🌀قصيده لوداع ام البنين ع مع اولادها🌀
 🌀🌀  من وزن الهجري 🌀🌀

            {{باقلام نخبه }}

🩸من الخادمات  في رابطة دموع العقيله 🩸

    {{{بااشراف العلويه ام نور الميسانيه }}}

☆☆☆★☆☆☆★☆☆☆★
مودعين الله ورسوله وسفره روحتكم  عسه
عليه لاتبطون. يمه  ياهوه  الاتنــــفســه

اكتبولي.   اخباركـــم
وحشه تبقى ادياركم

تظلم علينه المبانــــي  يمه من يمسى المســـه

►✺┅●✥💠✥●┅✺◄

يامصابيح  الهدايه      ويا  نجوم   المزهره

يمه  من ترحون عني  تبقه عيني مساهره

ابقى اصبر عالعليله   واني  گوه   صابـــره

ومااطب البيت  ابكى    على الباب مناطره

بلكت اطروش التجي
ابقى يوميه ارتــجــي

واظل وي الذكرى اعيشن    والليالي المؤنسه

✍🏻العلويه ام مرتضى الموسوي

►✺┅●✥💠✥●┅✺◄

ابقى ويه الذكرى يمه   بلكت تعودون الي

وافرح بجيتكم اني  ويرد   يضوي منزلي

من مشيتو عني لسه  دمعي ماجف يهلي

وبالاخص لمن اعاين  للنزل  منكم  خلي

خاف ميردلي   الخبر
وابگه كل عمري انتظر

واني من هاللحظه  يمه   دهري   ويايه    قسه

✍العلويه ام نور الميسانيه

►✺┅●✥💠✥●┅✺◄

انه ربيت واريدن     منكم   اتردوا    الوفاء

يابنيني وحك خدمتي ادعي من رب السماء

مايخيب ضني بيكم   يالاسود        بكربلاء

ضحوا يولادي بعمركم واسوا الحسين بدماء

روحي وياكم  تروح
لام حسن عمري انوح

بالحشر هيه التجازي سيدة كل النسه

*ام منــــ✍️ـــذر الحجار*

►✺┅●✥💠✥●┅✺◄

بالحشر هيه التجازي   والفخر الكم جمع

يمه هذا ابن الزچيه وگلبه يصبح منفجع

بالرضيع وعلي الاكبر صوته   لله  يرتفع

وزينبـه تبـقه حزينه  وعينها  تهمل  دمع

مكدره وتندب هلي
يا  محمد     ياعلـي

وابحر   هم    ومصايب مركبي   يهلي رسه

✍️ام عدنان سياحي

►✺┅●✥💠✥●┅✺◄

ارد اوصيكم وصية هالله هالله بالحسين

كون مايحجي ويطالب كون مايرفع  الأدين

فزعة وحده ضحوا دونه بیضو وجه ام البنين

كون واحدكم بصدرة.    يصدهن سهام اللعين

صیرو سد وسور اله
حــوطـــوه بالبسمله 

يدري عباس بوصيتي.   ما اظن ابني  نسه

✍ام زهراء العقابي
►✺┅●✥💠✥●┅✺◄
تمت بعون الله تعالى باقلام
شاعرات اهل البیت عليهم السلام في رابطة دموع العقیله عليها السلام  بأشراف الخطيبة والناعية الحسينية العلوية أم نور الميسانية
لانجيز حذف الاسماء✋
🙏🏻نسالكم الدعاء*🙏🏻
https://www.tg-me.com/Aleulawiuhamnuwr

