لم أرى اصحاباً مثل أصحابي
لم أرى ... مثل السبعين الوياي
لم أرى ... واحد في اوّاحد ماي
لم أرى ... هيج أنصار بكل دنياي
ياحي الله الزلم
ــــــــــــــــــــــــــــــــــــــ
ساجدين عابدين عاكفين بالخيم
قانتين حامدين شاكرين للنعم
هايمين عاشگين حافظين الذمم
بالظلمه بقو يضوون .. يامحله اساميهم
صارولي درع واسلاح .. كون الله يجازيهم
عابس وي حبيب وجون .. فرحت كربله بيهم
ياعلي ... بالگومه وگعده اينادون
ياعلي ... عِميان وانته النه اعيون
ياعلي ... احفظ عابس واحفظ جون
منهم والله ونعم
ــــــــــــــــــــــــــــــــــــــ
ياجمال يادلال بالرجال ياعشگ
الغيوم والنجوم بالهجوم تحترگ
الرياح والصفاح والرماح تختنگ
خلوهه جثث و ارگاب .. تتطاير مثل دخان
لبسو عالدروع اگلوب .. شگو بالعشگ قمصان
واحدهم مناره اتگول .. والسيف البديه اذان
هل أتى ... عالعـالم مثل الأنصار
هل أتى ... حيدر وبچفه الفقار
هل أتى ... زلزال ويخطف ابصار
والعاند ينثلم
ــــــــــــــــــــــــــــــــــــــ
اتقياء انقياء شهداء كربله
اشگد كرام بالهيام بالقيام زلزله
چن بدور تضوي نور والنحور قافله
چنهم راحو ايحجّون .. والكعبه مخيمنه
گالو ابتشر يحسين .. فدوه الرحمتك دمنه
لو عفناك ابو السجاد .. الله مايقيمنه
نرتقي ... وانسافر اوياك أرواح
نرتقي ... والحب للجنه الـمفتاح
نرتقي ... واندوس ابخشم الذباح
الموته بدربك حلم
ــــــــــــــــــــــــــــــــــــــ
چن حبيب القريب المجيب للوفه
شيبه صار بس وقار گلبه نار ماطفه
صح چبير بس امير زمهرير عاصفه
ونافع هذا ابن هلال .. جنه هلال عيد الله
وهذا اسلم التركي .. الـمحّد گدر يوصله
لوحجاج إبن مسروق .. الوياي الظهر صلّه
هكذا ... للصاحب توفي الصحبان
هكذا ... اصحابي الكلهم شجعان
هكذا ... عـاشو احياء وللآن
خالد ظل هالاسم
ــــــــــــــــــــــــــــــــــــــ
احچي اريد عالشهيد عن سعيد الحنفي
درعي صار دمه حار صدره فار الوفـي
أمن الحياة بالصلاة والنجاة مكتفي
صليت الظهر بيهم .. وهوه الساتر اگبالي
اسهام ايصدهن بصدره .. يعرفني صدگ غالي
ماخله السهـام اتمس .. لا جسمي ولا اخيالي
صامداً ... وايصد ابجسمه الرميات
صامداً ... قرآن وينزف آيات
صامداً ... والدم صار إبطوله ومات
أشهم من الشهم
ــــــــــــــــــــــــــــــــــــــ
عالتراب الصحاب واكتئاب بالگلب
وين اروح بس جروح مالي روح عالغرب
گمت أصيح گمت اطيح لاي ذبيح اقترب
مالي قد أراكم هيچ .. نومه وماتحاچوني
ياهل الغيره والوجدان .. وحدي لا تخلوني
گومولي جزاكم خير .. نشفو دمعة اعيوني
يابلاء ... أكثر من فگد الصحبان
يابلاء ... انتظره ابموت الخوّان
يابلاء ... أعظم من سبي النسوان
وراسي إيودع الجسم
محمد الجماسي
#اللهم_عجل_لوليك_الفرج
لم أرى ... مثل السبعين الوياي
لم أرى ... واحد في اوّاحد ماي
لم أرى ... هيج أنصار بكل دنياي
ياحي الله الزلم
ــــــــــــــــــــــــــــــــــــــ
ساجدين عابدين عاكفين بالخيم
قانتين حامدين شاكرين للنعم
هايمين عاشگين حافظين الذمم
بالظلمه بقو يضوون .. يامحله اساميهم
صارولي درع واسلاح .. كون الله يجازيهم
عابس وي حبيب وجون .. فرحت كربله بيهم
ياعلي ... بالگومه وگعده اينادون
ياعلي ... عِميان وانته النه اعيون
ياعلي ... احفظ عابس واحفظ جون
منهم والله ونعم
ــــــــــــــــــــــــــــــــــــــ
ياجمال يادلال بالرجال ياعشگ
الغيوم والنجوم بالهجوم تحترگ
الرياح والصفاح والرماح تختنگ
خلوهه جثث و ارگاب .. تتطاير مثل دخان
لبسو عالدروع اگلوب .. شگو بالعشگ قمصان
واحدهم مناره اتگول .. والسيف البديه اذان
هل أتى ... عالعـالم مثل الأنصار
هل أتى ... حيدر وبچفه الفقار
هل أتى ... زلزال ويخطف ابصار
والعاند ينثلم
ــــــــــــــــــــــــــــــــــــــ
اتقياء انقياء شهداء كربله
اشگد كرام بالهيام بالقيام زلزله
چن بدور تضوي نور والنحور قافله
چنهم راحو ايحجّون .. والكعبه مخيمنه
گالو ابتشر يحسين .. فدوه الرحمتك دمنه
لو عفناك ابو السجاد .. الله مايقيمنه
نرتقي ... وانسافر اوياك أرواح
نرتقي ... والحب للجنه الـمفتاح
نرتقي ... واندوس ابخشم الذباح
الموته بدربك حلم
ــــــــــــــــــــــــــــــــــــــ
چن حبيب القريب المجيب للوفه
شيبه صار بس وقار گلبه نار ماطفه
صح چبير بس امير زمهرير عاصفه
ونافع هذا ابن هلال .. جنه هلال عيد الله
وهذا اسلم التركي .. الـمحّد گدر يوصله
لوحجاج إبن مسروق .. الوياي الظهر صلّه
هكذا ... للصاحب توفي الصحبان
هكذا ... اصحابي الكلهم شجعان
هكذا ... عـاشو احياء وللآن
خالد ظل هالاسم
ــــــــــــــــــــــــــــــــــــــ
احچي اريد عالشهيد عن سعيد الحنفي
درعي صار دمه حار صدره فار الوفـي
أمن الحياة بالصلاة والنجاة مكتفي
صليت الظهر بيهم .. وهوه الساتر اگبالي
اسهام ايصدهن بصدره .. يعرفني صدگ غالي
ماخله السهـام اتمس .. لا جسمي ولا اخيالي
صامداً ... وايصد ابجسمه الرميات
صامداً ... قرآن وينزف آيات
صامداً ... والدم صار إبطوله ومات
أشهم من الشهم
ــــــــــــــــــــــــــــــــــــــ
عالتراب الصحاب واكتئاب بالگلب
وين اروح بس جروح مالي روح عالغرب
گمت أصيح گمت اطيح لاي ذبيح اقترب
مالي قد أراكم هيچ .. نومه وماتحاچوني
ياهل الغيره والوجدان .. وحدي لا تخلوني
گومولي جزاكم خير .. نشفو دمعة اعيوني
يابلاء ... أكثر من فگد الصحبان
يابلاء ... انتظره ابموت الخوّان
يابلاء ... أعظم من سبي النسوان
وراسي إيودع الجسم
محمد الجماسي
#اللهم_عجل_لوليك_الفرج
العشگ عباده
حيّ عالشهاده يالانصار
ــــــــــــــــــــــــــــــــــــــ
اصطفو من اجل الصلاة احسين قد قام العزم
وكربله اطلابه چبيره والعرك بس للزلم
بالبيارغ هوسوله وللحرب شدّو حزم
مومهمه الدنيه كلهه احسين بس هوه المهم
ماخلص مداده
حيّ عالشهاده يالانصار
ــــــــــــــــــــــــــــــــــــــ
البشر مهما يعمّر يجي يوم الموتته
