🌀🌀قصيده للامام العباس ع وزن الفائزي🌀🌀

              {{باقلام نخبه }}

🩸من الخادمات  في رابطة دموع العقيله 🩸

 {{{باشراف العلويه ام نور الميسانيه }}}

☆☆☆★☆☆☆★☆☆☆★

►✺┅●✥💠✥●┅✺◄

وين الوعد ويه  الكمر   ★عافاني شو ويه الشمر

ماكال  زينب اجت  وياي
ولازم اردها بيمنتي هاي 

★   شوعافني وظل علنهر   ★

►✺┅●✥💠✥●┅✺◄

شوعافني وظل علنهر واني وحيده

وتكفل خلافه الحمل واكطع   البيده

صارت  عليه   ردته    جنه     بعيده

وطيحته ضنها عللنهر طيحه مجيده

باجر تراني   اصعد   النوك
وعمداً يمرني النذل بسوك

ومصابي يبدي  من  الظهر

✍العلويه ام نور الميسانيه

►✺┅●✥💠✥●┅✺◄

باچر يوسفه اعلی الهزل من  عگب عباس
امشي سبيه     ويلغرب ومختنگه لانفاس

تحدي ظعوني اهل الرده زمرة الارجاس

عنواني کعبه للحزن وللصبر
مقیاس

عفت اخوتی فوگ الوطیه
واتمنه تلحگنی المنیه

ولاذوگ كل هذا القهر

✍️ام عــدنــان سيـاحـي

►✺┅●✥💠✥●┅✺◄

چنه حلاله النوم فوگ العلگمیه

ماگال اخیتی ویه الغرب تمشی سبیه

ماچان یقبل للهوه لویمربیه

هسه علی نوگ الهزل مچتوفه ادیه

ومن الشمس حمره العبایه
ویه العده نمشی سبایه

فگده ابوسط گلبی جمر

✍🏻المیرزه ام ليلي الخاقانی
►✺┅●✥💠✥●┅✺◄

عكَبك ياسبع الغانمه ماتدري شصار

سهم المنيه صابني بضلوعي الكَصار

اخواني خمسه وبالشدايد مالي نغار

عباس ماهي مناسبه ارفج الكفار


ماجنت اضن خوتنه تكضي
ومن فركَتك لوعتي ومرضي

لكثر البجي بخدودي اثر

✍ ام مرتضى الخفاجيه

►✺┅●✥💠✥●┅✺◄

كلك شهامه اومرجله يربات الحيود
اعتب گمت غصبن علي ياراعي الزود
ابياجف تهد خويه ألي مگطوع الزنود
ريتك عدل يابو الوفه وهالساعه ألي تعود

ريتك تجي وتشاهد الحال
خويه العده جتفونه بحبال

يالغالي گلبي أنه انفطر

✍️ام محمد تقي الموسوي

►✺┅●✥💠✥●┅✺◄

أعذرني ياخال الولد  من اعتب عليك
ادري  شهم  ولي جرالي ماهو
يرضيك
ماضل حنين يكوم الي هل انتخي بيك
حتى العده يابا الفضل تسولف بطاريك

ادريك ماترضى يعباس
بين الغرب وتشوفني ناس

انت الصنت ذاك الخدر

ام ✍️ علي الموسوي
►✺┅●✥💠✥●┅✺◄
تمت بعون الله تعالى باقلام
شاعرات اهل البیت عليهم السلام في رابطة دموع العقیله عليها السلام بإشراف الخطيبة والناعية الحسينية العلوية أم نور الميسانية
لانجيز حذف الاسماء✋
🙏🏻نسالكم الدعاء
https://www.tg-me.com/Aleulawiuhamnuwr

لطميه للعباس ع
{{وزن الشموس}}
((علی طور الا اوصل كربله))

