مولاتي العليله


عَـلـي طـيـفـك ٱبــعِـــز الــنــوم.. مرضاي
وشفت وضـعـك يـبـويـه غـيـر .. مرضاي
نـــحـــت وٱتـــحــسّـــرت وزداد.. مرضاي

وعــرفــتــك مـــا تــــرد لـلــدار إلــــيــــه

                                 *---------------*---------------*

رحــــت والــبَـــدن بــغــيــابـــك.. سليته
وگـلـبـي ابـحــســرتــي ونـوحـي.. سليته
حــتـــى الــــريــــح بـالــغــربــــه.. سليته

عـلـيـلـه ومـــا نـــشـــد واحــد عــلـــيـــه

                                 *---------------*---------------*

✍خادم العليله  (ع)
الشاعر رعد الجريخي

قصيدة ثكيله بحق العليله ع وكل من فقد الاحبه

هم يرجعون      ونگعد بوكت العصر
هم يرجعون      لو حكم حكمه الدهر

          اتفارگينه بلا ذنب
         شنهي يادنياالسبب
هم يرجعون               هم يرجعون

هم يرجعون واظل احجيلهم
اسولف الهم من چنت ابجيلهم
بگلبي ونات وسوالف ليلهم
كون هسه ويرجعون اشكيلهم
    يسامر بعيني الدمع
    فراگهم يحني الضلع
وصبر شلون............هم يرجعون
➖➖➖
حيل وحشه البيت يمه اخلافهم
    والله گلبي يموت لو ما شافهم
     گوه صار فراگنه وما عافهم
     اهلي يالغالين حلوه اوصافهم
        هذا حالي اعله الاهل
        فراگهم ما ينحمل
تعمه العيون.......هم يرجعون
➖➖➖
عيوني تعمه ومااظن انساهم
شلون اعيشن واصبر ابلياهم
حيل يحرگ بالگلب فركاهم
متاني گلبي وما گطع رجواهم
      تبقى عيني مناطره
      ونار گلبي موجره
ما يهونون......هم يرجعون
➖➖➖
الموت اجرعه وما اريد فراگهم
الف موته تموت روحي خلافهم
   گلبي وياهم جذب ما عافهم
  جلمه جلمه يسولف بجلماتهم
        نبض گلبي وروحه
          وما يبطل نوحه
بگلبي يجرحون........هم يرجعون
➖➖➖
الشاعرة ...ام علي البصراويه

نزلة ليلة العليله
.
.
.


الينتظر امامه      ايردله بالسلامه
ايقلد العليله
***
 
الينتظر مولاه الحجه ابن الحسن
يخلي عينه بعيـن المضيعه ضعن
انتظــرته لحد ما نواظرها انطفن
متانيــه مهــديها يرجــع للــوطن
 
والله مو بعيده      طلعته الرشيده
ومومستحيله
 
***
 
المنتظر مهديه واجب ان يكون
كالذي فارگت والــدها الحـنـون
الفلســفه هــاذي لقـومن يعقلون
ومالــنه شغــله ابشـر لا يفقهون
 
كون كل مكلف    شايل بگلبه الطف
ايعيش بسبيله
 
***
 
يامــن الـــسانك ببـــوصــالح لهج
بـــــنتـــظارك بالـــك ادور حجــج
صير شمعه تذوب كي تنطي وهج
وگـــول اللــهــم عجـــلـــه الفــرج
 
بهالامر گلوله    القلد المعلوله
صاحب طويله
 
***
 
افضل الاعمال هـــوه الانــتظار
حالنه حــال العليلــه بأختــصار
المــامچوه بالبـعــد ليگــول حار
شحال البدلاله صار الشــوگ نار
 
الكل حياته ندبه      شوگه من يكتبه
بدمعه الخليله
 
***
 
علمتنه فاطمه بنــت الحــسين
شلون حجة الله ننتظره بيقين
المهدي جنـــة لأنــاس صابرين
ادخــــلوهـا بــسلامـــاً امنـــين
 