🌀قصيده لوداع ام البنين ع والامام الحسين ع🌀
🌀🌀..من وزن  الوسيله..🌀🌀

          {{باقلام نخبه }}

🩸من الخادمات  في رابطة دموع العقيله 🩸

    {{{باشراف العلويه ام نور الميسانيه }}}

☆☆☆★☆☆☆★☆☆☆★

چلمه عندي//فدوه ريض يلحنين ومني اسمع

چلمه عندي //رايح   وادري  بعد هيهات ترجع

روحي اخذهايالنويت  علهجر
آنه اموتن يبني لو طال السفر

      ★بروحتك تدري ييمه كليبي تشلع★

►✺┅●✥💠✥●┅✺◄

خل احضنك هاي لحظاتي الاخيره

تروح  وسفه  والوجه عني  تديره

شلون  اظلن وَحَدي   وآنه   جبيره

لانته  يمي   ياحبيبي   ولابو  الغيره

شلون بيه لو كرب مني   الاجل
لا   كرابه  التظل   يمي  ولااهل

★يمه چلمات الموادع كلبي تفجع★

✍ام عباس السكيني

►✺┅●✥💠✥●┅✺◄


يمه  كلمات    الموادع     تمرد     الروح

تصير من عكبك  ياغالي سلوتي  النوح

دمعي  ماينشف  ييمه  وكلبي   مجروح

وبغيابك   يبني   جنِّي    طير    مذبوح

لوسره ضعنك      يايمه   ومايرد
كلبي من هل لحظه يبني   ينمرد


★وبعد لوحرك ضعنكم   روحي   تطلع ★

✍العلويه ام نور الميسانيه

►✺┅●✥💠✥●┅✺◄

لاتودعني    وتگلي   ترد     هيهات

گلي نرجعلج أكيد امسح  
 الدمعات

خلي تسكن عبرتي. وتهدأ الحسرات

اتأمل ابوجهك واطول   بيه  نظرات

عيوني اشبعها اريد  بشوفتك
لاتدير الوجه صدلي بنظرتك

بلكي منك// يالحنين. العيوني  تشبع

✍العلويه ام مرتضى الموسوي

►✺┅●✥💠✥●┅✺◄

لو مشه ضعنك ييمه وبعد عني 
وحدي بدارك يبو سكينه عفتني
تبقى بس  الذكريات  ويوجعني
هنا كعدت وسولفت  وياك يبني

يابعد روحي أنتظر اشبع وداع
خاف ماشوفك ولاشوف السباع

بعدك كبالي ويهل لاجلك المدمع

ام ✍️ علي الموسوي

►✺┅●✥💠✥●┅✺◄

يمه بوداعك تفر روحي أمن اديه
يصعب افراگك وحس  بيه المنيه
احسين يبني اخلافك الدمعه جريه
خل اشبع شوف منك صد عليه

  لو رحت يوليدي شيصبر الگلب
   نار تسعر يالولي ابصدري تشب


ادعيلي يالغالي ابصبر لگليبي يفزع

✍️ ام محمد تقي الموسوي
►✺┅●✥💠✥●┅✺◄
تمت بعون الله تعالى باقلام
شاعرات اهل البیت عليهم السلام في رابطة دموع العقیله عليها السلام  بإشراف الخطيبة والناعية الحسينية العلوية أم نور الميسانية
لانجيز حذف الاسماء✋
🙏🏻نسالكم الدعاء*🙏🏻
https://www.tg-me.com/Aleulawiuhamnuwr

🌀قصيده  لام البنين ع 🌀
🌀🌀..من وزن  النصاري..🌀🌀
{{باقلام نخبه }}

🩸من الخادمات  في رابطة دموع العقيله 🩸

    {{{باشراف العلويه ام نور الميسانيه }
►✺┅●✥💠✥●┅✺◄

أمانه بت علي عندك ياعباس

تداريها وتحطها يابني علراس

►✺┅●✥💠✥●┅✺◄

ياعباس اوصيك بوصيه

لوطبيت يمه الغاضريه

توكف دون زينب هلأبيه

تشيللها الحمل يبني يافراس


✍العلويه ام  نور الميسانيه

►✺┅●✥💠✥●┅✺◄

ياعباس.  اوصيك  بوصايه

من اتدخلون يبني   كربلايه

خلوا عله العقيله ترف روايه

ولاتنظرها ييني ذيج  الارجاس

زهره الكناني😭
►✺┅●✥💠✥●┅✺◄


تشيللها الحمل وتباري   اختك

هاي ام الخدر يمة على بختك

تفديهه العقيلة الهه   ذخرتك

ربيتك واعرفك حيد نوماس

✍خادمة العقيلة ام احمد

►✺┅●✥💠✥●┅✺◄

عزيزة حيدر وتستاهل ام عون

اختك   يالگمر   حطها بالعيون

لو عالو   عليها   تگلب   الكون

شجاع ادريك يمه وتشهد الناس

✍️ام محمد تقي الموسوي

►✺┅●✥💠✥●┅✺◄

هاي اختك امانه  من   ابوها

كون اولادي كلهم    يفتدوها

وي   خيالها       وماتفاركوها

اريد تكون خدمه بلايه مقياس

ام ✍️ علي الموسوي

►✺┅●✥💠✥●┅✺◄

شجاع ادريك يمه ترفع الهام

يبن حيدر علي يبني يضرغام

تلكه ارماحهم وصدها الاسهام

تبقى ياشهم للخوه نبراس

  ✍ ام حيدر العباديه
►✺┅●✥💠✥●┅✺◄
تمت بعون الله تعالى باقلام
شاعرات اهل البیت عليهم السلام في رابطة دموع العقیله عليها السلام  بإشراف الخطيبة والناعية الحسينية العلوية أم نور الميسانية
لانجيز حذف الاسماء✋
🙏🏻نسالكم الدعاء*🙏🏻
https://www.tg-me.com/Aleulawiuhamnuwr

