبره * ما ابره ثلث ايام ينزف راسي ادمايه
ويتيتمون * وينحرمون اطفال التربوا حدر يمنايه

فزتو ابهل عزم ناديت 🌸🌸 ربي يشهد اعليه
فرض النافله اديت 🌸🌸ابگلب ضَل صافي النيه
وبدمعي 🌸 ضَل يهمي 🌸🌸 ومصلي ركعتين

والاعظم * مايسلم جبد الحسن وحسين السبط مظلوم
عالسبطين * تبجي العين احسين انذبح والحسن هل مسموم
والحره * متيسره وعلى الشاطي الكفلها مگطع ومهضوم
ضحه بعين * والجفين غدر غدرو گمرنه السوه بيها اعلوم

ومگيد عليل احسين 🌸🌸 زينب لليسر تطلع
ناصر ماكو لاكو معين🌸لو هضموها من يفزع
والكافل 🌸 ماقابل 🌸🌸 ضَل مكطوع اليدين


عباس العبودي الواسطي

استشهاد الرسول الأعظم (ص)
https://www.tg-me.com/Alabbodi

سنبكيكَ * يقيناً ما مضى الدهرا
سنبكيكَ* عزيزاً يا ابا الزهرا
ذرفنا الدمعَ من دمٍ ومن جمرا
ونار القلبُ فـــــــيها ربنا ادرى
سنبكيكَ*** سنبكيكَ

حَزنا حُزننا ســــرمد * بـــكيناك ايا احمد
فواللهِ صدَقنا الفعلِ والقولاً
بكينا دمعنا ســاجم * نواسي بالعزا فاطم
نواسي المرتضى والسيده الاولى
كتاب الله قـــد انزل * فما ان مات او يقتل
ارتدو وكان الامر مفعولاً
أتدري بعد ان عادوا * لآل البيت قد عادوا
فبعدَ الضلعِ حيدر سيق مكبولاً

فبغضاً عاودوا آذو لكَ البضعه
وثأراً فيك كانت سيدي الصفعه

كسبطيكَ * دموعاً صبت الليله
كسبطيكَ * دماءٌ دمـــعنا سيله
فمسموماً ندهنا المصطفى جهرا
ونار القلبُ فــــــــــــيها ربنا ادرى
سنبكيكَ*** سنبكيكَ

رســــــول الله يا خاتم * ندهنا بسمك القائم
بلآهاتِ قلبُ الناسِ مهموما
ندهنا والمدى يشــهد * نبي اللهِ اســـــتُشهد
ما مات ولكن راح مسموما
فأملاك الســـما ناحت * بحزنٍ ويلها صاحت
فركنٌ للسماءِ اليومَ مهدوما
ضُلامات العدى تمطر * فـــما والله لا يهجر
أيهجر مَنْ اصطفاه اللهِ معصوما

ضُلامات العدى بالحقدِ مبنيه
لهذا يومنا صبت ســـــــقيفيه

لعينيكَ * جرعنا شدة البأسِ
لعينيكَ * فداء الروحِ والرأسِ
فما زالت ســياطٍ للعدى حَمرا
ونار القلبُ فـــــــيها ربنا ادرى
سنبكيكَ*** سنبكيكَ

للمشكاة اما تدري * عيونٌ دمعها تجري
بكسر الضلعِ في المسمارِ ما طابا
الا تبت يدا الظالم * أتى بالثأر من فاطم
بنار الحقد حقدٌ يشعل البابا
والمحرابُ قـد كَبر * أغـــدراً حيدرٌ يطبر
فمحراب الصلا قد كان محرابا
فآل البيت قد ذاقو * مــــراراً دمهم راقو
من بعدَ نبي اللهِ ما غابا

فــــهذا نهجهم قد كانَ مؤلوفا
سقيفيا الهوى بالحقدِ معروفا

بجنبيكَ * لفاطم كانت العصره
بجنبيكَ * لهذا أصبحت حـسره
بكسر الظلعِ ملعونٌ عدى جورا
ونار القلبُ فـــــــيها ربنا ادرى
سنبكيكَ*** سنبكيكَ

وهل في النحر لا تعلم * حسين السبط لا يسلم
ضمآنا بسيف الحقد مذبوحا
ففاق الجــرمُ ذي حده * كريم الآل مـــن جعده
مسمومٌ غدى عالارضِ مطروحا
وهــــــذي زينبٌ تنعى * فآل البيت هــم صرعا
بِسْمٌ واحداً والثاني مجروحا
خيامٌ احرقت جــــــورا * وعطشى ذاقت الحرى
وَدمٌ طاهرٌ عالارضِ مسفوحا

