٢٠٥- مسلم وغدر الزمان
الليلة الخامسة 👇👇

مسلـــــم وحــید بدیـــــرة الکـــوفه
إعلیه جیش امیه شـــاهــــر سیوفه
ــــــــــــــــــــــــــــــــــــــــــــــــــــــــ
وين الـــذي بعثت رســـــــايلــــــــها
رادت سفـــــــيـــر الي يقــــابلــــــها
ليش بـعـــجل بيّن تـــــــخاذلـــــــها
وبــــــحيرته هـالــــوادم إتــــعـــوفه
ــــــــــــــــــــــــــــــــــــــــــــــــــــــــ
كلمــــــن بــــده بمرســـــوم تطويعه
أمـرك يــــمسلـــم گـــالت إنـــــطيعه
شنــــهي الدوافـــع نــقضت البيـــعه
كلمـــــن لبد ظل عــــــايش بـخـوفه
ــــــــــــــــــــــــــــــــــــــــــــــــــــــــ
للــذلـــّه راحـــت مــــــدّت إيديــــها
بـــفلوسه إبن مــــرجــــانه شاريـــها
إتـــحب الـــــذي يتأمـــــــر إعليـــها
لصوب الضـــلاله أصبحت مجروفه
ــــــــــــــــــــــــــــــــــــــــــــــــــــــــ
مسلم غـــــريب دموعــــه مسفوحه
بين الأزقّــــه عيــــــونه مشبــــوحه
ذابت يويلي مــــن العطــــش روحه
نـار الضمـه ونـــــار الأســــى بجوفه
ــــــــــــــــــــــــــــــــــــــــــــــــــــــــ
بأحـــزانه واگــف يــــم نــزل طوعه
طلعت تنشده وشــــــــافت دمــوعه
هذا وقــــــــوفك شـــنـي موضـوعه
جاوبـــــــها والدمعــــات مــــذروفه
ــــــــــــــــــــــــــــــــــــــــــــــــــــــــ
مسلـــم انه وعـــمّي البطل حيــــدر
اشـــــــراف اهلنه ومن نســـل اطهر
ماعندي مــــــــأوى وواگف امـــحّير
وسفه عللّي أيـــخـــــون بــــضيوفه
ــــــــــــــــــــــــــــــــــــــــــــــــــــــــ
صاحت هله ومنــها الدمــــــع جاري
بــــجيتك يــمســــــلم شـرّفت داري
فـــدوه العمـــــر لـجـــدام خطـــاري
طيبة هــــــلك بالكــــون معــــروفه
ــــــــــــــــــــــــــــــــــــــــــــــــــــــــ
ليله وگــضـــاها راكــــــع وســــاجد
طر الفجـــــــر لن جيشهم حـــــاشد
بــخطة حقـــد يلقي القبـض رايــــد
ابن اللــــعينه صفـّـــت اصفـــــــوفه
ــــــــــــــــــــــــــــــــــــــــــــــــــــــــ
قـــــــاتلهم وهيـــــــهات گــــــدروله
بــخطة مكـــرهم حفــــره حفـــروله
طــــاح الغـــريب وجيــشهم حـــوله
اخــذوه وايـديه بــــحبل مچـــتوفه
ــــــــــــــــــــــــــــــــــــــــــــــــــــــــ
الظــــــالم امـــر واتــضح طغيــــانه
من القصــر  ينشمــــــــر جثــمــــانه
مصباح الاضـحى انگطــــــع شريانه
وشمس السفير اصبحت مكـــسوفه
ــــــــــــــــــــــــــــــــــــــــــــــــــــــــ