بس دجيب اليفهملهه ومايثگل خطوته
اكو ماوفقهم الله للحسين ونصرته
وانتم الصنتو الامانه والتحقتو ابثورته
والمنادي ناده
حيّ عالشهاده يالانصار
ــــــــــــــــــــــــــــــــــــــ
واحد وسبعين شيبه خضبوهه امن الدمه
الناس فوگ الگاع تمشي والشهيد اعله السمه
هايه جنه امن الكرامه وهايه حّسن الخاتمه
علي الايروي عطشكم والشفيعه فاطمه
والقتل سعاده
حيّ عالشهاده يالانصار
ــــــــــــــــــــــــــــــــــــــ
بالحشر لامام ينفع لا ولا تنفع بنين
اله حب حامي الحميه الينفع وحب الحسين
الما نصر هاي العقيده يعتبر ماعنده دين
ياحبيب ابن مظاهر انته شيخ العاشگين
وانته ابو الاراده
حيّ عالشهاده يالانصار
ــــــــــــــــــــــــــــــــــــــ
يالله ياعابس اجتك فرصه هاي امن الذهب
گوم شگلهه قميصك والذبح كلش وجب
وينه جون الكله غيره واسلم التركي اووهب
احسين لو باوع عليكم ينمسح منه التعب
گومو للقياده
حيّ عالشهاده يالانصار
ــــــــــــــــــــــــــــــــــــــ
هدو السبعين كلكم عاصفه ابنص البحر
الله باعلهم رحمته واشتروهه بالنحر
صفّو الرايه اعله رايه شدو الظهر بظهر
الزاد حبهم للحسين وراحو بأجمل سفر
حققو مراده
حيّ عالشهاده يالانصار
محمد الجماسي
#اللهم_عجل_لوليك_الفرج
حيّ عالشهاده يالانصار
ــــــــــــــــــــــــــــــــــــــ
اصطفو من اجل الصلاة احسين قد قام العزم
وكربله اطلابه چبيره والعرك بس للزلم
بالبيارغ هوسوله وللحرب شدّو حزم
مومهمه الدنيه كلهه احسين بس هوه المهم
ماخلص مداده
حيّ عالشهاده يالانصار
ــــــــــــــــــــــــــــــــــــــ
البشر مهما يعمّر يجي يوم الموتته
بس دجيب اليفهملهه ومايثگل خطوته
اكو ماوفقهم الله للحسين ونصرته
وانتم الصنتو الامانه والتحقتو ابثورته
والمنادي ناده
حيّ عالشهاده يالانصار
ــــــــــــــــــــــــــــــــــــــ
واحد وسبعين شيبه خضبوهه امن الدمه
الناس فوگ الگاع تمشي والشهيد اعله السمه
هايه جنه امن الكرامه وهايه حّسن الخاتمه
علي الايروي عطشكم والشفيعه فاطمه
والقتل سعاده
حيّ عالشهاده يالانصار
ــــــــــــــــــــــــــــــــــــــ
بالحشر لامام ينفع لا ولا تنفع بنين
اله حب حامي الحميه الينفع وحب الحسين
الما نصر هاي العقيده يعتبر ماعنده دين
ياحبيب ابن مظاهر انته شيخ العاشگين
وانته ابو الاراده
حيّ عالشهاده يالانصار
ــــــــــــــــــــــــــــــــــــــ
يالله ياعابس اجتك فرصه هاي امن الذهب
گوم شگلهه قميصك والذبح كلش وجب
وينه جون الكله غيره واسلم التركي اووهب
احسين لو باوع عليكم ينمسح منه التعب
گومو للقياده
حيّ عالشهاده يالانصار
ــــــــــــــــــــــــــــــــــــــ
هدو السبعين كلكم عاصفه ابنص البحر
الله باعلهم رحمته واشتروهه بالنحر
صفّو الرايه اعله رايه شدو الظهر بظهر
الزاد حبهم للحسين وراحو بأجمل سفر
حققو مراده
حيّ عالشهاده يالانصار
محمد الجماسي
#اللهم_عجل_لوليك_الفرج
شيخ المراجل
ياهلا بشيخ المراجل
ياهلا ياهلا
ــــــــــــــــــــــــــــــــــــــ
ليش بالميدان هزه ايده حبيب
الجيش بالسبعين الف ماعاجبه
لو نفخ بيهه السره الاول يطيح
واليمس الخيمه يسحگ شاربه
طـبهه خيّال .. والاجبال .. يهزهه بكيفه
امعلم ايدوس .. عله الروس .. گظاهه بسيفه
ياهلا بعم ابوفاضل ياهلا ياهلا
ــــــــــــــــــــــــــــــــــــــ
امشيبات ارموشه بس يكسر ركاب
هيبه واتخاف الزلم تدناله
البياض ابلحيته ابلون الخيام
امحزم ويكسر سلف بخياله
ابعلو الاعگال .. والاثگال .. كسرهه ابصوته
الصوب الاكبور .. بالالاف .. تجر الموته
ياهلا بسبع القبايل ياهلا ياهلا
ــــــــــــــــــــــــــــــــــــــ
انته اخذلك هيجي زلمه وابن ابوه
خزرته اتطيح عگل بالحومه
طب عليهم مثل حيدر يالفقار
وگام خيرهم يذب اهدومه
شـرّد الخيل .. يسجيل .. غضب طبراته
عمره تسعين .. والاحسين .. يحب شيباته
ياهلا بعطر المحامل ياهلا ياهلا
ــــــــــــــــــــــــــــــــــــــ
هذا ابن ظاهر صدگ صاحب صحيب
وهيچ ابواليمه يحب صحبانه
الشايب اتظل ترجف اجدامه واديه
وهوه نگعهه بعلي ذرعانه
زلمه عرّاك .. علي اوياك .. يگله احسينه
زلزل الگاع .. والاسباع .. تفر من عينه
ياهلا بحلو الشمايل ياهلا ياهلا
ــــــــــــــــــــــــــــــــــــــ
لو علن هوه وابو فاضل هجوم
والحرب ظهر ابظهر دگوله
چان مثل الغيمه مطرو للحسين
ومشرعه ابصف مشرعه يحفروله
من يهدون .. يصيرون .. قيامه ومحشر
ماتضل شام .. اذا گام .. حبيب اموّزر
ياهلا بشيب الاوائل ياهلا ياهلا
ــــــــــــــــــــــــــــــــــــــ
مايموت اسمه اللزم ظهر الحسين
الله سواهن طويله ايامه
الف واربعمية عام اسمك حبيب
ومن نذكره ايفرح اللطامه
واليلطمون .. يگولون .. هله بطاريه
ماتكفيك .. يمولاي .. الف لطميه
ياهلا وتضوي المشاعل ياهلا ياهلا
محمد الجماسي
#اللهم_عجل_لوليك_الفرج
ياهلا بشيخ المراجل
ياهلا ياهلا
ــــــــــــــــــــــــــــــــــــــ
ليش بالميدان هزه ايده حبيب
الجيش بالسبعين الف ماعاجبه
لو نفخ بيهه السره الاول يطيح
واليمس الخيمه يسحگ شاربه
طـبهه خيّال .. والاجبال .. يهزهه بكيفه
امعلم ايدوس .. عله الروس .. گظاهه بسيفه
ياهلا بعم ابوفاضل ياهلا ياهلا
ــــــــــــــــــــــــــــــــــــــ
امشيبات ارموشه بس يكسر ركاب
هيبه واتخاف الزلم تدناله
البياض ابلحيته ابلون الخيام
امحزم ويكسر سلف بخياله
ابعلو الاعگال .. والاثگال .. كسرهه ابصوته
الصوب الاكبور .. بالالاف .. تجر الموته
ياهلا بسبع القبايل ياهلا ياهلا
ــــــــــــــــــــــــــــــــــــــ
انته اخذلك هيجي زلمه وابن ابوه
خزرته اتطيح عگل بالحومه
طب عليهم مثل حيدر يالفقار
وگام خيرهم يذب اهدومه
شـرّد الخيل .. يسجيل .. غضب طبراته
عمره تسعين .. والاحسين .. يحب شيباته
ياهلا بعطر المحامل ياهلا ياهلا
ــــــــــــــــــــــــــــــــــــــ
هذا ابن ظاهر صدگ صاحب صحيب
وهيچ ابواليمه يحب صحبانه
