نعي السيدة زينب تخاطب الحسين ع
كون البواجي ترجع المات
لكضي العمر يحسين لوعات
ترد لينه ونشوفك بعد هيهات
ويطيح البيت وراعي البيت لو مات
الدنيا سهامهه بالكلب صابات

 مقدمه للسبي
.
.
.

لملمــت الـــسوالف بــيه مابيه
زينب بـت علي معقوله مسبيه
***
 
جبيره السالفه ومو هيـــنه ياناس
احطها براسـي لكن ماتطب الراس
اذا هالمراءة زينب وينه چا عباس
خـدرهــا ذاك ويـــنه اويــن راعيه
***
 
خدرها وين ذاك اليــوم اريد اسئل
خدرها البي عفـاف الدنيا يتوســل
على الناگه صدگ زيـنب بلا محمل
يريد الهالحــــچــي قـوه ومكــانيه
***
 
يريد الهالحجي مو روح لا روحـين
ولا مو لحظة استـدراك بل سنتـين
معقوله سبيه طالــعه اخت حـسين
الخدر معـــقوله هيــچ يصـير تاليه
***
 
معقــوله الـذي مــحد لمــح ظـــلها
هسه الناس وســفه تـشوفها كلــها
ودو طــارش العـــبـاس كــافــلــها
الــسيد خــل يجي ينــقــذ العلويه
***
 
السيد خل يجي ويشوف هذا الحال
زينب بــــت علي تمـشــي بلا كفــال
المصيبه فوگ هاي مگـــيده بحــبال
خـــذوها بلايه رحــمه ولا انـــسانيه
***
 
خذوها للـــســـبي ونـار الهـضــم تلهب
وچانت ويـــن هــاي الــسالفه الزيــنب
الشمر ينطي الخوله السـوط من يتعب
السوط المنها يفـــلت يضـــرب ارقــيه
***
 
مشــت وعيون كــثره حولها تنــظر
ودمــع عيونها بالوجنــه ضـل يحفر
الطف تــرد عليـها اردود مــن تــذكر
كــلام اخــوانــها المـتروســه حنـيه
***
حيدر تركي الكربلائي

نعي مفجع
السيده زينب ع
اتخاطب الأمام الحسين ع


شـفـتـك يخويه بخيل مديوس
مسلّـب يـذخـري بـغيـر ملبوس
بذاري الـتـرب وبـحـر الشموس
وضـل الـدمـع بـالعين محبوس


بـاچـر اعـوفـك وصـعـد النـوگ
صـعـدت سبيه ومـاضن اتلـوگ
غـربـه التگـود الضعن وتسـوگ
وهـدم الـعـلـيـه بـنـار مـحـروگ


ادري يخويـه بفـرگتي أتـطـول
جـابـو هـزل ومسرّجه اخيـول
ريـت الـعـذر يحسين مـقـبـول
اشعندك وصيه ولختك أتگـول

*-----------------------*-------------------*
✍خـادم الـحـسيـن ع
الشاعر رعد الجريخي

( مو سهل تره )

