الحب الحقيقي الصدگ
لاهل الفكر دستور

موحب مجرد ونس
وساعة طلوع الشمس
يتكشف المستور

حب بي عباده وشرف
مابي ابد محذور

الحب اليترسك ندم
وايطيحك بمشكله
أنته مخيّر تره
واعليه مامجبور

والليله اجمل خبر
زفته أملاك السمه
قم يانبينه بعجل
زوج علي وفاطمه
النور من النور
......
بالاحداث اريدنك ...عليمن
نزل جبريل لوتدري ..عليمن
المحمد گاله زوج ..علي من
الزهره ونورهم شعشع سويه...

لحن قصيدة لبيك اللهم حيدر السعد
محمد الجماسي

اوبريت الغدير الذي أقيم في بغداد/ ملعب المدينة
2024لاهالي بغداد الكرام
وبصوت نخبة من الرواديد الحسينين
كلمات الفصيح/الشاعر القدير علي عسيلي
العاملي
كلمات الشعبي/ الشاعر محمد الجماسي
ومن الله التوفيق

أمير الحب  ميثم
شهيد العشق والدم
...
طريق  السالك العارف طريقك اشوفه
وعلي بوجدانك امطرز كلامه وحروفه
الى ان ذوبت روحك ابروحه العطوفه
ومكان البي علي ايصلي تشمه وتطوفه

فَسمّاك المُتيّم
شهيد العشق والدم
...
علي الخلاك تلميذه الواعي وصديقه
وسِلَم عالم المعنى رسملك  طريقه
ضل ايعبأ ابصدرك كنوز الحقيقه
والمعشوق ياميثم يحن العشيقه

فياقطرة في يم
شهيد العشق والدم

....
شبيه الشيِّ للشيِّ يصير انجذابه
علي وايئانسك ذكره وترافة خطابه
لحد ماكلبك اتمزق ستاره وحجابه 
وبقيت اتشاهد الدنيه أعله جنح الذبابه

بقرب الله تنعم
شهيد العشق والدم
....

اشوفك تسقي بالنخله يطود العباده
كأنك عيسى ابن مريم وصليبك سعاده
يصاحب حيدر وحيدر تهيم ابوداده
أما النصر كلتلهم وأما الشهاده

فياجرحٌ تكلّم
شهيد العشق والدم
...
يالتمار يالاسمك بعيوني نقشته
ميمك ماوراء الشي ابيقينك كشفته
وينبوع العشك ياءك وابكصتك حفرته
ثاءك ثورة عالضالم والكرسي الكلبته
عليك الله سلّم
شهيد العشق والدم
...
ياميثم الك أولاد مشو عالولايه
شعيب وصالح وسلمان نجوم الهدايه
يالعلّمك داحي الباب علوم المنايه
يالتمار والقران تفسره بدرايه

من اللاهوتِ مُلهم
شهيدُ العشقِ والدم
....
ابن زياد ياميثم علنلك عدائه
رادك من علي تعلن قرار البرائه
كتله أصلبني والعاشك يضل ابوفائه
وبايعناك ياحيدر يخط ابدمائه

بك الحق تجسّم
شهيدُ العشقِ والدم