🌀قصيده لوداع ام البنين مع الامام الحسين ع 🌀

      🌀🌀. الوزن نصف حدي .....🌀🌀

                     {{باقلام نخبه }}

🩸من الخادمات  في رابطة دموع العقيله 🩸

    {{{باشراف العلويه ام نور الميسانيه }}

☆☆☆★☆☆☆★☆☆☆★

ام   البنين    شحالهه

تبجي وتون لحسينها


►✺┅●✥💠✥●┅✺◄

تبجي وتون الطاهره

ولفراكه حيل امرمره

بغيابه تبكه  مناطره

وفركاه  هدم حيلها

✍بقلم أم ضياء


►✺┅●✥💠✥●┅✺◄

فركاه صعب  ماتحمله

والدمعه  تبكه   سايله

وهيه  جبيره   وناحله

ومن سار زاد ونينها

✍العلويه ام نور الميسانيه

►✺┅●✥💠✥●┅✺◄

من سارشيب حالهه

ظل الحزن   يبرالها

وحتى الجدم ماشالها

من الحزن الله يعينها

✍خادمة العقيلة ام احمد

►✺┅●✥💠✥●┅✺◄

زاد الونين   لفركته

بوداعة الله ودعته

وعباس بأخته وصته

وتلاوح     بجفينها

ام ✍️ علي الموسوي

►✺┅●✥💠✥●┅✺◄
تبعت  ضعنهم.مسرعه

  لمشو  عنها امودعه

اهناك تدري الفاجعه

وتروح بيها   ابنينها

زهره الكناني😭

►✺┅●✥💠✥●┅✺◄
تودعه  والمدمع يهل

يابعد عمري  و الاهل

فراكك ييمه موسهل

وياخذك منها بينها

*ام عــــــ✍️ـــراق الشمرية*

►✺┅●✥💠✥●┅✺◄

من رحل عنها لكربله
وعيونها تهل   هامله
وتوصي بيه  العايله
وضاعت هواي سنينها

✍️ام زهراءالفاطميه

►✺┅●✥💠✥●┅✺◄
تمت بعون الله تعالى باقلام
شاعرات اهل البیت عليهم السلام في رابطة دموع العقیله عليها السلام  بإشراف الخطيبة والناعية الحسينية العلوية أم نور الميسانية
لانجيز حذف الاسماء✋
🙏🏻نسالكم الدعاء*🙏🏻
https://www.tg-me.com/Aleulawiuhamnuwr