الشايب اتظل ترجف اجدامه واديه
وهوه نگعهه بعلي ذرعانه
زلمه عرّاك .. علي اوياك .. يگله احسينه
زلزل الگاع .. والاسباع .. تفر من عينه
ياهلا بحلو الشمايل ياهلا ياهلا
ــــــــــــــــــــــــــــــــــــــ
لو علن هوه وابو فاضل هجوم
والحرب ظهر ابظهر دگوله
چان مثل الغيمه مطرو للحسين
ومشرعه ابصف مشرعه يحفروله
من يهدون .. يصيرون .. قيامه ومحشر
ماتضل شام .. اذا گام .. حبيب اموّزر
ياهلا بشيب الاوائل ياهلا ياهلا
ــــــــــــــــــــــــــــــــــــــ
مايموت اسمه اللزم ظهر الحسين
الله سواهن طويله ايامه
الف واربعمية عام اسمك حبيب
ومن نذكره ايفرح اللطامه
واليلطمون .. يگولون .. هله بطاريه
ماتكفيك .. يمولاي .. الف لطميه
ياهلا وتضوي المشاعل ياهلا ياهلا
محمد الجماسي
#اللهم_عجل_لوليك_الفرج
صاح النهر..هذا منو الكله غيره
صاح النهر..واجفوفه يسون عشيره
يشبه علي من اجاني
بيده لزمني وچواني
للخيمه ازحف خذاني..كله غيره
ــــــــــــــــــــــــــــــــــــــ
هيبه وطوله..شايل شموخ المناره
كلهم شردو..بس هوه ضل بالصداره
مثل حيدر قتاله
كسر جيش بخياله..جبل جبل ماوگع
وگف وگفة مراجل
رغم كل الزلازل..جبل جبل ماوگع
اذا جر النفس رزق الهوه ايكطعه
رفس بطن الخميس وطلع الجمعه
ابن حيدر علي چا ياهو الايمنعه
والگنطره..ليهسه كاسر ضهرهه
والگنطره.. رغم الشوارب عبرهه
الزينب هديه اشتراني
بيده لزمني وچواني
للخيمه ازحف خذاني..كله غيره
ــــــــــــــــــــــــــــــــــــــ
يابس ريجه..بس ماشرب مني گطره
الرايه آيه..والريشه الابراسه حظره
العده لمن اجاهم
أضن يمكن خذاهم .ركض ركض للنجف
بقه البالشجره لابد
وهذاكه المنه شارد..ركض ركض للنجف
غرفني بچفه وبسرعه انخبط لوني
وينادي بكبريائه يانفس هوني
اريدن گبل ابواليمه يذبحوني
كاتب اجه..عالرايه زينب اميره
كاتب اجه.. زينب اخيتي الچبيره
هيچي قريته وقراني
بيده لزمني وچواني
للخيمه ازحف خذاني..كله غيره
ــــــــــــــــــــــــــــــــــــــ
فارس لابس.. زي الوفه المجتبائي
احسينه بعينه..عباس اجه الكربلائي
ابوالنظره المخيفه
هزم جيش السقيفه..هله هله بغيرته
لون ترهم گمتله
وعلي جا صفگتله... هله هله بغيرته
يماي أيگلي لاتتكبر اعلينه
عطش عبدالله اذانه ويچّوينه
فراتك كله ميعادل رمش عينه
گتله وعلي.. لوبيدي چان ازحفلكم
گتله وعلي..اتشرف ادخل خيمكم
كون آنه يابس لساني
بيده لزمني وچواني
للخيمه ازحف خذاني..كله غيره
ــــــــــــــــــــــــــــــــــــــ
وحده اتحده..جيش الوگف عالشريعه
ابكيفه وسيفه.. طبراته كلش سريعه
واضن كلمن يلوحه
ابجهنم يلگه روحه.. صدگ صدگ هاشمي
ترَبّه اعله البطوله
مناره بحظره طوله..صدگ صدگ هاشمي
زغير وگطّع إگماطه يعرفونه
اشكثر أهل الأدب رادود يوصفونه
جمال الدنيه كله بنظرة اعيونه
حته الضوه.. واگف يجدّي اعله بابه
حته الضوه.. من گبته ماخذ مهابه
محتاره بيه المعاني
بيده لزمني وچواني
للخيمه ازحف خذاني.. كله غيره
ــــــــــــــــــــــــــــــــــــــ
طبهه وشبهه..وماناده هل من مبارز
بيهم ناده.. هاليوم اطشر الجنايز
ابوفاضل اجاكم
گمر هاشم دواكم.. سبع سبع كربله
كأنه الموت الاحمر
اليطگه يبقه يفتر..سبع كربله
يدوخ الگابله ومايلگه مشراده
يدوّر عالثگال ويذبح القاده
يعم الساده بيك افتخرت الساده
عالمشرعه..اثخان الشوارب سحگهه
عالمشرعه.. الهامه بالهامه طگهه
ومن كل جهاته احتواني
بيده لزمني وچواني
للخيمه ازحف خذاني..كله غيره
محمد الجماسي
#اللهم_عجل_لوليك_الفرج
صاح النهر..واجفوفه يسون عشيره
يشبه علي من اجاني
بيده لزمني وچواني
للخيمه ازحف خذاني..كله غيره
ــــــــــــــــــــــــــــــــــــــ
هيبه وطوله..شايل شموخ المناره
كلهم شردو..بس هوه ضل بالصداره
مثل حيدر قتاله
كسر جيش بخياله..جبل جبل ماوگع
وگف وگفة مراجل
رغم كل الزلازل..جبل جبل ماوگع
اذا جر النفس رزق الهوه ايكطعه
رفس بطن الخميس وطلع الجمعه
ابن حيدر علي چا ياهو الايمنعه
والگنطره..ليهسه كاسر ضهرهه
والگنطره.. رغم الشوارب عبرهه
الزينب هديه اشتراني
بيده لزمني وچواني
للخيمه ازحف خذاني..كله غيره
ــــــــــــــــــــــــــــــــــــــ
يابس ريجه..بس ماشرب مني گطره
الرايه آيه..والريشه الابراسه حظره
العده لمن اجاهم
أضن يمكن خذاهم .ركض ركض للنجف
بقه البالشجره لابد
وهذاكه المنه شارد..ركض ركض للنجف
غرفني بچفه وبسرعه انخبط لوني
وينادي بكبريائه يانفس هوني
اريدن گبل ابواليمه يذبحوني
كاتب اجه..عالرايه زينب اميره
كاتب اجه.. زينب اخيتي الچبيره
هيچي قريته وقراني
بيده لزمني وچواني
للخيمه ازحف خذاني..كله غيره
ــــــــــــــــــــــــــــــــــــــ
فارس لابس.. زي الوفه المجتبائي
احسينه بعينه..عباس اجه الكربلائي
ابوالنظره المخيفه
هزم جيش السقيفه..هله هله بغيرته
لون ترهم گمتله
وعلي جا صفگتله... هله هله بغيرته
يماي أيگلي لاتتكبر اعلينه
عطش عبدالله اذانه ويچّوينه
فراتك كله ميعادل رمش عينه
گتله وعلي.. لوبيدي چان ازحفلكم
گتله وعلي..اتشرف ادخل خيمكم
كون آنه يابس لساني
بيده لزمني وچواني
للخيمه ازحف خذاني..كله غيره
ــــــــــــــــــــــــــــــــــــــ
وحده اتحده..جيش الوگف عالشريعه
ابكيفه وسيفه.. طبراته كلش سريعه
واضن كلمن يلوحه
ابجهنم يلگه روحه.. صدگ صدگ هاشمي
ترَبّه اعله البطوله
مناره بحظره طوله..صدگ صدگ هاشمي
زغير وگطّع إگماطه يعرفونه
اشكثر أهل الأدب رادود يوصفونه
جمال الدنيه كله بنظرة اعيونه
حته الضوه.. واگف يجدّي اعله بابه
حته الضوه.. من گبته ماخذ مهابه
محتاره بيه المعاني
بيده لزمني وچواني
للخيمه ازحف خذاني.. كله غيره
ــــــــــــــــــــــــــــــــــــــ
طبهه وشبهه..وماناده هل من مبارز
بيهم ناده.. هاليوم اطشر الجنايز
ابوفاضل اجاكم
گمر هاشم دواكم.. سبع سبع كربله
كأنه الموت الاحمر
اليطگه يبقه يفتر..سبع كربله
يدوخ الگابله ومايلگه مشراده
يدوّر عالثگال ويذبح القاده