والبمــامه هــايم     يسجل اسمه القائم
ويدخل دليله
 
***
 
من امتـلت ارض المديــنه بالصــياح
وكلشي بيها اويه العليله  بحزنه ناح
حقها تبـــچي فاطمـــه ليــل وصباح
راس مهديها انرفـــع فـــوگ الرمـاح
 
ابن حذلم اعلن      والدموع اتبدن
بونه ثكيله
 
***
 
احنــه غايبـــنه نعم شخصــه تأخر
لجن غايــبها علـــه الغبـــره تعـــفر
بخيل عشره صــدر أبو اليمه تكسر
وضل ثلاث أيام جسم حسين بالبر
 
منذبح واليها       ياهو اليسليها
والتشتكيله
*
حيدر تركي الكربلائي

يمته ياموت...تاخذ الروح
بلچن ارتاح...مِنِّ الجروح
كافي من حزني وعذابي ودمعِتِي
ارد اشوف اهلي وعمامي واخوِتي
بلچن ارتاح...بلچن ارتاح

العاشَر ابزغره الحزن..يگضي عمره بس يون
الفارگ احبابه يحن..والهجر لا مو سهل
جرحي مامثله جرح..مثل ليل ابلا صبح
خلصت احلامي ذبح..حزني ابد ماينحمل

فَتِّحَت عالفرگه عيني وعالمَواجِع والدمع
من زغر باگو فرحتي الكسرو امن امي الضلع
وابتدت رحلة عذابي وگمت يوميه انفجع
تدري ياموت..هذا حالي
وابچي كل يوم..عالغوالي
واطول امن الليل صارت صَفنِتِي
ارد اشوف اهلي وعمامي واخوِتي
بلچن ارتاح...بلچن ارتاح

عَنِّي ليش اتأخرت..وتدري چم موته متت
آنه زين وطوَّلت...عاللي شفته ابكربله
شفت لوعات اشكثر..أمر أصعب من أمر
آه يادرب اليسر...ياگلب يتحمِّله

من جروح الغاضريه ادموعي ضلت سايله
اسمي چان الهاشميه وللسبيه اشبدِّله
حتى لو تخلص حياتي جرحي يبقه كربله
تعمي العيون...هالمصيبه
من يگولون...يالغريبه
أنهظم كلما ينادي شامِتِي
أرد اشوف اهلي وعمامي واخوتي
بلچن ارتاح...بلچن ارتاح

هَدِّمت حيلي المحن..وابعدتني اعله الوطن
تالي ماتالي الزمن..عمري يخلص بالغرب
چانت امنيتي إلي..لو متت تحظر هلي
لا تگلِّي اتحمِّلي..مثلي يحمل ياگلب

آنه أم الصبر زينب لچن ماضل كل صبر
روحي مشتاگه لخوتي كافي من جرح الهجر
والله احس الموت راحه بعد ماريد العمر
ابدنيا الآلآم ...ماكو راحه
جِبت الاسنين...بس مَناحه
طالت اويه النوح والهَم عِشرِتي
ارد اشوف اهلي وعمامي واخوتي
بلچن ارتاح...بلچن ارتاح

چم حلم بِيَّه انذِبَح..غروب كل وكتي صُبَح
آنه ودَّعت الفَرَح..ابفرگة امي فاطمه
امن الزغر وي دمعتي..بِيَّه كُبرَت حسرتي
شفت بعيوني اخوتي..عالثره وتنزف دمه

آنه صح گضّيت عمري بالدموع الهامله
لچن مامگطوع نحري مثل اخوتي ابكربله
آه واويلاه عله الضلَّو  ثلاثه بالفَله
يبقى الاونين..لاخر انفاس
مَرَّه يحسين..مَرَّه عباس
دوم اونِّ وما أبطِّل وَنِّتِي
ارد اشوف اهلي وعمامي واخوتي
بلچن ارتاح...بلچن ارتاح