🌀هوسات لوادع ام البنين مع اولادها ع🌀

        🌀🌀..وزن بحر طويل  ....🌀🌀

                     {{باقلام نخبه }}

🩸من الخادمات  في رابطة دموع العقيله 🩸

    {{{باشراف العلويه ام نور الميسانيه }}}
☆☆☆★☆☆☆★☆☆☆★

ارید اوصیك یولیدي  هاك اسمع وصیت امك

اخیك ماتعوفه ابیوم   وتفدي یبنی   ابدمك

عودك  تدری یاعباس   الیوم   الشدد   ضمك

والیوم الصد/// رادك هیبه


✍🏻المیرزه ام ليلي الخاقاني


►✺┅●✥💠✥●┅✺◄

رادك هيبه لختك كون   وترفعلي يايمه الراس

اني ادريك  ياوليدي   بس انته  الها  ياعباس

اريدن كون ظلها تصير وماريدن ابد  تنجاس

{{تمر بيها//  بس كون النسمه}}

✍العلويه ام نور الميسانيه
►✺┅●✥💠✥●┅✺◄

ماريد العقيله اهناك  واحد يمس   طاريها

ويبعد امك اريدك كون بس انته لتحاميها

ولتخلي الغرب عباس تظل تتفرج  اعليها

مهيوبه خليهه //ابجالك

✍️ بقلم  ام عراق الشمري البصره

►✺┅●✥💠✥●┅✺◄

وصه عودك اوصيه خدر اختك تباريله

وخيك لا يظل وحده وبعيونك تفاديله

وكل العيله ترويها وجودك بيدك اتشيله

من عودك //مآخذها الشيمه

✍🏻هدى المطر ام محمد

►✺┅●✥💠✥●┅✺◄

اوصيك بخدر زينب.  يبني. عينك  اعليها

اهناك بكربله اختك.   اريدنك.     تحاميها

اخاف بكربله تنحب. ادموع العين تجريها

وحجابي// بسيفك. شديته

زهره الكناني✍🏻😭

►✺┅●✥💠✥●┅✺◄

زينب هاي ياعباس شمس الكون معروفة

باجر لو تصير جروح .برمش عيونها تروفة

ثناء وشكر للمنان.  عن كل فاجع تشوفة

شافت شارة/من رب العز

✍🏻ام زهراء العقابي

►✺┅●✥💠✥●┅✺◄

زينب های يولیدي   بنته   الجنح  جبرائيل

بوسط العين خلیهة واحذر  لا يصدها الليل

امهافاطمة الزهرة وابوها  حامي کل ادخيل

زینب بعیونک //خلیها

✍🏻امال حسین

►✺┅●✥💠✥●┅✺◄

وصيتي يالبطل عباس صير احزام ظهر حسين

اوكف دونه بالشدادت   ولا يرفلك جفن بالعين

ودك     بكربلا     ثايه  لبن حيدر ابو الحسنين

تجايه //لحسين وزينب

*خادمه ام البنين ام رضا*

►✺┅●✥💠✥●┅✺◄
تمت بعون الله تعالى باقلام
شاعرات اهل البیت عليهم السلام في رابطة دموع العقیله عليها السلام  بإشراف الخطيبة والناعية الحسينية العلوية أم نور الميسانية
لانجيز حذف الاسماء✋
🙏🏻نسالكم الدعاء*🙏🏻
https://www.tg-me.com/Aleulawiuhamnuwr

المجلس الاول كامل ومرتب بالاخص الخادمات المبتدئات

متوفر في هذا الملزمه


👆👆👆👆

اللهم صل على محمد وال محمد



🌹🌹🌹

https://www.tg-me.com/Aleulawiuhamnuwr

نبدء بنشر المجلس السادس
بعون الله

مدد يا فاطمة

🙏🙏🙏🙏

🌀مجلس بحق مسلم ابن عقيل ع)🌀
      {{باقلام نخبه }}

🩸من الخادمات  في رابطة دموع العقيله 🩸

{{باشراف العلويه ام نور
الميسانيه }}
►✺┅●✥💠✥●┅✺◄
🌹الديباجه 🌹
يالله     يالله       يالله
💥بِسْمِ اللَّـهِ الرَّحْمَـٰنِ الرَّحِيمِ 💥
صلى الله عليك ياسيدي ومولاي يارسول الله
وعلى ال بيتك المظلومين 
صلى الله عليك ياسيدي ومولاي ياابا عبدالله
يارحمة الله  الواسعه   وياباب  
نجاة الامه
ياغريب يامظلوم كربلاء
ماخاب من تمسك بكم سيدي   وأمن من لجأ اليكم
ياليتنا  ياليتنا  كنا معكم سادتي  فنفوز والله فوزا عظيما


_نعي القريض طور الدرج_

عينيَّ سيلي بالمدامع سيلي
حزناً لغربة مسلمِ ابن عقيلِ

لا غرو إن أدميتُ جفني بالبكا
وله أطلت نياحتي وعويلي

فمصابه أبكى وعيونَ المصطفى
طوبى لمن يبكيه خيرُ رسولِ

فغدا وحيدا لا أنيس له سوى
ذِكرِ الحسينِ بمدمعٍ مهمولِ

✍️الدر العاملي

💠طور الابوذيه💠

الخيانه طبع   بالكوفه      وعاده

الزمن رد  بعلي  نفسه      وعاده    ( عاد )
البغض حيدر بغض نسله   وعاده   ( يعاديهم )
ونفس    اهل   السقيفه  ال اميه


زلزل  كونها   الكوفه     گلبها

اشباه الزلم ظل يرجف  گلبها

الصدگ والغيره الوادم   گلبها
(قلّ بها )
وكثر بيها الحقد مامش حميه

اله سبعين   الف   بايع      وطاعه
شتامر   سيدي   سمعاً      وطاعه
وتالي انصاره بس هاني   وطوعه