يعم الساده بيك افتخرت الساده
عالمشرعه..اثخان الشوارب سحگهه
عالمشرعه.. الهامه بالهامه طگهه
ومن كل جهاته احتواني
بيده لزمني وچواني
للخيمه ازحف خذاني..كله غيره
محمد الجماسي
#اللهم_عجل_لوليك_الفرج
ياحي الله العباس..طگاهم راس ابراس
ــــــــــــــــــــــــــــــــــــــ
ياهله بشيخ المراجل ياهله
راضع الغيره وصفاته امعدله
سيفه بالميدان مثل الزلزله
بالفخر والزود تارس كربله
والمايشرد ينداس..طگاهم راس ابراس
ــــــــــــــــــــــــــــــــــــــ
زلمه والسبعين طشرهم سوه
وكامت الوادم تدور عالهوه
زينب اتگله يشيال اللوه
خويه بالضلمه اريدنك ضوه
وخدر اختك ماينجاس... طگاهم راس ابراس
ــــــــــــــــــــــــــــــــــــــ
علي لو سموه قالع خيبره
ابوفاضل اسمه سبع الگنطره
هذا ابن ام البنين المفخره
بالسبع مرات جاب المي تره
غصبن عن الارجاس..طگاهم راس ابراس
ــــــــــــــــــــــــــــــــــــــ
الماحناله الراس يگطعله النسل
ينتقم لو يسمع ابطاري الحبل
يطوي بالحومه مثل طي السجل
وبالطبر ميزان يقسم بالعدل
گاطع حته الانفاس..طگاهم راس ابراس
ــــــــــــــــــــــــــــــــــــــ
امه ذيچ ام الوفه من وصته
يبني ياسبع الگناطر نادته
خلي بالك عالحجاب وهيبته
اويانه زينب مو قليل السوته
خل اسمع صوت احساس..طگاهم راس ابراس
ــــــــــــــــــــــــــــــــــــــ
هذا ابن حيدر امير المؤمنين
بالولاده قبل اچفوف الثنين
ابوفاضل هم شجاع وهم حنين
والنعم من تربية ام البنين
صاحب غيره ونوماس..طگاهم راس ابراس
ــــــــــــــــــــــــــــــــــــــ
وللحوائج صاير العباس باب
چم مريض ابحظرته ياشيعه طاب
امگطعه اجفوفه ويوزع بالثواب
ابوفاضل ماي والعالم سراب
هذا الزلمه الفراس..طگاهم راس براس
محمد الجماسي
#اللهم_عجل_لوليك_الفرج
ــــــــــــــــــــــــــــــــــــــ
ياهله بشيخ المراجل ياهله
راضع الغيره وصفاته امعدله
سيفه بالميدان مثل الزلزله
بالفخر والزود تارس كربله
والمايشرد ينداس..طگاهم راس ابراس
ــــــــــــــــــــــــــــــــــــــ
زلمه والسبعين طشرهم سوه
وكامت الوادم تدور عالهوه
زينب اتگله يشيال اللوه
خويه بالضلمه اريدنك ضوه
وخدر اختك ماينجاس... طگاهم راس ابراس
ــــــــــــــــــــــــــــــــــــــ
علي لو سموه قالع خيبره
ابوفاضل اسمه سبع الگنطره
هذا ابن ام البنين المفخره
بالسبع مرات جاب المي تره
غصبن عن الارجاس..طگاهم راس ابراس
ــــــــــــــــــــــــــــــــــــــ
الماحناله الراس يگطعله النسل
ينتقم لو يسمع ابطاري الحبل
يطوي بالحومه مثل طي السجل
وبالطبر ميزان يقسم بالعدل
گاطع حته الانفاس..طگاهم راس ابراس
ــــــــــــــــــــــــــــــــــــــ
امه ذيچ ام الوفه من وصته
يبني ياسبع الگناطر نادته
خلي بالك عالحجاب وهيبته
اويانه زينب مو قليل السوته
خل اسمع صوت احساس..طگاهم راس ابراس
ــــــــــــــــــــــــــــــــــــــ
هذا ابن حيدر امير المؤمنين
بالولاده قبل اچفوف الثنين
ابوفاضل هم شجاع وهم حنين
والنعم من تربية ام البنين
صاحب غيره ونوماس..طگاهم راس ابراس
ــــــــــــــــــــــــــــــــــــــ
وللحوائج صاير العباس باب
چم مريض ابحظرته ياشيعه طاب
امگطعه اجفوفه ويوزع بالثواب
ابوفاضل ماي والعالم سراب
هذا الزلمه الفراس..طگاهم راس براس
محمد الجماسي
#اللهم_عجل_لوليك_الفرج
لسيدي ومولاي قمر بني هاشم
صلوات الله عليه وعليهم
منو..اليشبهك ياانسان
منو.. الرفع صيت الخوان
ذاكه الگمر بالسمه..وانته گمر فاطمه
اليشبهك ياانسان
ــــــــــــــــــــــــــــــــــــــ
عباس اتوضه ابعلي.. لمن اريد اقرالك
مومنك اتخاف الزلم..تتراجف امن اخيالك
مو واحد انته لو نحسبك يالتعادل الف
گاع الله لوتدبچ عليهه يالگمر تنخسف
زلمة علي و اشلون اوصفك وانته ماتنوصف
علي..علي هوه الرباك
علي..انحنه وقبل يمناك
يالضحكت مبسمه..وانته كمر فاطمه
ــــــــــــــــــــــــــــــــــــــ
كتّال حته ابصفنتك..من تحچي تذبح ميه
مارجعت واحد عدل..ياشيخ الاعزوبيه
يالساحگ اثخان الشوارب ياهله بغيرته
هوه انته اخذلك هيچي زلمه يكتل بخزرته
والجندي من تگطعله راسه يشرد بجثته
ركض.. يركض جثه ابلاراس
ركض..امشبعهم يالعباس
ليل الحرب مضلمه..وانته گمر فاطمه
ــــــــــــــــــــــــــــــــــــــ
لو الله نزل معجزه.. باسمك ينزل آيه
توگعلك انجوم السمه..لمن تهز الرايه
عباس الك بين العشاير مو يطيح الفصل
لعيونك اتفرع زلمنه وهم تطيح العگل
شيخ انته حلال المشاكل ميت وتنگل
الزلم..يم الرايه ايسكتون
الزلم.. وابذكرك يتصافون
المايرهم اترهمه..وانته گمر فاطمه
ــــــــــــــــــــــــــــــــــــــ
حيدر اذا رد الشمس..انته ترد العايل
كل زلمه يوجد بي نقص..بس انته كلش كامل
لمن نسولف عن جمالك مانخلص شهر
عطشان اعرفنك ولاكن من تسولف مطر
ياماي جايب بيده ماي إونهر شايل نهر
كفو..من الشيمه وحياك
كفو.. من حضن اللي رباك
يافارس الملحمه..وانته كمر فاطمه
ــــــــــــــــــــــــــــــــــــــ
ليش السره الاول ركع.. سيفك دگلي شطوله
من المدينه امك تره ..ودتلك الهلهوله
ابعباسه عباس افتخرلك والحسين ابتسم
عبدالله من كاروكه هوس حيو راعي العلم
السجاد گومته اعله حيله يادوه الكل الم
بقه.. الجيش امضيع مسراه
بقه..الله ايصيح الله
من الطفوله ازلمه..انته گمر فاطمه
ــــــــــــــــــــــــــــــــــــــ
الينولد يهدوله شي..وجبريل اجه بفراحه
ريشه شجاعه ومرجله..گاطعلك امن اجناحه
ومو ياهو يلبس ريشه مثلك ينحسب هاشمي
بالنهروان اسمك حسيني وحيدري وفاطمي
وبكربله العباس اسمك بطل العلگمي
نضل..احنه ابذكرك كل عام
نضل..ابهذا المجلس خادم
واحساسك انكلمه..وانته گمر فاطمه
محمد الجماسي
#اللهم_عجل_لوليك_الفرج
صلوات الله عليه وعليهم
منو..اليشبهك ياانسان
منو.. الرفع صيت الخوان
ذاكه الگمر بالسمه..وانته گمر فاطمه
اليشبهك ياانسان
ــــــــــــــــــــــــــــــــــــــ
