ادعوكَ ربي بلسان المُظطر
بِجعفرٍ بِجعفرٍ بِجعفر
اجعلني خادم الحسين
اجعلني خادم الحسين
...
الهي بجاه الامهدم مقامه
توجني بشرف تاج الخدامه
واضل خادم حسيني للقيامه
كرامه وياهو يوصل هالكرامه

بِفاطمٍ وضِلعُها المُكَسر
بِجعفرٍ بِجعفرٍ بِجعفر
اجعلني خادم الحسين
اجعلني خادم الحسين
...
الهي اقريت كل قصه وروايه
لكيت احسين سلطان البرايه
الهي اجعلني باكي عالسبايه
واشك ثوبي واسوي الثوب رايه

كَعابسٍ بالعشقِ أو كَقنبر
بِجعفرٍ بِجعفرٍ بِجعفر
اجعلني خادم الحسين
اجعلني خادم الحسين
...
الهي بشيبة الصادق وجبده
مااعيشن بدونه ساعه وحده
احسين الخير كل الخير عنده
أمرنه باتباعه النبي جده

وَقولهُ على الملأ تَكرر
بِجعفرٍ بِجعفرٍ بِجعفر
اجعلني خادم الحسين
اجعلني خادم الحسين
...
الهي اجعلني للضامي مناصر
اريد اشبع لطم وامشيله زائر
واحس ابصدري دوسات الحوافر
واموت وآنه اباوع عالمناير

وَفي طريقٌ الحرمينِ أُقبَر
بٌجعفرٍ بِجعفرٍ بِجعفر
اجعلني خادم الحسين
اجعلني خادم الحسين
....
الامام الصادق اهواي بخطابه
يكول ابجو عله احسين ومصابه
حركو خيمته وسلبو ثيابه
وزينب كعدوهه بالخرابه

فالبحرُ دَمعّ والسماءُ مِنبَر
بِجعفرٍ بِجعفرٍ بٍجعفر
اجعلني خادم الحسين
اجعلني خادم الحسين
...
الهي ايفرح الصادق بكائي
عليل وبوسة المنبر دوائي
واريد الزهره تتقبل عزائي
وتسجلني حسيني كربلائي

والساقي في يومُ الحسابِ حيدر
بِجعفرٍ بِجعفرٍ بِجعفر
اجعلني خادم الحسين
اجعلني خادم الحسين
...

محمد الجماسي
#اللهم_عجل_لوليك_الفرج

ياعلي ابن موسى الرضا
...
امامي غرامي وهيامي
يبو احلى الاسامي
الولاده عباده وسعاده
كرم والله وزياده

كبل مااذكر اسمك يا حناني
سبع مرات يتوضه لساني
محب لزيارتك يالضامن آني
واليه بمشهدك اجمل اماني
اشوكت هذا الحلم
جوازي ينختم .. وازورك سيدي
ياعلي بن موسى الرضا
...
اكلمك ارسمك واشمك
عبد خليني يمك
ربيبك حبيبك قريبك
واصير ابن شبيبك

وتسولفلي عله احسين وجماله
وتظمني مثل ذيچ الغزاله
اشاره انطيني منك لورساله
يعيد الخير وامتاني هلاله

ضريحك كعبتي
اعله بابك سجدتي..يسلطان العشك
ياعلي بن موسى الرضا
...
ودادي ومرادي وانادي
الرضه سر اعتقادي
يجنه ومحنه تلمنه
الك هذا حفلنه

علكنه اشموعنه بضوء المناره
ولادة حظرتك اول بشاره
البشاره الثانيه انريد الزياره
تجاره حبك ومابي خساره

نريدك ياسحر
تسهل هالامر.. والفرحه تكتمل
ياعلي بن موسى الرضا
....
تهاني وأماني وصواني
شمع جايبلك آني
حظوري سروري الشعوري
يمن بيدك اموري

حظوري ابمحفلك واجب عليه
يبو الكبه الجميله الرضويه
الليله اربعطش شمعه ضويه
تنور اكلوب كل الجعفريه

يكامل بالوصف
احبك واعترف... مالكني بالغرام
ياعلي ابن موسى الرضا
....
مزارك مدارك مبارك
واريد اسكن جوارك
زماني نفاني ولواني
دخيل اعيونك آني

العاشك أنته محبوبه وانيسه
تشوفه الوحده وتصبح جليسه
العالم كله حب وانته رئيسه
حنانك يالرؤوف اشلون اقيسه

يرحمه أمن السمه
يشمعة فاطمه.. بابك يضل مناي
ياعلي ابن موسى الرضا
...

اللهم عجل لوليك الفرج

محمد الجماسي

الحب الحقيقي الصدگ
لاهل الفكر دستور

موحب مجرد ونس
وساعة طلوع الشمس
يتكشف المستور

حب بي عباده وشرف
مابي ابد محذور

الحب اليترسك ندم
وايطيحك بمشكله
أنته مخيّر تره
واعليه مامجبور

والليله اجمل خبر
زفته أملاك السمه
قم يانبينه بعجل
زوج علي وفاطمه
النور من النور
......
بالاحداث اريدنك ...عليمن
نزل جبريل لوتدري ..عليمن
المحمد گاله زوج ..علي من
الزهره ونورهم شعشع سويه...