🌀🌀قصيده للاكبر ع وزن النصاري...🌀🌀

{{باقلام نخبه }}
🩸من الخادمات  في رابطة دموع العقيله 🩸

    {{{بإشراف العلويه ام نور الميسانيه }}}

☆☆☆★☆☆☆★☆☆☆★

يبني شثكل بلواك     // كاسر ظهري فركاك

يبچري وفتشت العين
شوف شصار بحسين

ماتت روحي وياك        كاسر ظهري فركاك

►✺┅●✥💠✥●┅✺◄
يافتشت  عيوني   عميه    العيون
من   شفتك   يبويه   مغير    اللون
شلون ارجع واكلها عمتك ام عون

يالأكبر   كسرني  
كوم وياي يبني

شلون ارجع بلياك         كاسر ظهري فركاك

✍️ام علي الموسوي

►✺┅●✥💠✥●┅✺◄

شكللها   من   اردن    للمخيم
وانه وجهي عليه الحزن خيم
حنينه   وعلبزر   خاف    تألم

اكلها ظل رميه   
ودمومه جريه
بثوبي ظلت ادماك    كاسر ظهري فركاك

✍العلويه ام نور الميسانيه
►✺┅●✥💠✥●┅✺◄

اخافن لو تشوف دماك تجري
وراسك منطبر يابعـــد عمري
اردّن بيك لوظل تــــاه فكري

ياجرح اللي اخفيه
وياهو اللي اخليـه

يبويه الــــــــــروح تنعاك  كاســـــــــر ظهري فرگاك

✍️الشاعره شيماء ام نور
►✺┅●✥💠✥●┅✺◄

على الدنيه العفه يالولد  بعدك

خذك    مني زماني    ومايردك

يالظامي يطفي ظماك   جدك

يبني ونظر عيني
يا شمعة  سنيني

يلي   تعبت   برباك      كاسر  ظهري  فركاك

✍🏻ام علي الجابريه ام ابيها

►✺┅●✥💠✥●┅✺◄

ياشمعة سنيني وشوفها العين
انت عمود بيتي الطيحه  البين
وطرالي الكلب يالولد    نصين
يبني لبت  حشاي
انته  امل  دنياي
يبني الكلب يهواك
كاسر ظهري  فراكاك

✍العلويه  ام  علي

►✺┅●✥💠✥●┅✺◄
تمت بعون الله تعالى باقلام
شاعرات اهل البیت عليهم السلام في رابطة دموع العقیله عليها السلام بإشراف الخطيبة والناعية الحسينية العلوية أم نور الميسانية
لانجيز حذف الاسماء✋
🙏🏻نسالكم الدعاء
https://www.tg-me.com/Aleulawiuhamnuwr