* ** * * * * * * * * * * * * *

ركضن و طبت النار على الخيم
وين هاشم وينكم يهل الشيم
ضعن عد عدنان بالطف ما سلم

مو سهل تره
بنص غرب مره
بلا ولي و راي

ركضت بفلا
عدها عايله
صعبه يا خلگ هاي

طاحت الخيم
يا أهل الشيم
و الحجي هواي

زينب زينب زينب من نار لخيل
زينب زينب زينب شيصير الحيل
زينب زينب زينب بالضيم تميل

واويلاه يا زينب
** * * * * * * * * * * * * * * * *

طلعت الما طالعها و شافوها
ركضت ادور على الجابوها
شلون أهلها بنص غرب عافوها

حالي مو سهل
اني على الهزل
تالي اصيرآ شلون

بضيمي شيبت
گوه من رحت
لسه حمره المتون

اعثر و ارد
اوگف و اصد
كلها تصرخ ام عون

زينب زينب زينب طلعت بليل
زينب زينب زينب بمراكض خيل
زينب زينب زينب شوفوها الويل

واويلاه يا زينب
* * * * * * * * * * * * * * * * *

سالفه النسوان صارت سالفه
بطايفه تروح و ترد بطايفه
هيج حال ام عون ابد ما شايفه

يا هلي بزلم
دربي مزدحم
كلها تنشد منين

مدنگه و ارتجي
رايه الي تجي
يا هلي وين

صاحو بفرح
هاي النذبح
عدها أخو حسين

زينب زينب زينب بين الشمات
زينب زينب زينب شبعت شوغات
زينب زينب زينب يا وكت الفات

واويلاه يا زينب
* * * * * * * * * * * * * * * * * *

مباوگ الدمعه صفت ع الناگه
هاذا حال الرايحه و مشتاگه
حسين مو هين يناس فراگه

عيني تلتفت
فزعه ما شفت
مو وكت نوم

حشمت هلي
ما اجو الي
يل متت گوم

ضعنك بدرب
تحدي بي غرب
كلها بيهن تلوم

زينب زينب زينب بحبال تروح
زينب زينب زينب اخت المذبوح
زينب زينب زينب بالسكته تنوح

واويلاه يا زينب
* * * * * * * * * * * * * * * * *

أبو فهد الحسناوي

(درب السبي)

بهيده يالتحدي الضعن      عباس ماويانه

*------------------------*---------------------*

تـدري ابـضـعـنـه الـوحـده   عباس ماويانه
الـكـاســر اخـشـوم الـعـده   عباس ماويانه
الـيـوم الـتـراب اتــوســده   عباس ماويانه

شـوف الـحـرم حـيـرانــه   عباس ما ويانه

*----------------------*---------------------*

بـالـحـومــه ضـلـت رايـتـه   عباس ماويانه
طاحت يـمـيـنـه ويـسـرتـه   عباس ماويانه
عالـنـهـر غـافـي ابـنـومـتـه   عباس ما ويانه

الــيــوم الـگــمــر خـلانـه    عباس ماويانه

*----------------------*--------------------*

يـاهـو الـيـرفـرف بـالـلـوه   عباس ماويانه
خـلـيـنـه نـبـقـه بـنـيـنـوى   عباس ماويانه
عـلّـمـنـه مـشيـتـنـه سـوه   عباس ماويانه

مـانـمـشـي وي عـدوانـه    عباس ماويانه

*-----------------------*-------------------*

ياحـيـف طـرينـه الـفَـلـه   عباس ماويانه
راح الـيـنـگّـط مـرجـلــه    عباس ماويانه
ماتـحلـه دونـه الـقـافـلـه   عباس ماويانه

فـرجـه الـدهـر سـوّانـه      عباس ماويانه

*-------------------*------------------*

يالـحـادي تـدري بالـجـره   عباس ماويانه
هـاي الـحـرايـر حــايــره   عباس ماويانه
فارگنه سـبـع الـگـنـطـره   عباس ماويانه

ضـل نـايـم ابـمـيـدانــه    عباس ماويانه

*---------------------*-------------------*

الأرض ضـاگـت والـسـمـه   عباس ماويانه
غـاب الـتـكـفّــل بـالـحـمـه   عباس ماويانه
عالـهِـزل نـنـصـب مـأتـمـه   عباس ماويانه

الـديـرت غـرب مـسـرانـه    عباس ماويانه

*----------------------*---------------------*

✍خادم زينب ع
الشاعر رعد الجريخي

#اللهم_عجل_لوليك_الفرج

نعي ليلة الوحشة

گومن بناتي وعاونني
ماشوف دربي گاودني
من رخصتك ياعون يبني
لحسين اريدن تودني
_
طلعن وصوت الليل مسموع
هواي بدربهن لمن اظلوع
واصبع لگنه هناك مگطوع
وشافن گلب من صدر مشلوع
__
صاحن يعمه جاوبينه
اشلون ابونه تعرفينه
من الضهر راسه ماخذينه
وبالخيل جسمه مطشرينه
_
تگلهن
اشم ريحته واندل مچانه
دورن دوايرچن هنانه
هذا منو يصيح بگفانه
ردن ابوچن هذا أمانة
_
چهبن عليه واستغربنه
وراحن يدورن غاد عنه
حگهن اشوية ظال منه
وزينب تگلهن لملمنه
__
طيحت فصل عالجسم طاحن
وصيحت المچوي بنار صاحن
ايام  عزنه  اوياك  راحن
ومن التعب يمه استراحن
_
زينب تگله ها يالحنين
منهو المگطعك بالسچاچين
هدوم العليك ومحبسك وين
معقوله هيچ يصير بحسين
___
الشاعر حيدر الخفاجي....؟.....
........._______