عباس اتوضه ابعلي.. لمن اريد اقرالك
مومنك اتخاف الزلم..تتراجف امن اخيالك
مو واحد انته لو نحسبك يالتعادل الف
گاع الله لوتدبچ عليهه يالگمر تنخسف
زلمة علي و اشلون اوصفك وانته ماتنوصف
علي..علي هوه الرباك
علي..انحنه وقبل يمناك
يالضحكت مبسمه..وانته كمر فاطمه
ــــــــــــــــــــــــــــــــــــــ
كتّال حته ابصفنتك..من تحچي تذبح ميه
مارجعت واحد عدل..ياشيخ الاعزوبيه
يالساحگ اثخان الشوارب ياهله بغيرته
هوه انته اخذلك هيچي زلمه يكتل بخزرته
والجندي من تگطعله راسه يشرد بجثته
ركض.. يركض جثه ابلاراس
ركض..امشبعهم يالعباس
ليل الحرب مضلمه..وانته گمر فاطمه
ــــــــــــــــــــــــــــــــــــــ
لو الله نزل معجزه.. باسمك ينزل آيه
توگعلك انجوم السمه..لمن تهز الرايه
عباس الك بين العشاير مو يطيح الفصل
لعيونك اتفرع زلمنه وهم تطيح العگل
شيخ انته حلال المشاكل ميت وتنگل
الزلم..يم الرايه ايسكتون
الزلم.. وابذكرك يتصافون
المايرهم اترهمه..وانته گمر فاطمه
ــــــــــــــــــــــــــــــــــــــ
حيدر اذا رد الشمس..انته ترد العايل
كل زلمه يوجد بي نقص..بس انته كلش كامل
لمن نسولف عن جمالك مانخلص شهر
عطشان اعرفنك ولاكن من تسولف مطر
ياماي جايب بيده ماي إونهر شايل نهر
كفو..من الشيمه وحياك
كفو.. من حضن اللي رباك
يافارس الملحمه..وانته كمر فاطمه
ــــــــــــــــــــــــــــــــــــــ
ليش السره الاول ركع.. سيفك دگلي شطوله
من المدينه امك تره ..ودتلك الهلهوله
ابعباسه عباس افتخرلك والحسين ابتسم
عبدالله من كاروكه هوس حيو راعي العلم
السجاد گومته اعله حيله يادوه الكل الم
بقه.. الجيش امضيع مسراه
بقه..الله ايصيح الله
من الطفوله ازلمه..انته گمر فاطمه
ــــــــــــــــــــــــــــــــــــــ
الينولد يهدوله شي..وجبريل اجه بفراحه
ريشه شجاعه ومرجله..گاطعلك امن اجناحه
ومو ياهو يلبس ريشه مثلك ينحسب هاشمي
بالنهروان اسمك حسيني وحيدري وفاطمي
وبكربله العباس اسمك بطل العلگمي
نضل..احنه ابذكرك كل عام
نضل..ابهذا المجلس خادم
واحساسك انكلمه..وانته گمر فاطمه
محمد الجماسي
#اللهم_عجل_لوليك_الفرج
يبوفاضل..يبوفاضل
اسمك حرز للخايف
يبوفاضل..يبوفاضل
مثلك كمر ماشايف
يبوفاضل..يبوفاضل
للكربه انته الكاشف
يبوفاضل..يبوفاضل
كل يوم ازورك حالف
طرف العلم شديت..والصحنك اتعنيت
جاي ابقضيه
يابوالهله والهاك..زاير واجيت انخاك
نخوه اعربيه
اتفشلني مامعقول..يمطيب المشلول
عينك عليه
يالجفك جن عصة موسه
اجفوفي بخيراتك متروسه
ياضهر احسين وناموسه
وبصحنك محلاهه الهوسه
(عباس كظاي الحاجه)
....
يخو زينب..يخو زينب
عطرك دوه ايوصفونه
يخوزينب..يخوزينب
يالبابك ايحنونه
يخوزينب..يخوزينب
لو وجهك يرسمونه
يخو زينب يخوزينب
بوجهك علي يلكونه
وبراسك الريشات..ياحارس الخيمات
جنهن مناير
لجلك تطيح افصول.. وكل العدواوه اتزول
بين العشاير
ابنك فضل مولاي..يمك يوزع ماي
هم ساقي صاير
وامك مولاي الوفايه
ابنص الحظره اتسوي اقرايه
وعابس بيده ايهز الرايه
وجون ايرحب بالمشايه
(ياشيخ لمنه بديوانه)
...
يبوالغيره..يبوالغيره
طول المناير طولك
يبوالغيره..يبوالغيره
بزندك علگ شدولك
يبوالغيره. يبوالغيره
الخياله ماكدرولك
يبوالغيره..يبوالغيره
الماشردو ايسجدولك
بالنهروان اهناك..حيدر علينه انطاك
دور القياده
ومالك الاشتر كال..لا هذا مو خيال
مابي اراده
وبخزره منك صاح..كلبي يكافل طاح
اعذرني ناده
ياعباس ادخيلك احساسك
لو لفيت الخظره ابراسك
تحرك جيلين بانفاسك
واكبر شارب جوه امداسك
(واحسين سماك احزامه)
...
العشك انته..العشك انته
غيرك فلاحبينه
العشك انته..والعشك انته
من جربتك تروينه
العشك انته..العشك انته
خل نارك اتجوينه
العشك انته..العشك انته
وابشخصك انجنينه
حبك عذب بالروح..بابك يضل مفتوح
إيوزع حوائج
كبرك يلم الناس..وازيارتك عباس
ترسم منهاهج
مستشفى بس من نور..وانته الصرت دكتور
النه تعالج
الماعنده اوليد انته اترزقه
ابأذن الله المايحجي اتنطقه
والضايع حقه اترد حقه
حار وتجوي وتملك رقه
(عباس ياشيخ الغيره)
...
مواكبنه..مواكبنه
من هسه حظرناهه
مواكبنه..مواكبنه
واعله الدرب جبناهه
مواكبنه..مواكبنه
بمشايتك تتباهه
مواكبنه..مواكبنه
انته الذي ترعاهه
باجر تجي الخدام..مشايه وبكل عام
تحيي الشعيره
وابابك ايهوسون..ردت علينه ام عون
مثل الاميره
سحكت عله الهامات.. شيخة العلويات
زينب جبيره
ماراحت زينب مسبيه
راحت للشام اعلاميه
وانته اوياهه بنفس النيه
وراسك حارس عالعلويه
(بس راس وامخوف قاده)
محمد الجماسي
#اللهم_عجل_لوليك_الفرج
اسمك حرز للخايف
يبوفاضل..يبوفاضل
مثلك كمر ماشايف
يبوفاضل..يبوفاضل
للكربه انته الكاشف
يبوفاضل..يبوفاضل
كل يوم ازورك حالف
طرف العلم شديت..والصحنك اتعنيت
جاي ابقضيه
يابوالهله والهاك..زاير واجيت انخاك
نخوه اعربيه
اتفشلني مامعقول..يمطيب المشلول
عينك عليه
يالجفك جن عصة موسه
اجفوفي بخيراتك متروسه
ياضهر احسين وناموسه
وبصحنك محلاهه الهوسه
(عباس كظاي الحاجه)
....
يخو زينب..يخو زينب
عطرك دوه ايوصفونه
يخوزينب..يخوزينب
يالبابك ايحنونه
يخوزينب..يخوزينب
لو وجهك يرسمونه
يخو زينب يخوزينب
بوجهك علي يلكونه
وبراسك الريشات..ياحارس الخيمات
جنهن مناير
لجلك تطيح افصول.. وكل العدواوه اتزول
بين العشاير
ابنك فضل مولاي..يمك يوزع ماي
هم ساقي صاير
وامك مولاي الوفايه
ابنص الحظره اتسوي اقرايه
وعابس بيده ايهز الرايه
وجون ايرحب بالمشايه
(ياشيخ لمنه بديوانه)
...
يبوالغيره..يبوالغيره
طول المناير طولك
يبوالغيره..يبوالغيره
بزندك علگ شدولك
يبوالغيره. يبوالغيره
الخياله ماكدرولك
يبوالغيره..يبوالغيره
الماشردو ايسجدولك
بالنهروان اهناك..حيدر علينه انطاك
دور القياده
ومالك الاشتر كال..لا هذا مو خيال
مابي اراده
وبخزره منك صاح..كلبي يكافل طاح
اعذرني ناده
ياعباس ادخيلك احساسك
لو لفيت الخظره ابراسك
تحرك جيلين بانفاسك
واكبر شارب جوه امداسك
(واحسين سماك احزامه)
...
