((اجيت امشي))

بدنــائَتّ نفسي متعني
بذنبي بجرمي وبقبحي
بعصياني بجـذب حالي
آنـــــه المصطنع جرحي

اجيت امشي ..
نوح وبالسفينه صَعَدت كلشي
اجيت امشي ..
فك بابك احبك ياحلم رمشي
اجيت امشي ..
يا اشياء روحي وياغــلاة الشي

تگصر خطوةّ المحتاج .. بس محتاج
ياشيخ العرب والتـــاج .. وأبن التــاج
ضلمه وحبــك الوهاج .. يـــــالـوهاج

يــثآر الله
امس باچي أعله عبدالله
يوجه الله
أنــه الگـلبي بعشگ صلى

اجيت امشي ...
"""""""""""""""""""""""""""""""""""'''''''''''

اجيـــــت وعايف الدنيا
اجيــــت بدمعه اعيوني
ندم كل خطوه بالممشه
المثلك چــــان عافـوني

بدمع عيني ..
اريد اغسل اذنوبي واغسل اسنيني
بدمع عيني ..
أنه شمنطيك وانته اهواي منطيني
بدمع عيني ..
بحبل ياريت اجيك وعاصـر ايديني

يگلبي كافي هذا حسين .. رايـــح وين
شدلك بالنبض چم عيـن .. اسمــع زين
واضح والدرب صـــوبين .. ذاك حسين

يگلبي اسمع
اريدك من ترد تركع
يكلبي اخضع
موش انته اذا ترجع

اجيت امشي ...

"""""""""""""""""""""""""""""""""""''''''''''

نواسي الصـعدت الناگه
بس ماصحت النه النوگـ
وياكثر الهـــــلا التجــرح
دربك بل هلا مسحــوگ

الهلا بدربك ..
أحسها باربعينــــك عـورت گلبك
الهلا بدربك ..
تماشــــيني وتذكرني بطـعم حبك
الهلا بدربك ..
رغم مو عل هزيله وگاصد القربك

تبچيني الهــــلا چـندوب .. نــــار تلوب
ودَلالك يحدي وبياصوب .. ذاك صوب
وضعنك والشماته دروب .. يالمــسلوب

سبي وهزله
ودّموع أصـــيح نوصله
الاسر سهله
افراگ حسين شيحمله

اجيت امشي ...

""""""""""""""""""""""""""""""""""""""""

اوصلك يبو جـروحي
بس اسنيـــني تطـشر
وادنگ راسي وعيوني
وصلت عمةّ الاكـــــبر

اجت زينب ..
واضن ضهر الهزيله من الهضم شيب
اجت زينب ..
تصيح حسين خـــــويه والعمر حدب
اجت زينب ..
ضعن من الهوى يــــاناس ظل يتعب

دمع الشوگ يحرگ روح .. للمــذبوح
طاحت والگلب مطروح .. روح بروح
ومدمعها غده مسفـــوح .. حيل تنوح

هوت طاحت
من كبر الكبر ناحت
بهضم صاحت
زينب عجبه ماماتت

اجيت امشي ...

عبد زينب
محمد الابراهيمي

.


.    عباس جبت العايّله      رديت خويه الكربله
     عباس جبت العايّله      رديت خويه الكربله

                              *---------------*---------------*

جيت اليـــوم   ريت ادكوم   خـويـه وتنظر لـحـالـي
شـاب الـراس   يا عـبـــاس   هـاي الـروس تـبـرالـي
عنـدي اعتاب   وي اجـنـاب   جيـت وانـت كـفـالــي

ويــاك چـنـت امـخَـدّره    وأدريـك سـبـع الگنطره

                              *---------------*---------------*

فـوگ النـوگ   عيب اتلـوگ   اخـتـك تـمشـي مسبيه
عكبك ليــش   بين الجيش   وادم تــنـظــر اعـلــيــه
زحمه وعيب   تالـي الشيب   يـلّــي اتـكـفـلـت بـيــه

للمـوت دمعات الـجـفـن    ويـاك خـلـيـنـي انـدفـن

                              *---------------*---------------* 

دم ابچيـت   يمك جيت   وانـتـه بـنـومـتـك غــافـي
گـوم ويـاي   يـا رجـواي   عــگـبـك ورّم اچــتــافــي
هـذا الصـار   بين النـــار   اركـض والـجـدم حــافــي