التنعد بالف زلمه وحرمه  هيه

✍العلويه ام مرتضى الموسوي

💠(المصيبة)💠
حين لمس عبيد الله بن زياد (لعنه الله)
مقدار أهل الكوفة للحسين ع بعث عيونه وجواسيسه ليبذروا بذور الرعب بين الناس ويثبطون عزائمهم ويخوفونهم مغبة ولائهم للحسين ع.
وقد أثمرت هذه المساعي الهدامة كل التأثير....وأخذ الناس يتراجعون عن تأييدهم ومبايعتهم لمسلم بن عقيل..فبعد أن كانوا خمسة وعشرون ألفاً وجد مسلم نفسه وحيداً فريداً غريباً في الكوفة..لا أهل ولا مأوى...فخرج هائماً في أزقة الكوفه حتى أتى باب امرأة اسمها(طوعة) ولها ولد اسمه «بلال» كان قد خرج مع الناس وأمه تنتظره...فسلم عليها ابن عقیل، فردت عليه السلام، وطلب منها ماء فسقته وجلس لدى الباب...ودخلت المرأة بيتها.
وحين خرجت وجدته جالساً لدى الباب.
فقالت : يا عبد الله ألم تشرب؟
قال : بلى.
قالت : فاذهب إلى أهلك.
فسكت ابن عقيل، ثم أعادت القول، فظل ساكتاً.
فقالت: سبحان الله يا عبد الله قم عافاك الله إلى أهلك، فإنه لا يصلح لك الجلوس لدى باب بيتي، ولا أحله لك.
فقال : يا أمة الله ما لي في هذا المصر أهل ولا عشيرة، فهل لكِ في أجر ومعروف، ولعلي مكافيك بعد اليوم.
قالت: وما ذاك ...؟
قال: أنا مسلم بن عقيل..
فأدخلته على الفور غرفة من دارهاوحين جاء ابنها رآها تكثر من الدخول إلى البيت والخروج منه فارتاب في أمرها، وكان لا بد لها أن تطلعه على حقيقة الأمر حين ألح عليها مستفسراً ....
ولما كان الصباح ذهب بلال بن هذه المرأة وأخبر عن مكان مسلم بن عقيل وعلى الأثر حوصرت الدار بعدد كبير من الرجال ورأى مسلم أنه لا بد من القتال فاستل سيفه وظل يكافح ويقاتل حتى قُتل. وأمر عبيد الله بن زياد بأن يرسل رأسه إلى يزيد.
وبعث يزيد إلى عبيد الله يشكره على فعله وسطوته ويقول له لقد بلغني أن الحسين قد سار إلى الكوفة فضع المناظر وبث العيون واحبس على الظنة، وخذ على التهمة واكتب إلي في كل ما
يحدث
نعم ياموالين  فهنا مسلم ع احس بالغربه

💠نعي 💠

غريب الدار واهله ابعيد   ويله

تخفه ابدار طوعه أو بات  ليله

دره ابن زیاد بیه اوعدت  خیله

عليه او ديرته ابعيده المسافه


اهله ابعاد عنه وبيه  ميدرون

ضل لوحده  بين    اليغدرون

ولصوب المدينه تربي العيون

✍العلويه ام نور الميساينه
-------------

ابوطاهر وحيد ولاله خوان

وبديرة غرب دارت العدوان

ماواحد اله من اهل كوفان

ماواحد اله ويخبرحسين

نكرو بيعته كوم الملاعين

يتلافت بقى ويدير بالعين

✍🏻ام عباس السكيني
----------

غریب ایدیر عینه وماکو نغار

علیه ملتمه کلها گوم الاشرار

ظل یشطر ابسیفه والعدو احتار 
___

وحید وماله  خوان التجیله

ظل اعله الارض مطروح ویله

الهواشم وینها الجسمه تشیله

✍🏻المیرزه ام ليلي الخاقانی
------------

ريت حسين شافه شلون مجتوف

ماضاكَ العذب واللون مخطوف

شجاع ومايبالي بموت لاخوف

✍🏻 ام مرتضى الخفاجيه
----------
چاوین  الهواشم مایحظرون

عله الطایح غريب يدير العيون

فزعوله يخوته كون تدرون


مسلم يالهواشم وحّده اليوم

غريب وماله ناصر بين هالگوم

يحاچيكم  يخوته بگلب مالوم

~
فزعو  يالنشامه المسلم ابساع

طاح من السطح ياويلی للگاع

مچتوفات اديه ومكسر الاضلاع

ام ✍️ علي الموسوي
--------------
وین اهله وعمامه خل تجي اليوم

ظل وحده يــوسفه وجـارت الگــوم

ویلی بدارغربه وحیله مهدوم

مسلم وحّده واهله بعيدين

مايدري بغربته  ويلي لحسين

گلبه من العطش،مفطور نصين
✍️ام عــدنــان سيـاحي

تمت بعون الله تعالى باقلام
شاعرات اهل البیت عليهم السلام في رابطة دموع العقیله عليها السلام  بإشراف الخطيبة والناعية الحسينية العلوية أم نور الميسانية
لانجيز حذف الاسماء✋
🙏🏻نسالكم الدعاء*🙏🏻
https://www.tg-me.com/Aleulawiuhamnuwr