العشك انته..العشك انته
غيرك فلاحبينه
العشك انته..والعشك انته
من جربتك تروينه
العشك انته..العشك انته
خل نارك اتجوينه
العشك انته..العشك انته
وابشخصك انجنينه
حبك عذب بالروح..بابك يضل مفتوح
إيوزع حوائج
كبرك يلم الناس..وازيارتك عباس
ترسم منهاهج
مستشفى بس من نور..وانته الصرت دكتور
النه تعالج
الماعنده اوليد انته اترزقه
ابأذن الله المايحجي اتنطقه
والضايع حقه اترد حقه
حار وتجوي وتملك رقه
(عباس ياشيخ الغيره)
...
مواكبنه..مواكبنه
من هسه حظرناهه
مواكبنه..مواكبنه
واعله الدرب جبناهه
مواكبنه..مواكبنه
بمشايتك تتباهه
مواكبنه..مواكبنه
انته الذي ترعاهه
باجر تجي الخدام..مشايه وبكل عام
تحيي الشعيره
وابابك ايهوسون..ردت علينه ام عون
مثل الاميره
سحكت عله الهامات.. شيخة العلويات
زينب جبيره
ماراحت زينب مسبيه
راحت للشام اعلاميه
وانته اوياهه بنفس النيه
وراسك حارس عالعلويه
(بس راس وامخوف قاده)
محمد الجماسي
#اللهم_عجل_لوليك_الفرج
القاسم بن الحسن
صلوات الله عليهما
يامالك حواسي ومالك اسنيني
ياكوثر حناني ويانظر عيني
حنيت الدلالك. لاتكطع وصالك
يامالك حواسي
ــــــــــــــــــــــــــــــــــــــ
ماخذ كلبي وسهري وتعبي وكل ارباي
ياعافيتي وشمعة بيتي وكل دنياي
مدري ادعيلك لو ابجيلك تاه الراي
طحت ابشده..وصبري اتبده مثل الماي
بعدك كسرتي وجيتك تفرحني
وجهك ضحكتي وفركاك يذبحني
يالماهل هلالك..لاتكطع وصالك
يامالك حواسي
ــــــــــــــــــــــــــــــــــــــ
امك اني..ولاتنساني.. ياجسام
يابعد اهلي..ولمة شملي ..والاحلام
ياسجداتي..البمصلاتي..وبدر التام
الفاكد يسهر..لامايكدر..لحظه اينام
بفروض الصلاة أنته فرض سادس
بس تدري بغيابك يذبح الواهس
مشتاقه الجمالك..لاتكطع وصالك
يامالك حواسي
ــــــــــــــــــــــــــــــــــــــ
داير ضهرك.. حاسم امرك..عالترحال
شايفلك أم..بالهيمه اتظم..راحة بال
أنته استشهد..بس آنه احصد..شلة حال
موتي بموتك..وي تابوتك..من ينشال
هالليله اصدقائك كلهه معزومه
وابفاتحتك الشك ثوبه ماالومه
وجم صاحب بجالك..لاتكطع وصالك
يامالك حواسي
ــــــــــــــــــــــــــــــــــــــ
رحت بدمك.. تنصر عمك.. ..يالعريس
لامامنعك
.البس درعك.. ياقديس
ابوجه الغاضب..امضي وحارب..جيش ابليس
واني اتركني..ايورم متني..حادي العيس
رد ولاترد ياهي الاحجيهه
ماريدك تجي والذمتك ابريهه
بس ودي خيالك..لاتكطع وصالك
يامالك حواسي
ــــــــــــــــــــــــــــــــــــــ
ارحل يمه..مبري الذمه..
الله اوياك
ياجسامي..انسه ايامي
وماانساك
ابنار الدمعه..اعلك شمعه
موعد هاك
من نتلاكه..فوك الناكه
وراسك ذاك
اعتب عالرمح جي ماخذك مني
اكله يارمح خليني اشم ابني
يالعالي بجلالك..لاتكطع وصالك
يامالك حواسي
ــــــــــــــــــــــــــــــــــــــ
اخر نظره.. وتبدي الكسره
ويبده الاه
ساعه وعمك..يحمل جسمك
واتلكاه
بدم املطخ..ايجيبه واصرخ
واويلاه
واصفك بيدي..راح اوليدي
راح الجاه
راحت هيبتي وي روحة الغالي
احظر يالحسن وانعه عله حالي
جم طارش اجالك..لاتكطع وصالك
يامالك حواسي
محمد الجماسي
#اللهم_عجل_لوليك_الفرج
صلوات الله عليهما
يامالك حواسي ومالك اسنيني
ياكوثر حناني ويانظر عيني
حنيت الدلالك. لاتكطع وصالك
يامالك حواسي
ــــــــــــــــــــــــــــــــــــــ
ماخذ كلبي وسهري وتعبي وكل ارباي
ياعافيتي وشمعة بيتي وكل دنياي
مدري ادعيلك لو ابجيلك تاه الراي
طحت ابشده..وصبري اتبده مثل الماي
بعدك كسرتي وجيتك تفرحني
وجهك ضحكتي وفركاك يذبحني
يالماهل هلالك..لاتكطع وصالك
يامالك حواسي
ــــــــــــــــــــــــــــــــــــــ
امك اني..ولاتنساني.. ياجسام
يابعد اهلي..ولمة شملي ..والاحلام
ياسجداتي..البمصلاتي..وبدر التام
الفاكد يسهر..لامايكدر..لحظه اينام
بفروض الصلاة أنته فرض سادس
بس تدري بغيابك يذبح الواهس
مشتاقه الجمالك..لاتكطع وصالك
يامالك حواسي
ــــــــــــــــــــــــــــــــــــــ
داير ضهرك.. حاسم امرك..عالترحال
شايفلك أم..بالهيمه اتظم..راحة بال
أنته استشهد..بس آنه احصد..شلة حال
موتي بموتك..وي تابوتك..من ينشال
هالليله اصدقائك كلهه معزومه
وابفاتحتك الشك ثوبه ماالومه
وجم صاحب بجالك..لاتكطع وصالك
يامالك حواسي
ــــــــــــــــــــــــــــــــــــــ
رحت بدمك.. تنصر عمك.. ..يالعريس
لامامنعك
.البس درعك.. ياقديس
ابوجه الغاضب..امضي وحارب..جيش ابليس
واني اتركني..ايورم متني..حادي العيس
رد ولاترد ياهي الاحجيهه
ماريدك تجي والذمتك ابريهه
بس ودي خيالك..لاتكطع وصالك
يامالك حواسي
ــــــــــــــــــــــــــــــــــــــ
ارحل يمه..مبري الذمه..