شـدگـول يـا وارث علي    رديـت وادموعي اتهلي

                              *---------------*---------------*
 
  مدري شلون   عنـدي عيون   ظلت والـنـظــر بيهـه
  كلهـه اتصيح   خــاف اطيح   حـرمه وين اهاليهـه
   تصعب هـاي   وي اعــــداي   كلمه ويمك احچيهه

عالنـوگ شافتني الـزلـم    والـحـيـل راح ومـنهـدم

                              *---------------*---------------*

دمعي السال   يحچي الحال   اگعد يا ضـوه عيوني
احچي وياك   نخوه انخالك   وانت الكافل اظعوني
كـلـي اجراح   جيـت ارتــاح   خويه بكلمه حاچوني

عباس شـنـهـي سكتتك    يا خوي احچي امروّتك

                              *---------------*---------------*

چـفـك ويـــن   وعــدك ديـن   يوفي الينطي الحچايه
خدري انشاف   جيـش آلاف   امـشـي ويمشي ويـايـه
عـوف الـنــوم   هسـه وگـوم   بـيـدك رفرف الــرايــــه

هالـيـوم جـيـتـك ياگمر    هالـيـوم هم عندك خبر

                              *---------------*---------------* 

العدهه أحيود   تمشي بـزود   وآنـه الوادم اتسبنـي
وي  ظــــــلام   لـرض الشام   دهري هـواي دولبني
شفت الويـــل   راح الحيـــل   بفراكك يخــال ابني

ياريت موتي بـمـوتـتـك    انـشـاف تقبل غـيـرتـك

                              *---------------*---------------* 

دربي ابعـيـد   وانت الحيد   صـيتـك واصـل السبعه
خدري بساع   راح اضـيـاع   وانـت بـزودك اتـرجعـه
اخـذ الــروح   وسفه تـروح   واختـك تبقه منفجعـه

يا خـوي يـحـزام الظهر    ظـلـيـت بأحـزان الدهر 

                              *---------------*---------------*

✍خادم زينب (ع)
الشاعر رعد الجريخي

((مشايه بدربكم))


اجيت ألحگ ركبكم
وأگلكــــم آنه احبكم .. ومشـايه بدربكم
مشت ناس التـودكم
يـــ بس الخير عدكم .. الْـزمكم مايهدكم

اليــلزمّكم لـــزمتوهّ
وللمشــــــايه جبتوهّ
بچفافيــــكم تغطوهّ
ذهب ودموع تنطوهّ

أنــــه باسط ذراعي للخدامه
ماريد العمـــــر يگضي ندامه
أحبك والأحبك ماتت أعليك
أحبك وأنته مسلوب العمامه

أنه من خيــرك أنعمّ
وهواك بروحي أشتم
يامــــولاي يحســــين
بس صــــدرك تهشم

سلام الله على حروفك حسينآ ...
                 
"""""""""""""""""""""""""""""""""""''''''''''

صــــح بالروح جذبه
بـــــس حسين احـبه .. وأبچـيله وأندبه
لجلك مجلس أحضر
وحتى الشـــيب يكبر .. من گلولي منحر

وأشوف الصوره بالطيف
بيك مثلـــــم الســــــيف
رمل يچـــــويك يحسين
ويلفح روحــــك الصيف

سمعت التل أجاك وانته طايح
الدم بعيونك وشفت المــلامح
شفــــــت يمك عبايه وفرزنتها
تگلك ياعجيْد الـــــــروح رايح

تگلــــــها ياهضيمه
وهيه تگول هيــمه
اجينه بسدك أنلوذ
بعد ماعدنه خـيمه

سلام الله على حروفك حسينآ ...
                 