_________
😭😭😭😭😭😭😭😭😭😭

ويلي يزينب ياغريبه
ويلي يزينب ياغريبه
....................................
هاي مارايد سمعهه والابد ماتنعقل
شلون بت فاطمه الزهره تصعد بنوك الهزل
ندري ماي العذب طبعه مايود ماي الضحل
اشلون ترهم بني اميه رافكت بت الرسل
لا ماتذل الهاشميه
لبوة علي حامي الحميه
صح هيه راحت رحله للشام
بس مثلت دور الزجيه
ويلي يزينب ياغريبه
ويلي يزينب ياغريبه
......................................
ولو تعبانه ابسفرهه مشت ثوره ومو سبي
وكثرما شافت مصايب لومشت تحبي حبي
اشما تصد چتال اخوهه لاذت ابكتر العبي
وشرف هاي الدنيا لايذ بالعفاف الزينبي
امن يبعد الروح يحسين
يم الخصم مادمعت عين
لجلك اصيرن كافل ايتام
وبركبتي خدر النساوين

ويلي يزينب ياغريبه ويلي يزينب ياغريبه
........................................
ام عون مابيهه تسولف حيل تعبهه السفر
النوم مايعرف جفنهه ورافگت عين السهر
اشما تدير الوجه زينب تلگه حايطهه القهر
وگبل لاتمشي گلبهه ويه الحسين انطبر
ياوسفه طاح حسين عاري
وجسمه تطشر  بالبراري
يبن امي عاالتربان مذبوح
حگي اون ليلي ونهاري
ويلي يزينب ياغريبه
ويلي يزينب ياغريبه
.......................................
صح اخوهه ايموت ضامي والاهل فوك التراب
بس يضل هم العقيله اعيالهه وكضت الحجاب
هيه مو آخر عجيبه زينب اول بالعجاب
اشما يغثهه ابن الدعيه اتحاجي الحسين بعتاب
يحسين وينك الحگ ام عون
من الهظم ما ضلت اعيون
من همي اموتن خاف يحسين
واطفالك اخلافي يموتون
ويلي يزينب ياغريبه
ويلي يزينب ياغريبه
..........................................
ياهلي الفرگه ثجيله وخافن يطول السؤال
ليش تتعنه المصايب على الزين
اتشله حال
بس يظل شامخ اسمنه وماوصل تل للجبال
آنه اضل ام عون آنه اشما كلت بيدي الحبال
صح الحسين يموت مظلوم
وابلا رحم من ركضت الگوم
بس ياهو باجر قدوة اجيال
ياهو اليموت ابذكره ويدوم
ويلي يزينب ياغريبه
ويلي يزينب ياغريبه

خادم اهل البيت علي الزرگاني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

انته برمح وانه بحبل مشينه
بطاري الخدر يابوالفظل حجينه
وعينك تصد عليه
شماصيحو سبيه
٠٠٠٠ ٠٠ ٠٠٠٠
صار المشي بكيف الشمر
لابيدك ولابيدي
عباس كل جلمه نحجت
سيف ويحز وريدي
خويه الدرب ماينمشي
والموت أصبح عيدي

جندوب اصبر جندب
والرمح ماخله كلوب
شمامال  ملنه احنه وياه
ومثل الشمع گمنه انذوب

عيون البشر كلها تصد علينه
من الخجل مات الحبل بأدينه
بهزله الخدر تاليه
وعينك تصد عليه
٠٠٠٠٠٠٠٠٠٠٠٠٠٠٠
هيه السوالف تنذبح
لوماكو اذن تسمعها
عباس تطلع دمعتي
وحجايه ماطلعها
ذبحينه صاحو كافلج
بالله كريم ادفعها