الله اوياك
ياجسامي..انسه ايامي
وماانساك
ابنار الدمعه..اعلك شمعه
موعد هاك
من نتلاكه..فوك الناكه
وراسك ذاك
اعتب عالرمح جي ماخذك مني
اكله يارمح خليني اشم ابني
يالعالي بجلالك..لاتكطع وصالك
يامالك حواسي
ــــــــــــــــــــــــــــــــــــــ
اخر نظره.. وتبدي الكسره
ويبده الاه
ساعه وعمك..يحمل جسمك
واتلكاه
بدم املطخ..ايجيبه واصرخ
واويلاه
واصفك بيدي..راح اوليدي
راح الجاه
راحت هيبتي وي روحة الغالي
احظر يالحسن وانعه عله حالي
جم طارش اجالك..لاتكطع وصالك
يامالك حواسي
محمد الجماسي
#اللهم_عجل_لوليك_الفرج
فزاعيه للقاسم صلوات الله عليه
اليوم صاح العباس
جاسم يبنه
الما ايعزب للضيف
موش امن اهلنه
ــــــــــــــــــــــــــــــــــــــ
والنعم من عودك وتربيته
طلعك زلمه كلف من بيته
كامل امكمل مثل شخصيته
كوم لف اعله المتن جفيته
يبن إخوته والصيت
لليفزعلنه
المايعزب للضيف
موش امن اهلنه
ــــــــــــــــــــــــــــــــــــــ
جان ابوك امعزب بديوانه
انبوس اديه وانكله يامولانه
عاش فتره من الزمان اويانه
وانته ياجاسم صرت قربانه
من كريم اهل البيت
عندك محنه
المايعزب للضيف
موش امن اهلنه
ــــــــــــــــــــــــــــــــــــــ
امعوذك إبخت الحسن يهلاله
شيل سيفك واذبح العياله
الساده همه بالحرب خياله
وآنه اريدن ضربتك كتاله
والحسين يناديك
أنته أملنه
المايعزب للضيف
موش امن اهلنه
ــــــــــــــــــــــــــــــــــــــ
اعيوني مشتهيه تشوف أفعالك
كوم غطي كربله بخيالك
من تريد اتموت اموت ابدالك
وآنه لازم ضهرك وابرالك
المات ويانه ابخيت
وانزفه كلنه
المايعزب للضيف
موش امن اهلنه
ــــــــــــــــــــــــــــــــــــــ
يبن اخوي استوه خظر ياسك
أتدنه ليه وخل ابوسن راسك
لاكن ابكد الخيام احساسك
ويسوه كل الجيش شسع امداسك
اليوم جاسم ردناك
تطلع مثلنه
المايعزب للضيف
موش امن اهلنه
ــــــــــــــــــــــــــــــــــــــ
كله عد عيناك امرك واجب
العين ماتعله ابد عالحاجب
استاذي أنته وآنه اصغر طالب
حالف اسحك بيهم اكبر شارب
الماشرد من جسام
بالحومه فنه
المايعزب للضيف
موش امن اهلنه
محمد الجماسي
#اللهم_عجل_لوليك_الفرج
اليوم صاح العباس
جاسم يبنه
الما ايعزب للضيف
موش امن اهلنه
ــــــــــــــــــــــــــــــــــــــ
والنعم من عودك وتربيته
طلعك زلمه كلف من بيته
كامل امكمل مثل شخصيته
كوم لف اعله المتن جفيته
يبن إخوته والصيت
لليفزعلنه
المايعزب للضيف
موش امن اهلنه
ــــــــــــــــــــــــــــــــــــــ
جان ابوك امعزب بديوانه
انبوس اديه وانكله يامولانه
عاش فتره من الزمان اويانه
وانته ياجاسم صرت قربانه
من كريم اهل البيت
عندك محنه
المايعزب للضيف
موش امن اهلنه
ــــــــــــــــــــــــــــــــــــــ
امعوذك إبخت الحسن يهلاله
شيل سيفك واذبح العياله
الساده همه بالحرب خياله
وآنه اريدن ضربتك كتاله
والحسين يناديك
أنته أملنه
المايعزب للضيف
موش امن اهلنه
ــــــــــــــــــــــــــــــــــــــ
اعيوني مشتهيه تشوف أفعالك
كوم غطي كربله بخيالك
من تريد اتموت اموت ابدالك
وآنه لازم ضهرك وابرالك
المات ويانه ابخيت
وانزفه كلنه
المايعزب للضيف
موش امن اهلنه
ــــــــــــــــــــــــــــــــــــــ
يبن اخوي استوه خظر ياسك
أتدنه ليه وخل ابوسن راسك
لاكن ابكد الخيام احساسك
ويسوه كل الجيش شسع امداسك
اليوم جاسم ردناك
تطلع مثلنه
المايعزب للضيف
موش امن اهلنه
ــــــــــــــــــــــــــــــــــــــ
كله عد عيناك امرك واجب
العين ماتعله ابد عالحاجب
استاذي أنته وآنه اصغر طالب
حالف اسحك بيهم اكبر شارب
الماشرد من جسام
بالحومه فنه
المايعزب للضيف
موش امن اهلنه
محمد الجماسي
#اللهم_عجل_لوليك_الفرج
الامام القاسم ابن الحسن ع
...
جاسم ياغصن عمري
برباك انكسر ضهري
يوليدي
ردتك يانظر عيني
من اكبر تباريني
يوليدي
هوَ الولد لوصار زلمه
ايرد الربه وايداري أمه
شيبي كثر چاوين أضمه
يوليدي
...
الفگد ولد حِنه الضهر
وأنه افگدت ضوه ونظر
ربيتك داريتك
خليتك.. بعيوني الاثنين
احلامي بايامي
جسامي..رايح يالحنين
تضحيتك العمك فرض يبن الحسن ماالومك
بس آنه عود امحسبه افرح ييمه بيومك
امحظرتلك الحنه وشمع وامعلگات اهدومك
مزفوف ياكشخه وتجي شمحلاك بين اعمومك
وعماتك يهنّني
مو اسود يلبسني
يالغالي
ماعندي ولد غيرك
هستوني شفت خيرك
يالغالي
طبع الابن ورده ونشمه
ايرد الربه وايداري أمه
شيبي كثر چاوين أضمه
يوليدي
...
حلم وأنه احن إله
الابن وِنس يجي الهَله
تسع اشهر..آنه أنطر
شفت المر.. بايام الحمل
وابطني..امتعبني
امسهرني.. ومنك ماأمل
مرات اسولفلك چنت عن كربله وعن عابس
ومن تسمع بطاري السبي ابطني تضل اترافس
يابوالخدود الضاويه وجفن المليح الناعس
سواك ابوك المجتبى امعزب ييمه وفارس
صورة حل ردت منك
اشلون اتريد اودعنك
بس گلي
كلش فركتك صعبه
منو مثلي دفن گلبه
بس گلي
الغالي تره بالعين ارسمه
ايرد الربه وايداري أمه
شيبي كثر چاوين أضمه
يوليدي
...
ابيتم عشت وره الحسن
واصد الك بلا وطن
يم گبره..اتهل عبره
اتضل تقره..لطمية ورثاء
اتسولفله..واتگله
يامحله..الموته بكربلاء
بهالذكريات وهالصور تارس ييمه اعيونك
صاحب الدمعه الساكبه صدقانك ايسمونك
حَسبت يبني الزفتك ماحاسبه ايشيعونك
يالاحله من شم الهوه موتدري اموت ابدونك
من جاني خبر موتك
وجابو ليه تابوتك
فجعوني
گالو جاسم استشهد
يارمله إلبسي اسود
فجعوني
جا ياهو غيرك آنه احشمه
ايرد الربه وايداري أمه
شيبي كثر چاوين أضمه
يوليدي
...
إلبست درع إرفعت علم
لچن طفه ضوه الخيم
بكل خطوه... اتچوه
وبالگوه..گتلك يمه روح
اتوقع..ماترجع
واتفجع.. ضليت وانوح
(إني أنا أبن) الحسن لمن سمعت بهايه
گمت أبچي وادعي امن الگلب وآنه اعله الامصلايه
احسين اعله وجهه ركزت واحسين وجهه امرايه
شفتك يبمه اعله الرمل شفت الجسد دمايه
واحسينك لطم راسه
ولف انگابه عباسه
وگالولي
يارمله نشف نهرچ
الله يعظم باجرچ
گالولي
راح الاجاچ أمن الله نعمه
ايرد الربه وايداري أمه
شيبي كثر چاوين أضمه
يوليدي
...
چنت مثل نِده الصبح
صدگ صرت عله الرمح
ياروحي.. واجروحي
مذبوحي..صاير يالشباب
ياعيني واسنيني
امخليني.. ابچي ابهالمصاب
احچي اوي رمحك يالرمح انزل اگله إشويه
خلينه نتشابگ سوه مذبوح وي مسبيه
جاسم زغير وماشبع من شبگة الحنيه
مو فاتحه وحده إوعلي ديرة فواتح بيه
المات إلهه ابن حگهه
الدمعه ما تفارگهه
مجبوره
تاكل بالگلب وَنتي
واحط ايدي اعله خاصرتي
مجبوره
راح الذي منطيني كلمه
ايرد الربه وايداري أمه
شيبي كثر چاوين أضمه
يوليدي
محمد الجماسي
#اللهم_عجل_لوليك_الفرج
...
جاسم ياغصن عمري
برباك انكسر ضهري
يوليدي
ردتك يانظر عيني
من اكبر تباريني
يوليدي
هوَ الولد لوصار زلمه
ايرد الربه وايداري أمه
شيبي كثر چاوين أضمه
يوليدي
...