كفيل الخدرِ مـقطوعٌ له كفِ
ومحنيٌ حسين الله في الطفِ

لضلعيكَ * بحقدٍ تسحق اضلاعه
لضلعيكَ * ببــدرٌ تأخـــذ الساعه
ألا يا ليت مــن عمري له عمرا
ونار القلبُ فـــــــيها ربنا ادرى
سنبكيكَ*** سنبكيكَ

وبــــــــعدَ الآهِ والرهبه * جثونا نقرء الندبه
للهِ من الكفارِ نجينا
متـى تبعث لنا القائـــم * بقسطٍ عدلهُ قائم
اللهم سهل أمرَ مهدينا
فقد ضاقت ومنكَ الحل * الهي بالفرج عجل
تطبيقاً لحكم الشرعِ والدينا
اللهـــــــــــــــم فاَرحمنا * من الجورِ فخلصنا
فأمرٌ واحدٌ يا ربُ يكفينا

متى يضهر بحقٍ صاحب البيعه
متى يأخــذ بـثار الآلِ والبضـعه

لمهديكَ * شكونا شــدة الهونِ
لمهديكَ * طلبنا سيدي العونِ
لرب الكون رحنا نشتكي الإمرا
ونار القلبُ فـــــــيها ربنا ادرى
سنبكيكَ*** سنبكيكَ

عباس العبودي الواسطي

ذكرى استشهاد الرسول الاعظم (ص)
https://www.tg-me.com/Alabbodi

ذكرى استشهاد الإمام الحسن العسكري عليه السلام
https://www.tg-me.com/Alabbodi

انه المهدي وانادي ××× اعلى ابويه أعلن حدادي
انه راعي الالم ××× اجي وشايل علم
يا شهيد ××× يا شهيد

انه المهدي وأريد أعلن حدادي
اعلى بيويه العسكري ولبس سوادي
انادي بحسره ورجع هم انادي
لون تايه ودور بالبوادي
لون مطبور وبسيف المرادي
ولا مسموم ابويه من الاعادي

ونفجع وكت المسيه ××× بوالدي ويا ريته بيه
مصابك جن سهم ××× اجي وشايل علم
يا شهيد ×××× يا شهيد .........١

جرت احداث وانه بهمي صابر
لبويه وجدي فجروها المناير
بحكم ارهاب هذا اعليها جاير
عقول انمسحت وماتت ضماير
الفعلها شيحجي ويجاوبنه باجر
مصيره في صقر نادم وخاسر

عاودت لينه السقفه ××× وبحكم ذاك الخليفه
واللي عادانه ندم ×××× اجي وشايل علم
يا شهيد ×××× يا شهيد .........٢

قدر مكتوب لجدادي الهواشم
على مر العصرو جرت مظالم
النبي المختار ودوره امي فاطم
وعلي طبرو غدر بس يبقى صائم
وبعد جدي الحسن منهم مَسالم
وحرم جدي الحسين بصحره هائم

ما اساوم عالقضيه ××× وجدي حماي الحميه
أشعر بنار الخيم ××× اجي وشايل علم
يا شهيد ×××× ياشهيد.........٣

اجي بحسره وحزن ونده يشيعه
عليكم اقسم بضلع الوديعه
بزياره عمي وجفوفه الكطيعه
وزياره جدي الحسين ورضيعه
دعاء الندبه اقروا اعلى الشريعه
يرب فرجها وبطلعه السريعه

نادوا يا رب البريه ××× اببضعه الهادي ونبيه
اكتب ويبجي القلم ××× اجي وشايل علم
يا شهيد ×××× يا شهيد .........٤

وبعد للباري اجثوا ودمعي جاري
لان حتى الصبر مل منه داري
يرب عجل نفذ حتى اصطباري
اصبر درعي يتكلم فقاري
اطفي بناري وتشب بيه ناري
لان ثار الله ثاري وهذا ثاري

لهلي ثار الحق اوقعه ××× مربع بسيفي ارجعه
اقسم براعي العلم ×××× اجي وشايل علم
يا شهيد ×××× يا شهيد .........٥