🌀 قصيده للاكبر وزن تجليبه 🌀

   {{باقلام نخبه }}

🩸من الخادمات  في رابطة دموع العقيله 🩸

{{بإشراف العلويه ام نور الميسانيه }}

☆☆☆★☆☆☆★☆☆☆★

مجالسنه ويليلى اليوم منصوبه

وندك عللمتن والدمعه مسجوبه

►✺┅●✥💠✥●┅✺◄

ندك    عللمتن     ونعينها    الليله

وياها المدمع   من  الدمه   نسيله

بلطمه  معدلها  هلمجلس   نشيله

تجي وتحظر ويانه وحيل متعوبه

✍العلويه ام نور الميسانيه

►✺┅●✥💠✥●┅✺◄

نلطم وبعلي لأكبر  نعزيها

مانكطع دمعنه ولا نخليها 

جمرات الشباب الروح تجويها

أمه ميسره لشام مسلوبه

ام ✍️ علي الموسوي

►✺┅●✥💠✥●┅✺◄

مسلوبه وتنادي يالولد يبني

علي فركاك يمه حيل تعبني

ردتك للكبر وشفرهدك مني 

تون عليك  روحي صواب مصيوبه

✍🏻ام علي الجابريه ام ابيها

►✺┅●✥💠✥●┅✺◄
تون روحي ييمه وماتحاچيني

ياسباح گلبي ويابعد عيني

تمنيت من اموت انت التوديني

ماضنيت تالي عليك منكوبه

أم صـــ✍️ــــــادق المنصوري

►✺┅●✥💠✥●┅✺◄
منكوبه على ابني الراح من ايدي

ماحسبت احطك باللحد بيدي

اكل للروح علشالو شوي هيدي

اشلون يهيد يلي راح محبوبه

ام حيدر العبادي ناصريه

►✺┅●✥💠✥●┅✺◄

يشمعة دارنه وياسعد ايامي

لوزفة عرس يوليدي  بحلامي

بقت بس الصور اتلوح قدامي

بعيوني دمع بحروف مكتوبه

✍🏻هدى المطر ام محمد
►✺┅●✥💠✥●┅✺◄
مكتوب الدمع بعيوني وتحسر

يالغالي بعد ع الفركه مااكدر

اطب للبيت ما الكه علي الأكبر

وضلوعي عليك بنار منشوبه

✍🏻 ام علي الجابريه ام ابيها

►✺┅●✥💠✥●┅✺◄
تمت بعون الله تعالى باقلام
شاعرات اهل البیت عليهم السلام في رابطة دموع العقیله عليها السلام بإشراف الخطيبة والناعية الحسينية العلوية أم نور الميسانية  
لانجيز حذف الاسماء✋
🙏🏻نسالكم الدعاء
https://www.tg-me.com/Aleulawiuhamnuwr

🌀🌀قصيده للاكبر ع وزن نصف بحر طويل...🌀🌀

     {{باقلام نخبه }}

🩸من الخادمات  في رابطة دموع العقيله 🩸

    {{{بااشراف العلويه ام نور الميسانيه }}}


☆☆☆★☆☆☆★☆☆☆★

الاكبر من نزل عالكوم

حيرهم الخياله

►✺┅●✥💠✥●┅✺◄

هد    وسانده     العباس

وسوو صوله   علارجاس

والرايه ترف على  الراس

والطف    سولف  افعاله

✍العلويه ام نور الميسانيه
►✺┅●✥💠✥●┅✺◄

افعاله  منشهد  بيها

گلب عاليها  واطيها

ظلمه الساحه مسويها

منهو الكدر يدناله

ام حيدر العبادي ناصريه

►✺┅●✥💠✥●┅✺◄

والأكبر   شبه   جده
ياهو  يوصل   الحده
بنص الجيش هم عده
يفنيهه           العياله

✍️العلويه ام فاطمه الكربلائيه

►✺┅●✥💠✥●┅✺◄

يشهد صـولته الميدان

واليگرب يظل حيران

ابن مو ياهوكلمن چان

اليـبعد عـــنه أشــواله

أم صــ✍️ــــادق المنصوري

►✺┅●✥💠✥●┅✺◄

نزل   غضبان   وبهمه
ومحد  كرب من  يمه
حسين ودينه كل همه
حتى  الموت   حياله

✍️ام زهراءالفاطميه

►✺┅●✥💠✥●┅✺◄

ما خذ زوده من عمه

يرعب جيشهم اسمه

مضحي بروحه وبدمه

عمه تنومس  بجاله

✍🏻 ام علي الجابريه ام ابيها

►✺┅●✥💠✥●┅✺◄

اليكرب يم علي فنه

كلها خايفه منه

مثل فارس مضر جنه

خله روسها كباله

ام حيدر العبادي ناصريه

►✺┅●✥💠✥●┅✺◄
تمت بعون الله تعالى باقلام
شاعرات اهل البیت عليهم السلام في رابطة دموع العقیله عليها السلام  بإشراف الخطيبة والناعية الحسينية العلوية أم نور الميسانية
لانجيز حذف الاسماء✋
🙏🏻نسالكم الدعاء
https://www.tg-me.com/Aleulawiuhamnuwr

🌀🌀هوسات للاكبر  ع وزن تجليبه.🌀🌀

     {{باقلام نخبه }}

🩸من الخادمات  في رابطة دموع العقيله 🩸

{{{بحشراف العلويه ام نور الميسانيه }}}

☆☆☆★☆☆☆★☆☆☆★


علي الأكبر برز وعيونه تجدح نار

يالماخذ شجاعت حيدر الكرار

ومن شافو جماله. كالو المختار

ماخذها الشمره// من جدود

✍ام علي الجابريه ام ابيها

►✺┅●✥💠✥●┅✺◄

شمراته    لعلي    ولعمه    العباس

من زمجر عليها احتارت الارجاس

بجدامه علي الاكبر  عليهم  داس

يشبه عباس //  بصولته

✍العلويه ام نور الميسانيه

►✺┅●✥💠✥●┅✺◄

يشبه للكمر عباس بفعاله

حي الله علي لمحد تدناله

بيهم صال ذبَّح اصعب رجاله

((والجيش يفر// بين زنوده ))