يلله ياموت ابعَجَل..اخذ روحي للاهل
عني چم غالي رحل...بعد ماضل كلشي الي
بعد ماأحمل تره..وابچي عالصار وجره
نار گلبي اموجّره...الشوفة الزهره وعلي
ارد اشوف حسين اخوي وكافلي راعي اللوه
والرقيه اهناك ننصب ماتم ونبچي سوه
للجروح الماتشافن يمهم انحصل الدوه
ابساعة الضيج...اشگد ردتهم
همي ينزاح ...لو شفتهم
وأخيراً راح تُخمَد جَمرِتِي
ارد اشوف اهلي وعمامي واخوتي
بلچن ارتاح...بلچن ارتاح

سيد علي الموسوي

١٠٨٧- ولادة الامام الضامن علي بن موسى الرضا (ع)🌹

مــزارك جنّه والـــــــزوّار طوسك *
وفـاضت بالكرم والجـود طوسك
متى اوصل واشم انسام طوسك
وازورك واكــــــض شباچك بديه

✍ فراس المحمداوي
* تشبيهاً بطواويس الجنة

لمولاي الرضا (ع) أقول في ميلاده 💜:

=::=::=::=::=::=::=::=::=::=::=::=::=::=::=::=


لغيرك   بالضمان هناك  ........ مشهد

وإلك يبن النبي بكل روح....... مشهد

بس  گلي   شدعت   لله........ مشهد

ويضمّنها     جزء       من    الزچيه

=::=::=::=::=::=::=::=::=::=::=::=::=::=::=::=:

نزف  أحلى  تحايا اليوم ...... وسمه

الأرض  فرحانه هذا اليوم ...  وسمه

أمامي  هالمسيه  نولد ........  وسمه

علي   وشمس الشموس اعله  البريه



=::=::=::=::=::=::=::=::=::=::=::=::=::=::=::=:

خادم الإمام الرضا (ع)
جهاد  البصيراوي

💜متباركين💜

كأني بمولاتي فاطمة ظهيرة العاشر عندما حَظَرت عنده جسم الحسين خاطبت (الحافر )و قالت له

يـحافر لا تسحـــگه
گلب زينــب تحرگه
جرح فوگ الجــــــرح بيَ
كِفــــــــاية لا تـــــــــأذّيَ
گلب زينب تحرگه
ـــــــــــــــــــــــــــــــــــــــــــــ ـــــــــ
حبيبي احسين هذا الغارگ ابــــــدمه
و عله اعياله و حَريمه طاحـــن اخيَمّه
ما كَفّــــك حرايـــــــــب وذرت جسمه
بَسَّك لا تـــــــدوسه و ارحـــــــم ابأمه

أجيت أنــزف دمومي 
و عله اوليدي احومي
و أدافع عنـــــــه و احميَ
گفـــــــــاية لا تـــــــــأذّيَ
گلب زينب تحرگه
ـــــــــــــــــــــــــــــــــــــــــــــ
عفت گبري و اجيت الطم عليه و انعه
و الملم جثته ال عالغبـــــــرة متـوزعة
يحافر عوفة گتــلك كـــــــــافي لتلوعه
و خل انهض و ادور بالرمــــــــل صبعه

العطش يَبَّسله گلبه
و اريد ادموع اشربه
و اضَمــــــــدنه و اداويَ
كِفــــــــاية لا تـــــــــأذيَ
گلــــب زينب تحرگه
ـــــــــــــــــــــــــــــــــــــــــــــ
ضلع واحد كتلني ابساعة العـــــــــصرة
شحاله و كل ضلوعه احسين متكــــسرة
احلفك بيش لـو يَمَّه اوصلـــــــــت عبره
و تعال ابصدري رض و لا تـــرض صـدره     

الزچيـــــــة أُمة انه
عليَّ دوس ابمچانة
ضنوتي بــروحي أفديَ
گِفـــاية لا تـــــــــأذيَ
گلب زينب تحرگه
ـــــــــــــــــــــــــــــــــــــــــــــ
چان ابمنحره جــــــــده النبي يبــوسه
خـــاف الله يحـــــــــافر لا تجي ادوسه
نبـل و ارمـــــاح جثته الغـالي متروسه
و من طـــگ العصي دم صبن اعكوسه