عباس العبودي الواسطي
١٤٤٣ هجري - ٢٠٢١ م
استشهاد الحسن العسكري (ع)

https://www.tg-me.com/Alabbodi

يمهدي...للموت نلطم عالحسن
يمهدي...للموت نلطم عالحسن

نلطم ونبجي بحسافه
نـهل دمــع للعـسكري

مــستـمـر هـذا عـزانه
وكــل نهجنــه حيدري

ارض ســامـراء تـزهي
بنـور گبتــه الجعـفـري

يبقى ابـو محمد امام
اهدعش اسمه بدفتري

روافض...نادونه ذوله اهل الفتن
يمهدي...للموت نلطم عالحسن

نقسم بظلع الزجيه
نوافي ابوك الغالي

يا شمع تضوي بدربنه
ودنيه ضلمه تلالي

باجر بطلعه ضهورك
نفرح وللتالي

يالثار الظلع صيحه
نرفع ومنبالي

يمولاي...نادت الشيعه بكل زمن
يمهدي...للموت نلطم عالحسن

عظم الله أجرك يمهدي
مصابك يأذينه

فركه الوالد كلافه
بجيته يداوينه

وحنه نتنطر نشوفك
شوفتك تغنينه

تعالج جروح الوفولك
نضرتك تشفينه

نخيناك... وبشوفتك تجلي المحن
يمهدي... للموت نلطم عالحسن

ننتضر هله هلالك
عجللنه بهل أمر

يبوصالح زاد همنه
وكل صبر ما ضَل صبر

عدل تملي الارض قسطاً
من تجي يطلع فجر

عادت الحبك يمهدي
يدعي ليك وينتضر

دعيناك...بالندبه نقراك بحزن
يمهدي...للموت نلطم عالحسن

ونفجعنه بيوم ثامن
وبربيع اول حزن

وبمصاب الحسن ضلمه
وجن ضلوعي التنسحن

نواسي غايبنه بدمعنه
يبين اعلينه الشجن

ونكصد لسامره حالاً
معتنين من الوطن

نواسيك ...للعسكري نجدد حزن
يمهدي... للموت نلطم عالحسن

عباس العبودي الواسطي
استشهاد الإمام الحسن العسكري (ع)


https://www.tg-me.com/Alabbodi

راية علي بجف الكمر
والدخل بالطف عالنهر

بيمينه سيف المرجله
والجربه شايل عالضهر

طب وخزر جيش العده
وكلها تدور اعلى المفر

عباس يا اشجع رجل
والكابلك كول انشطر

عباس العبودي الواسطي

https://www.tg-me.com/Alabbodi

استشهاد السيده فاطمه الزهراء (ع)
١٤٤٣ هجري _ ٢٠٢١ م
الليالي الفاطمية
https://www.tg-me.com/Alabbodi

ضلعج ما نسينه ××× بدموع اجينه
وبلهفه نتحسر
ننده ها يمهدي ××× والدمعه تردي
يمتى وصدك تضهر
نصرخ يا الاه الدين ××× نريد الثار لام احسين

ننادي يا إلهي بحق ضلع فاطم وبوها
تقتص من الشرار الوره الباب اعصروها
ولدار الوحي بغل وحقدهم خربوها
من جابو حطبهم عنوه للباب حركوها
ليش بيا ذنب منها الطفل طايح لكوها
لو ليث الكتايب ما توصه ما يجوها

ننده يا بو صالح ××× محسنها طايح
وتكفكف المدمع
خافت لا يجيها ××× حيدر وليها
ويشاهد المصرع
اليوم وباجر وبعدين ××× نريد الثار لام احسين

حقد عدهم على بيت النبي واله الاكارم
وقلوب انمزجت بغل السقيفه وربها عالم
على آل النبي نسلم وان حاجيها ضالم
يضن بهذا جرمه يخفي ويغطي المعالم
ترى المسمار شاهد باجر بهاي الجرايم
ويحاسبكم عليها الباري ويزيل المظالم

وعالسطره الشديده ××× وبدفعة ايده
ما يسلم الجاني
والعصره ودمعها ××× وكسرت ضلعها
يتحاسب الثاني
امن النكرو أصول الدين ××× نريد الثار لام حسين

بوصيات النبي ما عملو بهاي الوصيه
النبي وصه بعلي وخير النسا وبنته الزجيه
ما بانت عليهم بس الأفعال الرديه
من عادو علي وفاطم تسمت رافضيه
رغم أنف اليضدوها العصابه الناصبيه
بكل مجلس ترى عدنه الليالي الفاطميه

خسران اليضدها ××× هيه اولدها
ما يوصل الكوثر
ربحان النصرها ××× بالحك ذخرها
وتوقيعه من حيدر
ونصبلها دمع العين ××× نريد الثار لام حسين

طلبت من علي وكت الدفن ما يفشي سرها
بان ما يعلن السر بعجل يخفي امرها
زغيره اعلى المكابر ماتت ابقله عمرها
وعجيبه الوالي ما نفذتله من روحه صبرها
بقى مخفي الكبر عن المحب الي نطرها
اونتنطر الغايب من يجي يكشف كبرها