الفگد ولد حِنه الضهر
وأنه افگدت ضوه ونظر
ربيتك داريتك
خليتك.. بعيوني الاثنين
احلامي بايامي
جسامي..رايح يالحنين
تضحيتك العمك فرض يبن الحسن ماالومك
بس آنه عود امحسبه افرح ييمه بيومك
امحظرتلك الحنه وشمع وامعلگات اهدومك
مزفوف ياكشخه وتجي شمحلاك بين اعمومك
وعماتك يهنّني
مو اسود يلبسني
يالغالي
ماعندي ولد غيرك
هستوني شفت خيرك
يالغالي
طبع الابن ورده ونشمه
ايرد الربه وايداري أمه
شيبي كثر چاوين أضمه
يوليدي
...
حلم وأنه احن إله
الابن وِنس يجي الهَله
تسع اشهر..آنه أنطر
شفت المر.. بايام الحمل
وابطني..امتعبني
امسهرني.. ومنك ماأمل
مرات اسولفلك چنت عن كربله وعن عابس
ومن تسمع بطاري السبي ابطني تضل اترافس
يابوالخدود الضاويه وجفن المليح الناعس
سواك ابوك المجتبى امعزب ييمه وفارس
صورة حل ردت منك
اشلون اتريد اودعنك
بس گلي
كلش فركتك صعبه
منو مثلي دفن گلبه
بس گلي
الغالي تره بالعين ارسمه
ايرد الربه وايداري أمه
شيبي كثر چاوين أضمه
يوليدي
...
ابيتم عشت وره الحسن
واصد الك بلا وطن
يم گبره..اتهل عبره
اتضل تقره..لطمية ورثاء
اتسولفله..واتگله
يامحله..الموته بكربلاء
بهالذكريات وهالصور تارس ييمه اعيونك
صاحب الدمعه الساكبه صدقانك ايسمونك
حَسبت يبني الزفتك ماحاسبه ايشيعونك
يالاحله من شم الهوه موتدري اموت ابدونك
من جاني خبر موتك
وجابو ليه تابوتك
فجعوني
گالو جاسم استشهد
يارمله إلبسي اسود
فجعوني
جا ياهو غيرك آنه احشمه
ايرد الربه وايداري أمه
شيبي كثر چاوين أضمه
يوليدي
...
إلبست درع إرفعت علم
لچن طفه ضوه الخيم
بكل خطوه... اتچوه
وبالگوه..گتلك يمه روح
اتوقع..ماترجع
واتفجع.. ضليت وانوح
(إني أنا أبن) الحسن لمن سمعت بهايه
گمت أبچي وادعي امن الگلب وآنه اعله الامصلايه
احسين اعله وجهه ركزت واحسين وجهه امرايه
شفتك يبمه اعله الرمل شفت الجسد دمايه
واحسينك لطم راسه
ولف انگابه عباسه
وگالولي
يارمله نشف نهرچ
الله يعظم باجرچ
گالولي
راح الاجاچ أمن الله نعمه
ايرد الربه وايداري أمه
شيبي كثر چاوين أضمه
يوليدي
...
چنت مثل نِده الصبح
صدگ صرت عله الرمح
ياروحي.. واجروحي
مذبوحي..صاير يالشباب
ياعيني واسنيني
امخليني.. ابچي ابهالمصاب
احچي اوي رمحك يالرمح انزل اگله إشويه
خلينه نتشابگ سوه مذبوح وي مسبيه
جاسم زغير وماشبع من شبگة الحنيه
مو فاتحه وحده إوعلي ديرة فواتح بيه
المات إلهه ابن حگهه
الدمعه ما تفارگهه
مجبوره
تاكل بالگلب وَنتي
واحط ايدي اعله خاصرتي
مجبوره
راح الذي منطيني كلمه
ايرد الربه وايداري أمه
شيبي كثر چاوين أضمه
يوليدي
محمد الجماسي
#اللهم_عجل_لوليك_الفرج
علي راح يازينب علي راح
الضوه طاح من عيني الضوه طاح
الاكبر راح مني..يازينب كتلني
علي راح
ــــــــــــــــــــــــــــــــــــــ
الفاكد اوليده يشيب باله
اينكع اثيابه دمع وخياله
ماشبكته ولا جمعت اوصاله
الخيل ماخلتني اتدناله
اليفكدون اي والله اليفكدون
يتيهون هم مثلي يتهيون
منو الكم يزتني..يازينب كتلني
علي راح
ــــــــــــــــــــــــــــــــــــــ
اقترب منه ويجره الحافر
لوتشوفين بجماله اشصاير
أمن الصبح حسيت بي امسافر
وحدي اجيبه للخيم ماكادر
الم بيه ويتطشر الم بيه
احاچيه ومايحجي احاجيه
حظنته وماحظني..يازينب كتلني
علي راح
ــــــــــــــــــــــــــــــــــــــ
دنكتله وضهري مدري اشصابه
وجهه ردت امسح حمار اخظابه
طيحة الغالي يخيتي اطلابه
كومي شدي اصفاحي بالعصابه
الاحسين ضل ايتجي لحسين
هلج وين ياروحي هلج وين
الوجع خويه دفني..يازينب كتلني
علي راح
ــــــــــــــــــــــــــــــــــــــ
آنه اول بشر يدفن روحه
جيت واعيوني احس مذبوحه
ايدي امدهه ردت اداوي اجروحه
يمي بس والله النحر ماالوحه
كلت خاف يتأذه كلت خاف
منو الشاف دم ابنه منو الشاف
الاحبه واليحبني.. يازينب كتلني
ــــــــــــــــــــــــــــــــــــــ
امشي واكعد حيلي ماكفاني
وجيب الايكومني من امچاني
شامت ابنص الدرب ناداني
علي الاول والرضيع الثاني
حرمناك من ابنك حرمناك
تركناك تتوجع تركناك
مويس استفزني..يازينب كتلي
علي راح
ــــــــــــــــــــــــــــــــــــــ
قمر ليلى اليوم غايب نوره
الجان من جدنه محمد صوره
انكسرت ضلوع كسر قاروره
وآنه عيني اعله الدمع مجبوره
كبل جان بعيوني كبل جان
يدفان تانيني يدفان
أصيح وهاج وني..يازينب كتلني
علي راح
محمد الجماسي
#اللهم_عجل_لوليك_الفرج
الضوه طاح من عيني الضوه طاح
الاكبر راح مني..يازينب كتلني
علي راح
ــــــــــــــــــــــــــــــــــــــ
الفاكد اوليده يشيب باله
اينكع اثيابه دمع وخياله
ماشبكته ولا جمعت اوصاله
الخيل ماخلتني اتدناله
اليفكدون اي والله اليفكدون
يتيهون هم مثلي يتهيون
منو الكم يزتني..يازينب كتلني
علي راح
ــــــــــــــــــــــــــــــــــــــ
اقترب منه ويجره الحافر
لوتشوفين بجماله اشصاير
أمن الصبح حسيت بي امسافر
وحدي اجيبه للخيم ماكادر
الم بيه ويتطشر الم بيه
احاچيه ومايحجي احاجيه
حظنته وماحظني..يازينب كتلني
علي راح
ــــــــــــــــــــــــــــــــــــــ
دنكتله وضهري مدري اشصابه
وجهه ردت امسح حمار اخظابه
طيحة الغالي يخيتي اطلابه
كومي شدي اصفاحي بالعصابه
الاحسين ضل ايتجي لحسين
هلج وين ياروحي هلج وين
الوجع خويه دفني..يازينب كتلني
علي راح
ــــــــــــــــــــــــــــــــــــــ
آنه اول بشر يدفن روحه
جيت واعيوني احس مذبوحه
ايدي امدهه ردت اداوي اجروحه
يمي بس والله النحر ماالوحه
كلت خاف يتأذه كلت خاف
منو الشاف دم ابنه منو الشاف
الاحبه واليحبني.. يازينب كتلني
ــــــــــــــــــــــــــــــــــــــ
امشي واكعد حيلي ماكفاني
وجيب الايكومني من امچاني
شامت ابنص الدرب ناداني
علي الاول والرضيع الثاني
حرمناك من ابنك حرمناك
تركناك تتوجع تركناك
مويس استفزني..يازينب كتلي
علي راح
ــــــــــــــــــــــــــــــــــــــ
قمر ليلى اليوم غايب نوره
الجان من جدنه محمد صوره
انكسرت ضلوع كسر قاروره
وآنه عيني اعله الدمع مجبوره
كبل جان بعيوني كبل جان
يدفان تانيني يدفان
أصيح وهاج وني..يازينب كتلني
علي راح
محمد الجماسي
#اللهم_عجل_لوليك_الفرج