ــــــــــــــــــ💠ـــــــــــــــــ
شاهـدت يــم النهر
غابت ارسوم الگمر

واظلمت دنیاي
واظلمت دنیاي
►✺┅●✥💠✥●┅✺◄

چودر ابگلبي ونیني وثگلت اجدامي

انرسمت ابعیني الهضیمه ولوعـة ایامي

صرت اشوف الزمن اگبل منظره دامي

ضاجت ابعیني الوسیعه ابخیبة احلامي

طحت بانیاب الكدر
طحت بانیاب الكدر

واظلمت دنیاي
واظلمت دنیاي

✍🏻العلویه ام ضيغم المحنا
►✺┅●✥💠✥●┅✺◄
خيم ابروحـي حـزنها وخـابـت امالي

من وگـع فوگ الشريعه بدري اليلالي

هوت كل احلامي مني ابطيحت الوالي

ذيـچ خـوتـنـه الـوفيه انگـضت للتالي

والـهضم لـيـه سدر
والـهضم لـيـه سدر

واظلمت دنیاي
واظلمت دنیاي

ام ســ✍ــجاد العسكري
►✺┅●✥💠✥●┅✺◄

انگضت خوتنه الوفیه وعمری ویاراح

صابني ابفگده زمانی وترس گلبی اجراح

مایکف دمع البیابی وفکری مایرتاح

من بعدطیحت الکافل حملی ویا طاح

ابموته موتنی الدهر 
ابموته موتنی الدهر

واظلمت دنیای
واظلمت دنیای

✍🏻المیرزه ام ليلي الخاقانی
►✺┅●✥💠✥●┅✺◄

من بعد طيحت الكافل  ضلمت  دنياي

والحزن خيم عليه   وكت دمع  عيناي

لون ادري يروح مني   ماطلبت   الماي

جان هسه يرد ليه   ويبكه  دوم وياي

هو روحي والنظر
هو روحي والنظر

واظلمت دنياي
واظلمت دنياي

✍العلويه ام نور الميسانيه
►✺┅●✥💠✥●┅✺◄
ريت لو يرجع عليه ابن ابوي اليوم

چان ماظلت ابروحي كُتله من اهموم

حسبت ويا اعيشن طول عمري دوم

هسه من عگبه ابعيني الحزن مرسوم

وخيم اعلیه الخطر
وخیم اعلیه الخطر

واظلمت دنياي
واظلمت دنياي

✍️ام عــدنــان سيــاحي
►✺┅●✥💠✥●┅✺◄

طاحت اعیوني اعله دربه ومارجع لینه

بس رجع للخیمه محني حسین والینه

اتلگته الاطفال تصرخ عمنه چا وینه

ذب عمد خیمته وناده حزني یسکینه

چف ابو الغیره انشمر
جف ابو الغیره انشمر

واظلمت دنیاي
واظلمت دنیاي

✍🏻العلویه ام ضيغم المحنا
►✺┅●✥💠✥●┅✺◄
تـــمـ بعون الله تعالى ـــت
بقلم شاعرات اهل البیت ع
في رابطة دموع العقیله ع  وبأشراف الخطيبة والناعية الحسينية العلوية أم نور الميسانية
لانجيز حذف الاسماء✋
🙏🏻نسالكم الدعاء🙏🏻
https://www.tg-me.com/Aleulawiuhamnuwr