من يضهر نشوفه ××× وقبرج نطوفه
وان طالت المده
كعبه ومن نشوفج ××× لازم نطوفج
والنزرعه نحصده
ويتمنه يضل عامين ××× نريد الثار لام حسين

بقى الوالي يصبر روحه وبناره يهدي
حزن فوك الوجن يحفر نهر ودموعه تردي
قضاء الله حان وانه صابر هذا وعدي
يكول بحسره راح أغلى بشر بالدنيا عندي
راحت شمعت سنيني وحياتي هذا قصدي
وبقه ثاري يلوح وينتضر رية المهدي

يضهر وبفقاره ××× ويطفي ناره
والتنصره الشيعه
ثار امه وضلعها ××× وطيحة دمعها
ونجدد البيعه
ولمكسوره الضلعين ××× نريد الثار لام حسين


عباس العبودي الواسطي
١٤٤٣ هجري ٢٠٢١ م
استشهاد السيده فاطمه الزهره(ع)
الليالي الفاطميه
https://www.tg-me.com/Alabbodi

كســــروا ظلع مني هناك ×× والبسمار أجـه بصدري
لـــــو ماخذني بويه وياك ×× حركـــوا داري لو تدري
حركوها× وجروها ×× دار المصطفى وعصروني مرتين

لو تعلم× تتألم ×× محسن شنهو ذنبه انهد عزم حيله
بالعصره× جن نحره ×× مصيوب بسهم ظَلم علي ليله
ولأبني×رف جفني××بقيت اذرف دمع من عيني وبجيله
لو ميته ×ولا انته ×× ما جار الزمن بيه وشفت ويله

مـــن جار الــزمان وياي ×× رتــــك تـــــلتفــــت ليه
ظلمــوني يبـــويه هواي ×× ثار الهــــم خــــذوا بيه
ظلموني × وعذبوني ×× من بعدك صرت بين المجرمين

لو تدري × باليجري×× يابويه فدك سلبوهه من عندي
هضموني × واذوني ×× لا رحموا علي ولارحموا ابولدي
بلايه حجاب× خلف الباب×× لذت للستر غير الستر ما عندي
ظلعي أنصاب× بويه انعاب×× بسمار المنيه وهذا هم وعدي

بضعــــه ســــيد الأكوان ×× بــويه بعصــره اذوها
ضماير مــــاكو لا وجدان ×× يعـرفــوها ويحرفوها
عصروني× وروعوني ×× اطلــــبهــــم آنــــــــــه دين

كالوله ×وحجوله ×× ترى بالدار هذي فاطمه الزهره
ماهمه× بهلكلمه×× وكاللهم وإن ولو جانت الحره
وبعزمه× وكل همه ×× يأذي بضعتك من بعدك بسطره
من شفته× وعرفته ×× تمنيتك تجي وخنكتني العبره

حســـره بكلبي ضــلت هاي ×× واللـــــوعه بقت بيه
مـــــــــــن غمضت يالوفاي ×× مـــــارحموني شويه
اذوني× وضربوني ×× علي صاروا زلم ذوله المجبنين

ياالهادي× أولادي ×× هم بعدك ترى جار الزمن بيهم
مارحموا ×وتعدوا ×× وصبوا كـــل حقد ضامر يأذيهم
والظامي ×والدامي×× سِبْط من ولد بنتك هذا بيديهم
والحره ×متأسره ××وطـفال ويتامى الحادي يحديهم

رادوا شربـــه مـــن الماي ×× والكافــــل اخــذ جربه
مـــعروف انــــــي الرواي ×× وفنـــون الحرب حربه
وتكطع× وتروع ×× غـــــدر گطـــــــعــــــــــوله جفين

شحجيلك× وشرويلك ×× عن الحسن لو عن السبط الحسين
ثار الهم ×من جدهم×× يطلبونه ابدر ولهم ثأر بحنين
والمسموم ×والمهموم×× مرمي إسهام نعشه ودمعتله العين
والمذبوح× ضَل مطروح×× دامي اعله الارض والكافل ابلا عين

ومــــــگيد علــي السجاد ×× زينب بــــــويه مسبيه
اطفــــــــال وحــــرم تنگاد ×× للشــــــــام وضواحيه
اسروهم× وسلبوهم ×× دخلــــــــــــوهـــــــم دواوين

عباس العبودي الواسطي
استشهاد السيده فاطمه الزهراء (ع)

https://www.tg-me.com/Alabbodi