"""""""""""""""""""""""""""""""""""''''''''''

گلبك عش مساكين
السهم ذابح نبـــيين .. وكلهم صاحو حسين
خرز سبحةّ محمد
طشاش الله ولحد .. ام عون تصيح ياجَدْ

بسم الدين مـذبوح
نحر حسين وينـوح
ذولي اسـلامهم زُوْر
جدنه الشَيَدْ صروح

يعت بنحــــره والغاره الخيامي
وأگلهم مــــاي لتذبحونه ضامي
تفتت چبده من الحر والسيوف
وطايح عالرمل هذا المحـــامي

ولــــن خياله عشره
ياويلي اعــله صدره
وخده وحتى العيون
وغدت بالروح جمره

سلام الله على حروفك حسينآ ...
   
"""""""""""""""""""""""""""""""""""''''''''''

أَلّـمك وانته طـــشار
أجيسك تنچـوي بنار .. نار بچفي وأحتار
مّدافع آنه والخــــيل
هـــا يحسين ياويــل .. خويه اتهدم الحيل

اركض اسمع ضـلوع
أضـــــلن يمـك تلوع
العيله أتلــــوع وياك
وغده الدلال مفجوع

اشوف الخيل والمو خيل تسحگ
اثيابك بالحوافر خـــــــويه تنشگ
أصدهن بيش وآنه الحـيل ممرود
كلشي البيه مـــــــن السوط دنگ

انتهت عشرتْ عمرنه
ياخـــــويه انــــذبحنه
وبرمحــــك يعـــباس
متعـــــــلگ نحـــــرنه

سلام الله على حروفك حسينآ ...
                     

عبد زينب
محمد الابراهيمي

اي قصيدة عدكم تحتاج للحن انا خادمكم

@jj_a94 مراسلتني عبر المعرف

أجـينه مـن السبي انـجـر الجدم گوه
تـلـگـونــه يـهـلـنـه ابــداعــة الـخــوه

                                     *---------------*---------------*

رديــنــه حــرم والـبـيـن سـابـيـهـه
حـرايـركـم شـمـر والزجـر حاديـهـه
الظـعـينـه اتـسلـبت وتريد اهاليهـه

        نـزلـوهـه اضـعـون الـخِـدر

                                     *---------------*---------------*

مـلـيـّنـه الـبـواچـي ولـوعـة الـغـربـه
مـن الشـام نشكي ومـحنـتـه ودربـه
حـالـتـنـه أجـيـنـه مـؤلـمـه وصـعبـه

        للوالي الحـرمـه اتـسـولـف

                                     *---------------*---------------*

نـيـران الـحـزن والـلـوعـه حـراگــه
الوالي ابغـيـبـتـه مايـرحـم افـراگـه
فـارگـنـه الــدهـر ونـريــد نـتـلاگــه

       اشـتـاگيـنـه ألـكـم يالهيبه

                                     *---------------*---------------*

نسولف بالضعن والشام وجروحـه
المدامع والمناحه اليـوم مسموحه
روحـتـنـه بغرب يامصعب الروحه

       بجروحهـه الـشـام ايعلعـل

                                     *---------------*---------------*

طــرينـه الـبـراري وبـعـدت الـديـره
خلـصـنـه السبـي وجيناكـم بحيـره
لاويـن الـوجـه بـجـفـاكــم انـديـره

       مـدفـونـه الـغـيـره ويـاكـم

                                     *---------------*---------------*

يـاهـوه الـيـشـيـد لـلـحـرم خـيـمـه
عذبـنـه الـزمـان بمحنـتـه وضيـمـه
مـشونـه بـشـتـم وبظلمت الـهـيـمـه

       وَإذانـه بحـچـيّـه الـشـامـت

                                     *---------------*---------------*

✍ خادم الحسين ع
   الشاعر رعد الجريخي


ملاحظه بعد كل شطر يتكرر
تلگونه يهلنه بداعت الخوه

مولاتي العقيلة

ردت مـنـك يــراعـي الـجـود.. بس ماي
تجيبه ودوم اشـوفـك گـمـر .. بـسـماي
طـحـت واتجـرئوا يـحـچـون.. بسـمـاي

وأنـــه أفـيـاي الـعــرش صـيـوان ألـيــه

                                       *---------------*---------------*

✍خادم الحسين (ع)
الشاعر رعد الجريخي

اي قصيدة عدكم تحتاج للحن انا خادمكم

@jj_a94 مراسلتني عبر المعرف

يـاولـيـدي خـل الماي لا تطلب الماي
كـل خـوفـي مني تروح وتگطع حشاي
دهـري ذبـني عبدالله ياشمعة ضوه عيوني