مذبوح يشكي المذبوح
ياربي خذ مني الروح
بهذا الدرب شفت الويل
حته البجي مامسموح

هاي الهضيمه الماتمر عله الناس
شماننضرب انصيح الحگ عباس
تشكي الك رقيه
وعينك تصد عليه
٠٠٠٠٠٠٠٠٠٠٠٠٠٠٠
اجروح بالطف تنحمل
وضيم الدرب شيحمله
شما نوخو نوك الهزل
لجسام تركض رمله
فياي سوت عالرمح 
خافن الشمس تذبله

ام الولد ماتلام
شگد بانيه عليه احلام
طول الدب تحجي وياه
جسام يمه جسام

حار الرمح والشمس ماترحم بيه
زينب يعمته الرس خل انغطيه
تغيره الشمس ضهريه
عينك تصد عليه
٠٠٠٠٠٠٠٠٠٠٠٠٠٠٠
كون الصبر بيع وشره
اشريه الكل النسوان
علينه يتجاسر صبح
من غمضت ياهو الجان
ماشفنه بالوادم بشر
كلهم بهيئة شيطان

سوك ويلي من السوك
شيب گلب هاي النوگ
من المستحه مدنكه الراس
سولفت بخدري حلوگ

عيوني تصدلك ونته خويه بلاعين
عباس جاذاك الخدر أصبح وين

الواك طايح فيه
عينك تصد عليه
٠٠٠٠٠٠٠٠٠٠٠٠٠٠٠
خادم اهل البيت ع
فلاح طالب الماجدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

قصائد السبي ( الرباب تخاطب عبدالله الرضيع ع)
………………………………… .

يتراوه من كثره العطش .. يوليدي
گدامي اضن جفنك رمش .. يوليدي

…………………… ..

اگعد يل ماتعبت امك .. بلكي اضمها وهي اتضمك
مشتاگه وتضم مشتاگ

اشفافك چن تتحرك ليه ..تغفه اتريد ابين اديه
يل عمرك مو مال افراگ

زغير وبالمحنه تشبه الوالد
المثلك بالمهد مو عالرمح صاعد
ما ادري  اليذبحك منك شرايد

وسف الرمح صار النعش .. يوليدي
گدامي اضن جفنك رمش .. يوليدي

……… .....................

يوليدي يوميلك چفي .. من ابعيد اعليك يهفي
اعليك الحر ماخله ارسوم

اگبال اعيوني رمحك جابه .. وگللولي چاوين اثيابه
اشگد ضميتي لطوله اهدوم

ثوبك يالولد من زمن ضميته
مفصلته اعلطولك الك سويته
ما ادري يرد وياي تاليته

مهضومه من يوم اهدعش .. يوليدي
گدامي اضن جفنك رمش .. يوليدي

…………………… .

دمعاتي برمحك امسحها .. اسگي اعيونك ليه فتحها
وارجع يبني انوب ونام

يل جفنك من الله مكحل .. انته الاجمل من كل اجمل
بحسنك محتاره اهل الشام

يعبدالله احيرن من اوصفنك
بنات الشام شافن يالولد حسنك
وانت اعلرمح گامن يحسدنك

شايل حسِن مال اثنعش  .. يوليدي
گدامي اضن جفنك رمش .. يوليدي

………… …… ..

دلالي معروفه اوجاعه .. اتخيل صوتك كل ساعة
صوت امغطيتّه التربان

ياهيه التشبهه احوالي .. عني امتار وابني اگبالي
ميت عطشان وجوعان

اسمع صوت يشبه بچيتك يبني
واركض ليه بس محد يوصلني
احسه بكل مكان اعليه يندهني

من الصوت دلالي انخمش .. يوليدي
جدامي اضن جفنك رمش .. يوليدي

……………………… ..

عماتك هل دارن حولك .. نادن رمحك خرب طولك
وشعرك ناعم بيه ارمال

وتشكيلك دمعات اعيوني .. صحت اگماطك بيه چتفوني
من صاحو ماعدنه احبال

حار الريح  شفته و يلعب بشعرك
صحت عبدالله عمري من فده لعمرك
الرمل شيريد منك مارحم زغرك

من يوم رمحك ماغبش .. يوليدي
جدامي اضن جفنك رمش .. يوليدي
………………………… ..
ايوب يوسف الطوگي