فراس المحمداوي

نزله
ليلة سيدي ومولاي مسلم بن عقيل ع
شمحله مسلم من برز بالكوفه ..
ياحلات السيف بين أجفوفه ..
كلمن يشوفه يحير .. كمر هذا لوسفير
ياحلات السيف بين أجفوفه
.......................
تارس الدنيه ضواه و ياجمال أوصافه ..
يكول عباس الغضنفر والله كلمن شافه ..
هيبه شخصيه وقياده وعاليات أجتافه ..
السيف سولف كل كلامه وما نطق بشفافه ..
بس الي يريده يصير .. كمر هذا لو سفير
ياحلات السيف بين أجفوفه
........................
مثل حملات الصميده مسلم وتدرونه ..
على العيله ماينام ولا يغمض أعيونه ..
صال صوله حيدريه وفنهم أيلاكونه ..
خله كل فرسان أميه لابده بدربونه ..
يصيد كل فارس جبير .. كمر هذا لو سفير
ياحلات السيف بين أجفوفه
............................
موت لوسيف بيمينه ياحلات أخباره ..
مايهم كثرة عددهم شن عليهم غاره ..
هذا مسلم لو ابو فاضل لو علي بفقاره ..
ظلت أهل الكوفه كلهه بهالبطل محتاره ..
يابطل هذا اليغير .. كمر هذا لو سفير
ياحلات السيف بين أجفوفه
........................
جفه حار وسيفه يلمع نازل على أركابهم ..
روس مجهوله الهويه وخل يفيد إنكابهم ..
الغدر مو ثوب أهلنه ذوله ياهو الجابهم ..
كالو إقدم للحسين ووجهوله كتابهم ..
أركابهم كامت تطير .. كمر هذا لو سفير
ياحلات السيف بين أجفوفه
...........................
شافت أفعال ابو طاهر طوعه صاحت ياهله ..
مسلم وحي الله مسلم كله زود ومرجله ..
طشر بسيفه العساكرصوته بالكوفه أعتله ..
أنه أبن عم الحسين بدمي تجري كربله ..
مسلم وعمي الأمير .. كمر هذا لو سفير
ياحلات السيف بين أجفوفه
................................
مسلم التاريخ سجّل أسمه بين أسطوره ..
عن بطولاته ووفائه تشهد المعموره ..
ابو الغيره الهاشميه راسم أجمل صوره ..
خله كل أهل الضغائن خايفه ومذعوره ..
بالحرب ماله نظير .. كمر هذا لو سفير
ياحلات السيف بين أجفوفه
.............................
حيدر مطر العبادي

ابوذيات فراس المحمداوي:
١١٠٣- شهادة مسلم بن عقيل (ع)

اچفـــوف الغدر ماواحد گصصها
وظل يروي الدهر سَوءة گصصها
اهـــل الكــوفه ماعرگت گصصها
من شـــــاهدت مسلـــم عالوطيه

✍ فراس المحمداوي





١١٠٤- سفير الحق مسلم بن عقيل (ع)

سفــــــارات المجد تفخر دولها
وسفير حسين للثــــــوره دولها
سقيمــــــه الامـّه وايدوّر دولها
وسوى الاصلاح ميحل القضيه

✍ فراس المحمداوي

::::::

الدنيه الشمر بالطف من صحتلاه
فرح شفته ابمصابي من صحتلاه
نوه ايحز ابأخيي من صحت لاه
دفعني وطحت حيل اعله الوطيه
***
بحجاب الشرف زينب زيني بتّي
ولمن تلفين انشدج زينب انتي
على الناكَه وأسالج زينه بنتي
اشو ويّاج ما ردّت رقيه
***
يعمّه اختك تنازع ولّه ميته
وجفن من العبايه ولّميته
اخذ دمهه التطشّر والّميته
واخذ وياك عصّابة رقيه
***
الشاعر محمد حسن ضيغم

وين  كضيت العمر   وين  كافي امن الهجر  وين  جا يمته تمر 
يابو صالح
****
يابو صالح نار هجرك   ما يطفيها البحر
ما شفت انسان مثلك   عايش وهالكد صبر
اسال ويالمهدي عنك   دورت ماكو اثر
صوره الك بالبيت عدنه   احله من كل الصور