هاك إخذ ماي العين ....... يابني وسلوتي
خـل أفـرح بدنياي....... وإنت فرحتي
خـل أبتسم وارتاح ....... واشتم وردتي
ردتـك لـيوم الشيب........ وتلم كبرتي
دهـري ذبـني عبدالله يا شمعة ضوه عيوني

بـالگلـب صار رباك....... يامدلل أمك
گلبي المهد وحشاي.......بيه چنت أضمك
كـل غـالي ماغليك....... وحملت همك
من بعد تعبي شلون...... للموت اسلمك

صـدگ يا بعد الروح ..... ما نمت ليلي
ولـو يـمـر بيك الريح ..... يحزن دليلي
ومـن تـربـي تربي وياك.... همتي وحيلي
يـا شـمـعـة الإيـمـان.... يالتضويلي

گلـبـي الـذي ربـاك.... شنيّمه الليل
يـاولـيـدي خليه وياك... يتهادى ويميل
لـو ردت مـنـي تروح.... يتهدم الحيل
ودم نـحـرك المصيوب.... من عيني يسيل

مـرت عـلـيّ سـاعات.... وتحملتها
چانـت تـمـر چالـطيف.... وموالفتها
بـسـوگ الدلال الروح .... لجلك بعتها
يـاوليدي لأجل رباك.... روحي حرگتها

مـحـتـاره بين أثنين.... ودموعي تنصب
ومـن گلـبك المعطوب .... گلبي تعطب
مـا اگدر لـفـرگاك... فرگاك اليصعب
فـراگك يـخـلد نار..... بالگلب تلهب

گلـبـي انـرمى بسهمين.... وتقاسمه الهم
سـهـمك وسهم حسين.... لاچنه أعظم
بـالـتـضـحـيه للدين.... تعلم وأعلم
مـن عـالـم الـتكوين.... أمري وتحتم


الشاعر عزيز الكلكاوي الكربلائي

ليلئ. تنادي
ومنين اجيب النوم انا العيني
__

لا لـيـلي ليل الناس لا تغمض العين
تـاه الـفكر والراي يبني رحت وين
وانـه تـعبت برباك تدري الربه دين
وافـيـني حگ رباي يا ضنوة حسين

ليلئ تنادي. ومنين أجـيـب الـنـوم أنـا لـعـيني
_

ظـلـيـت انا بلا راي وعيوني تربى ضـنـوتـي چانت بيك يا ثمر گلبي
يـاولـيـدي من فرگاك تيّهت دربي
وانـه تـعـبت برباك يشهد لي ربي
ليلئ تنادي

ومنين أجـيـب الـنـوم أنـا لـعـيني
__:

مـحـتـاره بأمري اليوم والدمع فجر
مـايـنـطـفي الدلال نيرانه تسعر
يـابـنـي الصخر لبچاي حن وتفسر
ولامـن جـواب ترد لأمك يالأكبر
ليلئ اتنادي

ومنين أجـيـب الـنـوم أنـا لـعـيني
____

لا تـنـسمع نخواي لا أسمع جواب
لا تـنـطوي يا ليل أرد اعتب عتاب
مـظلم عليّ مريت ليش البدر غاب
وحـشه السهر ياليل بغياب الأحباب
ليلئ تنادي

ومنين أجــيـب الـنـوم لـعـيـنـي
__

يـاولـيـدي نـايم وين دسمع ونيني

امـك وانـادي عليك شو ما تجيني

يـاولـيدي شنهو الحال بينك وبيني
مـتـحـيـره وانـخـاك لاتخليني
ليلئ. تنادي

ومنين أجـيـب الـنـوم انـا لـعـيني
_

يـاوليدي گلبي إنصاب والدمع همّال
جـار الـزمـان ويـاي وتغير الحال
ياوليدي مادري شلون ضعني تره شال
يـاهـو اليرد نخواي والحمل لو مال
ليلئ تنادي

ومين اجيب الـنـوم انـا لـعـيني
_
عبد الرسول الكربلائي