ام ✍️ علي الموسوي

►✺┅●✥💠✥●┅✺◄

مثل عمه بطل. لا مايهاب الموت

لو طب الحرب ماينسمع اي صوت

يخرسهم خرس يالاكبرامن ايفوت

تشهد هالحومه /البتاره

✍️ام محمد تقي الموسوي

►✺┅●✥💠✥●┅✺◄

يشبه  عمه  العباس     بفنـونه

صول بالمعاره وتجدح اعيونه

ليث وبالشجاعه الكل يعرفونه

وبجاها // فرسان الحومه

ام عباس السكيني

►✺┅●✥💠✥●┅✺◄

برز شبه الگمر والنور. یتهاده

شایل کل صفات الزینه باجداده

کل الي یصیر. اگباله یتراده

((اتزامط بیه// حگها الساده))

✍🏻 ام ضیغم  المحنا

►✺┅●✥💠✥●┅✺◄

تكول ام الولد


ياسلوت حياتي ونظر عيني  انته
ولوكت   شدد   هلولد     ذاخرته

انه على شجاعه ابني    راضعته

زامط بيه// اخته وبت عمه

✍العلويه ام علي

►✺┅●✥💠✥●┅✺◄

تمت بعون الله تعالى باقلام
شاعرات اهل البیت عليهم السلام في رابطة دموع العقیله عليها السلام  بإشراف الخطيبة والناعية الحسينية العلوية أم نور الميسانية
لانجيز حذف الاسماء✋
🙏🏻نسالكم الدعاء
https://www.tg-me.com/Aleulawiuhamnuwr

(مجلس بحق الرضيع ع)
🩸باقلام نخبه من الخادمات  في رابطة دموع العقيله🩸
{{بإشراف العلويه ام نور
الميسانيه }}
🌹الديباجه 🌹
ياالله   ياالله    ياالله
💥بِسْمِ اللَّـهِ الرَّحْمَـٰنِ الرَّحِيمِ💥
صلى الله عليك ياسيدي ومولاي يارسول الله وعلى ال بيتك
المظلومين 
صلى الله عليك ياسيدي ومولاي يااباعبدالله
يارحمة الله الواسعه وياباب   نجاة الامه
ياغريب يامظلوم كربلاء
ماخاب من تمسك بكم سيدي  
وأمن من لجأ اليكم
ياليتنا ياليتنا  كنا معكم سادتي  فنفوز والله فوزا عظيما
_نعي القريض طور الدرج_

يبكي غليلاً والربابُ تنوحُهُ
هذا رضيعي والظمى يكويهِ

جفّتْ محاجرُهُ وما هدَأَ البُكا
وأبوهُ مفجوعٌ لحالِ بَنيهِ

أخذ الرضيعَ يشمُّهُ ويضُمُّهُ
ولعلَّهُ يَحظى بما يُسقيهِ

فرَموا الرضيعَ بنبلةٍ في نحرهِ
فتعانقا علَّ العناقَ يَقيهِ

✍️محمد الدغلي
🔮طور الابوذيه 🔮
يلوّحلي بأيده وعلي يومي(يأشر )

وچنه يگول الله وياچ  يومي ( يأمي )
رايح تنسگي بالنبل   يومي
( يوماي )
اخافن تنذبح وترد عليه

نحيله  وتعباني  اربأك  وشيل
بيش اسگيك چف الدمع  وشل
عسه اليرميك ايده بكسر  وشل
و  لا  يهناله  زاده    للمنيه

على طاري الوداع  وياك    بسمار
مثل ضلع الزجيه انصبت   بسمار
ريچك ناشف من العطش  بسمار
ردت ارويك بس ماصح بديه

✍🏻العلويه ام مرتضى الموسوي

(المصيبة)