🌀🌀قصيده للامام العباس ع وزن التجليبه🌀🌀

                     {{باقلام نخبه }}

🩸من الخادمات  في رابطة دموع العقيله 🩸

{{{باشراف العلويه ام نور الميسانيه }}}

☆☆☆★☆☆☆★☆☆☆★

صدك.عباس طاح  وكطعو ازنوده

مريوده   اللطمه   عليه     مريوده

►✺┅●✥💠✥●┅✺◄

عيني باللطم    زينب   الحزنانه

من كثر الهظم بالضيم  خلصانه

اخوها عالنهر مكطوعه  ذرعانه

حنين وبالمحنه وفه  بعهوده

✍    ام حيدر العباديه

.►✺┅●✥💠✥●┅✺◄

حنين وفه لخته الليله ابو فاضل

كفو ونعمين منه  وللحمل  شايل

ابن حيدر سبع    ويعدل   المايل

وصولاته   تضل للدوم  مشهوده

✍العلويه ام نور الميسانيه

►✺┅●✥💠✥●┅✺◄

لطمه اليوم   للعباس جمعيه

صابوه بعمد والعين   معميه

راح الخدر ذاك النكعد   بفيه

كطعو يمنته منه وكع جوده

✍ام عــراق الشمرية بغداد

►✺┅●✥💠✥●┅✺◄

كطعو يمنته والعين  صابوها

واخته ميسرة عالنوك خلوها

هاي امخدرة بس مايعرفوها

خدر الله يزينب بت علي اوعوده

✍🏻ام زهراء العقابي

►✺┅●✥💠✥●┅✺◄

تنادي عالولي   والعين تجريها

اوناحل حيلها كل حيل مابيها

والنار  ابگلبها   من    يطفيها

لو موجود محد يوصل احدوده

✍🏻 ام احمد المنصوريه

►✺┅●✥💠✥●┅✺
تمت بعون الله تعالى باقلام
شاعرات اهل البیت عليهم السلام في رابطة دموع العقیله عليها السلام  بإشراف الخطيبة والناعية الحسينية العلوية أم نور الميسانية
لانجيز حذف الاسماء✋
🙏🏻نسالكم الدعاء
https://www.tg-me.com/Aleulawiuhamnuwr

🌀🌀قصيده للامام العباس.من وزن التجليبه 🌀🌀

                     {{باقلام نخبه }}

🩸من الخادمات  في رابطة دموع العقيله 🩸

{{{باشراف العلويه ام نور الميسانيه }}}

☆☆☆★☆☆☆★☆☆☆★

ابو فاضل لعب   طشر   الخياله
بيده السيف يحله يحامي لعياله
►✺┅●✥💠✥●┅✺◄

ابو فاضل شجاع ومحله طاريه

خلاهم جثث عالارض مرميه

وصل للمشرعه الكله نماريه

(عياله  // اهله اهل الزود)

ساره المحمداويه
►✺┅●✥💠✥●┅✺◄

اهله اهل الشجاعه  والفروسيه

صال عللاعادي  بيوم   ظهريه

كفو ونعمين من ابنج   يابدويه

خلاها طشار//   العالت

✍العلويه ام نور الميسانيه

►✺┅●✥💠✥●┅✺◄

خلاها الجثث طشار بالحومه

حكها لو تباهت اخته بعلومه

وصل للمشرعه الفارس الجيدومه

تتباهى// بعلوم الهيبه

    ✍ام حيدر العباديه
►✺┅●✥💠✥●┅✺◄

طشرها العده بافعاله وبزوده

أخو زينب يالهداته  مشهوده

يخسه الگال اوصل انه لحدوده

مهيوبه//بجالك زينب

✍️ام حيدر العبادي ناصريه


►✺┅●✥💠✥●┅✺◄

تتباها العقيله اخته بفعاله

بطل عباس بيده السيف يحلاله

للحومه دخل طشر الخياله

من حيدر // ماخذها افعاله

✍🏻 ام احمد المنصوريه

►✺┅●✥💠✥●┅✺◄

البطل ماهابها كلها   عساكرهم

ابنص ميدانهم.  كسر مجامعهم

بسيفه الظيغمي جندلها قادتهم

يفينها //  عباس بزوده

✍ زهره الكناني

►✺┅●✥💠✥●┅✺◄

اطلبكم ثار   ياشيعه بني  سفيان

من كسر الظلع  ولشوغه العطشان

تدروني   الگمر عباس عال الشان

سواها //ابحور من الدم

زهره الكناني😭

►✺┅●✥💠✥●┅✺◄
تمت بعون الله تعالى باقلام
شاعرات اهل البیت عليهم السلام في رابطة دموع العقیله عليها السلام  بإشراف الخطيبة والناعية الحسينية العلوية أم نور الميسانية
لانجيز حذف الاسماء✋
🙏🏻نسالكم الدعاء
https://www.tg-me.com/Aleulawiuhamnuwr