رمل ماكلـــــــها عينه
و حجر خاسف جبينه
سهـــم بالچبـــــــــدة راميَ
كِفـــــــــاية لا تـــــــأذّيَ
كلب زينــــــب تحرگه
ــــــــــــــــــــــــــــــــــــــــــــ
عله وجهه وگع مــن كثــــــــرت اصوابه
و عليه ملتمه دايــــــر نـــــــــاس سلابه
نهبوا جُبِّته و صـــــــــرواله و اثـــــــيابه
تِعَره و ستـر جسمه اوليــــدي بأحضابه

و بعد ذبحــة وريده
ذبحوا خنـــصر ايده
حرت و شلــــــــون الاگيَ
كِفـــــــــاية لا تـــــــــأذّيَ
گلب زينب تحرگه
ــــــــــــــــــــــــــــــــــــــــــــ
بدخان الخيـــــــــم انفـــاسه مخنوگة
و عله ابنياته روحـــه ابنــــــار محروگة
بخنجر و ابرمح خاصــــرته مشگـــوگة
و مـــــن راســـه العمامة ويلي مبيوگه

لَمَن گطعــــــوا رگبته
يأَشَّر چــــــــان لأخته
خاف اتظـــل تتـــــــــانيَ
كِفـــــــــاية لا تـــــــــأذيَ
گلب زينب تحرگه
ــــــــــــــــــــــــــــــــــــــــــــ
الحمدلله
علي حسين الكناني

٩٧٨- على قبر الحسين (ع)

اعله گبرك ما ابطل النوح وتراك
وعيني اتشــوفـك تمنيت وتراك
سبونه اعداك سبيت روم وتراك
ولا راعــــــــو بخت سيد البريه

✍ فراس المحمداوي

🌷#افراح_رضوية🌷

.        الـكـــــون كـــلــــه ردد
         جـنــــة الـلـه مـشــهــد

                    *---------------*---------------*

بـيـهـه مـرقـد نـور ويـشـع للـسـمـه
اقصد لضامن سـَمـي حـامي الحمه
الليـلـه كـلـنـه انـهنـي أمـه فـاطـمـه
وبـيـن أديـهـه الحفل هـذا انـقـدمـه

         كـلـمــه بـيـهـه مـقـصـد

                    *---------------*---------------*

مـا يـهـمنــه الـي رضـه والـمـا رضـه
هـايـه فـرحـه عمّت أرجـاء الـفـضـه
الـكون كـلـه الليلـه يـهـتـف يالـرضٰـه
ألـف هـنـيالـه الــذي بـحـبـك حـضـه

         بـاب حــزنــه يـنــســـد

                    *---------------*---------------*

فـرحـت ابـيـات الـشـعــر غـنّـت ألـه
هـذا مولانــه الـرضا بـنـوره اعـتـلـه
على اجـنـاح الشوگ حـبـنـه انوصّله
ونـاخـذ لـمـشـهـد عـطـر من كـربـلـه

         اهـنـاك حـبـنـه يـنـشــد

                    *---------------*---------------*

الليلـه بـگلـوب الـفــرح نـقـصـد تـره
وبـينـه تحدي أشواگنه وتـلـزم سـره
انـگـلـه نظره انـريـد يـبـن الـطـاهـره
لـكـل مـوالـي كـون تـجـبـر خـاطـره

         فـرحــه تــعــبــر الـحـد

                    *---------------*---------------*

خادم الأمام الرضا (ع) 🌷
✍الشاعر رعد الجريخي

ياعلي

زعـلانـيـن ازعـلـوا مــن زعـل لـلـجـيـر
هـم يـردون عــطـلــه لـلـصـعــد تـزويـر
وعلي هاي الحثاله العقل بـيـهـه يـحـير

ضـاغــطــهـــم حـــيـــدر بــفــعــالـــه

*--------------------------*---------------------*
رعد الجريخي