لقد ورد في دعاء الندبة : أين الطالب بدم المقتول بكربلاء .. لذا أول ما يخرج الإمام المهدي (عج) يأتي إلى المدينة وينادي: يا لثارات جدتي فاطمة ع ، وبعد ذلك يأتي أرض كربلاء إلى قبر جده الحسين ع يسلم عليه ، ثم يستخرج الطفل الرضيع ويلتفت إلى من حوله، يقول لهم : "ما ذنب هذا الرضيع حتى ذبح من الوريد إلى الوريد".
آه آه من مصيبة الطفل الرضيع
وكم كان أثرها على الإمام الحسين ع فقد كان الطفل يصرخ طوال ليلة العاشر، يريد ماء، فجعلت عمته زينب ع تطوف على الخيام لعلها تُحصَّل قطرة ماء لهذا الرضيع تبلل بها شفتيه فلم تجد.
ولما أصبح يوم عاشوراء أصبح الطفل مُغمى عليه، فجاءت به زينب ع إلى الحسين ع دفعته إليه، أخذه الحسين ع وضعه تحت ردائه يظلل له عن حرارة الشمس، أقبل به نحو الأعداء، صاح يا قوم قتلتم إخوتي،
أصحابي، أهل بيتي، لم يبق عندي سوى هذا الرضيع، أسقوه جرعة من الماء فقد جفَّ اللبن عن ثديي أمه. اختلف العسكر فيما بينهم، منهم من قال : إن كان ذنبٌ للكبار فما ذنب الصغار، ومنهم من قال لا تُبقُوا من أهل هذا البيت باقية. ومنهم من لعن عمر بن سعد، فالتفت عمر بن سعد  إلى حرملة (لعنة الله عليهم) قال: ويحك إقطع نزاع القوم، قال :حرملة : ما أصنع قال له ارمي الطفل بسهم، قال حرملة : فوضعت سهماً في كبد القوس وتأملت أين أرمي الطفل بينما أنا كذلك إذ هبت ريح فكشفت البرقع(الغطاء) عن وجهه وإذا برقبته تلمع على عضدي أبيه كأنها إبريق فضة، فرميته فذبحته من الوريد إلى الوريد قيل له:ويلك أما رقّ قلبك لهذا
الرضيع؟ قال :بلى، قيل:كيف؟! قال :لما أحس الطفل بحرارة السهم انتزع يديه من قماطه واعتنق رقبة أبيه ع وصار يرفرف بين يديه كأنه الطير المذبوح.

💎نعي 💎
مثل الطير رفرف بيد  الحسين
وشبك نحر الابو بثنين الايدين
وگلب الحسين نجسم    نصين

كلبه نجسم  لوليده   الراح
ومن بيت الرباب نطفه المصباح
عله حاله الحمام البسمه   ناح

✍العلويه ام نور الميسانية

يعبدالله يغالي اولبت احشاي
ليش ابياذنب ماتشرب الماي
سهم الصوبك صوبني بچلاي

ترد اشلون لمك بويه مدري
مذبوح النحر ودماك يجري
گضى گبلك يريت اليوم عمري

✍️ام محمد تقي الموسوي

وگاني بلسان حاله امه الرباب تگول: يمه يالولد يبني،،

فــزيت يـمه ومالگيــتك
لـزمـت ثوبــي ودوريتك
ماحسبت وصلت منيتك

ماحــسبت وتــروح مني
كل يوم اصـيحن آه يبني
يالچنت اناغيلك بحضني
آحوو يالمذبوح يبني،،

أم صــ✍️ـــــادق المنصوري
        
ام الطفل لولت دللول
تهز المهد للولد وتكول
دللول ياوليدي يمدلول

أنه امك ييمه وحيل لوليت
سهرت الليل و وياك تعبيت
وسفه منذبح يايمه   رديت

ياوسفه  يمه النبل  طرك
ونابت ييمه بوسط نحرك
جابوك الي مسبح  بدمك

✍🏻 هدى المرزوق

ســـهم البنحرك ريتـــــه بيه
ولمّــــك دنت ريت المنيــــهً
زغيرون ماتحمــــــل اذيـــــه

دللــــــول  يعبدالله يمذبوح
بفگدك سـليت الگلب والروح
وصـار البچي والنوح مسموح

✍️الشاعره شيماء ام نور
          
ظلت تنــــوح أمه على فرگـاه
ليش العده بالنـــحر  صـــاباه
زغيرون وياذنب الذي أجنـاه
يمه يايمه يايمه.