🌀🌀قصيده للامام العباس وزن نصف بحر طويل🌀🌀

             {{باقلام نخبه }}

🩸من الخادمات  في رابطة دموع العقيله 🩸

{{{باشراف العلويه ام نور الميسانيه }}}

☆☆☆★☆☆☆★☆☆☆★

باسم الكافل الليله

مجالسنه عقدناها

►✺┅●✥💠✥●┅✺◄

نصبنه المجلس بكل دار

لابن حيدر  علي   الكرار

ونلطمله   لطمنه   الحار

ورايات  الحزن على دور  شلناها

✍العلويه ام نور الميسانيه

►✺┅●✥💠✥●┅✺◄

يستاهل لطم عالراس

هيبه اومرجله العباس

تاج الغيره والنوماس

چوادر للعزه الليله نصبناها

✍️ام محمد تقي الموسوي

►✺┅●✥💠✥●┅✺◄

علينه.   روايانه

للمكطوعه.  ذرعانه

ونواسي الحزنانه

عنها شال اخوها ونور عيناها

ام ✍️ علي الموسوي
►✺┅●✥💠✥●┅✺◄

نعزيها    العقيله      اليوم

بخوها الضيغمي الجيدوم

وحيدر    توصله    العلوم

واعلام الرزيه هل رفعناها

زهره الكناني✍🏻😭

►✺┅●✥💠✥●┅✺◄
شينسه مصيبة الكافل

السهم وسط الگلب واصل

بيش نگاوم العايل

ياعباس ماتگعد يضنواها

✍️ام حيدر العبادي ناصريه

►✺┅●✥💠✥●┅✺◄

علكنه الك رايات

يبن اليعدل الميلات

وبكل دار الك ونات

وباسم الكافل الليله سمعناها

   ام حيدر العباديه

►✺┅●✥💠✥●┅✺◄

المجلس للعزه انقیمه

للکافل  ابو  الشیمه

للظل   نایم   ابهیمه

انعازی زینب الضیعت رجواها

✍🏻المیرزه ام ليلي الخاقانی

►✺┅●✥💠✥●┅✺◄
تمت بعون الله تعالى باقلام
شاعرات اهل البیت عليهم السلام في رابطة دموع العقیله عليها السلام بإشراف الخطيبة والناعية الحسينية العلوية أم نور الميسانية
لانجيز حذف الاسماء✋
🙏🏻نسالكم الدعاء
https://www.tg-me.com/Aleulawiuhamnuwr

🌀🌀هوسات ..وزن بحر الطويل .🌀🌀

         {{باقلام نخبه }}

🩸من الخادمات  في رابطة دموع العقيله 🩸

{{{باشراف العلويه ام نور الميسانيه }}}
☆☆☆★☆☆☆★☆☆☆★

الدهر کسرلي جنحاني   وگام العوز ایحز  بیه

وليك  اتوجهت یاحید   وادري  اربات نشمیه

امشی علیك یاعباس    ذیچ   امك  البدویه


یم بابك// تنطیني  امرادي

✍🏻المیرزه ام ليلي الخاقاني

►✺┅●✥💠✥●┅✺◄

يم بابك اجيت اليوم    متعنيه     وادكنه

ناخيتك يابو الكلفات   وامرادي    اريدنه

والبيرغ يااخو زينب  بسمك جيت اشدنه

تگر عيني //  بالحاجه الصعبه

✍العلويه ام نور الميسانيه

►✺┅●✥💠✥●┅✺◄

دخيلك يلكفيل اسمع. اسمع. لوعتي اووني

اجيتك حيل مابيه. والكسرات هضمني

نخيتك ياكفيل اختك. مولاي المرض هدني

يم بابك // واحجيها الحاجه

✍ زهره الكناني
►✺┅●✥💠✥●┅✺◄

كتلاني الهضم. والضيم   بعيوني بعد مااشوف

اجيتك سيدي بحاجه. واعرفك بالكرم معروف
 
اسولف حاجتي بگلبي   ومليان الكلب بالخوف


لدمعاتي //احجيها الحاجه

✍🏻 بتول كربلائيه

►✺┅●✥💠✥●┅✺◄

اربات الزود اعرفنك وادري ماتخليني
اجيت واكفه بابك اريد امراد تنطيني
خادمكم أظل مولاي بالخدمه تعليني

وتكضيها// الحاجه التكلف

✍خادمه ام البنين ام رضا*

►✺┅●✥💠✥●┅✺◄

لو ضاكت عليّ وسعة  بس اندب ابو فاضل

وحك زينب وهيبتها    مايبقى حمل مايل

ولو مظلوم واتعناه     بسمه يسطر العايل


(يسمونه// صاحب شارات)

✍🏻ام زهراء الحسينية .
►✺┅●✥💠✥●┅✺◄
تمت بعون الله تعالى باقلام
شاعرات اهل البیت عليهم السلام في رابطة دموع العقیله عليها السلام  بإشراف الخطيبة والناعية الحسينية العلوية أم نور الميسانية
لانجيز حذف الاسماء✋
🙏🏻نسالكم الدعاء
https://www.tg-me.com/Aleulawiuhamnuwr