بيك  روحي اتعلكت   بيك  جم شده كضت   بيك  كتله امن الجمر
يابو صالح
*
عيني للسرداب ودعي   بلكت احضي بشوفتك
غيبتك يالمهدي طالت   يمته تنشر رايتك
انه مو يعكوب كلبي   وانته يوسف فركتك
عمت من البجي عيوني   امنيتي اشمن ريحتك

غاب  شمعة دنيتي   غاب  وتصب دمعتي   غاب  عن عيني البدر
يابو صالح
**








انقذ العالم يمهدي  بعينك تشوف الظلم
البعض بوجودك تشكك  والكلب شابع هظم
والفساد انتشر تدري  وهتكوا شهور الحرم
يابو صالح هذا يومك   ليش منك ننحرم

شوف   ترويع وقتل   شوف  ذبحو جم طفل   شوف  آثار الذعر
يابو صالح
****
ارفع جفوفي ونادي   العجل مولاي العجل
جارت الدنيه علينه   وغير جيتك ماكو حل
شيب امن الغيبه راسك   وجفنك امن الون ذبل
ازرع بروحي الاماني    ووكف ابابك خجل

هاي  مرت جم سنه   هاي  ما شفت الهنه  هاي  لوحه امن الصبر
يابو صالح
***











يابو صالح نستجيرك   سيدي من هالفتن
اقتربت الساعه ونريدك   ترجع الهذا الوطن
سيدي بسامره باجر   توكف وتخطب علن
والامان يعود لينه   بطعلتك يبن الحسن

ذاب كلبك سيدي   ذاب  وامنين ابتدي   ذاب  من كثر الصبر
يابو صالح
****
عايش بديره غريبه   وتنزف جروحك الم
انته كل مغرب تنادي  ليش حركوها الخيم
اتصيح ليش الطفل ضامي   وحرمله صابه بسهم
وجدك بذيج الصحاري   ولا ضلع منه سلم

ليش  جدك ينذبح   ليش  راسه اعله الرمح   ليش  ضهرك ينكسر
يابو صالح
*
تمت
تحسين الخفاجي

ياحلات الموت لو دك بابنه
حاشه للذله نسلم اركابنه
٠٠٠٠ ٠٠ ٠٠٠٠
ياهله بالموت مادام عله حك
گلبي من الغيض يابويه أحترك
لجنة الفردوس دلالي عشك

احنه اهل البيت طَيبه انسابنه
حاشه للذله نسلم اركابنه
٠٠٠٠ ٠٠ ٠٠٠٠
علي انه وزود ماخذ من علي
هلي زود وصيت لو طبو هلي
هلهلي ياحومه النه هلهلي

احنه من نمشي يخضر اترابنه
حاشه للذله نسلم ارگابنه
٠٠٠٠ ٠٠ ٠٠٠٠
همه اجو للموت محد جابهم
سيفي يتنومس يحز بركابهم
تخردلو طاعون جنه وطابهم

شجابنه يصيحون ليك اشجابنه
حاشه للذله نسلم ارگابنه
٠٠٠٠ ٠٠ ٠٠٠٠
جان كل ضنهم علي الاكبر شبل
شاب كالو بالحوافر ينجتل
مادرو بالحومه ايبان الفعل

الدنيه تحزن من نلف انگابنه
حاشه للذله نسلم ارگابنه
٠٠٠٠ ٠٠ ٠٠٠٠
ما اديرن وجهي ولا التفت
حصتي الميدان وانه الهوست
ال هاشم احنه وبصوتي صحت

يشهد التاريخ ولشيابنه
حاشه للذله نسلم ارگابنه
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي

طش ادموعك الماترضی تبچیهن
لـعد بعـیونك الله الـمن امخلیهن
اعیون الما بچن لحسین یعمیهن
    (الجنه اتريد البچايه)

هادي الامغيطي البوغبيش..

كل الحجيج اتحول واتطوف
بس الــــذي متعنّي الاطفوف
وين السفر محّد نــشد ويــــن
ماكــــملتها الحــــجه يحسين
ویـاه مشن کــــل الــــنساوین
چنها الرگب راحــت للسیوف

هادي الامغيطي البوغبيش