مذبـــوح من جابوك إلــــــيه
وعطشــــان ماشارب امــيه
ماكــو رحــم أنه اشبديــــه

✍️ام حيدر العبادي ناصريه
ياســهم المنيه كون بحشـــاي
جنــي مسودنــه ومتيـــها راي
مات من العطش ماحصل الماي

✍ العلوية ام  علي
تمت بعون الله تعالى باقلام
شاعرات اهل البیت عليهم السلام في رابطة دموع العقیله عليها السلام 
لانجيز حذف الاسماء✋
🙏🏻نسالكم الدعاء

https://www.tg-me.com/Aleulawiuhamnuwr

🌀🌀قصيده للرضيع   وزن ياعزيز الروح....🌀🌀

   {{باقلام نخبه }}

🩸من الخادمات  في رابطة دموع العقيله 🩸

{{{بإشراف العلويه ام نور الميسانيه }}}
☆☆☆★☆☆☆★☆☆☆★

دهري عذبني      دهري عذبني 
من فكدت ابني    دهري عذبني

►✺┅●✥💠✥●┅✺◄

فاركت   ابني    العمره ست اشهور

بعده   بكماطه    من النحر منحور

هاي المصيبه      صارت   بعاشور

راح عبد الله  وحظني ظل مهجور

ونفطم بسهام
وبالمكابر  نام

من فكدت ابني     دهري عذبني

✍العلويه ام نور الميسانيه

►✺┅●✥💠✥●┅✺◄

حضــني يتنطر    ترد  ويشيلك

يالولـــــد يبني   لســه اناغيلك

المهـــد يبچي    مـــن الوليلك

دمعي دم يجري   وانـه انعيلك

مـــــن حليبي ايدر
گلــــــــبي يتحسر

من فگدت ابني  دهـري عذبني

✍️الشاعره شيماء ام نور
►✺┅●✥💠✥●┅✺◄

انعي وبجي  عليك مابطل وني

حرمله صاباك     وبيك   لوعني

مكابله مهدك     حيـل      المنـي

نحرك المصيوب     والله عذبني

سلوتي بدنياي
تيهيت الراي

من فكدت ابني.  من فكدت ابني

ام حيدر العبادي ناصريه
►✺┅●✥💠✥●┅✺◄
يا زغير  امك  ولكلبي شمامه

من رحت لليوم ليلي  مانامه

الدهر صوبني صوابه ع الهامه
تدري  اليفارك    توحشه  ايامه

ليش   يوليدي
تروح من ايدي

من  فكدت  ابني     دهري عذبني

✍🏻 ام علي الجابريه ام ابيها

►✺┅●✥💠✥●┅✺◄

من افــز ليــلي  شلون ياحالي

در حليــب ابني  والمهد خالي

بالحلم شفته  وحتى بخــيالي

بياذنب مذبوح وليدي بالتالي

حسين من جابه
دمـوعه سچابــه

من فگدت ابني،،،دهري عذبني

أم صـــ✍️ـــــادق المنصوري

►✺┅●✥💠✥●┅✺◄

يالولد يــبني  مني  لیش اتــــروح

ماگلت امي  اتظل علــــیه اتنــوح

وكلبي اخلافك  إنـــمله  بــجروح 

وسفه  ياولـيدي  من صغر مذبوح

خیبت ضني
کثرت ونـــي

من فگدت ابني  دهري  عذبني

✍️ علویه ام فاضل موسوی

►✺┅●✥💠✥●┅✺◄

زغير المذبوح   جاشنــهي   ذنبك
ياذنب سويت  واشـــتكي  ربـــك
عمره ست شهور وبسهم صابـــك
بلعمر شلـــــــي يلـــــــولد بعــدك
ونسة صيوان
ذبحته العدوان
من فگدت ابني.    دهري عذبني

✍العلويه  ام  علي

►✺┅●✥💠✥●┅✺◄
تمت بعون الله تعالى باقلام
شاعرات اهل البیت عليهم السلام في رابطة دموع العقیله عليها السلام بإشراف الخطيبة والناعية الحسينية العلوية أم نور الميسانية
لانجيز حذف الاسماء✋
🙏🏻نسالكم الدعاء
https://www.tg-me.com/Aleulawiuhamnuwr